Come Along With Me

شخصياً ما متابع اي مدون من الداخل لان الخطابات صايره دك عاطفة ودك لا منطقية , وشخصياً احظر اي شخص اشوف خطابه ما يتناسب مع المنطق , هل عندي امور سلبية ضدهم . اكيد لا , ولكن مستحيل اقرا الهم حرف .

بالدول الريعية المعتمده على مصدر واحد للعيش وهذا المصدر تتحكم بيه الدولة ماكو اي فائدة لخطابات افرادها ( غالباً كم شخص عنده كم فكرة مختلفة عن الشائع) بكل الدول اللي تشبه وضع هذا البلد ما تغير الوضع الا بفضل شخصية من داخل المنظومة , من داخل المؤسسة , شخص استغل…

بالفترة الاخيرة هواي اشخاص معروفين بالافكار المنطقية والموضوعية تحولوا فجأة للخطاب الدارج وهو خطاب عاطفي بعيد كل البعد عن المنطق واي هاوي بالتاريخ والسياسة يكدر يميز طرحهم الطفولي والغبي مرات . اما بعد , شنو اللي يدفع الشخص المنطقي والموضوعي بان يطفي عقله…

بالفترة الاخيرة هواي اشخاص معروفين بالافكار المنطقية والموضوعية تحولوا فجأة للخطاب الدارج وهو خطاب عاطفي بعيد كل البعد عن المنطق واي هاوي بالتاريخ والسياسة يكدر يميز طرحهم الطفولي والغبي مرات . اما بعد , شنو اللي يدفع الشخص المنطقي والموضوعي بان يطفي عقله ويبدي ينشر مثل ما الاغلبية تحب تقرا وتسمع ؟ اعتقد الجواب بيه عدة نقاط واولها هو كل شخص منطقي وموضوعي اضطر يعيش بمكان وما كدر يخرج منه وشاف محد يوكف وياه بمحنته فاكثر انتقام يسويه هو يحرك المجتمع فوك ساكنيه وماكو انتقام اكثر قسوة من تكرار ما يؤدي الى هدم وتحطيم المجتمع , الخطابات المنتشرة اللي تكون مبنية على الكراهية والغباء المفرط هي خطابات تسرع الانفجار الاعظم وهذوله الاشخاص عرفوا بان بما ماكو امل وماكو شخص وكف وياهم فتسريع الانفجار هو الحل اللي يرضيهم . وبعضهم ممكن باع قلمه وهو ذكاء اشوفه , ماكو اي مشاعر سلبية ضد اي شخص يبيع قلمه خاصة اذا الجمهور راح يصفك اله وهو يكسب فلوس حلوة , ولكن نتمنى بان قلمه يكون مثل سعر اقلام مدونين دول الخليج ومو تفاليس وما تسوه .

يعني الضرب والخوف والصوت العالي مال ناس كسولة وغبية غالباً، اكو طرق حديثة تكدر تأدب اي طفل دون حتى ترفع صوتك حتى ولكن ويامن تحجي !

حسب خبرتي بالتحكم بالاطفال فاكو مبدأين لازم تطبقهم وتسويها ضدهم اول مبدأ طلعه لأماكن يحبها، جيب اله اشياء وخليه يحبها وانوب تحكم بيه من خلال حرمانه لهاي الاشياء، بالإضافة طبق عليه مبدأ اتبع كلامي لو تفقد دلالي الك (طبعا انت شخص بالغ عندك الوصول لكل شيء الطفل…

يشمرون الاشياء وهو اذا شمر شيء فاني اخذ شيء يحبه واشمره بعيد

حسب خبرتي بالتحكم بالاطفال فاكو مبدأين لازم تطبقهم وتسويها ضدهم اول مبدأ طلعه لأماكن يحبها، جيب اله اشياء وخليه يحبها وانوب تحكم بيه من خلال حرمانه لهاي الاشياء، بالإضافة طبق عليه مبدأ اتبع كلامي لو تفقد دلالي الك (طبعا انت شخص بالغ عندك الوصول لكل شيء الطفل يحلم بيه فهو يحتاجك دائماً) تكدر تستغل هاي الامر حتى تعلمه على النظافة والاكل وتفريش الاسنان ويكون طفل جيد. ثاني مبدأ هذا استخدمه ضد الوحوش الصغار من يشمرون الاشياء وهو اذا شمر شيء فاني اخذ شيء يحبه واشمره بعيد وكلما يجيبه اشمره وانطيه نظرة وحركات تخليه يعرف بان هو سوه فعل سيء هيج بعد ما يسترجي يشمر اي شغلة يمي لان ردة الفعل تكون قاسية ومبالغ بيها.

