أذكار - RC

ده من رحمة ربنا ليك❤️‍🩹

إنك تقفل الباب بشويش علشان ما تقلقش اللِّي نايمّين، ده عمل صالح تلاقي أكل مكشوف فتغطيه، عمل صالح، تستحمل حد وتسمعله للآخر عشان تجبر خاطره، عمل صالح، ترد على التليفون بنبرة سمحة وبشاشة، عمل صالح، تبتسم لعيّل صغير وتلاعبه، عمل صالح ترحب بضيوفك وتكرمهم في بيتك، عمل صالح، تقفل اللِّي فتحته، وتلم اللِّي وقع منك، وتنضف مطرح ما استخدمت وتسيب المكان أرتب مما كان، ده طبعًا عمل صالح تمسك التليفون وتسأل علىّ إخواتك، أبوك، أمك، أو قرايبك وتطمن على أحوالهم، عمل صالح، تشرب العصير وتفضل ماسك العلبة في إيدك لغاية ما تلاقي سلة ترميها فيها، عمل صالح تشوف عيّل بيغلط فتنصحه بحنية وتقوله استغفر يا بني وتفهمه، عمل صالح، حاجة نفعتك في حياتك فتقوم تنشرها علشان غيرك يستفيد، عمل صالح ما تكسفش حد طلب منك نصيحة أو خدمة أو مساعدة، عمل صالح، تشوف عيب في حد وتستر عليه، عمل صالح، تفتكر حد متوفي بدعوة حلوة بالرحمة، عمل صالح أعمال الخير محوّطانا في كل خطوة وحتى وأحنا قاعدين في بيوتنا، ونقدر نتقل ميزان حسناتنا كل يوم بمليون عمل صالح وبأبسط الطرق!

- قررت تربي لحيتك هيجيلك انترفيُو مُهم في شركة كُنت بتحلم بيها وهيقولولك احلق يا ابني عشان تبان مُهندم في المُقابلة ! - قَررت تبطل ذَنب مُعين، في نفس الوقت كُل الظروف حواليك هتتهيأ ليك إنك تعمله - قررت متسيبش فَجر؛ هيجيلك مشوار ترجع منُه 2 بليل ميت والفَجر 5 إلا تلت - قررت تصُوم الاتنين والخميس؛ هتصحى يومها الساعة 7 الصبح قلقان وميت من العطش لسبب متعرفُوش مع ان الطبيعي بتاعك بتصحي 11 ومش عطشان - قررت تغض بصرك ؟ هتقعُد جنبك ف الميكروباص وَاحدة مُتبرجة ومُتعطرة وهَيعدُوا من قُدامك طُول اليوم - قررتُوا تسيبُوا بعض للّٰه ؟ هيحصل ألف موقف يجبر حد منكم يبعت للتَاني كل قَرار صح هتاخده ويبانلك سهل ف ذاته ليه اختبار بعدُه عشان يكشف هَل كنت صادق ولا لسه موصلتش للمرحلة دي؟ كل قرار بالتوبة هتاخده هيجيلك بعدُه موقف عشان قلبك يتشاف ساعتها مُقبل ولا مُعرض ولا بيجاهد ولا ايه؟ مرة د/ مُحمد الغَليظ قال: لو جالك الاختبار بعد التوبة افرح، لإنه علامة على قبولها، بس اثبت بالله عليك !

فيه جملة بحبها بتقول « نِهايات الأشياء مش شرط تكون غلطتك .. أحياناً بتكون نصيبك » من الأساليب القاسية اللي بيستخدمها بعض البشر في التعامل مع نفسهم بعد كل قصة بتنتهي من حياتهم، هي إنهم يحطوا نفسهم في قفص المُحاكمة والإتهام الغريب هنا إن الإنسان بيقهر نفسه مرتين .. مرة لما يخسر الشيء اللي كان بيحبه، ومرة لما يفضل بالسنين يحاكم نفسه على خسارة هو بالفعل مكنش طرف فيها الحياة أعقد بكتير من فكرة إنك تفترض إن كل النتايج هي إنعكاس مُباشر لـ أفعالك .. فيه أشخاص بيتغيروا، وفيه ظروف بتتبدل، وفيه نهايات ربنا بيكتبها علشان يفتحلك باب مكنتش هتشوفه طول ما أنت متمسك بالقديم فـ مفيش إنسان مهما كانت قدرته هيكون عنده سيطرة كاملة على تفاصيل حياته .. ومفيش إنسان هيقدر يضمن لنفسه حياة تشبه الجنة خالية من الخسارة والخذلان فـ لما تراجع تفاصيل قصتك، حاول تفرّق بين الخطأ اللي محتاج تغيير وإصلاح .. والقدر اللي محتاج رضا وتسليم.

