بَعثَرَات عَائِشيّة✍🏻🦋!

في ودائعكَ كلَّ أسيرٍ وأسيرة، صبَّ عليهم جبرك، ثبّتهم واربط على قلوبهم، ارحم ضعفهم وآنس وحشتهم، وعوّضهم عوض الدّارين يا رب، واجمع كلَّ حبيبٍ بحبيبه. لطفًا ما تنسوا أسرانا وأسيراتنا، دثّروهم بالدّعاء دائمًا، تذكّروهم وذكّروا الغير فيهم، احنا أصواتهم.

سبحانك ما أثقلَ دنيانا وما أرحمك، ما من كبدٍ نجابهه فيها إلّا ويصاحبهُ لطفك، يا نعمَ المدبّر والوكيل ما شكرناكَ حقَّ شكرك، ولا قدرناكَ حقَّ قدرك، ولا عبدناكَ حقَّ عبادتك، لكن وعزّتكَ نحبّك، تولّنا وقلوبنا بهذا الحبّ كما كلِّ مرّة.

في ودائعكَ يا حبيبنا، غزّتنا، شقيقة روحها، مجاهدينا، مخيّماتنا وشمالنا، أسيراتنا وأسرانا، مسرانا، اليمن، لبنان، السودان، العراق، إيران، وكلّ معقل للإسلام يا رب، احقن دماءَ أوليائك، وامكر لهم ولا تمكر عليهم، وامحق الظلم والظالمين وكلّ المتآمرين يا قوي يا عزيز.

يا روحها لأختك:(🍂 ما تنسو الأسيرات والأسرى من دعائكم أبدًا لطفًا.

شيماء يا حبيبة روحي كمان 46 يوم حنستنى؟ طيب والله نتلوّع توقًا وشوقًا وفقدًا وكل يوم بمر بغيابك بثقل سنة، كل محكمة بكون أملنا بربنا أكبر من المحكمة اللي قبلها وحتى لو مددوكِ وانهد حيلنا عليكِ حنضل متأملين باللي خلقنا وخلقك وأرحم منّا فيكِ وعلى يقين إنّه كله خير، كله خير حتى لو بكينا، كلّه خير حتى لو انهد حيلنا، كله خير حتى لو البُعد أنهك قلوبنا، كلّه خير وراضيين وحبيبنا حيرضينا أكيد، يا رب استودعناك روح بيتنا، يا رب استودعناك قطعة من قلوبنا، ثبّتها، احميها، آنس وحشتها، قوّها بك، علّقها بك يا حبيبنا، يا رب رُحماكَ رُحماك بقلبها وقلوبنا، يا رب اكتب لهالشدة أن تزول بإذنك، محتسبين وراضيين يا رب فارض عنا وارضِنا. ما تنسو الأسيرات والأسرى.

شيماء يا حبيبة روحي، اليوم ذكرى ميلادك لأول مرة وانتِ بعيدة عنّا، والله بعدك بهدّ الحيل، اشتقنا لكل شي بخصّك، البيت بلا ألوان وبلا روح بدونك، أفراحنا ناقصة بدونك، متى بدك ترجعيلنا يا روحي؟ كل عام وانتِ بألف خير يا كل الخير اللي مفتقدينه، شو كان نفسي تحضريلي كثير امور بتخصني، شو كان نفسي أشوف حماسك، وتعمليلي أجوائك الخاصة، بحبك أضعاف بغضي للخنازير اللي أبعدوكِ عني، بضمك بدعائي كل لحظة، حاضرة ببالي وبقلبي وإن غبتي جسدًا، شو مشتااقة لكل تفصيلة بتجمعنا، منتظريتك يا روحي، كل عام وانتِ خيرنا يا سكر بيتنا، بحبك❤️‍🩹.

يا رب يا واسع.

