Kalom Nuri🫀

Shodlik tilama, umring davom etmas uzoq, Jamshid ila Kayqubod xoki bu tuproq. Ahvoliga bu jahonni(ng) boqsang, koʻrasan: Uyqu-yu xayol-u hiyladir boshdan oyoq...

Baxtim sira kulmaydi, ishim oʻnglanmas, Borgan sari gʻam koʻp-u, quvonch ozdir, bas. Ollohga shukur, qancha balo bor, mendan – Boshqa kishiga uni munosib koʻrmas.

Bir doiraga oʻxshar bu koʻhna jahon: Na boshi uning maʼlum-u, na soʻshti ayon. Hech kimsa ochib bergan emas bu sirni: Qaydan keladi odam-u, ketgusi qayon?!

Bizdan avval ham bu jahon bor boʻlgan, Inson shu falakning qoʻlida xor boʻlgan. Tuproqqa oyogʻingni avaylab bosgin, Bu tuproq bir zamon suluv yor boʻlgan.

МЎМИН БЎЛИШИМГА ҚЎЙМАЙСИЗЛАРМИ? Рўзасиз ўзимга бегона танам, Ибодат – юрагим аллалар онам, Ўзимни қийнасам сизларга не ғам? Аввал ўзингизга куймайсизларми, Мўмин бўлишимга қўймайсизларми? Расулим йўлида юрганим учун, Нафсимга тўсиқлар қурганим учун, Динимизни яхши кўрганим учун Сўз билан жонимни ўймайсизларми, Мўмин бўлишимга қўймайсизларми? Куфрни ушлашга тоқатингиз бор, Сизнинг ҳам бир куни соатингиз бор, Азобимдан олур роҳатингиз бор, Танамни эзғилаб тўймайсизларми, Мўмин бўлишимга қўймайсизларми? Оддий ибодатим кўзингиз ёшлар, Фужур диёрига силтаюр бошлар, Қизимнинг рўмоли кўзингиз ғашлар, Ҳар куни қовоқни уймайсизларми? Мўмин бўлишимга қўймайсизларми? Кўнглингингизга ҳадис юқмас начора, Ҳидоят бир куни йўқласа зора, Ўғлим “Ёсин” билар, сизчи бечора, Ўзингизни нимта сўймайсизларми, Мўмин бўлишимга қўймайсизларми? Бу дунё ҳамманинг китобин битар, Кимлардир бу йўлда индамай кетар, Сабрим косаси кенг – сизга ҳам етар Унга жаҳл сувин қуймайсизларми, Мўмин бўлишимга қўймайсизларми? Мен борман – ҳаловат сизга йўқ гўё, Мени туш атайсиз, ўзни-чи рўё, Ана олинг сизга лаънати дунё Уни яна баттар суймайсизларми? Мўмин бўлишимга қўймайсизларми? Барибир кўтармас сизларга қўлим, Бир куни ҳаммасин кўрсатар ўлим, Энди фарқи йўқдир аниқдир йўлим Мени девонага йўймайсизларми, Мўмин бўлишимга қўймайсизларми? Пес билан тунлари топишмай ҳадеб, Иймон эшигини қотишмай ҳадеб, Итнинг ҳаётига ёпишмай ҳадеб Менинг ҳолатимни туймайсизларми, Мўмин бўлишимга қўймайсизларми? Сўз тугарда айтгим сизга бир ўгит, Бир кун ҳосилини бергуси чигит, Мени тингланг, дўстим, қизми ё йигит Бир умр дилингиз қийнайсизларми, Мўмин бўлишимга қўймайсизларми?

