أَفنْان🦋

اليوم نتائج التوجيهي فجأة ادركت انه الي سبع سنين مخلصة توجيهي اووف السنين بعدو بسرعة رهيبة ما بنسوك بس بخلوك تتعايش بذكر مكنتش حابة معدلي😂 جبت ٩١ كنت متوقعة اكثر بس شو ؟ عادي خلصنا دراسة وجامعة والحياة استمرت بكل تفاصيلها بس هيك انبسطو بكل لحظاتكم مهما كانت صغيرة او كبيرة

ليش نسعى للجنة ؟ خوف من النار ؟ امم بمرحلة ما من الحياة ما بتحس انه الخوف من النار حافز كافي ليخليك تفكر منيح وترجع لربنا بطريقة احسن وتعبده احسن وتكسب الجنة ! طب شو نعمل ؟ " مبدأ الخسارة" انت بالدنيا ما حققت حلمك اللي كنت بدك اياه من قلبك فبتسعى للجنة عشان تحققه هناك..! السفر اللي كنت تحلم تروحله والاماكن اللي بخاطرك تزورهن رح تشوف احلا منهم بالجنة طب كل المرات اللي انكسر خاطرك فيهم ع اي اشي ربنا رح يجبر خاطرك بالجنة ع كل مرة زعلت ع كل مرة نمت منكد ع كل مرة نمت وانت قلبك بوجعك وع كل مرة نمت وانت كامت جواك كثير اشياء ع كل الاشياء اللي ما حققتها بالدنيا مهما كانت تافهة وصغيرة رح تتحق بالجنة ان شاء الله فاسعى منيح للجنة لسا قدامك كثير اشياء تحققها هناك رح تكون مبسوط اسعى وبس .

بين الوقت والثاني بصفن الواحد شوي وبحكي ليش انا ؟ لي انا الحين بعيش بحياة ما بدي اياها ؟

ما نفع النزهة إن لم تكن بداخلك ؟

النسخة المثالية قد تكون مريحة، لكن النسخة الحقيقية هي التي يمكنها أن تكره وتحب، وتندم، وتغفر، ثم تبدأ من جديد.

سيأتيك الموت في يومٍ عادي، في منتصفِ خُططٍ لم تكتمل، وسيمضي العالم في طريقهِ من دونك.

يحمل الانسان جبالا بالحب ولا يحمل حبة قمح مُكرها

في إحدى ليالي أيار نال الحبيب محبوبته 💗!

..

..

كنت عند دكتور العيون أنا حد بلبس نظارات لضعف بنظري كنت حابة اعمل عدسات لعرسي عشان اقدر اشوف منيح وبطريقة افضل وارتاح شوي من النظارة وارجع اشوف شكلي بدون نظارة لانه حسيت انها صارت جزء من وجهي فطلعو عيوني بتحسسو بشكل كبير من العدسات وسببولي التهاب فيهم وما بنفع البسهم وهاي الحساسية بالعين يعني ما بقدر يعالجها الدكتور او يخفف منها اشي مناعي بحت روحت وانا كثير متضايقة كنت حابة اشوف تفاصيل عرسي تعلق ببالي المشاهد النظرات الضحكات اضل متذكرة صور واضحة مش مغبشة وكثير اتضايقت انه العدسات بزبطو مع تقريبا كل الناس وحساسية العين للعدسات اشي شبه معدوم وانا بقلب بالتطبيقات ومتضايقة ع الموضوع كله طلعلي هذا الحديث: قال ﷺ فيما يرويه عن ربه في الحديث القدسي: «إذا ابتليتُ عبدي بحبيبتيه (أي عينيه) فصبر، عوضتُه منهما الجنة» (رواه البخاري) يا الله الحديث شو مريح ومطمئن حسيت انه هاي اللحظات تستحق الصبر عشان النهاية اهم من الطريق مهما كان وعر ومؤلم تذكروا دايما انه ربنا بعطيك رحمة اكبر من السوء اللي بتمر فيه حتى لو بعد حين وبس والله💕

حاس بفيض مشاعر بس مش عارفة احكي يا رب الايام الجاي تكون حنونة وتحمل كل خير💕

وفي عز الكلام سكت الكلام

يا ترُىٰ الحياة كيف بيكون شكلها و الواحد مخلص اللي وراه، ويظلله الأمان، ومعه شخصه المُفضل، وظهره ما بيوجعه، ومش متوتر طول الوقت، وبينام ست ساعات متواصلة، ومتخطي كلشي مؤذي، وعايش اليوم بيومه وما بيخاف من المستقبل، ودماغه ساكتة، واللي بيحبهم بيبادلوه نفس الشعور ؟

(2) مَا وَدَّعَكَ رَبُّكَ وَمَا قَلَىٰ (3) وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ (4) وَلَسَوۡفَ يُعۡطِيكَ رَبُّكَ فَتَرۡضَىٰٓ (5)