قصائد حسينيه مكتوبه+اللحن

من اربعينه وثِكل همه زينب حايره ودنياها ضلمه ـــــــــــ حايره ويا دار من بعده التطبها وعلى فراك حسين شيصبر كلبها وزينب من الفرگ مابطل دمعها حسين من بعده الهوه يصعب تشمه من اربعينه وثكل همه زينب حايره ودنياها ضلمه ـــــــــــ بعد يادار التطبها وميته كلها زينب بحيره تضل ميتين اهلها ابليله ونهار العقيله محد الها لا عشيره ولااخو يحسين يمه من اربعينه وثكل همه زينب حايره ودنياها ضلمه ـــــــــــ ضلت ايتام وحرم بيها الضعينه وكلها مدفونه العشيره البلمدينه اشلون زينب حالها بيوم اربعينه ياوسافه حسين تربان التضمه من اربعينه وثكل همه زينب حايره ودنياها ضلمه ـــــــــــ ضايكه الدنيه الوسيعه الحره بيها شلون تمشي وبالگير نايم وليها اتذكرة من عافته ومجتوفه اديها عالتراب مكطع ومحد يلمه من اربعينه وثكل همه زينب حايره ودنياها ضلمه ـــــــــــ تريد تمشي من اربعينك وين تمشي الياكتر تنطي الوجه يحسين تبجي اتريد تشكي المن بعد يحسين تشكي هضمه الخوان ياهالناس هضمه من اربعينه وثكل همه زينب حايره ودنياها ضلمه ـــــــــــ زينب بلياك چا لساها اسيره هيج فركاكم عمل بيها الاميره امكيده الروح بغيابك هل الجبيره من اربعينه وثكل همه زينب حايره ودنياها ضلمه ـــــــــــ الشاعر حسام الجنابي القصائد الثواب

حسين من طاح وخذوها اعمامته يعلم الله شلون صارة حالته ـــــــــــــــــــ عاف كلشي حسين بس العيلته شاف خيل ونار حركت خيمته وبالحجار الناس صابوا جبهته حسين ماهم لسهام وطيحته حسين من طاح وخذوها اعمامته يعلم الله شلون صارة حالته ـــــــــــــــــــ حسين محد صار مثله بكربله ايعالج بروحه ويشاهد كل هله ايشوف زينب تركض ومتعلعله الناس بيهم كلها طلعت شامته حسين من طاح وخذوها اعمامته يعلم الله شلون صارة حالته ـــــــــــــــــــ حاره وطايح رمل بجروحه حسين ميته من العطش هم روحه وروحه من كثر الهظم مذبوحه والتعرفه حسين ضلت صامته حسين من طاح وخذوها اعمامته يعلم الله شلون صارة حالته ـــــــــــــــــــ حالت حسين الابد ماصايره مثل زينب يوم ضلت حايره عليه الناس دارة وعله زينب دايره كلها دم وتراب صارت هامته حسين من طاح وخذوها اعمامته يعلم الله شلون صارة حالته ـــــــــــــــــــ تربي عينه حسين ضلت عالخيم سلبوها الناس ماعدها شيم حسين من الراس ميت للجدم واحد بسيفه يجر وبلامته حسين من طاح وخذوها اعمامته يعلم الله شلون صارة حالته ـــــــــــــــــــ الشاعر حسام الجنابي القصائد للثواب

