قصائد حسينية مكتوبه

گـــــومـو ويه الزهره انواسيها راح ابوها الچان خيمه اعليها @ـــــــــــــــــــــــــــــــــــــــــــــــ@ گومو ياشيعه نواسي فاطمه اليوم لمصاب النبي تبچي السمه راح ابو القاسم واخو حامي الحمه نضلم مثل اولاده....راح ابو هل ساده وفاطمه تصفج بقت بيديهـا راح ابوها الچان خيمه اعليها @ــــــــــــــــــــــــــــــــــــــــــــــ@ النبي مات ونعشه حيدر شايله مـايله الدنيه ويه حيـدر مـايله دموعه تجري وعله خدوده سايله علي امتــيه دربه.....راح يدفن گلبه والزچيه الألـــــــم يكــبر بيها راح ابـو ها الچان خيمه اعليها @ـــــــــــــــــــــــــــــــــــــــــــــــ@ گومو ياشيعه ونشــــروه السواد ااويــه سبعه السمه نصبوه الحداد شال نعش المصطفى ايـالعبـــاده الدنيه صارت ضلمه....راح خيير الأمه شبيها مخبوصه الشداد اشبيها راح ابـوها الچان خيمه اعليـها @ـــــــــــــــــــــــــــــــــــــــــــــ@ فاطمه اليوم الحزن بيـها سره عافها الهــادي وحيده مكدره بهاذه موته راح يجري الماجره راحو ايعصرونها.....وطفل يوگع دونها النبي رايـــح والنــذل يوليها راح ابوهــا الچان خيمه اعليها @ـــــــــــــــــــــــــــــــــــــــــــــ@ ضجت الدنيه عله فگد المرتضه راح مضلوم وسبب بالسم گضه نگطع نفسه ومن الم چبده مضه سمموها روحه.....والكتب مفضوحه وام حسن هل سكته اتأذيها راح ابوها الچان خيمه اعليها @ــــــــــــــــــــــــــــــــــــــــــــ@ وسفه وجه النبي يعليه التراب صواب فگده وبعد شيطيبه الصواب اليوم كلها شيعته نترست عذاب وعلي الله يعينه.....دمه تنگط عينه جــــــروحه جانــــت يمه ايداويها راح ابوهــــا الچان خيمه اعلــيها @ــــــــــــــــــــــــــــــــــــــــــــ@ تمت بفضل صاحب الزمان( ع) #علي_الـحموداوي https://telegram.me/aabas78 قصائد لكل ايام محرم اشترك بالقناة

موشح لاستشهاد الرسول صلى الله عليه واله وسلم يارسول الله ياخير الورى انقلبت اعله اعقابها الوادم تره ………… لحظة الغمًَضت عينك يالرسول والسقيفه تصول بالأمه وتجول بدلوا بدينك فروعه والاصول بالسقيفه نباع دينك وانشرى …………. و الأمامة هالأصل هذا لغوا ومن كنت مولاه علي مولاه نسوا باطله الوادم ودينك حرفوا ومن اهدها بالدمى الباطل سِرى …………… كلشي صح وعدل مايرهم بعد شيخوا البغلين وتكتر الاسد الجانوا يصيحوله بالشده مدد البايعوا باعوا وهذا الي جرى …………… يارسول الله بنيتك بضعتك الأمة الـ تآذيها يعني آذتك يارسول الله ابشرك امتك تدفع الباب وضلعها تكسِرى …………. يارسول الله واهل بيتك غُرب من بعد عينك بنيتك تنضُرب مو كلت حاجوها من خلف الحُجِب امتك خِلفت وخدها تسطرى …………. بالكفر الاعراب اشد من اليهود على ذريتك التفوا چَن فهود والعهود شكثر نقضوها العهود ولد ام الفِتن مو ام القرى …………. ياحبيب الله يا اعظم حبيب الجرى بسبطينك امر كلش عجيب عن حسن وحسين خنسولف نحيب بين سم وبين جثه اعله الثرى …………. الحسن المدَ ـلِلـه شوفه تعال من عكب عيناك حاله شلون حال سود الايام وعصيات وثچال غدرته وسمته اللازم تِشكره ……….. والحسين آخ من اسولف عالحسين الكلب ينزف مو دمع تذرف العين جثِّـته مطشره وعياله مطشرين يارسول الله وجثته موذره …………. من شجرتك كاطعين شكم غِصن يارسول الله وبِناتك بالمُدن عين ماشافت ولاسمعت إذن يطببون بسوك حرمه مخدره ……….. يارسول الله ولهسه هالفِتن محنه نخلص منها ونفوت بمِحن والعرب لِسه تِحِن اعله الوثن تخاوي اليهود وكتابك تهجره ………….. هالاعراب بلا بصِيره ولابصر لليهود احلاف والشيعه خطر لان من ولدك الحُجة المُنتظر وشيعتك منتظره ابنك تنصره الشاعر احمد ابو الشون https://telegram.me/aabas78 قصائد لكل ايام محرم اشترك بالقناة

