صـ𓁳𓆃ـقـ𓅮ـرمـ𓁳𓆃ـصـ𓅮ـر𝕰𝖞𝖕𓁳

الممر الذي يعيد تشكيل حركة التجارة. وده مش دمياط لوحدها. الممرات اللوجستية اللي بيجري تطويرها بتربط الموانئ بالطرق والسكك الحديدية والمناطق الصناعية والأسواق. يعني لما تربط الميناء بالطريق، والطريق بالسكك، والسكك بالمنطقة الصناعية، والمنطقة الصناعية بالطاقة... إنت مش بتبني مشروعات منفصلة. إنت بتبني شبكة. وهنا تظهر المنطقة الاقتصادية لقناة السويس. المنطقة أعلنت جذب حوالي 16 مليار دولار استثمارات خلال نحو 3 سنوات، منها أكثر من 7 مليارات دولار خلال العام المالي الحالي حتى ذلك الوقت. والمهم مش الرقم وحده. المستثمر مش جاي عشان قناة السويس موجودة على الخريطة وخلاص. هو محتاج ميناء، وطريق، وطاقة، ومياه، وأرض صناعية، وخدمات، ومركز لوجستي، وسوق، وقرب من أسواق مهمة آخري، وكل ده بجانب واحد من أهم ممرات التجارة في العالم. يعني مصر مش مستنية الأزمة علشان تبدأ تدور على مكان لها على خريطة التجارة. هي كانت بتبني المكان ده اساسا الأزمة فقط جعلت قيمة ما تم بناؤه أكثر وضوحا. وفي وسط كل ده، فيه ملف آخر لا يقل أهمية... الطاقة. مصر تعمل منذ سنوات على توسيع شبكة الربط الكهربائي مع محيطها، مع السعودية الأردن ليبيا السودان، ومشروعات للربط آخري مع أوروبا. يعني مصر لا تتعامل مع الكهرباء باعتبارها منتجا للاستهلاك المحلي فقط، لكن باعتبارها جزءا من منظومة أمن الطاقة الإقليمية. ومع التوسع في الطاقة الشمسية والرياح، ممكن تتحول الشبكات دي إلى ممرات لتصدير الطاقة النظيفة المصرية إلى المنطقة وأوروبا. وهنا تظهر الصورة الأكبر: سوميد ينقل النفط، الموانئ تنقل البضائع، شبكات الغاز تنقل الغاز، والكابلات تنقل الكهرباء، والطرق وسكك حديد حديثة تربط كل ده ببعضه. يعني مصر لا تبني ممرا واحدا... مصر تبني منظومة ممرات للطاقة والتجارة بكل الاتجاهات. لكن هنا نصل للنقطة الأهم. الأزمة الحالية مش هتستمر للأبد. هرمز هيعود في يوم من الأيام لحركتة الطبيعية، باب المندب هيستقر، والأزمات عامةً ستهدأ ويسود الإستقرار - وهذا ما نتمناه بكل الأحوال... فماذا ستفعل مصر وقتها؟ هنا الاختبار الحقيقي. لأن المكسب مش إننا نكون البديل وقت الأزمات فقط. المكسب إن العالم يكتشف أثناء الأزمة إن الطرق المصريه تستحق أن يظل خيارا مهما حتى بعد انتهائها. أن يكون أسرع، وأكثر كفاءة، والخدمة أفضل، والتكلفة منافسة، والبنية التحتية جاهزة. وقتها فقط تتحول الفرصة المؤقتة إلى ميزة دائمة. وهنا نفهم قيمة كل ما تم بناؤه قبل الأزمات واثناءها، فمصر لم تتوقف... فهي لم تبني نفسها انتظارا لحروب أو إغلاق مضايق أو أزمات توقف إمدادات العالم أو تبطء حركة تجارته لكن الأزمات جاءت لتكشف قيمتها وأهمية ما فعلته وتفعله. وده هو الدرس الأهم. الأزمات لا تصنع الأصول الاستراتيجية... الأزمات تكشف قيمتها. يعني.. الجغرافيا وحدها لا تصنع قوة. لكن لما تتحول الجغرافيا إلى قناة سويس، وسوميد، وموانئ، وطرق، وسكك حديدية، وطاقة، ومناطق صناعية ولوجستية، وشبكات كهرباء تمتد في كل الاتجاهات... هنا تتحول الجغرافيا إلى اقتصاد. والتحدي الحقيقي لمصر مش إنها تمتلك الجغرافيا... فهي تملكها منذ آلاف السنين. التحدي إنها تعرف تستغلها لدرجة إن العالم ما يمرش من مصر بس... بل يحتاج إليها. شريف بركات #صـ𓁳𓆃ـقـ𓅮ـرمـ𓁳𓆃ـصـ𓅮ـر𝕰𝖞𝖕𓁳

