الشاعرة رغد ام وسام

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

تــم نشــر قصائد للحسن ع https://t.me/abbasns5 انظم للقناة يصلك كل جديد

حديث ونعي عند دخول هند زوجة يزيد وجلوسها امام السيده زينب ع ————————————————- عندما ادخلو السبايا الى احدى الخرايب في الشام  وفي احدى الايام بدأؤ بترتيب الخرابه و جاءو بكرسي من ذهب حتى جاءت هند زوجة يزيد اللعين وجلست عليه اخذت مولاتنا زينب تكلم الحرم والاطفال اياكم ان تتكلمو دعوني انا اكلمها و اجاوبها اخذت هند تسئل من اي البلاد انتم .... قالت نحن من المدينه قالت هند .. المدن كثيره اي مدينة تقصدين قالت مولاتنا زينب... من مدينة النبي محمد ص فنزلت هند من على الكرسي و قالت لها زينب ع لما نزلتي من على الكرسي قالت احتراما واجلال لكم لانكم من المدينه اريد ان اسئلكي عن بيت في المدينه بيت علي و الحسن والحسين وزينب فخر المخدرات واخواتها ... اجابتها مولاتنا زينب كاني بحسرتها ولوعتها يلي على الكرسي تگعدين النه الكراسي  انجان تدرين و انجان ياهنده تسمعين بيت اهلي يل عنهم تنشدين و هاي انه زينب بنت الميامين شوفي شجرالي وسوه البين عفت النشامه اموسده الطين لا ضل ولي ولا ضلي امعين تتفرج علينه الناس صوبين وفوك الضيم اشوفن راس الحسين بطشت محطوط يم ابن الدعيه انجان  اتسئلين عن اهلي وخبرهم ضحايا بكربله اني عفتهم و بس الروس ويانه جبتهم وهاي اليتامه امرافكتهم وكلهن بجن يمها سويه ياهنده هاي سكنه وهايه ربابه و رقيه هاي اتصيح بابه و ليلى ورمله دمعتهن سجابه يا هند لو تدرين كلبي ويا عذابه متنام عينج عالصار بيه ضليت انه بضيمي اكابر ياهنده كلبي اهواي شاجر عفت اخوتي بدوس الحوافر يا هم دليلي عدمن اشكيه و عدمن يهنده الضيم احجيه المثل گلبي شلون الاخو اتخليه بعيوني شفت الشمر ذبحاه ما رحم حاله وماي منطاه خلاني اصيحن اه ويلاه ما خلاني يم ابن امي الطم ياهنده كلش هاي تهضم اخلاف اخوتي محد اليرحم بليلة الوحشه رحت يمه بيدي الجسد ضليت المه امطشر بقه ومسفوح دمه ابلا توديع عفناهم ضحايه و الروس اجت كلها اويايه و حتى الرضيع انحرم مايه ياهنده خو تدرين بيه اني مدلله و محمل اذيه بقيت محيره واصفك بديه تدرين محد شاف ظلي و امدلله اني ابجال اهلي سبيه هسه الكل تگلي خلي اخبرج من دخلنه للشام و الوادم تصدنه بحجار ياهنده انضربنه شمتانه هاي الناس كلها و تدرين المره الطايح حملها تشبع ضيم لو ما يمها اهلها ------------------------------------------------------- *تمت بأقلام خادمات اهل البيت ع* *✍ آلــشــاعرة 🎤 والملا رغــد البهادلي* ✍آلــشــاعرة رغــد ام وسام الفرطوسية* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