شلون الخيل ادوس ابصدره حسين المحد يوصل كدره ـــــــــــــــ الحسره اعلينه حسين نبوسه شلون الخيل بصدره ادوسه وشيباته من الدم متروسه والمتربي بحضن الزهره شلون الخيل ادوس ابصدره حسين المحد يوصل كدره ـــــــــــــــ كلب حسين اشلون تشلعه فوكه انداس وكسرة ضلعه مو بس حسين وكل ربعه احسين ابخنجر كطعو نحره شلون الخيل ادوس ابصدره حسين المحد يوصل كدره ـــــــــــــــ يكسر والله حسين الخاطر مو مالت خيل و لا حافر ويتربع فوكه ابن الكافر وسهم الغادر كاسر ضهره شلون الخيل ادوس ابصدره حسين المحد يوصل كدره ـــــــــــــــ ارقيه وعبد الله يشبكونه من صدره حسين يحبونه تاليها بخيل ايدوسونه عطشان ومايشرب كطره شلون الخيل ادوس ابصدره حسين المحد يوصل كدره ـــــــــــــــ وجه الله حسين وبي رحمه وطهر واحد وحسن نعمه صابو كصته وسالن دمه وصارت كصته من الدم حمره شلون الخيل ادوس ابصدره حسين المحد يوصل كدره ـــــــــــــــ تاليها بخيل يسحكونه ومن كفاه هم يذبحونه وجسمه بلا راس يخلونه وراسه حسين يضل بكتره شلون الخيل ادوس ابصدره حسين المحد يوصل كدره ـــــــــــــــ الشاعر حسام الجنابي القصائد للثواب

اليوم هذا اخر وداع وياها رقيه عالراس الاجل وافاها ــــــــــــــــــــــ تريد ابوها رقيه كلمه تكولها راس والدها ابطشت جابولها حسين مذبوح الابو يكلولها وزينب الحره الكثر بلواها اليوم هذا اخر وداع وياها رقيه عالراس الاجل وافاها ــــــــــــــــــــــ زينب تعاين رقيه وحالها وهيه زينب منشده كل بالها رجعوا كل الطفوف كبالها وزينب وكل الحرم تنعاها اليوم هذا اخر وداع وياها رقيه عالراس الاجل وافاها ــــــــــــــــــــــ رقيه من تالي الخرابه اشجابها وراس ابوها حسين صار ابابها حضنت الراس وهدت وناتها ضنها ابوها حسين يتلكاها اليوم هذا اخر وداع وياها رقيه عالراس الاجل وافاها ــــــــــــــــــــــ جان كل ضنها يرد ويشوفها وتشكي ماسات الدرب وي خوفها مادرة بحسين تالي يعوفها الموت ماتدري بغرب يتناها اليوم هذا اخر وداع وياها رقيه عالراس الاجل وافاها ــــــــــــــــــــــ تشكي ودموع الغرب حراكه بويه صار هواي جا مشتاكه تعبتني تكله بويه الناكه نحر ابوها شلون جا راواها اليوم هذا اخر وداع وياها رقيه عالراس الاجل وافاها ــــــــــــــــــــــ طفله ماتحمل هضم عوفوها اشلون بس نحر الابو تشوفوها كل قصدهم صارو يموتوها الموت بديار الغرب لاواها اليوم هذا اخر وداع وياها رقيه عالراس الاجل وافاها ــــــــــــــــــــــ الشاعر حسام الجنابي القصائد للثواب

من الطف مشت للشام زينب اسيره مو سهل درب الشام حيرتها حيره ــــــــــــــــــــــــــــــــــــــــــــــــــ فوگ الهزل والنوب مچتوف ايديها بس الحرم ويتام من يدري بيها ودرب الغرب يا ناس يصعب عليها وعافتهم ابلاروس كل العشيره من الطف مشت للشام زينب اسيره مو سهل درب الشام حيرتها حيره ــــــــــــــــــــــــــــــــــــــــــــــــــ مفجوعه بالخوان والدمعه تجري ومذبحه الخوان من بيها يدري ونار العقيله ابنار هم بيها يسري من الطف مشت للشام زينب اسيره مو سهل درب الشام حيرتها حيره مچتوفه ايديها شلون ذيچ الچبيره ــــــــــــــــــــــــــــــــــــــــــــــــــ محتاره بين الناس وبالغربه غربه لو طبت الديوان طبتها صعبه مو سهل بين الگوم وگفتها تعبه وافترة البلدان ديره على ديره من الطف مشت للشام زينب اسير مو سهل درب الشام حيرتها حيره ــــــــــــــــــــــــــــــــــــــــــــــــــ اه يا مصاب الشام يل ماكو مثله شافت هظم بالشام محد يحمله يشبه مصابه حسين موتها طفله ظالم يدز الراس وعمه البصيره من الطف مشت للشام زينب اسيره مو سهل درب الشام حيرتها حيره ــــــــــــــــــــــــــــــــــــــــــــــــــ تتصارخ النسوان من طبت الشام وتلاگو الطيبين ملگه ويا ظلام والبيها زينب صار مايطري بالاوهام وجه العقيل احتار والمن تديره من الطف مشت للشام زينب اسيره مو سهل درب الشام حيرتها حيره ـــــــــــــــــــــــــــــــــــــــــــــــــ الشاعر حسام الجنابي القصائد للثواب