حين تضطرب طرق العالم.. تظهر قيمة الجغرافيا المصرية بنتابع من شهور وسنين اللي بيحصل في المنطقة والعالم من أزمات وتوتر وضغوط وعدم استقرار في أمن الطاقة والتجارة العالمية.. وكل دول وشعوب العالم تضررت وتأثرت بلا شك. مصر جزء أصيل من العالم.. تضررت هي الآخري وتأثرت. لكن الأزمات دي كشفت قيمة حاجات تانية كانت مصر بتبنيها من سنين. الأزمة لا تمنح مصر قوتها... لكن تكشف قيمة الأصول اللي بنتها مصر قبل الأزمات أو معها. وهنا هتكلم عن حاجات محددة. بسبب مضيق هرمز، وقبلها أزمة الإمدادات العالمية وجائحة كورونا، وغيرهم من الأزمات والتوترات اللي بتضرب العالم من وقت للتاني، بدأ العالم يبحث عن أماكن وطرق ومواقع بديلة وأكثر أمانا. لم يطول البحث كثيرا.. لأن المحروسة بالفعل موجودة. مصر مش موجودة كموقع جغرافي وبس، بل معها بنيها التحتية المطوره من الموانئ الي الطرق والطاقة والمناطق الصناعية واللوجستية والربط الكهربائي وممرات النقل والاستقرار السياسي والثقل الدبلوماسي والقوة العسكرية الرشيدة. يعني ببساطة... الحكاية مش إن الحروب والتوترات صنعت لمصر فرصة، انما الأزمات كشفت قيمة شيء كانت مصر بتبنيه أصلًا. وهنا يمكن أقول نقطة حابب أوضحها، لأن ربما يتسأل أحد: إنت ليه بتكتب كتير عن المشروعات اللي بتعملها الدولة؟ اللي متابعني هيعرف إني أحيانا بهاجم الدولة بضراوة، ممثلة في رئيس الوزراء وأحيانا الرئيس السيسي، وبنتقد سياسات وملفات وقرارات. وده حق، بغض النظر أنا مخطئ أو على صواب، طالما بعبر عن رأيي من غير مساس شخصي. في نفس الوقت، لما يكون فيه شيء إيجابي يستحق الكلام، فمن الطبيعي أتكلم عنه، خصوصا إن جزء من الحاجات دي أنا قريب منها وشاهد على بعضها. ببساطة... ربط المعلومات ببعضها مش دعاية. لما يكون عندك مشروع في مكان، ومشروع تاني على بعد مئات الكيلومترات، ومشروع ثالث مرتبط بيهم، فمن حق أي حد عنده قدرة على الوصول للمعلومة وتحليلها وربطها إنه يقول للناس: الحاجات دي مش منفصلة عن بعضها. الدولة، ودي واحدة من خيباتها، مبتعرفش تربط ولا تسوق لنفسها. فأنا مش بخترع حاجة، ولا بدعي شئ مش موجود. أنا فقط بحاول أربط عدد من المشاريع بما يحدث على الأرض، وأشوف ده هيودينا لفين بعد كده. لأني شايف إن واحدة من أكبر مشاكلنا إننا أحيانا بنشوف كل مشروع لوحده. ميناء لوحده، طريق لوحده، محطة كهرباء لوحدها، منطقة صناعية لوحدها، وخط طاقة لوحده. بينما القيمة الحقيقية غالباً مش في المشروع نفسه... لكن في علاقته بالمشروع اللي جنبه، وبالصورة الأكبر اللي بيتبني منها أو لها. ميناء دمياط على سبيل المثال، نعم، ميناء اتطور جدا، ولسه هيبقى واحد من أكبر موانئ المنطقة. لكن إيه علاقته بطنطا والمنصورة والمحلة وغيرهم؟ وإيه علاقته بإيطاليا وتركيا وروسيا؟ دي نقطة تانية، وهتكلم عنها بعدين. لأن أحيانا المشروع لا يُفهم من خلال ما يقوله الإعلان عنه... وإنما من خلال ما يقوله موقعه وعلاقته بباقي المشروعات. خذ عندك مثال آخر وهو خط سوميد النفطي. خط أنابيب نفط يربط العين السخنة على البحر الأحمر بسيدي كرير على البحر المتوسط سنوات طويلة كان اسم سوميد بيمر على الناس مرور الكرام. لكن لما تصبح حركة النفط عبر هرمز والبحر الأحمر أكثر خطورة، فجأة تظهر قيمة الخط. يعني مصر عندها طريق بري للطاقة بين البحر الأحمر والمتوسط، بجانب طريقها