Casahimself

جميع منشورات تايلر عن اللعبة الداخلية أو الـ inner game مترجمة وكلها محذوفة من ١٠ سنوات وأكثر. علمك فيها عن استمرارية المحادثة، وكيف تنجح بأي مجال تدخله، وكيف تكون عادات جديدة، وسر التناغم في أي تفاعل، وأمور كثيرة. اللعبة الداخلية أوسع وأعمق من مجرد (نساء)، قراءة سعيدة ♥️

هذا الموضوع ماكان ودي اتكلم عليه ولكن كونه شائع وممكن يأثر على تفكير العيال، فوجب أتكلم عنه. آخر فترة فيه مشهور معين تعرض لنقد لاذع، أو تقدر تقول كنسلة، عشانه شارك رأيه تجاه مسألة وظيفة المرأة وراتبها وهل هو أحقية لها ولا للبيت ولا لكلاهما، ماراح أشارك رأيي في الموضوع، ولا هذي هي النقطة حقتي. هذا المشهور بعد ما جاه الهجوم ايش سوى؟ بدأ يبرر، أو يلمع فكرته عبر بحثه عن مؤيدين لها سواء رجال دين أو استضافات بودكاستات، وينزل انه منجرح وكلام البنات مأثر عليه نفسيًا، وهذي بكل بساطة أسهل وأسرع طريقة تفقد فيها احترام أي انثى تجاهك، من أطفر وحده لأغنى وحده؛ لأنك ببساطة خسرت أمام (الشيمنق تاكتيك) أو أساليب العار. ايش هي أساليب العار؟ باختصار أي أسلوب تشوف فيه انتقاص لشخصك، أو رجولتك، أو مبادئك وقيمك، أو محاولة ابتزازك بماضيك، عرقك، لونك، وزنك، دفاعًا من المُهاجم عن فكرة، أو أيدلوجية، أو جماعة معينة. هذي الأساليب لا يُرد عليها؛ لأنها غير قائمة على نقطة أصلًا ! بترد على ايش فيها وهي كلها هجوم مو طرح عقلاني؟ والأدهى والأمر محاولاته في استدراج (كائن عاطفي) لخوض (نقاش منطقي) معاه حول هذا الموضوع! لازم تستوعب أن تكتيكات العار بتواجهها أيًا كانت ايش افكارك أو آرائك أو إيمانك، لأننا كبشر مختلفين، ولو نرجع للتطور، المرأة بمثابة مرآة للرجل؛ وهذا الشيء حتى بتلاقيه في تنافس الحيوانات بينها وبين بعضها، عقله الباطن يبغاه يُرمق ك قيادي، عشان هذا يُفسر كدلالة نجاة تطورية، فبالتالي الانتخاب الطبيعي يميل لصالحه أو انه تتوفر له فرص تكاثر أعلى من باقي الذكور. ف كون المرأة دارية أنك ممكن تشوف قيمتك بعيونها، ف تحاول تنتقص من قيمتك، الموضوع أشبه بمراية مُتسخة وأنت ثوبك نظيف، ولكن يوم تطالعها راح تشعر أن ثوبك اللي فيه المشكلة. تكتيكات العار لا تُواجه، بل تتجاهلها تمامًا، ومتى قررت ترد؟ رد على اللي طرح موضوعه بمنطقية وحط نقاط معينة للنقاش، الباقي إذا ودك تهكم عليهم، ولكن لا تبرر، لا تتحسس، ولا تدور مؤيدين لفكرتك، كونك رجل فكافية جدًا انك تقول الشيء وتسل سيفك وتكون الجندي الوحيد بالحرب.