قصيدة النبي الااكرم ع••♕ نزال حزن هـاي الناس مـاسرت بخـاطرها وبـفراگ الـنبي سلت خـناجرها ـــــــــــــــــــــــــــــــــــــــــــــــــــ يالبعدك طـريح فراش وتـعالي مهضومـه وألوج وعبرتي تلالي والغالـي بصفاتك مايصح غالي لخانو مهجتك طلعت••ونته رويحتك صعدت عگبك يالنبي طلعت كل شرها ـــــــــــــــــــــــــــــــــــــــــــــــــــ گوم وشوف بويه شصار بغيابك ومـاچـان الهوه يـمر عـلى بـابـك مسموم وتـروح اتـفارگ احبابـك وصحاب الغدر بعدك••سمهم يمرد بچبدك وشبااه الزلـم بويه الطمع جـرها ـــــــــــــــــــــــــــــــــــــــــــــــــــ محتاره بمـصابك يالرحت عـني كل اهلك تـنوح گبالي يـاحـزني وصـحاب السقيفه لـزيـدو ونـي حيدر منكسر ظهره••بفراگك يبو الزهره يـاهـو بغيبتك كسرته يـجبرهـا ـــــــــــــــــــــــــــــــــــــــــــــــــــ فـوگ المغتسل وصحابك اتعوفك بس حيدر تغسل دمعته اچـفوفك برماح وسيوف الچانت اصفـوفك شـالك للگبر چـفه••ليبچي بكسرته تعرفه كـلهم عـالـحكـم سلـت بـواتـرهـا ـــــــــــــــــــــــــــــــــــــــــــــــــــ ولفك بـالچـفن حـيدر يبعد العين بفراگك ينوح وليدي بويه حسين ومثلك يالگلب گـلي اجيب مـنين حـيدر نـزلك بـيده••يـدفن بالگبر عيده روحي بـغيبتك يـاهـو اليصبرهـا ـــــــــــــــــــــــــــــــــــــــــــــــــــ ظل حيدر وحـيد وحزنك يكسره ومـتبطل مناحه بـدونك الـزهـره يـالنورك جفانـي وخـانـگ الـعبره خانو ملحك وبيتك••وبموتك عله صيتك بنتك بـالغصب يابـويه يعصرهـا ـــــــــــــــــــــــــــــــــــــــــــــــــــ خادم الحسين ع مهندالعايدي تمت بفضل الله وال محمد ع نسالكم الدعاء/ الزهراء ع تسولف حالهه لبوهه باخر انفسه الطاهره والاخيره https://telegram.me/aabas78 قصائد لكل ايام محرم اشترك بالقناة

اوصيتك بعدك ترى حرفوها ودار بنتك فاطمه حرگوها // حين عينك غمضت كلشي اختلف والمصالح بدت تحكم للأسف باب دارك جمعو اعليها السعف بنارهم ياالمصطفى شبوها // ناس ماعدها مبادئ لا بخت ركبو اجمال الخيانه ونوخت ركض ياالهادي السقيفه تأسست بلا دفن وجنازتك خلوها // انت من يوم الرحت عن دنيتك على اعقاب انقلب أكثر أمتك ضربو بعرض الجدار اوصيتك اشكثر بعدك عترتك ضلموها // چن جلد حرباء هم تقلبوا بكيفهم جابو فلان ونصبوا على عزل المرتضى كلهم صفوا مسألة وتفقو وحلوها // اشگد سوالف يارسول الله جرت ناس بسم الدين بعدك تاجرت ضلوع بنتك تدري ليش  اتكسرت بغظآ بحيدر علي صابوها // الدين بعدك راسه باالسيف انضرب ومنبر الشيطان عاالگاع انصب عاالخيانه معلمه بعض العرب مسرحية والربع جادوها // المصايب من سقيفتهم بدت نفس الوجوه القديمه عاودت ويه اليهود اليوم ضدنه تحالفت والقضية بلا ثمن باعوها // سعد العبودي https://telegram.me/aabas78 قصائد لكل ايام محرم اشترك بالقناة

🏴━━━━━━━━━━🏴 قناةللإعلان: https://t.me/aabas78 🏴━━━━━━━━━━🏴 السلام عليكم ورحمة الله وبركاته اخواني خدام الحسين عليه السلام اصحاب المتاجر والمحال والمنتجات وأصحاب البيجات نوفر لكم وصول مباشر لـ 👥 123,000 متابع حقي من محبين اهل البيت عليهم السلام ━━━━━━━━━━━ 📊 احصائياتنا: - المشاهدات: 35K - 45K لكل قصيدة - التفاعل: عالي جداً - الجمهور: العراق + الخليج + المهجر ━━━━━━━━━━━ 💰 الاسعار | عرض خاص محدود 🎉 1️⃣ منشور 24 ساعة = 30.000 د.ع 2️⃣ تثبيت 7 ايام = 100,000 د.ع 3️⃣ باكج شهركامل = 250,000 د.ع ━━━━━━━━━━━ ✅ مميزاتنا: - النشر بوقت الذروة 8 مساءً - تقرير مشاهدات بعد 24 ساعة ━━━━━━━━━━━ 📞 للحجز والاستفسار: تليجرام: @tjaryw واتساب: +9647723361164 ملاحظة: الاسعار لدعم القناة وخدمة الحسين لا نقبل اعلانات مخالفة لنهج اهل البيت عليهم السلام #لبيك_يا_حسين #خدمة_الحسين_شرف

