قصائد مكتوبه شور +نعي

إلمن ارجع ..خالي بيتي .. بس مواجع ديار أهلنه ..بلا أهلنه .. وحشه المضاجع جبت وياي.. نوك هزله .. وحبلي راجع شو خاليَه لمن رجعنه عل الباب محد يفتح إلنه طاحن دموعي.. بعتبت الباب محد تلاكنه من أهلنه عل باب ذابحنه الحنين … تلكانا خويه يا حُسين… •••••••••••••••••••••••••••• يوم الطلعنه..بعِز الهواشم وذيج المحامل يمي عباس.. وكل أخوتي وضعني كامل تالي أرجع..مكسوره خاطر ودمعي هامل هل رجعة إي تكلف عليه لامن عقيله ولا هاشميه لمن دستها …الشام بجدامي من زينب اسمي اندار مسبيه من السَبي متغيرين .. تلكانا خويه ياحُسين… •••••••••••••••••••••••••• أدخلنه للدار .. متروس وحشه وراسي حنيته هل مرة الاوله..مابيها الحسين خالي لكيته ماضلت عيون..عميانه أختكم گد البچيته بطرف العبايه امسح دموعي شكم اه طلعت كِسرَت ضلوعي خمسين عمري …وياك خلصته بلياك تالي يصير مرجوعي الماشافتك عميانه عين .. تلكانا خويه ياحُسين … ••••••••••••• بعد الجرالي .. الحاله تصعب من گابلاني لاما عرفني …يامحمد اختك.. زينب ترى اني معقوله أختنه.. متغيره هواي طاح وبچاني ياخويه هذا الشام تعبني بنوگ الهزيله الوكت طببني جنت العقيله ..بوكت ابوفاضل لاهسه حتى بشكلي غيرني والشكل متعوب وحزين .. تلكانا خويه ياحُسين… اكرم الزيرجاوي

عظم الله أجوركم بأستشهاد النبي محمد (صل الله عليه وآله وسلم ) رديت و تراب الگبر بـ ثيابك رديت دافن بيدك أغلى أحبابك خطواتك أحزان      و الدمعه نيشان رديت دافن بيدك أغلى أحبابك Ω       Ω       Ω      Ω يابو الحسن راح النبي     و آللّٰه يعينك من راح بخطواتك رسوم التعب   بـ الـمـغتسل حيلك طاح فاضت دموعك عالگبر    و العرش لـدموعك ناح يابو الشدد ، شده الگبر    ما إلها عندك مفتاح ؟ شيرجعه و المدفون مدفون وسط التراب و وسط العيون جرح البعد بان       و الدمعه نيشان رديت دافن بيدك أغلى أحبابك Ω       Ω       Ω      Ω من المصيبه للجرح         مرسال يحمل أخبار فوگ الگبر أهل السمه     ومو بس حمامات الغار بالدار ما ظل كل هوه      و غايب محمد عـ الدار و صوت الونين بكل كتر    هذا الجرح يسعر نار مات القلم فوگ الـرسالات هذا الجرح جرح السماوات متعوبه الأجفان      و الدمعه نيشان رديت دافن بيدك أغلى أحبابك Ω       Ω       Ω      Ω أول جراحات الزمن      عنك محمد من غاب   بإيدك على گلبك تدگ    باب الگبر ما بي باب والزهره نادت بالدمع      يبچي الحسن يابو تراب وحسين بچفوفك يشم   عطر البقه من الأحباب وي كل صلاة أتسيل الدموع و غير الحزن ما تلگه موضوع بـ فراگ الأحنان     و الدمعه نيشان رديت دافن بيدك أغلى أحبابك Ω       Ω       Ω      Ω هذا الحسين ويه الحسن   ملچوم يحچي لـ ملچوم و يگله معقوله الدوه      يوگع طريح و مسموم ياهو القبل ، شايف علي    محزون گلبه و مهضوم كلما تضم جرحك تره      يبين أبد ما مضموم شيضمه جرحك و أنته جناز و باين بـ وجهك فگد الأعزاز و الحسره عنوان      و الدمعه نيشان رديت دافن بيدك أغلى أحبابك Ω       Ω       Ω      Ω يا حيدر لـ سابع سمه      صوت النوايح مسموع و أهل السمه تعزي أجت    گلب الزچيه المشلوع مو سهله گلبك ينجرح    والوحي لجرحك مفجوع هذا الحزن يكبر بعد       و بگلبك يضل مزروع تحچي ويه روحك وكت الفراگ وين الگه أخوي وگلبي مشتاگ يا عازة أخوان     و الدمعه نيشان رديت دافن بيدك أغلى أحبابك Ω       Ω       Ω      Ω       الشاعر حسين أبو دموع

