قصائد نسائية حسينية 🧕

اويلاه بـظَـهــر الـنــوگ لـلـخــوّان  ..  هـِمـنـه وأبــد مـا ينحمـل يـا نـاس  ..  هـَمـنـه لـلـشـام الـيـسـوگ الـظـعـن  ..  هـَمـنـه بــشَــتــم وســيــاط وحــبــال وأذيـّه *------------------------*---------------------* هـا كـلـمـه الـخَـذتـنــه  ..  ها يـبّتـنـه وگـبـل كـل الـعـشـايـر  ..   ها يبـتـنـه يـخـويـه ويـن صرتوا   .. هايه بـتـنـه مـاتـت بـالـغـرب ونــريــد جـيّـه *----------------------*-------------------* ✍خـادم الحسين ع الشاعر رعد الجريخي

(ام عون) آنـه ام عـون آنـه الـدهـري سـابـيـنـي *-----------------------*---------------------* ويـنـه الـيـعـتـني لـهـلـي ومظـاربـهـه ويـصـيـح الـعـقـيـلـه الشـام عـذبـهـه شـيّـب راســهــه وزيّــد مـصـايـبـهـه اخـافـن بالـغـرب ينختمن اسـنيـنـي *------------------------*--------------------* اسـولـف قـصّـتـي بالشـام وبـسـوگـه طــبيـتـه بـيـسـر وثيابي مـحـروگـه اذّآنـي الـضـعـن مـن نـوّخـت نـوگـه وشمّات اشكثـر گـامـت تـحـآجـينـي *------------------------*------------------* آنــه الـمـاهـدت سـاعــه بـواچـيـهـه وآنـه البل سـبـي وبـعـيـد اهـالـيـهـه مجروح الـجفـن والدمعه يـجـريـهـه بـغـيـاب الأهـل مـا غـمّـظـت عـينـي *-----------------------*---------------------* قـصــر ايـزيـد والـديـوان طـبـيـتـه ومسروره بفرح مـلتـمـه حـاشـيـتـه يـاحـيـف الـخـدر يـنـشـاف تـاليـتـه مـابــيـن الــزلــم عـمـداً يـخـلـيـنـي *---------------------*--------------------* عـاشـرت الحزن والحسره والـوَنّـه حاربني الـدهـر يرحمني مـا ظـنّـه لا عـنـدي اخـو يـسـمــع وفَـزعـنّـه اسكت والدموع بخدي تـچـوينـي *----------------------*--------------------* تـربـات الـمـجـد سموني مـسـبـيـه والـشـمـات كـلـهـه اتـشمـتـت بـيـه اتـمـنـيـت الأجــل وتـأخـر اعـلـيـه حـتى الـمـوت مايـقـبـل يـوآفـينـي *------------------------*-------------------* ✍خادم زينب (ع) الشاعر رعد الجريخي

شتگول الناس ياحيد الميادين شتگول الناس ياحيد الميادين *-----------------------*-----------------* مـوعـاده الـك هالنـوم موعـاده اتلگاني يخويه وهيبت الساده گـلـتلـهـم وِفاني الحيد وزيـاده حن گلبي اشوفه ونوح مافاده نايم والعقيله اتـريـدك الحِيـن *--------------------*--------------------* تدريني يخويـه الروح ملچومـه وايـام اشكثـر ماشايفـه الـنومـه مهظومه بفرگتك حيل مهظومه رديت وأثــر لـسـاط مـرسـومــه مـاچـنـه ابــوي ألـشيـد الـديـن *-----------------------*------------------* جيتك يالكفيل وحـيـل مابيـه خلاني الدهـر ماشيـل رجـليـه نـزّل محملي وعيونـك اعـليـه يمخوف الـزلـم وتهاب طاريـه اجيت الكربلـه مومره مرتيـن *--------------------------*------------------* تدري بـعيلتـك ردت محاملهـه وطـفـالك يـبـو الكلفات نزلهـه مـاريدن بعـد دمعاتي اسبلـهـه اگـعـد يالأخو والعين حكلّـهـه لـتگـلي بـعـد وحدچ تـرديـن *------------------------*--------------------* مسمـوح الأخـت للزين تشكيلـه ومتظم الحچي والصار تحچيله يربات الصميده الحامي لدخيله وگـفـهـه النـياگ ونـزّل الـعـيـلـه اهواي اهواي ملينه الدواويـن *-----------------------*-------------------* اشرحلك سفرتي والحچي كله والشام الجرحني وزيّـد العلـه تتعنه الولي المهظومـه وتـگلـه مـامـلـه الـسهـر ويـاك مـامـلـه عذبنـه يخويـه وفـرّگ الـبيـن *-----------------------*--------------------* ✍خادم العقيله ع الشاعر رعد الجريخي

