علي اسعد السعيدي

هذا من فضل خديجة الكُبرى صلوات الله عليها القصيده تُبين جزء من ضُلامة رسول الله صلوات الله عليه (ثارات الرسول) عقلي يكلي اوكف يالوراك حساب وكفت وكون ماواكف فلا انثابيت. حشرٌ مع الناس السالفه تضر حيل وعن درب المشو بي كلش تأنيت. مو مالت مُحمد عالفراش يموت موت التعب جسمه وفكرت ووعيت. مامتأذي ميت ما تطب ب البال اليكول على نفسه أكثرهم تأذيت. دورت ولكيته يريد يا مسموم هيج نكول عنه ويكره توفيت. مو مظلوم عدكم كون متقرون بيه انا ب ايادي التبغض انسميت. لو بيه مرض جا بالكساء يطيب وشكد بالكساء تمرضت وشفيت. بس كلمة اليهجر كافيه لتوضيح مضلوميتي مِن مَن وبمنو نضريت. من ذيج اليهود ولاشفت ابغاض اكثر من هذوله البيهم انحاطيت. غير انته محمد ليش محد كال تلث ايام باقي بلا دفن ضليت. غير انت محمد ليش جا مدفون سرآ موش فوك متونها انشاليت. الله موصي بيه وبيه هيج يصير جا شيصير بالبيها شكثر وصيت. راعي البيت محد جاله وراعي تردون الخلك يرعون ال البيت. وبهاي النبي يوضح منو الكتال ومنه تأكدت ماكول بي شكيت. يالكايل وأن فاطم بنص الدار ثارات الرسول بركبتك ناديت. مامتأذي ميت ماتطب بالبال اليكول على نفسه أكثرهم تأذيت ((لاتنسون المهدي))

اجينه ـ للرحنه منهم گوه اجينه ـ والجيه ابد مو حلوه ماضل بعد بس خطوات نوصل الى الصبراً مات ياكلبي شد حيلك كون نغطي الگبر بالدمعات ماباقي حيل ولا صبر بجدامي والشام ما خله طعم لايامي امشي واريدن وي اخوي اتلاكه بس انه اعرفنه عذاب الضامي **** اجينه ـ للطايح اعله التربان اجينه ـ للي قضى وضل عطشان هواي الفرق بل جيتين لمن وصلنه وي حسين وهسه رجعنه اندوره كبرك يلمذبل العين خلينه كلشي بل كفه وما همنه واعله الگبر ياخويه محنيات درنه شلون الشمس تدفنها تربان الكاع غطه الضوه وضلينه احنه وحزنه **** اجينه ـ ياخويه اكعد لينه اجينه ـ من المشي تأذينه خويه الدرب بس عثرات خلصته أنا ون واهات كلما كعدت اسمع صوت من اليتامه احد مات خلصته دربي وانه اضم اجروحي يمك افل احزاني كلها ونوحي هذا الحزن تارسني واتمنه يزود يادمعه تكفي ابجيها يم مذبوحي **** اجينه ـ ومتربات اعبينه اجينه ـ تعبت يخويه سكينه لشمرها روحي من النوك جا غير كلبي محروك ارد ابجي بلكت انسه طبتنه عالهزله السوك من كربله والكوفه ونوب الشام اخت واخو واتفاركو من ايام ذاك الوادع الصار من فوگ النوك جنه بعيد ومر عله ايامه اعوام **** علي اسعد السعيدي

حزني بده بالهيمه من احركوها الخيمه درب السبي امشي انه وما ينحمل يا ضيمه ياعلي صحت ـ ياعلي متت زينب تطب الكوفه الما اله اخو ـ يمشي وي عدو حباله تجتف اجفوفه ما امشي من غير اخوتي ويمهم اريدنه موتي **** هذا الصعب ياروحي اكتم بقيت بنوحي بين الغرب محتاره ياهو اليضمد اجروحي وحدي اضل ـ اصعد الهزل محد اجه امن اخواني دمعتي اهملت ـ ليه ما اجت بس انه وي احزاني جتفو اديه بحبلهم وخلونه نمشي بهزلهم **** امشي بدرب مجبوره ماتنمحي هل صوره باب القصر من شفته كمت وطحت مكسوره ضعني بلغرب ـ ياهلي صعب تطلبني ثار القبائل وحدي ياهلي ـ بس علي الي حمل الكفاله شايل الصعبه كلش عليه اتسمه تالي سبيه **** هاي الخرابه يبن امي بيها كثر كل همي ممشه الغرب اذاني عرفو بعد حته اسمي اسمي ينحجي ـ يكفي يابچي لهاي المصيبه الكلفه مايضل صبر ـ اسمي من يمر المايسوه صار ايعرفه بنتك ابد مارعوها وبراسك الها اجوها **** علي اسعد السعيدي

تحملت كلشي علمودك حته اشوفك ذبلت شفافي وبعدني الهج حروفك طفله تحسـبني الخلـگ يابويه طفله يا طـفـل يبـقـه طـفـل لمـن يعـوفـك هدت لينه بويه الخيل ماضل حيل ـ يابويه وانه بحـسـره واتـنطـر وسـط البـر ـ يابويه ماضلت خيمنه ولاضل عون لا اصبر واگـولن بلكي تـهون ضليـنه غرايـب بـس نسـوان حيره وشثگلها تگضي شلون بويه حسين ـ بويه حسين **** لو تشوف الحال بويه اشلون حال الـطـفـل ماتـرهـم بجــفـه الحـبـال ضاعت ايامي الجنت بيهن اعيش احلـه لحـضـات العـشتـهن بالـدلال التهظم گلبك طلعتـنه وكسرتنه ـ يابويه من فَي سترك للهيمه ابلا خيمه ـ يابويه هدت لينه خيل وشبت نار مو سـهله وقليله كل الصار نطلـع بلـبراري ابيـن الناس حفاي وندوس الرمل الحار بويه حسين ـ بويه حسين **** بويه جرحك يختلف مو اي جرح ياگـمر وانه ادري ماتـهـوه الصـبح بـالـدرب وعــيـونـك اتـدور عـلـيه مـاوصـلتـك عالـي تـدري بالـرمـح ايتـعـب كلـش ممـشـانه وأذانه ـ يابويه امشي واعثر مجبوره مكسوره ـ يابويه درب الشام يتعب والله هواي نمشي بي عطاشه مامش ماي والـحـادي يبـويه غثـنه وگـام مسرع يمـشي بيـنه مو بهداي بويه حسين ـ بويه حسين **** من وصلنه الشام ماضل بيه حيل وانه تعبـي هواي بويه ومو قليـل بويـه كـون اتشـوف عمـلـة كـربله اشرد امن النـاس وتلاكـيني خيل خيل وخيل تلاگيني يحسيني ـ يابويه ضلـت روحي حـيرانه بس انه ـ يابويه طـبينه القصـرهم والشمات لاگونه بفرحهم والضحكات يابويه نهضمنه هواي هواي نشـكيلك تعبنه ومكسورات بويه حسين ـ بويه حسين **** علي اسعد السعيدي

ما اجيت يابو فاضل ما اجيت ليش عني تعطليت ـ ما اجيت **** ياگمر ضاوي لضعنه والدرب خلصته گمره وتبجي لو انه بجيت ليش هاي الحيره كلها ليش خويه واختنگ لو بس حجيت ما اكلك ياسترنه شصار بيه شصار من عني بطيت ارفع اجفوفي بدعائي ربي كون اجفوف اخوي ماتطيح اشكد دعيت الماي من طاح امن اديك وانه خويه لهسه ما مره ارتويت ما كدرت احجيلك انه ماجنت للخيمه تقبل تجي لينه وما اجيت ما اجيت يابو فاضل ما اجيت **** ليش يا عطر السوالف ليش راسك عالي شايلته الرماح ما اعاتب بيك انه لچن خويه ارد استراح بينه كلشي، ياحزنه بينه شوگ شوگ نسانه الجراح راح حيلي وراح اروح ومن رحت يافَي خيمنه كلشي راح وهذا كله ومانسيت ما اجيت يابو فاضل ما اجيت **** ارد اسولفلك دربنه شكد صعب وشكد طويل الكوفه ليها من وصلنه جانت الدنيه نهار والله جنت اتمنه ليل ومن طلعنه كلها ترجف كلها والله امن الهظم مابينه حيل يابو فاضل، والله جازين المصايب الشماته هواي صعبه شوفته الناس ويل امن الحجي والله انحنيت ما اجيت يابو فاضل ما اجيت **** ماخلص بلكوفه كلشي الكوفه يم الشام سهله من رحت من يمكم انه شكثر ياخويه حجيت الناگه هاي العندي هزله انه زينب انه اختكم انه صبر الكون عندي صبر حيدر عندي كله لجن بيش يفيد خويه من شفتكم عالتراب شلون ضليت انه عدله بلوه ياخويه ابتليت ما اجيت يابو فاضل ما اجيت **** علي اسعد السعيدي

مو أمك يسموني يسموني أم كلب محروك تذكر من اكللك بواجيك رسايل شوك تحجيلي اعله عشك حسين يانسمة هوا لمخنوك وحكك من رحت لليوم جفن امك ولا مطبوك ماتقبل تنام العين وانه الفاكدتلي اثنين عين أعليك صبت دم وعين الثانيه اعله حسين """" ياكلمه التسد جرحي خاطر اكدر احجيها لو تدري شكثر ونيت وروحي الضيم ماليها لعيني شما اجت دمعه بنفس اللحضه ابجيها بلكي اجروح البكلبي الدمع يوليدي يشفيها يادمعه التطيبني مايكضي بعد حزني ست اشهور موش هواي ما شبعانه من ابني """" اخلص الليل بأحزاني وأسهر ماطفت ناري أعليكم يبني حزنانه وتلجم جرحك اخباري جا غير ارد أواسيك هل مابي سكف داري سلوتي الدمعه والويلاه جوه اعيوني آثاري عليكم يبني تعبانه اضل كل عمري حزنانه ما انسه ولا واغفى الدمع يعرفني بس انه **** صفت امك يعبد الله لا واهس ولا ضل حيل اون وانعه اعله فركاكم سهرانه اخلص الليل راسك عالرمح مرفوع ودرب الشام يمه اطويل ذبلت كل معانيك رسومك شوفتني الويل ذابل عالرمح شفتك طفل ماتنحمل علتك لو يرضون يوليدي بمجان الرمح جا شلتك **** علي اسعد السعيدي

مو اول جرح بس جرحك شكبره بس مو زيـنب انه وفگـدك تعبـره جاسم ماكدرت اصبر عله فراگك بعد ذاك التعب گلـب امك تكسره تعال وشوفني شلوني وحگك منخطف لوني عمن ماكامـن يوچدن مـن شافـنك اعيـونـي لعـرسـك حضـرت يمه شسولف تكتل الهظمه فگدك مو جـرح هـين خـاطـر نگـدر انـظـمـه جاسم يمه يوليدي جاسم يمه يوليدي **** باجـر تـبتـدي رحـتـلنه وي الشـوگ راسك علمرح وانه اعله ظهر النوگ اشـوفك غمـضت بس انه مختـنگه انت المنـذبح بس الـگـلب مخـنوگ تعال الليلـه يوليدي يادم گلبي و وريدي اجر حسرات واتلوه غير الدمـعه مابيدي شاب وينذبح صعبه تهـد الخـيل وتگلـبه المثلك عنده يا يمه حـگه ينـشـلع گـلبـه جاسم يمه يوليدي جاسم يمه يوليدي **** لـميـت العـتـب يـولـيـدي مـاينـفع تدري بشوفـتك يوميـه يمه اطمع شـاب ومـوتتـك ماخـلـت بحـالـي لا واهس بقالي وعيني بس تدمع لجلكم سهرن جفوني ولدي شلـون ينسوني مـاضـلـت بعد حـيلـه يمه لوحـدي عفتوني لمـيت شكثـر صبري يلـموتك اخـذ عمري شما حاولت اعبـرنه يرجع ينكـسر ظهري جاسم يمه يوليدي جاسم يمه يوليدي **** هاي اخر رسـاله وينگطـع صوتي مايكـفي لمـصابك مو دمع موتي بجـفاك البواجـي كمـت احـشمها زيـدي شما تزيـدي للگـلب فوتي يا اخـر سـوالـفـنـه دمـك صاير الحـنه وجهك علرمح يمه مـا اگـدر اوصـفـنه ماتخـلص بواجـينه ماتخلـص نعـاويـنه عمري يمه ياجسام فرهـد موتك سنينه جاسم يمه يوليدي جاسم يمه يوليدي **** علي اسعد السعيدي

ماحسبت هالكد صعب فكد الولد ياكربله يابويه ارحم حالتي وارحم ضعفها العايله وياي اريدنك تجي صوت البجي بكلبي عِله علي يبني علي يبني شني رأيك تموتني اذا وياي ما ترجع بعد ما ينتهي حزني احجي ولو كلمه علي ياسلوة الروح سهمك أجه صوب كلب يوليدي مجروح يبني علي … يبني علي """" بيك شعمل يبني العطش ذابل لكيتك عالترب هديت حيلي ياعلي شلون اصبر وماضل گلب اتلوه واشهك بل نفس يبني النفس صاير صعب اشلون ارجع للمخيم وماضل من علي بس دم جم مره اعثرت يمك ترس كلبي الهضم والهم صارت صدك ياكسرتي راح الولد يبني الجرح منك ولا يبره ابد يبني علي … يبني علي """" بيا كلمه الاكيها الحرم وبيا عذر يبني اقتنع لا يكفي حزني لموتتك لا يكفي يوليدي الدمع مكتوبلي كل الحصل ومكتوب كلبي ينشلع مكتوب أبقه بأحزاني وافگد ولدي واخواني ماضل بس علي السجاد عليل ودمعه أذاني بين الحرم راح اكعد وابجي ألك متانيني بلخيمه تره كلهم هلك يبني علي … يبني علي """" ضلمه الحياة بروحتك انه ابجي وامك هم بجت امك تحبك ياعلي وعيونها اعليك انعمت امنين اجتنه كربله امنين يوليدي اجت اجتني كربله امنين وماكو دمعه بل عين بعد ساعات يوليدي راح ايموت الحسين شباقي بعد ونضل اله حته انعيش طايح علي وليه اجه هذا الجيش يبني علي… يبني علي """" علي اسعد السعيدي

بلگوه اجيت ـ ياخويه ماشـوفك بلگوه اجيت ـ اوميلي بجفـوفك بلگوه اجيت ـ مو گتلي ماعوفك ياشوفي ـ واهـاتي جيتك حسرتي بعيني بجفوفي ـ دمعاتي ومـطشـرات اسنينـي حاجيني كون بحالي تهتم عـبـاس زيـنـب بالـمـخـيـم حـزن المـتـانه اعليـها غَيم **** يمك طحت ـ يا بلسم اجروحي يمك طحت ـ ماحـسـن بروحـي يمك طحت ـ خويه وكثر نوحي من عينك ـ لعيوني جيب السهم لو تكدر وحسينك ـ شافوني شمات شافوني اعثر صـعبه عليـه لوحـدي ارجع ماضنن اوصل روحي تطلع گلـي دليـلي اشـلـون يـقـنع **** اعثر واگوم ـ ياحـيـرتـي حـيـره اعثر واگوم ـ مو سهلـه وزغيـره اعثر واگوم ـ بس وجهي ماديره للخيمه ـ دربي انه كلـش بعـيد ومـو سهـل بلهيمه ـ حـيـرانـه روحي وتگلي انت عدل دربي خلص لعيـالي طبيت فوگي عمود الخيمه هديت تانيتك اشگد ليش ماجيت **** بخيامي صار ـ بس البجي نسمعه بخيامي صار ـ لو دمعـه لو دمـعه بخيامي صار ـ حـته الطـفل يـنعه التمنيه ـ وضلينه ننعه ونندبك ياگمر اتمنينه ـ ترد لينه ردناك ماردنه النهر عوف النهـر عـباس فدوه من شوفتك ياخويه نروه موتـك يتـعب الـروح گوه **** علي اسعد السعيدي

عبـاس گوم لزينب الماعـدها خوان اختك احشمك ياگمر ماضلي عوان **** باجر يكفال الظـعن للكـوفه ممشاي اشلون اعوفك عالنهر ماشارب الماي الحادي مسرع بلمشي ماسار بهداي والگلـب صاير ياشهم للضيم عنوان **** بين المخـيم ياگمر طلعتـنه صارت لحك لخيتك بلحرم ياخويه حارت الدنيه كلها بطيحتك اعلـينه دارت التعب هذا البل وجه ياخويه نيشان **** يالعفت اخيـتك بلغرب وبلايه والي اكـعد تره انه بلا خيم ياحال حالي الـمـن اروح ويـا كـتـر يـنـدار بـالـي وبيوم عاشر بالخيم صعدت النيران **** باجر اذا طر الصبح يسبوني للشام معنـاها يابـن حـيـدره الليـله مانام وياك اجيت وباجر التاخذني ظلام غربه وبلا غيره وأنا ماعندي وليان **** مو يوم واحد چن سنه مرت عليه ومابين خيل المعركه طلعت رقيه وحدي وغريبه ياهلي وانه شبديه ماراهمه دوم وابد طلعت النسوان **** علي اسعد السعيدي