قصائد حسينيه مكتوبه

السلام عليكم شلونكم حبايب حسينيتنا عمو ٩٣٨ الي يجي شرفني +964 782 625 7162

وين ساجي الظاميه دلوني وين اخوي ايشوف حالي اولوني ـــــــــــــــــــــــــــــ من يدليني على ضنوة علي الچابني ابعهده وگمت من منزلي وين الشبول التباري محملي وين خلهم بالذل ايشـوفوني ـــــــــــــــــــــــــــــ وين يا عباس راعي المرجله گوم شوف العز يبو الشيمه انوله هين اعليـكم سنان وحـــرمـــله يبن ابوي او رغما ايسلبوني ـــــــــــــــــــــــــــــ سلبوني وسلبو سكنه او تلوع والعيون اتسايلت منها الدموع هاي المروه صفت يهل الدروع امخدرتكم زينب او يسبوني ـــــــــــــــــــــــــــــ انسبي ترضه يبو درع الثجيل ايتام عدي وحرم ومقيد عليل كون يوفي الوعد من شان الچفيل گوم يمشكر وچف من دوني ـــــــــــــــــــــــــــــ تعتذر مني يعباس اشتگول والمحامل جدمت فوك الزمول والدي حيدر علي وامي البتول اشلون للشام الرجس يهدوني ـــــــــــــــــــــــــــــ اشلون يهدوني اليزيد اشلون اروح والجثث منكــم على الغبره تلـــوح من يجيم الكم عزه اومنهو الينوح انه زينب يخوتي شچوني ـــــــــــــــــــــــــــــ ما تشچيني يطاعون الجبيل منته ابو فاظل شبل حامي الدخيل من يباري المحملي يوم اليميل ريت عميت يبن ابوي اعيوني ـــــــــــــــــــــــــــــ عمت عيني اجسادكم ظلت رهن اشلون رچبي والحـــرم يتواقعن لو نشدني الشامت اعلى اهل الضعن خل اگله الشامتي خلوني ـــــــــــــــــــــــــــــ خل اگولن والعتب ماضن يفيد والدرب حزمه وهـــل عله يريد يالعلي والله امن اطب مجلس يزيد يگول من هاشم قضيت اديوني للشاعر عبد الامير الفتلاوي

هوسات الأمام علي الأكبر ع امك  تدعي بس كونك.  ترد سالم ما تدري بصيد أبنهه راس بن غانم توارثت الشجاعه  من نسل هاشم والراس بسيفك ،،،،حزيته،، ،،،،،،،،،،،،،،،،،،،،،،،،،،،،،،،،،،،، ساگ اعلى.   الزلم والنوب لماهه وتدور.   أعلى شرده منين خلاهه سطرهه ومن سطرهه تراب سواهه تتراجف ضلت ،،،بل حومه ،،،،،،،،،،،،،،،،،،،،،،،، اخذهه للشريعه ومن وصل ردهه ومثل عد.  الغنم  يم النهر   عدهه وشواربهم فتلهه وعل سرج شدهه جرهه من الشارب ،،،عياله باچ السيف بيده وبل رگب حده اليوصل    للمخيم يگدر اشحده الفارس من يزگحهه ينگشط يلده من صوته تموت ،،،الخياله شجاع وبل شجاعه الكل يعرفونه علي ،،،،،،،،الأكبر زلمهم ما يلاگونه من عباس  ،،،،،   عمه ماخذ افنونه والغيض يبين،،،، بعيونه ،،،،،،،،،،،،،،،،،،،،،،،،،،،،،، لو طب للمعاره يرجف القاده عنيد.   ويشبه العباس بعناده الاكبر شبه جده وعود امجاده معلومه اوصافه والحيدر ،،،،،،،،،،،،،،،،،،،،،،،،،،،،،،،،،،،، خادم الحسين سلام عزيز السعيدي