T.me/casanovahimself

اليوم موعد وصول كورس المقاطع المترجمة .. 🔥 أولًا مين هذول اللي بالمقاطع؟ الأول تايلر، وهو أحد طلاب ميستري ونايل ستراوس اللي أنا ترجمت كُتبهم، وباعترافهم: تايلر أكثر واحد كان نشط بالمجتمع، وأكثر واحد أخذ الأفكار وطبقها، وبعدها أنفصل عنهم وأسس شركة RSD أو real social dynamics الثاني جوليان بلانك، وهو أحد طلاب تايلر، تايلر شاف فيه النشاط والعمق والتجارب الميدانية الناجحة، فقرر أنه يضمه ك محاضر معاه بالشركة. ومن عام ٢٠١٠ لين ٢٠١٦ سجلوا مقاطع وأعطوا دورات، ماراح أبالغ ما تركوا شيء في ديناميكية العلاقات إلا وفصلوا فيه، بخبرتهم من مؤسسين القيم نفسهم (ميستري ونايل) أو من تجاربهم. لين أواخر عام ٢٠١٦ صارت عليهم حملة إعلامية وحذفوا كل مقاطعهم وكورساتهم، ولو تدور حاليا ماراح تلقى أي موقع يبيع عليك، ولكن مين اللي كان حافظها وسافر وقابلهم شخصيًا؟ الأخ اللي قاعد يكلمك. كل مقاطعهم المحذوفة منذ ١٠ سنة باقية عندي، سواء كانت كورسات مدفوعة او قناتهم باليوتيوب اللي قفلوها، وماراح أبالغ عددهم بالآلاف. بديت أترجمهم آخر سنتين، لين أسست الكورس اللي قدامك حاليًا، مُكوَّن من ٦٠ فيديو: كورس تايلر كامل: ٣٤ مقطع كورس جوليان كامل: ٢١ مقطع كورس تود للتكست قيم: ٥ مقاطع إجمالي المدة أكثر من ٤٥ ساعة، وكلها مترجمة بشكل يدوي احترافي، من شخص حضر لهم وفاهم ايش قاعد يقولون بالضبط. ميزة المقاطع أنها حديثة نوعا ما، لذلك بتفيدك أيًا كان هدف علاقتك سواء أونلاين أو بالواقع، وتأسس عقليتك بأنها تكون نخبة ولعبتك تكون مصقولة بإتقان تام، وميزتهم يربطون اللعبة بشخصيتك عشان تقدر تستفيد منها بعلاقاتك، وكل جوانب حياتك بشكل عام، بعض المقاطع تكلمت عن علم النفس والبزنس والإطار الذكوري، هذا كورس متكامل ! القيمة الإجمالية لهذي الكورسات قبل الحذف (2,691$) ولكن ماراح أخليك تدفع هذا المبلغ. فيه باقتين: باقة الـ ٣٠ مقطع، وسعرها 99$ والباقة الكاملة: ٦٠ مقطع، وسعرها 129$ وأصحاب "الباقة الكاملة" راح يتم تزويدهم شهريًا بأربع مقاطع مترجمة جديدة، ومنشورات تايلر بالمنتديات، فأنت اليوم تشتري أصل متزايد القيمة حرفيًا ! وأيًا كانت باقتك، راح تدفع مرة واحدة بس، والمقاطع عندك للأبد. وعشان أكون صادق، المفروض سعرها أكثر من كذا كونها محذوفة، ومطلوبة بكثرة ومحد لاقيها، ومترجمة لأول مرة، لكن قررت أخليها بمتناول الجميع، مافيه تجربة ما سووها بالمقاطع ومافي موقف ما مر عليهم. أُجزم بأنك ماراح تعاني بأي علاقة من بعدهم سواء في كيف تتصرف أو ايش التفسير، وراح تلمس أعلى سقف رجولي ممكن توصله، ولا راح تحتاج بحياتك العاطفية أي شيء غيره. يمديك تتواصل معاي من هنا ..