Умрдан не кӯзладим Умрдан не кӯзладим, Сафари қисқа экан. Шошиб, етган манзилим, Сӯнгиси қабр экан. Бир бандаман гунохкор, Бирда яхши бир ёмон. Оллоҳ рахм қилмаса, Дардимга йӯқ дармон. Ҳаётим ӯзи китоб, Сахифаси бир олам. Рухим жондан чиққунча, Қалбимда тинмас нолам. Гох алданиб дунёга, Ишқида ёндим зор. Боримни айлаб фидо, Танда қолмади мадор. Қанча яшай десам ҳам, Ӯлим билан ахдим бор . Эй дунё бунчалар, Жонимга берма озор. Кӯйлагим оқ кафаним, Минар отим тобутим. Бу дунёда бор- йӯғи, Топган азиз бисотим. Умрдан не кӯзладим, Сафари қисқа экан. Бошланиш ӯйин- кулги, Тугаши мотам экан. ✍ Юсупова Зулфия Рӯзивой қизи. https://t.me/yusupova_zulfiya86

Бўйдоқман нетайин бўлиб дарбадар, Излайман топилар деб жуфти ҳалолим, Майлига ҳунукроқ бўлса ҳам баттар, Қория бўлса бас топган аёлим. Ҳоҳишим йўқ эрур Жулийтасига, Назар ҳам солмайман минг биттасига, Тўлин ой кирмасин ҳеч уясига, Қория бўлса бас топган аёлим, Қўлидан келмасин майли бирор иш, Майли қийшиқ бўлсин ўттиз икки туш, Ҳечкимга ўхшамасин мен қурган турмуш, Қория бўлса бас топган аёлим. Ҳар сўзи ояту ҳадислар айтсин, Фотима онамнинг  амали қайтсин, Дуойим Аллоҳга тез бориб етсин, Қория бўлса бас топган аёлим. Ҳалолу ҳаромдан этсалар ҳазар, Амолим фаришта тинмайин ёзар, Бир мендан бошқага солмасин назар, Қория бўлса бас топган аёлим. Узун сочларга етмас бардошим, Тирик Қуръон бўлсин э ёстиқдошим, Роббимни эслаб оқсин кўз ёшим, Қория бўлса бас топган аёлим. Улуғбек ҳолини абгор деб билинг, Девонароқ деб устимдан кулинг, Фақат илтимос бир дуо қилинг, Қория бўлса бас топган аёлим. Улуғбек Самарқандий.

Тасодифлар йўқ бу дунёда, Учрашмадик иккимиз бекор. Аллоҳимнинг режаларида Биз англамас буюк ҳикмат бор! Сен қайдаю, мен қайда эдик.? Гўё қуёш, гўё, ой айро Агар Аллоҳ хоҳламаганида, Бўлармидим қаршингда пайдо.? Дуч келмайди дарёга дарё, Қушлар сира кетмас тўқнашиб. Борлигингни билгандек гўё, Келармидим довонлар ошиб.? Чарчагандинг йўлларим кутиб, Муҳаббатнинг кўзлари ожиз. Мана энди бир лаҳза ўтиб, Гўё эски танишлардекмиз..! Сен қисматга ишонасанми.? Кўрганмисан мени қайдадир.. Билсанг буни мўъжиза эмас., Тақдир дерлар, азизим, тақдир..! @diniy_sherlar 🌙

Menga og'ir bo'lar – sen o'lsang... senga nima – o'lsam, o'lmasam. Menga og'ir bo'lar – yo'q bo'lsang… senga nima – bo'lsam, boʻlmasam. Menga og'ir bo'lar – yig'lasang, yohud yesang yurak-bag'ringni. Senga nima – jinni bo'lmasang, tashlab ketsam hatto shahringni. Menga og'ir bo'lardi – zorlab topolmasang biror ostona. Senga nima – tovonim qonab boshim olib ketsam – devona. Menga og'ir bo'lardi bir kun yuragingni teshsa bir yer qurt. Senga nima – u qurt men uchun butun umr yasasa tobut... Menga og'ir bo'lar – bu sochlar oyog'iga ilashsa uning... Senga nima – jim-jit og'ochlar joni boʻlib qolsa jismimning. Senga nima – shoiri dilxun ketsa butkul uzoq va uzoq. Menga esa kerakmas bir zum sendan keyin bir zum yashamoq... Asqar Mahkam

