قناة خدام العتره الطاهرة

#جديد استشهاد الإمام #الرضا عليه السلام هوسات طور : سحگته الخياله . . اتعنت من گبرها فاطمه هاليوم تنعه يالرضا واتنادي يا مسموم بالغربه يَيُمه هالمسه ومالوم ( جيتك ابكسري .. بس ميت لگيتك ) ونيت اعله جثتْك ونة الثكله مالومه عليك وبالگلب عله آيالرضا جرحك بيَّه واشخلَّه ( جدد اعليَّه .. يا يُمه مُصابي ) شالوها الجنازه وأمشي وي جسمك وأنادي اوداعة الله يا نبض أمك لله الحمِد مو غُسلك ابدمك غسله وشاله .. ( بس حسين محد .. غسله وشاله ) 💔 ___ فاطمة_كريم ٢٠٢٦ م https://t.me/Alizvlp

قال مولانه الرضا // ورواه ابنُ شبيبْ إنَّ جَديَ الحُسين // ماتَ عطشاناً غريبْ //////////////////// ١= هايه معناهه الرضا جان اعله جده بروحه ناصب فاتحه ودمعه اعله خده لحد يوم السمو الضلام جبده يشكي حال حسين من خلوه وحده دامياً في كربلاء // عاريَ الجسمِ سليبْ إنَّ جديَ الحُسين // ماتَ عطشاناً غريبْ ///////////////////////////// ٢== عاش بالغربه لحد آخر حياته مخاوي حزنه ولوعته وهضمه الوفاته جرع كاس المر على حسين وبناته وعلى زينب شيَّب وتشهد صلاته ولخدرِ زينبٍ // شيَّبهُ صارا كثيبْ إنَّ جديَ الحُسين // ماتَ عطشاناً غريبْ //////////////////////// ٣=== ذبحت العطشان يذكر كل مسيه بالهضم والنوح و الونه الخفيه وعمره ما بطل بواجيه الرقيه خلصاهه يصيح ويلي اعله السبيه يا عزيزةَ الحسين // يا ترى هل من مجيبْ إنَّ جديَ الحُسين // ماتَ عطشاناً غريبْ ///////////////////////////// ٤==== ليله ما شاف الفرح ثغره وتبسم وجابهه من الصغر هم ابكتر هم اسنينه مسبيه اعله عماته تكلم ومحترك كَـلبه مثل حرك المخيم يا أبا الجود الرضا //، قد قضى العمر نحيبْ إنَّ جديَ الحُسين // ماتَ عطشاناً غريبْ /////////////////////////// ٥===== وبنهاية صفر ودعهن سنينه وعاف ذكراه المجالس على حسينه كربله ما فاركَـت لحضات عينه والشهود بهاي يا سامع ونينه للشفاهِ الذابلات /// دمعهُ امسى خضيبْ إنَّ جديَ الحُسين // ماتَ عطشاناً غريبْ ////=====================//// ✍️🏻 كلمات موسى_الخادم https://t.me/Alizvlp

﷽ 🔴 أهم مناسبات شهر ربيع الأول 1 ربيع الأول: هجرة رسول الله « صلى الله عليه وآله » إلى المدينة ومبيت الإمام علي (ع) على فراشه عام 13 للبعثة 2 ربيع الأول: وصول سبايا الإمام الحسين ( عليه السلام ) إلى المدينة عام 61 هـ استشهاد المحسن بن علي عليهما السلام 5 ربيع الأول: وفاة السيدة سكينة بنت الإمام الحسين ( عليهما السلام ) عام 117 هـ 8 ربيع الأول: شهادة الإمام العسكري (عليه السلام) عام 260 هـ 9 ربيع الأول: تتويج الإمام المهدي ( عليه السلام ) عام 260 هـ عيد فرحة الزهراء صلوات الله وسلامه عليها وهو يوم مقتل ظالمها 10 من ربيع الأول: وفاة عبد المطلب جد النبي (ص« صلى الله عليه وآله ») عام 45 قبل الهجرة وفاة إبراهيم ابن رسول الله ( (ص) ) عام 10 هـ زواج النبي (ص) من خديجة 15 عاما قبل البعثة 11 ربيع الأول:ولادة السيدة نفيسة بنت الحسن حفيد الإمام المجتبى ( عليهم السلام ) عام 145 هـ 14 ربيع الأول: هلاك اللعين يزيد بن معاوية 17 ربيع الأول:ولادة رسول الله ((ص)) عام الفيل ولادة الإمام الصادق (عليه السلام) عام 83 هـ 26 ربيع الأول: صُلح الإمام الحسن (عليه السلام) عام 41 هـ

