قصائد شوط كربلائي ( بحر طويل) اهوازيه اهوازي

عودة السيدة زينب من السبي #رجعت_زينب_من_الشام رجعت زينب أمـن الشام بس مو مثل روحتها من بعد اليسر والضـيـم اتـرد بروس لخـوتها ========================= ردت بالـحــزن والـهـم ردّت حــيـل تـعـبانـه شحوال الي عينه تشوف اگباله انذبحت اخوانه حسره وهم دمع واحزان ضعن ام عـون عنوانه بهيده وصوتها التعـبـان تنعه وتـجـري دمعتها ========================= طالت فرگـــة الاحباب طالت سفـرة الغـربه والغايب هَـلـه اتلاكيـه لو رد للأهــل دربــه راحت ردت ابلا اخـوان زينب ياخلـگ صعبه همها الما تحمله اجبال مامـر مـثـل لوعتها ========================= طاحت علگبر وتصيح ليكم خــويــه ردينه مفارگتك ليالي اهواي مشتاگه يبو سكـينه اعتب انه منكم ليـش مـا واحــد يلاگيـنه طاحت علگبر تـنـعاه وحـاطت بيها عيلتها ========================= ردت حــيـل مشتاگـه والكـربلــه مسراها ردت زينـب بـهـمـهـا وجابـت روس وياها ردت والدمـع هـمـال ماهـوّدت عـيـنـاها عبرتها تشـيـب ازغـار تكتل حـيـل عـبرتها ========================= ✍️عباس مالك آل عفريت #جديد_رجوع_الضعن نسألكم الدعاء

اهوازيه للاربعين وين اهل المجالس وين بهاي الاربعينيه زينب ردت من الشام راحت واجت مسبيه ١ خل اهل المجالس دوم تبجي وبالحزن تنعه زينب ردت وي الروس مفجوعه وتهل دمعه صاحت وبعلات الصوت ومحد صوتها ايسمعه راحت واجت كل الناس تنظر على العلويه ٢ أعقد مجلس بدمعات عينك واخدم بحرگه اطبخ واعزم الخدام وبيتك فتحه للمملگه مضيف البيت خله ايصير وسد باب العتب طبگه وادعي بمجلس الزهراء من تعقدها للنيه ٣ المريض بمجلس الزهراء من يحضرها يتعافه الخاطر فاطمه الزهراء بساع ايطيب يتشافه والرادود من يدعي اشگد حلوات بشفافه من يرفع اديه ويگول يربي بداعت ارقيه ٥ انظر مجلس الخدام والرادود من يقره ريحت نحر دم حسين بالمجلس تشم عطره اخدم ابذل الاموال الخاطر فاطمه الزهره لتقصر بكل مسعاك احضر انته يوميه ٥ كل خادم يروح ايزور خل يهديها خطواته للوالد وأمه تكون ليقصر بدمعاته خلي بحرگه يبچي وحيل تلهب نار آهاته زينب ردت بيا حال والرجلين مچويه ٦ ياربي العراق بخير كون وتصفه ايامه عدنه كل شهيد الطاح يلگه حسين گدامه يتباها الوطن مهيوب دوم بزود خدامه وتصير المجالس دوم تزهي بكل حسينيه لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

شوط كربلائي بحق زيارة الأربعين المقدسه -------------------------------------------- زينب رجعت من الشام گوم وشاهد أشبيها تنشد والدموع  أتسيل عن  گبرك  ددَّليها ''''''''''''''''''''''''''''''''''''""""''""""""""""""""""""""""""" بحزان وهضم وآلام ردت يبن حامي الجار واليها وتريد اليوم تشكيلك يخوها الصار من يوم الغفت عيناك وعليها الزمان أندار وكل ذاك الدلال الچان راح أبولّية الأشرار تبدي بليلة الأحزان ×يوم الشبّو النيران             وماضل للحرم صيوان ضلت أختك أبياحال حرمه ومن يحاميها ''''''''''''''''''''''''''''''''‘'''''''''''''''''''''''''''''''''''''''''''''''''''''''' ريتك شاهدتها شلون حُرمه ولا ولّي العِدها محتاره بحرم وأطفال ضلّت من يساعدها عالعلگمي أتصد العين تتربّه أبن والدها بلوعه تناشد الكرار وتنادي بألم جدها تصرخ بويه ياحيدر×ريتك هالوكت تحضر                لحگ خدرك أتأسر تلطم ضلت الخدين أوسّوط الشمر سابيها '''''''''''''''''''''''''''''''''''''''''''''''""""""“""""""""""""""""" من صار الصبح زينب ويه الحرم چتفوها بعد الخدر والجيمان وسفه العِدّه يضربوها عگب الگمر والوليان أهل الغدر يسبّوها من طف كربله للشام أم الحزن طافوها ريتك شاهدت يحسين×عالهزل تدير العين              من بعدك هضمها البين زينب من عگب عزها عالهزّل أمركبيها ''''''''''''''''‘'''''''''''''''''''''''''''''''''''''''''''''''''''''''''''''''''''''''' للكوفه خذّوها عداك تتفرج عليها الناس واحد ينده الثاني هاي أخت البطل عباس هذي بت علي الكرار أم الخدر والنوماس من سمعت أبحچيي أعداك گامت تلطم أعالرّاس من ظالم لعد ظالم×صارت فُرجه للوادم                وينك ياگمر هاشم طبت مجلس أبن زياد وتندبك يواليها '''''''''''''''''''''''''''''''''''''"""""""'"'''"""""""""""""""""""" شحال أختك أبين الناس هالموقف أمألّمها وبن مرجانه بيده السوط يضربها ويحشّمها وعنك ياگمر عدنان يشمت من يكلّمها وينه يصيح راعي الجود وبحسره يشتّمها وختك بس تدّير العين×منين أتصيح أجيبه منين                  تدري أمگطع الچفين صاحت والدمع همال وينك يبن داحيها ''''''''''''''''''‘'''''''''''''''''''''''''''''''''''''''''''''''''''''''''''''''''''''' من أبن الدعيّه أنوب ودّوها اليزيد الشام بحر الشمس عالهزل وتربي الراسك بآلام عگبك يبن حامي الجار بيها أسوّة الظلام ترضه أختك يبو السجاد تاليها أبخرابه أتنام نامت والگلب مجروح×لن سمعت رقيه تنوح                 وعليك الدمع مسفوح طفله وشافتك بالطّيف بحضانك أمخليها ''''''''''''''''''''''''''''''''''''''''''''''''''''''''''''''''''''''''''''''''''''''''' فزّت والدمع سچاب تنشد عنك أبحسره لمّن سمع طاغي الشام بيها أتحيّر بأمره گال أخذو الرقيه الراس حتى تعاود الذكره لمن شافتك يحسين گام أتعاتب أبعبره يابويه رُقيه آني×گلي شلون تنساني             مافكرت بحزاني شبگة راسك بآلام ونخمدت بواچيها ''''''''''''''''''''''''''''''''''''''''"''''""'''''''''''''''''''''''''''''''''''''''' وهاليوم أعتنت زينب يمك تخمش الخدين مصايب جارت عليها وماخلت دمع بالعين طاحت عالگبر وتصيح رديت بهضم يحسين چنت أمدلله بحماك بعدك وين أروحن وين شلّي بهالعمر بعدك × ريت أتمدد أبلحدك                گلبي أتگطع أبفگدك روحي بفرگتك يحسين ريت أنسمع ناعيها '''''''''''''''''''''''''''''''''''''''''''''''''''''''''''''""'"'"'"''"""""""" الشاعر عايد الجليحاوي

