Power Tutorials

ال pdf دا في رود ماب لو حد حابب يبدا في المجال المكتب الفني ،ان شاءالله هيبقي في بارت تاني للبيم بما انه اصبح لا غني عنه في مجال المكتب الفني

السلام عليكم يا كرام...كل عام وانتم بخير اقبلت العشر فشدوا الهمم. ان شاءالله بناء علي الفوت بتاعكم فالمبادرة ف الصيف هتبقي MEP Coordination ان شاءالله بعد العيد هننزل بالتفاصيل ..بالتوفيق ❤️

دي شركات الباك اوفيس اللي متذكرها فممكن تسرش بالاسامي دي علي لينكدان وتباعهم او تشوف اللي شغالين هناك وتسال لو محتاجين ناس ف اسكندرية: Acc Zfp Ibims Rawabi Geobiro في القاهرة: ACC C&P Edecs Anchors Prime engineering Studio international InstudioAl Zamil Al fanar Mimar engineering (emirates) SBG (binaladin group) First Fix James cubbit له فرع في اسكندرية Zfp zuhair faiz له فرع في اسكندرية Ehaf CG Ssh Hesco Suadi diar Instudio

اي هو الباك اوفيس؟

السلام عليكم يا كرام...حابب انصحكم نصيحة و لكم مطلق الحرية تعملوا بيها أو لأ الفترة اللي فاتت بدأت شركات الباك اوفيس تطلب حديثي تخرج وتستغل انهم بيطلبوا مرتبات قليلة بالنسبة للسوق لو مش عارف اي الباك اوفيس دا نتكلم عنه ف بوست تاني فحابب اوعيكم ان مرتبات الباك اوفيس اول ما بدأت كانت ٢-٣ ضعف مرتبك الطبيعي فدفعة ٢٥ الطبيعي ان مرتبك صافي ١٢-١٦ غير البدلات حسب الشركة والمشروع لكن انا بلاقي ناس بتطلب في الانترفيو لباك اوفيس ال ١٢-١٦ !! في حين ان المفروض مرتبك صافي يكون منيمم ٢٢ ويزاد حسب الشركة والمكان..الخ وطبعا الشركة مش هتقولك لا يعم انت المفروض مرتبك يبقي كذا فانتوا اللي بأيدكم بوظتوا مرتباتكم لانهم بعد كدا لما يطلبوا حد هيحط بادكدج ال١٢-١٦ ولو في واحد مقبلش غيره هيقبل فانت ليه تعمل كدا ! ولما حد بيدخل يسالني اطلب كلم واقوله ٢٢ ولو مفيش سكن ومواصلات ٢٥ -٢٨ حسب السكن هناك غالي ولا رخيص الاقيه مستكتر المبلغ ! حبيبي شركات الباك اوفيس دي شركات خليجة فهو لو هيشغل مهندس عنده ف السعودية مثلا يعمله شغلك مش هياخد اقل من ٥٠٠٠ ريال انت هنا ف مصر هتعمله نفس الشغل ب ٢٠٠٠ ريال (٢٨ الف تقريبا) اللي هو وفر تمن نص مرتبك و السكن والطيران فهو كسبان انت بقا مش عايز تطلع كسبان ليه ؟ صدقوني احنا اللي بأيدنا نبوظ مرتبات السوق او نعدلها لما ميلاقوش حد يقبل بالمرتبات بتاعهم سعتها غصب عنه هيرفع المرتب حتي بعض الشركات المصرية لما لقت الباك اوفيس بيسحب منهم الناس بدأت ترفع مرتبات موظفينها وبأرقام محترمة. فاحترم مكانتك يهندسة ومتقللش من نفسك وربنا ييسرلكم الخير جميعا...بالتوفيق ❤️

لينك الفوت: https://docs.google.com/forms/d/e/1FAIpQLSdDgvHfNhFnxZuOrNDPakrMkU2V5570Yft3GNf7bp0p0iPGUg/viewform?usp=publish-editor

السلام عليكم يا كرام... كل عام وانتم بخير عيدكم مبارك ❤️ حابب اخد رايكم في المبادرة الجاية ان شاءالله...التفاصيل ف الريكورد👇