قصيده ثكيله بعدت اطوار بحق مولاتنا العليله ع هوايه صار مفاركين عيونهم كون نعرف هسه همه شلونهم       اوجوهم عنه ختفت        عيونه عليهم بجت صعبه ننساها هذيج ارسومهم اه يا نار الفراك...شكد جوت دلالي الدنيا ما ترحم ابد مني خذت كل غالي بس صورضلت وذكرى بيتهم ضل خالي              فراك وجروح والم             واحس بالحيل انهدم       ماشفت راحه ابد من يومهم جنه نلتم بالمسيه شمحله كعدات الاهل هسه بس مر النجرعه وبينه متكومه العلل صعبه ويه الي نحبهم ينكطع حبل الوصل             حيل صعبه اخلافهم              عونه كلمن شافهم   اشتريهم بالعمر لون وكتي يسومهم هسه صار البيت وحشه فارغ ومابيه ونس بس حزن متروس وحشه غيرهذا ولااحس وين راحو غفل عنا الجانو اويانه امس               وين وداهم زماني               فراكهم والله عماني       شلون اصد ونضر خليه نزولهم امس جان البيت يزهي وهسه ضل ينزف حزن كوطرو كل النحبهم شلون حاله الي يحن دمعه دمعه اطيح سكته بهيده لورايديون            محمل اجروح ويعاني             عالدرب يكعد يتاني       كتل تكتل بالكلب يهمومهم كلمات//ام كرار الساعدي https://t.me/Alizvlp

نياحتنه وعزانه تظل عندج امانه تكتبينة بسجلج يظل هذا رجانه تعالي يالحزينة لعزانه وشرفينه يظل هذا رجانه _ الصادق قال كل ماتم أمنه فاطمة تحضر نريد بهالعزة تحضرين عليج بكطعة المنحر يم الباب لتكعدين تعالي بجانب المنبر على كيفج لمن تلطمين ندري بضلعج مكسر دمعنه وية دمعج نواعينا نسمعج رجاءاً لا تلطمين يمولاتي على ضلعج احضري يالحنينة لعزانه وشرفينه يظل هذا رجانه _ مأتم منعقد باسمج وقدومج كلنه ننتظرة تعالي وخل سوة نكعد نتناوب على الحسرة بلكت من مدامعنه نجبر ضلعج وكسرة نداوي جرح بسمارج ونداوي عينج الحمرة مجالسنة تلمنه حجيهم ما يهمنه يأم الشيعة انتي نظل نبجي على امنه اقصدي من المدينة لعزانه وشرفينه ____ بوفاة ام البنين اليوم احضرينه بدمع سجاب مجلس فاتحه هذا وابو فاضل وكف بالباب هذولة الوكفوا يلطمون حسبتيهم اليلة حساب العنده حاجة لتردي وانتي للكرم اسباب نحلفج يالزجية بغريب الغاضرية تجين اليلة عدنه وتجيبيهه لرقية تجيبيهه وتجينه لعزانه وشرفينه __ تعالي رايده اقرالج لبو اليمه حزن واحساس بس يالزهرة عذريني ما اقرة على العباس لان ام البنين تقول لتخجلوني يا هالناس واسوا فاطمة بحسين الصدرة بخيل امية انداس توصينة بوصية وفاءاً للزجية اريد الدمعة تبقى لغريب الغاضرية نريدج تحضرينه لعزانه وشرفينه __ https://t.me/Alizvlp