💎غداً صيام الإثنين + يوم من أيام البيض | من صام يومًا في سبيل اللّهِ ، باعدَ اللّهُ وجهَهُ عن النّارِ سبعينَ خريفا. ⁠ حتى وإن لم تصم ذكر بها ... فكم ممن سيصوم بتذكيرك ولك أجره بإذن اللّٰه تعالى . ⁠ ( يجوز الجمع بين النيتين فتنوي صيام يوم الإثنين وكذلك صيام يوم من أيام البيض فتحصل على الأجرين مع بعض بصيام يوم واحد).

"مَا مِن عَبدٍ مُسلمٍ يُكثِرُ الصَّلاةَ عَلىٰ مُحمَّدٍ ﷺ، إلَّا نوَّرَ اللّه قَلبَه، وغَفرَ ذَنبَهُ، وشَرحَ صَدرَهُ، ويسَّرَ أمرَهُ؛ فأكثِرُوا مِن الصَّلاةِ؛ لَعلَّ اللّه يَجعَلكُم مِن أهلِ مِلَّتِهِ، ويَستَعمِلكُم بسُنَّتِه، ويَجعَلهُ رَفِيقَنَا جَمِيعًا في جنَّتِهِ، فهو المُتَفضِّلُ عَلينَا برَحمَتِه". ابنُ الجَوزيِّ -رَحمَهُ اللّه-. « بُستَان الوَاعِظين »

7 - 7 .. الساعة 7 🇪🇬 مصر × الأرجنتين. أكيد ناس كتير بكرة من بعد العصر هتبقى قاعدة مجهزة القعدة، والمشاريب، والصحاب، ومستنية ضربة البداية على نار. ومش هقولك ماتتفرجش .. بالعكس، اتفرج وشجّع وافرح. بس افتكر 7 حاجات قبل ما الحكم يصفر: 1️⃣ ماتخليش الماتش يضيع منك صلاة .. لا عصر، ولا مغرب، ولا عشاء ولا فجر ! 2️⃣ لو اتعصبت .. ماتشتمش، ولا تطلع من لسانك كلمة تغضب ربنا. 3️⃣ إوعى تخلي الحماس يخليك تستهزئ بحد أو تجرح حد أو تدخل في خناقات وتعصب. 4️⃣ لو ربنا كتب لمصر الفوز ماتخليش الفرحة تنسيك ذكر ربنا وشكره. 5️⃣ لو حصلت خسارة افتكر إنها مجرد مباراة، فلا تغضب غضبًا يفسد دينك وأخلاقك. 6️⃣ وسط التشجيع ماتنساش إن أعظم انتصار في حياتك هو إنك ترجع لربنا كل يوم. 7️⃣ استمتع بالماتش لكن ماتخليش الـ90 دقيقة يبقوا سبب في ذنب يفضل مكتوب عليك بعد ما صافرة النهاية تنتهي. 🇪🇬 ✌️🏻 شجّع منتخبك من قلبك. ❤️ لكن خليك فاكر إن أغلى حاجة عندك مش نتيجة ماتش .. أغلى حاجة دينك وقلبك. 🔄 شارك تؤجر #الشيخ_أحمد_جلال