‏فزاعيات صوت المصيبة ابكل كتر صار ‏عايف الهادي هاي الديار ‏ومهدوم حيله علي الكرار ‏وابدار الزچية شبت النار ‏ ‏​كون السما تمطر دمع حار ‏وعالخد تسيل لهاي الأطهار ‏الليلة حيدر ضال محتار ‏الباب يشيله لو البسمار ‏ ‏ويلاه وامحمداه ويلاه وامحمداه ‏ ‏وين ال هاشم خل يفزعون ‏موش بدمع ادموم يبجون ‏على المصطفى هنا يالتحبون ‏لطموا الصدر ولا تهيدون ‏ ‏جيبو النعش للهاشميه ‏خلوها تنعاله الزچيه ‏مكسوره من هاي الرزيه ‏ابيت الحزن صارت سبيه ‏ ‏ويلاه وامحمداه ويلاه وامحمداه ‏ ‏جيبو البـيارغ يالـهواشم ‏مـات النبي ابن الأكارم ‏مكسورة ضلع الليله فاطم ‏جوه السقيفه شكو ظالم ‏ ‏طيحة وليها اليوم طيحه ‏أم الحسن تنعي وجريحه ‏ابيـتها ومـا مسـتريحه ‏لا هاي كلش مو صحيحه ‏ ‏ويلاه وامحمداه ويلاه وامحمداه ‏ ‏​كون الگلب متفطر اليوم ‏وتصاحبة الدمعة والهموم ‏نلطم على الهادي المظلوم ‏ونواسي طه بالمصيبه ‏ ‏أظلم صبحها وعالي الونين ‏وحيدر ينوح ويا الحسين ‏لفگدك يطه يراد حيلين ‏والزهرة تلطم حيل عالعين ‏ ‏ويلاه وامحمداه ويلاه وامحمداه ‏ ‏مؤمل رضا العبودي

