ELA IRAKASLEAK EAE

🇵🇸 ELAk Palestinarekin Elkartasuna ekimenak deitutako mobilizazioetan parte hartuko du, sionismoaren eta inperialismoaren aurka ✊🏾 📍Abuztuak 7 | Gasteiz 📍Abuztuak 9 | Donostia 📍Abuztuak 21 | Bilbo ELAk bere militanteak eta herritar guztiak deitu ditu mobilizazioetan parte hartzera eta Palestinako herriarekiko elkartasuna adierazten jarraitzera. Erresistentzia aurrera! 🔗 https://labur.eus/nxzxptik

📋 PRAKTIKALDIKOENTZAKO ESKUORRIA - 2. ZATIA Urtero bezala ELAtik eskuorri bat sortu dugu praktikaldiko funtzionario izango zaretenontzat. Aurtengoan bi zatitan banatu dugu eskuorria, izan ere, atzo argitaratu zen praktikaldia arautzen duen ebazpena, aurreko EPE prozesuekin alderatuz dexente berandu. Eskuorriaren 2. zati honetan praktikaldi urteari buruzko argibideak helarazten dizkizuegu. 👀 ELAtik gomendatzen dizuegu dokumentu hauek arretaz irakurtzea. Aldaketa gutxi batzuk daude aurreko EPEetako praktikaldiarekiko, eta gainera, eranskinean praktikaldia ebaluatzeko irizpideak jasota daude. 🔗 https://labur.eus/ozlbov80

Arratsalde on ELAkideok!👋🏼 EPE 2025: EHAAn praktikaldia arautzen duen ebazpena argitaratu da. 📝 Gorako helegiteak: bihartik hasita hilabeteko epean, Hezkuntzako sailburuari. 🔗 https://labur.eus/ozlbov80

JUBILAZIO PARTZIALA ETA GAZTEBERRITZEKO NEURRIAK: Mahai orokorreko langileentzako eusko jaurlaritzaren proposamena: hutsunez betetakoa, langile asko kanpo utzi eta murrizketak mantentzen dituena. Informazioa gehiago 👇🏼

Arratsalde on ELAkideok! 👋🏼 IKHA esleipen PROZESU OSOA BUKATU DA langile guztientzat. Gogoratu honakoak: ✅ Ikastetxearekin harremanetan jarri: IKHA esleipenen ebazpenak zehazten duenari jarraituz, prozesu honetan lanpostu bat esleitu zaizuen langile guztiek (funtzionarioek, praktiketakoek, zein ordezkoek) harremanetan jarri behar duzue ikastetxearekin. 🔗 Info guztia: https://labur.eus/mymrj1q8 ✅ Lanaldi murrizketak, baimenak etab: 2026-2027 ikasturterako diren edozein motatako baimen edo lizentzia (lanaldi murrizketak barne) baliatu nahi badituzue, eskaera EIZU edo Tramitagunetik egin behar duzue, kasuan kasu, baimen/lizentzia bakoitzerako ezarritako gutxieneko aurreabisuarekin. Kasu gehienetan, aurreabisu epe hori gutxienez 10 lanegun lehenago eta gehienez hilabete lehenago da. 🔗 Infoa (lizentziak eta baimenak): https://labur.eus/lZmTj 🔗 Infoa (eszedentziak): https://labur.eus/4ri6h4c0 ✅ Lehen lan harremana Hezkuntza Sailarekin: IKHA esleipenetan lanpostu bat lortu duzuenok eta lehen aldiz EAEko Hezkuntza Sailarentzat lan egingo baduzue, honakoak egin behar dituzue Sailak zuen datuak izan ditzan Gizarte Segurantzan altan eman ahal izateko: • Tramitagunetik datu fitxa, NANaren kopia eta titulu akademikoaren kopia bidali. • Hezigunean (hasierako pantailan) baimena eman Sexu Delitugileen Erregistroa kontsultatzeko. 🔗 Info guztia: https://labur.eus/mymrj1q8 ✅ Abuztuko Ordezkagune berezia: IKHA esleipenetan parte hartu ez duzuen edo, parte hartuta ere, lanposturik lortu ez duzuen ordezkoek aukera duzue abuztu bukaeran egingo den Ordezkagunean parte hartzeko. • Datak: 🗓 Abuztuak 25: 14:00etan, lanpostuen behin-behineko zerrenda argitaratuko da eta  25eko 14:00etatik 26ko 10:00ak  arte erreklamazioak egin ahalko dira, Hezigunetik. 🗓 Abuztuak 27: 12:00etan lanpostuen behin-betiko zerrendak argitaratuko dira eta momentu berean eskaera epea irekiko da egun berdineko 18:00ak arte, Ordezkagunetik. Arratsalde horretan zehar argitaratuko dira esleipenen emaitzak. • Lanpostu motak: ikasturte osoko lanpostuak dira (lanaldi herenak, IKHAn esleitu gabekoak, udan sortutako jubilazioak etab). • Zer egin parte hartu ahal izateko?: abuztuko Ordezkagunerako eta 2026/2027 ikasturterako lan egoera aldatzeko epea: abuztuaren 17ko 12:00etatik abuztuaren 25ko 23:59ak arte. Dagoeneko lan egoera horretan zaudetenok ez duzue lan egoera aldaketarik egin beharko. ⚠️ ADI! Gogoratu Ordezkaguneko araudia ez dela IKHArenaren berdina. Ordezkagunean Birbaremazioan jarritako aukerak soilik izango dituzue erabilgarri (lurraldeak, lanaldiak, espezialitateak etab). Gainera 2. afinitateak ere eska ditzakezue. Azkenik, ofiziozko esleipenak daude puntuazio gutxiena duten partehartzaileetatik hasita. Gogoratu ofiziozko esleipenetarako lanerako prest egoeran dauden partehartzaile guztiak hartzen direla kontuan, lanposturik eskatu ez badute ere. 🔗 Ordezkagunea: https://ordezkagunea.euskadi.eus/eu/login ✅ Irailaren 1a: IKHA esleipenetan zein 1. Ordezkagunean lanpostu bat lortu duten langile guztiak ikastetxeetara bertaratu beharko dira. Bestalde, Ordezkaguneko ohiko ordutegia berrezarriko da (besteak beste, lan egoera aldatzeko aukera 9:30etatik 13:00etara). ⚠️ ADI! Berritasun modura, IKHA esleipenen ebazpenak jasotzen du IKHA esleipenetan lanpostu bat lortu duten bitarteko/ordezkoek irailaren 1ean jabetza egin ezin badute, azaroaren 30a arte gordeko zaiela lanpostua, beti ere horretarako eskaera egiten badute eta jabetza ez egiteko arrazoia honako hauetako bat baldin bada: aldi baterako ezintasunean (bajan) egotea, arriskua haurdunaldian edo arriskuko haurdunaldia izatea, edo jaiotzagatiko eta adingabea zaintzeagatiko prestazioa. 🔗 Info guztia: https://labur.eus/mymrj1q8 ✅ Ordezkagune arrunta (irailean): irailetik aurrera, oraindik data zehatzik gabe, Ordezkagune arruntak hasiko dira berriro, ohiko ordutegian. 📲💬 Azkenik, gogoratu kanal honen goikaldean finkatutako mezuan duzuela udako txanden inguruko informazioa: zein egun eta telefonotan jarri zaitezketen gurekin harremanetan. 👆🏻