يا رب آنس وحشة شيماء، ثبّت عليها دينها وعقلها، يا ربّ هوّن عليها وطأة القمعات واحميها من مكر السجّان ووحشة السجن، يا رب قرّبها لك واجعل محنتها منحة بخلوتها معك، حبيبي يا رب في ودائعك التي لا تضيع كل أسيرة وكل أسير، يا رب عوّضهم عن كلّ دقيقة من أعمارهم مضت بعتمات السجون، يا ربّ نوّر قلوبهم بذكرك، يا رب اجبر قلوبنا وقلوبهم بتبييض السجون، يا رب ردّ كلّ حبيب لحبيبه، حبيبنا الرحيم استودعناك أسرانا وحرائرنا، كن لهم عونًا ونصيرًا وخيرَ مؤنس لوحشتهم، ونورًا لعتمات سجنهم. لطفًا اجعلوا لأسرانا وأسيراتنا النصيب الوفير من دعائكم.

جمرةٌ تقطنُ في قفصها نتقوّى على حرارتها ب"إنّا لله".

إلى هنا ننهي فقرتنا، كان اطمئنان سريع، ضلكم بخير يا كرام، وما تنسوا شيماء والأسيرات والأسرى من دعائكم لطفًا.

وزمان ما تأملتها كما سابق عهدي برضو ايه انداري

جمعًا آمين

🤷🏻‍♀️

الله يبارك بعمرك وإيمانك، يسعد قلبك، الزنقات لا بد منها المهم تسعي بلا خوف وتوتر وتعملي اللي عليكِ لآخر رمق، وتطلبي البركة والتوفيق وتسديد السعي من ربنا، ربي يوفقك ويبارك بوقتك وجهدك ويفتح عليكِ فتوح العارفين🤍

صحيح إن شاء الله ربنا يقدرنا

آمين الله يرضى عنكم ولا أراكم في أحبابكم مكروهًا قطّ

ممتنة لوجود أشخاص متفهمين، الحمد لله على كل حال، لو أخذنا وقت كبير معلش لكن أتمنى نقدر نسترجع همّتنا الأولى

حاكتب بالعامية كوني بدي فترة كبير لأقدر أكتب بالفصحى مثل قبل، صدقًا ما بعرف شو حيطلع معي. بتعرفوا شو؟! كثير منّا مَرّ بمحطّات ومتاهات بحياته وهو بوسطها كان يردّد يا ربّ هاي أصعب مرحلة بحياتي يا ربّ أعن هالقلب ليطلع منها بسلام، وهلكيت في منّا اللي بمحطّات أصعب بمراحل من اللي اجتازها وبندعي ربنا نفس دعائنا الأول، إن يا رب أخرجنا منها بسلام، وهاي هي الدنيا الدنية اللي عايشين فيها، كلها محطّات واختبارات وابتلاءات، وخليني أخص الفلسطينيين وأحكي إن حياتهم جد الفرح فيها لحظة والترح لحظات، وصلنا لمرحلة بنضحك بعذاب ضمير، وبننجز بفتات قلوب وبقايا أرواح لأنّنا بالنهاية مؤمنين والمؤمن الحقّ لا يعرقل الحزن والابتلاء سعيه، كلنا النا معاركنا الخاصة، وكلنا النا رواياتنا اللي عمالنا بنخطّها بدموع فرحنا تارة وبدموع حزننا تارات، لكن الشي الثابت بكل رواية هو حبل وصلنا بحبيبنا الله، لأن تالله ووالله وبالله لو لا الله وألطافه ومعيته ورحماته لما بقي أحد بعقله في عزّ مصابه، لهيك بنهاية هالبعثرة في نصيحة وحدة: تمسّكوا بحبل ربنا وابكوا بين ايديه تذلّلوا للقهار لحتى تقدروا تستجمعوا فتاتكم أمام العالم، وما تستسلموا للدنيّة ومخالبها وتخلوها تنهش أرواحكم، معلش تنهش أجسادنا بس ما تمسّ إيماننا وأرواحنا ويقيننا ببارئنا وفرجه وحكمته من كل شي بصير معنا، ازهدوا بهالدنيا وخلوها بأيديكم دائمًا مش بقلوبكم، وبس والله.

معقول لحظة أحاول🤷🏻‍♀️

تشتاقلكم مكة، الحمد لله على كل حال