هالله هالله حسين وينه. بالسيوف مكطعينه ٠٠٠٠ تربّع الشمر عله صدره. ضامي ويحزّ بوريده زينب تباوع لخوها. بالخيم ظلت وحيده ما درت مذبوح اخوها. وللخيم يرجع تريده صعدت على التل تنادي. وين يا عزنه وّلينه ٠٠٠٠٠٠٠٠ صدت وشافت يويلي. راس اخوها حسين عالي ينزف ومكطوع نحره. عالرمح تنظرله تالي هجمت عليها الاعادي. وبالخيم ما عدها والي ما درت جسم ابواليمه. ال امية مسلّبينه ٠٠٠٠٠٠٠٠٠ حسين تحت سيوف اميه. گطعوه طبره عله طبره سحكت الخيل عله صدره. ونطبگ صدره عله ظهره بالحـوافـر خلص جسمـه. گطّعنّــه وذره وذره عالرمل طايح يويلي. ال امية محاوطينه ٠٠٠٠٠٠٠٠٠٠ عالرمح مرفوع راسه. وهوّسوا بي ال اميه بيد سلّابه وشماته. راس ابن سيد البريه كل عدو رايد يرسله لبن مرجانه هديه مخضّبه بالدم لحيته. والحجر صوّب جبينه ٠٠٠٠٠٠٠٠ هجمت الخيل عله زينب. عكب ما ذبحوا اخوها عالحرم حركوا خيمها. ال امية وسلّبوها بين خيل ونار تركض بت مُحمّد شاهدوها امن السحك تحمي اليتامه. ولا اخو عدها الحزينه ٠٠٠٠٠٠٠٠٠ لا اخو عدها الغريبه. ولا ولي حاضر تشوفه والكفيل اللي كفلهه. عالنهر كطعوا چفوفه بس عليل مگيدينه. يمه ما تكدر تعوفه عالهزل زينب سبوها. والشمر يحدي الظعينه سيد زيد الفحام

@Allii_dh

لفرگه... تكتل وكت... الغروب ولخيمه.. تشبه دار يعگوب مسلم يبويه شلونك دم ورمل بعيونك الفرگه تكتل وكت الغروب **** يعگوب مثلي ماصبر لا شاف ضيم الشفته لاشاف يوسف منذبح كفن عيونه أبونته نگعو قميصه بدم كذب وتهمو الذيب بقصته بس انه جابولي درع مطبوعه بيه خاصرته من القصر رامينه الغالي ومعورينه هجر النحبهم يلجم أگلوب الفرگه تكتل وكت الغروب **** كثرن جروحي البل..گلب ولياذي جرح الحباب سماعيل واحد بيه جرح وهاجر تون حد ماطاب ابنج فداء الله بكبش ما وصل يم خده تراب. مذبوح أبوي من النحر يا هاجر بدون اسباب ماشفت حته رسومه جابولي بس هدومه لا هاجر بصبري وله ايوب الفرگه تكتل وكت الغروب **** ثمانين يوم أتنطرك مسلم وحن عل ملگه طفله وعمرها.. اثلطعش. مومال غربه وفرگه من هدومك اشتم الهوء وبلا هدومك خنگه ادموعي ماتبرد جمر خدودي صبحت محترگه مو مال فرگه عيوني محترگه حته جفوني ذبلن يوادم ذني الهدوب الفرگه تكتل وكت الغروب **** صح وي خالي مدلله بس الگلب شيصبره بل خيمه گعدني وبجه وگلالي فدوه لنحره بتي حميده من القصره طيحته كسرت ضهره. يخالي گلي تصبري الزهرء امي تحضره وبنيتك شل ضبيه بس الدمع ساگيه مثلج حميده خالج يذوب الفرگه تكتل وكتب الغروب **** طول غيابك ولسفر ماگلت عدي بنيه لمندون بوها بهل عمر تبقه العمر محنيه. وانه نحنيت بغيبتك. ولصار ماهو اشويه زغيرونه مو مالت بجي لا مال اضل اتريه زغيرونه بس كبرانه من الوكت وخوانه كل مالي صرت ازغر عله الثوب الفرگه تكتل وكت الغروب **** أعتاب عندي وي الوكت وياي كلش قاسي حارمني من دون الخلگ حارمني من عزازي جابوني لحسين العصر وحسبن يمسح راسي بيه عرفت راح البو راح الهوء لبنفاسي للكوفه بس خذوني بل خيمه لتخلوني جندوب اصبر بويه جندوب الفرگه تكتل وكت الغروب **** الشاعر حسين احمد السعيدي