قم وجدد الحزن في ٢٨من صفر قصيده شور.او ثكيل..الامير علي ينعى حبيبه رسول الله صلوات ربي عليهم. آه آه.... يارسول الله آه آه.... يارسول الله ــــــــــــــــــــــــــــــ يطه اشلون اودعك والله ما أدري يحزام الضهر يال بيك اشد ضهري يفص العين يا نفسي اضل بچفاك بحيره وحسرتي تنهش لحم صدري ربيت اوياك احسك چنت الي ولايه قرءان انـته وانه  ابنصك ال آيــــه نويت اتروح... يبعد الروح... اضل بفراگك.. اتحسر يرمش العين.... اروحن وين.. كلشي اخلافك.. اتجسر آه آه... يارسول الله ـــــــــــــــــــــــــــــــــــــــــ أنــــزلك للگبــــــر وارجع أشبگنك ادفن روحي حاير مـدري ادفنــنك أحاچي ابروحي صبري هذه أمر الله تگلي اتموت لحظه لو بعــــــــد عنك بشوغه اتراب گبرك هلته بچفوفي وروحي اتعارض أيدي تگلها عوفي تدفنه اشلون... نضر العيون... تضل موجوع.. بغيابه علي بليااااااه... تجر بس ااااه... كلهم ضدك...اصحابه آه آه... يارسول الله ــــــــــــــــــــــــــــــــــــــــــــــــــــــ أعاتب روحي ساعه وگلبي الـــــومنا أشد صبري ويطيح وگـــــــوه اگومنا حيلي يريد أســــــل سيفي واخذ ثار گوه اعليه نوحي اودمـــــــعي أضمنا بعُدك ضيم احسه بالگلب يفتل المتـعود عليك الفرگه اله تكتل الباب البيت... لو صديت... تكسر گلبي..سالفتك من گتلي... علي تصبر.. دمعه نزلت... ابخدك آه آه... يارسول الله ــــــــــــــــــــــــــــــــــــــــــ تگلي اصبر روحي اشلون اصبرنها صعبه گبال عينـي الزهره اشوفنها ورى بابي يعصروها لمــــــن توگع أشيل الگاع گلـــــي  ولا اشيــلنها ثجيله الباب حــــيل اعليها يطبگها صوت اضلاع بذنك راح تــــسمعها شنّي حاله.. العله عياله.. گبال اعيونه... تتوجع أنا حيدر... غصب أنجر... حرگو داري... وستــرجع آه آه.... يارسول الله ـــــــــــــــــــــــــــــــــــــــــــــــــــ رضاكم ساداتي. ص ✍️الشاعر ياسر الزيادي في حق رسول الله ص

ذكرى شهادة رسول الله صلى الله عليه وآله ............ فاطمه اتسميله..وحيدر ايتجيله كلشي واضح..بالملامح..ناوي عالسفر ........ موت الله مامات النبي مات بغدر صحبانه اتمرض لجن وي الدوه دستله سم افلانه جان المخطط ينقتل والسلطه الهم تنتقل وحيدر يبايع بالغصب وبسمارهم يذبح طفل وبالفعل سووهه..التجربه وخاضوهه اقره عنهم..ذوله منهم..جم جرم صدر ... من شربوه ذاك الدوه.. والسم تمكن منه ضل يضعف وطوله انحنه وبروحه تمشي الونه سيطر على اعظاءه المرض كلبه وكف مابي نبض باوع عله الزهره وعلي واتشاهد وجفنه غمض السممو هاديهم..لعنة الله اعليهم موصحابه..بل عصابه ذوله موبشر ... وإنكَّ على خُلق هيج الله جان ايمدحه واصحابه اذوه اشكثر وافلان جان ايجرحه والمانطق عن الهوه وعند الله عالي المستوه يهجر يكلوله الربع مااجو كالوله الكوه وباخير انفاسه..بس علي عد راسه والبقيه.. جاهليه..خنجر بضهر ... الحسن باحظان النبي واحسين كام ايشمه وزينب ازغيرونه واجت حزنانه كعدت يمه وجدهم يكللهم هله باشرف واقدس عائله باجر جرحكم يبتدي من البقيع الكربله واحد ايسمونه ..وواحد يذبحونه وهالاميره..تروح اسيره والدمع نهر .... بعده النبي عالمغتسل وسوو تحالف ضده طعنو الدين وصاحبه وسوو جرايم بعده هاك اسمع باول جرم الزهره لازم تنظلم وعن الوصي لو دافعت تندفع كون وتنلطم ايساعد الله الزهره..أمن الرفس والعصره وابطنهه..مات ابنهه بسابع الشهر ... #اللهم_عجل_لوليك_الفرج #محمد_الجماسي