7/31 مجهود سنتين بدقيقة، وبيكون بين يدكم

احد صاحي ؟

كيف تفتح المحادثات وسوالفك ما تخلص؟ حتى لو تجاربك محدودة او انطوائي نوعا ما. هذا مقطع لتايلر مترجم للعربية، تكلم فيه عن كيف تصير natural او طبيعي وما تحفظ جمل وتروح تقولها. وضَّح لك أن قيمة الكلام اللي تقوله تنبع من انك (انت) تشوف فيه قيمة، والغرض من المحادثة انها تبغى تعرف انك مثير للاهتمام، وكيف تعيش اللحظة بالمحادثة، كمان انك لا تحاول تخلي كلامك شاعري او منمق، واهم نقطة ما يهم كلامك المهم كيف تقوله. مقطع ثري جدًا، بيفيدكم

هذي ترجمتي لأول فصلين من كتاب (الرجل العقلاني) لرولو توماسي. ترجمت الكتاب كامل وخليته عندي، وماراح أبيعه، ولكن اللي بيفيدك في موضوع القلق التنافسي والأمان هو أول فصلين فقط، إذا ودك تتعمق أكثر انصح بقراءتهم.

تكررت عليّ الاسئلة اللي تطالب بشرح الأمان والقلق التنافسي، وهما حجر الأساس لأي علاقة طويلة أمد تظل فيها المرأة مهتمة فيك، وتظل عندك اليد العليا. اول شيء بشرحه، ايش هو القلق التنافسي؟ أي علاقة تحتوي على إطارين، إطار الرجل وإطار المرأة، المرأة عشان تجذبك وتضمن وجودك في إطارها راح تحاول تسحبك لالتزام جنسي معاها، أو بتحاول تكون حصرية بحياتك، هذا المستوى الفطري أو البدائي من الرغبة؛ لأنه من جانب تطوري هي تحاول تربطك بعرف اجتماعي بها، وبتحاول تمرر نسلك ف ينصب أغلب استثمارك عليها وعلى عيالها. كل تصرفات المرأة ملونة بقلق المنافسة، المكياج، الملابس، علاقاتها السابقة، افكارها، مقارنة الخيارات المحتملة، كلها تتمخض من الرغبة التنافسية وحاجتها للأمان مع أعلى رجل يمديها تحصل عليه حاليًا. طيب كيف الرغبة الحقيقية تختفي من عند المرأة، ايش الشيء اللي خلاها تنتقل من مهووسة فيك إلى كائن لا يأبه لأمرك مطلقًا؟ الاجابة هي أنه اختفى القلق التنافسي والتوتر الجنسي من علاقتك، طيب كيف يختفي؟ بسبب تفاوض الرجال. الرجل كائن منطقي بحت، يوم يشوف فتور في العلاقة طويلة الأمد، بيحاول يضع الأمور على الطاولة ويتفاوض مع المرأة حول قلة اهتمامها، ويقدم لها "العروض" مقابل إرجاع نفس الامتيازات اللي كانت توفرها له بكل حب وفطرة ببداية علاقتهم. ما يزيد الطين بلَّة، أن هذا بيخليها تستاء منك أكثر؛ لأنها مع كل اللي راح تقدمه لها، مازالت غير راغبة فيك، فإيش راح تسوي هي عشان تريّح ضميرها؟ راح تبدأ تحول "الرغبة" إلى "التزام"، راح تتحول علاقتكم من كيمستري وتناغم إلى مجرد وظيفة روتينية بالنسبة لها. طيب كازا ايش علاقة هذا بالقلق التنافسي؟ العلاقة طويلة الأمد غالبا يكشف فيها الرجل كافة أوراقه وطموحاته وماضيه وحياته للمرأة، وهذا يحرق عليها ورقة (الخيال)، مافي بنت تبغى تعرف كل شيء عن حياتك، هي تبغى تظن انها "اكتشفته بحدسها الأنثوي". مافي بنت تبغى تكون مرتاحة بشكل دائم في علاقتها، لازم دايمًا خيالها يكون مُحفَز ومُثار لدرجة أنها تحاول تخليك تلتزم معاها كما ذكرت ببداية الرسالة. القلق التنافسي اللي دفعها للهوس فيك ومحاولة إسقاطك في شباكها، انت ترميه بأقرب سلّة مهملات يوم تكشف كل أوراقك في علاقتك طويلة الأمد معاها؛ لأنك تثبت لها أنها "حصرية"، والاهم من ذلك تحكم على خيالها الأنثوي تجاهك بالإعدام. طيب كيف تعيد سيطرتك على خيالها؟ ١ - غير الفريم أو الإطار أو العدسة اللي هي تشوفك من خلالها، إذا ماكنت تروح النادي ابدأ تمرن، إذا موظف اشتغل على مشاريع مختلفة بحياتك، إذا عندك هواية معينة طور نفسك فيها أكثر، سوي أي شيء يضيف "تعريف إضافي" لك في مخيلتها، واذا رجع الخيال، رجع معاه القلق التنافسي. ٢ - لا تصرح بحصرية علاقتك معاها، لا تصارحها بالنساء اللي بحياتك، خليها هي اللي تظن ذلك من خلال سلوكياتك واسلوبك، لا تصير متاح بزيادة، بل بالقدر الكافي للحفاظ على اهتمامها.

