قصائد محرم ١٤٤٧هـ (قصائد مع لحن)

وفي لليله الاربعين اللهي بحق هذه الليله الحزينه في الأربعين سيدي مولاي ابا عبدالله الحسین (ع) اجبر قلوبنا واقضي حوائجنا ويسر أمورنا برحمتك ياارحم الراحمين 🥺🥺❤️‍🩹❤️‍🩹

هوسات لطم .. مثل دور الرحى وبـزينب اندارت مسبيه الاميره عله الخلگ چانت خدر الزهره طبت ياوسف ديوان وفرجـه للشماتـه بـت علي صارت ( دخلت وعيون / تنظرها بشماته ) …………………… جـليله مخـدره چـانت ولا تنـشاف هسه بكل بلد صارت وسف تنطاف لا خــوان ضلـت عـدهـا لا حــمـاي يلحگـها الشمـر مـا خله الهـا اچتاف ( طاحت والسوط / رض اعظام المتون ) …………………… الماعـدها اخـو بـين الغـرب هـضمـه عليـها عـيون كـل النـاس مـزدحـمـه تموت اشوه العزيزه ولا هذيچ الناس جرح افراگ اخـوها بالحچي اتلچـمه ( ماتت زينب / من ذبحو اخوها ) …………………… بت افحـول هاشم بـت مضر عدنان لو ميته ويه اخوها ولا تطب ديوان ذاك الطـول چـان اخـياله مـا ينشاف لعـيون الغـرب هالطـول وسفه ايبان ( محنيه تگـوم / من نظرات العيون ) عقيل الحسناوي..

ردت والـگـلـب مـحـروگ عـطـابـه من افراگ أخوها أحسين ومصابه تـنعـى وبالهضـم مـالت العـصـابـه وذبـت روحهـا إمـن النـاگـه لترابه بس محد الصاح وصلت كـربله بس محد الصاح نزلوها ترتاح متعوبه الأجت نزلوها ترتاح گبل الدمع طاح گلبها إعله الگبر گبل الدمع طاح طـشن بـالفله كـل وحـده غاليها صاحن صيحه ترسن گاع واديها كـل أم بـكتر تبـجي اعله واليها يـشـمن بـالگـبور ونـامن إعـليها مابين الگبور نصبنه العزه مابين الگبور من 10 عاشور شلنه اعله الهزل من 10 عاشور خاطرنه مكسور من طبت القصر خاطرنه مكسور ألتمـن يـم جبير الساده يبچنه أنهـدن بالبچي واللطمه والونه ماباجين حـادي النوگ حارمنه صار إلنه أربعين أنهار ماصحنه بس نوصل انريد مانمنه الدرب بس نوصل انريد يأهل المواعيد جينه اعله الوعد يأهل المواعيد هضمتهن اتهيد هـلبت لو نعن هضمتهن اتهيد گـعدن ع التراب مگابـل بـعـبره وحاطنه الگبـر بالونه والـحسره تـرسنها الشيال أتراب مـن گبره وسكنه اتوسطتهن بالهظم تقره يا أهل الحمول مال الكم حمل يا أهل الحمول بيتونه بالچول عگب أبيوتكم بيتونه بالچول ردنه ولي يگول يطيبنه بهله ردنه ولي يگول گومن صاحتلهن سكنه وامشنه نـرفـع رايـتـه ولـلـنـهـر نـتـعـنه جبنه رايـتك يـاعـمي گـوم النه مخنـوگين بيدك گـوم رفهـا النه ياصوب ياصوب دلونه النهر ياصوب ياصوب مخنوگه الگلوب وعباس الهوى مخنوگه الگلوب ونگله جم دوب نمشي ابلا گمر ونگله جم دوب اتجدمتهن سكينه وشايله الرايه راحـن مـوكب الـعبـاس مشـايـه سـون ع النـهـر لـلـكافـل اقـرايه ونـصـبنه العـزا وأم عـون مـلايه موش ابمچانه جدم أختك وگف موش ابمچانه جاسي الحدانه ماوچه ابدرب جاسي الحدانه القصره خذانه مسرع بالمشي القصره خذانه محمد كاظم الربيعي...

خيمه يم خيمه جنه بدلال طبينه بهيمه وينك تعال ياراعي الشيمه خدر الله شال بختك جبير سالفه وشيخ المضيف وعيونك بيك حالفه ومامرهه طيف عكبك مشيت طايفه وبالغربه حيف يبوفاضل دخيلك يبوفاضل …… .. عيني وي عينك سالفتي شام بيني مابينك حرك الخيام سلبوا حسينك وبرمحه نام اركض واطيح فازعه وماعدي راي زينب حرام طالعه وكلهه وراي جم طفله سامعه اجيبلها ماي يبو فاضل دخيلك يبوفاضل ………….. ياخيمة هاشم بيك استراح تاليتك نايم فوك الرماح بعيون الوادم كل خدري طاح ترضه السنين طافيه وداسوا ضواه وحسين اخوك عافيه والله اشتهاه زينب تره حافيه وتركض وراه يبوفاضل دخيلك يبوفاضل ……….. ………… .. عينك غاطيهه دم وصهيل وضلوعه شبيهه مسحوكه حيل وحسين عليهه والحومه خيل نام العزيز عينه غمضها مات عباس اخوي وينه اليحرس خوات خدرك تره سكينه بالهيمه بات يبو فاضل دخيلك يبوفاضل ……….. ليله جم ليله وي الغريب ياراس ادخيله التارسني شيب يازلمه اشكيله وراسك خضيب ياوجه ابوي شوفتك تترسني ماي نص عيني هاي نومتك مو هيه هاي مابيه حيل روحتك كسرت كفاي يبوفاضل دخيلك يبوفاضل ……. شيبه يم شيبه بيهه انتخيت مذبوحه الهيبه وصحت انوليت عباس ادريبه وماحشميت بين الحرام طايحه وبخدري الوم اربات الدلال رايحه والنخوه كوم حرة علي صايحه وفوكاك احوم يبوفاضل دخيلك يبوفاضل …….. سيد محمود الموسوي