مات النبي || شور ١٤٤٨ه‍ـ ليالي شهادة النبي محمد ﴿ص﴾ مات النبي وتون يويلي الزهرة نصبوا العزاء وشگو لجيوب بحسرة طاح السند .. حان الوعد .. مات الرسول الهادي! ااحا ااحا ااحا حيدر علي الكرار مكسور الظهر يبجي عل لمختار ودموعه جمر يا شيعة دكوا حيل خ نعمي البصر حيدر وكع .. كلبه انصدع .. والكون أظلم لونه ااحا ااحا ااحا الزهرة تنادي بويه لا تتركني بعدك يتيمة والزمن يوجعني نار المصيبة بغيبتك تحركني صاحت مدد .. طاح العمد .. بويه العفتني الوحدي ااحا ااحا ااحا الحسن وحسين هلو هالدمع يبجون يم المصطفى بحزن وجزع يمه يازهراء الله يعـينـــج....... ون الحسن .. حان الشجن .. وحسين يلطم صدره! ااحا ااحا ااحا يا خادم الطم حيل واكسر هالصدر مات النبي المختار شيخ اهل الفخر خلي الكلب هاليوم يسعر كالجمر دكوا الصدر .. ونوو بقهر .. مات الشفيع الاعظم ااحا ااحا ااحا فزاعية...... ومهظومه بنـتـك يمحمد.. ااحا ااحا علي الأكبر🖋️

‏:اذا باجر اموت وتغمض عيوني كبر حسين اريدنكم تزوروني * اذا حانت وفاتي وخلصت اسنيني وملك الموت اخذ روحي وجرت عيني يالجناز كبر حسين وديني وعالشباج خل اهلي يطوفوني *** اريدن لو متت مجلس تسوولي وزينب يا غريبه بكبري تقرولي عن حسين اريد اهواي تنعولي وكون برايته الحمره تلفوني **** منكر لو سألني وشافها اعمالي غير حسين اكله محد ابالي وادري حسين يحضر اول وتالي ولو شافو حبيبي ما يحاجوني **** شيلو اجنازتي يم صاحب الرايه وطوفوني بضريح الكافل اهوايه وحلفو بالغريب الما شرب مايه ويم عباس اريدنكم تأمنوني *** انه العمري خلص بالحسينيه وريحة كربله من الزغر بيه اريد اعله الكبر تقرولي لطميه وكل مجلس اريدنكم تذكروني **** ودوني العلي وخلوني ازورنه وطوفن يم قسيم النار والجنه علي هوه الشفيع اشلون اعوفنه اريدن بالنجف يمه تدفنوني **** تمت تحسين الخفاجي🏴أنت المعزى سيدي يا صاحب الزمان ...

(اويلاه بويه محمد) ضعت يابــــويه ماعندي بقى راي جرح فگدك عماني وحاني مگـفاي البچي مافارگ عيوني بعـد نـورك يبويه وحشه داري عگبــــك هواي جرحي بفراگك هدلي حيلي يومي يخـــلص بالــيا ويلــي مهدوده ضلـوع واركـان انــه ســهرانه ومـــــا نمـــــته ليلي تاذيني الفرگه واصطبر من هدمك ماراح العطر يالبعـدك خدي ينسطر اويلاه بويه محمد ... اويلاه بويه محمد ➖➖➖➖➖➖➖➖➖➖➖➖➖➖ بفرگتك بويه محنيه بگت فاطم ريحانة ابوها تنكسر يبو القاسـم يالبروحتك كل الهـــــــضم يجره عليه ويدنى بابي بالحــــقد ظالم بنتك بويه تريدك حاضر تفزع الــها وتجـبر خاطر بنيه ياناس تحتاجه الاب باجر دونـه يعمـى الناظر بذاكرتي من يمي ابي امه انه مسميني النبي يحضني ريح الجنة بي اويلاه بويه محمد ... اويلاه بويه محمد ➖➖➖➖➖➖➖➖➖➖➖➖➖➖ اندبك وبصلاتي بويه لله اخشع رسول الله بدمع أذكــر من اركع كضه بسمه شهيد ولَدته بالســم الِتلدك بويه باجر عالجمل ترجع اصرخ بويــه وحيدر ينحب محروگه ونار هجــرك تلهب اولادي عليك تلــهج بسمـك يابويه الروح يــمك تچـهب كاسرني بويه هالحـزن رايدتك ابدمعاتي اون حرموني حنـية حضــن اويلاه بويه محمد ... اويلاه بويه محمد ➖➖➖➖➖➖➖➖➖➖➖➖➖ اسمعك بالوصيه ومكسـوره طحت تكلي بـعدي بويه تلحكيني گـــــلت وعلى ثغرك قريت شــــــچم عطش شفت بيك الحسين وامحمد صحت ظلمه بــــلياك صارت داري مكسور عليك حامي جاري لو هاي الـروح تصبر بعـدك بســمار وبـاب يزيـدن ناري ما أضني احمل فرگتك بنار اعداك تـذبل وردتك محنيه ضلوع بنيتك اويلاه بويه محمد ... اويلاه بويه محمد ➖➖➖➖➖➖➖➖➖➖➖➖➖➖ #اللهم_عجل_لوليك_الفرج #سید_قمر_بنی_هاشم_العوادی