SABOQ Tun edi. Chiroyli sukunat edi, Osmon moviy edi, yulduzlar to‘la. Ichimda bir Ovoz nimadir dedi, Yurakka solindi tanish g‘ulg‘ula. Yaqin kelaverdi, ketsam-da yiroq, Negadir meni do‘st bilaverdi-lar. Qochishga rosa ham urindim, biroq Dardlar yopirilib kelaverdi-lar. Dardlar og‘ir bo‘ldi, mag‘rur ko‘ksimdan Hech zum bita olmas yara ochdilar. Rohatu sakinat to‘lgan ko‘zimdan Abadan uyquni olib qochdilar. So‘ngra oyog'imni siltab yuztuban, Sudray boshladilar haqiqat tomon. Xilqatga boshimni ko‘tarib tiyran Ketdim, ketaverdim, bu azob yomon... Dardlar qiziq ekan – qochib qutulsang, Oldingdan yangisi qarshi olarkan. Yurak dard ketidan dard kelaver-sa, Oxiri o‘rganib ham qolarkan... Xayrulla Hamidov

Kulganimga ishonmang dilda qayg'u bir talay Kulib kulib yengarman dardlarimni har qalay Kulganimga ishonmang g'amni aldab yuraman Garchi holim neligin o'zim yaxshi bilaman... Kulganimga ishonmang kuldim dunyo ishidan Tosh chiqadi boy bergan kambag'alning oshidan Kulganimga ishonmang alamlarga to'laman Xudo xohlagan kuni kulib turib õlaman Kulganimga ishonmang dilda alam bir talay Kulib kulib yengarman dardlarimni har qalay...

Лабларингдан аьри чақдими? Бунчаларам шишиб кетибсан. Ёки шуни узинга узинг. Афзал куриб раво этибсан. Эшитаман гапир ҳа лаббай. Бунинг номи дейсан ботикис. Шунчаларам ожизми онгинг. Дегим келди эсиза эсиз. Аллоҳ берган гулдай ҳуснингни. Не куйларга солдинга эй воҳ. Қабр қабул қиларми сени. Тавба қилдим Астағфируллох. Киприк, қош, куз ҳамаси соҳта. Узр сузим келса гар малол. Имкон булса ҳозироқ шартда. Миянгни ҳам алмаштириб ол Замон бу деб айтасан тулиб. Замонавий қизсан эҳтимол. Аслида уз устингдан кулиб. Йурибсанда бе ғам бемалол.. Қора қошинг битталаб йулиб. Соҳтасини чизиб олибсан. Тополмасдан туғри йулингни. Иблисга дуст булиб олибсан. Билмам жуда қотябди бошим. Оҳир замон аломатими. Шеьрларимга тукябман бугун. Юрагимнинг маломатини. Табийликдан қолмади асар. Ҳамма бир ҳил булиб қолябди. Кетаябмиз ботқоққа ботиб. Иймонимиз улиб қолябди. Опаларим сингилжонларим. Бу сузларим ҳаммага эмас. Купдир туғри Муслималарим. Лекин гуруч курмаксиз эмас. ✍МОҲИНУР ИЖОДИДАН @diniy_sherlar

Ё ҲУДОГА ИШОНЧИНГ ЙЎҚМИ? Савоб ишдан юрасан нари, Ўтар умринг ғафлатда бари, Умринг тугар қариган сари, Ё ўлимдан ҳабаринг йўқми ? Ўйла қанча яқининг ўтди? Қабр сони қанчалар ортди? Ҳудди шу ҳол сени кутяпти! Ё қабрнинг ҳайбати йўқми? Маҳшар куни барча тўпланар, Торозуда тортиб амаллар, Ҳисоб-китоб қилар малаклар, Ё малакдан танишинг борми? Бўлса ҳамки гуноҳинг тоғдай, Яшаяпсан тавба ҳам қилмай, Шодланасан  ҳури ғилмондай, Ё дўзахдан ҳавотир йўқми ? Яхшиларга саккиз жаннат бор, Ҳеч ким чиқмас кирса гар бир бор, Бўласанми сен ҳам умидвор? Ё жаннатга ҳоҳишинг йўқми ? Жаннатларга ҳоҳиш бўлмаса, Дўзахлардан қўрқиш бўлмаса, Ҳеч йўқ иймон бордир бўлмаса? Ё Ҳудога ишончинг йўқми? Лутфуллоҳ  Хўжаев @diniy_sherlar