💜💜💜

"طب انت كنت واكل عليه ١٠ آلاف من ١٠ سنين، هترجع الـ ١٠ آلاف؟ انت لو ده اتعمل معاك هترضى؟ روح استحله بقا.. عشان برضه ايه.. أصل في ناس كده حدقة، وييجي يستلف فلوس ويقعد يماطل.. سنة، تانية، في التالتة، ويحصل تضخم في التاني في التالت، وييجي يرجعهاله يقوله: خلاص بقا أنا.. أنا توبت. لأ ما ترضيش، شوف بقا الـ ١٠ دول كانوا بيعملوا إيه ساعتها واديله قدهم.. زي ما تحب يتعمل معاك، اعمل مع الناس. ماشي؟ احنا ده مش بنقول بشرط سابق، يعني مش بنقول إنك الـ ١٠ وتردهم أكتر بشرط سابق، لأ.. ده انت استحليت فلوس الناس، وكلت فلوس الناس، وضربت على فلوس الناس، حتى لو في نيتك هتردهم في يوم من الأيام.. لكن بتماطل، وانت معاك الفلوس ومشغلها ومدورها.. الناس بتعمل كده لِلأَسَف."

في العلاقات الإنسانية بشكل عام الإنسان بيجي عليه لحظات ضعف/انهيار .. حزن .. بيحكي أشياء حساسة .. حاجات بتبقى مينفعش تتحكي ف أي لحظة هو فعلا مدرك اللي بيعمله. الإنسان وهو بيحكي حاجة خاصة دايما بيبقى هَش نفسيا (طبيعي بيقول تروما/نقط ضعف/كلمات بتسبب له تريجر .. إلخ) .. وهَش هنا مش معناها ضعيف ف حياته العادية على قد م ديه بتبقى إن الشخص واثق ف اللي بيحكي له (ودا شيء مش هين أبدا والله). مينفعش .. مينفعش .. مينفعش تحت أي ظرف بعد إنهاء العلاقة/ أو الإختلاف بينك وبين الشخص دا .. تعايره .. تستخدم نقط ضعفه .. تستخدم حاجة حاكيها ضده! رقم ١ مش هتلاقي استفادة من هذا الفعل الحقير (بجد زيرو إستفادة) .. الشخص هيتجرح؟ آه .. هتكسب المناقشة وقتها؟ وارد آه برضه .. بس هتبقى شخص خاين وجبان. الأسباب التانية كلها إن دا هيسبب أذى نفسي كبير وغير محتمل حقيقي للشخص اللي قرر ف لحظة ضعف الإنفتاح معاك. استخدام نقط ضعف الشخص ضده/حاجات شخصية قديمة/أي أسرار كانت بتتقال بينك وبين الشخص .. أفعال أذى صريح .. مهما عدى وقت ع انتهاء العلاقة**

أغلب الناس مش محتاجة نصيحة… محتاجة ورقة وقلم.” ⁨ الفيديو الخامس من سلسلة “النصيحة دي غيرت حياتي” "اكتب. اكتب مشاعرك، أفكارك، أهدافك، وحتى خواطرك اليومية. لأن أحيانًا أفضل طريقة تفهم بيها نفسك… هي إنك تسمعها وهي مكتوبة قدامك. التدوين مش مجرد كتابة، التدوين مرآة بتكشف لك مين أنت فعلًا. 🎙️ أحمد أبو زيد 🎬 Edited by Yusuf Ahmed ⚡ The 1% Series تابعني، يمكن الفيديو الجاي يغير طريقة تفكيرك. #أحمد_أبو_زيد #yusufahmedpd #النصيحة_دي_غيرت_حياتي #builddesigngrow⁩

