فهد بن حسين

رغم الخطا والجرح شفت التمادي وانت تحسب خطاك عندي هويّن عاندتني وانا عنادي عنادي فلا تزعل من الحق والحق بيّن لا صرت ماتقدّر مشاعر فوادي "اشره علي" لا شفتني معك ليّن

استامني في طرف ضلوعي الحنيا يا شمعة العمر ويا لذّة امانيّه لي التعب والهجير وقسوة الدنيا ولك الدلع والترف وبارد الفيّه

مافيه جرّة قدم يالمرقب العالي الا وله جرحٍ وضيقة رهاويه لا هبّ نسناس من شمال ، طوّالي يفج كبد السماء ، برّاق وسمية تطرق محاديب صدري قبل دسمالي كنها تبي حاجةٍ ماهيب مقضيّه عن خطوة اللوعة وهجير ترحالي عن لاهب القيض ادوّر بارد الفيّه عن زلة الصاحب وعن غيبة الغالي وعن صدّت الشمس والربيع والفيّه يا ضيعة شعوري ويا خيبة آمالي الى متى والعيون السود مبليه ودي بمزاج السعيد وخاطر السالي وليل يسرّي على خط ابوْ حدريّه لو اني تارك هواجيسي كان اشوالي ما كان نفسي على شقاويه شقاويه يا خالي الهم، ليتني بعد خالي الهم والحزن والشعر وقوافيّه ما جاني من ليل الاحباب وتهيّالي قصيدةٍ في نحر الايام "مرثيه"

لي نفس من عدّها عد الروى راويه ولي قلب ما تاسعه الاراضي ومتونها ولي عقل بأفكاره يورّدني الهاويه ان قلت صاحيها ولا قلت مجنونها أجسّد شعور غيري.. من كذا زاويه واكتب شعر واعقل القيفان من دونها يحزنيّ حتى لا شفت الشجرة الخاوية من بعد ما كانت الحياة في غصونها

تداعي يا هجوسي واسر يا ساري معي قافٍ مع كل ليلةٍ يلفى في راسي دبك خيل ونار من ناري وفي صدري مضارب سيفٍ وشلفا تقولين السماء واقول مقداري تقولين الهوى واقول ما يخفى لو يطول العمر ويطول مشواري جروح الدار والاحباب ما تشفى وين ادوّر على داري وانا داري تلاشت بعد ماصار الوطن منفى

تسأليني .. عن وفاي بكل ليل من سنين العمر وضلوعي افا كيف يصبح حبّك في عيني قليل وانتي موطن .. دون شعبه مانفى كل ما هبّت يميل اللي يميل قلب .. مابه غيرك انتي وكفى انتي حلمٍ كنت اشوفه مستحيل لين حققته وعمري احتفى القصايد فيك هي اكبر دليل يا حنانٍ ما وراه الا الدفا العواطف ليلها ليلٍ طويل وانبل العواطف "شعور الوفاء"

على سرب الطواري تايه وسارح ‏وانا فوق اللي تلاوع هل المسرى ‏في وجهي كل شي متبيّن وشارح ‏وصوتي له ملامح ساعة الغدرى ‏مطاولني هجوسٍ ليلة البارح ‏على جرحٍ يزيد بـ خنجر الذكرى ‏عرفت ان كثر صمتي موجع وجارح ‏بعد زيف الرفيق وصدّت العذرى

يا حنانٍ ما وراها الا "الدفا"

ما تقدر المجريات الحاصلة طمسها الغايه اللي على شهق النوايف تويق يسيل وادي من الشعر على همسها ويجف لا قالوا الرفيق خان الرفيق محدٍ على جروحي بقادر على لمسها إلا انت ياللي معك كل شي احسه رقيق اكابد النفس لا من دبرت شمسها في حلّة الحزن والحزن شعوره عميق فاقد لي اشياء من الليالي وأنسها ما عاد للبسمة فـ وجهي يا وجهي بريق في داخلي معركة من حاضري وامسها وايادي الحلم قيّدها الزمان الوثيق تقول الامواج تلطم نفسها بنفسها وسط الحنايا بحر وانا الغريق الغريق

خلوا باقة الورد لأهلها ،حملة ورد بالوانيت لخاطر الشتاء وايامه.

طاف الخيال ومر خلّي وزاره اللي على قطع الوصال ايتحدا لولاه ماشفت الفراق و دماره ولولاه ماشفت المقام المفدا خذا الجمال اليوسفي والصداره عندي مثل روحي على ماتبدا للحب غاره وانتصار و خساره ولشوق عذر ورتم الاشواق عدا وان جيت قلبي تسأله عن قراره ‏بيقول لك مشتااق مشتاااق جدا مبارك جارالله

لا طاحت فـ كوبها تقول طيحة شهب في ليلةٍ والدجى تسيّد بنصفها صديقة اللي وعى ونديمة اللي سهب وحبيبة اللي جروحه ما وقف نزفها ان قلت مثل العسل وان قلت مثل الذهب في وصفها .. يعجز اللسان في وصفها

ياكبر الشوق وكبر الضيق والحرّه بعد روحت صبا الايام قدامي لقى وجهي من الايام ما سرّه مع ان ظروف وقتي وقعها حامي صحيح ان قلبي اللوّام قد غرّه امورٍ تجعل اللي مرتوي ضامي لكن لي فالثريا والثرى جرّة واسمي فارقٍ ما بين الاسامي حبيبي والسهر في عيني اذرّه وتشرق شمس واوهامي هي اوهامي تجي وتروح والخطوات مغترّه وعلى اثرها اشوف النبت متنامي ما بين العود وبين الخد والغرّة وجديل يضيع به ليل ونحر طامي ومابين شفاه ورمشٍ متقي شرّه هذي اغلى سنيني واطيب احلامي