قصيده نوحيه للسبي ————————————————- اصد لراس اخويه واني اهل دمعي وي ذباحه امشي و بالهضم وضعي مارحمو ابد حالي و الذباح   يبرالي ردت انصب عزيه و ناعيه التنعي اصد صوب الرمح و العين سچابه و راس حسين اشوفه ضال بخضابه اون  بهداي  مني  الروح  مرتابه عفنه حسين و انصاره اعله الاترابه رحنه بالغصب عنهم و ما خلونه ندفنهم ردت انصب عزيه و ناعيه التنعي ما خلونه ندفن كل حبايبنه و لو سمعونه نبجي اعدانه تضربنه اهواي اهمومنه و بالگلب تلجمنه وين اشكي الهضم و اعداهم اخذتنه امجتفينه على الهزل و يوم اعزازنه يكتل ردت انصب عزيه و ناعيه التنعي يراس حسين اگله و الهضم بيه خويه حيرتني اسكينه و ارقيه يريدنك يخويه باوع اعليه و كلساعه اشاگف سوط الابنيه الضرب هدلهن امتوني اعداكم ما يرحموني ردت انصب عزيه و ناعيه التنعي يخويه حسين ونتي ابهديه اجرنها و اصد لعيونك اني ورحي اصبرنها يخويه  الفارگت  ندري  يعزنها بس اني الشماته اوياي اشوفنها ضربت الراس بالمحمل رفگ ذباحكم يكتل ردت انصب عزيه و ناعيه التنعي مجلس عالهزايل اني نصبيته و حتى النوگ تبجي لحالي اشكيته وي الراس احجي و دمعي هليته گتله اوياك يبن امي عسن ميته ميته كون يم جثتك ياروحي الامفارگتك ردت انصب عزيه و ناعيه التنعي ------------------------------------------------------- *تمت بأقلام خادمات اهل البيت ع* *✍ آلــشــاعرة 🎤 والملا رغــد البهادلي* ✍آلــشــاعرة رغــد ام وسام الفرطوسية* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

قصيده فزاعيات حماسيه للوحشه ع ————————————————- نعي قبل القصيده 😭 بليلة الوحشه اطلعت زينب تلطم تريد و ساعه تنحب لخوانها و العزه تنصب الليله ما بيها اختكم يالنشامه الليله ما بيها ما بيها تدگ الليله اخيتكم مهضومه على التربان شافتكم تكتل حيل ما تنجرع موتتكم ابنفسها الليله تنصبها عزيتكم و اتريد عوانه وحيده ام عونكم و اتريد عوانه ندري بالتروح احباب من عدها تجي يمها الحبايب تلطم ابسدها تگابلها ابحزن و اللطمه اتشدها حسافه ام عون محد گام ساعدها اتريد لطامه على اخوتها المسيه اتريد لطامه يا لطم النشامه ايريدله امگابل و احزام الحزن ينشد على الكافل كلها اعزاز صاحت و الحمل مايل وين انصب عزاكم و الدمع سايل كون اعميها اعيوني عالغوالي كون اعميها الليله اعيوني عالوليان اعميها حسافه اتنام زلم الزامطت بيها و ذاك حسين جثته هالامسلبيها صحت جيبن عبايه و خلي اغطيها و نجمع اضلوعه جيبلي حصيره و نجمع اضلوعه صحت گومن اوياي حسين متطشر نلم الطشراه الخيل و الحافر يعلويات گومن بعد ما اگدر ابن امي و عزيزي و بعده مااصبر يمه الليله و باجر نمشي عنه يمه الليله بس هالليله يمه و باجر انعوفه يعلويات گلبي لزمته الخوفه خلي انروح للعباس و انشوفه و يم جرف النهر خندور اجفوفه و ايگوم يحمينه عسنه اللي كفلنه ايگوم يحمينه ------------------------------------------------------- *تمت بأقلام خادمات اهل البيت ع* *✍ آلــشــاعرة 🎤 والملا رغــد البهادلي* ✍آلــشــاعرة رغــد ام وسام الفرطوسية* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