إلى استشهاد النبي ص ------------------- تجـري دمعتهه الحزينة ... وي علي حـامي الضعينة من رحل سيد البشر... مدمع الزهرة أنحدر وي علي حـامي الضعينة ** شــــلون من ودعت أبوها فاطمة بقت بالهـــــــــم والمأســـــي مألمه تبجي ويالزهـــــرة أمـلاك السمه شكَد عظيمـة مصيبته حامي الحمه ودع عضيدة ونصيره ... طه مايحصل نظيره يفجع الحال الخبر ... مدمع الزهرة أنحدر وي علي حـامي الضعينة ** كورت يـمها المصــــايب والحـــزن ليل ونهار الزجـــــــــية بس تون بفكَد أبوها الزهرة ماغمض جفن مثل حــن أم الولد ظلت تحــن ظلت الدمعة جرية ... وتنحب لسيد البرية مارحم بيها الدهر ... مدمع الزهرة أنحدر وي علي حـامي الضعينة ** نـــار ظـــلت بالدليـــــــل موجـره تحـــرك بكلب الزجيــة وحيــــدره طلعت وعبرتها والله مكســـــره شلون أبوها عالوطــية تنظــــــره عليها حلت يامصيبة ... بت رسول الله وحبيبة عجلت ليش السفر ... مدمع الزهرة أنحدر وي علي حـامي الضعينة ** مكـدرة بعــــده وتون مثل الحمــام عيون ســـهرانه علفكَــــده مـاتنام بعد أبو القاسم مايحصــل ســلام شكد ضغينة أعداه تخفي وأنتقام بعـده الوادم ولوهه ... ضلوع فاطم هشموهه جم ضلع منها أنكسر ... مدمع الزهرة أنحدر وي علي حـامي الضعينة ** لكَبـره أبوهــــا تعتنيـله بكل صباح كلب أم الحســــن متحمل جراح لمن شخصك شال يالهادي وراح شهرت عليها العدة كل السـلاح كصدوا لبيت الرسالة ... خوش جازوا طه بآله شافت انواع الخطر... مدمع الزهرة أنحدر وي علي حـامي الضعينة ** حيـــــدر أتحمــــل ألمـــها ولوعــــته وما خـلف طـــــه النبي ووصيته كَبال فاطــــم علي يخفـــــي دمعته والزجية تخفي خدها وســــطرته ماتريده يشوف خدهه ... فاطم وتبجي وحدهه مادره بخدها أنسطر ... مدمع الزهرة أنحدر وي علي حـامي الضعينة ** شاعر أهل البيت الشيخ عبد الحسين المنصوري https://telegram.me/aabas78 قصائد لكل ايام محرم اشترك بالقناة

📌تحذير الي يغادر من القناة السنه الجايه مراح يكدر يدخل للقناة الا اشتراك ف خليك لا تغادر 📌

ايعينك الله يا علي ابهل ليله مات اخوك الجان حيلك حيله 🗓️ 1 ايعينك الله يا علي اعله افراگه توك ادفنته وتريد املاگه عايش وروحك اله مشتاگه اشلون عمرك تگضي بعده ادخيله 🗓️🗓️ 2 اشلون وحدك نزليته الگبره وانت حيلك راح گبل العصره محني ظهرك على افراگه وتقره راح اخوي الجنت دوم اشكيله 🗓️🗓️🗓️ 3 يالجنت بلسم الكل اجروحه روحك اشگالت ابطلعت روحه هذا نوحك منسمع لو نوحه اشويه ارحمو ابفاطمه التبجيله 🗓️🗓️🗓️🗓️ 4 مات ابو الزهره وبقيت الحالك شنهو ظلتك كلشي ما ظلالك بعد موته موتتك تحلالك المات اخو محد يجي ايتجيله 5🗓️🗓️🗓️🗓️🗓️ المات اخوه محد يهم ابحاله وليل وانهار الدمع يحلاله ايعينك الله اوياك محد شاله ولا حضر واحد يعزي العيله 6 🗓️🗓️🗓️🗓️🗓️🗓️ راح طه المصطفى محبوبك وراح وحشه اتصير كل ادروبك اولون الاسود ما يفارگ ثوبك لحد يوم الراح بي تمشيله ::::::::::::::::::::::::::::::::::: ✍️🏻 كلمات موسى الخادم https://telegram.me/aabas78 قصائد لكل ايام محرم اشترك بالقناة

قصيدة اسشتهاد الرسول الاكرم ص استأذن الموت وخذاك ــ ويتم العالم وراك انته بس  ماكو سـواك ــ استأذنه الموت ©©©©©©©© يمن نزلت آية الباري اعله صدرك بالأرض لو بالســمه ينحفــر گبرك؟ الأنبياء يمك تجــي لو غاب بدرك؟ لو ملائكت العرش تنزل تحظــرك؟ يا سـراج المهتدين ــ ياضياء الصالحين ياهو قبلك يا آمين ــ استأذنه الموت ©©©©©©©© اتيتمو هاليوم حيـــــدر والزچيه يبو الزهره امصيبتك اعظم رزيه اتگابلو يم راســـك اونو ســـويه اوداعـة الله يامحمد هالمســــيه ادموع حيدر والبتول ــ تجري من دم يالرسول كاذب الغيــــرك يگول ــ استأذنه الموت ©©©©©©©© يطــرق البـاب بأدب مثل اليـزورك استأذنك ميريد ابد يجرح شعورك گالك رب العرش يطلب حظـــورك وبان ياطــه على وجهك ســـرورك وانته لبيت النداء ــ ورفع روحك للسماء ياهو مــن الانبياء ــ استأذنه الموت ©©©©©©©© الدعو اصحاب.  الجرح عافو نزيفه الك ما نصــبو عزاء نصـــبو سقيفه انكـرو عهـدك والاحـاديث الشـريفه وقبل دفنـــك نصبو منهم خليـــفه وي علي ماشــــيعوك ــ ابسرعه ياطه نسوك اوماكو غيرك يعرفوك ــ استأذنه الموت ©©©©©©©© وي علي الليله تضـــل بس ذكريـاتك ومنـــك بأيده بقـت سبـحت صـلاتك نكسر ظهره وتدري عنده شگد غلاتك اوياه الامــــلاك انزلت تبچي ابمماتك ارد اسألك يالحنين ــ يانبي قبلك امين قبل لاتغمضله عين ــ استأذنه الموت ©©©©©©©© ✍الخادم كامل السعيدي https://telegram.me/aabas78 قصائد لكل ايام محرم اشترك بالقناة