(﷽) خدمة محبي باسم الكربلائي تقدم: 📜:يا أنيسي ✒️:حسام الحمزاوي 📅:ليلة 29 صفر 1448 هـ 🕌:العتبة الرضوية المقدسة 🎶طور:#انا_خايف https://t.me/m7bebasim/61090 يا أنيسي يالرضا رايد رضاتك هذا حزني يا أنيسي صدري مخنوك اعله بابك لا تردني ▪️▪️▪️▪️▪️ ياانيس الروح ثكلت من حملها أطلب الحاجة من اهلها وانت اهلها ارد احلفك بالمشت دون الكفلها يالرضا الضاكت عليي بيدك تحلها من محنتك ادري بيدك تاخذ ايدي لو شفتني ياانيسي صدري مخنوك اعله بابك لا تردني ▪️▪️▪️▪️▪️ كبل ما اريد أشتكي اكبال المناره ادموعي تنزل يالرضا من اقره الزياره انت ثامن منذبح ما تطفي ناره ومن بعيد اتوزع لناسك بشاره من اشتياقي يمك اطشر واحس جفك يلمني ياانيسي صدري مخنوك اعلى بابك لا تردني ▪️▪️▪️▪️▪️ يالتجيبك غربه والغربه تردك دنيا من سجن لسجن كاضيها وحدك أقوه من سَمّهم جبدتك ! شاب بعدك لجن عيد الشام هوه الصاب جبدك بس عليكم يالرضا دموعي ابد ما فاركني ياانيسي صدري مخنوك اعله بابك لا تردني ▪️▪️▪️▪️▪️ يبن موسى الماله اخو الوادم تكسره لا تعوف الضهره خالي بروحه جمره تدري بفراك الاخو محد يجيره حسين من عباس رد مكسور ضهره من لهفتي جن طفل يركض على امه علمتني يا انيسي صدري مخنوك اعله ابابك لا تردني ▪️▪️▪️▪️▪️ يارضي وراضي ورضيت الله برضاتك يازكي وشمس الشموس بكل صفاتك سمك المأمون خايف من حياتك لان شاف الوادم اتلوذ بعباتك يا ملاذي انه بأسمك حاربت ناس التضدني ياانيسي صدري مخنوك اعله ابابك لا تردني ▪️▪️▪️▪️▪️ بقصة الصياد وبخوف الغزاله ياهو مثلك يقبل بهاي الكفاله لكن انت وصّلت للحب رساله بالتسامح كل بشر يظهر خصاله انت تدري من الله احبك وانه اعرفك هم تحبني ياانيسي صدري مخنوك اعله ابابك لا تردني ▪️▪️▪️▪️▪️ ماريد أشكي واكلك كلبي شيب خاف اذكرك يالرضا بمتون زينب ريحة الطف بضريحك لا والاعجب ابيرغك اشتم مخيم ناره تلهب ما اعوفك ثابت بنهج المجالس هذبتني ياانسيني صدري مخنوك اعله بابك لا تردني ▪️▪️▪️▪️▪️ مايضيع الدم اذا طاح لقضيه من الله بي تلكة مهابة رافضيه كربلاء ومشهد انشافن سويه بغيره تجمعهن دماء الغاضرية هيه ثوره دمها واحد والشماته ما تهمني يا انيسي صدري مخنوك اعله بابك لا تردني ▪️▪️▪️▪️▪️ https://t.me/Alizvlp

قصيده ل نهاية محرم وصفر ورجوع الفاطيات للديار ======== شهرين احزان وقهر خلص محرم وي صفر وللدار رديت..... للدار  رديت...... ======== ياحال رديت الوطن ياخويه ياحال ياخويه ياحال بس انه وعليل وحرم ويتام  وطفال ويتام  وطفال رديت بلهم والقهر من عفت الارجال من عفت الارجال ورجعت مكسوره الظهر خلص محرم وي صفر للدار رديت...... للدار رديت...... 🌌🌌🌌 رديت لديار الاهل والگلب مشلوع والگلب مشلوع ماعندي والي ولا اخو بس اجري الدموع بس اجري الدموع عفت الحسين اعلى الثرى والنحر مگطوع والنحر مگطوع وعفت الكفيل اعلى النهر خلص محرم وي صفر للدار رديت...... للدار رديت...... 🌌🌌🌌 عازيني يادار الاخو وخليني اعازيچ وخليني اعازيچ شو ظلمه من بعد المشو وتراب غاطيچ وتراب غاطيچ احلف بعد ماطب الچ ولا بعد احاچيچ ولا بعد احاچيچ راعييچ مذبوح النحر خلص محرم وي صفر للدار  رديت..... للدار  رديت..... 🌌🌌🌌 شهرين فارگتچ تره شو ماتنشدين شو ماتنشدين لاگلتي وين اهل الكرم وين الميامين وين الميامين عفت الحسين وعزوته صرعى على الطين صرعى على الطين صهرتهم اشموس الضهر خلص محرم وي صفر للدار  رديت...... للدار  رديت..... 🌌🌌🌌 من بعد الٱلٱم السبي رديت للدار رديت للدار محد لگيته من هلي بس بيها الغبار بس بيها الغبار صحت بعلو صوتي شني گليلي الاخبار گليلي  الاخبار من بعد ماذبني الدهر خلص محرم ويه صفر للدار رديت....... للدار رديت....... ======= خادمة ال البيت الحجيه ام علي البصره 🚫 #اللهم_عجل_لوليك_الفرج #یوسف الزهراء 💔 https://t.me/Alizvlp

