سوالف منتظر

حاليا الدول ما عدها ميزانية و ما عدها حتى رواتب ، المي مالتنا وصخ الهوء مالتنا وصخ ، استاذي كلمن يجمع من منطقته و يصلحهوها بنفسهم، تعاونوا وية اهل المواكب ، نصبوا جوادر عازلة للشمس ب٩٠٪ على الدرابين حتى تبرد الشوارع من الشمس، اتواصلوا وية اهل المواكب و سووا حراك شعبي رتبوا ميكم اكلكم شربك ، الدولة سنين ما حلت مشكلة المي او الكهرباء كل شخص يحرك الناس حوله انه يتحركون و يسوون مشاريع شعبية لتحسين وضعهم ، حركوا انفسكم ولو خطوة و الناس تكمل وياكم ، طالبوا بحقكم بيدكم ، لان محد يسمع صوتكم

خلاصة الكلام اكل بالبيت احسلك و تاكد من غسل اليدين قبل الطبخ , و علم الاطفال يغسلون ايديهم و ياكلون , استعمل غسالة صحون اذا امكن لان تغلي المي قبل لا تغسل بيه و بصورة عامة غسالات الصحون احسن بتعقيم الصحون من الغسل اليدوي , حتى لو تشتري غسالة مال مواعين ماركة صينية مرتبة بحجم كبير لان اذا متامل الدولة تعقملك المي او تخلي رقابة شديدة على الاكل مال الشوارع و المطاعم او الثوابات الي تندز, فاكلك خليها على الله و ايس من الحكومة , الحكومة موفرة مراكز تعالجك اذا تنصاب بس ما تحميك من الاصابة عن طريق تصفية المياه و فرض رقابة على الاطعمة كافية بانه تضمن سلامة كل المطاعم احتمال مستقبلا يتغير الحال انا اتمنى ما يجي احد مصاب بالسرطان سواء طفل او شاب او شيخ , الوقاية خير من العلاج و خصوصا بالسرطان

https://t.me/chaoticmind9/5814 كلام توضيحي اكثر حول جرثومة المعدة نفسها و وضعها بالعراق

المرض الانتقالي الثاني الي اله علاقة بالسرطان هو السالمونيلا , مرض يتنقل عن طريق الطعام و الحيوانات و اكل الطعام بدون غسل اليدين , و هو من اكبر مسببات الاسهال و التهاب الامعاء , حاليا اكو رابط بين السالمونيلا و سرطان القولون الصاعد و المستعرض( non-typhoidal Salmonella ) و سرطان المرارة (Salmonella enterica serovar Typhi ) بالروابط الدراسات + شرح حول السالمونيلا غير التيفوئيدية و السالمونيلا التيفوئيدية و شلون كل وحدة ممكن تادي الى سرطانات مختلفة , و شلون كثرة الاصابة تزيد نسبة السرطان Repetitive exposure https://www.cell.com/cell-reports-medicine/fulltext/S2666-3791(22)00416-5 https://pmc.ncbi.nlm.nih.gov/articles/PMC6473780/#B5-diseases-07-00028

https://www.frontiersin.org/journals/medicine/articles/10.3389/fmed.2025.1504749/full دراسة بيها تفاصيل اكثر حول شلون جرثومة المعدة تتحول الى سرطان فدير بالك منين تاكل و منين تشرب و احمي نفسك

هل السرطان معدي ؟ نعم لكن نادرا جدا بالبشر , ممكن اكثر بالحيوانات انه يكون معدي Clonally transmissible cancer لكن اسباب السرطان ممكن جدا تكون معدية او انتقالية, اشوف هل شي قليل من مرضى السرطان يعرفوه او عندهم اطلاع عليه , و على الاغلب المجتمع يجهله سرطانات المعدة قسم منها الها مسبب معروف و هو جرثومة المعدة H,Pylori , جرثومة المعدة بيها هواي فصائل لكن قسم منها يحتوي على جينات CagA and VacA , تصنع بروتينات مسرطنة جدا , و هو من اقوى مسببات سرطانات المعدة , خصوصا بالعراق بيه كلش هواي نسبة اصابة بجرثومة المعدة ( ما عدنا نظام تصفية مياه و تعقيم مياه الانهار بجودة عالمية ) , جرثومة المعدة تنتقل بهواي طرق منها الخواشيك و الملاعق مال شخص مصاب او من خلال التقبيل , او عدم غسل اليدين , فمن الممكن انه مسبب سرطان المعدة ينقل الك من الشخص المصاب , اكو علاج لجرثومة المعدة فممكن يخلصك من معاناة كبيرة و الله يحرسكم من سرطان المعدة

صعود مؤشر RLI ( مؤشر العمل عن بعد ) الي يفحص قدرة الذكاء الصناعي على القيام باعمال من بعد ( بقيم ٢٠٠ دولار للمهمة )

حاليا امتحانات و مشغول بيها لكن حبيت اتطرق لشغلة معينة , بين ما انا اكمل دراسات يمكن بس جزء صغير منا يكدر يلقي شغل , سابقا اكو مواقع مثل fiverr و خمسات تطي 5 دولارات و يسويلك شغلة بسيطة , تقريبا هاي الامور كلها ماتت لان الذكاء الصناعي يقدر يسوي جزء جبير من الامور البسيطة الي قيمتها 5 دولارات , مثلا يكتب مقالة حول شي او يصحح املاء لرواية او يسوي تعديلات على صور الخ , بقت بس الاعمال الصعبة الي تسوة 200 دولار فما فوق هية الرائدة لان اغلبها صعب على الذكاء الصناعي حاليا , المشكلة الذكاء الصناعي كاعد يصعد بقدراته و حاليا جاي يصعد بسرعة