قصيده فزاعيات حماسيه للعاشر ع ————————————————- اويلاه .. صاحت ام عون اويلاه من طلعت اتدور للاحنين و حيرانه زينب بالميادين و اتصيح وين اهل الشيم وين گدامي سلبو ثوب الاحسين و سلبو حتى اثيابه الگوم سلبو جثته و سلبو حتى اثيابه شفت العجاجه و زدت بالنوح و صعديت عالتل صوتي مبحوح يحسين اصيح ابگلبي اجروح كونك عدل يا بعد هالروح تعبانه ادري احوالك لتگوم خويه جايتك تعبانه ادري احوالك يا خيتي فوگ التله اسمعه ايصيح اخويه وشنهو وضعه لوحده بقه و ميتين ربعه خافن يروح شلون ارجعه دين و يطلبه حسيني فييتله بطرف العبا دين ويطلبه حسيني فييت اله اني ابعباتي و گتله فداك اني و خواتي ياروحي خويه و كل حياتي جا وين اضمك ها يغاتي رايد يذبحه اگبالي متحزم اعليه الشمر رايد يذبحه اگبالي اگبالي گطع راسه و وريده و شال النحر ياويلي بيده ايهوس بقه ببأبن الصميده وحده بقه ايرافس البيده وياه طلعت روحي وي ذبحة ابن امي شغت وياه طلعت روحي تالي متالي جابو اخيول فوگ الجسد ياوسفه اتجول مو كافي منه حسين مجتول ضليت اصيح و دمعي مهمول ماضل عضم بضلوعه ياخيل بس من السحگ ماضل عضم بضلوعه ------------------------------------------------------- *تمت بأقلام خادمات اهل البيت ع* *✍ آلــشــاعرة 🎤 والملا رغــد البهادلي* ✍آلــشــاعرة رغــد ام وسام الفرطوسية* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

نوحيه للرضيع ع ————————————————- حلم صارت بعد ذيج الليالي اهزن بالمهد و المهد خالي يبني شكثر لوليت ترد لحظني ياريت اناغيك ابحزن و الدمع هالي حلم يوليدي ترجعلي يمذبوح اللوليك اريد و دمعي مسفوح من حظني حسافه يبني اتروح انترس گلبي بغيابك يمه اجروح اخلص الليل ونات ترد يوليدي هيهات اناغيك ابحزن و الدمع هالي يبني الليل اخلصنه نواعي ونينك ما يفارگني بسماعي و هاي ما ترحم اوجاعي عفت حظني و رحت للموت ساعي ردت تكبر يمزيون و اتكحل هالاعيون اناغيك ابحزن و الدمع هالي يبني لكبرتي ردتك و اذخرك ست اشهر ييمه بعده عمرك گطع گلبي السهم من صاب نحرك طلعت ابليل بين القتله ادورك ادورك وين يبني اونينك ما تركني اناغيك ابحزن و الدمع هالي يزينب وين عبدالله انشدتها حظنتني و بجي واني اسمعتها صبرها يربي ابرزيتها ونته يم طهر ما فارگتها بذاني اسمع ونينه وين الولد وينه اناغيك ابحزن و الدمع هالي اناغي بالبراري اطلعت ادور يبني امدوهنه ضليت و افتر صحت عبدالله يبني و دمعي ايخر و نارك بالكلب يايمه تسعر صاحت عمته ابنوح ابنج گضه مذبوح اناغيك ابحزن و الدمع هالي گعدت اگبال مهدك يمه اللولي فارغ يالولد و الدمع يهلي اريدن شوفتك يا بعد اهلي بعد شلي بحياتي يبني شلي يبني الموت اليه بس ارجع عليه اناغيك ابحزن و الدمع هالي ------------------------------------------------------- *تمت بأقلام خادمات اهل البيت ع* *✍ آلــشــاعرة 🎤 والملا رغــد البهادلي* ✍آلــشــاعرة رغــد ام وسام الفرطوسية* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

