قصائد شور مكتوبه

السلام على الملاك المذبوح بين الباب والحائط مولانا المحسن الشهيد يوليدي يالـ ما شافن اعيوني بسمتك بـين الجمر والـباب يامُـحسن ولدتك يا ثالث اغــصان العمر يافـرحة امك متأمله جيتك يالولد والگلبي اضمك اعـذرني يـمـه مـا تـلـگـيـتـك بــديه محـتاره ادفع بابي لو يايمه الزمك؟ ااعذرني مـن هديتك يالطايح ابــاب بيتك ..جيَتك عجيبه مو هذا وكت اصيارك جيت ابدمــاك الدارك ..وامك غريبه دفعو عليه بابي..وايدي الزمت بحجابي بس مانسيتك يهلال فرحة عيدي..دنگت المك بيدي و ميت لگيتك ................... ثوب اعله طولك فصلت ياهو اليلبسه وعمرك طفه عالعتبه يبني بأثر رفـسه بمهدك يمُحسن مانمــت هــذا الهـظمنــي يـالعـاتـرب نايـم و انـه مـهــجور حضني ضلعي انكسر بس ابتسم ويطيب ضلعي بـس هـذا نومـك مـنه كل لوعات حزني يايمه ما صـاح صـوتــك ولا ماشي مابين اخوتك .. مُحسن حبيبي بعدك طفل ليش طااايح صوت امك اعليك صايح ..استطعم حليبي اسمع ييمه اصياحي..ام ولزمت اصفاحي مكسور ضلعي البسمار ماخلاني..اتلمك ييمه احــضاني بالضيم وضعي ................... يالماغفيت بحظني ساعه وجاك موتك ليش البشر ماقبلو اتعيش اويه خوتك بس شوف ابوك امن البجي نگعت لحيته مـهظوم گـلبه وحـگـه جـي داســو ثـنيـته افتح اعـيونك و اجـبـر بـكـسـر الصـمـيده يم گـبرك ايـحن مـن امـس مخـنوگه ريته يبجي ابـوك الحااالك بعينه ويــصد جتاالك .. هاي التهظمه يامُحسن يصيح يبني خانگني بجفاك حزني .. ذبحولي نسمه وزينب تگلي يمته..المحسن يفرح اخته منتظره جيتك باجر تريدك حاضر..لو صار ظهر العاشر اتلوذ ابحميتك ..................... الباب ذابح عمرك و كـاســرلي ضلعي يالمحسن اعله ظالمينك روح وادعي ادعي عليهم يالـولد و احجي المُـحـمـد گله يجدي فاطـمـه سـطـروها عــالـخـد گله احترگ باب القبل تشتمه كـل يــوم و مـحد فـزع مـن البـشر للـزهـره مـحد گله انحرمت امن امـي وسولفله لوعة هظــمي ..وبحالي اخبره گله امي مارحمووهه عالحايط ايعصرووهه .. وهظمو الزهره ياقطعة من دلالي..مُحسن يروح امالي حرموني ارضعك اتمنيت تفتح عينك..يم الحسن واحسينك وتحجي واسمعك ................... ودعتك وعـشت اللـيالي ابجـي وانعه وشلون تصبح عيشته المكسور ضلعه ردتك ذخر يـبني تضـل للــغاضــريه بــاجر اخوك الـوحّـده بـين ال اميه امن يطيح عباسه ردت تفزعله واتهد وتمنع النـاس اتصيح زينب خارجيه باجر بجي وخوف باجر وبحسينك يدوس حافر .. ومحد يجفنه اگباله خيامه ايطيحن ويسمع خواته يصيحن .. خويه الحگنه باجر خيم تـتهدم..وحته الطفل مايسلم بعبدالله اشوفك جنه يگلك عمي..فدوه الحياتك دمــي بساحة طفوفك ابو حميدة الشويلي اللهم عجل لوليك المنتقم الفرج

الليلة ليلة كسر ظلع فاطمة آه يافاطمة

كسر الضلع حاله عجيبه لااله دوره ولاصحله طيبه ياويلي مكسوره الحبيبه وحيدر علي بحاله غريبه مكسور والدمعه سجيبه بحزنه بقه ينوح المصيبه ياويلي قالع خيبره ... مهدوم حيله اليله عكب النبي ماراعو الدار هجمة عليه الانذال بلنار حيهم يمن مذخور للثأر حيهم يأبن حيدر الكرار كف الغياب وأعلن انذار وحركه التماده اكبال الانضار ياحيد يبن المايرد .... رد التعده عليكم حيهم يمن للثار طلاب انهض وذب عن عيونك انكاب امهندك جرده أمن الكراب واطلب الحركو عتبت الباب ماعدنه غيرك يأبن الاطياب يرد التماده وداس العتاب يبن العكر بيها الجمل .... اعكر صنمها وشيخها حيهم يأبن شيخ النوايب يا آخر اشموس الاطايب زادت تره علينه المصايب من البعد كافي يغايب اندبك يمهدي بكلب ذايب اضهر أهلها الحنه الحرايب شيعتك تنتضرك ترد...... ثار الزجيه نجيبه محمد تقى الزاملي