صفر 1448ه‍-2026م قصائد استشهاد النبي محمد ص يالغالي يالغالي عني رحت عني تدريني من بعدك يفت الصخر وني ؛★★★★★★★★★★★★★★ اليوم بنتك فاطمه الهم شيباها وبوداعك عمري دنيا ودعاها جرحي ما يشفه بعد موتك يطه والأخذ روحك ترى روحي خذاها يا بويه بوداعك السممك سممني تدريني من بعدك يفت الصخر وني ؛★★★★★★★★★★★★★★ چنت من غبشه تجيني بوجه ضاوي شگد محنه وطيب گلبك بويه حاوي هسه احس البيت بعدك صار خاوي رحت والظلت تدگ بابي النعاوي من غبت عن عيني چني متت چني تدريني من بعدك يفت الصخر وني ؛★★★★★★★★★★★★★★ فارگت طولك يبو النفس الابيه يا وسف خانتك اصحاب الرديه وجهك الما عافاني صبح ومسيه ضمه التراب وصبح مبعد عليه لو تسمع اونيني يا بويه جاوبني تدريني من بعدك يفت الصخر وني ؛★★★★★★★★★★★★★★ بويه لمّن رحت گومك ما رعوني وبغيابك عذبوني ومرمروني اعليك حتى من بواچيي امنعوني وبقتل حيدر او ولدي هددوني لا ما رعو بنتك ولا صغر سني تدريني من بعدك يفت الصخر وني ؛★★★★★★★★★★★★★ حين ساعت موتتك يا بويه حانت بعدك اعلى المغتسل والگوم خانت وبالسقيفه الباغيه تجتمع چانت موتتك وسفه عليهم بويه هانت ما چن نبي الأمه للموت متعني تدريني من بعدك يفت الصخر وني ؛★★★★★★★★★★★★★ رحت بويه وظل وراك بحيره حيدر كلها صارت ضده كلها زمرة الشر ما رعو صولاته بالخندق وخيبر الحقد مالي گلوبهم ضد الغضنفر رادو هدم دينك والمرتضى يبني تدريني من بعدك يفت الصخر وني ؛★★★★★★★★★★★★★ جعفر عطيه البزوني https://telegram.me/aabas78 قصائد لكل ايام محرم اشترك بالقناة

بسرعه خلصن * شهر عاشور وصفر خوفي ترحـل * ياحبيبي المنتظـر باقي بس يوم الرســول خايـف غيابــك يطــول وين اشوفك * وين اشوفك ــــــــــــــــــــ مو لساني يخاطبك گلبي الشجي خاف مــا عيشن بعد عـام اليجـي لهالسبب جيت اعله بابك ارتجي اعليك ضـلع الرضّه حافر اعوجي العشره الاولى * ندري تگضيها لطم ولذلــــك * كـل محـرم بــي طـعـم خاف هالنعــمه تـزول خايف غيابك يطــول وين اشوفك * وين اشوفك ـــــــــــــــــــــ ويوم عاشر ادري بي تشبع الم انته گايلها دموعك تجـــري دم گوه بالركضه تشيل انته الجدم بعده يخنگ بيك دخان الخيــم وي ركضتك * خطوه خطوه تضل تعد ومن ضريحه * يصيحلك عبد الله رد تأخرت يمته الوصول خايف غيابك يطــول وين اشوفك * وين اشوفك ـــــــــــــــــــــ ثاني عشره اگضيتها تنوح وتــون نحت من يوم اهدعش لــم الحزن وندري يوم اثلطعش بي ممتـحن احضرت وي زين العباد انته الدفن وبدفنتـــــه * اضــن ايدك حـاضـره بصلب جدك * وانته تبچي لخنصره شگد عليه مرّن خيول خايف غيابك يطــول وين اشوفك * وين اشوفك ــــــــــــــــــــــ ادري ثالث عشــره وين توجهت بوسط هاي العشره للغرقد رحت يم گبر زين العبــاد انتـه گصــدت بس صحن ماكو لعد وين گعــدت أرد اسألك * لچــن كاتلـنــي القهـــر گبره طفته * شلون طفت اعله الصخر؟ انته زرته احنه شــنگول خايف غيــابك يطــــول وين اشوفك * وين اشوفك ــــــــــــــــــــــ اول العشــره بصفـر لمن يهـــل موعــدك للشــــام لازم تنـــتقل يم رقيه تفك اديها من الحــبل زغيره عمتك عالهجر ما تحتمل و ابو محمد * يوم سابع ليه ترد وبالمديــنه * للمآتـــم تســتـعد وهم تمر اعله عالبتول؟ خايف غيابك يطـــول يمته اشوفك * يمته اشوفك ـــــــــــــــــــــــ وترجع وتلگه المواكب تنّصـب وتبقى عينك بس تباوع عالدرب باربعــين حسين عمتك من تطب تضمها بعيونك عن عيون الغــرب وانته بيدك * تترس الشارع عبــي حتـــى زيـنب * تنســى ايام السبي لأن عمتك بت أصول خايف غيابك يطــول وين اشوفك * وين اشوفك ــــــــــــــــــــــــ بهذن كلهن جفني صاحي وماغــفه وشمعي ضل يتاني تحضــر ما طفى دخيل عندك بس وفاة المصطفى رايـــدك بـــس هالعــــزاء تشــــرّفه راح اخلي * عيون گلبي مركـّـزه بلكي اشوفك * لان هذا آخر عزه الورد ما يحمل ذبـول خايف غيابك يطـول وين اشوفك * وين اشوفك ـــــــــــــــــــــــــــ الشاعر مهدي التقي https://telegram.me/aabas78 قصائد لكل ايام محرم اشترك بالقناة