حِلّت يِخويه اربعينك.. واجينه مِشّايه مِـن المِدينه.. واجينه (يا حسين.. يا حسين) ------------------------------ مِن كِل كِتِر طِلْعت زِلِم.. كِـبّار وزِغار اتْـهِم شايل طِفِلْ بِيْده عَلَم.. مِتْـعَنّي لِأرضِ الهِمَم جِيناك يَبْنِ المِصْطفى.. كِل الخِدَم تِتْـلَفّـه دِرْبَك مِشِيْنا بْـعاطِفه.. كِل شِيْعِتَك مِصْطِفّه بِظْعونِه كِلْنه اعْتِنِيْنا.. واجينه مِشّايه مِـن المِدينه.. واجينه (يا حسين.. يا حسين) ------------------------------ طُول الدّرُب صُوْتِ العِزِه.. وِالْمَدْمَعِ مْطَرِّزْ جِزِه كِل خَادِم بْحُبّك حِظِه.. يَبْـنِ الرِّسَالَه النَّافِذَه لَطْمِ وْبِجِي ومَا ظَل خَلِي.. وِالْكِل صَرَخ يَا عْلِي بْكَرْبَلَه وصْلَتْ يَا وِلِي.. زِوَّارَك وْقَلْبِي يِغْلِي بْأَمْر الله مَيِّت لِقِيْنا.. واجينه مِشّايه مِـن المِدينه.. واجينه (يا حسين.. يا حسين) ------------------------------ نَاسِ وْتِخِدْم نَاس بْفَخَر.. مَاشِيْن لَأبُوْ الأيِّمَه النَّظَر مَا هَمَّه الخَادِم سَهَر.. لَجْلَك يَعِز كِل البَشَر كِلْهَا إجَتْ لَجْل الخِدِم.. تِتْعَنَّىٰ رَايَاتِ وْزِخِم يَا حْسِيْن يَا رَاعِي الشِّيَم.. مَشَّايَه نِقْصِد لِلْخِيَم بْشَوْق وْلَهَفْ لِك مِشِيْنا.. واجينه مِشّايه مِـن المِدينه.. واجينه (يا حسين.. يا حسين) ------------------------------ صُوَب المَواكِب تِشْتِعِل.. مِثِل الْمَنَارَات بِيْهه الْخِدِم تِبْچِي دِمِه.. وتِصْب الْعَبَارَات مَلْهُوفه تِصْرَخ شِيْعِتَك.. هَيْهَات هَيْهَات رَايَات مَرْفُوعه وتِرِف.. كِلْهَن تِوِدَّاك يَا حْسِيْن هَاي أهْلِ الْعِزِه.. تِمْشِي وْيِخَاوَاك لِلْمُوْت مَا نِعُوْفِ الْعَهَد.. كِلْنَه وِيَّاك (يا حسين.. يا حسين) ------------------------------ جِيْتَك يِخويه وِبْدِلِيْلِي.. مَوْجِد النَّار أعْتِذِر مِنْك عَالْجَرَى.. ومِن كِل الِاطْهَار رَاسَك يِخويه الشَّالِتَه.. فَوْقِ الْأَسِنَّه رْجَالِ الْأَشْرَار والْيُوْم رَدِّيْت بْحِزِن.. لِتْرَاب مَثْوَاك تِبْچِي النِّسَا وعِيْنِ الْأَسَف.. تِنْظُرِ لْحِمَاك يَمْ قَبْرَك نْصِيْح بْأَلَم.. كِلْنَه وِيَّاك (يا حسين.. يا حسين) ------------------------------ مَا يِبْقَى بِيْنَه إلّا إسْمَك.. يَا بَطَلْنَه عَالْعَهَد مِشَّايَه نِظَل.. لَوْ نِفْنَى كِلْنَه يَابو الِأئِمَّه بْدَفْتِرَك.. سَجِّل إسِمْنَه مَاعُوْف حُبَّك لِلْقَبِر.. لِلْمُوْت وِيَّاك سَجِّلْنَه يَا بَابِ الْفَرَج.. لَا نِخْلَه مِنْ دُوْن نِدَاك خِدَّام لَآخِر هَالْعُمُر.. نِقْسِم وِيَّاك (يا حسين.. يا حسين) #اللهم_عجل_لوليك_الفرج الخادم : كرار شايع