ياهو يم زينب وصلها وزارها ارد اگله الحره شنها اخبارها ـــــــــــــــــــــــــــــــــــــــــــــــــ ياهو شاف الحره من زرتوها لسه مچتوفه ابحبل شفتوها چنها بالطف زينب ايضربوها الحره زينب لسه ظلمه ديارها ياهو يم زينب وصلها وزارها ارد اگله الحره شنها اخبارها ـــــــــــــــــــــــــــــــــــــــــــــــــ لا تگولون الغريبه مو غريبه زينب الحره مصيبتها مصيبه عاشت ايام ولحد هسه عصيبه انهارها اسود مثل ليل نهارها ياهو يم زينب وصلها وزارها ارد اگله الحره شنها اخبارها ـــــــــــــــــــــــــــــــــــــــــــــــــ لسه زينب باقيه ابنفس الوجع مثل ما راح الكفيل وما رجع ماتت ابيوم ابو فاضل من طلع وعگب عباس احرگوها اخيامها ياهو يم زينب وصلها وزارها ارد اگله الحره شنها اخبارها ـــــــــــــــــــــــــــــــــــــــــــــــــ هسه زينب من تصد اعليها چنها بالطف من وگع حاميها چن وحيده وحيل هم مابيها لن صبر بيها وهذاك اصرارها ياهو يم زينب وصلها وزارها ارد اگله الحره شنها اخبارها ـــــــــــــــــــــــــــــــــــــــــــــــــ چنها يا عباس لسه تنادي وچن غريب وياها لسه الحادي ولسه چن هضم العليها سادي چن يتيمه وهم تدير انضارها ياهو يم زينب وصلها وزارها ارد اگله الحره شنها اخبارها ـــــــــــــــــــــــــــــــــــــــــــــــــ مثل نار اخيامها اموجر الگلب وچنه هسه حسين طايح عالترب وهم تدير ابعينها ابديرة غرب اوعالتراب امذبحين انصارها ياهو يم زينب وصلها وزارها ارد اگله الحره شنها اخبارها ـــــــــــــــــــــــــــــــــــــــــــــــــ لسه بين الغربه گاتلها البُعد وعن اخوها حسين منعوها ترد وچنه لسه الحادي وبسوطه يهد والخيم محترگه لسه ابنارها ياهو يم زينب وصلها وزارها ارد اگله الحره شنها اخبارها ـــــــــــــــــــــــــــــــــــــــــــــــــ الشاعر حسام الجنابي القصائد للثواب