رديت  بضعن  وبدمعي  اناشدكم شعجب ماواحد اتلگاني من عدكم ======================== من  الشام  الكم   يخوتي   رديت بس ارماد باقي من الخيام  الگيت اون واصفگ  بديه وبلبچي ظليت وبدمعي  وحسرتي  اليوم  اعاتبكم رديت  بضعن  وبدمعي  اناشدكم ========================= رديت  وحسبت  احسابي  تتلگون زينب وعله حالي  والسبي  اسئلون نومه  اعله  الثره ماحسبت  تبقون يخوتي  وأنه  زينب  جيت  افزعكم رديت  بضعن  وبدمعي  اناشدكم ========================== افزعكم  اريد  واشتكي   من  الصار بالشام انشتمنه  وشامرونه  أحجار ووجوه  الشماته  علينه   من  تندار يگولون   ب علي  بغضا   نعذبكم رديت  بضعن  وبدمعي  اناشدكم ========================== رديت  وأريد  اشكي  الجره  بحالي تموت  التبقه    بالغربه   وبلا  والي وأنه وحيده وغريبه ودمعي  يبرالي اناشد  ونتظر  ياهل  الشيم  ردكم رديت  بضعن  وبدمعي  اناشدكم ========================= رديت   ورقيه   ماجابتهه   وياي ظلت   بالخراب   ياضوه  عيناي عطشانه اعله راسك ماتت بلا ماي الچانت يا ابن ابوي مدلله بسدكم رديت  بضعن  وبدمعي  اناشدكم ========================== المن   اشتكي  حاچوني  يخواني وانتم عله  الثره  ومحد  تلگاني مچتوفه  وسبيه  دهري   خلاني عگب  ذاك  الخدر  ياهاشم وعزكم رديت  بضعن  وبدمعي   اناشدكم ========================== فوگ  اكبوركم  هل  الضعن  دمعه وگعدنه   انوح  يمكم  وبحزن  ننعه وياهوه  الي  نعوفه  وياهوه النودعه وتهد  اجبال  وتشيب   مصيبتكم رديت  بضعن  وبدمعي  اناشدكم ======================== الشاعر احسان الحميداوي https://telegram.me/aabas78 قصائد لكل ايام محرم اشترك بالقناة

زينب اجت ليكم يهاليها.  شوفها شنهو البيها ما بيها فوگ الگبور ادور.   حرمه وگلب مكسور // اجت متروسه ضيم واه. وگلبها معطب من الهم الحمام الما يعرف ينوح..يجي من عدها يتعلم كل رمله سحگها حسين..عد زينب عطر تنشم ودها تلم تراب الطف.........لچن اهوايه ما يلم فوگ الگبر فرشت مأسيها. .رادت اخو منكم يحاچيها عافتكم بعاشور....حرمة وگلب مكسور // طاحت فوگ گبر حسين...تنگع اترابه دمعتها گلبها يفيض حنية......اخت مشتاگه لخوتها خلت عاالگبر چفها....وبدت تحچيله قصتها غريبه وراجعه من الشام...وتشيب الراس غربتها شتحچي العقيله اجروحها اهوايه كسرت گلبها طيحت الرايه ضل الها بس گبور.    حرمة وگلب مكسور // اجتكم.حيل مهظومه ..  وأتريد اليهودها شبعانه يسر وفراگ.    يهلها الله يساعدها يخواني انه زينب.        ها الچلمه ترددها تريد اليسأل عليها.       وتريد اليناشدها من الغرب ردت يولياهه. .لكن رقيه ماجت اوياهه منها الدمع منثور....حرمة وگلب مكسور // صارت چن حمامه ادور...فوگ اكبوركم هيه لو عدلين يخوتها..      ..ماودوها مسبيه وگفت يم گبر.عباس.   چنها هلال محنيه تنشد عاالعلم وينه.    أوين اچفوف راعيه يم الگبر تسمع بواچيها عباس وينك ما تحاچيها عيلتها چنها اطيور...حرمة وگلب مكسور // چم ذكرى الها برض الطف..ضلت عايشه وياهه لمن عاينت  للتل...مدري وين وداهه ذكرت ساعه العاشر.  وحيرتها بيتاماهه اهلها والخيم والنار....هاي شلون تنساهه وكفتها عاالتل صعبه هاالذكره مذبوح اخوها وهيه تنتظره من القفى منحور.....حرمة وگلب مكسور الشاعر سعد العبودي https://telegram.me/aabas78 قصائد لكل ايام محرم اشترك بالقناة