‏@💔قلب ميت💔:كواجن الله وياهﻻ بهل جيه متانيجن تردن يزينب ليه بس المشن من كربله حاسبهن بل رده ماردن لبوهن كلهن ضعنچ يزينب بعد عوزه بنيه ................. يمكن رقيه وي الضعن ماردت بلشام خافن ماتت وما رجعت من رحتو من يم جسمي كاتله الشوك لو جايه وياكم كبلكم وصلت يم عون شنهي شصار ببنيتي احچي وسئلت راسي ودنگ وضل يبچي زينب كلب يحمل تعب مابيه ....... من گبل لا ترحون اجت مشتاگه تتهطر وي خيلهم تتﻻگه وگعدت بحضني وردت اكله الله وياچ ومن حضني جراه الشمر للناگه من کثر ما مشتاگه ليه وحنت مرتين يمكن صعدوهه ونزلت وكعد حذايه تعصر برجليه ................. بليلة العاشر جسمي هدت حيله كالتلي بويه الجيش حضر خيله ورفت عباتي وگمت اشوفك مذبوح يحسين خل نرجع لهلنه اليله وكضت تراچيه وبچت وتبديت وكتله لو ما الله رايد رديت كتله باچرمامش الترچيه ........... الچلمه البكلبچ يخيتي حچيهه كليلي يازينب بنيتي شبيهه يم عون بس ﻻ ماتت بكاع الشام متعيني لو وي فاطمه مخليه لو ضاله وما ماشيه من مشينه جا هسه عدله وگاعده اتانينه وما تدري بيه الخيل داست بيه .............. جواب زينب (ع) ماتت بنيتك بس كلت ماكله ضلت بگلبي وكاضتني الفشله زحمه الزغيره عليك يحسين تموت وانه الچبيره ورادتلك عدله سامحني يل ماشال جسمك تابوت عل تل متت يحسين لو بيدي الموت جا هسه يمك مارحت مسبيه. .. الشاعر حيدر الخزاعي

بدمعة وبواچي ونحيب ردت تزور الغريب حنّت لأهل كربلاء بيها الجرح ما يطيب ردّت لأهلها ،، مايل حملها مولية واخوان،، مافزعوا إلها ندهت يالعزاز،، يا بعد أختكم المسبية بالشام،، مهضومة أجتكم كلهم گضوا بالطف ولا واحد بقى وأشكيله واحچيله كسرة خاطري وعن الخرابة أحچيله نتگابل ونگعد سوه يبچيلي وآنه أبچيله إمن إخواني ما واحد سلم هاليلة أموت الليلة ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، راجع ضعنها يميل بدمعة غريبة وعليل عمة تگله وتنوح ما فوگي راية كفيل الكافلها ونّت ،، ولابن أُمها حنّت بيوم أربعينه ،، إبيا حالة وصلت ظلت مسافة،، وصاحت وسافة غاطيهم تراب، أهل الكلافة گعدوا الأختكم حشّمت زينب إجت مشاية ما عدها خيمة ولا علم لا كافل ولا راية إشتعلت مثل جمرة بهوى من طاري المسناية متعوبة من ضيم السبي ما چنها زينب هايه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، إمگابلها نحر الإمام شايل صبحها الظلام وإتگله يالعالرماح مني عليكَ السلام عالخوة تنعى،، بكل خطوة دمعة مشاية لحسين،، رجعت تودعه وإتگله حيرة،، جيتك أسيرة بعيوني ينشاف،، موت العشيرة وروح أُمي من يوم الطبك گلبي إعله شوفك ظامي مايوم طيّب مر علَي كلهن وجع أيّامي حطّيت إيديه إعله الظهر حرگوا خيم جدّامي وليهسه جمرتهن تشب ما طافيات خيامي ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، إتگله اعله گبرك إجيت ما راح أكول إنسبيت بس راح أگلك يخوي إحتاجيتك آنه وبچيت اللوعة إشكبرها،، كسرت ظهرها التحضرنا بالضيج،، موحّد حضرها إتون بمحنة،، ويسمعها چنه تحچي ويأخوها،، كل چلمة ونه وي زينب إشماله الوكت بوب الفرح سدّاها ماخذها من طف كربلا الشام الغدر ودّاها ما بيه رحم حادي الضعن إبنفس الدرب ردّاها خلاها ماعدها ضنا وإبلا أخو خلّاها ،،،،،،،،،،،،،،،،،،،،،،،،،،،،،،،،،،،،،،،،،،،،، كرار أبومهدي المالكي

قصيدة ( دولة المواكب ) لمناسبة زيارة الأربعين هــا هنـــا دولـــة المـــواكب هــا هنـــا ثامــن العجــــائب من تگصد الصوبين يفــرح عراق حسين *-----------*----------*-----------* بس بالعــراق مـا لا يطاق منْ الكرم مو بس فنون حد الجنون بي للخدم من الحسن اخذو درس معنى العزوبيه مـدو السفره لكربله السفــره الحسينيه مو دوله لا خــلّ تعتنينا الكره الارضيه نطعـمـهـا وأحنه أعلى الوعد بالاربعينه هــا هنــــا دولـة الامامـه هــا هنــــا منبع الخدامـه لو تعتنينا الصــين يفرح عراق حسين *-----------*----------*-----------* كــل البــلاد تعلن جهــاد الخــدمتــك والعـاشقين بـالأربعيــن لـو گصدتك يا سيدي اتشوف العجب في دولتــك هـايه متجــوع لــو كـــل الـــدول تتعنــه مشـايه الينظــر مواكــب خدمتـــك يتحيـّـر بــرايه بمصحف غرامك سيدي هالخدمه چـن ايه هــا هنـــا دولــة العجائب هـــا هنــا تسمو بالمراتب ابخــدمتنا مفتخــرين يفرح عراق حسين *-----------*----------*-----------* في كربــلاء سر السمــاء ســر الأرض لكل الوجود ارض الخلود صارت نبض ثامــن عجيبه دولتــك يحسـين مـوصـوفــه أول بلـد تتعــارك أهلــه لخدمـــة أضيـوفـه ولــو تخلص الخدمه تظـل دمعاته مـذروفه ويتــاني جيت أزيــارتك وبــروح ملهوفــه هــا هنــا منبع الابــائي هــا هنــا يُـرفع الندائي خل المسير اسنين يفرح عراق حسين *-----------*----------*-----------* لجــل الإمــام دولـة غرام من تنوصف سرها عجيب لجل الحبيب مـــا تختلف هذا العشگ محد عــرف بالعالم إسـراره حتــى الفقيــر بدولتــه ميعــوفه خطــاره لو يعتني العالم مشي بكل ناسه وأقطاره بالاربعينـــه تظـــل بالكــرم محتــــاره هــا هنــا جنة السمائي هــا هنــا دولــة ألولائي بالخدمه گرت عين يفرح عراق حسين *-----------*----------*-----------* چم فيلسوف لمن يشوف هــذا الشعــب بيهـم يحيــر لمــن يسير بأرض العجب ما چنه يمشي أعلى الأرض من ينظر الخدمه چنـه مشــه بجنــة عـــدن والنـــاس ملتمّـــه وأهــل المــواكــب للمشو تهتــف فــرد كلمـه أتفضــل يزاير يــا هـــلا بفردوس أبــو اليمه هــا هنــا دولــة العـوابس هــا هنــا ما مــن منافس للخدمــه مخلوقين يفرح عراق حسين *-----------*----------*-----------* الشاعر موسى البديري