📎ليه قولتلك فوق ان الخبرة عامل مهم ؟ لان كل واحد فينا بيقدر شغله بطريقة مختلفة انت ممكن تجيب صنايعي يعملك شغلانة ب١٠ قروش وتجيب صنايعي غيره يعملها نفسه الشغلانة ب ٧ بس فكل واحد بيقدر شغله حسب خبرته ومهارته بس المهم ان السعر يبقي ف نطاق المنطق متبقاش الشغلانة ب ١٠ وانت عايز ١٠٠ فعشان كدا مثلا قولتلك ف اول طريقة ان لوحة التصميم من ٤٠٠-١٠٠٠ فانت ممكن تعملها ب٤٠٠ عشن خبرتك قليلة فهتاخد منك وقت عبال ماتفهمها الاول وبعدين تعملها لكن غيرك هيخلص الشغلانة في يومين تلاتة فخلصها اسرع وبكوالتي كويسة فهيسعرها بال١٠٠٠ج ف الاول والاخر انا وانت مطلعناش برا السعر المنطقي... بالتوفيق ❤️

السلام عليكم يا كرام... ازاي تبدأ شغلك الحر ( freelancing) 📌مبدأيا العمل الحر بالنسبة لنا كمهندس كهربا يتلخص في حاجتين: 1️⃣ التصميم وبيقي مطلوب منك تعمل تصميم لانظمة الكهربا والتيار الخفيف حسب المشروع او مراجعة تصميم اتعمل فعلا ولكن مطلوب منك تعمل report بالاخطاء الموجودة في التصميم ومدي مطابقته للمواصفات والاكواد المحلية والعالمية.او ان يكون في تصميم اتعمل فعلا ومطلوب منك تعمله Value engineering اللي انا عايز اوفر من الاخر اي اقدر اعمله في التصميمات اللي قدامك ويقللي التكلفة زي ان مثلا الكابلات تستخدمها المونيوم بدل نحاس ، الروتينج يبقي تريهات بدل المواسير...الخ 👈عشان تقدر تبقي كويس ف الجزء دا فانصحك انك تشتغل بايدك كتير علي مشاريع مختلفة (سكني-تجاري-صناعي) ولينك الدرايف دا عليه مشاريع مختلفة تقدر تاخدها كريفرنس او تتدرب عليها: https://drive.google.com/drive/folders/1_AHM9YG9eG1j0TAfcXT3wxj9KDUTMIAF 👈القراءة ودي هتخليك تختصر خبرة سنوات لمهندسين افاضل في خلال ساعات وعندك كتب زي كتب د. الجيلاني و م.عبدالمنعم شعبان دول اشهر حاجة ولينك الدرايف دا عليه كتب اخري تقدر تستفيد منها: https://drive.google.com/drive/folders/1IoHyLhywSQ-lBjWsSbVWc9_imCJwINjR 👈عندك موقع م علي عشماوي بيعلمك تصميم علي اصوله وحقيقي الموقع عامل نقلة في مجال التصميم : http://www.electrical-knowhow.com/?m=1 👈مهم تكون عارف الاشتراطات والكود المحلي الخاص ببلدك عشان مش منطقي تكون بتعمل تصميم لغرفة محول وانت مش عارف اشتراطات شركة الكهربا او بتعمل مشروع ف العاصمة وانت مش عارف اشتراطات العاصمة ACUD 2️⃣شوب دروينج ودا بيكون مطلوب منك عمل اللوحات التنفيذية اللي هتيم تنفيذها في الموقع ومن وجهة نظري الموضوع عشان تنمي نفسك في الجزء دا مش انك تاخد كورس شوب دروينج بس ولكن انك تكون ملم باصول الصناعة والتنفيذ بالموقع ودا بيحصل بانك تنزل الموقع وتنفذ بنفسك البنود الكهربية سعتها هتعرف ان الشوب دروينج مش مجرد ابعاد وعلب بتوزعها وخلاص لا دا