دموع الأنين في رثاء الطاهرين 💔الشاعرة ليلى زغيب

#النبي_الاكرم جديد بمناسبة شهادة النبي الاكرم صلى الله عليه وآله قصيدة بعنوان (متعني جيتك) نخوه بحق وجاه نبي الرحمه محمد ابن عبدالله صلى الله عليه وآله انخاك نخوه يا النبي يا جد الحسين بحگ الضلع والمصاب وابمدمع العين اجيتك انه متعني وابگليبي حسره اقسم عليك ابضعتك فاطمه الزهره حاير اجيتك سيدي اهمل العبره من الهظم يابالقاسم دمعاتي صوبين ▪️〰▪️〰▪️〰▪️〰▪️〰▪️〰 اجيتك انتحب انه بتكسير الضلوع اقسم عليك بفاطمه وي سيل الدموع من الحزن يبو الزهره دلالي مفجوع بحگ الدمه والصواب وتسگيط الجنين ▪️〰▪️〰▪️〰▪️〰▪️〰▪️〰 انخاك نخوه يا ابو الزهره اجيتك واگف ابابك سيدي لهمي ارتجيتك لا تخليني بحيرتي بدمعي نخيتك بحگ الوصي وابطبرته وصواب الجبين ▪️〰▪️〰▪️〰▪️〰▪️〰▪️〰 اقسم اعليك ابكربله وابدمع الاطفال وبحسين مذبوح دمه يجري عالرمال بحگ السبايا سيدي الگيدوها بحبال وبالنادت بدمع اليهل ياابو السبطين ▪️〰▪️〰▪️〰▪️〰▪️〰▪️〰 يا أبو القاسم ادخيل بعباس الكفيل الظل على الغبره مرمي وادماه التسيل انتخي بدمعه سيدي اجيتك ادخيل اتوسلك يا بو الزهره ابمگطوع الايدين ▪️〰▪️〰▪️〰▪️〰▪️〰▪️〰 يا ابو الزهره اجيت ودمعاتي تشرح ما ظل صبر يا سيدي گلبي بالهم طفح اتوسل بطفل الذي بدم منحره سبح اتفرج الشده مولاي بمگطوع الوتين ▪️〰▪️〰▪️〰▪️〰▪️〰▪️〰 اتوسل بطفل حسين المحزوز نحره بسهم المنيه الطوگه اعله الماي حسره بينه المرض بينه الأسر والعيشه گشره نطلب الحاجه سيدي من مدمع العين ▪️〰▪️〰▪️〰▪️〰▪️〰▪️〰 باب الله انت سيدي الرحمه الوسيعه ما خاب كلمن اقسم اعليك بحق الشفيعه وبالعافت كافل خدرها فوگ الشريعه اتفرج الهم يا سيدي بمطبور الجبين تمت بعون الله تعالى خادمة الزهراء// ليلى زغيب دموع الأنين في رثاء الطاهرين 💔 الشاعرة ليلى زغيب https://t.me/Doumooalanin

#النبي_الاكرم جديد بمناسبة شهادة النبي الاعظم والرسول الأكرم سيد الكائنات محمد ابن عبدالله صلى الله عليه وآله وسلم قصيدة بعنوان( غابت شمس الاكوان) مات النبي وفاطمه تون وتنحب حزينه أظلم الكون بغيابك يا رسول الله ياولينه جلست بداره تنتحب راح الولي يكرار يتمني ويتم الحسنين وظلت خليه الدار بعد الابو يا علي من فاطم تاهت الأفكار راح النبي يبو الحسنين وطفى نور المدينه ▪️〰▪️〰▪️〰▪️〰▪️〰▪️〰 بهيده يا علي ولا تستعجل وتنزله بالگبر خل اشبع اوداع منه عگبه ضلعي ينكسر تدري عگب عينه يهجمون وابابي انعصر يا علي عگب النبي هاي الامه تغدر بينه ▪️〰▪️〰▪️〰▪️〰▪️〰▪️〰 فگد الابو يا علي نحل جسمي وعماني انهد ركنك الأول وانا الهم والحزن ولاني يعينك الله عالمصاب و ينهد ركنك الثاني يهجمون بيتي وينكسر ضلعي وخدي امورمينه ▪️〰▪️〰▪️〰▪️〰▪️〰▪️〰 لا تدفنه خلي حسن وحسين يشبعون وداع كلمن يلطم اعله الراس وغرگ بدمعته الگاع يتمهم رسول الله وانحنت من أولادنا الاضلاع ارحم بحالهم يا علي واخرها دفنة ولينه ▪️〰▪️〰▪️〰▪️〰▪️〰▪️〰 شوفة والدي اعله المغتسل تشعب الروح وانا ادري عگب غيبته اعلينه تلتم الجروح والدي وهادي الامه فگده يا علي هدم الصروح گلبي ينزف على مصابه وصوتي عالي ونينه ▪️〰▪️〰▪️〰▪️〰▪️〰▪️〰 آه يمصاب الولي غادرنا يحيدر وراح عگب عينه بس فاطمه تصفگ راح براح نزلت ملائكة السمه تساعد فاطمه بالنياح مهو الميت رسول الله ابوها ونور المدينه ▪️〰▪️〰▪️〰▪️〰▪️〰▪️〰 يعينك الله ياعلي تغسله وفاطم تصيح وانت بين حزنك اعليه وگلب فاطمتك جريح تغسله وتصب الدمع بعد گلبك ما يستريح انفتح باب المصاب واول سجله ضلع امصوبينه ▪️〰▪️〰▪️〰▪️〰▪️〰▪️〰 يا علي تدري برحليه فاطم البضعه يهظموها بوسط دارها يتعنوا ليها بحقدهم يضربوها نار وجزل عالباب وباب بيت النبوه يحرگوها وتظل حسره بگلب فاطم جنينها امعفرينه تمت بعون الله تعالى ✍🏻 خادمة الزهراء // ليلى زغيب https://t.me/Doumooalanin