قصيده لعلي الاكبر ع طور ( مات الولد مات ) للملا كرار الكربلائي ————————————————- راح الولد راح راح الولد راح يايمه من جابوك الي اااه ياعلي بخضابك لطميت حيل اعله الوجه ما حسبت لغيابك وياك فارگني الدهر اااه يالولد بمصابك فگدك يهد حيل و اصرخ ايا ويل اتمنيت وياك اندفن اااه يالولد بترابك راح الولد راح الفارگها ابنها يا خلگ بس تنتحب كل ساعه متهيد لا والله ابد تبقه شكثر مرتاعه اشبع هضم لمن مشه و گلبي جثيره اوجاعه ويا تمنيت الموت ياريت شيعوده ليه امدللي ذاكه الحلوه اطباعه راح الولد راح شيعود ابو طول الحلو و اترد عليه ارسومه ذاخرته للعازه الولد تالي مشه و مندومه خلاني من بعده اون و اصرخ علي مهضومه و ادموعي بالعين من بعد الاحنين اخلاف عينك ياعلي ضليت اون مالومه راح الولد راح اااخ شكثر فگد الضنه ما ينحمل تدرونه ضليت اصيحن يا شبابه الرايح و محزونه فوگ الترابه ابني شفته و امسبلات امتونه اموذر على الگاع يا حلو الاطباع يا نار فگدك ياعلي حدر الضلع چانونه راح الولد راح ما تنطفي نار البزر وسط الگلب تجّويني يايمه يالاكبر صحت ردتك انه اتباريني ما حسبت هيج اضل لوحيدتي اتخليني الرايدته عكاز و بالموت جناز خلاني بالهم و الهضم و افراگه امأذيني راح الولد راح يالعمرك ابعمر الورد اااه يالولد شو رايح الموت لمك ياعلي يالعترابه طايح جا شلي ابعمري بعد دمك نضرته سايح مو زينه الاگبور يالجنك ازهور ناطور ردتك للكبر لو حيلي مني رايح راح الولد راح ------------------------------------------------------ *تمت بأقلام خادمات اهل البيت ع* *✍ آلــشــاعرة 🎤 والملا رغــد البهادلي* ✍آلــشــاعرة رغــد ام وسام الفرطوسية* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

قصيده حماسيه للقاسم ع ————————————————- جسام يايمه يايمه يايمه جان ابالي اسوي عرس ما صاير و افرحلك و عمك بالعرس حاضر هسه اعليك گلبي يالولد شاجر ما حسبت تالي ايدوسك الحافر و يبني زفتك الارماح ابدال الفرح صار انياح حلم الوالده تفرح بضنواها بس امك يجاسم خاب رجواها ارسومك عالترابه ضيعيناها و اعيونك الحلوه وين الگاها جادر بالكلب منصوب يبني يالطحت مصيوب اشموع العرس جان ابالي اشعلها و خواتك بالفرح اسمع هلاهلها و بت عمك يجاسم حيل ادللها هسه اعليك بس دمعاتي اهملها وسفه بيك فجعوني و براسك يهضموني يبني يالرحت مني وخرب ضني يومك يالامحسر حيل دوهني و دولبني زماني بيك دولبني يبني ابكبرتي جا ياهو يدفني مريود الولد بالموت بيده يرفع التابوت باجر لو شفت شبان يوليدي اتحسر ييمه و اصفگ بأيدي ابني منذبح ياروح ون زيدي و ماريد التگلي شويه بس هيدي اشبع ضيم بفراگه و نار الفگد حراگه اشبع ضيم من بعدك يمدلولي رحت مني ييمه و يا بعد طولي ومن بعدك يجاسم طاحت احمولي صحت ياناس شلون اصبر دگلولي يا تچايتي يبني بيك الدهر فاجعني ------------------------------------------------------- *تمت بأقلام خادمات اهل البيت ع* *✍ آلــشــاعرة 🎤 والملا رغــد البهادلي* ✍آلــشــاعرة رغــد ام وسام الفرطوسية* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