الذئاب والخراف كانت جماعة من الذئاب تترصد مرعى الخراف، لكن الكلاب كانت تبقيها على مسافة بعيدة بإخلاص وإنصاف، فكانت الخراف ترعى في أمن وأمان، دون خوف أو وجل من العدوان. ثم إن الذئاب فكرت في حيلة ومكيدة، لتخدع بها تلك النفوس البليدة. فقالت: "علامَ هذا العداء المستمر بيننا والخصام؟ لولا تلك الكلاب التي تثير الفتن والخصام، لكنا عشنا معًا في ود وسلام. اطردوها عنكم وسترون، كيف نصبح أصدقاء مخلصين وفي عهدكم باقون". فانطلقت الحيلة على الخراف واغترت بالمقال، وأقنعت الكلاب بالرحيل في الحال. وفي مساء ذلك اليوم القريب، نالت الذئاب أشهى مأدبة من اللحم الرطيب. العبرة: لا تترك الصديق الوفي، لتكسب العدو الخفي. هاي قصة قديمة عمرها اكثر من الفين و خمس مئة سنة https://read.gov/aesop/144.html

If you are already married or got a loved one I suggest this game https://store.steampowered.com/app/1286580/Ship_of_Fools/ Its fun , super not serious Wife approved 🌻🍀

بالمناسبة اكيد اكو فروقات لان مو كل الدول سن الزواج بيها يتاخر ، لكن بالدول الي سن الزواج جاي يصير متاخر اكثر و اكثر كاعد تطلع هاي الاحصائيات يعني دول الي بيها الزواج مريح و اسهل من البقية و بيها اجازة امومة ٣ سنوات و الناس تزوج و تسكت ماكو صعبوات = مثل رومانيا ، يعني حرفيا تزوج و تعيش و تشتري مزرعة و تسرح بالطليان ( و فوكاها عدك جواز يدخل كل اوربا و زيادة ) اكيد ما تطلع نفس المشاكل

نظرية التطور المشترك تقول انه الشخص بالعشرين بعده يكون صورته عن نفسه ، فإذا يتزوج بهل فترة صورته عن نفسه راح تشمل شريك حياته فيكبرون سوة و يكونون هويتهم سوة Coordinated development theory for example, would state that if individuals wait until they are out of the adolescent years and marry in their early twenties, they may still be malleable enough to have a coordinated development with their partner and develop a couple identity, but they are not so fluid in that identity that as individuals they are without substance.

النظريات السابقة كانت تكول الزواج المبكر خطا خصوصا تحت العشرين ، و كل ما يتقدم العمر كل ما الشخص يصير عنده خبرة بالحياة اكثر و يقرر احسن . هل فكرة طلعت خطا و صح ، صح انه الزواج المبكر تحت العشريانات بيه خطورة لكن تاخير الزواج بيه خطورة اكثر بعد الثلاثين لان الي يتاخر بعد الثلاثين مو بس يصير عده خبرة بالحياة اكثر ، الحياة تدمره اكثر و اتعبه اكثر

من غير هذا الي يتزوجون ببداية العشرينات تكون الهم حياة زوجية احسن و تفاهم اعلى ( حسب استبيان راي و الي هو مو اقوى دليل علمي بس يبقى دليل )

اكو غيرها دراسات لكن بصورة عامة ، بعد سنة ال٣٢ او وسط الثلاثين ، بصورة عامة يكون الشخص رتب حياته بنمط حياة معين و تعود عليه ، صعبة انه يتقبل شخص يجي يغير حياته عن نمطها ، اكو تفسيرات مختلفة همين من ضمنها انه الشخص الي تاخر بالزواج يكون عنده تجارب فاشلة و مشاكل اكثر من غيره ، او انه ما تزوجوا لان بيهم عيب او خلل يخلي المقابل ما يريدهم لهذا السبب يتطلقون لكن كل هذا ما شفت دليل يدعمه

فايل الدراسة اذا احد يحب يطلع

لكن خل نحجي شوية دراسات علمية على هل موضوع مشكلة الزواج المتاخر اكو مجتمعات مرت بيها قبلنا بسنين و هية المجتمعات الغربية خصوصا، فعندهم دراسات هواي بهل مجال و البحث ما زال مستمر حاليا من احسن الفرضيات تقول انه الزواج يتبع توزيع معين احصائي ، الي هو prior to age 32 or so, each additional year of age at marriage reduces the odds of divorce by 11 percent. However, after that the odds of divorce increase by 5 percent per year.” الزواج قبل سن ال٣٢ من الايجابايات ، و كل سنة بعد ال٣٢ يتاخر بيها الشخص كل ما نسبة الانفصال تكون اعلى . يعني اكو ادعاء علمي انه اكو فترة تكون احسن شي للعلاقات الزوجية ( الدراسات اخذت بس الزواج الاول ) الي هية من العشرينات لحد ال٣٢ بعدها نسب الطلاق تزداد نفس الشي الزواج دون سن العشرين بيه نسبة طلاق اعلى من الي يتزوجون بالعشرين