البحري الأشهر... قناة السويس. وده مش تفصيل صغير. في عالم أصبحت فيه طرق الطاقة جزءا من الأمن القومي، فإمتلاك مسار إضافي لنقل النفط بين بحرين له قيمة استراتيجية كبيرة. وهنا نبص للصورة من بعيد شوية. مصر تنوع طرقها وممراتها عندها البحر الأحمر، والمتوسط، وقناة السويس، وسوميد، وموانئ يجري تطويرها، وطرق وسكك حديدية، ومناطق صناعية ولوجستية تتوسع. وده مهم جدا في عالم أصبحت فيه مرونة سلاسل الإمداد جزءًا من الأمن القومي للدول. يعني لو طريق اتعطل، هل عندك بديل؟ ولو ميناء اتأثر، هل عندك ميناء تاني؟ ولو مسار بحري أصبح عالي المخاطر، هل عندك طريق مختلف؟ مصر عندها جزء كبير من الإجابات دي. ولأن مصر نفسها دفعت ثمن اضطراب الملاحة في البحر الأحمر. أزمة باب المندب والحرب في غزة أدت إلى تحويل عدد كبير من السفن بعيدا عن قناة السويس، وبالتالي تعرضت إيرادات القناة لضربة قوية. وده كان درس مهم: مصر لا تستطيع أن تعتمد فقط على أن السفن تمر من هنا. لازم تستفيد من البضاعة نفسها. تدخل مصر، تتخزن، تنتقل، تتصنع، وبعدين تخرج إلى سوق آخر. وهنا تظهر أهمية الترانزيت واللوجستيات. وميناء دمياط مثال واضح. المسارات التي تربط دمياط بموانئ أوروبا، ثم نقل البضائع عبر مصر إلى سفاجا ومنها للخليج، بتقول إن مصر بدأت تتحرك من فكرة "الميناء الذي يستقبل السفن" إلى فكرة أكبر:

. وطبعا بعد نشر الخبر على كل هذه المواقع والمنصات تقوم «الجزيرة» (و في وقت من الأوقات كانت أيضا منظومة الشبكات التركية زي شبكة الـ «TRT» التركية و صحيفة مثل «يني شفق» التركية أيضا) و «التليفزيون العربي» بتاع عزمي بشارة بنقل نفس الخبر نقلا عن الـ «ميدل إيست أي» ذو الاسم الأجنبي البراق لزيادة انتشاره وهنا بقى يجي دور الإعلام الدولي الرديف للإعلام القطري زي «بي بي سي» أو «سي إن إن» أو «نيويورك تايمز» أو «الجارديان» لينقل المنتج النهائي بعد تدويره ليبدو كما لو كان خبرا حقيقيا ثم تعود المواقع والصفحات الاخوانية بإعادة نشر نفس الخبر مرة أخرى ، بس المرة دي نقلا عن الجارديان أو النيويورك تايمز ، وساعتها يصبح في حكم الحقيقة الدامغة التي لا تقبل الشك وبالطريقة دي بيتم تخليق تريند إعلامي من العدم ، ويتحول خبر مفبرك أو اشاعة أو تحليل أحمق تم تخليقه واصطناعه في ماخور استخباراتي إلى خبر وتريند عالمي يتصدر واجهات الصحافة العالمية ، وكل ذلك عبر شبكة عنكبوتية شيطانية ودائرة جهنمية مغلقة من الأكاذيب المختلقة الدوارة ، تبدأ من احدى منصات الاخوان وتنتهي إليها حقا ، ما أصغر الدنيا وما أحقر المرتزقة . ----------------------------- ✍️Essam A Barry (بتصرف) #صـ𓁳𓆃ـقـ𓅮ـرمـ𓁳𓆃ـصـ𓅮ـر𝕰𝖞𝖕𓁳

السادات الله يرحمه وقبل اغتياله بأسابيع ، كان عامل مؤتمر صحفي في قريته ومسقط رأسه «ميت أبو الكوم» واتكلم فيه عن اعتقالات سبتمبر .. فجأة وقف صحفي بريطاني شاب من صحيفة «الجارديان» وسأل السادات بعجرفة واضحة سؤال ينطوي على إهانة وتحقير أكتر منه سؤال ، كما لو كانت مصر وقتها مازالت مستعمرة بريطانية تحت الاحتلال الانجليزي .. فقال هذا الصحفي للسادات: "هل استأذنت الرئيس الأمريكي رونالد ريجان قبل أن تقدم على هذه الخطوة" ؟!! وطبعا السادات فهم قصد هذا الصحفي الانجليزي فورا ، فانفعل على الهواء كما لم ينفعل من قبل .. وأشار له بكل عصبية وباللغة الانجليزية قائلا: أنت الآن في بلد ديموقراطي مستقل ذو سيادة ، ولولا الديمقراطية لكنت قد أطلقت عليك الرصاص . ثم أنهى المؤتمر الصحفي غاضبا . بدافع الفضول أردت أن أبحث عن هذا الصحفي الآن وأن أعرف ماذا فعلت به السنون والأيام ؟ فإذا كل نتائج البحث عنه تظهر أنه لم يكن سوى الصحفي «ديفيد هيرست» ، الضيف دائم الظهور على قنوات الجزيرة والشرق والعربي ومكملين !!! وبالبحث أكتر اتضح أن «ديفيد هيرست» هو صحفي بريطاني إزرائيلي مزدوج الجنسية ، لكن هو أولا وقبل أي شئ يهـــ/ودي ، بل ومن غلاة الصهاينة، وهو نفسه اللي بيشغل الآن منصب مدير ورئيس تحرير موقع «ميدل إيست أي - Middle East Eye» ، وهو موقع قطري الملكية والتمويل بريطاني الواجهة دشنته قطر عام 2014 في عاصمة الضباب «لندن» وتم تأسيسه خصيصا من أجل مهاجمة مصر وشن الحرب الإعلامية على الدولة المصرية بعد ثورة يونيو بـ 7 شهور ، وبالطبع لم يجدوا خيرا من المرتزق «ديفيد هيرست» ليترأس تحريره فهو كاره جدا لمصر لدرجة ان ذكر اسم الرئيس السيسي أمامه بيجيب له تشنجات عصبية وأزمة نفسية مصحوبة بضلالات وهلاوس سمعية وبصرية.. بجد دا حقيقي أما المفاجأة الأكبر فهي ان هذا الـ «ديفيد هيرست» بيشغل منصب المستشار الإعلامي للسفارة القطرية في لندن ، ولذلك فهو أحيانا يهاجم السعودية والإمارات حسب الأوامر اللي بتوصله... وبالعودة لموقع وصحيفة «ميدل إيست أي - Middle East Eye» سنكتشف بسهولة انه موقع متخصص في ممارسة فنون الاحتيال الصحفي والفبركات الإعلامية فيما يعرف بلعبة إعادة تدوير نفايات الأخبار المكذوبة ، تماما مثلما يتم إعادة تدوير المخلفات.. حيث تُظهر مستندات هذا الموقع أنه مسجل تحت ملكية مؤسسة «إنتربال» ، وهى مؤسسة خيرية مقرها المملكة المتحدة ويملكها ويديرها الارهابي «أنس التكريتي»، أحد أشهر أتباع الإخوان في العالم ، أما الوسيط التجاري والمالي لهذا الموقع المشبوه فهو القيادي الاخواني االفلسطيني الأصل «عزام التميمي» الذي يحمل هو الآخر جواز سفر ازرائيلي وآخر بريطانى بالاضافة طبعا للجواز للقطري ، والتميمي هذا قصته طويلة بداية من علاقته بالموساد وصولا إلى الرضوخ الكامل للـ «Mi-6». نيجي بقا لمجلة «ميم ماجازين - Meem Magazine» اللي ناقلة الخبر عن الـ «ميدل إيست أي» هنلاقي انها مجلة الكترونية تأسست فى لندن على يد الـ «Mi-6» لمهاجمة مصر باستمرار ، ودا الاأساسي في شغلها ، لكن أحيانا تهاجم تونس أو بعض الدول الأخرى حسب الحاجة.. مين بقا اللي بيدير المجلة دي ؟.. جابولها التونسية «سمية الغنوشي» بنت مرشد الاخوان في تونس «راشد الغنوشي» رغم انها شابة صغيرة لا تملك أي مؤهلات صحفية سوى انها ابنة القيادي الاخوانجي التونسي ، فعينوها رئيس تحرير ميم ماجازين براتب مليون دولار سنويا ، و هي مقيمة حاليا فى لندن بعد أن كانت تقيم في بلجيكا... 🚩 كده عرفنا اللي نشر وهى Meme Magazine والمصدر بتاعها Middle East Eye وهنا بيتضح لنا بشكل عملي يعني إيه لعبة إعادة تدوير النفايات الصحفية اللي في العادة بتبدأ من «ميدل إيست أي» حيث يقوم باختلاق وفبركة اشاعة خام من العدم بدون أي مصدر على الاطلاق أو ينسبها لمصادر مجهلة أو لشهود عيان مجهولين وبمجرد نشر الخبر المفبرك على هذا الموقع التمويهي المخادع ، تقوم باقي الأذرع الإعلامية الاخوانية زي «ميم ماجازين» و «شبكة رصد» و