الليله دمعك خل يهل عل كضه بالسم جتل ـــــــــــــــــــــــــ الليله بااسم هلكضه سجادها عالوطيه اليوم زين عبادها الزهره موت اخلصو كل اولادها راحو الكل جان بيهم يستدل الليله دمعك خل يهل عل كضه بالسم جتل ـــــــــــــــــــــــــ الزهره هليله نعه ناعيها عل كضه بالسم جتل واسيها ويحدي عالفاكد ولد حاديها والمصاب الليله ابد هم مو سهل الليله دمعك خل يهل عل كضه بالسم جتل ـــــــــــــــــــــــــ مو سهل هذا المصاب الليله ياخذ السم من علي كل حيله ينمرد كلبه علي ياويله الليله مات الجان للعالم عدل الليله دمعك خل يهل عل كضه بالسم جتل ـــــــــــــــــــــــــ عاش عمره ابضيم وبكل العلل بس مصاب الطف اخذ منه الامل علي هليله يوافيه الاجل الليه علمسومو دمعك خي ايهمل الليله دمعك خل يهل عل كضه بالسم جتل ـــــــــــــــــــــــــ وياكم الزهره الزجيه هم تون يهمل اليله الدمع ويه الحزن ابن سيدها الرسول المؤتمن اه ياكلب الهواشم شيحمل الليله دمعك خل يهل عل كضه بالسم جتل ـــــــــــــــــــــــــ اشتحمل كلوب الفواطم من الم المايموت بسيف ينصاب بسهم كضو كلها احلوكهم متروسه دم الباقي للمهدي ولد منهم عدل الليله دمعك خل يهل عل كضه بالسم جتل ـــــــــــــــــــــــــ يجي يوم وينتقم بشرارها ياخذ المهدي الزجيه بثارها ويذبح ببسيفه الحرك هم دارها بسيفه ياخذ بيهم وهم مايمل الليله دمعك خل يهل عل كضه بالسم جتل ـــــــــــــــــــــــــ الشاعر حسام الجنابي القصائد للثواب

هليله على المضلوم خل تدمع العين ننصب عزه السجاد ونواسي الحسين ـــــــــــــــــــــــــــ واحد سحك بالخيل واحد كضه ابسم وزين العباد حسين حيله ايتهدم وبحال ابو السجاد بس الله يعلم ولجلك علي السجاد تبجي الملاين هليله على المضلوم خل تدمع العين ننصب عزه السجاد ونواسي الحسين ـــــــــــــــــــــــــــ ماعاش ابد مرتاح من عمره كله عاش بعلل مهموم عله اعله عله كضه العمر بالنوح ودمعه اليهله زين العباد اليوم بالسم كضه الزين هليله على المضلوم خل تدمع العين ننصب عزه السجاد ونواسي الحسين ـــــــــــــــــــــــــــ كضاها بالنكبات عمره المشه والراح بالهم علي السجاد مايوم الرتاح خلصها هم ونوح لتالي ونياح شاف الهضم والضيم من كل السنين هليله على المضلوم خل تدمع العين ننصب عزه السجاد ونواسي الحسين ـــــــــــــــــــــــــــ يالماشي هذه اليوم ناصب عزيه واسي الحسين اليوم ومه الزجيه ميت علي السجاد وصعب رزيه ضل بغرب مدفون وين اليصل وين هليله على المضلوم خل تدمع العين ننصب عزه السجاد ونواسي الحسين ـــــــــــــــــــــــــــ برض الغرب ياناس ميت ولينه وبرض البقيع اهناك دفنوا علينه وزيارته المضلوم حسره علينه نتعنه لبنه اليوم ونواسي كل حين هليله على المضلوم خل تدمع العين ننصب عزه السجاد ونواسي الحسين ـــــــــــــــــــــــــــ هليله عل سجاد تدمع هالعيون حسره الم وفراك كلكم تعزون وحزنانه كلها الناس كلهم يواسون هليله ابو الباقر وافاهم البين هليله على المضلوم خل تدمع العين ننصب عزه السجاد ونواسي الحسين ـــــــــــــــــــــــــــ الشاعر حسام الجنابي القصائد للثواب