رباطات يلسجاد عـمـه اخـتـك دگـومـلهـه رقـيـه اتـعـذبـت والـظيـم كاتلهـه شافت راس ابوهه والأجل حلهه ((شافت راس ابوهه وماتت ابلوعه)) *--------------------------*------------------* يلسجاد عـمـه أللـيلـه يالـيـلـه راس حسين عنهه بَعِدّه وشيله لـمـن شـافـتـه وتريد تشگبلـه ((ماتت من هظمهه يا عمت عيني)) *------------------------*------------------* للموت وجفنهه تنـزف ادمـوعـه مفجوعه رقيه ابظيم مفجوعه ياويلي عليهه ومـاتـت ابلوعـه ((ابعيد دفنوهه وياويلي الرقيه)) *------------------------*-------------------* أه الشـام بيهه سـوه مـاسـوه حـد يوم المنيه ابـنـار تـتلـوه مابيهم رحم معدومـه المروه ((من كثر البواچي اتموت خلوهه)) *------------------------*---------------------* ✍خادم رقيه ع الشاعر رعد الجريخي

((زينب وصل حاديهه)) زينب وصـل حـاديـهـه رايـتـك رفـرف بـيـهـه زينب وصـل حـاديـهـه رايـتـك رفـرف بـيـهـه                 *---------------*---------------* اتـلـگـه زيـنـب يـالـگـمـر  رايـتـك رفـرف بـيـهـه لايـحلـه نـومـك عالنـهـر  رايـتـك رفـرف بـيـهـه اتلگـاهـه يالـكـلـك فـخـر  رايـتـك رفـرف بـيـهـه تـدريهـه شيـبـهـه الـدهـر  رايـتـك رفـرف بـيـهـه          (( عباس اگـعـد شـيـل الـرايـه )) يالچنت خـيمـه اعـلـيـهـه   رايـتـك رفـرف بـيـهـه                 *---------------*---------------* اتـگوملهه اخـتـك تنتظر  رايـتـك رفـرف بـيـهـه سفرتـهـه ماخـلـت صـبـر  رايـتـك رفـرف بـيـهـه مكسـوره وبـعـازت جـبـر  رايـتـك رفـرف بـيـهـه لـ زيـنـب اشـلـون الـعــذر  رايـتـك رفـرف بـيـهـه         (( تـدريـهـه ابـفگـدك مهضومـه )) مــن الـتـعـب مـــا بـيـهــه  رايـتـك رفـرف بـيـهـه                 *---------------*---------------* اتخفف اعـليـهـه الـحـزن  رايـتـك رفـرف بـيـهـه اتـعنـتـلـك اتـنـوح وتـون  رايـتـك رفـرف بـيـهـه بالـرايـه نشفلهـه الـجـفـن  رايـتـك رفـرف بـيـهـه ابـشـوفـك ايطيب المـتـن  رايـتـك رفـرف بـيـهـه           (( يلـچـنـتِ ابـزودك حـامـيـهـه )) اخـتـك اجـت حــاچـيـهـه  رايـتـك رفـرف بـيـهـه                 *---------------*---------------* هـاي الـعـقيلـه بـالـظـعـن  رايـتـك رفـرف بـيـهـه حاربهه ياخـوهـه الـزمـن  رايـتـك رفـرف بـيـهـه بلـكـي المصـايـب يـنسـن  رايـتـك رفـرف بـيـهـه ويـاهـه الحـرايـر هالأجـن  رايـتـك رفـرف بـيـهـه          (( اخـتـك يالـهـيـبـه اتـلـگـاهـه )) حــيــل الـدهــر مــاذيـهــه  رايـتـك رفـرف بـيـهـه                 *---------------*---------------* ردت عـلـيـك الـكــربـلــه  رايـتـك رفـرف بـيـهـه هودجهـه بـديـدك نـزّلــه  رايـتـك رفـرف بـيـهـه هـذا الضـعـن والـعـايـلـه  رايـتـك رفـرف بـيـهـه عـبـاس يـابـو الـمـرجلــه  رايـتـك رفـرف بـيـهـه          ((  گـوم ونـزلـهـه امـنـل نـاگـه )) أســأل يـحـيـد اشـبـيـهـه  رايـتـك رفـرف بـيـهـه                 *---------------*---------------* ماعـدهـه غـيـرك يلحـمـه  رايـتـك رفـرف بـيـهـه مجروحه لبـوَت فـاطـمـه  رايـتـك رفـرف بـيـهـه ألـمـن خـدرهـه اتـسـلـمـه  رايـتـك رفـرف بـيـهـه اعـلـيـك تــدري امـعـلّـمـه  رايـتـك رفـرف بـيـهـه          (( ردت تـشـكـيـلـك يالـهـيـبـه )) مـو طـبـعـك اتـخـلـيــهــه  رايـتـك رفـرف بـيـهـه                 *---------------*---------------* ✍خادم الحسين ع الشاعر رعد الجريخي ملاحظه بين الاقواس رباطات