2 ربيع رجوع الضعن للشريف الى المدينه السيدة زينب ص تخاطب ام البنين ع . .. اه يام البْنيِن ردو هلج اه يام البْنيِن هنا يلتنشدين ماضل ولي هنا يلتنشدين عگب الصواوين نمنه بترب عگب الصواوين من طاح الحسين ناسه انسبت من طاح الحسين شفنه المصايب وي السبونه تقدم ضعنّه ياراس ابونه وابجي من احطن عيني بعيونه يام ابو فاضل فر وكتي بيه نادوني باسمي وضافو سبيه طاحو زلمنه وجابو لديه ؟ جابو هالحبل جابو ولليسر گالو. درب السبايه وانه وحيرت ايتامي وجم طفل ضامي نربي اعله رايه **** ضهر الهزيله ناگع دمع ضهر الهزيله ماعندي حيله غير البجي ماعندي حيله ياهو اشتكيله شابگ رمح ياهو اشتكيله انه العقيله مو للگطع انه العقيله ضهر الهزيله من حزني حدب بثگل المصاب الحاملته زينب غادي التشوْفينه بزغره شيب ام العفاف الحرمه الجليله اابلا هوادج فوگ الهزيله حر الشمس ذب اعليهه حيله عادي بهالحر عادي الكاسر افّادي احسين وضيمه اموذر يمه اموذر ونايم بهالحر وسط الهيمه *** لو سولف الصار موتج يحن لو سولف الصار من شبت النار گلبي انجوه من شبت النار واتجوت ازغار من الجمر اتجوة ازغار ماعدنه نغار لبيت النبي ماعدنه نغار حرگو خيمنه وفرينه بلبر وصحنه بدمعنه ادرکنه يحيدر ناح الحجر للبينه وتفطر شي راح ابنهه ولولت بواچي وشي من اذنهه انسلبت تراچي يلشفتي موت بهاي المحاچي .. تگلهه انه ؟ بعيني شفت بعيني ايگوملي حسيني وخيل اتوكعه اعله التل حيلي كله انحل شال ايده اليه ومگصوص اصبعه *** ياغربة الشام تحني العمر ياغربة الشام واتخاف الايتام من الخرابه اتخاف الايتام واتفزفز اتنام تغفه بدمع واتفزفز تنام تاذينه الاحلام مانمنه ابد تاذينه الاحلام طيف القصر.. وايزيد ابقواته يضرب ثنايا ابن امي بعصاته وبدمعي افز او مدمع بناته ؟ يجري اويه دمعي اعله الصار اشوفه ومن ارجع اغفه اتلاگيني كوفه وانخه بهضم عباس وجفوفه خويه شامهم خويه كتلت ال بويه بذيج الخرابه الناحت عالولي وصاحت ومن حضر ماتت وي اليا بابا مصطفى خالد الجبوري #اللهم_عجل_لوليك_الفرج