ياعيني هلي دموم لبن الزجيه طايح ومدمي حسين فوك الوطيه ــــــــــــــــــــــــــــ فوك الوطيه حسين ومكطعينه طايح على التربان ومسلبينه وفوك النهر عباس حامي الضعينه وبلايه راس حسين بالغاضريه ياعيني هلي دموم لبن الزجيه طايح ومدمي حسين فوك الوطيه ــــــــــــــــــــــــــــ بالغاضريه حسين ضل مرمي جسمه ونازف على التربان ياوسفه دمه وينه اليجي لحسين للطف يلمه وضلت ثلث تيام جثته رميه ياعيني هلي دموم لبن الزجيه طايح ومدمي حسين فوك الوطيه ــــــــــــــــــــــــــــ ضلت رميه ايام محد دفنها جثت الغريب حسين محد وصلها وزينب مشت للشام ميتين اهلها فوك الهزل للشام راحت سبيه ياعيني هلي دموم لبن الزجيه طايح ومدمي حسين فوك الوطيه ــــــــــــــــــــــــــــ محد يدفنه حسين فوك الترب ضال من كثر سحك الخيل مكطع وصال وعنها الضعن للشام هم حمل وشال علطايح ومذبوح ننصب عزيه ياعيني هلي دموم لبن الزجيه طايح ومدمي حسين فوك الوطيه ــــــــــــــــــــــــــــ شال الضعن للشام ياهو اليشيله وينه علي السجاد منهدم حيله لابالطفوف الصار تدري العليله ولاتدري ابوها حسين شاف المنيه ياعيني هلي دموم لبن الزجيه طايح ومدمي حسين فوك الوطيه ــــــــــــــــــــــــــــ من كثر سحك الخيل متغير هواي تسحك عليه الخيل كل راح وجاي وين العليل الراح ومتيه الراي يسمع بواجي هواي تبجي رقيه ياعيني هلي دموم لبن الزجيه طايح ومدمي حسين فوك الوطيه ــــــــــــــــــــــــــــ الشاعر حسام الجنابي القصائد للثواب

تعب حيل الدرب زينب حيلها والشمر حادي بمكان اكفيلها ــــــــــــــــــــــــ وينها وين السبي المدلـله وبحبل مجتوفه ويه العايله والخوان مكطعين بكربله وفوكها الروس الرماح تشيلها تعب حيل الدرب زينب حيلها والشمر حادي بمكان اكفيلها ــــــــــــــــــــــــ وين زينب وينها وين اليسر هيه زينب حيل تعبها العمر راحه ماشفت تراها من الزغر تمشي زينب والدموع تسيلها تعب حيل الدرب زينب حيلها والشمر حادي بمكان كفيلها ــــــــــــــــــــــــ تبجي دمعتها العقيله بهالدرب من طفوف الغرب والشام غرب ومن حرب للشام ودوها الحرب اشعدها بالشام الشئم تمشيلها تعب حيل الدرب زينب حيلها والشمر حادي بمكان كفيلها ــــــــــــــــــــــــ تمشي والحادي غريب وياها وحيل تعبانه الدرب خلاها وفوكها مصاب الحسين اذاها سوه صارن والنهار وليلها تعب حيل الدرب زينب حيلها والشمر حادي بمكان كفيلها ــــــــــــــــــــــــ الليل لو مر بالعقيله شلونها اشتنسه وتنام العقيله عيونها تطبك وميت الحسين جفونها الشافها ابهل الحال هم ينعيلها تعب حيل الدرب زينب حيلها والشمر حادي بمكان كفيلها ــــــــــــــــــــــــ طول الممشه وبعيد عليها وكربلا متعبتها هم مابيها وفوكها انوب الشمر سابيها تبجي زينب والحرم تبجيلها تعب حيل الدرب زينب حيلها والشمر حادي بمكان كفيلها ــــــــــــــــــــــــ الشاعر حسام الجنابي القصائد للثواب

من وزن العگيلي اتلث تيام حسين بسدكم عالتربان ابنص ديرتكم ـــــــــــــ ثالث يوم بهاي الديره ماواحد منكم بي غيره مامدفون حسين ابحيره عاد يغطيه واحد منكم اتلث تيام حسين بسدكم عالتربان ابنص ديرتكم ـــــــــــــ طايح ماواحد يطلعله اليوم الثالث فوك الرمله ماواحد بيكم يفزعله في رايد تقبل غيرتكم اتلث تيام حسين بسدكم عالتربان ابنص ديرتكم ـــــــــــــ كل اصحابه وكلها احنان ابنص الديره وعالتربان مايحصل منكم دفان عن دفنه منهو المانعكم اتلث تيام حسين بسدكم عالتربان ابنص ديرتكم ـــــــــــــ حسين الطايح وبن الزهره بس تحفرون الهم حفره وتخلون وليده بكتره معقوله مارف حاجبكم اتلث تيام حسين بسدكم عالتربان ابنص ديرتكم ـــــــــــــ بجروف الشط واحد رايح ماشفتوا العباس الطايح ودمه اعله اجروف الشط سايح. ماواحد صاح وحشمكم اتلث تيام حسين بسدكم عالتربان ابنص ديرتكم ـــــــــــــ اتلث تيام حسين شحاله منكم محد يتعناله ونصاره ابسده العياله ماعدكم غيره وشالتكم اتلث تيام حسين بسدكم عالتربان ابنص ديرتكم ـــــــــــــ الشاعر حسام الجنابي القصائد للثواب