#الاربعين جديد بمناسبة أربعين الإمام الحسين عليه السلام قصيدة بعنوان (رد ظعن الاسى) اجيتك للگبر يحسين بگلبي نار مستعره من درب السبي والاه اجر حسره بأثر حسره فك باب الگبر يحسين جيتك شايله الهموم كل درب السبي خويه شماته چان يالمظلوم ولو تنشد عن الاطفال أخبرك والگلب مالوم شكثر ماتوا يبن امي بدروب السبي المره ▪️〰▪️〰▪️〰▪️〰▪️〰▪️〰 يخويه حسين جيتك من السبي ارد اسولف وياك شننو الجرى وصار ابهالدرب من كفلتني بيتاماك حزام الصبر بيه اتحزمت يحسين ابمگابل اعداك ما كسرني حبل اليسر بس الشماته الوجت الجمره ▪️〰▪️〰▪️〰▪️〰▪️〰▪️〰 يحسين بهالدرب اليتامى كل ساعه طفل اليطيح چم طفل ادفنت بالغربه ودمعي سكته يسيح وراسك بعالي الرمح الچان يدلينا بهالكون الفسيح وگلبي مثل شيبك يگطر دمه ظل على الغبره ▪️〰▪️〰▪️〰▪️〰▪️〰▪️〰 اجلس يخويه رديت راسك للجسد يحسين بيه شكثر الآم لو تنشده يخبرك مدمع العين چان بعالي رمحه ويحرس خويه اليتامى والنساوين راسك شاهد اعله الصار والعلامه سنونه مكسره ▪️〰▪️〰▪️〰▪️〰▪️〰▪️〰 عذبني شكثر يحسين درب السبي وطبة الشام شسولف من دخلنا مجلس الطاغي وراسك الجدام تشفى العدو بينه ونكر نبوة الهادي بمجلسه العام وكل هذا الحقد للهادي الطاغي صبه على العتره ▪️〰▪️〰▪️〰▪️〰▪️〰▪️〰 العذب دليلي هواي موتة رقيه طفلتك عالراس من سمع صوتها الطاغي تصيح تريد الابو بحساس خلى راسك بالطشت جدامها وانگطعت منها الأنفاس راسك شبگته يحسين وسكنت أنفاسها والحسره تمت بعون الله تعالى ✍🏻 خادمة الزهراء // ليلى زغيب https://t.me/Doumooalanin

#الاربعين جديد بمناسبة أربعين الإمام الحسين عليه السلام قصيدة بعنوان ( عاد الظعن يحسين) ردود رجعت زينب من السبي تزور الحسين تگله يا علي السجاد دليني گبر الولي في وين ردت بعد أربعين نهار ذابحها الحنين لأخوها من يوم الحادي عشر سروا بالظعن بيها وخذوها وگفت بوادي كربله تصيح شلون وليه لاختك ولوها گوم يا راعي المحنه وشوف آثار الحبل بالايدين ▪️〰▪️〰▪️〰▪️〰▪️〰▪️〰 يحسين خويه اگعد جيتك والگلب مجروح درب السبي عذب دليلي وذابت يخويه الروح هذا راسك جبته انشده ويخبرك بالجرالي يالمذبوح يا صبر اختك شالته ويا دمه هلت من العين ▪️〰▪️〰▪️〰▪️〰▪️〰▪️〰 راسك شاهد وياي كل عذاباتي بدرب السبي من يوم طحت اعله الثره وشبت نارهم بالعبي خذوا ثارات وديون خويه من ابونا وجدنا النبي وبينه تشفى يزيد ووگفني وسط ديوانه اللعين ▪️〰▪️〰▪️〰▪️〰▪️〰▪️〰 يحسين فك باب الگبر خويه وضمني وياك الشافته عيني بدرب السبي عگب ما عالثره عفناك سياط زجر وخوله تهون الأصعب شماتة اعداك عفيه گلبي شلون يتحمل وما لفاني عاصف البين ▪️〰▪️〰▪️〰▪️〰▪️〰▪️〰 شرد أخبرك خويه مشيت وحادي الظعن چتال كل ساع ولن سوطه على امتون الايتام مال وانا تنظر عيوني حالهم اصد ومچتوفه بحبال وچم طفل خويه بدرب السبي سلهمت منه العين ▪️〰▪️〰▪️〰▪️〰▪️〰▪️〰 هذا حالي وخبرني عن حالك خويه يبن الزچيه هم طفت جمرة احشاك من لهيب الغاضريه وهم طابت ضلوعك الرضتها خيول الاعوجيه وهم سكن جرح الگلب من مثلث الميشوم يحسين ▪️〰▪️〰▪️〰▪️〰▪️〰▪️〰 وگامت زينب من گبر لگبر تحوم مثل الحمامه تصيح يل عفتكم نومه اعله الثره وتلطم الهامه رجعت ليكم بعد رحلة سبي وجبت وياي اليتامه ولو تنشدوني يعجز لساني شلاگيت من الملاعين تمت بعون الله تعالى ✍🏻 خادمة الزهراء // ليلى زغيب https://t.me/Doumooalanin

#نخوه_للإمام_الرضا جديد بمناسبة شهادة الإمام علي الرضا عليه السلام قصيدة نخوه بعنوان ( متعني جيتك) نخوه نخيتك سيدي ياابن الميامين بحق العزيزه فاطمه وبحق الحسين انخاك نخوه ياالرضا لا لا تردني اجيتك الليله الحزن والمرض هدني بحق اختك الطهرى عليك لا تخيبني اتوسل ابرضّ الضلع وبحمرة العين ▪️〰▪️〰▪️〰▪️〰▪️〰▪️〰 انخاك نخوه يا ابن حيدر علينه يمتى اشوفن هالمناره يا ولينه اتوسلك بالمجتبى واخته الحزينه لا تخلي گلبي بالحزن منشطر نصين ▪️〰▪️〰▪️〰▪️〰▪️〰▪️〰 ابحق البتوله انتخي  ونبتة المسمار وبسطرة العين اودماها التجري انهار بهمومي لا تخليني يا علي محتار اتوسل بكسر الضلع وتسقيط الجنين ▪️〰▪️〰▪️〰▪️〰▪️〰▪️〰 رايد على گبر الزچيه أجري الدموع اواسي بدمع اليصب كسرة هالضلوع اطلب الحاجه منها  واگليبي مفجوع واقسم بعباس النفل وي گطع الوتين ▪️〰▪️〰▪️〰▪️〰▪️〰▪️〰 انخاك نخوه ياإمامي بالراحت سبيه وعافت حسين اعله الثرى بالغاضريه امسلب وعريان وترضّه الاعوجيه وتالي تروح ميسره  وسط الدواوين ▪️〰▪️〰▪️〰▪️〰▪️〰▪️〰 انخاك نخوه يا علي بدمعات العيون يا ابن موسى لا. يظل گليبي محزون بحق المشت ذاك الدرب مچتوفه المتون وعلى الغبره اخوها ابلا غسل لا تكفين ▪️〰▪️〰▪️〰▪️〰▪️〰▪️〰 نخيتك يا علي وبگلبي شايل هموم لا ترد أيدي مولاي بالغسله دموم وباللي مشت ذاك الدرب تندب يمظلوم تفرج هالكرب يا علي بمشيد الدين تمت بعون الله تعالى ✍🏻 خادمة الزهراء // ليلى زغيب https://t.me/Doumooalanin