دام أن أغلبكم علاقاته إلكترونية، أو لفترة تتحول وتصير إلكترونية، هذا مقطع مترجم من كورس فنان الاغواء تود يتكلم فيه عن التكست قيم وكيف تطبق اللعبة في المحادثة. تكلم عن الهدف من المحادثة، وعقلية الوفرة، وكيف تتحكم باستعجالك، والاستحقاق، كيف ما تكون نيدي، كيف ترد على رسايلها، واهم نقطة الرصيد الاجتماعي. المقطع على دسامته، ولكنه مجرد "اساسيات" أو مقطع تمهيدي لبقية مقاطعه المبنية على هذي الافكار، وكلها تُرجِمَت، ولكن كل شيء بوقته حلو …

جوليان مترجم - الافتتاحيات ببساطة، المرأة ما تركز على الانطباعات الاولية، او الاشارات البصرية، بل على الاشارات السلوكية

جاني هذا السؤال بقروب مشترين كتاب ميستري ميثود، وهو ثاني أكثر سؤال تكرر عليّ من دخلت هذا المجال. ليه احيانا يجيك وقت وتفقد الشغف بالقيم؟ وما يصير لك خلق تتعامل او تتكلم مع احد؟ ببساطة، انت غالبا حاليا مضغوط، أو تفكر بشيء يهمك بخصوص الحاضر او المستقبل، أو تمر بمشكلة معينة، أو تفكيرك مشتت بين أمور كثيرة. غالبا الرجل يوم يمر بأحد المذكورين أعلاه، ينطوي وينعزل ويرجع كهفه بشكل لا واعي، ف جزء من انعزاله يتمثل بدون وعي ك انعزال عن النساء أو فقدان رغبة في التواصل العميق معاهم نفس اول؛ هذا سلوك تطوري عشان يحتم عليك عدم التشتيت وانك تحل مشكلتك وترجع للقوامة الفعالة مرة ثانية، لو ماكانت هذي الآلية موجودة ما استطاع الرجل انه يفكر بشكل جيد، وما استطاعت الأنثى انها تحترمه. تايلر وجوليان وغيرهم من فناني الاغواء ذكروا أسباب مختلفة مثل انه الدوبامين عندك صار صعب يرتفع بالعلاقات العادية، او انك كنت تاخذ العلاقات ك تحدي وتشوف انك انتصرت فيه، ولكن أنا أُرجح إجابتي فوق. ايش اللي عليك تسويه؟ أعط نفسك فترة نقاهة وابدأ حل مشكلاتك أو حاول تشوف ايش مشتتك وصلحه، وتذكر أن الموضوع مؤقت ريثما ينصلح وضعك، وتأقلم بأن هذي الحالة راح تجيك كثير دامك رجل.