كمان تنسيق بين الاقسام ودي المفروض اول حاجه تعملها اول ماتسلم ال IFC انك تعمل composite plans عشان تشوف اي المشاكل اللي موجود والنواقص قي التصميم اللي قدامك عشان ميرجعلكش اكتر من مرة بمشاكل 👈في الجزء دا بنصحك طبعا بكورس م محمد امام شوب دروينج كبداية: https://youtube.com/playlist?list=PLxNbro6QtRYs0oEvaQJrHRzNCDrNS-oTK&si=ruU3fvismUMLYDU9 👈لو مش هتعرف تنزل الموقع فقناة م احمد مجاهد كويسة لاعمال الموقع: https://youtube.com/@mugahed_academy?si=mPBzWuNYFokLnhj6 👈مهم طبعا تكون عارف برامج زي الاوتوكاد والريفيت والاوفيس ودول ما اكثرهم عاليوتيوب مش مضطر تشتري كورس. 📌طيب السوال المهم نلاقي شغل فري لانس كبداية ازاي؟ اولا واهمهم هي العلاقات : اول شغلانة هي اصعب شغلانة لان محدش هيدي شغل هو معندوش سابقة اعمال ولكن لو علاقاتك مع المهندسين كويسة وهو عارف انك شاطر سعتها لو عنده شغل هتبقي في اختيارته فمهم علاقتك تبقي كويسة بالمهندسين حواليك وشغلك ظاهر لهم. ثانيا: سوق لنفسك، الشغل اللي بتعمله وشايفه كويس ابدا اعرضه علي جروبات المهندسين عالفيس والواتس والتلجرام وعلي بيدج اللينكدان الخاص بيك وصدقني لو شغلك محترم سعتها هتلاقي الناس هي اللي بتكلمك اعمل لنفسك portfolio ودا ببساطة عبارة عن ملف فيه سامبل من كل شغلانة انت عملتها وفي اللينك دا هتلاقي سامبل لبروتوفوليو باور بوينت ممكن تعدل عليها: https://docs.google.com/presentation/d/1JveFspAnliohSgusNkRgQJvTIyzebVeD/edit?usp=drivesdk&ouid=106289771026219736901&rtpof=true&sd=true ثالثا: مواقع العمل الحر واشهرهم نفذلي وخمسات فيهم قسم طلبات الخدمات الغير موجودة ودا ناس بتعرض خدمة عايزين حد يعملها لهم وفي كمان مواقع زي وظف ومستقل وكفيل. 📌طب الحمدلله ربنا كرمني وجتلي شغلانة عايز اعرف اسعرها ازاي ؟ الموضوع دا بيعتمد علي عدة عوامل: المطلوب ( تصميم ولا شوب ولا مراجعه) حجم المشروع ونوعه(سكني-تجاري-صناعي) مكانه( في مصر ولا برا) خبرتك وركز علي خبرتك لانها اللي عليها العامل الاكبر اول واسهل طريقة لو لسه معندكش خبرة : تسعر باللوحة وحاليا سعر لوحة التصميم ٤٠٠-١٠٠٠ج مثلا ودا فايل فيه اسعار اللوحات : https://drive.google.com/file/d/1NwCrZmKFXrLC_6nhDSkvnKguNPkbAOeu/view?usp=drivesdk الطريقة التانية في التسعير انك تسعر شغلك بالساعة اللي هو تشوف انت بتقبض كام وتعرف منه ساعتك بكام ويبقي ساعة الفري لانس بتاعتك من ٣~٥ سعر ساعة عملك وتبدا تقيم كل لوحة تاخد منك قد اي شغل وتضرب عدد الساعات ف سعر ساعة الفري لانس بتاعتك الطريقة التالتة: وهي مساحة المشروع في ناس بتقولك انا هسعر المتر مربع ب ٥ج ولو المبني مثلا ٥٠٠٠م٢ يبقي سعر المشروع ٢٥ الف ودا موجود.