قصائد محرم 1447ه‍-2025م نزله للانصار ع(هلا بنصاري وهلي) هلا بنصاري وهلي مدد صاحو يا علي عابس وجون وحبيب بيهم. الهم ينجلي _______ يا. هلا بهل الحميه. وهلا بشراف العرب يا هلا بحزام ضهري. وابن ضاهر ليه گرب گله تبشر يل الحنين. اگبالك نرخص الرگب حسين گلهم ونعم وگف بنصاره وخطب وأنعم يهل الزود. هلا. بنصار الولي _________ هلا. بنصاري النشامه. و يا. هلا بهل العزم يا. هلا بهل المراجل. والله منكم. والنعم جون لو طب للحرابه. گباله ما توگف زلم وابن ضاهر بل معاره. فارس. وگد . ألاسم عابس ايصيح بصوت . بلي يل غالي بلي ________ زلم،،،، ساعات، المنيه . نزلو السوح الحرب خلو الفرسان بل طف. تيهت. وين. الدرب هوسو هوسه عراضه. وكلبو العسكر گلب طبگو اليمنه اعليسره. وشمال أعلى الغرب زلم متهاب الموت وال گربهم يبتلي _______ من زهير ومن برير اتعلمت معنه الوفه الصدگ وكت ال منيه. للرجال اعضم صفه حسين من زلم الحميه. ابد. ما شاف. الجفه الحومه من شدو عليهه . الجيش بل بر اختفه ووهب للكلفه يفوت گال. خلوههه الي ________ وگفو، بنص المعاره. . ونعم. يا حر ووهب ذوله عنوان الطهاره. وذوله من اشرف نسب من برز حر الريحاي سوه بل حومه العجب تعب الفرسان كلهه. وهوه نشمي ولا وتعب العسكر يضل محتار زينب انتي ادللي _____ خادم الحسين سلام عزيز السعيدي

اليله مسلم فاگدينــــــــــه اليله طايـــــح ومامش چفوف اشيله ،،،،،،،،،،،،،،،،،،،،،،،،،،،،،،،،،،،،،،،،،،،،،،،،، اليله الحسين نحنه وحيله نهدم گابــــل العباس اخيه ويبچي دم يگله مسلم طاح ياراعـــي العلم واليطيـــــح اخوانـــــــه اتچيله ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، مثل هــذا اليوم عـد الكوفه عيد تكترت كلها وصبــح مسلم وحيد بعيد درب حسين عن مسلم بعيد والسيوف اعله الذبــــــح توميله ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، اليله گلب حسين تسري النار بيــه الحرگه كاتلته وعلي ويصفگ بديه يكابر بروحـــــه وهله تصبــر عليه عله مسلم مــــــــــن مشه مخليله ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، اليله حالــــت مسلم اطـــر الگلب بعيد عنــــــه حسين ونسد الدرب منين مايتلفت الوادم غــــــــــرب الكوفه خانت والعطش هــد حيله ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، مسلـــم بيا حال لحسينه يصـــــد بعيــــد صارت كربله وصعبــه يرد نمرد گلبه من العطش ومــن البعد والشماتــــــــه اعله الأهل تحچيله ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،، مصطفئ الصالحي،، شهادة مسلم بن عقيل

