Dara Kim Sharing

ជិតដល់ថ្ងៃជួប និងសំនេះសំណាល ផ្ទាល់ជាមួយបងប្អូនទាំងអស់គ្នា។ វាជាឱកាសដែលយើងអាចពិភាក្សានិងរៀនសូត្រពីគ្នា។

គិត យល់ ធ្វើ

សង្ឃឹមថាមាននិស្ស័យបានជួបបងប្អូនដោយផ្ទាល់ និយាយពិភាក្សាគ្នាដោយផ្ទាល់។

មានសមត្ថភាពរកលុយ មានតម្លៃជាងចំនួនលុយដែលមាន។ សមត្ថភាពរកលុយប្រៀបដូចជាអណ្តូងរ៉ែដែលបូមមិនចេះអស់ លុយប្រៀបដូចជារ៉ែដែលបូមចេញពីអណ្តូង ហេតុនេះ បើមានលុយពេលនេះ តែមិនមានសមត្ថភាពរកឬគ្រប់គ្រង មិនយូរទេលុយនឹងរលាយអស់។ នៅក្មេងផ្តោតលើការរៀសូត្រ ពង្រឹងសមត្ថភាព ទោះពេលនេះមានលុយក៏ដោយអត់លុយក៏ដោយ។

បង្វឹកខ្លួនឯងឲ្យក្លាយជាមនុស្សមានប្រយោជន៍ មិនមែនជាមនុស្សដែលគិតតែប្រយោជន៍នោះទេ។ មនុស្សមានប្រយោជន៍គឺជាមនុស្សដែលមានតម្លៃ មនុស្សដែលផ្តល់ផលជាវិជ្ជមានគ្រប់មនុស្សដែលពាក់ព័ន្ធ។

បើអត់លុយ ត្រូវស្វែងរករៀនចំនេះជំនាញ ចេះរកលុយហើយ ត្រូវចេះដកសន្សំទុក ក្រោយសល់លុយខ្លះហើយ ត្រូវចេះវិនិយោគ គឺទិញទ្រព្យ ជៀសវាងទិញបំណុល ទ្រព្យជាអ្វីដែលយើងទិញហើយកើនតម្លៃ ឬជួយរកចំណូលឲ្យយើង បំណុលគឺអ្វីដែលយើងទិញហើយចុះតម្លៃ ឬត្រូវចាយលុយដើម្បីថែរក្សាវា ចង់ទិញអារម្មណ៍ គឺនៅពេលយើងមានលទ្ធភាពគ្រប់គ្រាន់ មានន័យថាទិញហើយមិនពិបាកចិត្ត ត្រូវចាំថា ពេលក្រ ធ្វើអ្វីក៏ពិបាកដែរ ពិសេសគឺពេលឈឺ។ ពេលក្រ ទៅខ្ចីលុយគេ គឺពិបាកណាស់។

រម្លឹកខ្លួនឯងជាមួយលទ្ធផល

ឆ្នាំថ្មីគួរសន្សំ ១. សុខភាព ២. លុយកាក់ ៣. សមត្ថភាពជំនាញ ៤. ទំនាក់ទំនងដែលមានគុណភាព ៥. ភាពទុកចិត្តបាន

គិតត្រូវយល់ត្រូវ