للناس اللي بتدور علي مشاريع تبقي Reference ليها في الشغل دا فولدر عليه مشاريع مختلفة، هتلاقي منها السكني والتجاري واللي متنفذ بالكود المصري والسعودي وان شاءالله هيترفع عليه مشاريع تانية بحيث تغطي اغلب الافكار والتصميمات. لينك درايف المشاريع: https://lnkd.in/dpRq-_qm لينك درايف المبادرات عامتا: https://lnkd.in/dmXCGB7f لينك الكميونتي الخاص بينا و اللي بينزل عليه المبادرات: https://t.me/power20023

كل سنة وانتم طيبين، رمضانكم مبارك ان شاء الله ❤️

من فترة كنا عملنا مبادرة ريفيت علي كورس دار الكهربا لبشمهندس عبدالرحمن قدوس فدا ملف تفريغ المحاضرات pptx والشرح بالصور بحيث ممكن تعتمد عليه في فهم برنامج ال Revit وتسترجع اي حاجه وقعت منك في الكورس. لينك الكميونتي بتاعنا عشان تتابع المبادرات الجديدة: https://chat.whatsapp.com/CEkWcwTResCKL9Ixd8vZHL لينك الدرايف اللي عليه المبادرات: https://drive.google.com/drive/folders/1t8TcC8mUNVP0CPgBfu3XegEQcNkfXKcw لو مش عارف احنا مين دا فيديو توضيحي للكميونتي والمباردات اللي بنقدمها: https://drive.google.com/file/d/1M0HR-VLrhq1xDoFrKDLwDIlUFhzrNn6a/view?usp=drivesdk

السلام عليكم يا كرام..لو مشروع تخرجك انفرا او مهتم بالمجال فالبوست دا ليك. دي الداتا اللي ساعدتني في مشروع تخرجي وحقيقي ساعدتني كمان في الشغل: بلاي ليست لمهمات الجهد المتوسط هتعلمك ال bulk equipment واستخدمتها: https://youtube.com/playlist?list=PLXLGQNzEVBemaAhv-t06IF--iqvtspKQ5&si=Sd8mhooJVyE-BAt1 بلاي ليست م احمد ماهر برضو كويسة للتصميم : https://youtube.com/playlist?list=PLsnc_ZFrqIpeyjFpOG-Qv0lL6TSbq1KoD&si=Ps7VzFF4yXdD7KYs محاضرة محمد امام هتعلمك ازاي تعمل تصميم لشبكة الانفرا: https://youtu.be/pezvCruyI6o?si=pLgQsgNGFXDq3HTN محاضرات م الفرماوي هتعملك ازاي تعمل شوب دروينج للانفرا: 1- https://youtu.be/0uQ8ma3e3tI?si=-ciSi2sQ9QGiuB96 2- https://youtu.be/jBYwdZLeMZE?si=gRJmrEun4sgHmlNN 3- https://youtu.be/49UQGaqd2ec?si=scsPQNR-d4CKXXnq 4- https://youtu.be/Vs3smQdEqC0?si=03L0Et6M5hTRwTeN 5- https://youtu.be/eVc1Pes5m3c?si=ko8bhwwd2UV0OxIC 6- https://youtu.be/F5n5pRyYHIo?si=zM_wQ2jxc9kO2BDH 7- https://youtu.be/IyORtCqvyf4?si=2SFLB_HTn2FSpB_Y فيديوهات من الموقع هتلاقيها علي القنوات الاتية: قناة م احمد مجاهد: https://youtube.com/@mugahed_academy?si=tJ4Ugrv5vhxxtRHd قناة م رجب نصر: https://youtube.com/@ragabnasr?si=wSr4AD09fTVl796p الداتا اللي فاتت دي لو حد مشروع تخرجه انفرا او حابب يبدا في المجال اما لو حابب تطور نفسك اكتر وتشتري كورس مدفوع فانا انصحك بكورسين مدفوعين انا كنت اشتريتهم والحقيقة الاتنين عظمة العظمة -الكورس بحوالي ٥٠٠ج- كورس م احمد مجدي رقم التواصل: 01019204547 التفاصيل: الكورس من وجهة نظري بيركز علي مهام المكتب الفني هتلاقيه بيشرح اسس تصميم علي مشروعين مصري وسعودي وهيوضلحلك الفروقات بينهم. كورس م محمد شلبي رقم التواصل: 01010697950 التفاصيل: الكورس بيركز اكتر علي الجزء العملي وهتلاقي علي كل جزء فيديو تطبيق عملي له. فالخلاصة عن تجربة لو مهتم بالمكتب الفني اشتري كورس م مجدي ،لو مهتم بالموقع اشتري كورس م شلبي ولو تقدر تشتري الاتنين فمن وجهة نظري الاتنين اضافة كويسة جدا ملحوظة: دا مش اعلان والله ،المهندسين ميعرفونيش اصلا ،انا بس اشتريت منهم الكورسين والاتنين استفدت منهم جدا الحقيقة. طبعا متشتريش الكورسين قبل ما تخلص المحتوي المجاني اللي قولناه فوق وعود نفسك متشتريش اي حاجه قبل ما تتعلم من المحتوي المجاني وتتشبع منه ..بالتوفيق ❤️