#الامام_الرضا جديد بمناسبة شهادة الإمام علي الرضا عليه السلام قصيدة بعنوان ( مسموم الضامن) للرضا ابچي ادموم   واويلي على المسموم يا قلب للرضا وديني    اشم اترابه وتقر عيني واويلي على المسموم  واويلي على المسموم للرضا اتمنه زاير امشي اوتعنى الضريح امسك الشباك بيدي واندب ودمعي يسيح أندُب الضامن جنان واذكر حسين الذبيح للرضا امشي مناي اندب بقلبي الجريح ازيارته عنت عليه  ضامن الجنه العليه مات بغربته مظلوم  واويلي على المسموم ▪️〰▪️〰▪️〰▪️〰▪️〰▪️〰 يالرضا ويومك عصيب تندب الزهره البتول آنه وبگبري انوح للشباب وللكهول يا رب اولادي خلصت ما جنهم اولاد الرسول ما بين سم وذبح ابدوري صاباها الافول اندب وضلعي كسير  موته بالغربه يصير كل يوم الضلع ملجوم   واويلي على المسموم ▪️〰▪️〰▪️〰▪️〰▪️〰▪️〰 ابو محمد غريب الدار سموا بالحقد  چبده تنوح الزهره والكرار وينوح الهادي في لحده يالرضا ويومك عظيم اشلون الظالم اتعده غريب بداره بو محمد ومحد ويلي وصل عنده غريب وموتته فجعه  لفه ابنه عليه ينعه ينعاه بگلب مهموم  واويلي على المسموم ▪️〰▪️〰▪️〰▪️〰▪️〰▪️〰 امصيبه وحلت بهالكون بالغربه مسموم الرضا بغدر من بني العباس بسم  ابو محمد قضى حزنت عليه الافلاك واسود لجله الفضه تبجي عليه السمه من دم حجة الله من مضى تنعى السمه لمصابه    چبد العرش لهابه كلها تصيح اليوم   واويلي على المسموم ▪️〰▪️〰▪️〰▪️〰▪️〰▪️〰 ابو محمد من مات ما ظل عالثرى عاري ابنه لمن  اجاه بچفن لفاه مو گطعة بواري واويلي على المذبوح أمن اذكره تلتهب ناري ظل عاري على الغبرى وتالي الچفن ذاري مو مثل جده حسين   ظل عاري بلا تكفين مو دمع نبچي ادموم   واويلي على المسموم ▪️〰▪️〰▪️〰▪️〰▪️〰▪️〰 آه الزهره بالأحزان تبچي وتهل العبره كل يوم الگلب مكسور انحب وانوح العتره هذا بسم قضى نحبه وهذا المنگطع نحره هذا اخته عليه تنوح وذاك بگيد متيسره ينلچم ضلعي اعليهم   من ابچي وانعيهم واويلي على المظلوم    واويلي على المسموم تمت بعون الله تعالى ✍🏻 خادمة الزهراء // ليلى زغيب https://t.me/Doumooalanin

#الامام_الرضا جديد بمناسبة شهادة الإمام علي الرضا عليه السلام قصيدة بعنوان (ثامن انوار العقيدة) مسموم الرضا يازهره شعظم المصيبه في أرض غربه ينتظر يودع ابنه وحبيبه گومي يزهره بعجل گصدي لرض طوس مسموم الرضا ابنچ وشمس الشموس بروحه يجود ابن موسى انيس النفوس لا يمه أهل ووگف عاجز ومتحير طبيبه ▪️〰▪️〰▪️〰▪️〰▪️〰▪️〰 تگطع چبده من حر السموم ابنج يزهره على مصابه بگلب الموالي ظلت الحسره يندب ضامن الجنه ثامن نور طفى للعتره وكل يوم الضلع ملچوم يا زهره الحبيبه ▪️〰▪️〰▪️〰▪️〰▪️〰▪️〰 تعالي لرض طوس نصبوا على ابنچ المأتم علي ابن موسى يزهره چبده تگطع بسم وگصدله الجواد ينوح ويلطم والدمع دم جهز والده وباللحد خلاه والدمعه سچيبه ▪️〰▪️〰▪️〰▪️〰▪️〰▪️〰 يا زهره تعالي بعجل وعوفي ديار المدينه الرضا مسموم وابنه عل مصاب الله يعينه يلطم الهام وعلى فگد الولي دم تهل عينه من غدر بني العباس جمر بحشاه يسعر لهيبه ▪️〰▪️〰▪️〰▪️〰▪️〰▪️〰 ينوح الجواد لمصاب الولي ويسرح بأفكاره على الذي في كربله انذبحت عزوته وانصاره وعگب الذبح سحگوا جثته وأهله راحوا اساره وجرح مصاب العزيز حسين يزهره ضيع طبيبه ▪️〰▪️〰▪️〰▪️〰▪️〰▪️〰 گضوا اولادچ يزهره بين مسمومٍ ومذبوح منهم السم گطع امعاه ومنهم عالثره مطروح ومصاب الذي فتت مهجنا وخلى الگلب مجروح مصاب الغريب بكربله صاحب الجثه السليبه ▪️〰▪️〰▪️〰▪️〰▪️〰▪️〰 نوحي يزهره على الأولاد كلهم ضحايا گبور الهم بالمدينه وطوس وفي كربلايا وبغداد تشهد يزهره وسامره شنعدد رزايا كل يوم ملچوم ضلعچ على اولادچ يا نجيبه تمت بعون الله تعالى ✍🏻 خادمة الزهراء // ليلى زغيب https://t.me/Doumooalanin