منصة «ميدان» و منصة «مزيد» بذكر نفس الخبر، وطبعا هيقولوا ان هذا الخبر نقلا عن موقع «ميدل إيست أي» البريطاني ، وكلنا عارفين ان الأسامي الأجنبية الفخيمة دي بتاكل مع الشعوب العربية وبتمنح للخبر وللمصدر درجة عالية من المصداقية وبتختمه بختم الجودة كوسيلة إعلام مستقلة وذات مصداقية وقادرة على سبر أغوار الأحداث والوصول للمعلومات التي تعجز عن الوصول إليها وسائل الإعلام الأخرى، خصوصا لما يكون الموقع مصدر الخبر أمريكاني او بريطاني .. بينما في الحقيقة بيكون الموقع صاحب الاسم اللامع الرنان ده مجرد شقة مفروشة في «لندن» أو «نيويورك»، عليها يافطة تحمل أي أسم "فخيم" براق، وكل الموظفين اللي فيه لا يتعدوا أربعة خمسة من المرتزقة ومعاهم جهاز كمبيوتر وشبكة انترنت

مصر و ليبيا اعلنوا انشاء خط انابيب بترول بينهم لضخ البترول الليبي لتكريره في مصر و تصديره لصالح ليبيا للخارج . وذلك من يومين امس تم اغتيال مدير المخابرات الليبيه واليوم تم الهجوم علي مصافي البترول في منطقه الزاويه ب ٤ مسيرات من الفاعل🤔 ابحث عن المستفيد ان تغرق ليبيا في الظلام و احراق الثروه التي تستخدم في بناء وتعمير ليبيا #حورمحب #صـ𓁳𓆃ـقـ𓅮ـرمـ𓁳𓆃ـصـ𓅮ـر𝕰𝖞𝖕𓁳

صباح الخير تسريب معلومات عن تحركات واعمال الجيش المصري في سيناء من إسرائيل لقطر 😳 من ايران جيت الي قطر جيت يا قلبي لا تحزن زمان في الثمانينات كان فيه حرب بين العراق وايران وايران كانت محتاجه سلاح و ذخائر بس حتجيب منين🤔 اجتمع ريجان رئيس امريكا ونائبه جورج بوش و رئيس وزراء ايران ابو الحسن الصدر ومندوب الموساد الإسرائيلي اري بن ميناش في فرنسا ( اللي نقلت الخوميني لايران بحمايه مخابراتها لانجاح الانقلاب علي الشاه) وهناك تمت الصفقه بصواريخ هوك و تاو وتم نقل الصواريخ لإسرائيل اللي نقلتها لإيران بطائره شحن طرازDc-8 كل هذا في الوقت اللي ايران كانت تملاء الدنيا صراخا ان امريكا الشيطان الاعظم و اسرائيل عصابه ستغرقها في مياه البحر وأنهم محور الشر☺️ وفي ذلك التوقيت كانت مصر تدعم العراق عسكريا و لوجستيا وخططيا وارسلت لها صواريخ سكود و صواريخ الصقر وخبراء من الصاعقه والمهندسين العسكرين و خبراء خطط عسكريه وعلي راسهم المشير ابو غزاله اللي كان سبب رئيسي خططيا في تحرير شبه جزيره الفاو واجبار ايران علي وقف اطلاق النار والسلام . لإفشال اسقاط اكبر عقبه في مخطط إسرائيل الكبري و ارض الميعاد لكن لاحقا تدخلت امريكا بنفسها بدعوي وجود نووي واحتلت العراق ودمرت الجيش العراقي وسرقت الدهب والآثار وتركتها بعد ان نشرت فيها داعش والمليشيات حتي لا تعود مره اخري للحياه قويه قادره قطر جيت من ٢٠٢٢ و هناك تحقيقات و محاكمات لنتياهو ومستشاريه علي خلفيه دعم قطري لحزب الليكود والانتخابات الرئاسيه لإنجاح نتنياهو وده قالته ستيفي ليفني وزيره الخارجيه الاسرائيليه السابقه بالمستندات وستيفي ليفني صديقه مقربه لقاده حماس وخاصه اسماعيل هنيه اللي بنته كانت بتتعالج في ارقي مستشفيات اسرائيل مستشفي ايخليلوف في تل ابيب ومش هي بس ده كمان حفيدته وحماه و زوج اخته 🙆 . اسماعيل هنيه اللي قيل انه تم اغتياله في ايران لانه مدعوم من ايران وضد اسرائيل والكيان☺️ المهم ترامب ضغط لوقف المحاكمات بقرار من رئيس اسرائيل ولكن اول امس اتفجرت قصه تانيه و هي ان معلومات استخبارتيه حساسه عن تحركات الجيش المصري