قصيدة ( آه يا جابر ) من وزن الموشح بعد عودة الامام السجاد عليه السلام ولقائه بجابر بن عبدالله الانصاري آه يـــا جــابــر تنــــاشــد عـالجـــره منين اسـولف والله روحـي مّحيره *----------------*---------------* منين أبـديلك واسولف يــا مصـاب مــن مصــايـب كــربلــه دلالـي ذاب عن أبــوي حسين لــو عـــن الشباب اجســوم ظلت مــن دمـاهـا أمعفره *----------------*---------------* أرد اسولفلك علــى حسين شسده بعــد ذبحــه داستـه أخيـول العـده وجثتــه ظلت عالــرمـال أمــوسده بعــد مــــا گطعــت أميــه منحـــره *----------------*---------------* آه يــا جابــر بعــد عيني شتشـوف عالشريعه الگمر مگطوع الچفــوف قِبلِــه صــايــر للنـــبال وللسيـــوف وجثتــه عالشــاطــي بگت متوذره *----------------*---------------* أهنــاه يجابر طـاح الأكـــبر عالتـراب وجاسم ابكتـره دماه أصبح خضـاب يا مصــاب الطــفل مــا مثلـه مصاب آه يـــــا نبلـــة ضــمـــاه امـــوجــره *----------------*---------------* آه يـــا جــابــر شسـولــف يــا الـــم يــوم شــبت نــارهم وسـط الخـّيم عمي بالطف هجـتْ أطفــال وحـرم وين تشرد والطفـــوف أمحـاصــره *----------------*---------------* آه يــا سهـم ألــي صــوّب مهـجتّــي يمْ يــزيــد بحســره وگفــت عمّــتي شلــون يــا جــابـر أبطــل دمعـتّــي وگلب زينــب نـــــار تلهــب مسعـره *----------------*---------------* آه يــــا شــام الشمــاتــه وحســرتّــه تبقى حـــد المــوت تسعـــر جمـــرتّـه يا مصاب احچيــه روحـي الشـافـتّه عن رقيه أمصــاب مــا مثلـه جـــــره *----------------*---------------* آه يــا جابــر جمــر مـــا أظـن يهيد روس فوگ أرمــاح وبأيدي الحديد ابتشر يـا وسفــه وشمّت بينـا يزيد تظـــل  جمـــراتـي  لحّــدْ الاخـــره *----------------*---------------* الشاعر موسى البديري

جيشين التـقن باطـل گبــاله الحـگ وي يا جيش چفك من يصير الطگ وي حسين لو تبقى أعلـى تـل العار ثـوب العــار مــا يسـتر تـره مشگگ ( وحسين الذل لا ميريده ) الشاعر موسى البديري