نزله اربعينيه انظر سواد الزوار والمرقدك  مشايه ١ نوح طالع بالسفينه ايقودها والسفينة الكربله مكصودها بالبحر والارض احنه اجنودها ماكدر واحد يحد احدودها هاي الخدم      رايه وعلم تحملها ارض الدمه     حتى السمه تندلها نمشي بعزم     حتى الزلم توصلها هوسه ونشعر احنه بعباس يتلكانه ٢ ياسفينة حبنه يامعشوكها انته للمشايه سرها وشوكها لو أجه ضعن السبايه ونوكها جنح جبرائيل رفرف فوكها محد كدر    يمحي الأثر والرايه من تنرفع      يطلع دمع وفايه من زاخو       والحد كربله مشايه هوسه من نوصل يم حسين نلكه الزهره ٣ أربعينك تبقه هاي ايامها كل مواكبنا ترف أعلامها الدنيه خل تكتب جميع اقلامها عالزياره وعن كرم خدامها هذا الكرم      من الخدم رباني قصة عشك       لمن تدك عنواني تاح الشرف       لابس أله خلاني هوسه وايلوك اعله الخدام تاج الغيره ٤ سفره ممدوده صعب مقاسها كل ملائكة السمه حراسها والمواكب بالسمه ايطخ راسها تسمع اتفضل تكلك ناسها طول الدرب       انته المحب من تطلع وبكربله      غير الهله ماتسمع عندك هدف       شايل شرف من ترجع   هوسه والرايح زار حسين حضه اشكبره ٥ الله خله بأربعينه اسراره من طلع عباس تزهي انواره اينادي اهلا مرحبه بخطاره وضل حبيب ايسجل بزواره بهذا السجل       من تنقبل خي عونك لاتعتقد        اهل الكرم ينسونك شاهد تضل        هذا الأمل بعيونك بحب فاطمه     اهل السمه ايعلونك هوسه هاي البشره من حسين للمشايه لاتنسون والدي ووالدتي وأبني عباس من الرحمه والمغفره خادمكم رياض الرسل الجابري https://telegram.me/aabas78 قصائد لكل ايام محرم اشترك بالقناة

موشح شرف الدنيا والآخرة خدم الله امبارك بأعمارها اجت تخدم كربله وزوارها ــــــــــــــــــــــــــــ الله خالقهه لجل هذا الغرض عدهه حب حسين يسري بالنبض الخدامه واجب اعليها انفرض بعالم الذر عاهدت اطهارها ــــــــــــــــــــــــــــ شرف هاي الخدمه مابعده شرف ناس عدها حسين بس هوه الهدف تنتظر يوم اربعينه بكل شغف ازغار واكبار التشد اوزارها ــــــــــــــــــــــــــــ موكب بصف موكب بكل الطرق بين هذا وذاك ماعدهم فرق المهم خدمتهم اخلاص وصدق ترجى من حسين يمحي اوزارها ــــــــــــــــــــــــــــ كلها تصرخ هله بالزاير هله ادخلوها بسلامٍ كربله تفضل اشرب ماي واروي العايله واذكر حسين وخيامه ونارها ــــــــــــــــــــــــــــ اليصرف الدينار الله ايضاعفه والطعام ايصير للمرضه شفه هذا ميزان العقل مو عاطفه وشيعة المذبوح هاي افكارها ــــــــــــــــــــــــــــ من زمان العاشر الهذا الزمان نخدم حسين الشهيد بكل مكان ندري حب حسين بالمحشر ضمان وللقيامه الخدمه تبقه آثارها ــــــــــــــــــــــــــــ حسين هو الخير والينطي المدد شما تجي الزوار وايزيد العدد الشاب والشايب وطفل البالمهد من جنان حسين جَنْي اثمارها ــــــــــــــــــــــــــــ هالشعاير ذو رساله ناصعه يعني بس حسين صافي منبعه العاف دربه منهو باچر ینفعه عود ختنفعه السقيفه وعارها ــــــــــــــــــــــــــــ فراس المحمداوي https://telegram.me/aabas78 قصائد لكل ايام محرم اشترك بالقناة

اليوم ردت روس اهلهه وياهه يا بو فاضل زينب اتلگاهه حالهه كلش صعب. تمشي مابين الغرب ...................................... اليوم ردت جايبه الروس ولفت حمره عين الحره من گدما بجت يابو فاضل زينب اشگد حشمت بالغرب وي روس اهلهه عاتبت ردتلكم يا وضع يشرح الحال الدمع ابكثر همهه تعثر ابممشاهه ........................................... تعبوهه العمر ماشافت ضوه وچان يحميهه اخوهه امن الهوه اليوم ردت هيه والميته سوه بيهه شمسويه مصايب نينوه راده وعدهه حچي تمشي منه وتنتچي ابلايا اخو وسفه الوكت خلاهه ............................................ ردت وجابت هضمهه امحمله اتريد خوان الضعن تستقبله وين اخوهه الچان زينب تشكي اله شلي بدياري واريد الكربله ياعلي مر الضعن لخوتي اشكي المحن بلكت ايرد ابهله الجاباهه .............................................. مر اسولف للكفلني امصيبتي وهوه گال انتي امانه ابرگبتي والله كون ابجبل مل امصيبتي هزله يا عباس تعرج ناگتي گوه وياهم رحت بيكم اشگد حشمت وصحت وين الچنه بيه نتباهه .............................................. ياهلي شفت العجايب ياهلي تمشي ابرفجة اجانب بت علي انهضم واحچي اويه راسك كافلي گتله مو انته الگلتلي اتدللي وين صگار الزلم ترضه زينب تنشتم وريت تسمع يالگمر مبچاهه ............................................ جيت وادموعي الك يتسابگن ولاتگلي اعله الي مارد بالضعن بالخرابه يا جسم عدنه اندفن يا رقيه البچت اعيون الزمن التشبه الطبع الورد ماتت ابكثر البعد مشت تشكي للأبو بلواهه خادم اهل البيت علي الزرگاني https://telegram.me/aabas78 قصائد لكل ايام محرم اشترك بالقناة

من ضيم السبي والشام ردينه عدنه أعتاب اگعد خويه حاچينه ========================= يم گبره گعدنه بحسره وبلوعه چم وحده اعله ابنهه البينه مفجوعه وناظرهه يهل من الدمه ادموعه وذكرينه الخيل ذيج السحگت اضلوعه وذكرينه اخيامنه الحرگوهن علينه عدنه أعتاب اگعد خويه حاچينه =========================== گعدنه وسولفينه الصار بالشام بخرابه اعله الرمل من ضيمنه انام من جور الزمان وجور الايام لو تدري اشجره بزينب والايتام يذوب الصخر من يسمع بواچينه عدنه أعتاب اگعد خويه حاچينه ============================ كصدنه ال گبر ابو فاضل بالدموع ومن كثر الهظم نتباچه ونلوع نبچي وندري صوت الليل مسموع عدنه اشچم متن گناله موجوع گناله الحبل جرح ايادينه عدنه أعتاب اگعد خويه حاچينه ============================ مشت ليله للاكبر تنحب بهمه شلون تعوف امك گلي يايمه گلبي عليك زاد اعله الجبل همه تشيل اتراب گبره وظلت اشمه ظل كلشي بفگدكم يمه ياذينه عدنه أعتاب اگعد خويه حاچينه =========================== الرباب تعنت العبد الله بالنوح بالمثلث عسنه نحري مذبوح فراگك خله بيه اهات وجروح دللول الولد يلماخذ الروح اسبايه فراگ وجهك يبني سابينه عدنه أعتاب اگعد خويه حاچينه ============================ رمله لجاسم بونهه تعنت شعلت شمعه يم گبره وتحنت ونين الدوح عله العريس ونت بعدك لا تظن روحي تهنت نعينه وبچت الدنيا نواعينه عدنه أعتاب اگعد خويه حاچينه ======================== الشاعر احسان الحميداوي https://telegram.me/aabas78 قصائد لكل ايام محرم اشترك بالقناة

استقبال زينب ع / نزله مهضومه ام عون تلگوها تعبانه وكون اتعينوها حيهم خدام ------------- من توصل حيوا العلويه سموها اهناك المسبيه هضموها هواي / عگب الوفاي مشتاگه العباس اهوايه كل واحد خل يحمل رايه ويوزع الماي / بسم الرواي ------* ها. ها خدامچ كلهم وفايه وتعنوا موكب مشايه حيهم خدام ----------------- تعبانه اواضح بعيونچ بت حيدر كلهم يتنونچ عشاگ حسين / يا ضي العين ترسوا لدروب ايحيونچ وبفگد حسين ايواسونچ رفت رايات / نصبوا عزيات ---------* ها. ها والدرب ابعيد الماشيته والضعن بهيبه امحاميته حيهم خدام ---------------- لعراگ اليوم اسود لونه حزنان وربعه يواسونه جته الزوار / اكبار ازغار ياضعن الشمس وانواره زينب سلطانه ومختاره اداري اعيال / وتسكت اطفال --------* ها ها والزهره ويانه بممشانه وحسينچ گام اتلگانه حيهم خدام ---------------- ندري بخيماتچ حرگوها والجثه اگبالچ سلبوها نصبنه الخيمات / ترسنه الساحات بثواب حسين واطفاله وزعنه الماي بكل حاله وزعنه الرواح / بثواب الراح ----------* ها ها ورواح الاجلچ ضحينه والگبر حسين اتعنينه حيهم خدام ------------------ مسبيه مشيتي ومچتوفه لبن ازياد الارض الكوفه ولهزله اتنود / عندچ مفگود يالماذليتي الكل طاغي ومشيتي وذليتي الباغي مشيت شجعان / لبوة عدنان -----------* ها. ها مو سهله ادموعچ تجريها والروس اگبالچ تدريها حيهم خدام ------------------- رجعتله ومتعنيه اعنايه لشاطي وضيمه وكل مايه يم العباس / تلطم عالراس ماتنساها السهم ابعينه لاتنسه انگطعن چفينه والجود الطاح / ذاك المصباح ----------* ها. ها نتنطر جيتچ تدرينه عباس ابچفه ايحينه حيهم خدام ----------------- اهلا صحنه بهاي الجيه حضرنالچ لعزوبيه وفرشنه الگاع / ورد ونعناع هذا عراگچ واحنه اضيوفچ مشتاگين وجينه انشوفچ عينچ متنام / عندچ ايتام -----------* ها. ها يامحله الملگه ويالعيله كل همچ يام عون انزيله حيهم خدام ------------------ اهلا رديتي اعله الناگه مشتاگيلچ يالمشتاگه والموعد وين / يم گبر حسين نوگف بالحضره ونقراله واليمچ يحضر هنياله يم الطيبين / انتي التقرين ---------* ها. ها والمجلس انتي التقرينه ونصيح الكافل چاوينه حيهم خدام ------------------------ السيد كريم دانه الاعرجي https://telegram.me/aabas78 قصائد لكل ايام محرم اشترك بالقناة

للاربعين بعيوني الحچي امـبين .. وحچي المسبيه مو هين خاف اجرحك يابو الاحساس مــن اســولــفــلك يـــعـــباس وحچي المسبيه مو هين ___ بخدودي الحچي امعبه ويجرحك خاف طاريه اخـاف اعليك ياخويه امن اخبرك بالجره اعليه تــدري اشـصار بغـيابــك مــن گـــالــو يمســبيه چـويت الـگـاع بدموعي ادموعي ادموع علويه اشعلامك يابن حيدر .. گبرك خوي شو كزبر بالگـــبر وادريــك حـــســـاس مــن اســولــفــلك يـــعـــباس وحچي المسبيه مو هين ___ عليــك النــاس ســئلوني ومتعـمدين سئلوني رادو يابــو الغــيره مكـســوره يــشـــوفـــوني الدرب البي شماته اهواي بيه ياخويه مروني المــايتفــرج اتـفرج مـن بالـسـوط ظــربــوني شاب السوط بمتوني .. من گد مايطگوني صــعبه اشــوفنهـا يــنومــاس مــن اســولــفــلك يـــعـــباس وحچي المسبيه مو هين ___ بالخــيمه لمــن ناديــت انــه العــباس ماشوفه رحت من ماشفت طولك فوگ الناگه مچتوفه على الكوفه شسـولفلك مــن طــبوني للكـوفه بحـلوگ الشماته اخـتك صارت خــويه سالوفه الحبل مشدود بيديه .. وچتــالك بجــر بــيه عالمــشت وبــلايــه حـــراس مــن اســولــفــلك يـــعـــباس وحچي المسبيه مو هين __ اعيوني ابفرگتك سبحه وتسـَبح دمعتي ابعيني سبحــان الله ياخــويه اخلافـك غــربه تســبيني الحبــل ماگــلك اشـــسوه يـــأذيـــك ويــــأذيني لــــو ما الله ســـاترني چـــا گـاطـع لـي چفــيني الشمر ماخاف من ربه .. الحبل كل قوته ظبه يمكــن اتــفارگنــي الانفــاس مــن اســولــفــلك يـــعـــباس وحچي المسبيه مو هين ___ اون مـرات عالـناگه وتـون النـاگه مــن وَني مدري روحـي تاذينـي مـدري متـوني يـاذني خـواتك يا ابو فاضـل كـل ساعـه يحـشمني مـن يظــربهــن الحــادي يازيــنب يــنــادني لابـــيه أحـاميــهــن .. ولابــيه اخـــليـــهـن فـكـر ماضـل خــويه بالـراس مــن اســولــفــلك يــعـــباس وحچي المسبيه مو هين ___ مشـتاكه الـعطــر چـفك البــي شـايل چـنـت أيه الشام اهواي خانگني واجيت اشتم هوه الرايه سمعت ابشـامهم خـويه الــف احچايه وحچايه اتمـنيــتك يـكــفــالـــي حــاظــر انـــتـــه ويــايه من گد ماشفت اهات .. مو موته متت موتات الـسبـي بيـــمن هوه ينقـاس مــن اســولــفـلك يـــعـــباس وحچي المسبيه مو هين ___ حيدر تركي الكربلائي https://telegram.me/aabas78 قصائد لكل ايام محرم اشترك بالقناة

" الأربعين )) يا عقيلة علي مــــن رديتي للشمس لـــــو للكمر حنيتي بأربعين حسين من رد الظعن وين حنيتي يبت ام الحسن کافلج لو للضلوعه تكسرن آه يبن امــــي بحزن ناديتي ــــــــــــــــــــــــــ بالدمع صــــار المعاتب عالنهر يبو فاضل نجمه و تعاتب كمر صوت ذابل والدمع ينزل قهر یون كلب حسين لو ونيتي ـــــــــــــــــــــــــ لا تكثرين العتب يابت عــــلي هذا حزنج للأبد مـــــــا ينجلي كربله بهاي الأرض راحو هلـــي راح كلشي الخدر عزي وصيتي ـــــــــــــــــــــــــ عشره وثلاثين ليله من الفراك رحت بس الروح ظلت بالعراك سنين جنهن والكلب طرة اشتياك وجيت اشوفك بعد روحي وبيتي ـــــــــــــــــــــــــ شظال عندي وبعد المن راجعه وأنه بسنين البقن ما قانعــــــه خويه كلها اوجاع دنيه وفازعه الهضم هدني والحزن تغذيتي ـــــــــــــــــــــــــــ آه واويلاه يفراك الأعزاز حتى يفرق بالدمع جنه گزاز لا تهيد الروح والحسره انتهاز آه يادنيــــه اشبعد خليتـــي ــــــــــــــــــــــــــــ راحو الجانو ذره وسور وأمــان راحو الجانو ضوه وراحه وحنان راحو الجانو يونسون المكــــان مدري والله خلافهــم تاليتــــي ـــــــــــــــــــــــــــــ الشاعر كاظم الخيگاني https://telegram.me/aabas78 قصائد لكل ايام محرم اشترك بالقناة