#الامام_الحسن جديد بمناسبة شهادة الإمام الحسن بن علي المجتبى عليه السلام قصيدة بعنوان (سم وسهم) اول سبط للهادي مسموم يا زهره ابنچ واول فرحتچ چبده  متوذره گومي من الگبر  يا زهره الحزينه هذا الحسن ابنچ چبده امسممينه ضلعچ من جديد يم حسن لاچمينه وهذا حسين اعله خيه يهمل العبره ▪️〰▪️〰▪️〰▪️〰▪️〰▪️〰 يعينچ الله وكل يوم الضلع ملچوم اول فرحتج هذا الحسن مسموم بداره ايتامه  تهمل دمع مسجوم والكل ينوح اعليه ويلطم بحسره ▪️〰▪️〰▪️〰▪️〰▪️〰▪️〰 ظل يعالج بالسموم چبده تگطع حوله أولاده واخوته تهمل المدمع وگلب زينب يزهره على خوها تلوع على فراش المنيه مهجتچ وتنظره ▪️〰▪️〰▪️〰▪️〰▪️〰▪️〰 يعظم المعبود اجرچ يا زهره الزچيه ابو محمد حيف گطعوا چبده آل اميه يزهره ومن كثر السموم ونته شجيه آه يمصاب الحسن ولا تكفي الحسره ▪️〰▪️〰▪️〰▪️〰▪️〰▪️〰 من مات وارتفع نعشه فوگ المتون شلون تودع من گبر جده ماي العيون بسهام سبعين النعش ابنچ يضربون وبعد سم چبده اعليه سهام امطشره ▪️〰▪️〰▪️〰▪️〰▪️〰▪️〰 حسين شيعه وشال نعشه للمگبره بيده لحده وخلى خد الحسن عالثره وبكربله لقى السجاد الجثث متوذره وابدال خد حسين بالگبر خلى منحره ▪️〰▪️〰▪️〰▪️〰▪️〰▪️〰 ماكو مثله يوم اعزيزچ حسين بالكون صح نعش الحسن بسهامهم يرشگون لچن ما انذبح طفله ولا ايتامه يچتفون اما الشهيد حسين ذبح وسبي ياالزهره تمت بعون الله تعالى ✍🏻 خادمة الزهراء // ليلى زغيب https://t.me/Doumooalanin

#رقيه_يتيمة_الحسين جديد بمناسبة وفاة طفلة الإمام الحسين السيدة رقية بخرابة الشام قصيدة بعنوان ( ماتت على رأس الولي) طفله رقيه وموتوها من القهر بصغر سنها وما رحم بيها الدهر بالمنام تشوف أبوها تفز تريده طفله تنادي والگلب هذا شيهيده گالت يعمه والدي وابن الصميده اشتاگيت عمه لشوفته وگلبي انفطر ▪️〰▪️〰▪️〰▪️〰▪️〰▪️〰 ظلت تصيح اليتيمه وينك ييابه تعال وشوف حالي بهذي الخرابه من حر السياط جمر بمتوني لهابه اعله هجرك بويه گلي چا چيف الصبر ▪️〰▪️〰▪️〰▪️〰▪️〰▪️〰 ارتفع الصياح بذيچ الخرابه يا ويل زينب احتارت باليتيمه بظلام الليل تسكتها ولا تهيد وتصيح ياعمه دخيل ارد اشوفن والدي وبيه يبرد هالجمر ▪️〰▪️〰▪️〰▪️〰▪️〰▪️〰 سمع صوت اليتيمه ايزيد ابن الملاعين وگال بعجل أخذو ليها راس الحسين جدامها شافته وبحسره هلت العين هلا براسك يوالي تصيح والدمع انهمر ▪️〰▪️〰▪️〰▪️〰▪️〰▪️〰 شبگت الراس وبحرگه صارت تندبه يا راس العميد ليش الشيبه امخضبه الگطع راسك يبويه متن بنتك يضربه چنت ناويه اشتكيلك لچنه گلبي انكسر ▪️〰▪️〰▪️〰▪️〰▪️〰▪️〰 تحچي ظلت ويه راس أبوها رقيه بيدها تمسح الدمه عن وجه ابن الزچيه بويه آخر مره شفتك برض الغاضريه وهسه اشوفك ابهالحال گلبي تفطر ▪️〰▪️〰▪️〰▪️〰▪️〰▪️〰 سكتت وعم الهدوء بذيچ الخرابه ظنوها نامت والكل خافي انتحابه لچنه زين العباد يا عظمه مصابه گلهم ماتت رقيه وهيه تشم بالمنحر ▪️〰▪️〰▪️〰▪️〰▪️〰▪️〰 انفتح جرحهم وتجدد ذاك المصاب والكل ينادي يحسين والدمع سچاب ماتت رقيه يالولي في ديرة اجناب افجعوها براسك يحسين أهل الغدر تمت بعون الله تعالى ✍🏻 خادمة الزهراء // ليلى زغيب دموع الأنين في رثاء الطاهرين 💔 الشاعرة ليلى زغيب https://t.me/Doumooalanin

#السبي جديد محرم الحرام ١٤٤٨ هجرية قصيدة بعنوان ( درب الشام موتنا) ادور بالدرب يهلي ولا ألقى اليرحم بحالي أطفال ونسه يحسين وبرمحه راسك گبالي اخاطب راسك بلهفه يخويه والحچي دمعات مو كافي الحبل بيدي التذبح نظرة الشمات يحسين الگلب مجروح يشاهد خويه البنيات عذبها العدو خويه واشوفنها المدمع يلالي ▪️〰▪️〰▪️〰▪️〰▪️〰▪️〰 يحسين العذب دليلي ووج وسط الضلوع النار ابنياتك تلتجي بيه من بيها تحيط الأخطار وانه مچتوفه ايديه خويه بحبال العدو الغدار واصد لراسك برمحه اسمعه يرتل اياته بالعلالي ▪️〰▪️〰▪️〰▪️〰▪️〰▪️〰 وصلنا الشام يا راس الولي ووگفنا اباب ساعاته يا طبة الشوم خويه وگلب أختك زاد حسراته طلبنا من حامل الراس يتقدم وتبعد نظرات الشماته لني ادري بغيرتك واليهظمك وضعي والجرالي ▪️〰▪️〰▪️〰▪️〰▪️〰▪️〰 امعيده الشام خويه والطاغي متشفي بيسرنا يگول أخذ ثارات من النبي يراس الولي شگد هظمنا بينا تشفى وينكت سنون ثغرك ويزود في المنا يراس روح الزچيه شافنا ظل يشتم بحيدر الوالي ▪️〰▪️〰▪️〰▪️〰▪️〰▪️〰 دخلنا الشام ياراس الولي وعينك تشوف المصايب شحچي عن رقيه ويا مصاب بذيچ الخرايب من حطوك ياراس الولي گدامها فوگ الترايب شهگة الموت اشهگتها وحضنتك وماتت گبالي ▪️〰▪️〰▪️〰▪️〰▪️〰▪️〰 ماتت رقيه من حزنها وهي شابگتك يراس عفيه اعله گلبي شلون يتحمل ما موته الاحساس عگب موتة رقيه وكل ذيچ الشماته من الناس يراس الولي بس اصفگ الراح والدمع سكته يلالي تمت بعون الله تعالى ✍🏻 خادمة الزهراء // ليلى زغيب دموع الأنين في رثاء الطاهرين 💔 الشاعرة ليلى زغيب https://t.me/Doumooalanin