اجيتك يمة يابو محمد آنه الزهرة خلي احجيلك واسمع مني هاي الكسرة كسرة ضلعي وعيني لعينك يمة اندارت عفتك يمة ازغير وگلبي اعليكم جمرة حط راسك على متوني اشكثر مشتاگة يعيوني احجي وضلعي يلجمني وبيكم يمة اذوني لا تبجي يروح امك احضنك يمة واشتمك حبيبي وعينك تسولف واعرف محترگ دمك سم الوجع ينهش جبد وصدرك جمر من الالم ام وابن نفس البجي من الزمن محد سلم دار الوكت عل الهاشمي يمة حسن ماضل صبر ما تنحمل يا شوفتك تتلوة والحيل انهدم يمة يالحسن يمة _ ااه يوليدي مصابك جمرة بنص احشاي كونك سالم ترجع يمة وتشرب ماي گلبي شيحمل منهن گلي الباب سموم افتح عينك يمة واگعد واحجي وياي اندهك يمة اگعدلي الج مشتاگ بس گلي يالمسوم حاجيني حسرة بروحي لتخلي لو يرجع وكتنه الراح ما تلزم ادية اصفاح وترجع ذيج لمتنة ولعيني يرد الطاح اتوسلك يمة الحسن افتحهن عيونك الي كون الوجع بية وترد عمري انگضة يابن علي مابيه كل صبري خلص ما تنحمل باب وابن يالمجتبى فگدك عطش ما ترتوي عگبك هلي يمة يالحسن يمة __ ردتك يمة اليوم العاشر تنصر ضامي وي الكافل تحرس ضعنه الصاح خيامي وحده حسينك تدري الهيمة تعطش اطفالة وين اخواني صوته اليكسر دون محامي لو بس بالضعن تمشي اگعد يالخذت كلشي مو گلبي اليطيح حسين وحصيرة يصيح يا نعشي تگعد لو يضيع حسين وزينب من تروح لوين هم تدري الوجع يا لون من يوگع يغمض العين ويترك عشيرة بكربلة من يلتهي بطعن الرمح انصر غريب الوحدة ضل حاير بگلبة الجرح ما تنحمل طيحت علم لو خيمة محروگه الضهر ما تنعقل يمة الحسن يتسلب المات بذبح يمة يالحسن يمة _ يهد ولكن ماكو اخوانه التسند ضهرة ريتك تبقة لهاي اللحظة يبني تنصرة اليعطش خوة ما يتبلل ريجة بماي وين اخوانك صعبة وتدري گلبة تكسرة يوليدي بضهر عاشور جمرة امن الهظم وتفور شيبردة اليريد اخوان تلگه اخياله هم مكسور اليوگع من مهر للگاع وكل ضعنه يشوفه الضاع ما يسلم ييمه حسين من لطمي اكسر اضلاع يفرن على البيدة الحرم ويشوفن الضيم الضهر يبني الحسن تدري الاشد يمشن سباية امن الفجر فوگ الهزل اهل الشرف ومن ديرة يا ديرة يطب من وصلوا الشام وطبل عيد وفرح تالي القصر محمد فرج الحريشاوي

يا معز المؤمنين.. يا حسن يا حسن يا معز المؤمنين.. يا حسن يا حسن وارث صفات المصطفى.. وهيبة علي بيك سماك أبو باسم حسن.. والخير بـإيديك ماكو بمثالك بالكرم.. والـيـقـصـد يـجـيـك مفتوح زادك للخلگ.. والـعـالـم تـنـاديـك (يا معز المؤمنين.. يا حسن يا حسن) بشهر الفضيلة والـكرم.. رب العرش شاك حليم أهل بيته صرت.. والـعـز مـسـمّـاك ريحانة الدنيا بـأمر.. مـن جـدك الـطـاك مو إحنا گـلـنـا بـالـفخر.. جـدك الـسـمّـاك (يا معز المؤمنين.. يا حسن يا حسن) يا ذو الخصال السامية.. صـدّعـت الـقـلـوب مسموم مات ابن علي.. وبـجـرحه نـذوب عينه ما شافت نـومـهـا.. والـدمـع مـصـبـوب چبدة المـجـتـبى مـودّعـة.. والـعـالـم تـلـوب (يا معز المؤمنين.. يا حسن يا حسن) بالمعركة صولـة عـلي.. تـنـشاف بـعـيـونك بـيـوم الـجـمل والـصـافـنـة.. يـالـتـرعـد مـتـونك حـاصـرت كـل أهـل الـكـفـر.. مـا يـقـدرونـك كـريـم وبـالـحـرب لـيـث.. والـيـضـدّك يـهـابـونك (يا معز المؤمنين.. يا حسن يا حسن) صلحك حفظ دين النبي.. ودمّ الشهم صان صبرك بوجه الطاغية.. زلزلّ الكيان يابو محمد هالأسم.. تـلـهـج به الأزمان شايل شجاعة والـدك.. والـعـالـم تـنـاديك (يا معز المؤمنين.. يا حسن يا حسن) #اللهم_عجل_لوليك_الفرج الخادم : كرار شايع