تمنيت كون اتعطلينه ولانوصل لباب المدينه ياهو ايتلگاها الضعينه وجيت بضعن هايم.. خاف أنشد بخواني حيره چا وينه  سيدها  العشيره اوين الكفل ضعن الاميره ينشدون اهل هاشم.. ما چن هل الضعن لحسين وين اخوانه واولاده وبخت السادة بيها شصار النشد عن عمة الساده وعاده  الينقتل  عدكم  بس  السبي  مو  عاده وهذا النشد يفتح اجروحي وتزيد معقوله  مسبية  بنت  الاجاويد وهل عاودت من غير اهلها شحجي وشرد وآنه ما املك اجواب اليسئلني عن كافلي بگلبي انصاب چاوينه عباس الكفلها عاودينه يهلنه واجينه..والضعينه لفت للمدينه ____ ارجع وطب ابيوت اهلنه ومابيها گطره امن المحنه ولا چنها  هاي  الدور  النه المابيها خواني.. متفطره  بيها  الحياطين چن گلبي هم كاتلها الونين عگب التركها ورحل لاوين والفگد اذاني.. مابيها  دفوّ  امن  حسين  وضلمة  دور  اهالينه وفارگها الامان وراح عگب عم  ضعني من جينه وصرت ادعي الله چف اخوان لو ساعه يرد لينه صرت ادعي الله يرد ليه الحسين ويشوف حال البقو بفراگه ميتين بحي الهواشم صرنه غربه يخنگني  صاير  بعد  عينه  الدار بكل ذكرة التمر علي انجوي بنار نار الفراگ هواي صعبه يله موتي يروحي الحنينه..والضعينه لفت للمدينه _ خلاف اخوتي تمنيت موتي المن  اعيش  ابلا  اخوتي ياهو البعد  يسمع  نخوتي ذاك الزمن وينه.. محمد اجه وماعرف اخته ولمن  عرف  لونه  خطفته شافاني  بس  گلبة  كسرته وسولف دمع عينه.. ابتشر گلبي اخو عندي وهضمني أشر عليه هاي الحرمه كال منين  اخوي  ويشتبه  بيه ومن گالوله زينب هاي  طاح  وگال  مو  هيه اختك  إنه  وخويه  انده  عليه هل چلمه فوگ النهر حيف رميه مشتاگه حيل اسمعها منك من ماتت الخويه صرنه سبايه لا ضلت  اخيام  ولا عدنا  راية واكثر جره ياخويه بختك لا اخو الضل بعد ويحمينه..والضعينه لفت للمدينه ____ وين  اليعاوني  ابمصابي ويشارك اجروحي وعذابي وأم  البنين  ايتاني  بابي تنعى مصيبتنا حملي انچفه وبلكت تشيله وتبچيهن  ادموع  الثجيله وتتگابل  اويانه  العليلة دمعه اعله دمعتنا اول  ماحچت  عباس  گالت  وفه  الخوه ونزفت عيني دم مو ماي يمن دمعاتي اله تسوه كلتلها  يأم  عباس  راح  الطيب  النخوه وين المثل خوته الگه بعد وين وفيه اجيبن  بعد  مثله  امنين راح وفركنه بحسره ادينه طاح  وبعد  ما بقت  النه  اخيام ومات الحسين وخذونه اسره للشام ورديت هم زين بَسكينه وانتهت يمه رحلة سبينه..والضعينه لفت للمدينه __ حسين سعد البهادلي 📜وصول ضعن الامام الحسين علية السلام وعودتة الى الى المدينة..

طر يگلبي وصيح ويلاه واردف الويل بـ وا نبياه والد الزهره غمض عيناه سيد الكون الرسول راح العزيز الما إله اشباه اظلم الكون بغيبة اضواه والحجر لمن مات بچاه ويّه حيدر والبتول اتيتمت ام الحسن بغيابه وناصبه ابيته عزاء مصابه ونـار فرگـاه بگلبها تلهب والاصحاب اهجمت حرگت بابه إنجمعو لمن غمّض عينه وماحضرو غسلته وتچفينه اولا چنه نبي الأمه الميت واليمّه بس علي بونينه يا ابا الزهراء ... يارسول الله _____ كلشي تغيّر حين ما راح واهله امتلو هضمات واجراح ذباح غدر الأمه ذباح وانولت ام الحسين انعصرت وعطر السبط فاح واعله الأرض طيحة نجم طاح واعليه كل البلـسمه ناح واعتله صوت الونين ونشغه من بيت النبوه تنادي انولد مستشهد الجده الهادي وطاحت اعله المحسن امه وتنعه هـذا أول منحر امن اولادي المهضومه عالأبو هضموها ومحسنها طاح من عصروها اوّ والدها بعده فوگ اترابها شمسويه بنته ويظلموها يا ابا الزهراء ... يارسول الله _____ طه وعلي چانو فرد روح ومن راح خّله بحيدره جروح ماإلها طِب وتشفه وتروح وتنزف لحدما يموت خوه انگضت بالسم والّـِعويل وحدّب ظهر حـمّـاي الدخيل والأمـه بالمتوصّـي اتعيل وتدري تكليفه السكوت واره وحده المصطفى بترابه وعالخلافه اتخاصمت اصحابه ابدال حيدر نصبت ارذالها وحرفت نهج السمه وكتابه القران انزهد حگ راعيه وداسوها عتبته القدسيه ياهضمةّ گلب قالع خيبر عالزهره الطاهره الأنسيه يا ابا الزهراء ... يارسول الله _____ بنت النبي عاشت لمن مات ابيت الاحزان بضيم وآهات وناحله من گد العذابات وتشهد اعليها الأراك وزينب اوي امها بهالمعانات وياها تنعه وتهل دمعات بره المدينه وچن غريبات والهن تنوح الافلاك تموت گامت فاطمه المظلومه نشغه نشغه بعد طه ويومه لحدما جاها الأجل واويلاه وحيدر الكرار سود اهدومه عالخاتم بعده مافك حزنه والزهره غفل راحت منه من راحو راح عمره وياهم وبس بيره ايعرف الضهدنه يا ابا الزهراء ... يارسول الله _____ سجاد الگريزي