شفت بعيني وادري حسيني .. طايح بين خياله ثلث ايام ضل عريان .. محمد بالجذب شاله اكعد لا عذر يحسين لا توصل لها الحاله يحسين بتوابه تنام جا گلب اختك اشماله الماسح براسي وكمت امسح لحيته خذنه صدره السهام وجيت وكتله شلونك وسلم يقنعني يريد يگول انه بخير يتبسم ولا شيبة بقت بحسين ماصابغها لون الدم اول خير فوك الكاع واول نعمه ما تنلم الباقي جاوينه ومو كله لكيته ركضت بعمري هذا عليك ادور بالحثث وينه ولا ميت عبدته حسين ما فكيت امس عينه كثر مابيك سحكت خيل تيهتك يبو سكينه لكيناك وخذانه الليل بگد مابيك لمينه تارسه الهيمة هدمه البلحوافر زينب لا تكل لحسين بس اشرلي اسمعنك من كد ما جنت عطشان حار اسمي طلع منك شني بعز السموم اتبات وانته الفي رغم ونك ابونه حسين لو موجود جان دنه الشمس عنه وفياي لحسيني سويت بعباتي حزنانه على الطيبين اجر ونه الساحكته الرجال منين اجيبنه كلكم نمتوا وعفتوني لحالي شفتهم ع الرمح غالي ورة غالي فرهود بالخيمة صاحوا من طحت حسين هيبة زلمنه الطاح محد شاله العركة مو هيجي يوالي سحك بالخياله سباع متروسة الدنيا ورايده الشياله هاي عند العرب ما موجوده بس سووها هاي عاده عند العرب لو زلمها تنتجل ما يأسرون النساء ولا يصعدوهن هزل حسين الحك حرمكم طرن الهيمه

https://t.me/safgjfhhkm السلام عليكم اخوتي العزاز هاي قناه الشاعر حسين أحمد السعيدي بيها قصائد كلش حلوه اشتركو بيها ولكم الاجر والثواب فضلاً وليس أمرا ♥👑

هنا يهل العراق جاي احسين ابشركم هنا يهل العراق هنا جاي حسين ابشركم وين الله وصدك تطلع. صدكية رسايلكم خلها تفرح الكوفة. بعد جم يوم وتشوفه ** حنوا البوب جاي الخير وافرشوا الورد بالديرة باجر مايضل كل ضيج. اجه حلال كل حيرة عزيز الله كصدكم ضيف. وتراها جيته اجبيرة اوكفوله هله بكل صوب ولحد يلتهي بغيره باجر كل خريف يموت ويهب بس ربيع حسين ويا ماريد كل تقصير ينحط كون وسط العين البخت ينكط من حروفه. خلها تفرح الكوفه *.......... وخاف من السفر تعبان. يهل الكوفة حضروا الماي وشكو طوعه بعشايركم. انخوها اعله ضعن الجاي شما بيكم افزعوا اخيام. يستاهل حسين افياي وين اللي يرد الروح اجه ابضعنه شكو وفاي كتاب ونازل من الرب لاينمل ولاينعاف عينوا خل يفرحكم صيروله ضهر واجتاف كل الخير بجفوفه. خلها تفرح الكوفة *........... لخاطركم كطع حجته. وتعنه يريد خاطركم اثبتولة الرسايل ماي. لاتنشف رسايلكم كلب حسين خوش فياي. قصر يزيد ليغركم حنين ونضرته اتطيب. ويندل كل مواجعكم كل العافيه بجيته ودوة للتمرض عيونه فرصة حسين ياهل الناس بحجيكم لاتخسرونة بجماله يهيم اليشوفة. خلها تفرح الكوفة *............. وينه الميت اعله حسين. وينه اليعشك وهايم الضعن جايب اعز عريس حضروا شموع للقاسم وكمر ماي وضوة يوزع ادعولة يصل ساالم واطفاال اعله مد الشوف. بجيها يفزز النايم منو الرايد يكحل العين وينه الواكف موزر افتحولة الكلب والبيت اجه وجايب علي الاكبر يطيب وتنتهي ضروفه. خلها تفرح الكوفه *...... ضعن شايل ستر دنيا وخدر مهيوب ومرتب بي زينب علي الكرار. وبنات حسين هم زينب وبي عباس بكماطة الرضيع المن بعد ينحب وبيه اصحاب خوش اصحاب واحدهم سهم لوهب هاي الفرصه تعدل جيل. ومامش منها هالفرصه ماوصيكم اعله حسين. العاشك عيب يتوصه وينه الگال ماعوفه خلها تفرح الكوفه __ الشاعر :: حسنين السعدي

خل أربعتهم يرحون صوب لطف ولايبطون يحسين أخذهم كلهم.. وعباس يمشي اولهم **** يحسين اخذ كل الولد ياماي عيني.وفصه اطيهم وگلبي يحن..... بس انت گلبي تخصه كلشي بحياتي فدوه الك. ساكن دليلي بنصه صح اني والدي الربعه. بس انت كل. الحصه أله ويزينب يردون خل اربعتهم يرحون **** عباس ربيته وكبر... لطف ليوم.. حسينه من صار حيدر قبله.... قبله بنص جفينه گال بجفوفه تنگطع... من تگله ماي سكينه ومابيه يرجع للخيم.... ولسهم ساكن عينه لحسين فدوه يصيرون خل اربعتهم يرحون **** الماعده اخو بهاذ الوكت..ابموته ياهو يحضره وحسين يوم الواقعه... بعباس كسرو ضهره هاذ الوفه ومعنه.الخو...تعرف الخو من زغره ولوما.. وفو ولدي انه... يحرم... رباي.. ودره بلحومه والدي يهوسون خل اربعتهم يرحون ***** أفراگهم كلش صعب.. ونتو الضنه.. اتعرفونه اربعه وخامسهم اعز.... من الهوء. يشهگونه من.نسل فاطم ولوصي. شيطلع شنو مضمونه لطيه من عمري العمر.. بس كون تبقه عيونه منكم اميه.شيردون خل اربعتهم يرحون **** انه ام البنين الذي... لهاذ لوكت.. جابوني حته انجب اولاد ربعه. لحسين ماي عيوني بطف يشيلون الحمل....لو رادو يعوفوني واحدهم يعادل سلف بي ماتخيب ضنوني بل موت لاميهابون خل اربعتهم يرحون *** مودعين من الگلب... يمه دري تكدر داري من تصبح بلايه ضوه ونتم ضواها الساري بل مغرب يزيد الوجع. وكلش وجعكم جاري اخر وصيه... لزينبك... عباس كون. تباري هاي الوصيه وتدرون خل اربعتهم يرحون **** الشاعر حسين احمد السعيدي

جاسم العريس طب الحومه وليكر... عليه ذب.. هدومه جاسم العريس لوسل سيفه لموش گدهه مايذبحه يعيفه ابن... اقتل.. العرب تعريفه بل معاره ارسوم جده ارسومه جاسم العريس طب الحومه *** الرايد ينسبه ويعرف افعاله ابن المعزب... وسمره دلاله هاذ... عريس الطف وخياله صاحب دلال وسيف من يومه جاسم العريس طب الحومه **** امه.... وتهلهله.... وي سكينه يزود عزمه ومن يصدله حسينه السيف ماخذ شمره من جفينه الزلمه گدهه ويگدر... الملزومه جاسم العريس طب الحومه ** عاد... معركت الجمل وياهم وخذ دور جداده من طباهم الزلم تردم بل زلم.... خلاهم ابن.... شبر هاشميه. علومه جاسم العريس طب الحومه ***** ابن.. شبر ولحرب نو... ماسه مايرد... ولايدنگ... راسه قضب جاب القضب من عباسه يقضب وبل گوم ذب همومه جاسم العريس طب الحومه **** عله.. عود من يحد.... بتاره كله ترجف... من يكر الغاره جيوش الف وبقت محتاره جيوش اميه من لمفر محرومه جاسم العريس طب الحومه **** الشاعر حسين احمد السعيدي

