Chaotic mind

اكو ناس ينزلون باترونات مجانية عالنت بيها اي شي ممكن تتخيلوه قميص او تنورة او بجامة و بس تنطبع بالبيت و تخيطون عليها دا انصدم بكمية الاشياء الي متوفرة النا و احنا مندري

تصفي العقل و تخليكم تفكرون و تركزون و تحاولون تصححون الاخطاء كلش كلش انصح تتعلمون مهارة جديدة... طبخ خياطة نجارة برمجة اي شي ممكن يطلعلكم بنتيجة او شي تستعملوه و تستفادون منه بحياتكم

بس صدك التدريب على مهارة جديدة يعالج ادمان الموبايل و السوشل ميديا

دا احاول اتعلم خياطة و اول تجربة سويت منديل طاولة و طرزته عدته ٣ مرات يلا دبرته xD

Learning a new skill is underrated

التعلم من خبير يكون اسرع بهواي و احسن من التعلم الذاتي حاولوا تلكون ناس خبراء تتعلمون منهم و اذا ملكيتوا و عالاكثر مراح تلكون بالعراق فصيروا انتو الخبراء

بس للامانة اكو ناس كللش كفوؤين و شطار بمجالهم و اذا لكيتوهم فلزگولهم و لا تعوفوهم بحالهم و لا دقيقة لان مراح تحصلون هيج ناس هواي فاستغلوهم ابشع استغلال و لا تاخذكم بهم لا رٱفة و لا رحمة

او تريد تعلم الجيل الجديد نظام عمل مرتب فتخلي القدماء يعلموهم و القدماء 80% منهم ممشين شغلهم من ورا خشمهم و ميعرفون شي و لا دارسين و لا مطلعين زين هذا الجيل الجديد شلون راح يتعلم

اكو فد حالة دا نصطدم بيها بحياتنا كلش هواي الي هي قلة الخبراء بالعراق شنو اقصد بالخبراء الخبير هو الشخص الي يعرف بشغلته كلش زين و مطلع على المعلومات و المصادر القديمة و الحديثة بمجاله، و يكون فاهم شغلته لدرجة انو تكدر تعتمد عليه تماما و تاخذ نصيحة منه بدون مترجع و تتاكد منها بالنت بخبرتك القليلة الي دا اواجهه هو انو محد خبير بمجاله تريد تشتري سلعة من شخص صارله ٣٠ سنة يشتغل بهالمجال تساله عليها يطلعلك غير موديل تكله هذا يختلف يكلك لا اني اعرف اكثر منك تشرحله الاختلاف يكلك اها شكرا عالمعلومة و انت مصارلك يومين تحاول تتعلم عليها و بس شايف كم فديو باليوتيوب يعني و الله مأساة تلكه طبيب علمي و مطلع على المصادر و شاطر كلش يجي طبيب لاخ يشوف بروتوكول العلاج مالته يفتي من يمه و يكول هذا غلط تكله يابه احدث المصادر تكول هذا احسن بروتوكول موجود حاليا يجاوبك يكلك لا هذا مو الشائع عدنا

احس اكو مهارات عفتها و مدا استخدمها من تخرجت من المدرسة لحد هسة و من دا اخيط عقلي بدا يشتغل بيها مرة لخ اخذ قياسات و اقدر و اتخيل و اتجاوز الاخطاء و اعيد اكثر من مرة اتمنى اتعلم و اعلم بنتي من تكبر

دا احاول اتعلم خياطة و اول تجربة سويت منديل طاولة و طرزته عدته ٣ مرات يلا دبرته xD

https://www.youtube.com/watch?v=RQYuyHNLPTQ

https://www.youtube.com/watch?v=RQYuyHNLPTQ

حاليا الدول ما عدها ميزانية و ما عدها حتى رواتب ، المي مالتنا وصخ الهوء مالتنا وصخ ، استاذي كلمن يجمع من منطقته و يصلحهوها بنفسهم، تعاونوا وية اهل المواكب ، نصبوا جوادر عازلة للشمس ب٩٠٪ على الدرابين حتى تبرد الشوارع من الشمس، اتواصلوا وية اهل المواكب و سووا حراك شعبي رتبوا ميكم اكلكم شربك ، الدولة سنين ما حلت مشكلة المي او الكهرباء كل شخص يحرك الناس حوله انه يتحركون و يسوون مشاريع شعبية لتحسين وضعهم ، حركوا انفسكم ولو خطوة و الناس تكمل وياكم ، طالبوا بحقكم بيدكم ، لان محد يسمع صوتكم

its been years and i cant seem to stop liking christian rock, best lyrics, best vocals and its always so spiritual..

Ifosfamide يسموه هالوكسان علاج كيمياوي سايتوتوكسك من عائلة ال cyclophosphomides ينطي iv اهم اعراضه الجانبية نزف بالمثانة و مشاكل بالكلى