فزاعيه مع هوسه للعباس ع ————————————————- لمن اجاها حسين محني كالت بس لا راح الكفلني لطمت وصاحت گابلنّي نزلة القصيده يبوه اتصيح زينب راح عباس گومن گابلنها    بلطمه عالراس امگابل لطمته كفال الاضعون شيال الحمل من حمل شلون عليه اليوم خلي نعمي الاعيون ( اعميها .. لعيونه اعيوني ) ونن و الونين ايلوگ للكافل وي زينب الطمن و الدمع هامل اليوم اتصيح بعده الحمل ضل مايل ( اماذينه .. و افراگه شصعبه ) افراك الكافل شصعباته منجرعه عليه اعيونه من البجي تعمه من شافه اخوه لجله انحنه ضلعه ( هداني .. وايصيح امصابك ) حتى حسين صاح الضهر كسريته منين انجيب مثلك هم اخو خيته ون الفاگده اويا ام عون ونيته ( ونينه .. لفراگك خويه ) ونينه عليك و تبجي العيله و سكنه اتصيح بويه شلون هالليله بعد عين الحنين الحمل شيشيله ( شيعوده .. الامعدل لينه ) ------------------------------------------------------- *تمت بأقلام خادمات اهل البيت ع* *✍ آلــشــاعرة 🎤 والملا رغــد البهادلي* ✍آلــشــاعرة رغــد ام وسام الفرطوسية* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

اكبر قناة على التلكرام لنشر القصائد الحسينيه تم نشر 200 قصيدة بالترتيب اشترك بالقناة يصلك كل جديد 👇👇👇👇 https://telegram.me/aabas78

قصيده فزاعيه لمسلم ابن عقيل ع ————————————————- كلها اتگول حيدر رجع للكوفه يحز روس العده و مالزمته خوفه و طوعه اتصيح حيو الهاشمي الصولاته معروفه ( نزلة الفزاعيه ) شجاع و مثل عمه محله صولاته مسلم بالحرب تشهدله هداته شجاع و بالحرايب زامطو بأسمه بيده السيف چنه المرتضى عمه بالكوفه نزل هاليوم شيهمه و كلها اتخاف من مسلم و نزلاته حيد و بالمعارك ما يگدروله و طوعه هوست و اتصيح حيوّله خوّفها الزلم ياراعي الاحموله ولصوب المدينه شبح نضراته صوب اهل المدينه شابح اعيونه و چنه ايصيح ابن عمي تخبرنه ما بيهم امان اهنا يغدرونه خل يرجع بضعنه و يحمي اخياته لجن ياحيف بالحفره يطيحونه وگع مغدور مسلم تجري اعيونه ياطوعه يصيح و روحه محزونه على زينب يوصيها و عزيزاته على الحره يوصيها ابوالغيره باجر لو تمر نسوان بالديره سلامي الخاص للعلويه الاجبيره ومسلم ضل يجر ابحرگه وناته ------------------------------------------------------- *تمت بأقلام خادمات اهل البيت ع* *✍ آلــشــاعرة 🎤 والملا رغــد البهادلي* ✍آلــشــاعرة رغــد ام وسام الفرطوسية* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

قصيده مربعه لمسلم ابن عقيل ع ————————————————- بت مسلم تون و الروح محتاره تصيح الوالي عني انگطعت اخباره تون هاليوم مهضومه الابو اتريده عنها ادروبه صارت كلش ابعيده الگلبها اشتاگ هالليله شنو ايهيده نار اغياب ابوها بيها وجاره نار الراح بالطفله بقت تسعر مشتاگه حميده و ضاله تنطر يبويه اتصيح جا يمته علينه اتمر جندوب ابقه بويه اعليك نطاره يبويه لشوكت انطر ترد ليه عاود بالعجل لتعوف الابنيه انه ابعازتك يا هيبه و انخيه تعال وشوف عيني اعليك مدراره دمعي اعليك يابويه ولا مله تدري الراح ابوها تشبع امذله ثگيله فرگتك ما تنسد الخله عمود البيت انتة و انته اسواره عمود البيت انته و سورنه العالي مثلك ما يصح ياوالدي غالي الابنيه تضل ابعازة الوالي حميده اليوم رادت راعي الشاره رايدته يمر بيها و يسليها صار اهواي مامر الابو اعليها مشت لحسين تنشد وين واليها انلجم گلبي يعمي اعله الهجر داره ------------------------------------------------------- *تمت بأقلام خادمات اهل البيت ع* *✍ آلــشــاعرة 🎤 والملا رغــد البهادلي* ✍آلــشــاعرة رغــد ام وسام الفرطوسية* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