هونك عليه أو بيه هالله ولتگول بويه اوداعة الله وين المثل عطفك نحصله واخلافك الدنيا اتزيد حزني جبت الكسا وجيت اعله ناري عسا اتگوم ابسلامه وتطب داري ثاري الچبد مسموم ثاري وأنه بجبدي النوايب صوبني يالجنت تنسر من تصدلي شتگول من تشوف شكلي وأنه جسمي يصير اعدال ضلي وافراگك يبو الزهره نحلني بويه اشلون وانته بگومك ادره نيتهم على أهل البيت گشره امتانيك تغمض يبو الزهره من تغمض ايسطرون جفني من هسه نار امحظريها يردون بويه احترگ بيها والجنت انته تبوس اديها نيرانهم بيها چوتني بعدك حالتي لحيدر تجرحه نوبه اعليه يغمى ونوبه اصحه و مكسوره من اضلوعي صفحه ومخيوب من الگوم ضني ليك المشتكه وتدري ابوضعي نحيله امعصبه ومعيوب ضلعي وايمنعونّي من سيل دمعي يستكثرون اعليك وني امسيت مكروبه او حزينه وگطعوا على گلبي ونينه او طردونّي من المدينه إطلعت اويه ولدي لبيت حزني اجيك اعله الگبر وتشوف حالي اشلون امعذبه او مشدوه بالي ما صارله لموتك ليالي بس ذني الليالي شيبنّي اجي لگبرك واصيح بعالي وني وايديه اعله ضلعي او يهل جفني آمر على عبده او ضربني ومن ضربته للگاع ذبني منتظر الجنابي #اللهم_عجل_لوليك_الفرج

الإنشغال بأثبات أن عائشة زانية او غير زانية عن مقتلها لرسول الله صلى الله عليه وآله ؛ ماهو إلا عمل قليل المعرفة ... لأن مقتلها لرسول الله مصيبة وذنب وفضيحة أكبر مما يتناقل عنها وعن مثالبها لكننا أبتلينا بتصدي من لا علم لهم ولا فهم .

مولاي رسول الله ( صلى الله عليه واله ) باب المصايب مني صاير وتگطعت ليه المشاعر انه الرسول بكلشي حاضر مصيبتي عضيمه مسموم من داري المصيبه طه جنت ل الله وحبيبه مبخوس حقي مو عجيبه عمري گضه ضليمه ابجي عله بنتي لان بعدي يضلموها باجر و أن اسمعها روحو يله ضربوها ابن الزنيم وربعه خلف الباب عصروها مصيبة فاطمه الحيره بعمر الورده وزغيره بس من الهضم فاطم عاشت جن مره اجبيره ____ يا حيرتي بجبدي التفطر ماهمني موتي همني حيدر مضلوم بعدي بهذا مضطر منهو مثل مقامه فگده بقه بگلبي علامه جرحه جرح كل اليتامه من راح مو مثله منامه رايح بعد سلامه من طاح ابوحسين وعلي صوب دليلي حاضر جنت بمصيبته وطيحلي حيلي لا سامح الله كل رِدي زيد عويلي علي جان بوصط روحي بجرحه زادت اجروحي مضلوم وبجه المضلوم حالي وحاله مذبوحي __ عشت وشفت سم النوايب ابني الحسن من چبده ذايب وزادت علي هاي المصايب موتني من ونينه من اقرب الناس اعله بيته مسموم مثلي هم لكيته واسيته وبسمي اعتنيته ياهو المثل حنينه واسمع يگلهم يا هلي ماهمني وضعي الهمني اخوي بكربله كاسرلي ضلعي دمعي وگع مو هذا الي لحسين دمعي بجاني بكثر ما هم بحسين وبجينه بدم يأشر ماكدر يحجي بس أشر عله مخيم ____ كل المصايب هانت وياي بس البقى ماشارب الماي موتنه موته الضل بلا فياي وسلبو بعد ثيابه يتم عشيره ويا عشيره متروسه ساده كلها غيره وسيدها ملموم بحصيره ماكو مثل مصابه اسمع قسم بيه وشفت وضع ابني تعبان يقسم وحق جدي ترا يهلي اني عطشان فوگ الترب شفته صدك ضل وحده عريان وبلا رحمه يسبونه ضعنه گباله يحدونه اهل الله ترا عيالي تالي هيج جازونه احمد محمود الحريشاوي #اللهم_عجل_لوليك_الفرج

