Electrical Power 26⚡️

صباح الخير يا خريجين و جمعه مباركه عليكم جميعا ان شاء الله بما ان النتيجه خلاص ظهرت و خلاص الخمس سنين عدت بحلوها و مرها و تحضيرات السكاشن و امتحانات لابات و زنقه الامتحانات فا حابب اباركلكم كلكم علي النقطه اللي كلنا وصنالها وهي نقطه نهايه ال19 سنه تعليم فحياتنا و من دلوقتي احنا دخلنا فحياه الكبار خلاص 🤕🤕🤕 حابب اشكر كل الدفعه والله علي سنه التخرج الجميله اللي اعتقد معظمنا هيفضل فاكرها ك احسن سنه له فالكليه و عرف فيها ناس كتير مالدفعه مكانش يعرفها و اتعرف علي شلل جديده و ناس مكانش يعرف انهم معاه فالدفعه حتي و اتجمعنا كتير ك دفعه مع بعض من فطار و رحله و تشيرتات و تجمعات فالمحاضرات و عملنا ذكريات مع بعض تعيش معانا لسنين قدام عشان لما تشوفوها بعد كام سنه تعرف انك كنت خريج دفعه من اكتر الدفعات اللي الناس بتحسدها فالكليه والله و دا مش كلامي و اعتقد ناس كتير اتقالها الكلمه دي من ناس اصغر و اكبر و قدنا فالكليه فا يعني انا سعيد بصراحه اني كنت جزء من الدفعه دي ❤️❤️❤️❤️❤️ حابب اشكر بالاخص ناس كانو سبب ف ان اخر سنه تطلع بالشكل دا و لولاهم مكنتش هعرف اعمل اي حاجه لوحدي و اولهم هاني، الراجل اللي تعب معايا فكل خطوه كنت بعملها و بحضرهالكم بدون اي مقابل و كمان شله الشباب المقربه مني اللي كانت بتبقي اول ناس بيتضحي بيهم ف اي حاجه بعملها و بيظبطو الدنيا عشان اي حاجه عملناها تطلع بالشكل الكويس اللي طلعت بيه انا حقيقي بحبكم 😍😍😍😍😍 حابب اشكر كل المندوبين علي مدار ال5 سنين (نور - وائل - ادهم - مازن - عمرو الجندي - محمد عبده - كريم السيد - روان خالد - فريده - ياسمين) اللي اكيد ساعدونا و لو ب لينك محاضره، تجميع داتا، ملخصات، حلول امتحانات او اي حاجه ساعدتنا ك دفعه و وصلتنا للمرحله الاحنا فيها دي، و شكرا لاي حد من الدفعه ساعد و لو بملخص واحد طول الخمس سنين اكيد كلنا استفادنا منه و كل دا فميزان حسنات اي حد بيساعد بدون انتظار اي مقابل 🙏❤️❤️❤️ انا حقيقي ممتن لاني كنت جزء من الدفعه دي و كنت اتمني لو الترابط اللي بينا اللي زاد ف اخر سنه كان يبقي من السنه الفاتت او القبلها كمان، متبقاش كل حاجه ف اخر سنه كده و نرجع نندم اننا مكناش كده من بدري بس الحمدلله ان فالاخر كلنا ك دفعه معظمنا او كلنا نكون حاببين بعض و مفيش بينا اي مشاكل زي مشاكل الدفعات اللي بنسمعها بره دي الحمدلله مجاتش عندنا و نفضل نفتكر بعض بالخير قدام 🤩🤩🤩🤩 اتمني فالاخر ميكونش في اي حد زعلان مني بشكل شخصي ف اي موقف حصل بدون قصد خلال السنه او حاجه طلبها مني و مقدرتش انفذها، كنت بحاول اساعد كل الناس علي قد ماقدر عشان محدش يكون متضايق من اي حاجه فا اتمني ميكونش في حد شايل مني اي حاجه 🙏🙏🙏 فالنهايه بتمني لكل الدفعه التوفيق فيما هو قادم و نشوف بعض ف اكبر الشركات فمصر و بره مصر و بحبكم كلكم والله يا اعظم دفعه فكليه الهندسه 🥰🥰🥰🥰🥰🥰🥰🥰🥰 END OF AN ERA 🔚🔚🔚🥳🥳🥳 POWER 2️⃣0️⃣2️⃣6️⃣ 🎓🎓

🚨🚨🚨المسدچ الجايه هتبقي اخر مسدچ علي جروب التليجرام دا و بعدها اي تواصل او اخبار او اي حاجه هتكون علي جروب announcements الواتساب 🚨🚨🚨

درجات الروبوتكس هتترفع انهاردة كمان شوية

درجات الروبوتكس هتترفع انهاردة كمان شوية

اي حد عنده المشكله دي لازم يتوجه لشئون الطلبه ملهاش حلول غير كده

النتيجة ظهرت على ابن الهيثم يا شباب تالتة ورابعه

بخصوص السمر يا شباب ده استبيان للمواد الي عايزينها تنزل في السمر السنادي ان شاءالله الي محتاج مادة من السمر يملا الفورم دي https://forms.gle/hjyAk96GkrfTsNJ3A الدرايفز وال HVDC كله ناجح فيهم ان شاءالله بس لو حد مسجلهمش اصلا وواقفة معاه عالتخرج يملاهم في الفورم

Graduation Project Presentations.pdf

مواعيد مناقشات مشاريع التخرج, ياريت لو في غلطه عند اي تيم فالبيانات يكلموني لحد انهارده بليل بالنسبه ل الالوان اللي انا كاتب بيها التواريخ و الاماكن اللون الاخضر: اي حد يقدر يحضر عادي اللون الاصفر: لو حابب تحضر كلم حد من التيم و اساله اذا كان في مكان تحضر او لا اللون الاحمر: مفيش مكان زياده للحضور في القاعه

فاضل 8 تيمات مملوش الفورم ياريت يملوها انهارده بحد اقصي 12 بليل عشان هتتبعت بكرا للاداره

https://forms.gle/GVCgXq2UBafGFevn8 فورم مواعيد مشاريع التخرج ياريت التيم ليدر من كل تيم يخش يملي الفورم دي ضروريا لانها لازم تروح الاداره عشان تعتمد الاماكن كل واحد يكتب المكان اللي حجزه و لو حد لسا محجزش يكتب فالفورم في الPresentaion place انه لم يحجز و يملي التاريح و الوقت اي حاجه ضروري الفورم دي تتملي قبل بكرا 12 بليل عشان المناقشات الاسبوع الجي

ان شاء الله يوم السبت الجي هيكون عندنا حدث فريد من نوعه في الكلية هتلاقوا تفاصيله في البوست دة واستنوا لينك الفورم بكرة على صفحة الاتحاد الساعة ٨ مساءً لأن الحضور بأولوية التسجيل حتى اكتمال الاعداد ⚽️🇪🇬 https://www.facebook.com/share/v/1EWggJCehF/?mibextid=wwXIfr

صباح الفل يا حلويين يارب تكونوا بخير وان شاء الله تخلصوا امتحانات على خير هستاذنكم لو تقدروا تساعدوا .. الايميل الجامعي بدا يقف عند ناس كتير نسخة الoffice ودي هتحتاج مننا اننا نعمل upgrade for email licease ف اي حد من الطلبه عنده المشكله دي ياريت تبعتوا اللينك ده ليهم: https://www.facebook.com/share/p/1D4gK63wjg/ ولو تقدروا تتواصلوا مع مندوبين الدفعات عشان بس كتير منكم عنده مشاريع وتقفيل تسليمات نهائيه ف عشان محدش يتعطل شكرا جدا ليكم واشوفكم على خير قريبا 🤩🤩✨

سمر ال PLC يتصل

احتراما لزميلنا مفيش احتفالات بكرا ولا صور او فيديوهات اللي عايز يتعامل يبعتلي هبعتله الارقام اللي كنت مكلمها و امسكه ادمن يتعامل و بالتوفيق بكرا ان شاء الله🙏

في حد من مدني نسي شنطته علي سلم ميكانيكا و كان فيها ارسطو و اله حاسبه بيضه و سبحه لو حد لقي شنطه زي دي انهارده ياريت يبعتلي

السلام عليكم اعمال السنة درايفز اترفعت على ابن الهيثم

دعم.pdf

شباب مساء الفل بالنسبة للناس الي مقدمة على دعم مشاريع من الكلية ابعتهلم الورقة دي لازم كل واحد يخلي دكتور المشروع بتاعه يملاها ويمضي عليها ويقدموها لمدير التوريدات في الكلية استاذ احمد حسن فياريت تبعتوها عندكم عشان محدش يروح عليه الدعم

كام نصيحه بس قبل امتحان الـ PLC من م عمرو جاب الله - روح اللجنه قبل المعاد بربع ساعه بحيث تشم نفسك و تاخد علي جو اللجنه قبل توزيع الورق. - حاول ان حلك يبقي مُنظّم علي قد ما تقدر. - قسّم وقتك بين كل الاسئله بحيث كل سؤال ياخد وقت يتناسب من درجته. - حاول تحل كل الاسئله و متسيبش اسئله كتير فاضيه. - حاول ان حلك يبقي مُنظّم علي قد ما تقدر بلاش الورقه تبقي سلطه. - لو سؤال فيه نقطه مش جايه معاك و معندكش أي فكره ممكن تتعمل ازاي اعتبر نفسك مش شايفها و كمل دا اكيد أحسن من انك تسيب السؤال كله فاضي. - حاول دايما تبيّن للدكتور انك فاهم و أي حاجه systematic او فيها تكرار متضيعش فيها وقت كتير. - خلي الاجزاء الفنيه في إجابتك ظاهره و لو عايز تعيد خطوات معينه علشان تعمل تعديل صغير اشتغل بقلمين زي ما اتفقنا بدل ما تضيع وقت في اعاده الخطوات تاني. - حاول ان حلك يبقي مُنظّم علي قد ما تقدر بلاش سلطه و النبي. - لو اتزنقت جامد سؤال في آخر الوقت ممكن تكتب الفكره او اللي عايز تعمله بالعربي عادي اكيد احسن ما تسيبه فاضي. مادام انت شايف انك عملت اللي عليك في الماده طول الترم و مقصرتش يبقي خلاص لا يكلف الله نفساً إلا وسعها و بإذن الله ربنا يوفقكم و تحلوا كويس جدا ، خليك متفائل و عندك ثقه في نفسك 💪🏼 ❗نسيت اقولك ياريت تحاول ان حلك يبقي مُنظّم علي قد ما تقدر علشان تسهل علي اللي بيصحح 😅 اتمني نفضل علي تواصل ♥️ ربنا يوفقكم ♥️