Eguerdi on ELAkideok! 👋🏽 IKHA esleipenak (ordezko/bitartekoak): behin-betiko esleipenak argitaratu dira, Hezigunean. Ebazpenaren I. eranskinean erreklamazioen emaitzak daude (onartuak ala ezeztatuak izan diren). 📝 Gorako helegiteak: bihartik hasita hilabeteko epean, Administrazio eta Zerbitzuen sailburuordeari. 🔗 https://labur.eus/IKHAESLEIPENAK2026

Egun on ELAkideok!👋🏼 Irakasleen Konpetentzia Digitala egiaztatzea/akreditatzea (Lanbide Heziketa soilik): behin-betiko ebazpena argitaratu da. 📝 Gorako helegiteak: Hezkuntzako sailburuari, hilabeteko epean. 🔗 https://labur.eus/mektszts

Arratsalde on ELAkideok! 👋🏽 IKHA esleipenak (bitarteko/ordezkoak): behin-behineko esleipenak argitaratu dira, Hezigunean. 📝 Erreklamazioak: gaurko 17:00etatik uztailaren 28ko 10:00ak arte, Hezigunetik. 🔗 https://labur.eus/IKHAESLEIPENAK2026

Arratsalde on ELAkideok! 👋🏽 IKHA esleipenak (praktikaldiko funtzionarioak): behin-betiko esleipenak argitaratu dira, Hezigunean. Ebazpenaren I. eranskinean erreklamazioen emaitzak daude (onartuak ala ezeztatuak izan diren). 📝 Gorako helegiteak: bihartik hasita hilabeteko epean, Administrazio eta Zerbitzuen sailburuordeari. 🔗 https://labur.eus/IKHAESLEIPENAK2026

Egun on ELAkideok! 👋🏼 2026/2027 Birbaremazioa. Irakasleak. Behin betiko zerrendaren hirugarren aldaketaren ebazpena: 2026-07-24 🔗 Informazio gehiago: https://labur.eus/dlsqruzn

Arratsalde on ELAkideok! 👋🏼 IRALE 2026-2027. Irakastordu barneko ikastaroak Irakasle funtzionario eta finkoak. Onartuen behin betiko zerrendak 🔗 Informazio gehiago: https://labur.eus/fskltpup