Hi فضوا مساحة جوالاتكم♥️

سؤال جميل، ولكن خلينا نصيغه بلغة أعمق، كيف تتخطى أي شخص أو أي موقف؟ وليه التخطي مرتبط باللي يسمونه (القلو أب) ؟ خلينا نبدأ بكيف تتخطى، ابغاك تتخيل أن حياتك عبارة عن سُلَّم، وانت في الدرجة الأولى منه، ومثل ما السُلَّم درجاته تكون من السيراميك أو الخشب أو ايا كان فكوني من شغل المقاولات، ف ابغاك تتخيل برضو أن سلم حياتك مكون من هذي المسارات: (مسار اجتماعي، مادي، جسدي، ثقافي). ف يوم يصير لك موقف مُضني، أو انفصال، أو حدث محرج أو غير أثير على النفس، الزعل والكمد اللي يصيبك في الأساس يجيك لأنك في (نفس المسار الحالي) أو خلينا نقول انك في نفس السُلّمة ما تحركت. وعشان يمديك تتخطى لازم تنتقل للسلمة اللي بعدها، بمعنى ترفع من مستوى ثقافتك، مستواك المادي، والجسدي والاجتماعي. يوم تسوي هذا الشيء، الموقف أو الانفصال أو ايًا كان اللي تبي تتخطاه يظل مُقيد في السلمة الأولى، يظل رهينة المكان اللي صار فيه بس، ف يوم ترفع من كل جوانب حياتك راح ترتقي على السلم، وبالتالي مع الوقت وبلوغك لسلمة أعلى منه، وقتها بتشوف الموقف تافه وغير مؤثر فيك، هذا إذا شفته أصلا، هذا إذا باقي السُلمات ما حجبته عنك بمعنى أدق. لذلك يُقال المرأة تندم إذا ما لقت افضل منك = صارت سُلمتها أحط درجة من السابق. ويُقال روح النادي = ارفع نفسك على السلم عشان تتخطى. ويُقال بعد ما نجحت أشخاص من الماضي حاولوا يتقربون لي = ارتفعت درجتي فحبوا اني ارفعهم معاي. ويُقال يوم لقيت بنت احلى منها / ولد أعلى قيمة منه، قدرت أتخطاه = يوم ارتفعت على السلم نسيت الأحداث المؤلمة بحياتي أو ماصار لها تأثير. هذي أكثر طريقة فعالة في التخطي، سواء أشخاص أو مواقف سببها الأشخاص، ومثل ما شفتوا يوم نفكك كلام المجتمع بنلاقي الحل منطبق حرفيًا.

تُبلى الجبال وأنّها لكماهيه

على قد ما ضحكني هذا الكومنت، ولكنه خلق براسي سؤال.. هل ممكن تطبق القيم على وحده ومع ذلك ما يضبط وتنتهي علاقتكم، او ما تبدأ أصلا ؟ عشان أجاوبكم على هذا السؤال، فالموضوع معتمد على ثلاث عوامل: اولا ال phase او الفترة اللي تطبق فيها القيم، ثانيًا ايش هو المصطلح اللي تطبقه، ثالثا ايش القيمة اللي هي تشوفها فيك. النقطة الاولى والثانية بربطهم ببعض، إذا انت عند وحده اول مرة تكلمها وقاعد تجرب تعطيها نيق، او جملة تقلل ثقتها بنفسها، طبيعي انها ما تجيب اي نتيجة؛ لأنك مجرد جهة اتصال غريبة، رأيك ماله وزن أو أهمية، بخلاف لو تعرفها لمدة شهرين وبعدين قررت تنقد على لبسها، وقس على هذا المثال باقي المصطلحات. النقطة الثالثة ودي أتعمق فيها شوي. اكيد قد مريت بأن واحد من اخوياك يتغير، وانت تلاحظ تغيّره، وتروح تسأله وشفيك، مع انه فعليا ما قال انه مضايق او فيه شيء، ولكن (الفايب) او (الستيت) او (الفلو) كان مختلف، وهذا اللي اقصده. يوم تكون بعلاقة مع بنت لفترة وفجأة تقرر انك تصطبغ بالقيم، هنا كيميائية العلاقة تتغير، الفايب والستيت، وشفت كيف انت لاحظت خويك؟ الحريم عندهم هذي المقدرة ١٠ أضعاف، إذا لاحظت تغيّر خويك بأسبوع هم يلاحظون بدقيقتين. طيب ايش المشكلة؟ الموضوع مشكلة بس فقط في حالة ما كانت تشوف فيك قيمة، او جايها (شك الارتباط الفوقي)، او تحس انها تقدر تلاقي الافضل منك، هنا ممكن ما تتوائم مع تغيّرك المفاجئ وتنفصل عنك. وماراح يكون مشكلة في حالة كانت تشوف فيك قيمة؛ لأن تصرفاتك ما تنافي قيمتك او تقلل منها، واصلا القيمة بحد ذاتها natural game وهذا اللي خلاها ترتبط فيك. طيب كيف اقدر ازرع القيم بعلاقتي مع وحده قديمة عندي؟ بدون ما أخاطر بأنها تشوف فيني قيمة ولا لا؟ غيّر سلوكك مو شخصيتك، بمعنى؟ إذا كنت تمدح كثير؟ قلل مدح، ولكن لا تعطيها نيق قاسي إذا كنت تغار بزيادة؟ خلك بارد، ولكن لا تسوي بري سيلكشن قاسي. إذا كنت مهووس فيها؟ انشغل عنها، ولكن لا تبين انك مستغني بزيادة. وابدأ فعليا انشغل بحياتك، سواء بمشاريع او تاسكات او غيره. لاحظ انك قاعد تغير سلوكياتك، مو شخصيتك او تفاعلك معاها. ولازم تستوعب، ان القيم هدفه انك تطيحها بشباكك، فكون انها اوريدي طاحت، فانت ما صرت تحتاجه، عشان تحافظ على علاقة طويلة أمد تحتاج تحسسها بالأمان، والقلق التنافسي، وهذي أشياء ما توصل لها بالقيم لحاله. ذكروني اشرحها لكم بعدين …