حينما يتأمل الإنسان في عمره، وحياته، ومصيره، ويُراجع تعاليم الأنبياء والأوصياء، يجد أن تلك التعاليم جميعها تنتهي إلى حقيقة واحدة لا يختلف عليها اثنان، وهي أن العمر كله يتلخص في أمرين: العلم والعبادة. وكل انشغالٍ بغيرهما، في كثير من الأحيان، ليس إلا ضياعًا للعمر وهدرًا لأثمن ما يملك الإنسان. ولو راجع الإنسان سنوات حياته، لوجد أنها لا تُختزل إلا فيما اكتسبه من علم، وفيما أدّاه من عبادة. فالإنسان لا يرقى بطعامه، ولا بشرابه، ولا بملبسه، ولا بماله، ولا بمنصبه، وإنما يسمو بما يحمله من علم، وبما يقدمه من عبادة. ولذلك، فإن الإنسان في قبره لا يُسأل: ماذا أكل؟ وأين سكن؟ وكم ولدًا أنجب؟ وكم مرة سافر؟ وإنما يُسأل عما علم، وعما عمل. فالعلم والعبادة مظهران لجوهر واحد، هو الإنسان الراقي. تأمل في حياة الأنبياء، بماذا تميزوا؟ هل كانت عظمتهم في القصور، أو الرئاسات، أو الأموال؟ كلا، وإنما كانت عظمتهم في العلم والعبادة. وليس المقصود بالعلم علوم الفيزياء والكيمياء والرياضيات فحسب، فهذه علوم نافعة تتعلق بشؤون الدنيا، وهي بطبيعتها قابلة للتطور والتبدل. أما العلم الذي يرفع الإنسان حقًا فهو العلم الثابت، العلم بالله، وبأوليائه، وبحدوده، وأحكامه، ومعرفته التي تقود إلى العمل. ولابد للإنسان أن يقف مع نفسه وقفة تأمل صادقة. فلو عاش ستين أو سبعين عامًا، ثم بلغ لحظة الاحتضار، فماذا سيبقى حاضرًا في ذاكرته؟ هل سيتذكر ما أكل، أو كم مرة سافر، أو كم حفلة حضر؟ إن أكثر ذلك يزول مع الأيام، ولا يبقى إلا ما اكتسبه من علم، وما قدّمه من عبادة، فهما الزاد الحقيقي الذي يرافق الإنسان إلى آخرته، وهما الثمرة الباقية من رحلة العمر.