شهادة مولانا رسول الله صلى الله عليه وآله وسلم يهل البخت الله ولحد اليوم كون الحيل ينهد السادة كلها ابلا عمايم چي فارگو جدهم محمد مامش حيل .. ايضل ماينهد ::::::::::::::::::::::::::: هذا الفگد بگلوبنه أيحز ويخلي ون الفاگده أيفز صرنه يتامه أبهذا المصاب وكون الطم بعيونه يبز كل اثنين .. امگابل تلطم ::::::::::::::::::::::::::: ننصب عزه ونحيب ننصب نواسي علي والحضرته أنطب ع مغتسل حيدر حبيبه وحيدر دمعته أعللخد أتصب كون اليوم .. اعليه نتوزر ::::::::::::::::::::::::::: امكابل لطمكم والحچي يفض الزهره گلبهه گوه ينبض شايل حبيب الله ورسوله بثغيبنه نواسيهه نعرض للزهراء .. انون ونثغب ::::::::::::::::::::::::::: اليله البجي بسم الزجيه وفكدت أبوه بهل مسيه ماضل حيل معصبه الراس نواسيهه ام اعظم رزيه صعب يوم .. يمر عليكم صــباح جــهاد #اللهم_عجل_لوليك_الفرج

(جداه وا محمداه) خدر النبي ليله نظلم جداه وا محمداه حفاي مشوهه الحرم جداه وا محمداه من الخيم طلعن ركض جداه وا محمداه عبدالله من امه نفطم جداه وا محمداه نزلت علرياكه دماه جداه وا محمداه :::::::::::::::::::::::::::::: تالي الفواطم للسبي جداه وا محمداه وماراعو عيال النبي جداه وا محمداه نسوانكم شبعت هظم جداه وا محمداه نسوانكم طرك العبي جداه وا محمداه ضلت حرمكم بلفلاه جداه وا محمداه :::::::::::::::::::::::::::::: خولي يباري محملي جداه وا محمداه من عكب رايت كافلي جداه وا محمداه جيت بامان اهل الشيم جداه وا محمداه مو للسبي لبوة علي جداه وا محمداه فوك الابل تبجي النساه جداه وا محمداه :::::::::::::::::::::::::::::: ماكعد الموته الحجي جداه وا محمداه اطفالكم شبعت بجي جداه وا محمداه من التعب وكفه غفن جداه وا محمداه وحده علوحده تنتجي جداه وا محمداه الطف ملنه بلبكاه جداه وا محمداه :::::::::::::::::::::::::::::: بدموعي ندب فاطمه جداه وا محمداه مهضومه بتهه العالمه جداه وا محمداه واعظم مصيبه بكربله جداه وا محمداه وحسينكم بجه السمه جداه وا محمداه مذبوح الحسين بضماه جداه وا محمداه :::::::::::::::::::::::::::::: ضل الحسين بلانعش جداه وا محمداه بلهيمه واليل اهدعش جداه وا محمداه اني هلي بلطف كضو جداه وا محمداه ذبل ملامحنه العطش جداه وا محمداه باقي حبيبك بلعراه جداه وا محمداه صــباح جــهاد

شهادة رسول الله صلى الله عليه وآله ويلي عالزهراء وابتدت محنتها شدت عصابتها فاطمة . غربت دنياها بفركة الرباها فاطمة . من والدها تخلى بلحده حلت بيها ايام الشدة اجم ليلة وتنظر حيدر متجتف من ايده لزنده . هنه جم ليلة ويحترك فوكاها الدار وتگرب على ايديها النار من تحتمي خلف الباب يصوب ضلعها البسمار ……………………… صوتها من تنعه كل المدينة تسمعه فاطمة . كلهم درو محزونه والدها سد اعيونه فاطمة . معروفة التفگد واليها نسوان الديرة تواسيها بس الزهراء يا غربتها محد دك الباب اعليها . تبجي وحدها محد واساها الزهرا زينب جبرتها بفركاه كعدت كدام امها تنوح وتبجي بحسرتها وتنعاه …………………….. نحلت اول ليلة من كثر ما تبجيله فاطمة . كوه الهوه تشتمه اطيح اذا ذكرو اسمه فاطمة . ليله وما صبرت من دونه شلون تعيش ابلايه عيونه ما بيها الزهراء تتنفس اطيح امن اليمها يذكرونه . تبجي محزونه امن البجي ما بيها تگوم الموت ضل يمها يحوم مهضومة تدريه من مات امعذب ابوها ومسموم …………………….. تدري شنو القادم وشنو يسوي الظالم فاطمة بس غمض واليها الدنيا دارت بيها فاطمة . ما رحمو بالزهره وونها جنها تشوف الصاير جنها عصروها وما رحمو بيها وخلوها تفارك محسنها . بس غمض عينه دين الباري بفركاه ضاع وابليس امن الناس انطاع وحيدر متغرب محسور وللزهراء كسرو الاضلاع عبدالله الفريجي #اللهم_عجل_لوليك_الفرج