وأعماله في سيناء و معلومات اخري لم يعلن عنها تم نقلهم من مستشاري نتنياهو الي قطر😲 مقابل ملايين الدولارات. قطر اللي كان لها دور كبير في الفوضي الخلاقه في ٢٠١١ في مصر وليبيا وحرب الارهاب ولا ننسي ان رئيس مخابراتها هو من رفع علم قطر علي باب العزيزية احتفالا بسقوط ليبيا واصبحت في براثن الارهاب. اربط كده كل تلك الاحداث و اغتيال رئيس المخابرات الليبيه امس في شرق ليبيا المدعوم من مصر . حتعرف انك في مسرحيه كبيره جدا جدا وكلهم واحد وعاملين شخصيات عربيه واسلاميه وسنيه وشيعيه واللي ينتهي دوره ينتقل للحياه في الجزيره في الشاليهات بهويه جديده وشكل جدبد ويتقال انه مات . ويتم تدمير البلدان وسرقه ثرواتها بشراء اسلحه من مصانع هم اصلا اكبر مستثمرين فيها وكمان اعاده اعمار اللي اتدمر بسركات اعمار هم مالكيها . وكل الغرض من المخطط رغم انه يظهر بعيد لكن الغرض هو مصر في حرب ممتده لالوف السنوات بين اراده الرب واحلام الدجال . واحنا ملهيين في الاسعار و المرتبات والغلاء دنيا تانيه شغاله و حرب مصير وحياه او موت لشعوب ودول ومفيش لا فرص تانيه ولا اعادات .ورغم ما احنا فيه الا ان كل هذا بالنسبه لتلك الحرب ولا حاجه دي ملفات عايزه بدل الدماغ الف دماغ ورغم أنهم كتير وبيتجددوا في اجساد الان ان حورس لسه موجود وبينقل الاسرار العظمى و الجينات وبيقول اللي خلف ما مات اللي جاي مش اكتر من اللي راح والعمر بيجري اسرع من القطارات . بقولكم مهما كانت المعاناه والتعب حافظوا علي بلدكم وعلي المخلصين اللي فاهمين ودارسين و واقفين بقلب ميت لا بيتهز ولا بيخاف وبيجهز مسرح العمليات ليوم عظيم ستقشعر فيه الابدان من هول الاحداث . صباحكم جميل #حورمحب #صـ𓁳𓆃ـقـ𓅮ـرمـ𓁳𓆃ـصـ𓅮ـر𝕰𝖞𝖕𓁳

🔵 اهييييييه يابا الحچ احماااا🤔 يعني الجهات اللي جوا الدولة طلعت تقارير عن مشكلة مراسي و اسعار الشواطئ ومأساة الركنة ام 20 الف جنيه اللي زاحمة البلاچ و نسيت تطلع تقارير بالمعاشات اللي مقبضوش من 6 شهور و بيبكوا علي اهانة شيبتهم.. و لا الناس اللي بتصرخ في فيديوهات عشان بيشحنوا الكهربا كل 3 ايام ب 200 جنيه ومش عارفين يجيبوا منين و لا العدادات الكودية و لا 20 طفل مصاب بضمور العضلات و الشعب بيتكاتف من اجل علاجهم في حين ان ده التزام دولة بس طلعوا تقارير عن ان ال " society sharks " مش عارفين يقوموا من النوم يغطس و يعوم و هات يا لعب 🤔🤔 📌طب و انت كنت فين وقت الازمة ما كنت بتطبل للعبار اصلا 🤔 انت لو تسكت خالص هيبقا احسن لك و لنا لأنكم لما بتفتحوا بقكم بتطلعوا صرف صحي و بتستفزوا الناس اكتر يعني مفيش تقرير طلع بأزمة سيستم المعاشات و المليار جنيه اللي اتقلبوا ... و طلع تقرير بالعوامة البطة و البلبطة 🤔🤔 الله يخربيتك و بيت اللي شار عليك بالشغلانة دي يا شيخ .. يا عم متبقاش تحط ام التاتش بتاعك .. هيجري حاجة لو قولت الخبر زي ما هو يعني 🤷🏻‍♀️🤷🏻‍♀️

عشان ترتاح في حياتك ببساطة لازم تحافظ على التوازن في تعاملاتك مع الآخرين 👌 الأخذ والعطاء ، الحب ، الاهتمام ، التفكير ، الشغل ، المجهود ، العرق ، دي كلها اسمها "أصول" روحية وطاقية ، وهي اثمن ما يملك الإنسان ، لانها ببساطة مش موجودة كتير في الزمن ده ، وكل ما نتجه للمادية اكتر كل ما هتقل الحاجات دي اكتر ، ويبقى وجودها خرافة زي امنا الغولة وأبو رجل مسلوخة 👌 انت مش مرتاح يعني انت مستنزف ، بتدي ومش بتاخد ، بتعطي بس مش متقدر ، طاقتك رايحة لناس تانية مش ليك ، وعلشان ترتاح ، لو سمحت اللي يديك جنيه اديله جنيه انت كمان ، مينفعش تديله ١٠ جنيه وتقولي أنا مش مرتاح! عدم الراحة علامة من روحك وجسدك وطاقتك انك في المكان الغلط ، بتتعامل غلط مع ناس غلط ، دور ع المكان الصح وحط نفسك فيه ، اتعامل صح واختار الناس الصح ، هترتاح 👌 محمد صلاح #صـ𓁳𓆃ـقـ𓅮ـرمـ𓁳𓆃ـصـ𓅮ـر𝕰𝖞𝖕𓁳