Ishq🪶

Islomda beshta farz bor Uchinchisi bu rõza Bir yilada bõlar bir oy Ramazonga oz qoldi Qalbimizga tôlib quron Kôzlarimiz tôrt bôldi Alloh bizga bergan imkon Ramazonga oz qoldi Kelsa tezroq ul ramazon Iftor choği aytib azon Tunlar qilib hatmiquron Ramazonga oz qoldi Rôza tutib yosh-u qari Qadam tashlab jannat sari Saharlikka turing qani Ramazonga oz qoldi Tarovexlar boshlanadi Tunda kôzlar yoshlanadi Musulmonlar shodlanadi Ramazonga oz qoldi Ĝaflat bosmang dindoshim Birodarim, yelkadoshim Jigarlarim qondoshim Ramazonga oz qoldi🌙✨🕌 @diniy_sherlar

“Shartta tegib ketaman “ Hech qachon achchiq qilib yoki yoshim o’tyapti, odamlarning gap so’zlari, ota onamning qistovlaridan qutulib kim uchrasa shunga shart tegib ketaman deb niyat qilmang..... Yoki bo’lajak turmush o’rtog’ingizni faqat tashqi qiyofasi uchungina turmushga chiqmang❗ Nikoh bu siz ekranlarda ko’radigan “hind” filmi emas, albatta. Siz yillar davomida ota onangizni qanotlari ostida yashab, uni tark qilganda uchib boradigan qo’rg’oningiz siz kutganday, siz hayol surganday bo’lmasligi yoxud tarvuzingiz ikki qo’lingizdan dumalab tushmasligiga hech kim kafolat bermaydi! Shoshilmang! Nikohdan murod nima ekanligini anglang! -Robbimning rizosi Alloh taolo o’zining rizosini ayolning eriga bog’lab qo’ydi. Demak, turmush ostonasida turar ekansiz avvalo, Alloh taoloning rizosini ko’zlang! Turmushdan oldin avvalo Robbingiz bn munosabatingizni to’g’irlangki, u sizni boshqalar bilan munosabatingizga o’zi kafil bo’lsin. Holis o’zigagina tavvakkal qilgan holda (istihora) turmush ostonasiga qadam bosing! Ba’zan eshitamiz istihora o’qib turmushga chiqan edim hayotim o’xshamadi… siz istihora namozini qanday o’qigan edingiz? Robbingiz hukmiga rozi qalb bilan o’qidingizmi? Yoki nafsingiz hoxlagan qarorni olish uchun o’qidingizmi? Farq shunda! Qachon qalb Robbisini hukmiga, bersa ham bermasa ham, qalb taslmiyat bn rozi bo’lar ekan, biling albatta rozi qilinadi❗

Аломатлари. Қиёмат яқинга ўхшайди қаранг, Дунёга сачради аломатлари. Дажжолнинг сурати туғилди тажанг, Ер юзин босмоқда касафотлари. Меҳрнинг ўрнини пул талаб олди, Ҳеч қалбда қолмади садоқатлари. Иймоннинг таьсири бир четта қолди, Шайтоннинг макрида маҳоратлари. Зинонинг коридан тўйинди ҳамма, Ўрнини йўқотди надоматлари, Худодан-да қўрқмай қўйганлар камма, Юзаки бўлмоқда ибодатлари. Вақт қисқарди аммо кун ўтар тез-тез, Янги кун қаршилар карамотлари, Пайғамбар ўтдилар умматим дея, Қўшиққа айланди саловатлари. Очкўзлар кўпайди талашди дурга, Судхурга айланди тижоратлари. Тиллодан кошона қурдирган аммо, Йўқ эрур бир лаҳза ҳалавотлари. Улуғбек шеьрингни тугатгин энди, Сўз билан топилмас шафоатлари, Қиёмат яқинга ўҳшайди аттанг, Ҳар ёнда сезилар аломатлари. Улуғбек Самарқанд.