أمشيله عمه أمشيله للعلگمي..... مريله رد. خالي منه حسينه بس لاسهم سد عينه أمشيله عمه أمشيله *** تره فراگ العزيز طلابته طلابه وحدر من الگلب ياوادم صوابه يذبل لون وجها اليفگد أصحابه عَلَيَه البين.. دار.. وحول غرابه گليله تبجي سكينه بس لاسهم سد عينه أمشيله عمه أمشيله * انتضرتة ومارجع شو طول الغيبه ومثل عمي الجلف لوراح شيجيبه نهيبه طيحته عل علگمي نهيبه عگب عينه الفواطم ضلت بريبه ما أدري عن جفّينه بس لا سهم سد عينه أمشيله عمه أمشيله **** وا..عدني يجيب الجربه للخيمه ما يخلف وعد عباس ابو الشيمه بس لاوگعن.. الجفين. بالهيمه بدأ بيه الحزن والطف كثر ضيمه ٠فراگ الگمر ياذينه بس لاسهم سد عينه أمشيله عمه أمشيله * أريدن عمي يرجع ما اريد الماي ارتون ثوبي وأديه من دمع عيناي ارتفع حر الظهر يل ماعليك افياي أجيك وصعبه أرد من ما.ترد.وياي والعلگمي جا. وينه بس لاسهم سد عينه أمشيله عمه أمشيله **** طب للخيمه أبوي وجر عمد بيهه گلت راح الذي يعدل. محاجيهه عليك منگبه وذبت... خواجيهه الزلم. يالبيك انه روحي شيعزيهه ماضن بعد يلفينه بس لاسهم سد عينه أمشيله عمه أمشيله **** أذا.. ناوي ترد عباس مر بيه حنينة والحنينه تنتظر.. جيه بعد ماضن تشيل همومي رجليه صدگ عينك طفت والجربه مر ميه الصوب النهر حنينه بس لاسهم سد عينه أمشيله عمه أمشيله **** الشاعر حسين احمد السعيدي

‏اللّهم اجعل لنا نصيب في كل شئٍ أحببناه🤍.

اليوم ركن الدين بالهام انطبر صايم وماتمم اصيام الشهر -------------------------------------------------------- اليوم ركن الدين صابوا هامته اشحال زينب من اجتة وشافته اشد من مصيبة امها مصيبته اعليهه حزن الكون والعالم ظهر صايم وماتمم اصيام الشهر -------------------------------------------------------- الچان والي اعله اليتامه والحرم ليش من اصيام شهر الله انحرم ساجد بفرض الصلاه راسه انهشم بليلة القدري تعناهه القدر صايم وماتمم اصيام الشهر -------------------------------------------------------- ناحت ايتام اشكثر وي طيحته جابت اقداح اللبن وتعنته تصعب علينه تصيح فرگته صاحو وشبعوا عله افراگ قهر صايم وماتمم اصيام الشهر -------------------------------------------------------- موحش المحراب ويهل الدمه علمصاب الصاب حماي الحمه الارض تبچي عليه وتنوح السمه وچم گلب من حرگة بناره نصهر صايم وماتمم اصيام الشهر -------------------------------------------------------- حين طاح الحزن عم اعله المله چم يتيم ادموعه ظلت هامله راحله چم روح عگبك راحله حومر اچم جفن من ليل السهر صايم وما تتم اصيام الشهر -------------------------------------------------------- صعب حيل اوداعه ابد ماينحمل الحسن وحسين الدمع منهم يهل ويثگل اعله ام عون بفراگه الحمل وابو فاضل گلبه بوداعه انفطر صايم وما تمم اصيام الشهر ____ الشاعر احسان الحميداوي

طفل يقرء متعبينك لسيد فاقد الموسوي بصوت جميل جداً 💔🥀