قصيده مربعه لفاطمه العليله ع ————————————————- يمرون اعله بالي و تدمع العين واصيحن ياهلي و يابويه يحسين يمر طاري الاهل عالبال كل ساعه و تهيج اجروح فرگاهم و مرتاعه صحت وين الحنين الحلوه اطباعه ابوي الراح ماكو مثله احنين حنين حسين ما ينسه ابد بنته شگد صارت ايام و اني فارگته ليليه اون و حظنه رايدته خلص گلبي و اريدنه يجي الحين يمر بيه شوكت لساع اتانيه خالي البيت يوحشني من اطب ليه شوكت بهلي يرد و البيت يلفيه بلكي اتهيد روحي من الاونين بلكي اتهيد روحي و تغفه الاعيون و يهده البال لو اهلي يردون شكثر مشتاگه ليهم خل يردون ليل انهار ادعي للحنينين ادعي اهلي ترد و نفرش الدار و نلتم يم ابونه اصغار و كبار فرگاهم گضاني بالگلب نار خاف اتموت روحي اعله البعيدين ------------------------------------------------------- *تمت بأقلام خادمات اهل البيت ع* *✍ آلــشــاعرة 🎤 والملا رغــد البهادلي* ✍آلــشــاعرة رغــد ام وسام الفرطوسية* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

اللهم صل على محمد وال محمد

نعي للنزول في كربلا 😭 ......................... اليوم الولي نزل اضعونة برض البلا و هلت اعيونة و يدري  باجر  يذبحونة يدري  العدة  باجر  تذبحة والخيل تسحگ فوك جرحة و ادمايته  تبقة  مسفحة دمه على  التربان  سايح و اهله على الغبرة ذبايح والضعن يوم اهدعش رايح يمشي الضعن بس حرم وأطفال فوگ  الهزل  مجتوفة  بحبال و بس  اخته  تتكفل  بالاعيال صوت من اخته العقيلة اتصيح و المدمع تسيلة ابساع خل ترجع العيلة يحسين خوية خلي نرجع كلشي و لا شوفك امبضع ابقة ابهضم والحال يفجع مهضومة ابقة و منهو الية يحسين   مالي   قابلية كلشي ولا شوفك رمية يا سورنا  العالي  علينة ما فكريت اشلون بينة ابقة عگب عينك حزينة ابقة  حزينة  و اشبع  اهموم و اركض على اطفالك من الگوم من السوط يبقة المتن موروم ------------------------------------------------------- *بقلم خادمة اهل البيت ع ✍آلــشــا؏ـرة رغــد ام وسام* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

قصيدة مربعة للنزول في كربلا .................... اليوم حسين حطها بكربلة اضعونة و ابو فاضل   بديه   نزل  الخاتونة اليوم حسين جاب العايلة و جاي نزل و الجيش متجمع على الماي لن  زينب  تگله  اسمع  يرجواي رد بينة يخوية لا ايغدرونة رد  ابساع  بينة  خوية  يحسين هاي الناس شو متجمعة صوبين اخذ  بحجايتي  يا  گرة  العين مو بيدي يگلها و هلت اعيونة مو بيدي ارد لأرض المدينة اعذريني  يخوية  يالحزينة باجر ذبحي ادري اتشاهدينة اگبالج جسمي خوية ايوذرونة يدوسني الحوافر و انسحگ حيل و ما عدهن  رحم  تدرين  بالخيل و انتي  ابلا   ولي  تبقين   بالليل و هاي الناس گلبج ايهضمونة يهضمونج يزينب خوية بينة و گلبج ينمرد  من گد  ونينة و لا عندج اخو  و اتحشمينة و الكافل ابكتره امگطعة امتونة من هسة يخوية اني اوصيج هاي الناس باجر  لمن  تلفيج عينج عاليتامة و الحرم ذيج و راسي اعلة الرماح اتشاهدونة ------------------------------------------------------- *بقلم خادمة اهل البيت ع ✍آلــشــا؏ـرة رغــد ام وسام* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam