🌴🌴كروب الملايات🌴🌴

اللهم صل على محمد وآل محمد السلام عليكم ورحمة الله وبركاته هوسات للخدمه ............ اشگد عزيز العنده ذكرى اويه الحسين ابخدمته واللي يحضر بالعزيه بحرگه يسچب عبرته بكل حشيمه وهيبه يبقى بين اهله وصحبته والگصد عارف ابحقه ابلهفه يدخل حضرته هناك وبعرش الجليل ايسجلوها ازيارته ولليوافيه الأجل حسين فاتح جنته حيدر والزهره ايلاگونه من لهب النار ايخلصونه للجنه الوسعه يدخلونه من ماي الكوثر يسگونه خادم ويقرون اعيونه ((وحسين اليكرم خدامه)) ............ نرفع ايدينه للباري مانمل من الدعاء هالمحل ربي يعمره ودووم نحييه العزاء يحفظ المولى ورعيته بحق سيد الشهداء يرحم أموات الجميييع واللي وافاهم اجلهم من اجو من كربلاء ويرحمنا ويرحم موتانا بحسين وصحبه ورضعانه ونسالكم الدعاء ام شيماء السعيد ٢٩/صفر/١٤٤٨

نعي مخزن للكاظم عليه السلام ارد انخاك يالبسمك ينخون واباخر صفر بالكاف والنون فرجلي الكربه قرلي العيون ارد انخاك وادري بيك كدها وابوابك عليه ما تسدها والوفاد ابدن ما تردها بالفشله ترد كصاد حاشاك انه جايه مولاي انخاك اريد استمع يالجيت حياك مكضيه حاجتج يالي جيتي وبضلع الحسن ليه نخبتي ذكرتي امصيبتي ودمعج جريتي يالجايتني اخذي المراد وانه الي اسمي سبع بغداد افكدها الج محتوم الشداد 29/صفر/1448

السلام عليكم نوحيه لنهاية الخدمه كلها اتصيح خلصت ياحرامات بعد بصدورنه يحسين حسرات ▪️▪️▪️▪️▪️▪️▪️ بعدنه ماشبعنه من البجه عليك يحسين شحلات اسمك وطاريك دوه لنفوسنه جانت نوعيك ودمعك بالنعت يشفي العلات بعد بصدورنه يحسين حسرات ▪️▪️▪️▪️▪️▪️▪️ نتانيها سنه ونحسبلك اشهور ومحرم من يجينه انحزن الدور والليله الموالي كلبه مقهور عزيتكم كظت شالوا الرايات بعد بصدورنه يحسين حسرات ▪️▪️▪️▪️▪️▪️ امس جنه ندور عطر ماتم والليله نودع الزهره فاطم لفراگ الشهر يبجي الخادم خلصت جنها مو شهرين لحظات بعد بصدورنه يحسين حسرات ▪️▪️▪️▪️▪️▪️ خلصت والمحب جن روحه تطلع وبعد بعيونه دمعه وده يسمع لعزه المظلوم جان بهمه يسرع طريق حسين يادرب الشفاعات بعد بصدورنه يحسين حسرات ▪️▪️▪️▪️▪️▪️ عودونه ترانه انتاني حزنك لأخيك بو الفضل نبجي وابنك مو للأجر لا والله نحبك ارزقنه زياره بصحنك انبات بعد بصدورنه يحسين حسرات ▪️▪️▪️▪️▪️▪️ ام علي الحرز ١٤٤٨هج /٢٩ صفر

السلام عليكم نعى لمظلومية الزهراء ع بس غمض الهادي عيونه ومن قبل حتى يدفنونه كلمن اجه مشگل امتونه الغدر جانوا يتانونه ▪️▪️▪️▪️▪️▪️ كل واحد اتعنه المسجد وناوي مكان النبي يكعد وحيدر علي امصابه اشتد ▪️▪️▪️▪️▪️▪️ ابداره حيدر جلس حزنان وعله ابن عمه حيله نحلان رد من دفن سيد الاكوان ▪️▪️▪️▪️▪️▪️ جوا بالحطب والنار شبو ولعتبة الزهراء فزعو يردوا يبايع غصب طلبو ▪️▪️▪️▪️▪️▪️ نادت الزهره من ورا الباب حيدر علي باحزان المصاب ردوا عن بيتي الجرح ماطاب ▪️▪️▪️▪️▪️▪️ ماحشموا الزهره وحزنها دفعوا عليها الباب وجنها طير انذبح جتلوا ابنها وزيدوا على ام الحسن ونها ▪️▪️▪️▪️▪️▪️ گادوا علي بمحامل السيف هذا الهزبر أسد المخيف ولوما العهد جاا ياخذ الحيف ▪️▪️▪️▪️▪️▪️ تعثر خلافه تصيح خلوه عوفوا ابن عمي لاتاذوه عوده التوى من الحزن شوفوا ▪️▪️▪️▪️▪️▪️ رد ألها ابسوطه الرذيله لوعها ماجنها الجليله ويسطرها وبايده الثكيله من سطرته الزهره عليله ▪️▪️▪️▪️▪️▪️ ام علي الحرز ١٤٤٨هج /٢٩صفر

السلام عليكم لطميه للسقط المحسن ع أريد اطلب من المحسن عطيه يحلها بجاه والدته الزجيه ▪️▪️▪️▪️▪️▪️ اريد اطلب امرادي من الصغيرون محسن ابن حيدر يالتنشدون اريد ابشاره كون تقر العيون تترس ايدي وبهااي المسيه ▪️▪️▪️▪️▪️▪️▪️ يامولاي ياالمحسن طلبناك انريد الليله من جودك ويمناك اخو السبطين يابن حيدر انخاك بنظره سيدي اتحنن عليه ▪️▪️▪️▪️▪️▪️▪️ عدنه من الحوايج سيدي كثار يابن فاطمه وحيدر الكرار لمعسر تحله وتطفي النار بجاه اختك المشوها سبيه ▪️▪️▪️▪️▪️▪️ شافي كل مريض اتعذر دواه ياالمحسن باسمك رفع دعواه وبرد ناره عينه عله بلواه عنه زيح كل المهضميه ▪️▪️▪️▪️▪️▪️ على بابك وكون اعود مستر انطاني سيدي وبيها ابشر مو بس الي الكلمن اجه ويحضر تنطي شنو بكلبه من قضيه ▪️▪️▪️▪️▪️▪️▪️ أم علي الحرز ١٤٤٨هج /٢٩ صفر

السلام عليكم لطميه لنهايه الخدمه تظل لحسين وسط الكلب حسره ومو شهرين نبجيله يزهره ▪️▪️▪️▪️▪️▪️ اله كل العمر نبذل والارواح ونعلي بماتمه يازهره النياح وماننسه ابد وبذاك الصباح بذل اهله الحسين وگطع نحره ▪️▪️▪️▪️▪️▪️ ماتكفي ابد شهرين احزان للي انذبح من القفا عطشان وظلت بالخيم اطفال ونسوان ولهبت نار فوك الحرم كبرى ▪️▪️▪️▪️▪️▪️▪️ عذرينه يزهره عن القصور قليله الخدمه للي نحره منحور وذبح خوان كلبه وذيج البدور عشيرة انكطعت وذبلت الشجره ▪️▪️▪️▪️▪️▪️▪️ اليوم التزكره وختمنه المصاب انريد اتسجلينه ويه الاحباب بس هذا العمل ليهون الحساب وبيضه صفحتي وذنبي يطشره ▪️▪️▪️▪️▪️▪️ عودينه على مجالس عزاهم اجرنه الجنه ندخلها وياهم حب حسين جنني وهواهم ماعاش الي ماشمه بعمره ▪️▪️▪️▪️▪️ ام علي الحرز ١٤٤٨هج /٢٨ صفر

السلام عليكم لطميه لوفاة النبي محمد (ص) شيرد والدي وترجع الحنيه عايف فاطمه والدمعه مهميه ▪️▪️▪️▪️▪️▪️ شيرد الرحل والداره مايرجع عايفنه اخلافه بحزنه نتلوع يبويه فاطمه كليبها تكطع ارحم حالها شبعت مهضميه ▪️▪️▪️▪️▪️▪️ تبعته وانه انادي عليه باحزاني صار ايام ابوي النبي ماجاني مشه ويه المنيه بضيم خلاني مدري ليش مارد النبي عليه ▪️▪️▪️▪️▪️▪️ بهمي صبحت من ثوبي نحلانه وعيني لحجرته تأذينه خلوانه ماهمن جنت وبجاها فرحانه غابت ضحكتي للي كطع بيه ▪️▪️▪️▪️▪️▪️ ارجع بويه الدارك فرد ليله بكلبي هم ثكيل ورايده اشكيله عليه عالوا وماأحمل العيله وسكطوني الحمل وغصبوني الهديه ▪️▪️▪️▪️▪️▪️ ماريدن الدنيه وكلشي ماهمني بس انته يبويه بيها لتهمني غيابك عن المسجد والله ألمني خيمه عله بناته الابو ثاريه ▪️▪️▪️▪️▪️▪️ كل ليله يجيلي ويوكف ابابي ينادي فاطمه ويتاني اجوابي والله غيبته ماجان بحسابي خابت بعد عينك بويه البنيه ▪️▪️▪️▪️▪️▪️ ام علي الحرز ١٤٤٨هج /٢٨ صفر

السلام عليكم لطميه لوفاة النبي محمد (ص) ليش غطيتوا الوجه رحموني بعد ماتشوفه ابوي عيوني ▪️▪️▪️▪️▪️▪️▪️ لاتغطي وجهه وتغمض الولي لاتشيله ابعيد خلي ياعلي هو ابوي وعمي هو كل هلي يضهد لحاله تغير لوني ▪️▪️▪️▪️▪️▪️ عيني اتصدله يتجونه ويون وانه كلبي نار جمره ممتحن وكلسا عنه انشد حسين وحسن شلون جدكم يمه ماتخبروني ▪️▪️▪️▪️▪️▪️ يوصي بيه وانه دلالي انعصر وياصبر احمل واسمعه ياصبر سبل أيده ورگبته الهادي كسر خايفه وهدلت يبويه امتوني ▪️▪️▪️▪️▪️▪️ لن اشوفن غطه وجه بو الحسن واصرخت يابويه لاتغمض الجفن ويل راحل ريتها عيوني عمن ولابموتك بويه ايفجعوني ▪️▪️▪️▪️▪️▪️ صوت تكبير ونياحه وي لطم ياعلم اكشر أجانه ياعلم الموت حالي ليش مدري مارحم هدم ركني وشيخ العادوني ▪️▪️▪️▪️▪️▪️ ام علي الحرز ١٤٤٨هج /٢٨صفر

السلام عليكم لطميه لمظلومية الزهراء ع لو تنطي أيامي جان انطيها ويرد والدي وتزهي مبانيها ▪️▪️▪️▪️▪️▪️ جان اهديله روحي وجملة ايامي ويرد للنزل ويحقق احلامي شلي بالعمر والجانلي محامي مراويعه الحلوه الترب غاطيها ▪️▪️▪️▪️▪️▪️ تعال وشوف فاطم ياابو فاطم نهار وليل تبجي والكلب هايم انته بالحد ياوالدي نايم وانه البين عيني بويه عاميها ▪️▪️▪️▪️▪️▪️ هدمي صار اسود والكلب خلصان وصرت اتجه بعدك بويه عالحيطان دوم دموع عيني امبلله الاجفان خلصت روحي ياروحي شيظل بيها ▪️▪️▪️▪️▪️▪️ مهي يومين واقنع نفسي ايعود ومكانك يبويه وبشنو ماتنسد نارك بالضلع لهابه ماتبرد طويله سفرتك يالنبي تاليها ▪️▪️▪️▪️▪️▪️ جرح صعبه اشله ولا ماينراف وشيحمل يبويه ايام العجاف من والدي داره للقبر عاف َمصايب دنيتي لدربي تمشيها ▪️▪️▪️▪️▪️▪️ ام علي الحرز ١٤٤٨هج /٢٨ صفر

السلام عليكم لطميه لوفاة النبي محمد (ص) يساعد الله أم الحسن شال النبي واليها ▪️▪️▪️▪️▪️▪️ ايساعد الله فاطمه وعله ابوها معلمه تلطم الهامه محزمه راح اليحن عليها ▪️▪️▪️▪️▪️ عصبت هامتها بحزن يابويه اتنادي وتون اذتني دورات الزمن شيظل ياروحي بيها ▪️▪️▪️▪️▪️ مفجوعه تكصد حجرته بحسره تشم عمامته خالي تشاهد كعدته مدفون ومخليها ▪️▪️▪️▪️▪️▪️ باعتابه تكعد تنتحب وبفادها نار ولهب عايفني يابويه اشعجب رد النه ياهاديها ▪️▪️▪️▪️▪️▪️ ماحويت وسفه مدللي ضيعت شخصك يالولي يل نمت بتراب الخلي للزهره مر واسيها ▪️▪️▪️▪️▪️▪️ منهو ابوي ايخبره فاطمه بته مكدره جيتك يغالي ناطره دمعتي بويه اشريها ▪️▪️▪️▪️▪️▪️ ام علي الحرز ١٤٤٨هج /٢٨ صفر

السلام عليكم لطميه لوفاة النبي محمد (ص) عراضه للنبي ورفعوها ألاعلام ميتنه عزيز وعافنه ايتام ▪️▪️▪️▪️▪️▪️ رفعوا للحزن رايات راحل ابو الزهره يوسفه بقبر نازل راح الي يجينه ودوم سايل خلي ندك صدرنه ونلطم الهام ▪️▪️▪️▪️▪️▪️ لايذ بالعرش بويه محمد سدوا مسجده والباب مرفد تبجي بنيته ودمعتها بالخد صارت شوفتك وسفه بلاحلام ▪️▪️▪️▪️▪️▪️▪️ انطيني وعد وانه انطر تعود احسب جم شهر ياراعي الجود يعور كلبي بابك بويه مسدود ابوسط الترب يالوالي اتنام ▪️▪️▪️▪️▪️▪️ ما أيس يبو البضعه واتانيك واظل مشتاكه يابويه المعانيك مارديت ليه من أناديك (تانيني... لاترحل بويه) ▪️▪️▪️▪️▪️▪️ تانيني صحت ياضي العيون اوكفلي وداعك ماهو بالهون مشيت خذيت روحي واظلم الكون (نحلانه.. بعدك يالغالي) ▪️▪️▪️▪️▪️▪️ ام علي الحرز ١٤٤٨هج /٢٧ صفر

السلام عليكم لطميه لوفاة النبي محمد (ص) اسم الله عليك من طاري المنيه اكعد بويه لاتخلي الزجيه ▪️▪️▪️▪️▪️▪️ اسم الله عليك بويه يومك بعيد لاترحل يغالي وتسكن البيد كلبي عليك يامرسول مايهيد (ويانه... لاتغيب وظلك) ▪️▪️▪️▪️▪️▪️ ياجد الحسن لاتغمض العين وين انوي خلافك بويه لاوين شلون يهونلك ينهضم الحسين (دمعاته.. تتساگط ظلت) ▪️▪️▪️▪️▪️▪️ رد واخذ كل عمري يغالي بعدك موحشه بويه الليالي يغطيك الترب وانه يحالي (تخليني.. بالهم والحسره) ▪️▪️▪️▪️▪️▪️ لو هجموا عليه وحركوا الباب ابيش انهاب يالنايم بالتراب يبعد اهلي بهضني والله المصاب (محرومه.. من شوفك بويه) ▪️▪️▪️▪️▪️▪️ ابجي ومايطفي الدمع ناري يتامه من بعد عينك صغاري عفت الدار واسكنت الصحاري (بالبيده... ابيت احزاني) ▪️▪️▪️▪️▪️▪️ ام علي الحرز ١٤٤٨هج /٢٧صفر

السلام عليكم لطميه لقصاص سواده من الرسول ص اقتص ياسواده مني هالساع ليه گربت ساعات الوداع ▪️▪️▪️▪️▪️▪️▪️ ثكل حاله النبي واصحابه يمه منهو العنده شكوه ارد اكلمه نتصالح ويبريلي الذمه وكام سواده اله والعين تدمع ▪️▪️▪️▪️▪️▪️▪️ يوم الي دخلت ارض المدينه اتجمعنه يهادينه واجينه صوبني قضيبك يانبينه بيه اتسلم عله الجاي ترفع ▪️▪️▪️▪️▪️▪️ من بتي الزجيه بعجل جيبوا القضيب وبيدين سواده خلوه يقتص مني حقه اليوم شوفوا وأمري يهل بيتي لزوم ينطاع ▪️▪️▪️▪️▪️▪️▪️ وده بلال يحضر ذاكه القضيب من بته الزجيه وعله نحيب مو وكت القصاص كليبي ابريب ابوي شلونه كلبي عليه صدع ▪️▪️▪️▪️▪️▪️▪️ رد بلال يم جمع المسلمين وحط القضيب بيد سواده بالحين وكشف بطنه النبي سيد المرسلين اخذ حقك سواده مني اسرع ▪️▪️▪️▪️▪️▪️▪️ كال اعفوا واريدن طلب منك تسمحلي اقبل الساع بطنك فداك سواده يالكلنه نحبك تعوف احبابك والنه ماترجع ▪️▪️▪️▪️▪️▪️ ام علي الحرز ١٤٤٨هج /٢٧ صفر

السلام عليكم لطميه لوفاة الرسول محمد (ص) طور (تلكوها هااي الزهره جت هااي) عمار الكناني ردوا النعش يلي تشيعون روحي خذيتوا وضي العيون ▪️▪️▪️▪️▪️▪️ كلبي علمني النبي راحل شاحب كسر ركبته وناحل عن داره ابو ابراهيم شايل عيني تصده بدمع هامل٢ *من حجرته انحيب اسمع *ودكات كلبي كام تسرع *وجبريل ينعى وصوته يرفع *مات النبي المختار ودع٢ ياعلم جاني غير اللون روحي خذيتوا وضي العيون ▪️▪️▪️▪️▪️▪️ هود ابو القاسم ونينه وظلمه عليه تبجي المدينه وكلمن لطم راسه وجبينه في داعة الله يانبينه٢ *بالسمه تكبر حور ولدان *وجبريل هز صوته الاكوان *وعليه دم تبجي الحيطان *يندفن وسفه النبي العدنان٢ اعليه ابجي والله ماهون روحي خذيتوا وضي العيون ▪️▪️▪️▪️▪️▪️ فاطم تنادي يامحمد انطيني وعد يمته تعود بالدنيه ماظل الي احد ينسطر بعدك بويه الخد٢ *اتروح وانه ابقى بهضيمه *واسكن خلافك بويه هيمه *يدفعون بابي بلاحشيمه *يخيم عليه الضيم غيمه٢ الحطب بأعتابي يشبون روحي خذيتوا وضي العيون ▪️▪️▪️▪️▪️▪️ يابعد بزري وروحي ناديت اخلاف عينك شلي بالبيت وياه ميته كون ياريت ضلعي بجمر يابويه جويت٢ *هو النفس والهوى هو *بعده العمر والله مايسوى *اسكن خلافه بگاع شلوى *جانت وياه الدنيه حلوه٢ مايطول عمري بعده تدرون روحي خذيتوا وضي العيون ▪️▪️▪️▪️▪️▪️ ارجع لخاطر زهره بتك لو رد واخذ روحي التحبك ردتك ليوم الشده ردتك اوكف يبويه انه بسدك٢ *اطفالي تنشد وانه احتار *ياضوه اعيونه وهيبة الدار *اتعوفنه والكون يندار *ترضاها بويه انشوف الامرار٢ خليتني بشلون وشلون روحي خذيتوا وضي العيون ▪️▪️▪️▪️▪️▪️ ام علي الحرز ١٤٤٨هج /٢٧ صفر

السلام عليكم لطميه لنهاية الخدمه هذا الي طلبته بالخدامه أفلح وبدرس الولايه للحسين أنجح ▪️▪️▪️▪️▪️▪️▪️ هذا الي تمنيته سنين اطول وي خدامهم اسمي بفرح ينكال ماأنهان وان الي اخدمت للآل لو نادوني خادم للحسين أفرح ▪️▪️▪️▪️▪️▪️▪️ درب حسين كل الخير آخرته وبحب ابو اليمه واهله اكطعته من الظامي احصل المغفره اطلبته ويمه ابكربله الكه الي مطرح ▪️▪️▪️▪️▪️▪️ اليحبه يهل دمعه دوم لمصابه وانه اندب حسين واذكر احبابه خادم من قبلني سيدي ابابه اتلكه الحضر وبياهله اصدح ▪️▪️▪️▪️▪️▪️▪️ كل خطوه وعمل ياربي سجلها ومنه هالخدامه كون تقبلها بيد حسين ريت الجنه ندخلها وكل ذنب العلينه سيدي يمسح ▪️▪️▪️▪️▪️▪️ نعود عله خدمته نجدد الدمعه نلطم عله امصابه ونبجي وننعه والي يتبعه مايعوفه ويرفعه ابو اليمه بخدمته كل عمل يرجح ▪️▪️▪️▪️▪️▪️▪️ ام علي الحرز ١٤٤٨هج /٢٦ صفر

مجلس ثواب من مات في طريق زيارة الحسين عليه السلام جاء في حديث عَنْ أَبِي عَبْدِ اللَّهِ عليه السلام قَالَ مَنْ زَارَ قَبْرَ أَبِي عَبْدِ اللَّهِ ع يَوْمَ عَاشُورَاءَ عَارِفاً بِحَقِّهِ كَانَ كَمَنْ زَارَ اللَّهَ تَعَالَى فِي عَرْشِهِ عن ابي عبد الله ( الامام جعفر الصادق قال زوروا الحسين ولو كل سنة ، فإن كل من أتاه عارفاً بحقه غير جاحد لم يكن له عوض غير الجنة ، ورزق رزقاً واسعاً ، وأتاه الله بفرج عاجل ؛ إن الله وَكّل بقبر الحسين أربعة آلاف ملك كلهم يبكونه ويشيعون من زاره إلى أهله ، فإن مرض عادوه ، وإن مات حضروا جنازته بالاستغفار له والترحّم عليه  عن أبي جعفر(ع) قال : لو يعلم الناس ما في زيارة الحسين (ع) من الفضل ، لماتوا شوقاً وتقطّعت أنفسهم عليه حسرات ، قلت : وما فيه ؟ قال (ع): من أتاه تشوّقاً كتب الله له ألف حجّة متقبّلة ، وألف عمرة مبرورة ، وأجر ألف شهيد من شهداء بدر، وأجر ألف صائم ، وثواب ألف صدقة مقبولة ، وثواب ألف نسمة اُريد بها وجه الله، ولم يزل محفوظاً سنته من كلّ آفةٍ ، أهونها الشيطان ، ووكّل به ملك كريم يحفظه من بين يديه ومن خلفه وعن يمينه وعن شماله ومن فوق رأسه ومن تحت قدمه ـ أي من الجهات الست ـ فان مات سنته حضرته ملائكة الرحمة يحضرون غسله وأكفانه والاستغفار له ، ويشيّعونه إلى قبره بالاستغفار له ، ويفسح له في قبره مدّ بصره ، ويؤمّنه الله من ضغطة القبر، ومن منكرٍ ونكير أن يروّعانه ، ويفتح له باب إلى الجنّة ، ويعطى كتابه بيمينه ويعطى له يوم القيامة نوراً يضيء لنوره ما بين المشرق والمغرب. عن الإمام الصادق (ع) قال : «أوّل قطرة من دمه يغفر له بها كلّ خطيئة ، وتغسل طينته التي منها خلق الملائكة ، حتّى تخلص كما خلصت الأنبياء المخلصين ـ وهذا مقام عظيم لا يلقاه إلّا ذو حظٍّ عظيم ـ ويذهب عنها ما كان خالطها من أجناس طين أهل الكفر، ويغسل قلبه ، ويشرح صدره ، ويملأ ايماناً، فيلقى الله وهو مخلص من كل ما تخالطه الأبدان والقلوب ، وتكتب له الشفاعة في أهل بيته ، ولألفٍ من إخوانه ، وتؤتى الصلاة عليه الملائكة مع جبرئيل وملك الموت (عزرائيل ) ويؤتى بكفنه وحنوطه من الجنّة ، ويوسّع قبره عليه ، وتأتيه الملائكة بالتحف من الجنّة ، ويرفع ثمانية عشر يوماً إلى حظيرة القدس ، فلا يزال فيها مع أولياء الله حتّى تصيبه النّفخة التي لا تبقى شيئاً.فاذا كانت النفخة التالية ، وخرج من قبره ، كان أوّل من يصافحه رسول الله (ص)وأميرالمؤمنين (ع) وأوصياءه صلوات الله عليهم ، ويبشّرونه ويقولون له : الزمنا، ويقيمونه على الحوض ، فيشرب منه ويسقي من أحبّ . سأل رجل الامام الصادق عليه السلام: ... فما لمن مات في سفره إليه، قال: تشيعه الملائكة وتأتيه بالحنوط والكسوة من الجنة وتصلي عليه إذ كفن، وتكفنه فوق أكفانه وتفرش له الريحان تحته وتدفع الأرض حتى تصور من بين يديه مسيرة ثلاثة أميال، ومن خلفه مثل ذلك، وعند رأسه مثل ذلك، وعند رجليه مثل ذلك، ويفتح له باب من الجنة إلى قبره، ويدخل عليه روحها وريحانها حتى تقوم الساعة . فانه إذا مات بعد الزيارة بسنة أو سنتين شهدت الملائكة جنازته ، واستغفروا له بعد موته ، ثمّ يزوره الحسين (ع) . فقد روى انه قال :«من زارني زرته بعد موته »وزيارته يمكن أن تكون أوّل الموت أو عند وضعه في القبر ليلة الوحشة او يزوره بقدر ما زاره بدار الدنيا اي يالمحبين الامام يرد الزياره لمن زاره في دار الدنيا هنيئاً لمن افنى عمره في خدمة الحسين وحظور مجالس الحسين و ان الانسان اذا مات كانت له يوم القيامه حسره عليمن هذه الحسره تكون يتحسر على المجالس اللي ما تمكن من الحظور الها لما يرى من الثواب والاجر الكثير كلمن خلص بالخدمه عمره يزوره الحسين بوسط كبره يردله الزياره وتجي الزهره بالجنه من يستقبلونه ينعالهم من يسمعونه يعيد النواعي يحلفونه كأن مجلس يقروه الخدام بخدمة الحسن والحسين وفاطمه والرسول وعلي عن مصيبة زينب لما رجعت الى دور بني هاشم فوجدتها خاليه من الاهل والاحباب وكلنه وياها ننعي دار اخوتي وين ابو اليمه الشفيه دار اخوتي وينه جيدوم السريه دار اخوتي وين البدور المضيه لا تنشدين دارها جن جاوبتها لا تنشدين ظلمه توحش عذبتها لا تنشدين يعاود حسين سألتها فاجابتها زينب ولسان حالها يقول يا دار ايسي من ابو اليمه عفت الولي غارك بدمه وهذا قميصه جبته لامه كطعي الرجا من البهالليل محد يردها وحشة الليل خليتهم من غير تغسيل سبعين ما غسلت واحد جيتج وحيده وحيلي راكد اصبر وبس الله اليساعد رشيت باب البيت بدموع مهجوم بيتي وكلبي مشلوع لابن امي مطحونات الضلوع يا دور ساداتي والاخوان فشله اذا جتني النسوان ونشدتني عن الكمر عدنان يشوفوني عدله بخير رديت وامشي على طولي بهالبيت ما متت ويه الضعن رديت ماتت رقيه وماهي سهله ما حملت المنحر تصدله وانه الجبيره رجعت عدله زينب العبدالله https://t.me/Zaineb_Alabdalla

السلام عليكم لطميه لنهايه الخدمه شكبرها شكراً من الزهره نسمع خلصت وسفه والمجلس نودع ▪️▪️▪️▪️▪️▪️ اساميكم الزهره حافظتها بسجل خدامها امسجلتها عرفت طيبة كلوب الاجتها شهرين العزيه وياها تطلع ▪️▪️▪️▪️▪️▪️ شكراً من الزهره وشحلاها بمجلس واكفه واحنه وياها وترفع جفها تدعي للأجاها يواسي بهالمصاب بعين تدمع ▪️▪️▪️▪️▪️▪️ ماقصرتوا الزهره تكلكم لخدمة ابني افزعتوا شفتكم هناك اتعنه وأنه الأخلصكم وعنكم كل بله وحساب ادفع ▪️▪️▪️▪️▪️▪️▪️ مختوم العمل وادعيلكم دوم بصحه وعافيه اعليكم ادوم وياكم انه وبنيتي ام كلثوم دعوتنه للباري اليوم نرفع ▪️▪️▪️▪️▪️▪️ احنه الي نشكرج يم الحسين حسبتينه يزهره من المعزين بس دمع ولطم والله مقصرين قليله ويه الجسمه تكطع ▪️▪️▪️▪️▪️▪️ ام علي الحرز ١٤٤٨هج /٢٤ صفر

السلام عليكم نوحيه لنهاية الخدمه خادم أبابه عبد انه وذليل شما اقدم يبقى يم دمه قليل ▪️▪️▪️▪️▪️▪️ ريت يقبلني امامي ويه الخدم مااي اوزع وبعزيته من النعم ابجي ابحركه واكابل للطم عله امصاب حسين دمعاتي تسيل شما اقدم يبقى يم دمه قليل ▪️▪️▪️▪️▪️▪️ مقصره ادري بالخدامه شما نطيت العمر كله لو بذلته ماوفيت حسين يستاهل دمعنه شما بجيت شلون انسه ذبحه وجتاف العليل شما اقدم يبقى يم دمه قليل ▪️▪️▪️▪️▪️▪️ مايكفي شهر شهرين المصاب اخدمه واسي الزجيه وابو تراب انطفت شمعة هله وذيج الشباب وداسته بعد الذبح حافر الخيل شما اقدم يبقى يم دمه قليل ▪️▪️▪️▪️▪️▪️ كون يقبل خدمتي مولاي كون وريت يحسبني مثل عابس جون مقصره لو ابجي صبي العيون علي صابه السهم وبوسط الدليل شما اقدم يبقى يم دمه قليل ▪️▪️▪️▪️▪️▪️ ابذلت ومقصره انه بخدمته كون يقبل مني انول محبته اكصد بكل سنه عاني القبته هو امامي وكلبي مايقبل بديل شما اقدم يبقى يم دمه قليل ▪️▪️▪️▪️▪️▪️ ارزقني يامولاي حسن الخاتمه كون ابقى بالمجالس خادمه والف هنياله الي يواسي فاطمه للي ماشت راس اخوها عالهزيل شما اقدم يبقى يم دمه قليل ▪️▪️▪️▪️▪️▪️ ام علي الحرز ١٤٤٨هج /٢٤ صفر

السلام عليكم لطميه لوفاة النبي ص ناديت.. انه بتك الزهره ناديت...شلون تعوفني بحسره ياسيد النبين ٢ ▪️▪️▪️▪️▪️▪️ اعتب والعتب زين ادري لا ماينفع ماترجعه الدموع والنه لامايرجع اتوسلك ياحيد ولصوتي متسمع ولصوتي ماتسمع مجروح...صوتي ورحي متكدره ناديت.. شلون تعوفني بحسره ياسيد النبيين ٢ ▪️▪️▪️▪️▪️▪️ من شفتك تون حيل اوداعك عرفته وتنده زهرتي وين وجبينك مسحته ترحل وين يابوي تبجي عليه بته تبجي عليه بته اتغيب... تسكن بويه المگبره ناديت... شلون تعرفني بحسره ياسيد النبين ٢ ▪️▪️▪️▪️▪️▪️ ليالي اندعي يطيب يبقى خيمه ليه كلبي دومه ابريب والدمعه هميه افتح عينك وكوم لخاطير الزجيه لخاطير الزجيه ٢ مهموم.. كلبي وكسرته كسره ناديت.. شلون تعوفني بحسره ياسيد النبين ٢ ▪️▪️▪️▪️▪️▪️ اصفر وجهه نحلان والونه كطعها دلالي وجر نار والزهره فجعها جم مره صحت ريت صرخاتي سمعها صرخاتي سمعها للدار.. مري بينه ياكبرى ناديت.. شلون تعوفني بحسره ياسيد النبين ٢ ▪️▪️▪️▪️▪️▪️ لاتاخذه ياليل هذا عزيز كلبي غيابه ادري وطويل سلمه النه يربي يرحل بيه شلون يظلم بعده دربي يظلم بعده دربي بالويل...خلافه دوم متحيره ناديت.. شلون تغوفني بحسره ياسيد النبين ٢ ▪️▪️▪️▪️▪️▪️ ام علي الحرز ١٤٤٨هج /٢٤صفر

قصيد للنبي صلى الله عليه واله أُصِبنا بفقدِ المصطفىٰ خِيرةِ الورىٰ   ودمعُ السَما والأرضِ والكونِ قد جرىٰ ولمّا دَنَت منهُ المنيةُ موصياً           بعترته ِ ائتُوني   كتاباً    ومِحبَرا فعاندَهُ الأصحابُ بئِساً لبعضِهِم             وبعضهُمُ   وآ خجلتاهُ     تجبّرا ليُغضِبَهُ قولُ الزنيم ِتمّرُداً             (لَـيَهجُرُ) والهادي ِسريعاً  تأثّرا وقد ضمّهُ المولىٰ الأميرُ لِصدرهِ            وفي كلِِّ سوءٍ سوفَ يأتيهِ أخبرا وفاطمةٌ جآءَت تنوحُ وتشتكي             فِراقَ  أبيّها  تنثرُ  الدمعَ  أحمرا أيا أحمدُ المختار ُ لا تتركِ ابنةً             عليكَ غدَت ولهَىٰ بقلبٍ تفَطّرا تُنادي أبي كيفَ الرحيل ُوهل تُرىٰ!         ستُدفَنُ حقاً يا محمد ُ في الثرىٰ! أيا والدي رفقاً ببضعَتِكَ التي          إذا غبتَ عنها سوف تقضي تَكَدُرا نعي لوداع الرسول وده على بته نبينه بس شافها ظل يجري عينه طاحت تحب راسه ويمينه ناديتلچ بويه ارد اوصيچ سمعي المصاب اليجري اعليچ عند الوصي الكرار اخليچ اخليچ عد حيدر امانه وانچان حسيتي بمهانه ما يسل سيفه موصي انه خليني افصلچ هالمصاب نار وضلع ودموم والباب وطفل وضرب والدمع ميزاب هونيهن واهنه يهونن يا فاطمه لمن اموتن نيران ببيوتي يشبن وحظنت ابوها تگله يا حيد سالم اريدك كلشي ما اريد بعيد البلا يومك عسى ابعيد احمل هذني واصبر الهن بس وحده بويه صعبه منهن وصبري يفل ويزيد حدهن شلون اصبر لفرگاك والموت ياريتنه وبفرد تابوت نحمل سوى ونسد البيوت وعالثرى يوسودنه سويه ولاثنينه تصير العزيه مات النبي وبته الزجيه زينب العبدالله https://t.me/Zaineb_Alabdalla