#الامام_السجاد جديد بمناسبة شهادة الإمام زين العابدين علي بن الحسين عليهما السلام قصيدة بعنوان (هلوا الدمع لمصيبته) تقرأ نعي العاش كل تفاصيل الحچايه بكربله خلص عمره وما جفت الدمعه هامله تعالي الدار ابنچ وبالعجل يا زهره علي السجاد اترجل عن مهر صبره قضى بسموم العده والچبد متوذره ولحد موته يصيح على ذيچ العايله ▪️〰▪️〰▪️〰▪️〰▪️〰▪️〰 گومي من الگبر نوحي يم الحسين قضى السجاد مسموم يا هظمة البين وعلى جسمه اثار گيده ومر السنين العاش محنة كربله وركب ناگه امهزله ▪️〰▪️〰▪️〰▪️〰▪️〰▪️〰 تعالي وشوفي الباقر اشلون حاله من الحزن آه يا زهره انفطر دلاله يصيح ومن دم دمعات الفگد هماله جرده من اثيابه وشاف اثار السلسله ▪️〰▪️〰▪️〰▪️〰▪️〰▪️〰 عادت يزهره كل ذكريات الطفوف وبعينه صور گطع النحر والچفوف وذيچ اليتامى المرعوبه من الخوف ما تدري الملتجى وين وفرت معوله ▪️〰▪️〰▪️〰▪️〰▪️〰▪️〰 ارتفع الصياح بدار زين العابدين شالوا نعش القضى بحزنه علحسين والباقر ينوح يل ما حصل ليه تكفين يالمذبوح وتغسل من ادمومه السايله ▪️〰▪️〰▪️〰▪️〰▪️〰▪️〰 شالوا للگبر زين العباد الكل ينوح الكل خلف النعش والدمع مسفوح يتذكر البقى ثلاثه بكربله مطروح مگطع الأوصال وعاري ظل بالفله ▪️〰▪️〰▪️〰▪️〰▪️〰▪️〰 رغم كل ذيج المصايب زين العباد جسمه تغسل وما ظل عاري بالوهاد ولا انسحگ بالخيل وراسه طاف البلاد تبقى مصيبة أبوه حسين ما مثلها بالمله تمت بعون الله تعالى ✍🏻 خادمة الزهراء // ليلى زغيب دموع الأنين في رثاء الطاهرين 💔 الشاعرة ليلى زغيب https://t.me/Doumooalanin

#السبي جديد محرم الحرام ١٤٤٨ هجرية قصيدة ليتيمة الحسين عليه السلام خولة بعنوان (ماتت طفلتك يحسين ) طفله وماتت بالدرب من حزنها والآلام خوله هاي بنت الحسين فجعتها الأيام برض غربه وي العده ظلت تنادي يا ياب ما تدري شنهو الي جرى في أرض المصاب ما تدري بوالدها غسله من دم الخضاب طفله وگلبها شيحتمل والتحدي بيها ظلام ▪️〰▪️〰▪️〰▪️〰▪️〰▪️〰 تنادي زينب يا عمتي وين الابو راح وتشبگ سكنه ورقيه من كثر الصياح ولمن گلبها الصغير راد من نبضه يرتاح سلهمت روح البنيه گبل ما توصل الشام ▪️〰▪️〰▪️〰▪️〰▪️〰▪️〰 وزينب الحره يا ويلي بحيرتها كل ساع جم طفله لحسين وطفل ضمتهم الگاع غير الذي في كربله مسحوگ الاضلاع تشاگف البين بصبر مذبوحه حتى الاحلام ▪️〰▪️〰▪️〰▪️〰▪️〰▪️〰 يا صبر زينب بهذا الدرب وتموت الأطفال فوگ السبي ويه الضرب ومچتوفه بحبال عيون الشماته تصد اعليها والحادي چتال وتناظر الفوگ ارماح رأس الكفل والإمام ▪️〰▪️〰▪️〰▪️〰▪️〰▪️〰 كل ساع وجرحه ينلچم گلب العقيله بذاك الدرب ويه العده بعد الكفل كفيله وكل طفل زينب تفگده يا هظم التشيله حايره زينب تظل بألمها وي فگد الأيتام ▪️〰▪️〰▪️〰▪️〰▪️〰▪️〰 تصد الراس الحسين تتكلم وياه بدمع على ايتامك يخويه زينب گلبها منفجع شكثر ماتوا بالدرب وجت نيرانهم بالضلع بدمع عيني ياخويه اشتكي بدون الكلام تمت بعون الله تعالى ✍🏻 خادمة الزهراء // ليلى زغيب دموع الأنين في رثاء الطاهرين 💔 الشاعرة ليلى زغيب https://t.me/Doumooalanin

