Музаффар Арипов

#Пискент_тумани #Инсон_қадри_учун Туманимизнинг Мустақиллик маҳалласида боқувчисини йўқотган, ижтимоий кўмакка муҳтож оила хонадонида бўлдик. Суҳбат давомида оиланинг 12 август куни бўлиб ўтадиган тўйни мавжуд имкониятлари чеклангани сабабли ўтказишда қийналаётгани маълум бўлди. Шундан келиб чиқиб, оилага тўй учун зарур совғалар топширилди ҳамда ушбу қувончли кунни муносиб ўтказишлари учун амалий кўмак кўрсатилиши белгиланди. Ҳурматли Президентимиз Шавкат Мирзиёев раҳбарлигида инсон қадрини улуғлаш, эҳтиёжманд оилаларни қўллаб-қувватлаш ва уларнинг турмуш шароитини яхшилашга қаратилган ишлар ҳаётимизда ўз ифодасини топмоқда. Ана шундай эзгу ишлар орқали оилаларнинг оғирини енгил қилиш, ёшларнинг бахтли кунларига ҳисса қўшиш барчамизнинг муҳим вазифамиз бўлиб қолаверади. ✅Telegram ✅Facebook 🌐Instagram

#Пискент_тумани #Инсон_қадри_учун Ҳурматли Президентимиз Шавкат Мирзиёев раҳбарлигида инсон қадрини улуғлаш ва эҳтиёжманд оилаларни қўллаб-қувватлашга қаратилган эзгу ишлар ҳаётимизда ўз ифодасини топмоқда. Туманимизнинг Мустақиллик маҳалласида ижтимоий реестрда турган, турмуш шароити оғир бўлган оила учун барпо этилаётган янги хонадон билан танишдик. Қурилиш ишларининг асосий қисми якунланган бўлиб, айни пайтда ички пардозлаш ишлари давом этмоқда. Насиб этса, яқин кунларда хонадонни тўлиқ тайёр ҳолга келтириб, ушбу оилани аввалги яшаб келаётган уйидан янги хонадонга кўчириб ўтишни режалаштирганмиз. Инсоннинг энг катта бойлиги — тинч ва муносиб хонадонда яшашидир. Шу боис эҳтиёжманд оилаларнинг турмуш шароитини яхшилашга қаратилган ҳар бир эзгу иш уларнинг эртанги кунга бўлган ишончини янада мустаҳкамлайди. ✅Telegram ✅Facebook 🌐Instagram

#Пискент_тумани #Очиқ_мулоқот Бугун Лолаариқ маҳалласида фуқаролар билан навбатдаги очиқ мулоқот ўтказдик. Мулоқот давомида аҳолининг мурожаат ва таклифларини тинглаб, жойида ҳал этиш мумкин бўлган масалалар юзасидан тегишли чоралар кўрилди. Қўшимча ўрганиш ва вақт талаб этадиган мурожаатлар бўйича эса масъулларга уч кун муддатда амалий ечим топиш вазифаси юклатилди. Бундай учрашувлардан кўзланган асосий мақсад — аҳолини ўйлантираётган муаммоларни эшитиш, уларни ўз вақтида бартараф этиш ва ҳар бир мурожаатга масъулият билан ёндашишдир. ✅Telegram ✅Facebook 🌐Instagram

#Piskent_tumani #Dolzarb_40_kun Do‘stlik mahallasida "Yangi O‘zbekiston qiyofasi" loyihasi va "Dolzarb 40 kunlik" ishlari o‘rganildi Piskent tumani hokimi Do‘stlik mahallasida Prezidentimiz tashabbusi bilan amalga oshirilayotgan "Yangi O‘zbekiston qiyofasi" loyihasi doirasidagi bunyodkorlik ishlarini joyiga chiqib o‘rgandi. O‘rganish davomida PQ-298-son qarori asosida amalga oshirilayotgan qurilish va obodonlashtirish ishlari, jumladan, ichki yo‘llarni asfaltlash, piyodalar yo‘laklari, ichimlik suvi tarmoqlari, elektr ta’minoti hamda ko‘cha yoritish tizimini barpo etish ishlari ko‘zdan kechirildi. Qurilish maydonida mas'ullar va pudratchilar bilan suhbat o‘tkazilib, ishlar sifati, sur'ati hamda belgilangan muddatlarga rioya etilishi yuzasidan zarur ko‘rsatmalar berildi. Shundan so‘ng tuman hokimi "Dolzarb 40 kunlik" doirasida mahallada xonadonma-xonadon yurib, obodonlashtirish va hashar ishlari bilan tanishdi. Aholi bilan muloqotda har bir xonadon egasini o‘z uyi va ko‘chasi ozodaligini ta'minlash, obodonlashtirish ishlarida faol ishtirok etishga chaqirdi. Yakunda mahalla hududini yanada obod va fayzli maskanga aylantirish, hashar ishlarini jadallashtirish, sanitariya holatini yaxshilash hamda belgilangan vazifalarni o‘z vaqtida va sifatli bajarish yuzasidan mas'ullarga aniq topshiriqlar berildi. ✅Telegram 🌐Instagram 📹YouTube 🌐Website✅Facebook