JONIM OTASHDA TUN-KUN Jonim otashda tun-kun, Yurakkinam to‘lmaydi. Bu qizni sevish mumkin, Lek uylanib bo‘lmaydi. Oyga boqmas, ayting, kim? Unga xushtor ko‘p bola. “Sen ham suydingmi?” “Suydim”... “Ko‘ppalami?” “Ko‘ppala”. Qayda?! Yolg‘on hammasi! Biz keldik, qani po‘sh-po‘sht! U qiz qizlarning asli, Faqatgina... ko‘ngli bo‘sh. Yuragi bormikin deb, Qo‘yniga qo‘l solganman. Bitta shapaloqni yeb, Bitta o‘pich olganman. Aylanib ketgan olam, Chirpiragan Ko‘kdala. “Yaxshi ko‘raman judayam”... “Ko‘ppalami?” “Ko‘ppala”... Chiroyli-da... Dil... Ana, Oy to‘lib kelayotir. Yuragimda jimgina O‘rmalaydi xavotir. Oy nur to‘karkan sim-sim, Bir sharpani ko‘rganman. Oyqizni... qo‘lim sinsin... Bir shapaloq urganman. Yuzin ushlab boqdi jim, Ko‘zidan quydi jala. “Qizg‘andingmi?” “Qizg‘andim!”, “Ko‘ppalami?” “Ko‘ppala”... Onam aytar: “Poyiga Gul to‘kaman deysanmi? Hoy bola, chiroyiga Non botirib yeysanmi? Tegirmon tepasida Falonchining qizi bor. Tagli-tugli, pazanda, Gap-so‘zida tuzi bor”... Jonim o‘rtanar tun-kun, Ona, ko‘nglim to‘lmaydi. Unga uylanish mumkin, Lekin sevib bo‘lmaydi. Iqbol Mirzo

Баҳром Рўзи Муҳаммад ФИКР ДОИРАСИДАГИ ФИКР 1 У бир фикр — урчиб кўпайса ўтмоғинг шарт бошнинг баҳридан. Бир сўзки у телба ва дайди на юракда, на тилда яшар. Эҳтимол дарахтдир, дарахт, суянсанг кўринади дўзах девори. 2 Бошинг қотиб қолса — очиқ осмонга оппоқ булут каби келмаса фикр — қақраган лабларга сўнгги томчидай мақол борлигига шукр қил, шукр. Даҳо бир дақиқа пинакка кетиб насиҳатдан чарчаган пайтда сени дуо каби асраб қолажак мақолни дуодек пичирлаб айтсанг. 3 Ҳордиғингни чиқармак учун ечдинг кийим-кечагингни сен, ҳам исмингни — кўзинг илннгач. Энди исминг кифоя қилмас сени уйғотмоққа... ҳар қандай туртки исм вазифасин ўтар бемалол. Тонгда туртар юмшоқ бир «салом». «Хайр» дераза пардасига ўхшар, «хайр» — деразага тортилган парда. 4 Хуллас, ўтиб кетди эски замонлар: кап-катта эркагу аёллар яланғоч юргувчи даврлар ўтди. Эсини таниган ҳар битта гўдак бурканиб олади жажжи либосга. Ҳатто қўғирчоқ, қўғирчоқ ҳам яланғоч эмас. Гап фикр ҳақда. Фикрни даврга мослаб кийинтиришни эсдан чиқарманг. @diniy_sherlar