ام جعفر: قصيده حول ام البنين *تحن الهم تحن الهم تظل روحي تحن الهم* *واشوفنهم واشوفنهم تجي احبابي واشوفنهم* تحن روحي وتريد اعزاز. ولا واحد رجع ليه اناطر عالدرب والباب. وانوح وعيني مجريه بعد ماظن تجي الغياب تعود الكلهه حنيه واگولن من تجي الشالت. هلا ومية هلا عليه *واريدنهم واريدنهم. احن الهم واريدنهم* اعاين والدرب يوحش. عليه وتكثر احزاني ولا واحد رجعهم منهم. وبعدهم والله هداني احن ليهم واريدنهم. واظل ابحزني وابجي اني وتجي ابالي الصور وانعه. بذكرهم يلهج الساني *وعاتبهم وعاتبهم عله الفرگه وعاتبهم* وعاتبهم يجون احذاي اموت وموتي ماهمني تره الهمني وكثر بيه. ونيني وگلبي يوجعني غياب الشالو من ايدي. وبعدهم كسره كاسرني مشو عني الچنت بيهم هوه وشال الهوه مني *واشمنهم واشمنهم. هوه الريتي واشمنهم* اعاين عالدرب يمه. ولا طارش وصل منكم اعالج بل منيه ونوب. تحن روحي وعاتبكم اريد احبابي يمي اليوم. اموت وانه انضركم وتغمض عيني يا يمه. واحس يمي وافارگكم *وفارگهم وفارگهم. اودعهم وفارگهم* ولا جيتو ولا يمي. كعدتو ولا حضرتوني اروح وعيني مجريه. عليكم يل جفيتوني اعالج وانتضر ساعات. ييمه وما تغمضوني حلات الموته بين احباب. اموت وكل يشيعوني *تريد امهم تريد امهم. يحضروها تريد امهم* *لخادمة الزهراء. العلويه ام جعفر* https://t.me/Alizvlp

يامولاي ياعليَّ ابنَ موسى الرضا ع ابدمعتنه التِهِل وابثوبنه الأسود ننعه امصيبتك جينه يبو محمد تعنِّينه ابدمعنه وبالسَّواد احنه ويلي اشهالمُصيبه المؤلمه صِحنه إجينه الماتَمَك والجرح ذابحنه ونار البالگلب مولاي ماتخمد إلك ياسيدي الضَّامِن تعنِّينه نريدك ياعلي تضمن بواچينه واخذ (للسيده تَكتُم ) تعازينه والرُّوح النَّبي كون العزاء يصعد يبن موسى ابنَ جعفر ياعظيم الشان ابخِدِمتَك نفتخر ( يا أيُّها السُّلطان ) يامن حُبك الهاي البَشَر مِيزان يخسر مُبغضك وايفوز التودَّد گلت ( يَبنَ شَبِيب ) ابچي على المذبوح وصيتك هاي نقراهه ونضل انُّوح عله يوم الطفوف احنه انترسنه اجروح وجمر اصدورنه اعله حسين مايبرد نبچي الزينبك يَمهيِّج الآلآم لاضَلّت زِلم لاضلَّتلهه اخيام ننعه وننتحب عالشّام آه الشّام اشما نذكر مُصايبهه البِچَه يِشتَد الليله المرقدك تتوافد احبابك والعالم ابأسره اينوح لمصابك ارزقنا الزياره وشَمَّة اعتابك ياباب الرجاء الأبد ماينسد سيد علي الموسوي https://t.me/Alizvlp