#BizningPrezident Tavallud ayyomingiz muborak bo‘lsin, hurmatli Prezident! ✅Telegram ✅Facebook 🌐Instagram

#Очиқ_мулоқот Ёшлар билан очиқ мулоқот Ҳурматли Президентимиз ташаббуслари билан ҳафтанинг ҳар пайшанба куни раҳбарларнинг ёшлар билан учрашиб, уларнинг мурожаат ва таклифларини тинглаши, муаммоларига ечим топишига қаратилган тизим бугун эзгу анъанага айланиб бормоқда. Ана шу ташаббус доирасида кеча туманимиз ёшлари билан навбатдаги очиқ мулоқотни ўтказдик. Учрашув давомида ёшларнинг мурожаат ва таклифларини тинглаб, уларни ижобий ҳал этиш юзасидан тегишли чора-тадбирларни белгиладик. Учрашув якунида ишсиз 5 нафар ёшга ўз фаолиятини бошлаши учун мотокультиватор ҳамда сартарошлик асбоб-ускуналарини топширдик. Шунингдек, иккинчи экин экиш истагини билдирган 35 нафар ёшга ғалладан бўшаган ер майдонлари ажратиб берилди. Тадбиркорлик фаолиятини бошлаган 2 нафар ёшга эса зарур амалий кўмак ва тавсиялар берилди. Ёшларимизнинг бандлигини таъминлаш, уларнинг ташаббусларини қўллаб-қувватлаш ва ҳаётда муносиб ўрин эгаллашига кўмаклашиш доимий эътиборимиз марказида бўлиб келмоқда. Бу борадаги ишларимизни бундан буён ҳам давом эттирамиз. ✅Telegram ✅Facebook 🌐Instagram

#Piskent_tumani #Yoshlar_va_rahbar_uchrashuvi HOKIM MIGRANT YOSHLAR BILAN ONLAYN UCHRASHUV O‘TKAZDI Bugun Piskent tumani hokimi Muzaffar Aripov xorijda ta’lim olayotgan hamda mehnat faoliyatini olib borayotgan migrant yoshlar bilan onlayn uchrashuv o‘tkazdi. Ochiq muloqotda Germaniya, Janubiy Koreya, Rossiya hamda boshqa davlatlarda ta'lim olayotgan va mehnat faoliyatini olib borayotgan piskentlik yoshlar ishtirok etib, o‘zlarini qiynayotgan masalalar, taklif va tashabbuslarini bevosita tuman hokimiga yetkazdilar. Uchrashuvda 12 nafar yosh qatnashib, ular tomonidan 10 ta muammo va taklif bildirildi. Ko‘tarilgan masalalarning 9 tasi joyida ijobiy hal etildi, 1 ta murojaat esa qo‘shimcha o‘rganish va muddat talab qilgani sababli nazoratga olinib, ijro jarayonida qoldirildi. Muloqot davomida xorijdagi yoshlarning ta’lim, mehnat faoliyati, hujjatlashtirish, bandlik hamda yurtga qaytgach o‘z salohiyatini ro‘yobga chiqarish bilan bog‘liq takliflari tinglandi. Har bir murojaat yuzasidan mas’ullarga aniq topshiriqlar berilib, ularning ijrosi nazoratga olindi. Bunday ochiq muloqotlar xorijdagi yoshlar bilan doimiy aloqani mustahkamlash, ularning muammolarini o‘z vaqtida hal etish va tashabbuslarini qo‘llab-quvvatlashga xizmat qilmoqda. ✅Telegram 🌐Instagram 📹YouTube 🌐Website✅Facebook