‏كاني بالحسين (ع) يعطي الماء لرسول الله(ص) ‏ ‏ماريد الماي منك ‏                      ضمه باجر يضمى ضعنك ‏باجر بطرك الخيام ‏                          باجر تشبگك سهام ‏ ‏الماي هذا.. ياخذ احلى ثنين منك ‏وعلموده.. باجر يخربونه رسمك ‏ومن تنادي.. انصروني محد ينصرك ‏والمصيبه.. كلهم يعرفون اصلك ‏ ‏بني يا حسين.. بني ياحسين ‏ـــــــــــــــــــــــــــــــــــــــــــــــــ ‏​ ضمه يبني لبنتك رقيه ‏                        ضمه باجر زينب سبيه ‏باجر تصبح غريب ‏                        باجر بشيبك خضيب ‏ ‏الخيل باجر.. يدخلن لديوان صدرك ‏وزينب اختك.. بالهفه تركض اعلى عطرك ‏بس شتلگه.. على الثرى موزعينه دمك ‏يا هضيمه..الزلم تركض على اختك ‏ ‏بني ياحسين.. بني ياحسين ‏ــــــــــــــــــــــــــــــــــــــــــــــــــــ ‏ضمه لچفوف الكفيل ‏                            ضمه للما له بديل ‏باجر يطيح العضيد ‏                          تبقى بالطف انت وحيد ‏ ‏الحيره باجر.. الماي يعطش لابو فاضل ‏وحيل يفرح.. من يشوفه يمه يقاتل ‏وهوه اول.. زلمه مگطوعتله ايد وهو كامل ‏وشحلاته.. الگمر بين عيونه نازل ‏ ‏بني ياحسين... بني ياحسين ‏ـــــــــــــــــــــــــــــــــــــــــــــــــ ‏خله لشفاف الصغير ‏                          صغير بس بسهمه جبير ‏باجر يعزب السهم ‏                        يعزبه منه هواي دم ‏ ‏حيل تتعب.. من ركض ذني البنات ‏من يركضن.. من خدرهن مدوهنات ‏راح تشتد.. وي بنتك هاي الحياة ‏وين تمشي.. وحيده في ارض الفلات ‏ ‏بني ياحسين.. بني ياحسين ‏ ‏مؤمل رضا العبودي ‏

(( رحلة عذاب السبي )) ياگلبي كافي تـهِم .. روحي تراها أخلصت رحلت عذاب السبي .. من المخيم بـدت بدت من الهزايل والوكت ليل وكلشي إيعور الدلال والحيل بذعر من إطلعت ويلاه واويل حسره حسره نصيح موزين تالي هل درب بهـيمه صرنه انـبات مابطلت عيني تصب كلشي بيـّه ايـريد حسين موماي الشرب ألـم هـاي النهايه .. مره بطرك العبايه ــــــــــــــــــــــــــــــــــــــ يامن حديت بضعن ـــ جان الخدر شيمته غير الخرايب سكن ــ جا ما تصح نومته إمرنّا الحادي ننزل بل خرابه فرشةَ افراشي بيدي من ترابه وكلشي انحبه برماح إلنه جابه عيني عيني تريد تهده وتنام براحه الرافگت جفه حبال عالي يصير انياحه بليلي متعلعل دليلي ولا ركـد بـصباحه ألـم هـاي النهايه .. خدر ماعنده رأيه ــــــــــــــــــــــــــــــــــــــ معروف طبع الغرب ـــ عطشانه ل آل النبي فرحانه كلها المدن ـــ زينب اجتهم سبي تحملت النوايب بس تضل هاي الشام الما أحمله اتحضر اهواي لملم كـل حـجر وحـرورة الماي ويلي ويلي الشام مجتوفه من طبيته تسئل عليـّه الناس وجهي بخجل ظميته مشامر حجي وأحجار اهنانه الاخو احتاجيته ألـم هـاي النهايه .. انكشف طول السبايه ــــــــــــــــــــــــــــــــــــــ كلشي كِسر خاطّري ـــ لسوك لمن رحِت ومنين اجيب الصبر ـــ ياريت بيها متِت تالي أخـر محطه يـصير ديـوان ادخَلِت مجبوره كوه واحنه نسوان وفِتح عينه عـلينه المـاله عنـوان بروحي شوغة موت طلعي يروحي وموتي لا بيه اهـل ادموع ولا بيّه اطلع صوتي ارجع لخوي حسين. هايه امنياتي وقوتي ألـم هـاي النهايه .. عگب ذيج البدايه سيد محمد الذبحاوي ✍️