وعليكم السلام (﷽) قصيدة: بيش المك بصوت: سيد فاقد الموسوي الشاعر: رائد الناشي ▪️▪️▪️▪️▪️ بيش المّــك ... عندي بس هاي العبايه الساترتني وين اضمك ... خاف لو غطيك بيها تشوف متني .شلون ألمك وأنت كل وصله بكتر وبيش اشيلك وانـه هد حليلي الشمر. كون اراويك السياط الكاتلتني ــــــــــــــــــــــــــــــــــــــ. جيت ونده وين اخوي الدلل اختـه         ارد اسولفله علـى الضيم الجرعتــــه وين وجهه اوين مكَفـاه ماعرفتــه         لاعبــات الخيــل ميـدان اعلـى جثتــه . كل شي مابي ينعرف بلكَـوه شفته          بس عرفته حسين من عطره وشبكَته                              عمت عيني مكَطع وصاير وذر شمــالهــم ماخلــو لجسمك اثــر ريتـهــــا ويــاك الحــوافــر وذرتنـــي ــــــــــــــــــــــــــــــــــــــ شلون ألمك وأنت كل وصله بنويه ومخاذات ضلوعك خيول ال اميـه منيـن مـــا اشيلنــك اطيــح منـديــه         بلّــه كَلــي شلــون اراويـك لرقيــه نيمتهــا وجيتــك ومـاتـــدري بيـــه         وهســــه يمكـن طلعت ادور عليــه الدمع شكَ خدودها الجانت ورد وسكتتهــا بجلمـة الهلبت يــــرد يــــابعــــد كَلبــي ابنـاتك حيرتنــــي ــــــــــــــــــــــــــــــــــــــ شيبت راسي شكثر تنشدنــي عنك ويـــن مااوديهــا تشتــم ريحـه منـك شرد اكَلها الخيل بالطف طشرنك     ومـدري يـاصوب بحوافرهن خـذك حتـى يــم خيمتهـا يمكـن وصلنّك جنه نسمع صوتهن من رضرضنك تنشــد شمــا ينكسـر منـك ضلــع عمه ليش منسمع الصوت انوجع وشيبــت راس الكَـلب مــن نــاشدتـنــي ــــــــــــــــــــــــــــــــــــــ خويـه بنتك كَلبت الدنيــا ابحـزنهـا فات وكت المغرب وفكَدت حظنها  مدري ياهو الجر تراجيهـا منذنهـا ومـدري ياهو الطاكَهه وورم جفها حتى فوكَ جفوفها احتركَت ردنهـا وساحكَه برجليها فوكَ النار اضنها خويه كسرة كَلبي ملجومه وتون ذابلـه وحاجبهـا طـايـح ع الجفـن حسيــن بتـك هدمت حيلي وعمتنــي ــــــــــــــــــــــــــــــــــــــ والمهـم يحسيـن بنتــك سكتتـهــــا          ونايمه اعلى رماد المخيم عفتهــا وجيت الم اوصالك وماوجــدتهــا          وصله منـك يم علي الاكبرشفتهــا ووحـده يمكن يم ابوفاضل جستها          دنكَت بس مالــي حيـل ومـاشلتهـا شفت يمها جفوف عباس وطحت عفيـه ظلت روح بيـــه ومــامتت ظالــه المن مــامتت مــن ودعتـنـــي ــــــــــــــــــــــــــــــــــــــ خنصرك مـكَطوع لــو مشتبهه آنــه          الكَص اصبعك ريته لايهنه بزمانه ويـــن حطه وليش مــارده لمجـانـه          شفتـــه لابس محبسك مــن سلبـانـه وفـوكَ مـاسلبنه طكَنـه وشتمانــه         وين مـارحنـه النذل يفتـر ورانـه              مـاكفــاه جدامنـه الشعبت حـركَ بلايه وجعت كَلب يتوجه ويطكَ سلبتـك نفس الجفــــوف السلبـتنـي ــــــــــــــــــــــــــــــــــــــ بيش ألمك عندي بس هاي العبـايـه وآنه محتــازتها بــاجــر للسبـايـه كَلت اغطيك بعلم ساجي الضمايــه اتعـذر العبـاس هـم مـاعنده رايــه والله هدت حيلي يحسين الرزايــــه   خويه نار وخيل ومصايح ردايــه خويه اجيتك كَوه اجرن بالجدم حتــى مــابيــاش اردن للخيــم عفيـه خـوش اجدام عنـدي وشـايلتنــي ▪️▪️▪️▪️

ارجو من الجميع الدخول الى👆 القناة الشاعر امير الحلفي قناة خاصه للنعي..

عنده رجوع السبايه الى كربلاء ،،،،،،،،،،،،،،، ،،،،،،،،،،،،،،، ،،،،،،،،،،،،،، يعمه الكربله خل الظعن يحدي اخذني للكفلني وگال عندي لراوي اخواني من السوط زندي وگل ألهم دخلت شام وحدي ،،،،،،،،،،،،،،، ،،،،،،،،،،،،،،،،، ،،،،،،،،،، عندما اقترب الظعن من قبر كربلاء ،،،،،،،،،،،،،،، ،،،،،،،،،،،،،،،،، ،،،،،،،،،،،، اشيصبر بت علي وتنوخ انوگ تصيح امنل عمر فرگاكم يبوگ ،،،،،،،،،،،،،،،،،،، ،،،،،،،،،،،،،،،،،،، ،،، ذبت روحها من الناگه وتگله اخوي ابيا كتر ياعمه تندله بلجن بي جرح ولحگ انشله والكافل ظعنه شلون نوصله ،،،،،،،،،،،،،،،،،،، ،،،،،،،،،،،،،،،،،،، ،، ،، التمن فرد لما وناحن اعلى حسين ولن صاحت رباب اوليدي نايم وين احس بصدري در وي هلت العين ومشت بيهن الحره للفگد جفين ،،،،،،،،،،،،،،،،،،، ،،،،،،،،،،،،،،،،،،،، اكعد يبو فاظل خويه اجيناك يريت الصار بينه تشوفه عينام الشمر اذاني سوطه وتالي سباك جيفن يدري بيه حملت بحماك ،،،،،،،،، ،،،،،،،،،،،،،،،،،،،،، ،،،،،،،،،،،،،، اجيت وروسكم وياي ردوها واختك بالمجالس خويه وكفوها ولن جفين جابو تالي راووها وكظو رايتك بالگاع ذبوها ،،،،،،،،،،،،،،،،،،، ،،،،،،،،،،،،،،،،،،،،،،،،،، مجتوفه الحرم والروس جدام ويگلولي الجفيل اعلى نهر نام حرم وياي ظلت بس والايتام شسولفلك يخويه اطبت اشام ،،،،،،،،،،،،،،،،،،، ،،،،،،،،،،،،،،،،،،،،،،،، واذا بليلى تتجه الى والدها علي الاكبر ،،،،،،،،،،،،،،،،، ،،،،،،،،،، ،،،،،،،،،،،، ردتك للگبر بيدك تنزلني وتالي بعز شبابك يمه تتركني تعال وشوف ظهري اعليك محني من يوم الرحت فرگاك شيبني ،،،،،،،،،،،،،،، ،،،،،،،،،،،،،،، ،،،،،،،،،،،،،، واذا بزينب ترجع الى الامام الحسين ع ،،،،،،،،،،،،،،،،،،، ،،،،،،،،،،،، ،،،،،،،،،،، هاي عيالك وجيت اعتذر منك خبر مو زين ما ريدن اسمعنك رقيه بيوم كالت ارد شوفنك ماتت عل طشت مجبوره اخبرنك ،،،،،،،،،،،،،،،،،،، ،،،،،،،،،،،،،،،،،،، خادم الزهراء عليها السلام امير الحلفي

من كل بقاع الارض جايين - كل الهله بمشاية حسين يوكف علي وياكم كل الهلا وحياكم كل الهله بمشاية الحسين - كل الهله بمشاية الحسين ==================================== ميت هلا لحد كربلا ميت هلا بيكم كواكم الله اعله التعب والزهره تحميكم واكف حبيب اعله الدرب…

من كل بقاع الارض جايين - كل الهله بمشاية حسين يوكف علي وياكم كل الهلا وحياكم كل الهله بمشاية الحسين - كل الهله بمشاية الحسين ==================================== ميت هلا لحد كربلا ميت هلا بيكم كواكم الله اعله التعب والزهره تحميكم واكف حبيب اعله الدرب ياخذ اساميكم من فدوه اروح اني وهلي لتراب رجليكم حياكم الله زغار وكبار - كل الهلا بيكم يزوار بالخدمة نتلكاكم كل الهلا وحياكم كل الهله بمشاية حسين ==================================== شمحلاته مليان الدرب من راية يم راية وراية ابو فاضل ترف بالسمه امعلايه وبكل طريق لكربله تلكالك قراية هنياله كلمن لبو فاضل راح مشاية كلمن علاجه وياه مافاد -مشاية يمشي وياخذ امراد ويبارك بمسعاكم كل الهلا وحياكم كل الهله بمشاية الحسين ==================================== ما يهم المن ينتمي لو شنهي جنسيته مادام زاير روحي اله لو رادها انطيته لحسين مو بس كربله كل الارض بيته كلمن گصد زاير اجه عالراس خليته من كل كلب مادور الصيت -عالراس اذا ما شالك البيت خافنه ماكفاكم كل الهلا وحياكم كل الهله بمشاية حسين ==================================== منظر يرد الروح والله وراحه نفسية طلعت مشي لحسين كل الكرة الارضية زوار من كل الدول بالاربعينيه تتلكه كلها بكربله زينب المسبية مشاية طلعت هالملايين -تتلكه زينب والنساوين بكل خطوة من ممشاكم كل الهلا وحياكم كل الهله بمشاية حسين ==================================== شكد حلوه من كد الهلا الاصوات مبحوحه وخدام مليان الدرب بالجية والروحه وبيوت فقرة بأي وكت تلكاها مفتوحة وجم زعل طايح عالدرب وذنوب ممسوحه هذا الدرب للرايد ايتوب - هذا المشي يمحيها الذنوب سيروا وعلي يرعاكم كل الهلا وحياكم كل الهله بمشاية حسين حيدر جواد الحسناوي