لطميه شده للإمام الرضا عليه السلام (اليشبه حسين) آه يالغريب ابن الغريب اليشبه حسين من مات وحده و ما اجت يمه محبين احا عله امصابه و غربته المثل جده ميت وحيد و ما اله واحد يسنده بس الرضا بالسم يا ويلي انمرد چبده و حسين داسوه العده و ضلعه امكسرين يا من عمت عيني عله المات ابخُراسان مسموم ما حضرت هله اتشيعه بالاحزان الليله نعازي ام الحسن و النبي العدنان مو هين افراگه ثجيل و زاد الونين تاسع اليمه بالهظم خلص حياته ما شاف راحه و راحته بس ابمماته جته المنيه و عودت كل ذكرياته بوجود خوانه و هله الكلهم عزيزين كل ميت ايشيعون نعشه بالعراضات و حسين مرمي ابلا غسل يا ناس من مات يبچن بناته بالخيم و اعليه حزينات و ام عون ما بطلت مناحه و عاميه العين آه عالرضا مسموم ما هابه الي سمه وين الزچيه فاطمه خل تحضره امه بإيران مات اوليدهه و هم شاع علمه ما ظنتي يام الحسن بأبنچ ما تدرين وين الهواشم وينهم خلهم يحضرون ابهيبه و عراضه للنعش لمن يشيعون و نسوان يبچن و اللطم لاجله يعدلون و يتذكرون ام عون من دخلت دواوين ✍🏻خادم اهل البيت عليهم السلام الشاعر جعفر الساعدي https://t.me/Alizvlp

نـــعـــــــــي💔     ========================    الگلب يسعرعلى افراگك وداوي    بفگدك   يصرخ  ابصوته   وداوي    ظلعي   انكسر  افزعلي  وداوي    يبويه   او  جارت   الدنيه  .عليه     ========================    يبويه  اهموم الك  گلبي رسلهه    غرگ    ببحور   احزانك   رسلهه    تدري    ابغيبتك   سيد   رسلهه    على عيوني سطرني ابن الدعيه     ========================    سطرني النذل بغيابك على العين    وبكسر الظلع شدعي على العين    نخيت  الي قلع  خيبر علي العين    علي   اتچتف    يبويه   بالوصيه     ========================    غدر بينه  الوكت بعدك  علي دار    يبويه  ابغيبتك فزعو   على الدار    بكسرظلعي انطبرراسه علي الدر    ابمحرابه   وگع  حامي   الحميه     ========================    الك   نشكي   هظم   بينه   نبينه    يالتدري   الجره  او  عندك  نبئنه    يريت    ابكربله     حاضر    نبينه    تشوف  حسين  مرمي  اعالوطيه     ========================    يبو  القاسم   بيك   احنه   علينه    يريت   ابكربله   انته   او  علينه    تشوف  الخيل من  هجمت علينه    تشوف  العيله  من  راحت سبيه     ========================    لشاعر اهل البيت عليهم السلام           خالد عامر الزيادي https://t.me/Alizvlp

نعي مفجع بعد رجوع السيده زينب الى المدينه محمد ابن الحنفيه ماعرفهه هـاي وعـلـي الـكـلـفـه عـلـيـه مـحـمـد اخـوي اشـتـبـه بـيـه اگـبـالي وهتف جيبوهه الـيـه شـاب الـگلـب واصفگ بـأديـه لـمـن عـبرنـي وفـات شـفـتـه صـديـتـلـه ابلـوعـه وعـذرتـه حـگـه لـون ما يـعـرف اخـتـه ابحال اجيت وحـال عِـفـتـه محمد صحت ووكـفـت يـَمـه گـتـلــه يـخـويــه وزاد هَـمـه مايـدري بخـتـه اللي تـكـلـمـه حَيلـه انهدم مـاشـال جـدمـه *----------------------*----------------------* ✍خادم الحسين ع الشاعر رعد الجريخي https://t.me/Alizvlp

مربعه للأمام الحسين عليه السلام رديت أبهضم والباب دكيته انشد عالحنين وشال عن بيته ●●●●●🧿●●●●● رديت ابهضم والباب ادكنه انشد عالحنين وجيت اشوفنه لكيت البيت خالي وحملو عنه اوياهم ما كعدنه ولاتسامرنه الموت الموت بجفاهم تمنينه ●●●●●🧿●●●●● انشد دارهم ناديتهه اشمالج ظلمه وموحشه من غرب اهلالج وانه امدلوبه وحالي مثل حالج لا ردلي المشه ولابعد ردالج نايم عالرمل بالكبر خليته ●●●●●🧿●●●●● نايم بالكبر مايرجع لحوشه وانه لشوفته يادار معطوشه لكيتج خاليه وبالحزن مفروشه مشلوع الكلب وامكطعه اهروشه كون يشوفني هاليوم ياريته ●●●●●🧿●●●●● كون ايشوفني عالحايط اتوجه نحيله امن المذله وكاطعه السجه عيني مولحاهه النوح والمبجه شو عني رحت يالعندك اتشجه حيلي بنومتك عالكاع هدميته ●●●●●🧿●●●●● صوبت الكلب من نمت هالنومه وجهك بالمكابر ضموا رسومه شنسه والدهر ماتنسه اهمومه والشايل وليهه اتصير مهضومه وين انروح وانته البيت سديته ●●●●●🧿●●●●● ماليه نفس بالبيت ماطبه شايل والسفر ماينكطع دربه علينه اخلاف عينك من يحن كلبه ضربانه الزمان وتوجع الضربه فكس عيني بعزيزي البين تاليته ●●●●●🧿●●●●● فكس عيني بعزيزي وبعد شيعوده امر بالدار والكه الدار مسدوده ياضيم التحمله الروح ممروده للمذبوح اون والكطعو ازنوده الطم واللطم مايوم مليته ●●●●●🧿●●●●● *تـــمت والـــــفضـــ🤲ـــل لله تعالى* *بقلم✍الشاعره أم ريام دخيل الركابي قضاء الرفاعي* *صاحبه ديوان📚الدموع الزينبي https://t.me/Alizvlp