الواحد ممكن يكون ابتلاءه في أهله، في أبوه، في أمه، في الكلام ده كله. بس أنا دايمًا يعني عندي نظرة مختلفة للموضوع ده. أنا مؤمن إن أسوأ حاجة ممكن تحصل لو ربنا ابتلاك بأب وأم وحشين، أسوأ حاجة ممكن يعملوها هم إنهم طول الوقت هيفضلوا يعلموك إزاي تعيش الحياة من غيرهم. لكن تعالى فكر في أسوأ حاجة ممكن يعملها الأب والأم الكويسين، لأن أسوأ حاجة ممكن يعملها الأب والأم الكويسين في حياتك، هم إنهم بيعلموك كل حاجة في الدنيا إلا حاجة واحدة بس: إزاي تقدر تعيش من غيرهم. لأن الآباء اللي من سني واللي أكبر مني شوية، من مواليد أواخر السبعينات وبداية الثمانينات، يعني اتربوا بطريقة مختلفة عن الزمن الحالي. وجزء كبير منهم كان بيحاول إنه يحمي عياله من الحاجات اللي كانت ناقصاه في طفولته، من الحاجات اللي مكنتش موجودة في طفولته. ولكن للأسف هو من غير ما يحس، هو فوجئ إنه يعني خلق بني آدم، على قد ما هو بيحب أبوه وأمه قوي، على قد ما هو مش قادر يتعامل مع الحياة على حقيقتها، لأنه بيتفاجئ لما بيكبر. بكلمة أبويا الله يرحمه كان دايمًا يقولها ليا ويقولها لأخويا، يقولك: الناس مش أبوك وأمك، الشغل مش أبوك وأمك، المدرسة مش أبوك وأمك، الجامعة مش أبوك وأمك، البني آدمين اللي بره البيت مش أبوك وأمك. مفيش حد في الدنيا مجبر إنه يستحملك، ومفيش حد غير أبوك وأمك مجبرين إن هم هيستحملوك. . • ممدوح نصر الله 🎙️

مبحبش ادخل نفسي في الحته بتاعت الآراء وتقييم كلام الناس بس الامر يستدعي التوعيه ، لقيت ناس كتير بتنتقد كلام يوسف ان اي المشكله اخد واحد اقل دينياً وأشده والعكس ، بلاش النظره الورديه لان علي ارض الواقع لما نشوف تجارب الناس والتطبيق العملي مفيش راجل ست هي اللي بتشده أبدا وللأسف دي تعتبر سذاجه منك لما تصدقي واحد يقولك ساعديني علي طاعه ربنا وانا اخترتك عشان تشديني ، لان المرأه الصالحه يبحث عنها الصالح والطالح ف أنتي فرصه للاتنين لكن للاسف هو مش فرصه ليكي أبدا وهتطلعو من دايره انك بتعيني علي الطاعه لدايره عيشي دورك كأُنثي انتي مش وظيفتك ولا دورك انك تربيني ولا تعلميني ولا تنصحيني محدش قالك انك الراجل أنا الراجل وانا القوام وانا اللي هتحاسب ودا اللي بيحصل بنسبه 99% ، وهيكون حقو وقتها أنتي اللي أساءتي الاختيار خدي الاعلي منك درجه دينياً او زيك لكن تخدي واحد تشديه الأرجح هو اللي هيشدك ولو عرفتي تفضلي زي ما انتي وانتي معاه تبقي كوين ، للأسف الواقع مُختلف تماماً عن نظرتنا البريئه للأمر دا بالذات .

اللى مش فاهم الموضوع اصلا بيتكلم عن اي دا يوسف بيحكي انه راح اتقدم لواحده منتقبه وحس من طريقه كلامها انها علي منه درجه دينياً ف قال لأ ورفض الموضوع وسابها ودا ان دل على شئ دل انه شخص سوي متصالح مع نفسه وعارف نفسه كويس شايف انه مش هيكون قوام من الناحيه الدينيه لانها اعلي منه ف هو مش هيكون الشخص اللى ترجعله ف دينها او انتكاستها لانه اصلا بيعين نفسه بالعافيه واقل منها ك مستوي تدين (( هو الىى قال بلسانه انها اعلي منه ف مينفعش)) ف احترم نفسه وسابها علشان شاف انه مش قوام من الناحيه الدينيه وممكن يشهدها للاقل ف خاف عليها حصل هجوم على البودكاست وان عادي الست تشد الراجل وسبق ووضحت دا ف الكومنت السابق ان دا مبيحصلش على أرض الواقع وف الغالب هتتشدي انتى لمستوي أقل لانه هو الراجل لو مكنش قوام عليكي ف كل اتجاهات الحياه واعلي منك درجه ف هتواجهى صراعات كتيررر (( إلا من رحم ربي))

أَحْبِبْ حبيبَكَ هَوْنًا مَا، عسى أن يكونَ بغيضَكَ يومًا ما، وأَبْغِضْ بغيضَكَ هَوْنًا مَا، عسى أن يكونَ حبيبَكَ يومًا مَا».