#يارسول_الله الما باچي لرسول الله ولجروحه شني عذره مثل ما باچيه اعله حسين بچتله فاطمة الزهره يالي تريد تسعدها لابوها نوّح بعبره يستاهل لطم وانياح ... رسول الله يوادم راح يتيمه امّ الحسن صارت ... والسور العليها طاح بيت الوحي اليزهي امس بعيونه بيت الحزن ويلاه صبح من دونه وبااحضانها حسين وحسن ينعونه ____ بچتله بگلب ام مثكول دمع منه الاحجار يفت وشدت راسها الزهراء وبچتله ادموع مالت بت هذا حسين جد حسين...؟ بطيبه بكربله الميت ..؟ اغتالو نبي وهل أنباء .. فتحت باب عاشوراء يالعايش جروح حسين .. عيش جروح ابو الزهراء عاشر ابيت حسين قبل العاشر حنية علي الكرار تحچي الصاير ماتت الرسول برسم عينه الغاير ____ ابوي وحگي يا شيعة اريد وياي عوانه منو بفيي داره يدعيني وانعه الوالدي احزانه الاراكة الابچي جواها گطعها فلان وفلانه بفيي راية ابني المذبوح .. لجده اريد ابدي النوح وين اليجي اويه الزهراء .. ودمعه اعلخده مفضوح ثاري الابو خيمه على ابنياته انعاه ابو وانعه لمقامه وذاته خنگو صدر بي الله حط اياته ____ بكل مأتم لبو الزهره تحضره الزهره بچايه ومن يگضي نعي الناعي هيه تصير نعايه يبويه تصيح مكسوره بموتك عبرو الثايه بعدني بمأتم امصابك ... وحطو حطب يم بابك خلفه اوگفت مجبوره ... وعَلي دفعوه اصحابك وثـالـث سبـط مـن الـعصـر طيحته وكسرولي ضلعي الـ عن ( علي ) گبعته صاحب ال ( يهجر ) بويه يضحك شفته ____ گلت للجايني بأسمك وگالوا وأن يا زهره گتلهم رسول الله روحه وگلبه البصدره بته أنا و عطر بيته وگالوا يحترگ عطره بيت الوحي والقرأن..الباب التطرقه استأذان رفسوا رفس ما طرقوا..وتلفح بوجهي النيران يا عظم الله اجره البچه اعلمصابك بعده علي امن الدفن بيده اترابك اغتالوا صبر من طاح ابنه ابابك كلمات سجاد الكريزي مصطفى صادق اللامي #اللهم_عجل_لوليك_الفرج

من حسيتك عفتني اندهك بوية بدمعتي الزهرة ترة التنخاك و شيسكتهه حسرتي بنية و تحن لأبوهه جا شيضمهه كسرتي يا موتتك نار و تشب وتموت شموع ما شبعت عيوني نظر تاليهه الدموع أب ومنو يعوض البنت لو راح ابوهه گلبي ارتجف نص الصدر ماضمته ضلوع هسه لو تگعد الي وبحضنك اغفة هسه لو نگعد سوة وبالزاد صفة هسه لو نار الهجر بضلوعي تطفه حلمي راح وانت رحت والباقي جرحي حلمي راح يا روحي من احلامج اصحي حلمي راح وي غمضتك ياريته ذبحي هذا الموت جان اسهام بالروح ما ينلاح گلبي و أشفي الجروح وعمري بخور بوية وباجر انموت راح نموت حسرة بغصت النوح ما زالت بعد ابيها معصبة الرأس ناحلة الجسم منهدة الركن باكية العين __ ادفن روحي بدفنتك جا المن ضلتي بلياك يامن صلى اعليك الله بدمعي اتگبع و انعاك من سم الغدر مكتول غدروك العاشوا وياك الزهرة ذبلت يا عذب يرويهه عگبك مشتاگه لو آخر حچي ماريد اتعبك حتى الصبر مات الصبر جا ضلتي المن اگعد الي يا دنيتي بجفوفي اگلبك صعبة هاي وحده علي يغسلك يغالي صعبة هاي يالزهرة جا ياهو البقالي صعبة هاي عگب النبي مو زين حالي دمعي طاح ما ودي إهلنهه الترابة دمعي طاح من الحسن صيّح يبابا دمعي طاح والضامي كاسرني عذابة لأبجي اعليك أم وراح ابنهه يا واحد زهرتك ماشي عنهه ما تگطع دمعتي وعيني حمرة روحي تطيح موش دموع منهه ما زالت بعد ابيها معصبة الرأس ناحلة الجسم منهدة الركن باكية العين _ حتى بصلاتي اشكيلك واحجيلك ريتك تحضر ما غايب مني ساعة فجأة وترحل ما اگدر حيلي مهدم صار اعليك فراگك موتني ويكبر ما يدخل لريتي هوى واحجيلك الصار هجموا على دار الذي تدگه يمختار جف الظلم يجمع حطب والناس صوبين محد فزع لينة و وگف لو يطفي بالنار الزهرة هاي واسمع و إن لموهه الاخشاب الزهرة هاي انعصرت وسط جدران والباب الزهرة هاي زمرة كفر مو هيج الاصحاب ياهو صاح طفوا الحرگ وحگوگ تنرد ياهو صاح هاي المرة اعزيزة محمد ياهو صاح محد فزع يا بوية محد واصحاب السقيفة والشياطين تتطاول على بيوت الميامين و يدرون ب علي تلزمة الوصية يا غربة علي يا بوية و حسين ما زالت بعد ابيها معصبة الرأس ناحلة الجسم منهدة الركن باكية العين ___ في بيت الله يأذن ان يرفع بيهه أسمه تستأذن مني وتدخل معقولة الوادم تعمة ما عرفوا قدري وياك يا حسرة گلبي وهظمة دخلوا على بيتي الظهر وبلاية اذني كسروا ضلع مني ترة بوية وضربني وطاح الولد ما لحگت عيني تشوفه والشوغة لا ما تنوصف ضلعي لچمني بوية هاذ المحسن وگع وبطولي دمي بوية هاذ وضعي وردت تلفيلي يمي بوية هاذ ولحيدر علي اشكبرة همي كون وياك ميته ولا بجفوفة الحبال كون وياك خدي انضرب وانرعبت اطفال كون وياك يوم الحرگ يهدم جبال يا فضة اسندي ضهري وحسين كتلهه و لچن مضروبة العين خلوا عن علي لو ارفع جفوف يبوية الحال عگبك ما جرة بزين محمد فرج الحريشاوي #اللهم_عجل_لوليك_الفرج