فيه عندي خبرين، واحد جيّد والثاني سيء. الخبر الكويس أن حسابي رجع، ولكن قفلته بنفسي لين ثغرة الانستا تتقفل. الخبر السيء، للحريم، أني ماراح أسامح أو أتهاون مع البلاغات الكيدية اللي جاتني. ومن اليوم موضوعي معاكم بيكون شخصي… شخصي بزيادة…

هذا كل اللي تقدرون عليه ؟

جملة: خلك عفوي، أو خلك على طبيعتك هي أكثر جملة أنثوية اسمع العيال يقولونها ! طيب كازا ايش المشكلة بهذي العبارة؟ الحين اعلمك.. هل المرأة اللي حاطة بويه على وجهها طبيعية؟ هل اللي تسوي عمليات تجميل على طبيعتها؟ اللي تلبس كعب وتزيد طولها ولا تصبغ شعرها على طبيعتها؟ اللي مو قادرين يستوعبونه مرددين هذا الشعار - خلك على طبيعتك - أن الشخصية قابلة لإعادة التشكيل، شخصيتك في تغيُّر دائم، أنت اللي تحدد ما يعنيه أن تكون نفسك في أي لحظة، وفق ظروفك وبيئتك. هذي العبارة تخدم المرأة في الإطار الأول؛ لأنها تبي اللي يقبلها - على طبيعتها - يوم تجاعيد وجهها تبدأ تبين، والسبب الثاني أنه يسهّل عليها اختيار وتنقيح الرجال؛ لأنك يوم تكون على طبيعتك، تسهّل عليها انتخاب الرجال الأقوى دون أن يلتبس عليها الأمر. تقدر تقول خلك على طبيعتك هو عرف اجتماعي يخدم الانتقاء الجنسي لدى النساء. وللأسف يكررها العيال بشكل أرعن بسبب صعوبة وتكلفة تغيير واقعهم المرير اللي هم عليه، فينتظرون المرأة تقبلهم على طبيعتهم. مشكلة مرددي هذه الجملة الاعتقاد بأن التغيير زيف. الأمر يكون زيف في حالة كنت تعرف (هذا الشخص كان مين؟) سابقًا، أمّا إذا قابلت شخص واثق وجذاب من أول مرة، فماراح تدري هل هو طبيعي ولا مزيف.