عندك علم داعشكم شصار وياه بالمگابل احطك يالنـِذل فوگــاه دم اولادي بالك تعتـقـد ننســاه ( ما يبرد دم العياله ) الشاعر موسى البديري

فـدوه نگِـول وي حسين الاستشهد نرده ان شاءالله ودم اهلي ما يبرد التماده اليوم لابد ما نحطله الحـد ( والعايل نگطع چف ايده ) الشاعر موسى البديري

@Alaa_ka9111 لطلب التلحين اي قصيده الدخول على المعرف👆👆 لطلب اي قصيدة كذلك مراسلت المعرف الخاص

بعد عودة الضعن الى المدينه وسمعت ام البنين صوت الناعي ينعى الحسين خرجت مذهوله صوت النعي منين يـــا يمّــه يحسين يا بشر خبرني شجره نــار بدليلي اموجره صوت النعي منين ** ام البنيـــن الاربعــه بـــأرض المدينـــه نيــران تلهــب والگلـــب دايــم ونينــه والينـتظــر غايــــب يــــرد الله يعينـه ما تهده ناره وعالدرب مشبوحه عينـه تتنطـر إخبـــار أوسط الگلب نار شيطفي ناره المسعره نــار بدليلي اموجره صوت النعي منين * تــدريهـا التفـارگ ولـــد تتنطـــره أيعـــود وكل ساعه لفراشه تصد كل ضنها موجود شحــال التفـــارگ أربعـــه آويــاهم العـود أحــا يگلـــب الوالـــده بالحســره ممــرود توگف على الباب واتانــي غيـــاب وشيصبر المتحيــره نــار بدليلي اموجره صوت النعي منين * منتظره ردتهم لچن صــوت النعـي صـاح ركضتله بس وسط الگلب صوبها برماح ياهو انته صحت والدمع من الجفن طـاح يالتنعه گلبي وي النعــي من الصدر راح تنعــامن اليــوم وشجايب اعلوم وينه عزيز الطاهره نــار بدليلي اموجره صوت النعي منين ** لمـن ســـأل عنها أنــذهل ام الولّد هــاي تسأل على حسين ابدمع بس فاگده الراي گــال الهـا ولــدچ عالثـــره گلتله عينــاي وطاح الگمر يم النهر بس ما شرب ماي ولـــدچ مطــاعين گالت والحسين گللها ظل اعلى الثره نــار بدليلي اموجره صوت النعي منين * مــا همتــچ هـــاي الولــد كلهم مچـــاتيــل بحسين خبرنــي شجـره ودمعـاتچ تســيل مــذبوح وبصــدره تــرض يم الگمـر خيل والراس عالرمح أنرفع كــل لحظه ويميـل يوليدي مذبــوح وزينب سبي تروح وبالدمه جثته امعفره نــار بدليلي اموجره صوت النعي منين * كـــل الــولـد يم الولد بالطــف هديــه وســالم يرد ريته وعلي شبل الزچيـه ودونه ترض صدري يريت الاعوجيه ودونــه اظل اعلى الترب بالغاضريـه من اشرب الماي تتـــلاهب اچلاي چبدي ألك متفطره نــار بدليلي اموجره صوت النعي منين ** الشاعر موسى البديري