#تـراث { الواثبين لظلم آل محمد } الواثِبـيـنَ لِظـُلْمِ آلِ مُحَمَدٍ وَمُـــحَمَدٌ مــُـلقىً بِــلا تَكْـــــفينِ والقـائِــــــــــــلينَ لِفاطِمٍ آذَيْـتِـــنا فـي طـُـولِ نَــوحٍ دائـِـمٍ و حَـنينِ وَالْقَاطِعِينَ أراكَــةً كَـي لا تُقيلُ بِــــظِلِ أَوراقٍ لهـــا وغُـــصُونِ وَمُجَمِعي حَطَبٍ عَلى البَيتِ الذي لَمْ يَـــــجْتَمِعْ لولاهُ شَـمْلُ الدِّينِ وَالدَّاخِلِينَ عَلَى الْبتولةِ بَيْتَهَا والمُسْـــقِطينَ لهــا أعَــزَ جَــنينِ وَالْقَائِدِينَ إمَامهُمْ بِنَجَادِهِ و الطُـــهرُ تــدعو خَلْفَهُمْ بِـرنينِ خَلوا ابنَ عَمِّي أَو لأكشِفَ لِلدُعا رَأســـي وَأَشْكُو لِلإِلَهِ شُجُونَي ماكانَ نَاقَةُ صَالِحٍ و فَصِيلُهَا بِالْفَضْلِ عِنْدَ اللَّهِ إلا دُونِي وَرَنَتْ إِلَى الْقَبْرِ الشَّرِيفِ بِمُقْلَةٍ عَبْرَى وَقَلْبٍ مُكْمَدٍ مَحْزُونِ نَادَتْ و أَظْفَارُ الْمُصَابِ بِقَلبِها أَبَتَّاهُ عَزَّ عَلَى الْعِدَاةِ مُعِينِي أبَتاهُ هَذَا السَّامِرِيُّ و عِجْلُهُ تُبِعَا وَمَالَ النَّاسُ عَنْ هارُونِ أَيَّ الرَّزَايَا أَتَقِيّ بِتَجَلُّدٍ هُوَ فِي النوَائبِ مُذْ حَيَيْتُ قَرِينِي فَقْدِي أَبِي أَمْ غَصْبَ بَعْلِي حَقَّهُ أَمْ كَسْرَ ضِلْعِي أَمْ سُقُوطَ جُنَيْنَيْ أَمْ أَخَذَهُمْ إِرْثِي و فَاضِلَ نِحْلَتي أَمْ جَهْلَهُمْ حَقِّي وَقَدْ عَرَفُونِي قَهَرُوا يَتِيمِيكَ الحُسَيْنَ و صِنْوَهُ وَسَألتهُمْ حَقِّي وَقَدْ نَهَرُونِي الشاعر المرحوم الشيخ صالح الكواز #اللهم_عجل_لوليك_الفرج