#الامام_السجاد جديد بمناسبة شهادة الإمام علي زين العابدين ابن الحسين عليهما السلام قصيدة بعنوان (ما جف الدمع ) علي السجاد القضى كل عمره نحيب ونوح لحظه ما فتر ونه يصيح واويلي على المذبوح علي رابع أنوار أهل بيت النبوه والامامه لحد ما سموا چبدته دمعه عالمظلوم يتهامه ومن طف كربله چم تذكار وياه وچم علامه حريگ خيام ودرب السبي وأطفالٍ تنوح ▪️〰▪️〰▪️〰▪️〰▪️〰▪️〰 علي ألما فتر ونه والنحيب من طف كربله دوم بعيونه الدمع يتذكر شلون ذيچ العايله فرت يوم عاشر محرم ويلي مذعوره ومعوله بين خيام محروگه وسوط فوگ متونها يلوح ▪️〰▪️〰▪️〰▪️〰▪️〰▪️〰 من بعد كربله والمصاب مسموم چبده زين العباد خلص عمره نحيب على أهله وعزوته ذاب الفاد شحاله المشى درب السبي وابرگبته ثگل الگياد بنفس الگيد ويه عماته يناظرهم والدمع مسفوح ▪️〰▪️〰▪️〰▪️〰▪️〰▪️〰 اعداه ما كفاهم عملة كربله تالي سموا چبدته مصابه عظيم زين العباد والحزن فت مهجته يتجرع سموم العده غصه بعد غصه چانت موتته ميت من ازمان الشاهد نور القداسه حسين مذبوح ▪️〰▪️〰▪️〰▪️〰▪️〰▪️〰 السم فت مهجته وروحه تنحب على احسين خلصت حياته وأثر جامعه برگبته وسلاسل بالادين ساعد الله ابنه ومن مده عالمغتسل يهمل العين ينادي موتتك يا ياب مسموم بينه لچمت جروح ▪️〰▪️〰▪️〰▪️〰▪️〰▪️〰 وهو ايغسل والده ظل ينتحب محمد الباقر شاهد آثار الگيد وچم علامه من مصيبة العاشر مجروح ساگه ورگبته بيها أثر ظل يهمل الناظر بچت عينه من دم على والده وجده المذبوح ▪️〰▪️〰▪️〰▪️〰▪️〰▪️〰 نادى محمد الباقر ما مثل يوم الشهيد حسين والدي لفيته بچفن وحسين جثته ظلت بالميادين مرضوض جسمه بحافر الخيل محزوز الوريدين والدي لا لميت اشلاءه ولا راسه عن الجسد منزوح تمت بعون الله تعالى ✍🏻 خادمة الزهراء // ليلى زغيب دموع الأنين في رثاء الطاهرين 💔 الشاعرة ليلى زغيب https://t.me/Doumooalanin

#الامام_السجاد جديد بمناسبة شهادة الإمام علي ابن الحسين زين العابدين عليه السلام قصيدة نخوه بعنوان (خطار عندك) بالدمع جينه هاليوم اندگ اعله بابه زين العباد وكربله  اكبر مصابه ياعلي جينه ننتحب والمدمع يسيل نقسم اعليك بمحنتك مولانا العليل ما تردنا الليله أبد يلگيدك اثگيل نقسم اعليك بوالدك يومه ومصابه ▪️〰▪️〰▪️〰▪️〰▪️〰▪️〰 يا ابو الباقر ادخيل اسمع ندانه بسهمه الدهر يمولاي چم رميه رمانه بينه مرض بينه أسر كلشي دهانه بحق الذي في كربله حرگوا اطنابه ▪️〰▪️〰▪️〰▪️〰▪️〰▪️〰 يا علي جينه هالليله والدمع هماي بنحر الرضيع النفطم من دمه مولاي وسهم المنيه بكربله تگصدله عناي توجب طلبنه مولاي بالدمه خضابه ▪️〰▪️〰▪️〰▪️〰▪️〰▪️〰 نقسم اعليك بوالدك  يوم الدفنته جسمه امطشر ياعلي بيدك جمعته بگطعة بواري مولاي ودمعك هملته يل بيدك ادفنت الولي ولحدته بترابه ▪️〰▪️〰▪️〰▪️〰▪️〰▪️〰 يا علي جينه ننتحب يا زين العباد عدنا اسارى يا علي مهظومه بقياد نقسم اعليك بكربله وي دفن الاجساد يل جمرة امصاب الولي بگليبه لهابه ▪️〰▪️〰▪️〰▪️〰▪️〰▪️〰 بدمعة رقيه يا علي جينه ننادي يا ابو الباقر  لا اترد هذي الايادي بالظلوا بحيره علي بذيچ البوادي من چفك نريد امراد  بحق النجابه ▪️〰▪️〰▪️〰▪️〰▪️〰▪️〰 بحق الذي على الرمح رفعوله هامه وبحسره تنظرله علي عيون اليتامه نريد الشفاعه يا علي بيوم القيامه وكلمن والاكم سيدي تيسروا حسابه ▪️〰▪️〰▪️〰▪️〰▪️〰▪️〰 يا علي جينه ننتحب والنخوه دمعات بحگ الرضيع بكربله وذيچ اليتيمات بذيچ اليتامه الشافته وصاحتله ويلات نحرك فجعنا يل صبغوا بالدمه ثيابه تمت بعون الله تعالى ✍🏻 خادمة الزهراء // ليلى زغيب دموع الأنين في رثاء الطاهرين 💔 الشاعرة ليلى زغيب https://t.me/Doumooalanin