حاول متنساش الجملة دي .. « فيه إنسان عايش دلوقت بيتمنى الحياة اللي أنت كل يوم بتشتكي منها » واحدة من الأفكار الأنانية اللي ممكن تسيطر على عقل الإنسان وتتحول لـ مصدر عِملاق من مصادر التعاسة في حياته هي فكرة « الإمتنان المُؤجّل » الإمتنان مش معناه إنك تنكر مشاكلك أو تتوقف عن السعي لـ إصلاحها .. لكن معناه إن مشاكلك متتحولش لغيوم بتعميك عن كل مصدر ضوء موجود في حياتك ولذلك، أنا عندي حب شديد لكل السياقات اللي النبي ﷺ كان مُهتم فيها بتعليم الصحابة الأساليب النفسية اللي هدفها تحسين مشاعرهم وتهدئة أفكارهم في وسط كل المُنافسات والعقبات والإنشغال بالدنيا هتلاقيه بيقولك « من أصبح منكم آمناً في سربه، معافى في جسده، عنده قوت يومه، فكأنما حِيزت له الدنيا » فـ أنت مش محتاج تحقق حلم أو تُدرك غاية أو تفوز بسباق علشان تستشعر وجود النِعم .. أنت مش محتاج تكون على قِمم كل الجبال علشان تتلفظ بـ جملة « الحمد لله »

الناس وهي بتبعت للأدمن: "هي أدمن م راحت فين؟ لسه عايشة ولا إيه؟! 😂🔥" * الحمد لله عايشة 😅.. ويلا بينا ننزل بالتقيل بقى! 💥 عندنا حاليًا 3 فعاليات شغالين في الإجازة، ومتاح ليكِ تنضمي ليهم: 📌 1- دورة فقه الطهارة (مجانية) 🏼 الموعد: لايف ساعة كل جمعة 💡 وده أساسي من فرض العين والعلوم اللي لازم تبقي عارفاها في دينك كمسلمة. 📌 2- كورس التجويد من الألف للياء (مجاني) 🏼 الموعد: لايف ساعة كل إثنين 8م 💡 بدأناه من فترة، بس متقلقيش.. تقدري تشوفي اللي فاتك مسجل وتكملي معانا عادي جدًا. 📌 3- المفاجأة الكبرى (بجهّزها أنا وأدمن سارة حاليًا) 🌙✨ 👑 يوم هِمّة أونلاين: لسرد القرآن كاملًا غيبًا في جلسة واحدة بالكاميرا بإذن الله.. يوم إيماني جميل كله صحبة قرآن، همّة، وتشجيع. 💪 المعسكر الإعدادي: هنعمل معسكر أونلاين خلال الإجازة نجهزك فيه خطوة بخطوة، عشان حتى لو حفظك متفلت.. بفضل الله على آخر المعسكر تكوني جاهزة للسرد! 📥 طريقة الانضمام: اللي حابب يعرف التفاصيل أو يلحق التسجيل، يبعت لنا كومنت هنا + رسالة على الخاص 📩 وكلمة السر: "جاهزة + اسم الدورة اللي عاوزاها" 😉👇 ⚠️ تنويه مهم: الفعاليات كلها للبنات فقط 🌸

قال النبي ﷺ: "صيام يوم عاشوراء، أحتسب على الله أن يكفِّر السنة التي قبله" وبنصوم يوم قبله "تاسوعاء" لمخالفه اليهود وعن أبي هريرة ﷺ قال: أوصاني خليلي بثلاث لا أدعهن حتى أموت: صوم ثلاثة أيام من كل شهر، وصلاة الضحى، ونوم على وتر. يتعاظم أجر الصيام في شدة الحر فلا تعجزوا واحتسبوا واعلموا "لكل مشقه مثابه" إستعد، فإن لم تستطع فذڪر غيرك