راس مادنكنه للحادي ابينه وعفنه اعله الترب طايح ابينه وبينه الصار للعالم ردة ابينه من كربله وللشام مچتوفات اديه

الوكت بين ناس اخلاق ماعدها وِظَعنه بس حرم ويتام ظلت بيه وَظعنه عليه يبچي الاصم صاير وَظِعنه وعفنه حسين مرمي اعله الوطيه

هوه اشباقي بيك حسين مامدفون وجسمك بالحوافر بويه هم مسحون ــــــــــــــــــــــــــــــــــــــــــ نازل بالرمل جسمك ولا شفته وياها الخيل بويه الجسم ماخذته عليك اتروح وترد هيچ ساحگته من كثر السحگ جنهم ولا يدرون هوه اشباقي بيك حسين مامدفون وجسمك بالحوافر بويه هم مسحون ــــــــــــــــــــــــــــــــــــــــــــ لاتلم يابويه وحته المنك شبعان التراب حسين چا منك متساوي ابتراب الخيل خلنك ياريت ابمكانك بيويه هم ممنون هوه اشباقي بيك حسين مامدفون وجسمك بالحوافر بويه هم مسحون ــــــــــــــــــــــــــــــــــــــــــــــ هشه الگاع بويه وتنسحگ هم حيل نازل بالتراب اهوايه من الخيل ملزم بيك ماظال ونلزمه انشيل يابويه السلف معقوله ميعرفون هوه اشباقي بيك حسين مامدفون وجسمك بالحوافر بويه هم مسحون ـــــــــــــــــــــــــــــــــــــــــــــــــــــ كل ظني جسم كامل وغسلنه ولفه بالچفن بويه ودفننه وبهيد الجسم يا بويه ايشيلنه حرة اشلون اشيلك بويه حرة اشلون هوه اشباقي بيك حسين مامدفون وجسمك بالحوافر بويه هم مسحون ـــــــــــــــــــــــــــــــــــــــــــــــــــــــ ماصح بويه الك دفان ويدفنك ولا مر ابطريقك واحد ايعرفك اتلث تيام ظال اعله الترب جسمك ونت اعله الدرب يرحون اويردون هوه اشباقي بيك حسين مامدفون وجسمك بالحوافر بويه هم مسحون ــــــــــــــــــــــــــــــــــــــــــــــــــــ يعرفونك يابويه ومنك اتبرو ماگالو خطيه حسين من مرو چان ابليل دفنوك وسهل گدرو ياغالي انت عد عالي يماي اعيون هوه اشباقي بيك حسين مامدفون وجسمك بالحوافر بويه هم مسحون ــــــــــــــــــــــــــــــــــــــــــــــــــــــــــ حسام الجنابي القصائد للثواب

