قصائد حسينيه مكتوبه الجميع المناسبات

قصيده الزهراء ع شالت الزهره يويلي والحسن ناده وينوح ابفركتج يمي الحنينه ابكلبي تزداد اجروح شوفتج صارت بعيده وحزني لغيابج لزيده وما يفاركني خيالج وجهج الزاهي الصبوح ————- الكسر ضلع الزجيه حسابه عد رب السمه الله يمهل ليست يهمل حق مظلوم ودمه وامي ضلمتها الصابه ومارعو حق فاطمه نجمعو علينه بسقيفه كوم طلعت ظالمه يشهد الباري وعبيده وحزني لفراكج لزيده والغصب حقج وصابج وين من الله يروح ————- انجمعوا ابوسط السقيفه على فاطمة البتول وانكرو كل الوصايه الاجت من طاها الرسول بحق علي روحه وحبيبه الفحل ابن الفحول وهجموا الدار الزجيه والعدو يصول ويجول ونار البابج شديده وحزني لغيابج لزيده والمثل كلبي وعذابه وين يشكي وين يبوح ————— نشكي عن الباري همنه والجرالج والسده سكطو منج جنينج عمدا اصحاب الرده ابقيتي بعد النبي الهادي شهور يمه امدده حتى من البجي وحزنج حرمتج كوم العده سوت عداج التريده وحزني الغيابج لزيده يكولو لا تبجي اذتنه هل بجي لا مو سموح —————— شلتي يايمه ورحلتي ودارج امست مظلمه وزينب تون وتنادي اليوم اريدن فاطمه اتنمنه من انضر عليها تصيب عيني بلعمه شلون اشوفنها حزينه تنوح يمي امالمه بنيتج ضلت وحيده وحزني الغيابج لزيده من تصيح ابصوت يمه تنملي كل السفوح ——————- حسين يمه خلاف عينج ونته تفسر الصخر ينادي من بعد الزجيه والله مايسوى العمر صبحنه من بعدج يتامه وخان ويانه الدهر لو شفت دارج خليه كليبي يسعر بيه جمر جرح البكلبي شيهيده وحزني لغيابج لزيده ومانام اليل ساهر دمعي عل وجنه سفوح —————— العلويه ام أسامه البطاط 2025/10/27تمت بعون الله تعالى https://t.me/bvcx2

صباح الخير.

السلام عليكم ورحمة الله وبركاته هذا الديوان موجود بكل المكاتب 👆🏻

سلام عليكم حبايب جبتلكم عروض ررررروعه تابعو وياي 🥰🥰 احدث واجمل الاجهزه الخاصه بالمجالس الحسينيه 📟 جهاز برين الحديث رررروعه صوت صافي ورنان 👍👍 جهاز ايكو غزل غني عن التعريف 🧿🧿 جهاز تكنو سات صوت راقي 🏴🏴🏴 مع ارقى انواع اللاقطات 🎤🎤🎤🎤🎤 الطوك 🎤 الباسمي🎤 الشور 🎤 الفضي🎤 والستيل 🎤 هذا ونتمنى لكل خدمة الحسين عليه السلام كل التوفيق والنجاح ان شاء الله 🌺 سارعو بالحجز والشراء #الطلب_والاستفسار⭕👇👇👇⭕ @ABRAR5325

السلام عليكم ورحمة الله وبركاته هذا الديوان موجود بكل المكاتب 👆🏻

السلام عليكم ورحمة الله وبركاته الجزء الثالث خاص هوسات منوعه الشهر محرم الحرام ينزل قريبًا بمطبعة المهيمن ابو نور في بغداد من تآليف العلوية ام اسامه البطاط

قصيده لأم البنين عليها السلام وزن هجري ،،،،، راحت أولادي سويه وناموا ابطف كربله اجسادهم ضلت رميه ابلا غسل امعطله جمره تسعر حسرتي نار تحرگ مهجتي روحي ذابت من بعد ذبح الشفيه ــــــــــــــــــــــــ صورت اگبور خمسه بلگت ايهيد الگلب جشمت روحي ابحسره واحرمت ماي العذب خلصت شوغات صبري وانهضم گلبي ابتعب الحسره شتفيد من راحو ابعيد هدمت روحي وكياني يامصاب ابن الزچيه ✍️هدى المطر ام محمد ༺༺༺༻༻༻ ليمته تردون اليه بيهاتطفي جمرتي.. مادريت الوكت خاين وانحرم من ضنوتي.. اندعي لرب الجلاله ليه اقدم شكوتي.. ظل گلبي موجوع وشحيحه الدموع شعطلاكم چا بعد ياهو الاليه ✍️☘️ام فراس الساعدي ☘️ ༺༺༻༻༺༻ شلون عندي اولاد كلفه والله يسوون والبچي اربعة نجوم الثرية بيهم يحير الحجي حگها لو حندب ضهرها چا عليمن تنتچي تچوي نارامصيبتي ماردتها دنيتي من سمعت شصار بارض الغاضرية ✍🏻العلوية فضيلة الموسوي ༺༺༺༻༻༻ حسين وناتك بگلبي تسعر وماتنطفي گمت أناشد ويه روحي عدل ماميت يجي لكن بردت أختكم بعد بعد صدگت الحچي تگلي راسه وياي جبته وبالگبر بيدي دفنته شحالي بعد عيونكم وشلون بيه إم حيدر العبادي ناصريه ༺༺༻༻༺༻ من شفت زينب حزينه رجعت ابليه الوالي تصيح خليت النشامه كلها نومه اوبلخلي نارشبت وسط ضلعي ودمعي من دم يهلي وناشدتها على الكفيل وجمره تسعر بلدليل وسال دمعي ونتي بصدري خفيه العلوية ام اسامه البطاط ༺༺༻༻༺༻ من سمعت الحره گالت مابگه منهم أحد خوتي كلها مني راحت ورجعيت بلاسند نومه ضلو على الترايب وعاري يايمه الجسد عيوني مابطلت دمع والگلب حيل انوجع ريتچ أتشوفين بالجاري عليه إم حيدر العبادي ناصريه ༺༺༻༻༺༻ ونتي بصدري خفيه يوم فاركني الحسين انتظر طارش يجيني عالدرب مشبوحه عين بالسلامه يعود النه وينه عباس الحنين انثر للورود بس سالم يعود وتزهي دار الي بقت ظلمه وخليه 📚🖋️ام زهراء ༺༺༻༻༺༻ تمت باقلام رابطة ساقي عطاشا كربلاء https://t.me/bvcx2