قصيدة ( آه يا جابر ) من وزن الموشح بعد عودة الامام السجاد عليه السلام ولقائه بجابر بن عبدالله الانصاري آه يـــا جــابــر تنــــاشــد عـالجـــره منين اسـولف والله روحـي مّحيره *----------------*---------------* منين أبـديلك واسولف يــا مصـاب مــن مصــايـب كــربلــه دلالـي ذاب عن أبــوي حسين لــو عـــن الشباب اجســوم ظلت مــن دمـاهـا أمعفره *----------------*---------------* أرد اسولفلك علــى حسين شسده بعــد ذبحــه داستـه أخيـول العـده وجثتــه ظلت عالــرمـال أمــوسده بعــد مــــا گطعــت أميــه منحـــره *----------------*---------------* آه يــا جابــر بعــد عيني شتشـوف عالشريعه الگمر مگطوع الچفــوف قِبلِــه صــايــر للنـــبال وللسيـــوف وجثتــه عالشــاطــي بگت متوذره *----------------*---------------* أهنــاه يجابر طـاح الأكـــبر عالتـراب وجاسم ابكتـره دماه أصبح خضـاب يا مصــاب الطــفل مــا مثلـه مصاب آه يـــــا نبلـــة ضــمـــاه امـــوجــره *----------------*---------------* آه يـــا جــابــر شسـولــف يــا الـــم يــوم شــبت نــارهم وسـط الخـّيم عمي بالطف هجـتْ أطفــال وحـرم وين تشرد والطفـــوف أمحـاصــره *----------------*---------------* آه يــا سهـم ألــي صــوّب مهـجتّــي يمْ يــزيــد بحســره وگفــت عمّــتي شلــون يــا جــابـر أبطــل دمعـتّــي وگلب زينــب نـــــار تلهــب مسعـره *----------------*---------------* آه يــــا شــام الشمــاتــه وحســرتّــه تبقى حـــد المــوت تسعـــر جمـــرتّـه يا مصاب احچيــه روحـي الشـافـتّه عن رقيه أمصــاب مــا مثلـه جـــــره *----------------*---------------* آه يــا جابــر جمــر مـــا أظـن يهيد روس فوگ أرمــاح وبأيدي الحديد ابتشر يـا وسفــه وشمّت بينـا يزيد تظـــل  جمـــراتـي  لحّــدْ الاخـــره *----------------*---------------* الشاعر موسى البديري

@Alaa_ka9111 لطلب التلحين اي قصيده الدخول على المعرف👆👆 لطلب اي قصيدة كذلك مراسلت المعرف الخاص

رقيه (حبيبة الحسين) لا بـقــت حـنـيّـه     ولا بـقـت  تـرچـيـه بـس الدمع بقالي     بـس الدمع بقالي                                     *---------------*---------------* انـه بـنت الـشـيـخ معروفـه ابـدلالـي لا تـراچـي ولا ابـو بـالـطـف بـقـالـي سلّبوا خاچـيـت ابـوي ودمعي هالـي مـدري واقـع لـو حلـم هـذا الـجـرالـي دمعاتي واللوعـه    للسحگو اضلوعـه                                     *---------------*---------------* عمري فرحـه وغـرگت ابروجـت حزنـهـه جــنــه چـانـت دنـيـتـي وداسـو عـدنهـه انـي يـاهـي وتـنـسـبـي وتـنـجــر اذنّـهـه انـي مـحبـوبـت ابـوهـه اليحچوا عنـهـه يا لوعه احملهه       وياهي الاسهلهه                                     *---------------*---------------* فجئـه خـلانـي الـدهـر بـيـن الطوايف لايّـذه بـعـمـتـي السبيـه وکلـبي خايف اهـلـي آل بـيت واكــعــد بـالـصـرايـف بـخـدي بـوسة والـدي وطـبـع الشفايف الـمثلي اشينسّيهه      والذكرى تچويهه                                     *---------------*---------------* ما خـذة الـسـلّاب عـمـري بس تـراچـي گـطّع آذانـي وسـلـب ذيـچ الـخـواچـي وضلوا بذاري التـرب اهـلـي الـزواچـي شـلـي بـيـامـي اشـبـعـد غـير الـبـوچـي بحزاني مالومـه    عالسلبو اهدومـه                                     *---------------*---------------* شاهدت عـمـتي وشـمـر يـنـظـر عـليـهـه أمــدنـّگـه الـراس وسـتـر سـوّت اديـهـه بـيـه مـا بـيــه كـمـت رحـت اعـتـنـيـهـه صـدت لأذنـي وعِلـه الصوت الـبـچيـهـه صاحتلي ياعمه       وبحالي منصدمه                                     *---------------*---------------* اه يالـشــام الــجـرحـنـي وخـلــه عِـلــه ويلي لاحـزانـه الشفتـهـه اويـلـي لـهـلـه شـيّـب الـراس ودلـيـلـي وآ نــه طـفـلـه اتوسلت ربـي ودعـيـتـه مـوتي عَـجـلـه يا مصعب الروحه      للتنزف جروحه                                     *---------------*---------------*    ✍خادم الحسين (ع) الشاعر رعد الجريخي