السلام عليكم 👋 من اكتر المشاكل اللي بتواجه الطلاب او حديثي التخرج اللي مهتمين بمجال التوزيع هي التسعير نظرا لقلة المحتوي وان الموضوع يحتاج لتطبيق عملي اكتر من انه مجرد معلومات نظرية. عشان كدا عملنا مبادرة تسعير للي حابين يبدوأ في المجال المبادرة مجرد ترتيب لمحاضرات فري موجودة عاليويتوب بعد طبعا مستاذنا من اصحاب الفيديوهات اللي قدرنا نوصلهم+ سكاشن صورتها للتطبيق عالمحاضرات او شرح نواقص مش موجودة في المحاضرات. المحتوي كامل علي لينك الدرايف دا: https://drive.google.com/drive/folders/1DrHZJbHJAwny3rxnPTWVDgAqdiuj-p2X يحتوي الدرايف علي ٨ محاضرات في ٨ فولدرات كل فولدر فيه الاتي: 📌فيديوهات المحاضرة 📌سكشن عالمحاضرة. 📌كويز وحله. 📌تاسك وفيديو حلها. لينك الكميونتي بتاعنا لو حابب تدخل عشان تتابع المبادرات الجاية(مجانية) اللي بنحددها بناء علي طلباتكم وبتكون في اجازة نص السنة والصيف عشان التفرغ https://chat.whatsapp.com/CEkWcwTResCKL9Ixd8vZHL من باب زكاة العلم نشره فمش طالب منكم اكتر من نشر المحتوي في الجروبات او بين زمايكلم لعل حد يستفيد منه ويكون باب رزق لهم. مصدر الفيديوهات: م.حمدي عبدالرسول (Dar Alkahrbaa) م.ايمان طلبة (Dar Alkahrbaa) م. احمد الشوبكي (ProService KSA) م.محمد ثروت (Eduvate) واخيرا العبد لله: م. عبدالصبور محمد (North star)

مساء الخير يا كرام... مين فينا ميعرفش بشمهندس السيد محمد وملخصاته الجميلة للانظمة المختلفة. -البشمهندس بيعمل Notes بشكل احترافي لتلخيص وتسهيل مواضيع تخص التوزيع . -حاليا شغال في Notes ل MV Network -الانظمة اللي شرحها لحد دلوقتي: 📌KNX 📌BMS 📌Revit 📌Light…

https://chat.whatsapp.com/CEkWcwTResCKL9Ixd8vZHL السلام عليكم يا كرام... ان شاءالله مبادرة التسعير هتبدا بعد انتهاء كورس الريفيت علطول، فتقدروا تشرفونا في في جروب المبادرة تحت اسم مبادرة التسعير(Tender). لو عندك حد مهتم بالتسعير ممكن تضيفه او تبعتله اللينك...بالتوفيق ❤️

السلام عليكم يا كرام... مجال أغلبنا بنغفل عنه رغم ان فرص شغله وفلوسه كويسة جدا ألا وهو مهندس التيار الخفيف ELV engineer. في البوست دا هتعرف كل حاجه تخصه و ازاي تبقي مؤهل تشتغل مهندس تيار خفيف...بالتوفيق ❤️ https://www.facebook.com/share/p/QpS96YjHymgdo3dt/?mibextid=oFDknk