شوط كربلائي بحق زيد الشهيد (ع) غيرك تدري ياهـو الثار يازيد ونذر دمه محد ثار عالطغـيان غير حسين ابو اليمه مـن جــدك سجــايــا البـيـك مـاخـذهــن ورث جـــدك فــارس مـا تـهــاب المـوت اشحــده اليـوصل الحدك قــارعـت الظـلـم والجــور يـازيــد وچـنــت وحــــدك يـالعــزمــك عــزم ثــــوار ومـن حــسـيـنــك الهــمــه جـدك مـا خــضع للــذل بـالطــف وصـرخ هــيــهــات الـراد أيــخـلـده الـتـاريـخ عـالـذلـه ابـد مــيــبــات وانته من بعـد لحسين مو صرخه اصرخـت صرخات مـن جــدك الحـيــل الـبـيـك وكل العــزم مــن عــزمـه ثــايــر گـمـت لجــل الـديــن بـدمــك نـاضـلـت لـجـلـه وردت اتـغــيــر الــواقـع وتـنـشـر عــالارض عـدلــه گبـلـك جـدك اشـقــدم گـومـه وصـحــبــتــه واهـلــــه لـمـن شـاهــد الاعــداء كـلـهــا صـفــوف مـلـتــمــــه وحـدك چـنـت مـثـل حسـيـن يـازيـد بـطـرگ روحــك لـمـن طحـت بـالمـيــدان وسهــام العــده اتـلــوحــــك كل جـروح جـدك شـوف اجـني وصارن اجــروحــك نـفـس الـقـدر نـفـس الصار ربـك قسم هـالـقـسـمــه اتـغـيـر بـالفـسـاد الچــان لاچـن مـا وفــوا نــاســــك وضلـيــت بـسـمـه الـتـاريخ خــالــد والعـــزم بـاســك راســك مـثـل جــدك شـوف يـازيــد انگـطـع راســـك لاچـن بـالفـخــر والعــز بـاقـي بكـل وكــت رحــمــــه راســك مـثـل راس حسيـن هــذا الـواقــع ومحسـوب حسين اعله الرمح راسه وانته اعله النخـل مصلـوب الباري امسجـل الاحــداث كـلـشي امسجـل ومكـتــوب مـثـل حــسـيــن والـتـاريــخ خــلــد اسـمــك واسـمــه لاتنسون والدي ووالدتي من الرحمه والغفران خادمكم رياض الرسل الجابري https://telegram.me/aabas78 قصائد لكل ايام محرم اشترك بالقناة

قصيدة للمشاية طور اهوازي اجتك سيدي الخدام واترفرف رواياها تگطعلك طويلة دروب ليك الشوكَ جاباها آيحسين ومصابة آيحسين ومصابة (==================) مشاية ولحد الموت مانترك مصاب حسين مصباح الهُدى وللناس سفينة واحنا غرگانين ذنوب محملين هواي يغفرهن مشي الرجلين بخدمتك مانرد ونخاف وشرف هالخدمة نلگاها آيحسين ومصابة آيحسين ومصابة ============================ كون انعرف ابو السجاد من تمشيلة رجيلنة نترك كل حقد عالناس ننضف گلوبنة وجينة ما نمشي بعكس ما راد ونسير بدربة خلينة هاي الغاية والمطلوب الحسين المنة راداها آيحسين ومصابة آيحسين ومصابة ====================== تواسي زينب الحوراء مشي بالاربعينينة بدربك للنساء انشوف بعضهن عدها سلبية شقة وتمضحك ومكياج چن تمشي لعرس هية مو چن رايحة لحسين الروحة لخدرچ اطاها آيحسين ومصابة آيحسين ومصابة ========================= خدم عدنا بذهب تنقاس تخلص وي ابو اليمة بنفسة يخدم المضلوم ويزود بخدمتة الهمة يجازيه الحسين اضعاف مكانة ايرفعة للقمة التخلص وي ابو السجاد جاه ورفعة جازاها آيحسين ومصابة آيحسين ومصابة ========================= الف هنيالة كلمن زار الحُسين وعارف بحقة يرد چنة انولد بالحال ذنوب اعليه ما تبقة حبك من نزل للناس اهو كل واحد ورزقة عالفطرة الگلب لحسين گام الخدمة يهواها آيحسين ومصابة آيحسين ومصابة ========================= اسالكم الدعاء رائد الاسدي

لاستشهاد الامام علي بن الحسين السجاد عليه السلام شوط كربلائي ماينساهن السجاد حتى ابنادم يذَكرَه ايام الطفوف وياه نار وتلهب بصدره ★★★★★ لحظات الطفوف أثگال ينسه منها يالحضه الفاگدله عشيره شلون يهَوَّد الجفن ويغمضه چم حيد نذبح بالسيف وحافر بالصدر رَضَّه احزان الشافها السجاد كل يوم اليمر تنعاد يهل الدمع وكت الزاد ويصد للماي يتذكر گلب عطشان للگطره ★★★★★ لفحات وسموم الطف شكثر مولاي خانگته شينسه ياجسد مرضوض عشر خيول ساحگته ينسه أعيال مرعوبين لوينسه هظم عمته بحيره عمته ضلت بلاوليان تتلفت اعيال من الرعب فرت اصعب موقف يشوفه هدم حيله و كسر ظهره ★★★★★ أبد ماترحل الذكره جرح چتال تبراله حالت كل بدر مذبوح أويلي اسووت ابحاله شحال الدنيا بعيونه الغريب وفارگ عياله ولمن يفتح عيونه مايلگه اليهمو نه بحرگه يطبگ جفونه واشد لوعات من فارگ عزيز الطاهره الزهره ★★★★★چ أشد لوعات من فارگ اهله ابروح حيرانه المدينه اظلمت كلها وحتى الشمس حزنانه روحه من القهر ذابت غريبة حال خلصانه بعد افراگ ابواليمه النهار تساوه بالظلمه يوم الغدرت الأمه بسبط المصطفى المختار نبيهم خالفوا امره ★★★★★ بلوعة يوسف وبلواه وحزن يعگوب وآلامه وصبر ايوب بالصعبات النوايب تِحدِي بأيامه ياهو المثله بالوادم أبوه انذبح گدامه وراح الاكبر وجاسم بالحومه وگمر هاشم بفعل كل غادر وظالم راحوا كل هله الطيبيين يعني راحت العشره الشاعر حسن لعيبي الحريشاوي

شوط كربلائي في الامام السجاد ع مسموم الجبد محروم طريح افراشه بالآمه علي زين العباد ابيوم اخير وخلصت ايامه تجرع سم عدو حاقد وابنه الباقر ايشاهد النفس عد والده المضلوم اخير وخلصت ايامه ................ بعد ما عاش ابو الباقر مصايب اهله واصحابه وكرم يشبع بطن جوعان كل الناس واحبابه اليكَصده ما يضل حاير الكرم للساجد اجوابه ياخذ من كرم جوده ابمظيفه وتنتهي اسبابه تالي ابسم فرو جبده امام اترف من الورده طاح البالعمر زاهد وابنه الباقر ايشاهد النفس عد والده المضلوم اخير وخلصت ايامه ................ انحرم من اهله كل عمره ماعاش ابوجود الأب عايش للحزن والاه لفراك الابو اتعذب عجيب اشكد حمل لوعات العجب من صبره يتعجب محزون وخلص مضلوم عدوه ابموته يتسبب سمو جبده عدوانه وهوه العايش احزانه حزن اكثر بعد رايد وابنه الباقر ايشاهد النفس عد والده المضلوم اخير وخلصت ايامه ................ تلون وجهه واسمر صار من شدة وقوع السم يتلوه ويلوج وطاح وولا من هالبشر مهتم بس اهله التعيش امصاب فكَده ويمه تتألم اتذكر من هوه اعله الكَاع وراسه الكافل اتهشم ابعمد يم النهر عمه تهشم راسه ابو الهمه هوه ابداره علي العابد وابنه الباقر ايشاهد النفس عد والده المضلوم اخير وخلصت ايامه ................ يعالج وبأخير انفاس ذبلت وجنته ويقره ابكتاب الله العزيز وجان بالدم شفته حمره يحط ايده اعله خاصرته الالم من شدته ايعصره لمح عينه لاله الكون يدعي وسالت العبره الهي ارزقني هالحرقه على حسين وغصُب حقه بروحه الكربله كَاصد وابنه الباقر ايشاهد النفس عد والده المضلوم اخير وخلصت ايامه ................ فاضت روحه شبل حسين بعد ما عانه من ناسه شهيد وبالقيامه اهناك باجر ينثر احساسه انحرم واتسمم ومن راح حسين باخر انفاسه لا ناسي الحسين ابموت وابد ماناسي عباسه نعاهم من حظر موته وايون حته تابوته وعله الهادي النقي وارد وابنه الباقر ايشاهد النفس عد والده المضلوم اخير وخلصت ايامه الشاعر ياسر العارضي

مابگه كافل الي    آنه زينب بت علي ___ اتطشر اليـــوم الشمل   خلّصــوا اهلي چــــتل وامشي مگیوده ابحبل  وصعدوني اعله الهزل اویایه مسـبي چم طفل  ابقه ادور عـــــن هلي ___ يا خلـــگ آنه مره   امشي حيف اميسره   واخوتي فـوگ الثره   حسـين حزو منحره وطاح سبع الگنطره   راح اخوي وڪافلي ___ ابچي لو طـر الصبح    من اعـــاين عالرمح يڪبر ابگلبي الجرح    مات ابو گلب السمح بلچي آنـــه الانــــذبح    مـــات شمعة منزلي ___ يبچي لمصابي الحجر   امشي وي راس الگمر وعالرمح ينــزف نحر   والجهــال ابنص خطر مـــا أئمن للبــــــــــشر   گلبي ضــل يغلي غلي ___ گمت احس روحي ابحلم    امشي مـا بين الزلم يا وڪـــت آنــــــه انشتم   وأهلي مستودع علم اهـــــــوايه گلــــبي ينلچم   ڪون يقرب مقتلي موقف اهـــوايه صعب    ادخل السوگ الغرب واصبح افراشي الترب    وبالحجــاره ننضرب اشســـــوه بينه هالدرب   من مشـــيت ابلا ولي ___ ويلي منچ ڪــــربله     بيچ اصیحن لا هله جيتچ اویـه العــــایله     وآنه چــــنت امدلله ومن طلعت امسلسله     وامشي ويه عاذلي ________________ وليد المندلاوي

شوط كربلائي للإمام الحسين عليه السلام لوما ينرفع راسك. ما ينرفع راس الدين مات وانت احييته. شكرا سيدي يحسين ٠٠٠٠٠٠ دين الله انهدم ركنه. بمعاول من بني سفيان يزيد اتجبّر بحكمه. وأسس دولة الطغيان راد ايحرّف الاسلام. ويلغي شنزّل القرآن محّد عارضه وردّه بس انت الگمت ضده وگّفت النذل حده عام البي عِله الاسلام عام الواحد وستين ٠٠٠٠٠٠٠ الدين تجسّد بشخصك. يوم العاشر بعاشور ضلام الباطل وحمكه. كل ظنهم يطفي النور لجل دين النبي يحسين. ضحّيت بدمه ونحور ابد ما ساومت خصمك لحدما كطّعوا جسمك انتصرت بروحك ودمك هذا انت الحييت الدين. وين الحاربك چا وين ٠٠٠٠٠٠٠٠٠٠ رفّت راية التوحيد. بيدك وعتله الاسلام يوم اللي صحت كلا. ما بايع حكم ظلّام دمك هز عروش بليس. وبعدك جم شهر ما دام وانت تخلّدت بدماك يحسين ونجح مسعاك وربنه عله العرش علّاك كراماتك يبوالسجاد. ربحت بدمك الدارين ٠٠٠٠٠٠٠٠ لوما ينكطع نحرك. ولوما دمك الطاهر چا رد حكم ابو سفيان. يزيد الظالم الفاجر وچا ما ظل بعد اسلام لا ماضي ولا حاضر عالذل ما غفت عينك يحسين وشلت دينك بين الخالق وبينك عهد يا سيدي وميثاق. وفيت العهد والديَن ٠٠٠٠٠٠٠٠٠ ضامي بكربله ذبحوك. لأن ما بايعت سفّاح تگطع عالرمل جسمك. بسيوف ونبل ورماح طحت يحسين من مهرك. بس دينك عِله وما طاح راسك عالرمح رفعوه وجسمك سيدي سلبوه بحوافر خيلهم سحگوه لحدما طحنوا ضلوعك. لا مره ولا مرتين ٠٠٠٠٠٠٠٠٠٠٠٠ كدروا راسك يكطعوه. بس ما طفّوا انوارك خالد بالدهر يحسين. وما يخفون آثارك لحدما يظهر المهدي. وهوه الياخذ بثارك وحنه بكل زمن ويّاك عهد عالفطره عاهدناك ابد لا والله ما ننساك نذكرك سيدي بكل عام. وتبچي لمصرعك كل عين سيد زيد الفحام ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

#تـراث زينب ودعت عدنان أهل الشيم ولياها اوراحت باليسر لديار غربه ابولية اعداها ــــــــــــــــــــــــــــــــــــــ امتثلت أمر باريها او لله اعلى الهظم صبرت اوراحت باليسر لاچن لمن عالجثث مرت صاحت من گلب مهظوم يهلي اوحنت اوونت يهني شرد اگللكم شيفيد امن اعاتبكم عني الدهر فارگكم يهلي امودعين الله اوحيدر والنبي طاها ــــــــــــــــــــــــــــــــــــــ أو لمن شافت المظلوم اخوها أعلى الوطيه أطعين رادت من على الناگه ترمي روحها اعلى حسين ناداها على السجاد لاچن يهل دمع العين يعمه ماتشوفيني بالسلسله امگيديني بالله اعليچ ارحميني يعمه أوعايني امتوني سود الحبل خلاها ــــــــــــــــــــــــــــــــــــــ يعمه ودعي المظلوم وانتي راكبه الناگه لاچن ودعيه اوداع بي للمحشر افراگه يعمه بعد ما وياچ أخوج حسين يتلاگه اوزینب صاحت ابونه يا مظلوم عاينه جسمك راح اعوفنه امودع بالله واختك هاي كلها غصص دنياها ــــــــــــــــــــــــــــــــــــــ والله ياضوه عيوني عنك بالغصب ممشاي اولو چان الأمر بيدي چنت ابگه يلب حشاي لاچن غصبن اعليه افراگك ياضوه عيناي عنك ماشيه وحدي يخويه اولا ولي عندي بضعوني الشمر يحدي وانته تدري هاي النوگ هزل صعب ممشاها ــــــــــــــــــــــــــــــــــــــ واعلى النهر من مرت يويلي أوشافت العباس صاحت يمن للكلفات ردتك ضخر يافراس يا با الفضل هم ايصير اعتبك يا شديد الباس او راسك بالعمد مخسوف معذور انته يالماصوف حيث انته بلايه اچفوف اوعينك يابعد عيناي سهم الگدر طفاها ــــــــــــــــــــــــــــــــــــــ يخويه لاچن ابگلبي حسبه وخايفنه منها خافن من اطب اديار غربه ولا اعرفنها شسوي لو اشوف الناس تعايني واعاينها وانت تدري يعيوني اني الما يچهبوني بت حيدر يعرفوني اشلون ام الخدر تالي تتستر بيمناها ــــــــــــــــــــــــــــــــــــــ يخويه ومن وطن طيبه يوم الي اطلعت وياك هيس بالخطر گلبي واعرفته كلف ممشاك لاچن امنت يمن گام يرف عليه الواك وگلت وي اخوتي اگصد گلبي يعوفكم ميود شچم يوم ولهلنا نرد ما ظنيت سفرتكم لجل الكِدر منواها ــــــــــــــــــــــــــــــــــــــ عگب ما ودعت بالطف زينب كل اهاليها راحت صابره الحره ومتچله اعله باريها بس الروس فوگ ارماح وياها تباريها وتسمع لليتامه اونين وحده تصيح وين حسين او وحده تصيح عمي وين او وحده تنحب او وحده تبيد الحيل ببچاها ــــــــــــــــــــــــــــــــــــــ او لمن طبت الكوفه العيله وگعدوها بدار گامت تعتني الوادم تتفرج على الأيسار لن طفله غدت تنشد زينب والدموع اعبار تگللها وتجر ونه اشوف الناس تتعنه ياعمه او تعاينه وين اتروح تاليها اوين يصير ملفاها ــــــــــــــــــــــــــــــــــــــ تگللها لهلها اتروح من تتفرج اعلينه صاحت احنه چا يمته نتعنه لهالينه يعمه وين چا عباس وين حسين والينه ليش احنه بلا وليان يعمه بوليه العدوان وي اهلي وبني عدنان او هاي الحرم والإطفال وين الچان يحماها الشاعر المرحوم الشيخ هادي القصاب (435) #اللهم_عجل_لوليك_الفرج

#من_فوگ_الهزل_يحـسين السيده زينب تودع الحسين من على الهزل من فوگ الهزل يحسين صار اوداعنه وفرگاك نايم خـــويــه علتربان ياريت ابقه انــه وياك ========================= مــن فــوگ الهزل صعبه يـلــويـان اعوفنـكم شيصبر الگلـب يحســين لو ماعينـي شافتكم افرش كون انه اهناك وابقه اعله الترب يمكم اقره الفاتحه كـل ساع وبچـيك بدمــع ونعاك ========================= اول مــرّه هـاي حسين امشي بدونـها اخواني اجيـت مدللـه وهاليـوم حــبل اعداك گاداني طولي الماتشوفه الناس هس الجيش شافاني شيرجع ايامك ذيـــچ تبـدي غـربتـي ابلـيـاك ========================= حادي النوگ مو عباس حادي النوگ ما عرفه حادي النوگ جاسي وياي لوداعك فلا يرضـه مسـرع يمشي مـو بهداي يمّـك ما قبل ابقه امشي بهزله خويه شلون وادري حسين مايرضاك ========================= اول مــره هاي انه طولي الماتشوفه الناس كله اشــرت يحسين كالو هاي اخت عباس لاخــوان تمشي وياي لا ضـلت الي حــراس تتمرجل علينه اغـراب ياخويه عگب عيناك ========================= بحبال السـبـي يحـسيـن اول مـرّه هاي اصير نســوان وبـلا حمّـاي والعـسكـر علينه ايـدير حرمه انه وحيده حسين حرمه ابلايه والي تحير بعدك مانشف دمعي يالغالي صعـب انسـاك ========================= ✍️عباس مالك آل عفريت نسألكم الدعاء

اهوازي في شجاعة مولاتي زينب الحوراء عليها السلام شالت بيرغ العباس ومن حيدر خذت نخوه غابه وحايره هالناس طبت للقصر لبوه ========== زينب طبت بهل يوم والوادم صفت خرسه معكوده اللسن شتكول تذكر ياحجي وتنسه حجيها سطرة العباس جفه بهيبته ونفسه زينب هيه بحساسه غيضه ونار البراسه نار وتشتعل كل حين حجيها جم گلب جوّه ========== لمن تنطق الكرار حجيه ومنطقه بحكمه زينب هيبة العباس نزلت عالخصم نقمه ذلت بالقصر أشرار وبانت بالعدوا ثلمه زينب سيف المجرب حاشه من الشدد تتعب عفة فاطمه الزهراء تكوه اعل التعب تكوه ========== هيبة هاشم الحوراء طبت عمة الساده كسرت كل خشم مغرور زينب كسرت عناده بيت العنكبوت اتكول القصر هزتله اوتاده أوهن هالبيوت اهتز ولهدمه القصر يجهز ايامه عدد ويروح وابطن الارض يهوه ========== القصر جنه الشريعه بهاي ودام جانت هوايه وهواي الحجي المضموم كلمن قادم بغايه اجاهم جن كمر عدنان زينب دكت الثايه طخت بالقصر هالروس دكت للحرب ناقوس مانزلت سبيه بهاي نزلت عالخصم بلوه ========== القصر يتزلزل ويهوه كل كلمه حرب تشعل جن حمزه وعلي وعباس زينب بالحجي تزلزل بركان انفجر بس غيض سجيل ورعب ينزل ذلت ابرهه بقصره وخلتها الزلم أسره وفت حق علي الكرار وفت حقها بالخوه ========== أشتات الجمع شو صار السحِر جن صار عالساحر خلصوني يصيح بصوت يتلفت بقه وحاير ذلتهم أخت عباس بيهم سوت الماصاير محتاره الزلم تنگاد خطت زينب الامجاد تاريخ وبقه التاريخ ماينزل بقه إبعِلوّه ========== الشاعر علي النائلي

حيهم يا عمام حسين طاح حسين من مهرة واليتـه الزلــم ويريــد منكم واحــد يحضره ــــــــــــــــــــــــــــــــــــــ حيهم يا عمام حسين هذا حسينكم وحدة طايح والزلم والخيل هدت لــي فرد هــدة مـــا صح بالخلكَ نغـــار عنه العـــايل يرده اول تالي هيج حسين حته اخوان ما عنده الكلها تطيح جدامه سلبو منه العمــــامه ولا فزعت كَرابه وياه ولا من ناصر ينصره ــــــــــــــــــــــــــــــــــــــ مامش زلم بالصيوان ظلت حتــه احشمهــا لزينب يهـل زينب ليش مــافزعت ولد عمهــا ظل اعلى الرمل مطروح ابن سيد مكارمهــا طاح وعنده بس نسوان ركضت ليه من خيمها هضيمة وحيل موسهلة بس نســــوان تفــزعلــه وعلوياتكم بالبر ركضن والدرب عثرة ــــــــــــــــــــــــــــــــــــــ ركضن صوب ابو السجاد من فزعت الخيــالة شـافنــه بهـــذاك الحـــال كَــامن يبجن لحــاله ذنــي مدللات حسين مـــا يتحـــاجن بجــــاله هسه حسينهن مــن طــاح صارن بيد جتـــاله هسه الهضم كاتلهن من طــاح المدللهن ومن ينطر فجر للشام وراهن ع الهزل سفره ــــــــــــــــــــــــــــــــــــــ ركض وملافت وعثرات من الخيم للحـــومة اطيحن من يطكَوني واحير انوب بالكَـــومة وصلت يمه ولكيته يلوج والحر غير ارسومه صدك نايم لكيت حسين بس شلونها النومة شفته وعسن لاشفته يتكَلب عــــزيز اخته يصيح الماي اريد الماي كَلبه من العطش جمره ــــــــــــــــــــــــــــــــــــــ بس انه افزعت لحسين مــا صحت زلـم تنغــــر خلصت الدرب لوعات نوبه انهض ونوب اعثــر لكيته من التعب مكَطوع نفسه وميت من الحـر الف وتسع مية صواب بيه وبعــد بيــــــه اكثــر حرت يا جرح اضمدنه اخ يصيـــح اسمعنـــه اشدن يا جرح بحسين وبي من كل كتر طبرة ــــــــــــــــــــــــــــــــــــــ من فوك المهر للكاع طيحت شيخكــم صعبة لا ظلت عشيــره ويــاه لا خـــوان لا صحبـــه كبل الذبح يطلب مــاي محـــد يقبل يشربـــه ومـن بعـد الذبح سلبوه وسحكت خيلـهم كلبه طايح شيخكم زحمه بيـد المــــالهم رحمـة من كثر السحكَ بالخيل ضلوعه انطبكت بظهره رائد الناشي #اللهم_عجل_لوليك_الفرج