ابجسم حسين احتار السجاد ابجسمه شيلمه و ما ضل ابجسمه وشيلمه ـــــــــــــــــــــــ شاف حسين اعله التربان مخلينه مطروح حسين وكل هدمه امسلبينه شلون ايدفنه احتار ابجسمه موذرني من كثر الحر يابس شايف هم دمه ابجسم حسين احتار السجاد ابجسمه شيلمه و ما ضل ابجسمه شيلمه ـــــــــــــــــــــــ هوه اشباقي حسين بجسمه وشيدفنه تالي بحصيره حسين صار ايچفنه ضل محتار اشلون ايغسله ايلمه ابنه ويحضنه وليده ايريد حسين ايضمه ابجسم حسين احتار السجاد ابجسمه شيلمه و ما ضل ابجسمه شيلمه ـــــــــــــــــــــــ من داست فوكه حسين الخيل ابحافر من جسمه حسين اكثر من نص هم طاير شلون يلمه شلون يدفنه وضل حاير مكسور الخاطر واكف ضل بهضمه ابجسم حسين احتار السجاد ابجسمه شيلمه و ما ضل ابجسمه شيلمه ـــــــــــــــــــــــ متروسه الكاع من حسين امطشرينه بيه ماضال حسين ابصدره امهشمينه كد ماسحكت بيه الخيل مكسرنيه يسولف ويه حسين ونحره ايشمه ابجسم حسين احتار السجاد ابجسمه شيلمه و ما ضل ابجسمه شيلمه ـــــــــــــــــــــــ مادفنوه مثل الناس حسين بكبره ياهل ناس حسين المدفون بحفره مومثل الموته حسين وسالم نحره وموسد عبدالله ومذبوح بسهمه ابجسم حسين احتار السجاد ابجسمه شيلمه و ما ضل ابجسمه شيلمه ـــــــــــــــــــــــ الشاعر حسام الجنابي القصائد للثواب وزن الميمر

ياحادي الضعن وين تريد تنشد دنيه وبالشدايد علينه هواي تنشد وزينب بت علي بحبال تنشد وسيره اتروح بنت الهاشميه

طايح عالنهر عباس والخيمات سلبوها وحطو بالخيام النار وين الي يطفوها ـــــــــــــــــــــــــــــــــــــــــــــــــــــــــــ طلعت والحرم زينب تركض صوب ابو اليمه ماعدها بعد وليان كلمن سايح بدمه تسعر كامت النيران زينب طلعت بهمه وينك صاحت العباس خيمتكم يحركوها طايح عالنهر عباس والخيمات سلبوها وحطو بالخيام النار وين الي يطفوها ـــــــــــــــــــــــــــــــــــــــــــــــــــــــــــ تاليها انكطع ضنها زينب محد وياها تريد تحشم الخوان ما واحد تلكاها صدت صوب ابو السجاد باخر نفس حاجاها زينب يمج العيله بالج لا يضربوها طايح عالنهر عباس والخيمات سلبوها وحطو بالخيام النار وين الي يطفوها ـــــــــــــــــــــــــــــــــــــــــــــــــــــــــــ ضلت زينب بهمها ودار العسكر عليها كلها مذبحه الخوان وين الي يحاميها حسبه تجيبها وحسبه تاخذها وتديها مهضومه ودمعها يسيل زينب من يرحموها طايح عالنهر عباس والخيمات سلبوها وحطو بالخيام النار وين الي يطفوها ـــــــــــــــــــــــــــــــــــــــــــــــــــــــــــ يل صله عليك الله زينب بالغرب وحدي وحسين نسحك بالخيل ترضه بهاي ياجدي وبناتك بالغرب تاهات مسبيه وغرب تحدي ماتدري العلينه شصار زينب جدي يسبوها طايح عالنهر عباس والخيمات سلبوها وحطو بالخيام النار وين الي يطفوها ـــــــــــــــــــــــــــــــــــــــــــــــــــــــــــ نادت ياكمر هاشم هاي الخيل شردها وي زينب يخويه الكوم تطلب ثار من عدها والسبعين الف عباس كلي شلون شيصدها واطفال وحرم وياي عالهزل يصعدوها طايح عالنهر عباس والخيمات سلبوها وحطو بالخيام النار وين الي يطفوها ـــــــــــــــــــــــــــــــــــــــــــــــــــــــــــ تنكل بالجدم كوه بين الخيل والنيران بين الكوم تتعثر راح الحيل منها الجان تبجي من الهضم والليل لوجلجل عليها وبان وين تروح ماتدري زينب مايعرفوها طايح عالنهر عباس والخيمات سلبوها وحطو بالخيام النار وين الي يطفوها ـــــــــــــــــــــــــــــــــــــــــــــــــــــــــــ الشاعر حسام الجنابي القصائد للثواب

