قصائد جروح كربلاء

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

تــم نشــر قصائد للحسن ع https://t.me/abbasns5 انظم للقناة يصلك كل جديد

https://t.me/dorra_shopn

لطيه للسيده رقيه (عليها السلام) احفر ياعلي كبر الزغيرونه ماتت بت ابوك اليوم محزونه ••••••••••• يالبيدك سلالسل واصله متونك اتحزم بالصبر اطفال يردنوك ماتتلك بنيه اليوم بضعونك _ويايه امس واليوم مدفونه_ •••••••••••••• ياعمه الرقيه حضر الدفنه احفر للزغيره الكبر وادفنهه تغير لونهه بنيتنه مو جنهه _ويايه امس واليوم مدفونه _ •••••••••••••• بهداي وتنزلهه يضي عيني موجانت تكلي الاذن تاذيني يعمه امتونهه زركه تبجيني _ويايه امس واليوم مدفونه _ ••••••••••••• بنيته زغيره وحيل ماذيهه من احبالهم توجعهه ايديهه رايحه صوتهه من كد بواجيهه _ويايه امس واليوم مدفونه_ •••••••••••••• الشاعره معصومة العيداني https://t.me/mm313g

لطميه للسيدة رقيه (عليها السلام) عمه يازينب امانه بالخرابه اشكعدانه والدي وينه يعمه شصار هيج وضيعانه..شصار هيج وضيعانه /////////// عمه امانه ردي اعليه بجوابج عمه يلي الناس تحلف بحجابج شكعدج بالخربه يالحره وشجابج وين أبوي وليش مايدري شجرالج وين أبوي اليوم عنج....عمه عمه ليش وحدج عمه كليلي ابمجانه...شصار هيج وضيعانه ///////////////// وين أبويه اسألج عمه وتستكتين بيا وكت عمتنه زينب دون الحسين بيا وكت صوبين وادم وانتي تمشين تحضنيني واسمعج خويه تكولين جنج تشمين عطره..بالگلب خليتي كسره الدارنه يرجع ويانه.. شصار هيج وضيعانه ///////////// كلنه عمه الـــدارنه نرجع سويه انتي كتيلي بــسفر ويرد عـــليه يتيمه من امي واريده يدري بيه تموت كلــــيله بـــدونك جا رقيه عمه مشتاكه البابا..يدري مااحمل غيابه حيل مشتاكه الاحضانه..شصار هيج وضيعانه /////////// وينه حضنه وليش كعدتنه بخرايب وليش سكنه اتغيرت والوجه شاحب ليش تبجي وتنتحب سكنه وتعاتب عزيزة احسين اصبحت من الغرايب ليش طول ابمغيبه..سكنه نادوهه الغريبه جا بناته ومااجانه..شصار هيج وضيعانه ///////// لاتحيريني بهلي وعنهم تنشدين انتضري ياعمه ومتخلض من تنطرين سكنه بيج تشوفه بيهه شوفي الحسين ادري عمه الشوگ يكتل مو بالايدين ماتحمليهه المصيبه...والدج عمه شيجيبه لاتنطرينه حمانا...شصار هيج وضيعانه ////////////// الشاعره معصومة العيداني https://t.me/mm313g

لطميه العبدالله الرضيع (ع) حضنج يالرباب الليلة خالي نايم بالترب عبدالله تالي مو أيام وتروح...ابنج مات مذبوح //////////// هالليله تمر ليله أليمه مو ثكله ابد جنج يتيمه فرحتي بالولد تالي هضيمه مذبوح الولد وانتي بالهيمه من الفرح للنوح...ابنج مات مذبوح نايم بالترب عبدالله تالي /////////////// حضنج خالي مذبوحه الدللول الناغيتيله امس هالليله مجتول السهرتي اعلي ووياه ليلج يطول راسه اعالرمح متصدك العقول ودم النحر مسفوح.. ابنج مات مذبوح نايم بالترب عبدالله تالي ////////////// رضيع وياهو اليصدكهه راسه مرفوع برمح وي هله وناسه وحضن الوالده خالي حسافه تنضر للرمح لو هوى جاسه تمنت لو أله تلوح...ابنج مات مذبوح نايم بالترب عبدالله تالي /////////// تمنت لو تلوحه الرمح عالي وتطيب رگبته البدم تلالي تضمه بالحضن راسه وتلولي رحت من ايدي يمه وشبقالي يبعد الگلب والروح..ابنج مات مذبوح نايم بالترب عبدالله تالي ///////////// الشاعره معصومة العيداني https://t.me/mm313g

لطميه العبدالله الرضيع (ع) شح بالخيم ماي ...شح بالخيم ماي وعبدالله ون من العطش...شح بالخيم ماي /////////////////// كلهم عطاشى عيال ابواليمه ويونون وهاي الهواشم بالخيام كلهم يحومون بلكي الولدهم شربة اميه يحصلون من العطش عبد الله لا يرحل يخافون صبي يعيناي ........صبي يعيناي تبجي الرباب وتندعي...صبي يعيناي ///////////// يا حسرتي يا ام الولد رادت تسلي شتكله عمك وانجتل ما ظل امل بي قطعه جفوفه وبالسهم عباس مرمي نـــام وعــسنه بنومته عمـــه يروي بس اندهه اجلاي..بس اندهه اجلاي وانظر لعمك فزعته..بس اندهه اجلاي //////////// بس انتهى عمك يجي بلكي ويرويك تكسر الخاطر حالتك للونه ما بيك اشمحلاك يمه من جنت تضحك واناغيك وجهك ذبل من العطش ذبلت معانيك ما ترحم اعداي....... ما ترحم اعداي وبگلبي اضمنه الولد.....ماترحم اعداي /////////// عبد الله انطي للعده والله مصيبه بلكي بخيمنه الماي احصلنه واجيبه بلكي يدر بصدري عبد الله حليبه وجهه ذبل گلبي عليي وجر لهيبه ما تمطر اسماي......ماتمطر اسماي وبحضني ابني يرتوي... ماتمطر اسماي ////////////// وعله الرباب بكل مسه هلي يدمعات تتأمل يرد الولد بس الولد مــات مخنوكه بالحسره ودمع غرك الوجنات بدون الزغير وضحكته ما تعرف تبات ماتفنه دنياي.........ماتفنه دنياي بعد الجره وي الضعن....ماتفنه دنياي /////////////// الشاعره معصومة العيداني https://t.me/mm313g

لطميه العبدالله الرضيع (ع) يازينب وليدي الرضيع..يازينب هذا رجعته وصريع.....يازينب ///////// اخذي يازينب اوليدي روحه مابيهه نفس وحتى الي فكد ابنه بحال اخيج مايحس ابني غطيته بردائي يختي من حر الشمس كلت بس الماي اشربه ويرجع الامه ونس يرد لازم للرباب............يازينب مو ادفنه وي الشباب.. يازينب ///////////// تلكي اخيج بالمصايب جاي وبروحه الوجع ابني بين ايديه زينب بالسهم نحره انكطع بيدي يم عون وانضره من السهم فز وفزع سال دمه وعله ثوبي وثوبي من دمه نگع جبير يم عون المصاب....يازينب سال دمه اعالثياب.........يازينب ///////////// جفي يازينب مليته الجفي انضر واحتسب دمه عبدالله بديه جبيرة يم عون وصعب للسمه ذبيته ادري الكسرتي ربي يغضب وياخذ بثار الرضيع المات حسرة للشرب يهون عد ربج محال.....يازينب ياخذ بثاره وينال........يازينب /////////////// من عمت عيني يخويه حالتك تكسر هلك جاي بيدينك زغيرك وحيد محد ضل الك عيونك الحمره ودموعك ارحم بحالي اسألك زينب اعله الماي ابني انجتل و دمه انتهك روحي نحلت عالزغير.... يازينب لو شرب ماي شيصير.... يازينب //////////// ابني بيديه واشوفه من العطش ناحل ذبل لو شرب ماي وتروه ليش بالسهم انجتل انجتل يازينب واشوفه صدك ميت لو عدل كتله عبدالله يبويه انته هم لي ماتضل من العطش ياخيتي صاح...يازينب مدري من السهم ناح......... يازينب /////////////// الشاعره معصومة العيداني https://t.me/mm313g

لطميه لأبالفضل العباس (ع) ياابالفضل يعيوني..وحدي اضل تردوني شمتت يعباس اعداك..گلبي انكطع وي يمناك وحدي اضل تردوني //////////////// فزعو عليه يالكمر من كطعو ايدك شافوني وحدي ماتفز خويه العضيدك حيروني بيك وبالخيم هساعه اريدك ضهري يعباس انكسر تكسر منيتك ضهري انكسر شافوني..وحدي اضل تردوني /////////////// نايم عله التربه وسف يالبيك املنه ياخيمه انته اعالخيم انهدمت خيمنه يحزام ضهري ياشهم بيك انكسرنه ياخويه كلهه بالخيم تنادي يعمنه وياك ارجع يتانوني.. وحدي اضل تردوني //////////////// حيرني عباس الخيم شيردني ليهه تنتضرك سكينه العطش بين عليهه اباب الخيام اواكفه وابني بيديهه تبجي العطش هسه الك يصبح بجيهه شحجي لون سألوني..وحدي اضل تردوني /////////// لو سألت الحره شرد عنك شكلهه مأمنه العقيله بالكفل ومات الكفلهه جتلو بزرهه اعالترب وهالنومه كلهه وارجع اكلهه كافلج هالخوه فلهه وبالحره لتحيروني ..وحدي اضل تردوني //////////////// الشاعره معصومة العيداني https://t.me/mm313g

فزاعية للامام العباس (ع) بسيف ويذبح العباس..جتاله اجه كبالي اجه والسيف بيمينه يريد الذبح والينه وعيني تنضر العينه وأحسن مات دلالي ///////////// تعنه بسيف جتاله والكافل بيا حاله مطشره ادمومه ووصاله اكبالي مكطع الوالي /////////// اجو للنهر يردونه وكبالي يذبحونه شسوي وبس يهدونه اضمن وين كفالي /////////// ياذباح هد راسه اخوي انكطعت انفاسه ارحمهم هله وناسه وهذا الجان يبرالي ////////////////// هذا الماحسبته بيوم اخوي اعالترب مدموم وتحرك بالخيام الكوم شافو طولي وخيالي ///////// الشاعره معصومة العيداني https://t.me/mm313g

لطميه بيا حال زينب والكمر مو بالخيم بيا حال زينب بيهه هم واحد علم بالحرة هم تدرون..شصار ويه ام عون بيا حال زينب...بيا حال زينب ////////////// وين العقيله بيا كتر اشصار جا وياهه مارد على الخيمه كمر محد سند مكفاهه يمهه ابواليمه اجه عن الكمر حاجاهه كللهه اخيج عالنهر اشسوه وشواساهه بيا حال من سمعت بنص عينه سهم بيا حال زينب بيهه هم واحد علم بيا حاااال..بيا حال زينب ///////////////// لطمت عله العينين اضن لمن درت بعيونه صوب النهر زينب مشت لو بالخيم يبجونه سمعت الماجوره وبجت شلون ترجع دونه الدللهه نايم عالنهر وهيه بخيم محزونه بيا حال وهيه تنحب بنص الخيم بيا حال زينب بيهه هم واحد علم بيا حاااال بيا حال زينب /////////// مختنكه حتى من الخيم تريد الهوه الريتهه الخيمة العباس انضرت راح الكمر حاجتهه ضلت تمر بيهه الصور من صعدت بناگتهه ايد الكمر بيد الخدر اشلون جا رجعتهه بيا حال وهو اعالترب يمه العلم بيا حال زينب بيهه هم واحد علم بيا حاااال بيا حال زينب ////////////// راح اعالماي من العطش كون العطش جتالي ولااسمع بهذا الخبر مجتول ياكفالي ياخويه وين من العده امشي أنه وعيالي بالبيده لو ضاع الطفل منهو اليضل يبرالي بيا حال وانته عيونك يصب منهه دم بيا حال زينب بيهه هم واحد علم بيا حاااال بيا حال زينب ///////////////// الشاعرة معصومه العيداني https://t.me/mm313g

لطميه //ام البنين (ع) والامام العباس (ع)// هاي الوصيه يمه لا تحجيهه بعيوني ذني زينب امخليهه //////////// يمه عليج ارباج لتوصيني ارباتج انه وانتي التعرفيني ام عون اخليهه ييمه بعيني شلون عاللي ابگلبي اتنشديني الروح يايمه لخوي افديهه //////// لم عون اخذي مني هاي احجاية تمشي وعليهه تفيي يمه الرايه بعيوني اخليهه العزيزه هايه واحرسهه يم الاربعه بعينايه وبهذا السفر يم الوفه انباريهه ////////// انه الكفيل ورايتي مرفوعه تدرين طكتي بجيشهم موجوعه اعتبري هاي اوصيتج مسموعه عباس ينطي دمومه موش دموعه لو مو أله المن جفوفي انطيهه /////////// لو مو أله المن تروح يميني اشكد اعز حسين مو تدريني ان جان مو وياه هاي سنيني يحله الگبر يايمه حيل بعيني هاي الحياة بدونه شنهو البيهه ////////// ارباتج انه وراسج ترفعينه بيه وباخوتي ولا تنشدي اعلينه اطمني يم الـــــوفه تدرينه أله فدوه نروح فدوه العينه والاربعه لأم الحسن تنطيهه ////////// الشاعرة معصومه العيداني https://t.me/mm313g

اكبر قناة على التلكرام لنشر القصائد الحسينيه تم نشر 200 قصيدة بالترتيب اشترك بالقناة يصلك كل جديد 👇👇👇👇 https://telegram.me/aabas78

فزاعيه تسير اضعون..زينب تنتحب بيهه تدري وي الهلال يروح واليهه ///////// بالصحرى الضعون تسير بالونه يمشي حسين والنسوان يبجنه تحجي وي الهلال تكول ضيعنه ((هل علينه.. يهلال الشوم )) ////////// تسير ضعون زينب بيهه تتحسر تخاف اعالولي وبالكوه تتصبر باجر تفكده العباس هالخدر ((وي اهلاله..تفكد عباس)) //////////// يهلال المصايب هل على الحره تنضر للسمه ودمعاتهه تجره تصيح اليوم وينج يمه يازهره ((هل هلاله ياشهر الهم)) //////////// وصلناهه الطفوف شلون يازهره وين ابن امي اضمه من العلي يجره يمه شلون باجر ينكسر ضهر (( يهد حيله..باجر عباس)) ///////// يردون الخيم بالطف ينصبوهه يخوتي اليوم خوتكم تفلوهه باراضي كربله زينب تودعوهه ((لهل الشيمه..تندب وتون)) ////////////// الشاعرة معصومه العيداني https://t.me/mm313g

لطميه هل محرم فاطمه تقبليني اخدم وبالمجلس تشوفيني ترضين يامولاتي ترضين ..هالسنه هم اخدم حسين //////// هل محرم والسواد بثوبي والمجالس هيه بس دروبي ترضين اخدم يم حسن محبوبي ادعي لا تحرمني منه ذنوبي بالدعى يم الحسن ذكريني أخدم وبالمجلس تشوفيني تدعين ليه ارجوج تدعين ...هالسنه هم اخدم حسين /////////// ارضي يم حسين بس اعلينه احنه وين نروح لو عفتينه ارضي حتى حسين يرضه اعلينه نمشي نخدم نلطم تشوفينه الكم الخدمتكم توفقيني اخدم وبالمجلس تشوفيني غيركم ماعدنه تدرين ...هالسنه هم اخدم حسين /////////// ارد اواسيج بمدامع عيني ارد انوح وياج تـتقبليني مااشوفج وانتي التشوفيني اندهج يم حسن وتسمعيني ترضين يمه وباسمي تسجليني اخدم وبالمجلس تشوفيني بدفترج اسمي تخطين ...هالسنه هم اخدم حسين ///////////// عايشين بخيرج احنه بجالج فدوة كلنه نروح الج لترابج كلنه نعرف بالمجالس حالج نريد نبجي وياج نتعالج ووجهي اللطمه الحركتي لحسيني اخــــدم وبالمـــجلس تشوفيني نبجي لو يازهره تبجين ...هالسنه هم اخدم حسين //////////// الشاعرة معصومه العيداني https://t.me/mm313g

اكبر قناة على التلكرام لنشر القصائد الحسينيه تم نشر 200 قصيدة بالترتيب اشترك بالقناة يصلك كل جديد 👇👇👇👇 https://telegram.me/aabas78

لطميه للسيدة العليلة(عليها السلام) بيه محتار....... يبويه....... بيه محتار وحدي بالدار.... اضلن....وحدي بالدار /////////////////// بيه محتار وتناضر كل جهاتك احجي يابوية الكلام الي بلهاتك احجي گلي رايح وماخذ بناتك وانه تتركني اعيش بذكرياتك گلبي شب نار..يبويه...گلبي شب نار وحدي بالدار...اضلن.... وحدي بالدار /////////////////// بيه محــتار وتكلهم خبـروهه ماتروح ويـــانه كلكم ودعوهه رايح وتارك عليلة ابلايه ابوهه كلــكم تــــردون بتكم طمنوهه ازغار وأكبار ..مشيتو....ازغار وأكبار وحدي بالدار....اضلن....وحدي بالدار /////////////////// راح اروح واتركج بويه امانه ماتحملين السفر حملي جفانه المنــــايا تمشي يابـويه ويّانه ادري صعبه نروح وتضلي ورانه ردلي مرسال ...يبويه..ردلي مرسال وحدي بالدار...اضلن... وحدي بالدار /////////////// شيحمله جا كلي يابوية جفاكم تعرف بگلبي يبواليمه غلاكم تمشي بويه النوك وبنيتك وراكم تبجي ماتدري بعد يمته لقاكم وعلي تندار......يبوية....وعلي تندار وحدي بالدار...اضلن.....وحدي بالدار /////////////// بية لاتحتار بس ردلي بسلامه ردلي وجهك ضاحك اعليك العمامه وانه اكولن ردلي اليداوي بكلامه صوتك يطيب الگلب بوية والآمه احسب اشصار ...عليكم.....احسب اشصار وحدي بالدار........اضلن.........وحدي بالدار /////////////////////////// الشاعرة معصومه العيداني https://t.me/mm313g