اهوازيه .  (( #وداع_الثاكلات )) …………………………………………………………… اشوي ريّض يحادي النوگ . خل نتوادع اوياهم اهلـنه اعل الرمل نيّام   .  رحنه وما دفناهم …………………………………………………………… احنه النسه المسبيات . وبلا زلم ضلينه انمشي اعليك رب الكون . للتوديع خلينه ابد يا حادي منعطلك . وفوگ النوگ خلّينه واضربنه ابحجر وبسوط . اذا للكاع نزلينه هم تسمع يهل حادي جثثهم ظلت اتنادي علينه وصوت كلّه آهات . يطلع من مناحرهم …………………………………………………………… يحادي وگلبي ماهوه . ظل يم الوَلد يفتر ابني الفرس فرّت بيه . طبت نص المـ عسكر صم حنطه انثر بالكاع . هيجي اوليدي امطشر لزوم اعرفت ياهي آنه . المسبيه  ام علي الاكبر الجيش وكله ذباحه ابجمسه انشتلت ارماحه جسم ابني وصفه فرهود . عليه وصاح صايحهم …………………………………………………………… اوچب بله يالحادي . وخل اوحيدي اودعنه امسابگ صار لچفوفه . ادمومه وسبگت الحنه بيرغ ابيض احسابي . ابخيمة عرسه اعلگنه مو زفه ابفرح صحبان . ارماح و نبل زفّنه من فركاه مسلوله ونّه ابدال هلهوله ام جاسم المافرحيت . عمامه وبالعرس كلهم …………………………………………………………… وصوت امن البچي مبحوح . تگل للحادي إتهدّه اوليدي وبيه شوغة ماي . ما شابع لعب بعده شلون ايظل بلايه اگماط . لو دفنوه وسط لحده بالنبله اذبحو انبني . وردّو سلّبو مهده ام الطفل عبدالله المحد گاله اصملّه راح اوليدي رايد ماي . رد ابنحره نبلتهم …………………………………………………………… ولن صاحن بنات اثنين . هونك يلّي ماخذنه نتوجّه الصوب الماي . و نسلّم على عمّنه نگله السوط شل امتون . هذا الحبل جاتفنه آنه أرقيتك يحـ نين . وآنه أرويحتك سكنه يعمي و عالو اعليه امن اذني وخذوا ترچيه نشرد من لهيب النار . يجينه ايدوس حافرهم …………………………………………………………… صاح الخدر افجع صوت . وچن الصاحت الزهره اوچب خل أگل لحسين . اختك مشت متيسره ظهري امن السياط اهلال.واجدام ابركض حمره حيلي اخذنه مني الخيل .من لعبت على صدره وداعاً يا نظر زينب ابحر الشمس وامسلّب جثث أصحابك وميتين . وهاشم ما بگه منهم ……… ................................................. ليظل بالكم يخوان . انا الكافله العيله عبايه امن الله الي تفصال . مُحمد خيّط الشيله اختكم چن علي من چان . شاب ويا كُبر حيله حمزه اللي صگر سفيان . واليدنالي يا ويله رغم اچفوفي مچتوفه أچتف الشام والكوفه لو شافوني چن ريشات . والعباس طبّاهم …………………………………………………………… ✍️ ( سيد خضر الزاملي )

بحر طويل . الطريقة الاهوازية

شوط كربلائي الوداع وداعك موسهل خوية .. وداعك يهـدم الدلال اخلافك سالفت زينب .. يبو السجاد ماتـنگال ***   اليسولف خوية بـوداعك .. كون انـــسان بي قوه وقوية اختك لچن تدري .. يكسرها حچي الخـوه انـــه بحـاجة مروتــك .. اخلافك ما اكو مـــروه من گتلي وداعك حل بديت الواقعه اتخــيل وچني واگـــفه عالتل اصيحن لو عدل يحسين .. الحگ هجمت الانذال ***   گول بخاطــرك شيـدور .. بــس الفرگه خليــها العشـــره البــينك وبيني .. صدگ هالـيله تاليها من يوم اهدعش زينب .. الوادم خويه تســـبيها من هالليله مسبـــيه واحس الحبل بيديه وكلها تأشــر اعليه هاي اخت الكمر عباس .. المحد شايف الها خيال ***   مودع الله ياخويه يمـــن .. ناوي الهجر باچر الراح يصير ادريـــبه .. لا صـــاير ولا داير أشبگني على صدرك .. گبل ميشبگك الحافر يروح اختك يبعد الــحيل يخويه انا اوله من الخيل انه ويـــــاك بــس هالليل باچر عالـــتراب انـــته .. وانه محـــيره بعيال ***   گلي ومااريد هواي .. هـــيه خويـــه بــس كلمه باچر گلي يازينب .. باقـــي ويـــاچ أبو الــــيمه تره امن تروح ظعن اختك .. خـــويه محد يلمه مثل جسمك يبو الأكبر يخويه ضعني يتطـشر شوف شكبره هذا البر من تشرد من  الغاره .. يخويه شيجمع الأطفال ***   حزن ســـالوفت وداعــــك .. يخـــويه بگد جبل حمرين الهجــــرك يالاخو ينـــراد .. مـــو مــــالت گــلب وثنين صدگ هاي اخر الساعات..صدگ خويه نگضت يحسين كلشي يهون اله انـته وداعك كلفه ســـالفته هذا اصعب مسه شفته مثله مايصـــير وصـــار .. ولا مايخـــــطر اعــــله البال ***   باچر من تـــروح انته .. ويرد النه المهر خالي حالي شلون راح يصـير .. عگبك يالاخو حالي من هســـــه يبو اليمــــه .. اخــــذ ويـــاك دلالي يشهگه وتــكتل الشــهگه يــمن بحساسك مغـــرگه الگلب مابي على الفرگه بدونك گلبي ياخويه .. ترس متروس خويه اهوال *** حيدر تركي الكربلائي

شوط كربلائي للخدمه حياتي وكلشي غالي يروح فدوه لنظرت عيونك اذا حبّك هوى الريّه اعيش شلون من دونك ٠٠٠٠٠٠٠٠ انه المنذور الك يحسين. دخيلك سيدي اقبلني خـــادم للخـدم يكفــي. مروتـك لا تفشّلني اريــد بدفتــر الخدام يبو الأكبر تسجّلني عهد لاخر نفس بيه اخدمك ابقى يوميه جثيره فضالك عليه اجيلك وسجد ابابك. على اعناد اليبغضونك ٠٠٠٠٠٠٠٠٠٠ عشت بين المجالس هاي. اموت بلا هوى الخدمه مثل امي وابوي هواي. احبك يا ابواليمه دعيت الله بوجودك دوم. يديم علية هالنعمه وعيش بخدمتك عمري اذكرك والدمع يجري وكسّر باللطم صدري اعادي اللي يعادونك. وحب اللي يحبّونك ٠٠٠٠٠٠٠٠٠٠٠٠٠٠٠٠٠ عهد يا سيدي يحسين الك طول العمر خادم اليضن اتخلّه عن حبك وعوفك وبتعد واهم أنه الماشفتك بعيني. لچن بمحبتك هايم عشك عالفطره عشكي وياك اذكرك كل وكت ونعاك مو بيدي الگلب يهواك جبيره خادمك يحسين. خادم لليخدمونك ٠٠٠٠٠٠٠٠٠٠٠٠٠ اذكرك وانت تحت السيف. شمر كاعد يحز نحرك اذكرك وانت تحت الخيل. ترضّ وتسحك بصدرك اذكرك منذبح مسلوب. غريب ومحّد ينصرك شذكر ونسه يا موضوع راسك عالرمح مرفوع خنصر ايدك المكطوع لو لا سهم الامثلّث. الأخذ كل حيلك ولونك ٠٠٠٠٠٠٠٠٠٠٠٠٠٠٠٠٠ يلوموني عليك ابچي. خلّيهم يلوموني أنه العايش مصابك دوم حكهم ما يفهموني مو بس ابچي ليل انهار. كون اعميهن عيوني انت الماشربت الماي وانت المالگيت افياي شسولف والجروح هواي امك فاطمه الزهره. كل هاي ويذبحونك ٠٠٠٠٠٠٠٠٠٠٠٠٠٠ قليلة الدمعه بمصابك أنه مقصّر يبوالاكبر اواسيك بدمع فشله. كون بگطعت المنحر مثل عابس يريت الموت. هيج بحبك اتوذّر سماحك يا اعز ناسي عهد من گلبي وحساسي اخدمك لاخر انفاسي وزورك كل وكت يحسين. وي جمع اليزورونك سيد زيد الفحام محرم ١٤٤٨هـ ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

#شوط_كربلائي  ( #أهل_الغيره ) يـهـل الـغِـيـره غـيـرتـكـم   عـيـنـوا بـالــعَـزه الـزهـره فـاطــم تحـضـر وتـنـظـر   وتـحـب الـــيــدگ صـدره                          *---------------*---------------* عيـنـوهـه بمصاب حسين   يـهل الـغِــيــره يالـخِـدام لــولاكـم يــمــوت الـنـوح   ومجلــس فـاطـمة مادام الباري ابـفـضـلـه خصّـاكم   تشـدون ابـعزاهـه احزام                          انـــتـــم لـلــزچـــيـــه انـــصـــار                يــالــبــيــكـم شـگـول احـــتـــار                وفـيـتـوا بــضــعــة الـمــخــتــار خــدام ولـطـمـكــم هـــاذ   عـظيم بـقـيـمـتـه واجـره                         *---------------*---------------* ام الـحـــســن تـرعـاهــه   ومتعوف الخدمهه ابيوم هـيـه اتــسـجـل الاسمـاء   للحضـروا عـزه الـمظلـوم هــاي الـلـيلــه واسـوهــه   بٱحـزان ودمـع مسـجـوم                واســوهـه ابــدمـــوع الــعــيـن                يــهـل الـغِــيــره يــاطــيــبــيــن                هــالــنــوح لـمــصــاب حـسـيـن الـظـل امـوسـد الـتـربـان   وبـــدمـــه روه الــغَــبــره                          *---------------*---------------* عقيدتنـه ونظل لـلـمــوت   الـمـئـآتـم واللطم شـاهـد مرّه ابـسـاحـة الـمــيـدان   و مرّه ابمجلس انـجـاهـد عـلـيـنــه تــشـهـد الأيــام   نوافي ابـدمـنـه ونـعاهـد                نـعـزّي فــــاطــــمـــة وحــيــدر                وإنْـخـلّـي الــــــدمـــــع يـــنــدَر                نـعــوف الــغــالـي مــا نـــگـــدر واليتـرك عـزاء حـســيــن   إشـيقـدّم لـلـنــبـي عـذره                         *---------------*---------------* عــهـدكـم ثابت ومعروف   خـلـي الماسـمــع يـسـمـع يـفـرّقـنـه الـزمـن ونـعــود   ابمحرم كـلـنـه نـتـجـمّـع خـيـمـتـنــه عـزاء حسـين   نشارك فـاطـمــة الـمدمع                مــيــهــمــنــــه الـقـلـت والـقـال                لــحــســيــن الـجــفـن هـــمّــال                مـانـنـسـه الــبــديــهــه احـبــال الــعــادانــه نگـلـه الـيـوم   مـحـرم كـلــنــه ننـتـظـره                          *---------------*---------------* إلْـعـاده الـمـجـالـس هــاي   و الــرايـد يـلــف ويــدور نــگـلــه تــتـعـب اويـانــه   خـلـيـنـه ابجـرح عـاشـور بـس الـمــنـكـســر گـلـبــه   يـعـرف لـوعـة الـمكـسـور                مـــحـــرم بــالـلــطــم يـــنــعـــاد                ونــعــاهــد لٱبــــــو الـــســـجــاد                نــفــديــلـــه الـــعـــمـــر لــــو راد لـلـمـوت وعـهـدنـه اويـاه   الـغــالــي الرّخَـص عـمـره                          *---------------*---------------* غـيـرتـكـم تـشـيـل الراس   بوصـفكم يعجز إلـسـاني احـمـِـد ربــي وٱتــشــكــر   خــادمـكــم صــرت أنــي يـخـدام الــزجــيـه انـريـد   واحــد يــلــزم الــثـانــي                إنْــــريـــد الـــشـــمـــل يــلــتــم                وحــچــي اللامــونــه مـانـهـتـم                 نـنـصـب لـلــســــبــــط مـــأتـــم ومـنـعـوف الدمع للمـوت   وتبقـه ٱللـوعـه مـتـوجـره                         *---------------*---------------* ✍خادم الحسين ع الشاعر رعد الجريخي

شوط كربلائي ليلة القاسم ع الام الفاكده ابنـَيــها ..  بس الدمعه سلواها وليليه على العريس .. رمــله تنــوح نلگاها * رمــله ام الشــباب اتنـــوح .. وبيهــا النــار تتوجر صواب اوليدهه تحــس بي .. حدر ضلوعه خنجر ضوه الله شافته اعله الكاع .. يـوم العاشر مطشر شهگت والحچي اتبده الدم من شـافته بـخده وسهــم النــايبه اتـعده صاب اگليبها المكسور .. هـــذا الســهــم واذاها * اتحاچي اوليدها المذبوح ..  واليسـمعها يتكطع تگـــله اوداعـــة اعيــونك .. احس دلالي يتهزع صـــح اتــشوفــني عدلــه .. باچــر يمـه اتشــيع عالنــاگــه يشيـــعوني وحقك ياضوه عيوني اتمــــنه يـخـــلـــــوني يمك حتـى اشبـع نوح .. وعيني ينطفي ضواها * وحق الحنه والشوباش .. وحــق ياســاتك الذبلن الوصلن چبدتـك يمــه .. الچبدي وداعتـك وصلن المابيهن سمعــت بيوم .. علــى راســـي تره نزلن يالمگــطع يالــمدمه يالكاسر گلــب عمه امن الغبره وذر لمه عـگبك رملــه ياجسام ..  ماتنحـــچــي بلـــوها * تگله وداعـــة ارســومك .. المـتــغيرات مـــن الحر گمتم ماوچد امن امشي .. بذيــالـــي ييـــمه اعـثر يوجه العافيـه جاليــش .. وجهك هيچ صار اصفر يماخذ روحي حاچيني تره محترگـــه تــدريني بكلمه وحـــده طفيــني زمان امك يــبعد امــك .. عگــبك كلشي راواها * افك عيني واگولن كون .. جيثـوم وارد اصحه والگه اولــيدي متحـني .. بحنته مو بـدم ذبحه بس للاسف مو جيثوم .. راس ابني عله رمحه عـلى راعـي العزوبيه المضايف كلهه محنيه ومكسور الحسن فـَيه بمصيبة جاسم العريس .. تبچــي دموم خلاها * الشاب الي يموت الناس .. كلها تنتحب لجله ومحـــنة جاسـم الليــله .. ياهالناس موسهله بشهادة ابني معـناها .. يعني استشهدت رمله المامزفوفه فرحتهه تلوگ اليوم ذبحتهه الاخذو منها نفحتهه لمن تختنــگ هاليوم .. ماتـــنلام وشـــجاها * حيدر تركي الكربلائي

سكنه تخاطب العباس   شوط كربلائي سكنه تخاطب العباس  يچوي ابعينها المدمع يعمي مانريد الماي  ياحامي الظعينه ارجع ★★★★★ العفا علماي من دونك  يعمي الله اليصبرنه والله مانريده انچان   من شوفتك يحرمنه اغله من الهوه والماي  تدري شوفتك عدنه ميهمنه العطش  والحر وعنه الماي يتأخر نريدك تدفع اهل الشر يلماتقبل ابهمنه    يضل وگلوب تتگطع ★★★★★ لتگلي يعمي الماي  الكم راح أجيبنه وملتمه علينه الگوم  چنها ابثار تطلبنه ياهو ايحامي ابوالسجاد  ويزيل الكرب عنه علينه بالغدر والشر جيش الباطل اتحضر يعمي كون تتحذر واخاف من الضهر غفله  عليك اهل الغدر تفزع ★★★★★ العفا علماي ياعمي  لذيذ الماي منريده الغفله فارگ الغالين  بعد الماي شيفيده اشوفن جيشهم يرعب يعمي تارس البيده موسهله عليه اتروح وانته السند وانت الروح نهاري چملاني جروح ادعي الليل لايگضي   ولاشمس الصبح تطلع ★★★★★ يگل السكنه ياعمي  شنهي الجيش وابطاله وانا ابن الاسد حيدر  المحد يوگف أگباله لحسين أنذرت عمري  واجيب الماي لعياله اجيب الماي متعني هاي الگوم متهمني اريد الباري يقبلني وخل فوگ الثرى جسمي  وبالوديان يتوزع ★★★★★ شلون الحال من بعدك  سبايه ابولية الظالم وضعنه ما إله حماي  بفجوج الفله هايم وحده  ايضل ابوي حسين  عگبك ياگمر هاشم ترضه حسين بالشده ياعمي يضل وحده اخافن ينمرد چبده وتتخاطف عليه الگوم ينادي ولابشر يسمع الشاعر حسن لعيبي الحريشاوي