هــوّه العــباس ومــا ادراك سبحانَك ربْ الكــــــوّثر والسانيِ ابذكـــره اتوقّر من الذّر حــــدْ المحَـشر ماخالق مثــــــل العباس من شدّة وجــــهه النادر محد بعيــــونه ايبــاصر مخلوق اليـــــوم العاشر والزينب ســـدّ ومتراس تتجرد لَحَــــــــاها    لو جـــــرّد لثامه ياقبضة چفـــوفه    من تنـــزل قيامه ند ابند محــــــاله    تتگــابل عيـــونه لخته كل حـــياته    مستنفر حـسامه هــوّه العــباس ومــا ادراك ياصنــع الله وتكــــوينه مسوس ابروح احسينه انته الايثـــــــــار ابعينه يمجسد نكــــران الذات ماشايف مثـــلك اجــزم مو للچـــف الطـاح اتهم عالروح الخـــوه اتقــدم كل همـــــك بالعلـــويات طَوْد اعله المطّــــهمَ     وامغطي المعسكر ياقوس المخـــــيم    ولحسين انته الابهر مو جربه اعله مـتنك    شايلهه الفـــواطم بالخوذه ابـو فاضل    ومن تنـــزعه حيدر هــوّه العــباس ومــا ادراك كل ماي اگــبالك خـاضع سمولك يــــــوم الســابع حيدر يتســــــــمه القالع وانته القالع حصن الماي ياهو المثلك تضــــحيته شلّت المــــاي وذبيــــته كل الجيش اتحـــــديته عطشان واسـمك سگاي مايشــــرب رذاذه    من ماي الشريعه لا رف عنده گلبـه    گــــــدام الوديعه طرزها الرجـــوها   عالماي ابچــفوفه بقاموس التفــاني   ماخــله ذريــــعه هــوّه العــباس ومــا ادراك يامعـــظم شكله واسـمه عابد والنـــــــــافذ عـلمه سبحان الخـــالق رســمه من نور الزهره المفـضال شايل كل هــــــاي القدره يتلقب عيــــــــــن الزهره معصوم العصـــمه الكبرى ماعندي شـك و اشـــكال گله اركـــب بنفسي    حسين اشكد مهيبه معصوم بحــــــياته     يفديه مــــو غريبه شال اصــعب مهمه    حامي اهــل النبوه يارمح المـــــــخيم     وياكبـــــش الكتيبه هــوّه العــباس ومــا ادراك خادم القصيده شاكر الصيمري

رحت لاجن عيني تتلفت وراي گلت بلكي الله وصدك عباس جاي صحت حيهم وين اخوي وين  الاموصيه  ابوي ................................... رحت وانه اعيوني يندارن عليك گلت بلكي اتصير ويردلي اديك خويه ياعباس دهري اشسوه بيك لا اگدر امشي ولا اگدر اجيك على الناگه الحادي صاح ما  يرد  عباس  طاح يهل زينب هاي اخت عباس هاي رحت لاجن عيني تتلفت وراي ................................... انته يالتدري اعز من الهوه گلبي بفراگك يعباس انچوه دنيتي ضلمه ابغيابك يالضوه مني ماخذتك مصيبة نينوه مني رايح يالكفيل عالهزل تسمع عويل همي لفراگك ولاهمي الضماي رحت لاجن عيني تتلفت وراي ................................... گوم واسمع زينبك بعدك تنوح مو مره بعدك صرت عالم جروح انطي وجهي اخلاف عينك وين اروح ايست من چف يمنتك ما يلوح طاح فوگ المشرعه وجف يسرته امگطعه تمطر اعليه حزن گامت سماي رحت لاجن عيني تتلفت وراي .................................... رحت وآنه اعليك مشبوحه العيون امشي عنك يا ابو فاضل ماتهون امس ما لاگوك ظل يتشمتون وعلى سبي اعيالي كل يتسابگون راح اطب مجلس غرب يا ابو فاضل بالغصب نشدو اعليك واضيع ابمستحاي رحت لاجن عيني تتلفت وراي .................................... امودع ابألله وصحت عباس نام وراح اضل ابجيك بدموع الحمام متت وآنه اقره على الخوه السلام اشحالهه الما عدهه اخوه ولا عمام كلهه ضلت عالثره بالاسيوف امطبره علتي كلفه اولا يحصل دواي رحت لاجن عيني تتلفت وراي خادم اهل البيت علي الزرگاني

هد عليهم عباس.. راواهم الموت بالزلم عالي صاح.. ياهو البيكم يفوت شحده اليقرّب لـلـخـيـم والـحـسـيـن غـاض وزعـل وبـخـزرتـه عـمـى الـعـيـن شـرّد زلـمـهـم مـا بـقـى واحـد ويـنصـاد الـفـوارس صـيـد بـيـن الـصـواويـن طَبْهُم وما يِنْحِمِل.. مِثْلِ البَرْق يِمُرْ هَاشِمِي وحَار وغَضَبْ.. بِرْجَالْهُم يِكُرْ وارث شـجـاعـة حـيـدره وحـمـل الـلـواء سـيـف ورايـة بـيـد أبـو فـاضـل ضـواء الـجـيـش كـلـه تـراجـع وخـاف وانـطـواء الـيـوصـل حـدوده بـالـصـارم هـوى ومـات إنْهَو الكَافِل صَاح.. إنْهَو أبُو فَاضِلْ خَزْرِتَه خَزْرِة مَوْت.. بِالْمَعْرِكَة يقاتل وصـل لـجـرف الـمـاي وتـذكـر عـضـيـد عـاف الـنـهـر والـشـرب كـلـه مـا يـريـد شـال الـوفـه لـخـيـه وظـل بـاسـل عـنـيـد سـاقـي الـخـيـام الـبـالـفـخـر اسـمـه يـزيـد كِلَّه نُور ومَفْخَرَة.. فَحْلِ الزِّلِم هَيْبَة قَمَر مَاكُو مِثْلَه.. كِلْ هَاشِم تِجِيبَه بـجـمـالـه وحـلات رسـومـه تـبـاهـت آل هـاشـم عـلـومـه الـكـفـالـه وظـل عـالـعـهـد دائـم مـا قـدرو لـبـأسـه وبـالـغـدر الـصـوارم ضـحـى بـحـيـاتـه لـخـوه وبـالـدم وفـى لـه سَبِعْ يِصِيدْ الصِّيْد.. مْهَابَة وفَخَرْ ذَاتَه رَاسَه يِطِيْر الـْـ يِمُر.. مَحّد كِرَبْ سَاحَاتَه نادى الحسين ودمعته تجري وتِشِع يا خوي ظهري بانكسارك ينفجع عفت الخيم والماي وبقلبي الوجع يا من صرت لوعتي وضيمي تِقِع عَاف النَّهَر وِالْمَاي.. نَادَى بْأَعْلَى صَوْت بِالزِّلَم عَالِي صَاح.. يَاهُو البِيكُم يِفُوت! #اللهم_عجل_لوليك_الفرج الخادم : كرار شايع

شسولف والحچي هواي والطف عايش وياي رَكضت عمتي من الخيمه للتل هاي بروحها تريدلها مقتل ... گالولي الصبر ممدوح واترك دمعتك والآه اهو الشايف ظهر عاشور يا صبر اليفيد وياه آنه بدمعتي ما چنت استعرض والطف سالفه ما تنسّي واتفض شفت زينب ابين اخيولهم تركض وعشره من الخيول بصدر ابوي اترض موقف يهدم الحيل بزينب تعثر الخيل اعله مصرع والدي من الگوم تسأل هاي بروحها تريدلها مقتل ... احترگت خيمتي فوگاي بذاك الحال شافتني زينب سحگت اعله النار ومن الخيمه جرتني علوياتي صاحن ها يبو الشيمه شنهو الراي ما ظلت بعد خيمه گلتلهن يعماتي عله الهيمه يتيمه من الرعب طاحت عله ايتيمه دريتو بزينب شصار دنت لثيابها النار لحظه ولو غيور الها ايتأمل هاي بروحها تريدلها مقتل ... اجانه الليل بس يا ليل ليل اهدعش شيبني إسمعت صوت الرباب اتصيح ودوني لعد إبني گالت علي يُمه لبني خلنه انروح دَر اللبن بلچي ألگه برضيعي روح گلتلها الولد يآم الولد مذبوح وخفت زينب تموت اعليها من النوح وقريت بروحها إحساس تعاتب عمي عباس تريد اتروح بس اشلون تندل هاي بروحها تريدلها مقتل ... صبح يوم اهدعش بيّن وشفنه الضيم بنفاسه روس وحته عبد الله شفنه اعله الرمح راسه وزينب شافت النوگ وتناشدني يعمه منهو عالناگه يصعدني سجدت وگلت عمه بخدمتچ متني گالت انته منهو ايصعدّك يبني اعله زينب مدمعي سال شمر يجتفها بحبال بضرب السوط صعدت نوگ هزّل هاي بروحها تريدلها مقتل ... مشينه وعمتي زينب مرّوها اعله ابو اليمه رادت تهوه بس ناديت ارحمي بحالي يا عمه حده الحادي وضعنه الشامت ايشوفه اشكثر زينب بچت من طبت الكوفه الشام الشام جرحي المحد ايروفه طبت عمتي اعله ايزيد مچتوفه بيا دستور يا دين تطب زينب دواوين بت فاطمه عنها ايزيد يسأل هاي بروحها تريدلها مقتل ... خادم الحسين ( عليه السلام) كرار حسين الكربلائي ( ابو كميل)

اذاني وبجاني..درب الشام..بس الام ــــــــــــــــــــــــــــــــــــــ أنه زين العابدين وتجري دمعاتي بالسلاسل كيدوني وي عماتي وي راس احسين اسولف كل مناجاتي ورأس ابوي ايكلي صارت حمره شيباتي اتعثر واتحسر..عالايتام..بس الام ــــــــــــــــــــــــــــــــــــــ أنه شجره وبالخرابه ذبلت اوراقي كلشي من بالي يسافر والحزن باقي ابجي عالضامي حسين وابجي عالساقي وتطلع الدمعه يشيعه وتحرك اعماقي أذوني وراووني..هالضلام..بس الام ــــــــــــــــــــــــــــــــــــــ لونبي ايصير ابدالي ينعدم صبره آنه ابوي احسين شفته امن انكطع نحره والحوافر عشره اجنه ايدوسن ابصدره وآنه لميته ابحصيره وجهزت كبره   واريته..وخليته..ابكبره اينام..بس آلام ــــــــــــــــــــــــــــــــــــــ القتل للساده عاده خل يقتلونه بس خدر هاي الفواطم لا يمسونه عمتي عالناكه ومتنهه من يضربونه راس ابوفاضل اشوفه اتدخن اعيونه مسبيه..العلويه.. وتبجي اخيام. بس آلام ــــــــــــــــــــــــــــــــــــــ من محرم خامس وعشرين أعدائي جابو السم واجوني وسمو أحشائي ونصبو المآتم عليه اهلي وابنائي حيدري يبقه مصابي ويبقه زهرائي وعالضامي..ايامي..ياخدام..بس آلام محمد الجماسي..