يبقي الاسطوره اللي بتقول ان ست في حربه مع حورس اقتلع عينه ( عين حورس) وكاد ان يهزمه ثم استطاع حورس استرجاع عينه وهنا اصبح اقوي بكثير فهزم ست . فهذا إسقاط علي الحرب بين الشيطان والوعي الروحي للانسان فعندما استطاع الشيطان سرقه الوعي والتحكم فيه ضعف حورس ولم يكن قادر علي المقاومه ولكن عندما استفاق حورس لنفسه استعاد (عينه) وعيه المفقود( عين حورس) فعاد الويندوز الرباني للعمل فقويت روحه فهزم الشيطان . ومن هنا تعلم معني كل انسان الزمناه طائره في عنقه. نهايه الحدوته كل الحضارات القديمه حاولت افهامنا قدراتنا الخفيه و رسموا لنا كيفيه العمل برسومات طبيه حقيقيه سنصل لها في يوم ما عندما نتقدم علميا كما حدث الان ورايناهم في الاشعه المقطعيه بالرنين المغناطيس فرأينا الصقر حور والبومه كيميت التي ان كانت في يد الشيطان ( الماسون) ستكون نحس وشؤم و الحدايه مبترميش كتاكيت ولو في ايد الصالحين تبقي طائر البصيره الذي يري بقوه حتي في الظلام الحالك ويستبصر ما لا يراه الاخرين . كل نقش وتمثال وصوره كانت رساله علميه طبيه روحيه لكيفيه عبور رحله الحياه الماديه باختبارتها الصعبه وعذابتها القويه لتخرج الروح للنهار وتري النور الحقيقي فتحيا في عالم خالد لا يخطر علي قلب بشر دي حدوته النهارده حلوه ولا ملتوته☺️ #حورمحب #صـ𓁳𓆃ـقـ𓅮ـرمـ𓁳𓆃ـصـ𓅮ـر𝕰𝖞𝖕𓁳

شجره الخلد حورس البومه ست القلب الخوارق الاستبصار التخاطر تجميع كامل لسلسله مقالتنا حورس امممم نبتدي منين 🤔 من الشجره جناحي حورس هو ليه ربنا امر ادم و زوجه الا يقربا الشجره 🤔 وليه انكشفت لهم سوئاتهما 🤔 وليه انكسفوا من بعض🤔 ما هي الشجره شجره بس مش شجره في الارض دي شجره في المخ😲 الشجره اللي في المخ هي المكان اللي فيه الويندوز الرباني يعني نظام التشغيل الكامل اللي يخلي روحك هي اللي مشغله جسدك وصافيه و ربانيه وتجعل الجسد العادي النحيل يفعل الافاعيل مهما كان ضعيف من غير عضلات وترابيس تقدر تحرك الحاجات الثقيله باشاره من بعيد . لكن ان لعبت في الويندوزونظام التشغيل والحمايه اللي عليه حيدخل علي الويندوز فيروسات كتير وساعتها حيتقل ويهنج و ينفذ اوامر الفيروس والهاكر اللي دخل و جهازك يبقي مقرف و عقيم . ما هو ادم و زوجه كانوا في الجنه عريانين وماشيين امام بعض عادي جدا ومفيس كسوف ولا خجل ولا شايفين حاجه عيب لانهم كانوا في الويندوز بدون تلاعب فهم أرواح نقيه داخل جسد مادي وطاقه الروح هي المسيطره ولكن بمجرد ما سمح بالاقتراب من ملفات الويندوز دخل الفيروس والهاكر (الشيطان-ست) حصل ايه 🤔 تحركت الشهوات الماديه وخبت الطاقه الروحيه فنظروا لبعض نظرات شهوانيه فجريوا يغطوا أعضائهم بورق الجنه مع انهم سابقا كانوا بيبصوا لبعض كل يوم ونفس الاعضاء موجوده ومش متغطيه لكن اللي اتغير غرض النظره من نظره روحيه الي نظره ماديه . علشان كده الاطفال الصغيره ممكن تمشي عريانه امام بقيه الناس بدون كسوف ومش شايفه ان فيه حاجه عيب اوغلط لان الويندوز بتاعه المخلوق بيه تمام ولسه جديد ومتلعبش فيه ولكن بمجرد ما يكبر شويه ويبدء الناس تقرب الويندوز بتاعهم تلاقيه عرف انه لازم يغطي اجزاء وبقي ليه نظره مختلفه . نفس الكلام هو ليه انت مش بتنظر بنظره شهوه لامك ولا اختك ولا بنتك 🤔 مع انهم ستات ذي بقيه الستات الغرببه عنك 🤔 علشان الويندوز بتاعك برمجته كده . الشجره هي المخيخ في قاع المخ .