خلصن احله شهرين بيهن نخدم حسين يختلفن صدگ عن كل الشهور عشنه ايامهن يوميه عاشور بيهن نخدم حسين ............. خل ننطر سنه الهن بعد جيه؟ گضيناهن ابكل يوم لطميه وايام البچي والاربعينيه احله ايام بالخدمه الحسينيه هذا العام عدلين خاف الجاي ميتين صعبه لو يجن واحنه بالگبور عشنه ايامهن يوميه عاشور بيهن نخدم حسين .............. ايام اللطم والدمعه والخدمه شيردهن علينه ايام ابو اليمه راحن بلله عام الجاي شيقدمه مانحمل سنه انفارگهه هالنعمه شيصبرنه هالعام شيقدمهه الأيام واحدنه عليهن گلبه مكسور عشنه ايامهن يوميه عاشور بيهن نخدم حسين ............... نتذكر محرم من يمر بينه اول ليله اله تكثر بواچينه راح انظل نتاني يرجع اعلينه شهر البيه گطعو نحر ابو سكينه اول يوم لو حان تبدي اويانه الاحزان ونبدي بالعزاء ولطم الصدور عشنه ايامهن يوميه عاشور بيهن نخدم حسين ................. يوميه مجالس اي نعم عدنه ونقيم العزه ونقره قصايدنه بس شهرين واعليهن تعودنه شبسرعه گضن يبقن سنه ردنه بيهن فاطمه اتكون تفتر عاليلطمون ياهو اتسجل اسمه اتگله مأجور عشنه ايامهن يوميه عاشور بيهن نخدم حسين .................. الله يعيدهن وانحبهن اهوايه يمته بالمواكب نسمع اقرايه واشتاگينه نرفع للعشگ رايه وعشرين ابصفر نتعنه مشايه ونشوف اليخدمون بالزاير يرحبون ماي اعيونهم ينطون اليزور عشنه ايامهن يوميه عاشور بيهن نخدم حسين .................... اي ياريت بالعام اليجي القادم لومرن يجي وياهن القائم وعاللطامه يفتر والعزه دايم ماي ايوزع ابجربة گمر هاشم واعله السحگته الخيل يلطم عالصدر حيل وماينهي العزه الا بلطم شور عشنه ايامهن يوميه عاشور بيهن نخدم حسين ................. الشاعر علي عبدالله المفرجي تمت بعونه تعالى يوم الإثنين https://t.me/Alizvlp

قصيده لرجوع زينب ع الى المدينه وحشه الدار يازهره لكيناهه ويه احسين عشره وخلصيناه خلصت عشرت الخوان يازهره نامو بالتراب وسكنو الغبره انضر دارهم والكلب شيصبره امضلمه اخلافهم البين خلاهه العشره خلصت يازهره وياهم زينب من هضمهه اليوم تنخاهم نار وتجوي بالدلال فركاهم ردت ناحله ومضيعه والياهه بعد شتفيد يازهره بواجينه مضلمه الدار عكب اوجوه اهالينه عفنه ابكربله احسين والينه وبعد اهل المحنه ضيعيناهه مكدر بيت اهلنه وين راعيه منه حسين راح النكعد بفيه بعد خال الولد ضاعت محاجيه على الوليان مابطلت مبجاهه اجيت الداركم يحسين تعبانه اخوي البي محنه ماتلكانه اخلافه البيت مضلم حيل اذانه زينب من اجت محد تلكاهه *الخادمة الحسين العلويه ام اياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه* https://t.me/Alizvlp