الأمام السجاد ((ع)) .        أبـوي امـصـيـبـتـه الأكـوان.. عَـــمّـٰـت          وإلـي بـطـف المصايب ذاك.. عَم مات          شفت بعيوني فـوگ النـوگ.. عــمّــات بـسبــيـهـن مــا بـقـى كـل حـيـل بـيـه                 *---------------*---------------* ✍خادم الحسين ع الشاعر رعد الجريخي

الأمام السجاد ((ع)) يخاطب الأمام الحسين ((ع)) .           يبويه اشلون ألِـم الـجسـد.. وشلاه             يالمـطشّـر وصـل عـالـگـاع.. وشلاه             جبتلك مـن دمـوع الـعـيـن.. وشلاه الـدمـع والحـيـل شَـحّـن مـو بـديـه                 *---------------*---------------* ✍خادم الحسين  ع الشاعر رعد الجريخي

الامام السجاد (ع) يتكلم مع جابر الانصاري عمي جابر       شحچي عن الغاضريه عمي جابر       اهلي راحوا من اديـــه عمي جابر       عمتي گادوهه سبيـــه                       *------------------*----------------* والدي  داسوا  ضلوعه گبالي شفتــه انكسر  ظهري  بمصابه  و ما حملتـه جيتك بدمعت عيوني وابچي سكته ريتك  بعاشر  محـــرم حـــاضر  انته سلبونه       وحرگو اخيمنه علينـــه سلبونه       والشمر يحدي الضعينه سلبونه       وبالدمع هاليوم اجينــه                  عمي جابر                       *------------------*----------------* الگمر عذبني جرحه و ذاكه حالـــه العلم طاح بيمنه و خصمه  شالـــه حقي انوحن والجفن دمعي حلاله هذا  انه الكربله  سكنت  خيالـــــه ذكرياتي       سلبوا گدامي خيمــــــه ذكرياتي       بين مفجوعه ويتيمـــه ذكرياتي       دمعتي و ذيچ الهضيمه                  عمي جابر                       *------------------*----------------* حرمله صوب دليلي  بكل  سهامـــــــه خله عبدالله يرفرف چن حمامـــــــــه عمي يا جابر حرام  الليل  انامــــــــــه عيني تغمض و استمع صوت  اليتامه صعبه هايه       عمري اخلصنه  مناحه صعبه هايه       اليسهر  بلوعة  جراحه صعبه هايه       مظلم الليل وصباحــه                  عمي جابر                       *------------------*----------------* كربله شفت العجايب اني  بيهــــــه بالحرم جرحوني عمي و شد اديهه آه يا صرخة رقيه و هم سبيهـــــــه ذوبت گلبي وانظر عيني ابچيهـــــه شاهدتهه       تبجي والدم بأذنهـــه شاهدتهه       طابع السوط ابمتنهـه شاهدتهه       بيه ما يطفه  حزنهــه                  عمي جابر                       *------------------*----------------* اصبر  شلون و اشاهد عمتي تنعـه اذكر  الشتّمهه  يمي وانه اسمعـــه عمري احسنه يخلص  دمعه  دمعه وحدي خلوني الغوالي والله فجعه فارگوني       واني اجيتك بالسبايـه فارگوني       و الدموع بلا  نهايـــــه فارگوني       وغابو  بوادي  المنايـه                  عمي جابر                       *------------------*----------------* الحياة بعيـني صارت كلهه مـــــــره السبي وحرگ المخيم عندي ذكــره حرّمت نومي الليالي و بيه عَبــــره شفت الحسين وحوافر فوك صدره والله هضمه       عايش  بنار المصيبـــه والله هضمه       صعبه اليودع حبيبــــه والله هضمه       اليبقه بدموعه ونحيبه                  عمي جابر                       *------------------*----------------* ✍ خادم الحسين ع       الشاعر رعد الچريخي

#أبوذيـات البخت دار بهداوة.. دار عينه وصدرة برمح باشط.. دارعينه الشمر يذبح واخيي... دار عينه علي وانكطع نفسه وحار بيه بجينه وآنه لتضن.. دمعي ابينه افه وماراح تلكه.. دمعه بينه شبكنه حسين وتخر.. دم عبينه لحد مانكعت أرض الغاضرية وحك فراكك الطشر.. لمتنه طاح حسين والوادم.. لمتنه انسحك متنه وامد ايدي.. لمتنه غفلة وجرته الخيل من ادية تل ما شفنه بالطف.. بس تل ام عون هلي والدم خذاكم. بس تلمعون شني معقولة زينب. بس تلم عون وتعوف حسين مرمي اعله الوطية موش ادموع بالطف ماشكتله دمه والروح شكوة ماشكتله الشمر عطشان گلي ماشي اكتله بحقد وذبح اخوج بذني اديه اسماعيل السعيدي #اللهم_عجل_لوليك_الفرج

#نعـي لعند الشام من لاحت علايم حنت زينب او باجي الفواطم شافن من بُعد لمة الوادم او عليها الحزن بغيومه تلملم ونت زينب و گامت تنادي علیک اقسم ابجدنه النبي الهادي عنه الروس طلعها يحادي او على اضعون الحرم خلها اتجدم يحادي هاليساره اعطف عليها او لا تمشي بطريج العام بيها ترانه الشام بس ما نصل ليها علينه الناس من كل كتر تلتم يحادي عاين الهاي الروايه لفت و تريد تتلگه السبايه علينه اهون وحگ الله المنايه او من عدها الشماته اصعب او اعظم يحادي عاين الحال اليساره بیش امن الخلگ هاي انتواره خاف اعلى الضعينه اتصير داره وارامل عالمهازل تصرخ او يتم طب للشام ظعن اليسر مصباح والمبشر لعند ايزيدها راح صعد فوگ الگصر مطرب او مرتاح او من شاف الضعن كام ايتبسم صارت عالضعينه الوادم أصفوف امحنيه أچفوفها وادگ بلدفوف او زین اعبادها بالحبل مچتوف تهل عينه أو يتمنه المحتم يشوف أهل الشماته اتشوف العيال وهيه اعلى الهزل مجتوفه بلحبال گصد يمه سهل و الدمع همال حب ایده او على السجاد سلم تفكر له السهل والحيل بايد يصح عندک یگله ثوب زايد الحديد الرگبتي يا سهل چايد جرحها او گام منها ينضح الدم من طوگ الحديد ايسيل دمي و عاين للحرم و يزود همي عسن يا ريت لا ولدتني أمي او يراني ايزيد بالذله الموسم عگب ما سكن هضل الناس والويد او گضت بيهم الوادم فرحة العيد خذوا كل اليساره المجلس ايزيد وهو اعلى التخت وبها النصر مغرم ابراسه التاج و بها النصر فرحان ويمه جاعد أعلى التخت مروان لمن عاين الذلة النسوان گام النغل بأسلافه ايترنم صاح الرأس وينه أو حين شافه هتف بالثار و تذکر اسلافه شال العود و يجلب شفافه أو يضرب گام من عنده المبسم الشاعر المرحوم السيد عبد الحسين الشرع #اللهم_عجل_لوليك_الفرج

#نعـي دخول الضعن إلى الشام ياشامهم مابيك غيره؟ ارحم مره جتك چبيره وگبالي مچتوله عشيره وماخوذه من ديره لديره ضيمي طفح لتضنه عايز جدامي روس أهل الجنايز الضيف يتلگونه جايز چا عَلَي شو هدت عجايز فاتحتي عالناگه نصبتها وچوادر بروحي شلتها ودموعي ليهم وشلتها وعملتك كلش ما ردتها من الخيم هالجيتك ارماد ونضراتكم تاكل باللفّاد بس عاد من النار بس عاد حرگت اعمامت علي السجاد وين اللذي يدورون الحگوگ بنصهم دخلنه مكشفه النوگ ونسوانكم طبن وسط سوگ يزلام هاشم كلفه متلوگ يالضامينه اشهور وسنين يزلام هاشم گومو هالحين زينب تره طبت دواوين والزلم تتفرج الصوبين ملا كرار الخفاجي #اللهم_عجل_لوليك_الفرج