البارحة دا اسولف مع احد الاشخاص , الموضوع كان بالكامل يتمحور حول رخص الاجهزة الحالية , وكمية الالعاب الغير نهائي اللي كل جهاز يوفرها وبشكل مجاني , اي بمعنى تكدر تحصل جهاز العاب مثل بلي 2 او بلي 3 او اجهزة نينتندو القديمة وباسعار ما تتجاوز ال50 الف او اكثر حسب شطارتك بالتفاوض . اتفقنا هاي الاجهزة توفر حماية للاطفال اكثر بمليون مرة من اعطاء الطفل ايباد او تابلت واسعارهن اقل شيء 100 الف , بالاضافة ربط الطفل بالنت واعطاء اله هاي الحرية هي حركة غبية كلش. بالصورة الفوك هو جهاز نينتندو وي وهو جهاز تفاعلي اي بمعنى يجبرك تحرك جسمك وايدك بالكامل حتى تحرك شخصيتك وهو جهاز عائلي يكدر اربع اشخاص يلعبون من خلاله , الجهاز يوفر اكثر من 1200 لعبة وكلهن مجاني لان الاجهزة المتوفرة اغلبها تم تهكيرها ,ويذكر العاب نينتندو هي اكثر العاب مناسبة للاطفال والعائلة وهي العاب ممتعة وتم تصميمها بطرق ذكية وممتعة ومستحيل شخص يكدر يملها وهماتين سهلة كلش .

https://www.youtube.com/watch?v=lDHuiypPNoo

واللي يفشر

المدخنجي ما يدخن هيج وحده من فراغ وانما الامر يبدي بتسلسل معين واول خطوة برحلة التدخين هو التعرض اله , وبعدها الجلوس مع مدخنين , وراها يجرب لأول مرة وبالنهاية يبدي يشق رحلته بهذا العالم والباكيت بجيبه . اما بعد اعتقد سيئين الاخلاق همه ناتج سلسلة مشابهة ,…

المدخنجي ما يدخن هيج وحده من فراغ وانما الامر يبدي بتسلسل معين واول خطوة برحلة التدخين هو التعرض اله , وبعدها الجلوس مع مدخنين , وراها يجرب لأول مرة وبالنهاية يبدي يشق رحلته بهذا العالم والباكيت بجيبه . اما بعد اعتقد سيئين الاخلاق همه ناتج سلسلة مشابهة , وايضاً اللي يعنف الاطفال , واللي يكتب تعليقات سيئة ضد الاخرين , كلهم يشتركون بسلسلة عملاقة يكاد ان يتشارك بها الجميع لخلق هاي النماذج , اكدر اضيف اللي يبني اراءه على العاطفة واللي ما يسمح للطرف الاخر بان يحجي العنده , كلهم ناتج سلاسل من التعنيف والضرب وعدم الاهتمام لكلامهم فهمه بالضرورة راح يصيرون هيج .

الاسباب مو اي شخص قادر على ان يبحث عنهن والغوص بالرحلة الشاقة اللي تحتاج خلك ووقت وايضاً شخص ما متعرض لهذا الكم الهائل من التجهيل اللي دا يتمارس بحقنا بشكل يومي ولسنوات طويلة . كلش سهل نقرأ شخص يهاجم جنس معين بالكامل وماعنده اي منطق وفكرة مجرد الهجوم , كذلك من نهاجم طائفة معينة بسبب سلوك معين , واكثر سهولة من نشمل فئات معينة بالمجتمع بصور نمطية ونبدي نروج الها بطريقة سهلة , والسهولة تصعد لأعلى مستوياتها من نحجي على طرف اخر نجهله بالكامل وما نعرف شدا يصير وشنو الاسباب والاحداث اللي خلقتنا هذا الشخص اللي يمارس هذا السلوك . البحث عن الاسباب والغوص وبناء وجهة نظر بالكامل مبنية عليهن هو سلوك مو اي شخص يكدر يسويه وممكن تعيش حياتك بالكامل وانت فاقد ان تكون موضوعي وباحث عن الاسباب اللي خلقتنا هذا السلوك, قد تصل الاجيال من بعدنا بعقود من السنين لهذا المستوى من البحث او لن يصل الها اي جيل .

الام كانت تعنفها لأي سبب

What My Bones Know بكتاب الكاتبة تذكر طفولتها القاسية اللي كانت بنت صغيرة تحب الحياة ولكن تورطت باهل مخابيل , الام كانت تعنفها لأي سبب , والاب كان ضعيف وهماتين يمارس بعض الخبال بين الحين والاخر , بعد انفصال الام والاب قررت بان تختار ابوها للسكن وياه وتركت…

What My Bones Know بكتاب الكاتبة تذكر طفولتها القاسية اللي كانت بنت صغيرة تحب الحياة ولكن تورطت باهل مخابيل , الام كانت تعنفها لأي سبب , والاب كان ضعيف وهماتين يمارس بعض الخبال بين الحين والاخر , بعد انفصال الام والاب قررت بان تختار ابوها للسكن وياه وتركت امها . ابوها بسبب حياته السابقة مع امها صار يلوم نفسه وشلون ضيع حياته وياها وشلون كانت تعامله معاملة سيء , كان شخص عصامي بنى نفسه بنفسه وهاجر لبلد اخر كل هذا سواه ولكن مجرد دخولها لحياته صار نسخة سيئة وكل احلامه طارت . بسبب اللوم اصبح يمارس نوع من انواع التعنيف وهو مو ضرب وانما كان يسوق بسيارته بطريقة جنونية ويحاول دائماً يسوي حادث وبنته وياه , هي تذكر كان يمارس نوع من انواع التعنيف المتمثل بان يخليها برهاب دائماً دون لمسها حتى . اما بعد , اللحظة اللي قررت تقف مع نفسها هي اللحظة اللي راحت لبوها وهددته , كالت اله اسمع , اذا بعد تسوي هذا الشيء فراح تندم واني مستعده اسوي بيك اشياء ما ممكن تتخيلها ابد , فابوها خاف وجر عدل بعدها .