قصيده لمولاتي ام البنين فزاعي سريع ~~ يامن شايل ام عباس .. ريض خل يحظروها ➖➖➖➖➖ يالشايل جنازتها الله عليك ريضلها تريد اولاد تحظرها وبهيبه يزتوها ام ✍️ علي الموسوي ➖➖➖➖➖ يزتوها لكبر بصياح متن الحملاها نزاح من كثر المواجع طاح عالشالت ودفنوها شمس ✍️ الضحى الخالدي ➖➖➖➖➖ ريض خل يجي عباس يشيل الوالدة عالراس موصية اتريد ابو النوماس واخوانه ينزلوها العلوية ✍️ فضيلة الموسوي ➖➖➖➖➖ تاني وريض اشويه هايه ام الشمكليه منها العين مدميه على الراحو وماجوها العلوية ام اسامة البطاط ➖➖➖➖➖ هاي الشاركت زينب عله امصاب الولي تنحب گلبها اعله الولد يعتب ليش اليوم عافوها زينب الفياض ➖➖➖➖➖ اليوم الطاهره الحره ماتت بلكلب جمره وتريد اولادها بحسره للمكبره يشيعوها العلوية ام اسامة البطاط ➖➖➖➖➖➖➖ تمت بفضل الله بأقلام خادمات الحسين في تجمع خادمات الذبيح عليه السلام https://t.me/bvcx2

احسنتي بارك لله بجهودك ربي يوفقج لخدمه ال بيت محمد

قصيده لمولاتي ام البنين فزاعي جنوبي بقفلة الهوسه ~~~~ حنينه ام الوفه وتريد ولياها زتوها الغرب عباس ما جاها ~~~~~~😭 حنينه ام الوفه تنتظر جيتهم ماكطعت رجاها دوم تنطرهم ليله اولادها وين ليخبرهم ((ماتت هاليوم المهظومه)) ام ✍️ علي الموسوي ➖➖➖➖➖➖ مهضومة مشت والعين مشبوحه يريد احباب كلبه النازعت روحه ماتطفي جمرته ولا يكف نوحه (الشال يريد يودعونه) شمس✍️ الضحى الخالدي ➖➖➖➖➖➖ وين اليوم عنها صاحب الرايه النعش ام المحنه خل يجي عنايه ومايرظه الغرب تدفن الوفايه ((يدفنوها غربه ام الحيد )) ام ✍️ منتظر لأسدي ➖➖➖➖➖➖ غربة ام البنين اليوم شالوها ماكو اولاد يمها كلها عافوها غريبه الحره راحت محد وياها (( أخر ساعه // صاحت يولادي)) زهراء✍️ الابراهيمي ➖➖➖➖➖➖ تريد اولادها يحضرون دفنتها ماتت والنشامه حيف ماجتها تعالج بل منيه وتهل دمعتها (ماحضرو ليها من ونت) العلوية ام اسامة البطاط ➖➖➖➖➖➖ عجيبة اولادها ماحضرو الدفنة ندري لليموت الولد يتعنه يشيلون الجنازة بلوعة وبونة ((الخلوها بس ام عباس )) العلوية✍️ فضيلة الموسوي ➖➖➖➖➖➖ تمت بفضل الله بأقلام خادمات الحسين في تجمع خادمات الذبيح عليه السلام https://t.me/bvcx2

وعليكم السلام ورحمه الله وبركاته هلابيج يمه ربي يحفظج بحق الزهراء عليها السلام

السلام عليكم ورحمة الله وبركاته هذا الديوان موجود في البصره بمكتبة الحكمه ومكتبة الدعاء وموجود بمكاتب جميع المحافضات

السلام عليكم ورحمة الله وبركاته هذا الديوان موجود في البصره بمكتبة الحكمه ومكتبة الدعاء وموجود بمكاتب جميع المحافضات

امه أريد الحسين يحفظج ويستر عليج بجاه محمد وال محمد

ومتوفيره في مكتبة الدعاء بلعشار

هاي الدواوين متوفره في مكتبة الحكمه وتوجد خدمة توصيل