ضلت الحره وحيده الحالها وعل ترابه امذبحين اعيالها ــــــــــــــــــ نفسي تاهت من جسدها وطالعه وموچن ظعت بس انه زينب ضايعه على طولي وهيه روحي الواكعه مني نفسي الحره كالت تايها ضلت الحره وحيده الحالها وعل ترابه امذبحين اعيالها ــــــــــــــــــ نفسي تاهت بالخيم والحومه حسين من طاح ونزف بدمومه وكامو يسلبون منه اهدومه وطايح حسين العزيز اكبالها ضلت الحره وحيده الحالها وعل ترابه امذبحين اعيالها ــــــــــــــــــ هم اشيل حسين لو هم الخيم ومشي ابلا راي والحيل انهدم من اخوتي الكاع حمره وكلها دم وعلنهر طايح بطل كفالها ضلت الحره وحيده الحالها وعل ترابه امذبحين اعيالها ـــــــــــــــــ خلصو الخوان بالحومه كتل تنضر الخوان مابيهم عدل وعلى حسين خيولهم تصهل صهل وزينب ايصير الصبر جتالها ضلت الحره وحيده الحالها وعل ترابه امذبحين عيالها ــــــــــــــــــ تمشي لاجن تعثر بممشاها لاكلب عدها ونظر وياها طاحت ويه حسين من ناداها اليسره تاهت زينب منشمالها ضلت الحره وحيده الحالها وعل ترابه امذبحين اعيالها ــــــــــــــــــ من صحت ماواحد الناداني ردي كال احسين من چاجاني حمره كلها الگاع من اخواني الحومه متروسه دمه منخوانها ــــــــــــــــــــــــــــــــــــــــــــ الشاعر حسام الجنابي القصائد للثواب

ضل وحيد حسين مو بس بالحرب اتلث ليالي حسين ضل اعله الترب ـــــــــــــــــــــــــ والمصيبه اخته مشت فوك الهزل وحسين ضل الوّحده فوك الرمل هوه بس الحر عليه يكتل كتل وحده ضل اتلث لياليها بغرب ضل وحيد حسين مو بس بالحرب اتلث ليالي حسين ضل اعله الترب ـــــــــــــــــــــــــ شنهو ضل بجسمه من شمس الضهر كطعوا جسمه و مشوا كلهم كفر جسمه يابس والصدر هم منكرف ضل غريب بلا دفن وعله الدرب ضل وحيد حسين مو بس بالحرب اتلث ليالي حسين ضل اعله الترب ـــــــــــــــــــــــــ حسين مطبوك الصدر فوك الضهر مكسرين اعضامه كلهن والضهر هم منكسر ابجسمه هم شمس الضهر تصهر صهر ماتعرفنه بشر حته ابقرب ضل وحيد حسين مو بس بالحرب اتلث ليالي حسين ضل اعله الترب ـــــــــــــــــــــــــ مابقه بجسمه عضم ما منسحك وجسمه جنه من العضم جن مفترك حسين من كثر الشمس جن محترك راسه بحجار وعمد هم منضرب ضل وحيد حسين مو بس بالحرب اتلث ليالي حسين ضل اعله الترب ـــــــــــــــــــــــــ وذره وذره حسين جسمه مكطعينه تارس الهيمه الجسم و مفرهدينه حسين حته حسين هدمه مسلبينه وراسه فوك رماح راسه منصلب ضل وحيد حسين مو بس بالحرب اتلث ليالي حسين ضل اعله الترب ـــــــــــــــــــــــــ منه ضل حسين جسمه بالحوافر من علي السجاد راد ايدفنه حاير اشلون لمه حسين جسمه اعله الحصاير اشويه من حسين ضلت هم صعب ضل وحيد حسين مو بس بالحرب اتلث ليالي حسين ضل اعله الترب ـــــــــــــــــــــــــ الشاعر حسام الجنابي القصائد للثواب