الفرق بين ڪلمة وفاة الرسول وإستشهاد الرسول ليسَ مجرد حروف وإنما هي عقيدة ڪاملة تتمحور حولَ الجريمة التي قامت بها عائشة وحفصة وابويهما ابو بڪر وعمر لعنهم الله جميعًا فڪما قالَ أمير المؤمنين أرواحنا فداه فَأشَهَدُ أَنَّ رَسُول اللّٰهِ (صَلَّىٰ اللّٰهُ عَليَهِ والِهِ وسَلَمَ) مَاتَ شَهِيدًا فَإِيَاكَ أَن تَقُولَ مَيِّتٌ 📓 :  بُحَار الأنَوار : جَ 25 صَ51 . https://t.me/Alizvlp

شده للرسول ص *** نصبت فاتحه الزهره اعله والدهه وبدار الحزن تنعاه وحدهه * غريبه إخلاف أبوهه البين خلاهه ولاعدهه حنينه اتنوح وياهه اجينه لفاطمه نبجي اعله بلواهه عله مصاب النبي كلنه نساعدهه * نلطم عالصدر جينه نواسيهه الفكدت عزهه والعدوان توليهه هاي الدمعه يامولاتي شوفيهه ياهو الكال امنه أحباب ماعدهه * مجروحة كلب من دنيه غداره تدير العين ابوهه خاليه ادياره تدور عالمحنه فاطمه دواره راح اللي يشيل الدمعه من خدهه * تحن لأيامهه الحلوات يوميه وتذكر كعدته وياهه عصريه من راح الأبو وشحال البنيه والبويه بعد يانوح اليردهه * من شال النبي وعيونهه متنام منعوهه البجي عدوانهه الظلام دار احزان يبنيهه علي الضرغام ليل إنهار تبجي والوكت ضدهه * أنيس الروح ابوهه وللكلب سلوه يكلهه أم ابوهه الروح إلج فدوه عافاهه بحزن وبنوح تتلوه سل منهه الجسم والشوك ماردهه ** مامتعوده ام حسين عالهجران دنينتهه جنت آ يالنبي العدنان طفوا شمعة شباب ابنيتك العدوان مكسورة ضلع بالموت شاهدهه * أم علي الكاظمي https://t.me/Alizvlp

‏قصيدة للنبي محمد «صل الله عليه واله» حزنانه الزچيه شــــال واليـها ثگيل امصاب ابوها حيل ماذيها ــــــــــــــــــــــــــــــــــــــــــــــــ مكسوره وحزيـنه تهمل الدمعه فارگها الرسـول تلـوع منفجعه على حال الزچيه ناحت السبعه الجن والانس تبچي البواچيها ــــــــــــــــــــــــــــــــــــــــــــــــ صاحت راح مـنه هيـبة السـاده يـا حيـرة علـي هاليـوم و اولاده يالچفك يبويه چان الي اوساده بعدك فاطمـه چـا ويـن تاليـها ــــــــــــــــــــــــــــــــــــــــــــــــ الدنيا اتحزمت وتريـد توليني چم سهم ابغيابك راح ترميــني اخذني وياك بويه لا تـخلـيني بغيابك الـــــــزهره من يـباريـها ــــــــــــــــــــــــــــــــــــــــــــــــ مهظومه عفتني اجذب الحسره ضلمه الـدار بعدك يا ابو الزهره كسري اعليك ماصحله ولا جبره بگيت الوحدي والدمعه اجـريها ــــــــــــــــــــــــــــــــــــــــــــــــ يبو ابراهيم گومك ما يرحموني حتى من البچي لجلك يمنعـوني هاي الگوم من حگي يحرمـوني وما مسمـــوح للبضعه بـنواعيها ــــــــــــــــــــــــــــــــــــــــــــــــ على داري يهجمون ويحـرگوها يگيدون الوصي وبتك يضربوها عجيبه المات ابوها ما يراعوها المفروض اليتيمه الكل تواسيها ــــــــــــــــــــــــــــــــــــــــــــــــ تمـت بـعـون الله تعالـى بـ✍️خادمـة الحسين "عليه السلام" الملـه أم مـجتبـى  https://t.me/Alizvlp