#عبدالله_الرضيع جديد محرم الحرام ١٤٤٨هجريه قصيدة نخوه بعبدالله الرضيع بعنوان (بسهم النحر) انخاك نخوه عبدالله يا طفل الحسين بحق النحر ويه الدمى وبشبحة العين جيت انخه عبدالله الطفل ودموعي تجري روحي تون امن الحزن عذبني دهري جيت انخه مولاي بنحرك سهل لي امري بحگ السهم والگماط ياابن الميامين ▪️〰▪️〰▪️〰▪️〰▪️〰▪️〰 عبدالله يلي بالمهد ذبحوك ظامي وانفجع گلب المصطفى وحيدر امامي جيت اتوسل يامولاي ابنحرك الدامي وخد البتوله فاطمه  وابلطمة العين ▪️〰▪️〰▪️〰▪️〰▪️〰▪️〰 جيت انخه  ياالمنذبح  وابلايا ذنب والدمه الظلت نهر تجري اعله الترب بچبدك الظامي مولاي الماذاق الشرب بشهگة رقيه عبدالله وابحيرة احسين ▪️〰▪️〰▪️〰▪️〰▪️〰▪️〰 جيت انخه بالبطل آه ساقي العطاشى الي نزل وسط النهر ظامي الحشاشه وما شرب منه مولاي لا والله حاشه وبالجود أنخه والرايه  اوبگطع الادين ▪️〰▪️〰▪️〰▪️〰▪️〰▪️〰 اجيت انخه يالمنفطم من دم الوريد يالطوگوا نحره بسهم اتباعه اليزيد نظره الهالمجلس مولاي بس هذا النريد ابحگ السبط وابمصرعه وسط الميادين ▪️〰▪️〰▪️〰▪️〰▪️〰▪️〰 بحگ العقيله عمتك جيت انخه مولاي لا ترد أيد المبتلي وابهمومه عناي قاصد جنابك سيدي قهرتني دنياي بحگ المشت ذاك الدرب وي راس الحسين ▪️〰▪️〰▪️〰▪️〰▪️〰▪️〰 عبدالله يا طفل حسين بالدمعه انخاك بحگ الذي في كربله اعله صدره خلاك ومن رجع للخيم بيك بردانه ضماك وظل ينعى بلسان الحزن يا هظمة البين ▪️〰▪️〰▪️〰▪️〰▪️〰▪️〰 اجينه المجلسك ندعي أمن دعانا يا علي الأصغر نصيح للمهدي مولانا بالظلم والجور امتلت يالغايب دنيانا يعجل ظهوره مولاي ابمشيد الدين تمت بعون الله تعالى خادمة الزهراء // ليلى زغيب دموع الأنين في رثاء الطاهرين 💔 الشاعرة ليلى زغيب https://t.me/Doumooalanin

#السبي جديد محرم الحرام ١٤٤٨ هجرية لسان حال زينب تروي بعض مآسي درب السبي قصيدة بعنوان ( درب المصايب) درب المصايب والسبي هل بده يا مسلمين أنه واطفالي سويه امچتفه مع زين العابدين بدرب الطويل وكل ساع طفل اليطيح ومن نحير شلون نلقاه نراقب راس الذبيح يدلينا هو من يچلب رمحه بذاك الفسيح نلاحق النظرات ونشوف طفل الحسين ▪️〰▪️〰▪️〰▪️〰▪️〰▪️〰 دروب وعره وعدو ما يرحم ابد حالي قيودي ثقيله واطفال اخوي شعبت دلالي وكلما اصد الرماح رووس اخوتي اگبالي احچي وياهم سكته بالنظر ودموع العين ▪️〰▪️〰▪️〰▪️〰▪️〰▪️〰 الدرب كله نايبات عن يا واحده احچي أطفال ماتت بالدرب والمن انه اشتچي ماكو غير راس الولي واعلى الصبر اتچي اصدله لن الهوه يلوّح كريمه شمال ويمين ▪️〰▪️〰▪️〰▪️〰▪️〰▪️〰 ما ادري اشتكي للوالي لو ابچي اعله حاله حسين ومدلل الزهره ومع كل هذا جماله اگبالي اشوفه اعله الرمح ودمومه سياله وهو يصدلي وانا امچتفه بحبال الناصبين ▪️〰▪️〰▪️〰▪️〰▪️〰▪️〰 اگله يمن عفت جسمك اعله الثرى مطروح وبعيالك والنسه مشيت يحسين الگلب مجروح خويه وراسك وياي أگبالي فوگ الرمح ويلوح لچنه يراقب ظعوني وانه مچتوفه الايدين ▪️〰▪️〰▪️〰▪️〰▪️〰▪️〰 تخاطب راس الولي وتگول اعذرني يبن امي چم واحد من اطفالك مات بالدرب زاد همي مثل روح الطفل يحسين نزف ياخويه دمي اشبيدي اعله الدهر وانه بين السبي وامشاگف البين تمت بعون الله تعالى ✍🏻 خادمة الزهراء // ليلى زغيب دموع الأنين في رثاء الطاهرين 💔 الشاعرة ليلى زغيب https://t.me/Doumooalanin

#الدفن جديد محرم الحرام ١٤٤٨ هجرية قصيدة للدفن بعنوان ( قلي شلون دفنت الوالي) عمه يا علي السجاد خبرني بالحسين گلي ياعمه شلون ادفنته ينور العين رد علي من كربله ينفض تراب العليه شافته زينب عمته وبالدمعه تحاچيه تگله بحسين خبرني وهو يفرك بياديه شگلچ آه ادفنت الولي من غير تكفين ▪️〰▪️〰▪️〰▪️〰▪️〰▪️〰 يا عمه شفت الولي وبيا حال من شفته يعمه الطبره على الطبره ما تنحمل جثته جمعت اوصاله بگطعة بواري بيدي دفنته متناثر في فيافي الغاضريه والدي حسين ▪️〰▪️〰▪️〰▪️〰▪️〰▪️〰 وبعد يعمه جبت الطفل والمنظر شعبني مذبوح والسهم امطوگ الرگبته فجعني گماطه امغسل بالدمه مصابه صوبني فوگ صدر الشهيد نام واتگابلو النحرين ▪️〰▪️〰▪️〰▪️〰▪️〰▪️〰 اخبرچ اليشبه المختار عضيدي علي الأكبر عد رجلين الابو صارت دفنته گلبي تفطر والولد جسام وي الهواشم والأنصار الله اكبر كلهم بنفس الحفيره ادفنتهم واهمل العين ▪️〰▪️〰▪️〰▪️〰▪️〰▪️〰 گالتله ياعلي اخبرني من رحت صوب النهر بيا حال شفت الكفيل الكسر لحسين الظهر انه سمعت جوده ورايته تمزگوا مثل ادين الگمر بالله يعمه هم ادفنت للكافل يساره واليمين ▪️〰▪️〰▪️〰▪️〰▪️〰▪️〰 گلها عمه وصلت ليه عمي وكافل الخدر من كثر السهام لو تنظرينه ينعمي النظر ما ظل مكان ما وصله سهم لأخيچ الگمر بس كافي يعمه انشعب دلالي لا تنشدين ▪️〰▪️〰▪️〰▪️〰▪️〰▪️〰 انه روحي من الحزن تمنيت وياهم تندفن الأجساد كلها ابلا رووس ومطحونه طحن تالي اجمعتهم وادفنتهم ابلا غسل وابلا كفن ياروحي وشتحتمل وبيدي ادفنت عزوتي الطيبين تمت بعون الله تعالى ✍🏻 خادمة الزهراء // ليلى زغيب دموع الأنين في رثاء الطاهرين 💔 الشاعرة ليلى زغيب https://t.me/Doumooalanin