أستشهاد رسول الله ( صلى الله عليه وآله ) لسان حال السيدة الزهراء عليها السلام بنت يا عزيز الله عليه شلون ما ترجع يابويه ويبعد الروح أريد أبچيلك مربع آنه الزهره يالغالي گوم من الگبر أطلع يشگ الگلب لو مرني ليلي فراگك كسر ضلعي و دليلي بنتك أفه و مبيوگ حيلي يا أبوي .. يا رسول الله الحنين فدوة گوم .. گوم بچيت الحسين منلصياح .. كلنه مبحوحين صوت يا أبوي .. أعيالي كاتلها الونين ============== مغَرب يا رسول الله مغَرب يا بعد بيتي دمعي ما يكف دونك و تعرف انته حنيتي نواعي الثكله أنعيلك و دمعي يلوح بوشيتي حيدر علي مطرور گلبه عگبك بعد ميشوف دربه وجه الصبح و الليل غربه بلعذاب .. يا رسول الله نعيش بويه ليش .. تفارگ اهلك بويه ليش لو نموت .. شعدنا بخلافك يحيد بلعذاب .. الراحه عگبك بويه بيش =============== أبني حسين يبچيلك و لوعه بگلبه من دونك و وليدي الحسن يثغب من غمضت ترة أعيونك و زينب تكسر الخاطر تنعه و ولدي يبچونك نگعد سوة و تنعاك تبدي { چل الهظم من راح جدي } و يبدي عليك النوح يبدي يا حنين .. يا مُحمد يا غريب بس تعال .. الراحه بس انته تجيب گلي ليش .. هيج تبعد يا أبوي يا حنين .. ليش تهظم يالحبيب ================== صوابك عابر أفادي صوابك غمگ جروحي آنه فاطمه الزهره بنتك تعبت روحي يابويه يبو القاسم ما هايد أبد نوحي من غَربت محزون گلبي بس للقهر بجفاك دربي دمع الهظم للگاع لليحبي لو تعود .. توَخر جروح الدليل من مشيت .. بدمع والله أميل من المصاب .. آخ بويه من المصاب لو تعود .. القهر من گلبي يشيل ================= چل بگلبي جم مصاب و آنه الگلبي متدلل بس مصابك تميزن بيت أحزان و تعلعل أول فاجده أتسمه و فراگك صدك يكتل يگضي العمر لو طال وني و ما ضاگه واحد هذا حزني من الهظم بس ثوب چني راح أموت .. و ما تردلي راح اموت من الثغيب .. راح حيلي و ماكو صوت لو تشوف .. حال بنتك چا بچيت راح أموت .. بگلبي بس الهم يفوت علي حسين الخفاجي #اللهم_عجل_لوليك_الفرج

لسان حال مولاتي الزهراء ع بفقد والدها نبي رحمة محمد ص (نبياه) اويلاه نبياه اويلاه نبياه **** ضيعني.. تعبني .. ضلام اليلي بعدك بوي خانكني موتني .. عذبني.. جرح الفركة ويلي حيل هاضمني مودعني.. عايفني .. بوية الكوم باجر تدري تأذيني ارجع اليه تدري صغيره يابويه انه بفركتك كل الهضم بيه بنيتك فاطم انه يابو القاسم ترضاهةأميل وامشي محنيه بويه بويه كلبي ما يدك بويه بويه رايح من صدك بويه بويه الفركة جن حرك اويلاه نبياه اويلاه نبياه **** حنيني..سنيني .. ذني عل صبر ليلية يم عيني تجيني .. ونيني ..اصيحن يم ابن عمي بئنيني تانيني..حاجيني.. ترة هاذة الفكد يابويه عاميني التفارك ابوهة يئاذي الغروب تذكر جيتة من تكدت البوب بلكت هوة يجبل تركض عليه تشوف الباب خالي ماكو محبوب بويه بويه انه من صحت بويه بويه ارجع مو متت بويه بويه بعدة توجعت اويلاه نبياه اويلاه نبياه **** غريبة .. الحبيبة.. تضل تندب يبوية يا عجيبة مصيبة .. شيجيبة.. الابو لو راح ببنيتة المصيبة قريبة.. عصيبة .. حياتة وي الكبر تصبح قريبة عيني من دمعهة ضلت تروح مو انتة الية الشوف والروح جا ترضاهة اضيع روحي والعين عفتني واني ادري وياي للوح بوية بوية يوجعني الحزن بوية بوية بنتك هل تون بوية بوية موتني اليحن اويلاه نبياه اويلاه نبياه **** ياحيلي ..ارجعلي .. كلالي الحزن يافاطمة ميلي ياويلي .. ياليلي.. اخلص شلون بعدك فدوة دعيلي اوميلي.. وديلي .. صبر منك يبوي مو وكع حيلي ما اضن اني ابقة فاطم تموت بعدك بوية أنضر لوح تابوت طاحت خيمتي من راح مني اريد الروح يمك بوية ختفوت بوية بوية ذابت وردتك بوية بوية ضاعت سلوتك بوية بوية تاني مروتك اويلاه نبياه اويلاه نبياه **** اللهم عجل واليك الفرج يونس علي الكعبي #اللهم_عجل_لوليك_الفرج