(﷽) قصيدة: يارسول الله الوداع بصوت: حيدر السعد الشاعر: محمد الجماسي ▪️▪️▪️▪️▪️ الوداع الوداع يا رسول الله الوداع الوداع الوداع يا رسول الله الوداع يا رسول الله برحيلك مطرت دموع السما مكه مفجوعه و كئيبه و المدينه مظلمه لبست اهدوم النواعي الليله بنتك فاطمه والحسن و حسين يبجون بحضن حامي الحمه و اليتامه الليله تصرخ يا محمد بافتجاع الوداع الوداع يا رسول الله الوداع الوداع الوداع يا رسول الله الوداع ▪️▪️▪️▪️▪️ جان كلمن شاف وجهك يا محمد يبتشر وسفه هالوجه السماوي اتغطه بتراب القبر علي بتابوتك الليله شيع احلام العمر والاخو الدافن اخيه ايبين بظهره الكسر الفاقد اعزاز بحياته تخلص ايامه ضياع الوداع الوداع يا رسول الله الوداع الوداع الوداع يا رسول الله الوداع ▪️▪️▪️▪️▪️ طبع التفارق ابوها تعيش مكسورة قلب وفاطمه من المدامع سوت القبرك درب ليلة دفنوك بيها حست بخوف و رعب تصرخ و تلطم وجهها الحجرتك لمن تطب امعصبه بعصابه خضره و تبجي من دون انقطاع الوداع الوداع يا رسول الله الوداع الوداع الوداع يا رسول الله الوداع ▪️▪️▪️▪️▪️ مانمت وسط المقابر بعدك على المغتسل والعذاب على اهل بيتك من سقيفتهم نزل امتك نكرت وصيتك رجعت لعصر الجهل المحسن ابطن امه بعده وقتلة اكبار انقتل انذبح بالبسمار ضلما من قبل يوم الرضاع الوداع الوداع يا رسول الله الوداع الوداع الوداع يا رسول الله الوداع ▪️▪️▪️▪️▪️ كل سنه نجدد مصابك يالنبي باخر صفر والدموع عليك من دم يمكن ايترسن نهر احنا ما ناسين يومك مو مثل بعض البشر كسرة فراقك جبيره المابجه بيومك خسر وانقطع عنا الوحي بفقدك و حق العتره ضاع الوداع الوداع يا رسول الله الوداع الوداع الوداع يا رسول الله الوداع ▪️▪️▪️▪️▪️ #اللهم_عجل_لوليك_الفرج_والنصر_والعافية يا رسول الله الوداع .. مكتوبة https://t.me/Alizvlp

﴾﷽ السيده الزهراء وأبيها رسول الله صلوات الله عليهم أون وآنعي..واهل دمعي وليل الفرگه ياذيني ..................................... أنه الزهره يبو الزهره...الچنت اتودهه واتودَّك يوم اتشوفهه ترتاح...وآعز امن الهوه عندك حالي مو هذاك الحال...يابو فاطمه بعدك من حگهه العيون اعليك...لو صَبَّت دِمَه الفگدك يبو الكلفه...ألف وسفه متشوفك بعد عيني ....................................... حنانك تارس الدنيا ...وتارس عيني دمع الهَم الحزن مو بس على دارك..على الكون الحزن خَيَّم أعيش اجروح بغيابك...الگلب من عدهه مايسلم يبويه وحسرة افراگك...بس الباري بيها اعلم يبو العتره....الهَجُر كسره ونه المكسوره تدريني .................................... چنت أستانِس ابرؤياك...واحچيلك وتحچيلي رحيلك يارسول الله...هادِم كل قُوه ابحيلي ماجَف الدَّمع بعدك...وون بنهاري وبليلي مَراسيلي المَناحَه اعليك...وماكَفَّت مَراسيلي إلك نوحي ....وحزن روحي وعَسَن لا طالت اسنيني ......................................... يوم الغمضت اعيونك...علينه الوكت شَن حربه وعزيزك حيدر الكرار...هم مثلي انكسر گلبه اليعيش اجروح وي ناسه...يحس چن عايش ابغربه صُفينه اثنينّه انعاني....يامن فرگتك صعبه يَضَي عيناي....فرگتك هاي تضل جمرتهه تچويني ........................................ رحلت انت وجرح گلبك...يرافع راية الإسلام مثلك يانبي اتأذّه...وعاش ابوكت كِلَّه آلآم اعله مضلوميتك الكبرى...تعجز تكتب الأقلام والظلموك ظلمونه....وعشنه ابغيبتك أيتام يبو القاسم....يضل دايم الجرح مابينك وبيني سيد علي الموسوي https://t.me/Alizvlp