#الزهراء_يوم_العاشر جديد محرم الحرام حضور الزهراء عليها السلام في كربلاء قصيدة بعنوان (تنظر جثث) تقرأ نعي احضرت آه للغاضريه فاطمه الزهره تنظر جثث على القاع كلهه متوذره بأرض الطفوف اليوم بضعة الهادي من جثه لعد جثه مذهوله و تنادي يا جثث  عالگاع  وين مهجة افادي؟ ولنها الأجساد ويل تتقلب على الغبرى ▪️〰▪️〰▪️〰▪️〰▪️〰▪️〰 من جثه  لجثه  لمن وصلت البضعه شافت جثه امسلبه  وهم متگطعه هذا عزيزي حسين  المقطوع اصبعه وانحنت على المذبوح تشتم بنحره ▪️〰▪️〰▪️〰▪️〰▪️〰▪️〰 وگفت اعليه تتفحص جروحه وتصيح يا مهجة افادي وين راسك يا ذبيح ودمك في كربله تارس الكون الفسيح ونزلت المحزونه تقبل ضلوع البصدره ▪️〰▪️〰▪️〰▪️〰▪️〰▪️〰 تگله يحسين يمه فت مهجتي وحشاي علي الأكبر اليشبه والدي عمت عيناي شلون تحمليت امگطع تشوفه يرجواي انذهل عگلي علي الأكبر جثته اموذره ▪️〰▪️〰▪️〰▪️〰▪️〰▪️〰 وشافت جسد لابس اثيابه بهيئة كفن گالت هالولد بالشبه چنه ابني الحسن تقدمت شافته وصبت عيونها چالمزن عريس والحنه ادماه واعليه سهام امنثره ▪️〰▪️〰▪️〰▪️〰▪️〰▪️〰 تصرخ آه ولزمت للضلوع  ام الحسن تدگ اعله الصدر ونوب تلطم عالوجن والدموع دموم بس تهلها  من الحزن شالسبب أولادي جثث عالغبره متوذره ▪️〰▪️〰▪️〰▪️〰▪️〰▪️〰 وقامت ما بين الجثث وهمومها تعثر تناشد وين ابو فاضل طاح وتقنطر وشافت كفوف جود ورايه اعله النهر وگفت من الدهشه  وما قدرت تنظره ▪️〰▪️〰▪️〰▪️〰▪️〰▪️〰 يا عباس تگله وياك چان إلي اعتاب اشلون زينب تگطع دربها مع الاغراب يضربها شمر  وتصيح والدمع سچاب معذور يمن گطعولك يمنتك واليسره تمت بعون الله تعالى خادمة الزهراء / ليلى زغيب الشاعره ليلى زغيب اين الطالب بذحول الانبياء وابناء الانبياء https://t.me/Doumooalanin

❉❉❉❉❉❉❉﷽❉❉❉❉❉❉❉ لسـتة #دعم_المهدوي 🌻. #التثبــيت_سـاعـه #الحــــــــــذف بـعـــد نشر اللسـتـةّ بـ2  سـا؏ـات � غَـير مبري الـذمـةّ ٲمـام الله ڪـل من يـحذف البــوت دون ؏ـلمنا استقبل 100 عضو فما فوق ━━━━━━━━━━━━━━━ للإشـــتِـراك 👇🏻. إرفع البوت ادمِن بقناتك : @Hashed5611_bot وإرسل قناتك هُنا 👈 : @sayaddd للمحظورين 👈 : @Alsayad123_bot ------------------------------------------------------ قناة الدعم 👈👈👈 https://t.me/joinchat/AAAAAFLKOx5nRih2adM0UA

#السبي جديد محرم الحرام ١٤٤٨ هجرية قصيدة بعنوان (رحلة مآسي ونايبات) يوم الحادي عشر بدت رحلة نايبات لبنات النبي دنوا ويل نوگ امهزلات تقدموا من اليتامه جيوش الاعادي بضرب وشتم اخذوهم وچتف الأيادي بحبل چتفوهم من زينب لزين العباد وبدت رحلتهم يويلي واليحدون شمات ▪️〰▪️〰▪️〰▪️〰▪️〰▪️〰 مروا بيهم لارض المعاره اشهالظلامه ومن فوگ نوگهم ودعوا أهل النشامه بدمع العيون وچلمة الاه كل اليتامه وداعة الله مو حچي لاچنها نظرات ▪️〰▪️〰▪️〰▪️〰▪️〰▪️〰 وكل وحده صدت بالنظر الجثة وليها ليله لعلي الأكبر أمك اعليك شبيديها رمله للقاسم بعد المصاب يافرحه ترتجيها وأم الحزن طشت بالنظر عالجثث بالغاضريات ▪️〰▪️〰▪️〰▪️〰▪️〰▪️〰 ويلي عليهن غربوا من أرض الطفوف يتامه وارامل ثكلى والكل بحبل مچتوف لرض كوفان بيهم مشوا ماليهن الخوف ما ظل شهامه بالعرب ابنات النبي مسبيات ▪️〰▪️〰▪️〰▪️〰▪️〰▪️〰 من دخلوا الكوفه وزينب يا صبرها بنت واليها بالأمس خاين يا دهرها تطب اليوم مچتوفه وتدخل قصرها وكل عايل بيها يشمت بعيونه ضحكات ▪️〰▪️〰▪️〰▪️〰▪️〰▪️〰 من دخلت للقصر راس الولي جدام راد يقهرها الدعي يلعب براس الامام وزينب وقفة صبر وقفتها وصار الكلام باچر بالحشر خصمك سيد الكائنات ▪️〰▪️〰▪️〰▪️〰▪️〰▪️〰 صدحت بالكلام حره چنها علي الكرار ظنك بچتل الولي ترهبنا يانسل كفار ربنا الحفظ دينه وأنت تعاند الجبار جميل كل الشفته بالعين وللذله هيهات تمت بعون الله تعالى ✍🏻 خادمة الزهراء // ليلى زغيب دموع الأنين في رثاء الطاهرين 💔 الشاعرة ليلى زغيب https://t.me/Doumooalanin