لم يكن اختيار علم النفس أو الطب النفسي عند كثير ممن ساروا في هذا الطريق مجرد قرار مهني عابر، ولا مجرد رغبة في دراسة العقل والسلوك. أحيانًا يكون خلف هذا الاختيار سؤال قديم لم يجد صاحبه إجابته بعد. ألم مرّ دون أن يجد لغة تصفه، تجربة تركت أثرًا عميقًا، لحظة جعلت الإنسان يتوقف أمام نفسه ويسأل: ماذا يحدث في الداخل؟ لماذا نتألم؟ لماذا نكرر ما يؤذينا؟ وكيف يمكن لجرح غير مرئي أن يغير حياة كاملة؟ وكأن النفس، قبل أن تختار لنا الطريق، تكون قد تركت في داخلنا بذرة السؤال. فنحن لا نذهب دائمًا إلى الأماكن لكي ندرس فيها فحسب، أحيانًا نذهب إلى الأماكن التي كانت تبحث عنا منذ زمن، وكأن مهنتنا تختارنا قبل أن نختارها. ولهذا فإن رحلة المعالج النفسي ليست رحلة معرفة فقط، بل رحلة مواجهة. فالمعالج لا يدخل غرفة العلاج بأدواته العلمية وحدها، بل يدخل بإنسانيته كاملة، بذاكرته، بخبراته، بالأشياء التي فقدها، وباللحظات التي أعادت تشكيل نظرته للإنسان والحياة. لأن من يجلس أمام ألم الآخرين لا يلتقي بأعراض فقط، بل يلتقي بقصة إنسان. ويونج كان يرى أن الوصول إلى الذات الحقيقية يمر عبر مواجهة الأجزاء التي نحاول إنكارها، عبر النظر إلى الظل الداخلي، لا باعتباره عيبًا يجب التخلص منه، بل جزءًا يحتاج إلى الفهم والاحتواء. وربما لهذا يكون أكثر المعالجين قدرة على ملامسة أعماق الآخرين هم أولئك الذين امتلكوا الشجاعة للنظر إلى أعماقهم هم. فالإنسان لا يستطيع أن يرافق أحدًا في رحلة العودة إلى نفسه، وهو ما زال يهرب من ذاته. ولا يحتاج المعالج إلى أن يكون إنسانًا بلا جروح، لأن الجرح الذي يفُهم يتحول إلى معرفة، والألم الذي تم احتواؤه يصبح لغة يُفهم بها آلام الآخرين. ربما لا تكون رحلة المعالج بحثًا عن الكمال، بل بحثًا عن التكامل. أن يجمع الإنسان الأجزاء التي تفرقت داخله، أن ينظر إلى ماضيه بعين أكثر رحمة، وأن يحوّل ما كان يومًا مصدر ألم إلى مساحة أوسع لفهم الإنسان. وقد لا يكون أعظم ما يقدمه المعالج للآخرين هو أنه يعرف الطريق، بل أنه سار فيه يومًا، عرف وحشته، شعر بثقله، ثم عاد منه وهو يحمل مصباحًا صغيرًا يستطيع أن يضيء به الطريق لغيره. لأن بعض الناس لا يصبحون معالجين لأنهم امتلكوا كل الإجابات، بل لأنهم عرفوا معنى أن يحمل الإنسان سؤالًا عميقًا في داخله، وأن يجد أخيرًا شخصًا لا يستعجل الإجابة، ولا يخاف من الصمت، بل يجلس معه في المساحة التي وُلد فيها الألم، حتى يبدأ المعنى في الظهور. وأحيانًا لا يكون الشفاء في أن نجد من يخبرنا إلى أين نذهب، بل في أن نجد من يرافقنا الطريق ونحن نكتشف إلى اين نذهب.

عاوز تفهم الكلام ده بشكل عملي؟ في الجانب الرياضي وكرة القدم مثلاً عندنا نموذج جيد ممكن نطبّق عليه الكلام ده، وهو « كابتن أبو تريكة » أحياناً لما بشوف خصوم الراجل ده وطريقة كلامهم عنه، بقول إنه محتاج يعمل احتفال يوميًا إن الناس دي من خصومه وأعدائه. عم الناس والله 💙