شوف صور الاشعه الطبيه حتلاقيه شجره جميله من المسقط الجانبي و جناحين طائر من المسقط الافقي( جناحي حورس).👇 حورس ( حور سي-سيد النور) لو بصيت علي الاشعه الطبيه من المسقط الجانبي للمخ حتلاقي الغده الصنوبريه علي شكل طائر الصقر 👇 الغده الصنوبريه دي طبيا تسمي قاعده الروح كما وصفها العالم ديكارت وهي اللي بتفرز هرمون الميلاتونين المسؤول عن الساعه البيلوجيه و تنظيم النوم .ففي النوم لكي تتحرر الروح وتسافر عبر الزمن لابد ان يتم إيقاف العقل الظاهر و تنشيط العقل الواعي وده اللي بيعمله هرمون الميلاتونين . علشان كده ممكن تلاقي اجابه لسؤال مهم هو ليه الانسان وهو صاحي ممكن تشيله وترفعه ويبقي خفيف ولكن لو نام وتيجي تشيله يبقي تقيل جدا جدا وكذلك المتوفي قبل الوفاه وبعد الوفاه الوزن بيبقي اثقل بكتير جدا 🤔 لان اللي شايل الجسد طاقه الروح وكلما كانت قويه كلما قل وزنه واصبح خفيف و يتنطط ذي الفراشه ولما طاقه الروح بتغادر سواء في الاحلام او الوفاه بيتبقي الجسد فقط وهنا يظهر وزنه الحقيقي تقيل جدا وصعب تشيل. ده حورس الصقر وحتلاقيه في الاشعه ماسك اعصاب العين الماديه وده اللي بيخلي نظره عينك للأشياء مختلفه من حيث التفكير هل بوعي ولا بشر فتنظر نظره حسد ونظره انتقام ونظره شهوه. لكن لو اقتربنا كثيرا بالاشعه وعملنا زوم حتلاقي منطقه الرأس للطائر هي عين حورس و نني العين هي منطقه المهاد طبيا ودي قصه لانها المنطقه المسؤوله عن استقبال وارسال الاشارات الكهرومغناطيسه للجسم وتاخدها توديها للقلب يحللها ويفهمها بروحه روح الوعي و بعدين يرسل القرار لمراكز المخ للتنفيذ عن طرق اكتر من مليار ضفيره عصبيه ويقوله ده قال صباح الخير ولكن بطاقه سلبيه( من تحت الضرس☺️) ده يترد عليه بالنظره دي و بطريقه الكلام الحاده دي و بالانفعال ده .تقوم مراكز المخ باعته للغدد اشارات افراز الهرمونات المطلوبه ذي الادريانين وتبقي حاله الانفعال فالصوت يعلي والكلام يبقي حاد والنظره تبرق وتبقي ليله ولكن لو كان نفس الشخص قال نفس الكلمات بطاقه ايجابيه فالقلب يبعت لمراكز المخ ده يترد عليه بحب فيبعت للغده النخاميه تفرز هرمون الاوكسيتوسين فتخلي العين تنظر بسعاده والصوت ينخفض ويبقي عذب رقيق والايد تتحرك بلطف وتحضنه وتقوله احلي صباح عليك يا جميل ☺️ لكن بقي لو شفت الاشعه الطبيه من المسقط الافقي من الخلف عند اسفل العنق حتلاقي الشكل اختلف وبقت شكل بومه😲 ولونها اسود لان دي الماده السوداء الغامضه طبيا فهي منطقه افراز الدوبامين وده المسؤول عن التوافق العضلي العصبي وتنظيم الإشارات العصبيه ولكن له جزء خاص بالوعي والتعلم والذكاء والاستبصار والتخاطر ولكن لانه ليس ماديا فالطب لا يعرف كيف يوصفه لانها حالات روحيه ولكن بيظهر ذلك طبيا في كل ما كانت الماده قادره علي افراز اكثر يجدوا الذكاء و الوعي و القدره علي التوقع واستبصار القادم افضل بكثير.