مـزبّن الجلاوي

‏عيونك الـلي تستفز الثاير ‏ما كنّها الا تكشف المتخبّي ‏يوم أرسلت سهم الجناح الطاير ‏ما ردني غير الجناح الطبّي :)

‏طلَعت من ذمّتي لذمة أحبابك ‏أنا من اليوم مثل الناس متفرّج ‏إبراء الذمة العاطفية

‏حرصه على دبلة كبود المسلمين أشدّ من حرصه على فرض الصلاة

‏أبعدوني عن مساحات المشاكل والطلايب ‏من صغر سني لا شفت الضول أمرّه وأتعدّا ‏وش لزومي في مفاهيم البشر مخطي وصايب ‏العقول مقسّمه .. والعاقل بعقله تقدّا ‏استميل لعزلتي وابعد ولا عندي سبايب ‏غير حبّي للهدوء اللي عن اللجّه مبدّا ‏في مكان ٍ ما يمرّه غير ذعذاع الهبايب ‏كل ما يطرق ضلوعي قلت هاذي وصفة الدّاء ‏الخلا الخالي حبيبي كان باقي لي حبايب ‏عقب خلّيت الحسايف من معاليقي تغدّا ‏خاطري سامح وقلبي عن جميع الناس طايب ‏اكثر اللي كان طيّب .. تالي ايامه تردّا

تنام الشمس .. ويغني سواد الليل ب الأحزان ويجيب آشياء طول اليوم ماتطري على باله ! و أنا ما بين فوضايه، مُحاط بـ اربعة جدران ذكرتك و ايه بكتب لك قديمك وشهي احواله؟ ترا من يوم ما رحت من غيابك إلئ الأن وهذا الحزن هو نفسه .. على وضعه ومواله كثير أحيان يقواني أنا أقوى عليه أحيان ولكن الأكيد إني تعبت اعيش هذي الحاله قديمك ضيع الوجهه بعدك ولا لقى عنوان ورغم كثر العرب حوله؟ كأنه جالس لحاله يدور للوصل فرصة يعاني لوعة الحرمان ويحاول قد ما يقدر .. يمد أيده ولا طاله يضيع يومه يحاول يزين وضعه وما زان ويشد حبال حظّه بس دايم يرخي حباله يعيش بذكريات أمسه بعد ما طول الفقدان ويضيق إليا طريت له ولا به شي يحلاله قديمي وش بقى فيني عشان أكتب من القيفان ! وانا من كثر ما أكتب لك غديت الشعر ما اقوى له كتبت بكل ما فيني بكى، حزن، وقسى، ونكران انا مليت من وضعك تعبت اكتبه واقرا له تعبت من الفراق اللي مغرّبني بدون اوطان انا يا ليّت لي قدره .. عشان اصير قتاله ! شحب وجهي بعد فقدك غدى باهت بدون ألوان واشوف ان الفرح بعدك .. بعيد وزايد إهماله من الوحشه من الغربه من الحيره ..انا شبعان ! وبعدك الحزن متكاثر عليّ .. وزايد هباله معلّق ماني بـ رابح معلّق .. ماني بخسران ! (على قيد الأمل عايش) وأظل اجلس على جاله عموماً لو تنساني أنا ما اقوى على النسيان وحبك لو يطول البعد؟ لين الحين ما زاله اعيدك واذكر أيامك واردد كان .. ياما كان هِنا كان الأمل عايش .. هِنا ماتت به آماله فمان الله، وحفظ الله، و بـ الاخر انا إنسان إذا مرك قديم الأمس رد لي بس مرساله تقوم الشمس ..ويغني صباح الخير بـ الخذلان وباقي بس في فمّه .. سوالِ بس ما قاله علامه نال هذا العزّ .. شخصٍ نام بـ الأحضان وعلام الي تعب بـ الوقت هذا العزّ ما ناله :( ؟

t.me/persoonallaccountt

t.me/persoonallaccountt

‏مسامحك لكن "اسف" وين اوديها؟ ‏ما كل مـره معاي .. بتسلم الجره ‏لو اعتبر ماحصل .. زله واعديها ‏مكانتك صعب ترجع مثل كل مره ‏ممكن تعود المياه الى مجاريها ‏لكن ماهي صالحه للشرب بالمرّه !

ما دام غبت بساعة أم المعارك ‏ مالي ليا زال الخطر حاجةٍ فيك

أنا آسف على صدقي معك بالذَّات ‏وعلى عرفك.. وما بعده.. وما بعده

‏يا حبيبي دام بيبان الغلا مفتوحه ‏قلبك الغافي على درب المواصل صَحّه

‏ما لانت عزومنا من لين جانبنا ‏يا كثر ما نقدر ويا كثر ما اعفينا ‏الفضل بعد الله يعود لـ تجاربنا ‏من طيب نيّاتنا طابت مساعينا ‏لو ان خساراتنا اكثر من مكاسبنا ‏كل الخساير ( تهون ) الا مبادينا ‏ما نترك الحقد ؛ ياكل من ترايبنا ‏ولّا انعرف .. انتقاضى لا تقاضينا ‏لو ننشغل فالضعوف اللي تحاربنا ‏ضاعت شيمنا قبل ضيعة هقاوينا ‏ما دون حد الكرامة .. ما يناسبنا ‏طبيعةٍ من خلقنا الله وهي فينا ‏اللي ما نرضابه صحيبٍ يصاحبنا ‏ما نعترف به عدو مهما يعادينا ‏واللي ما يطلق لسانه غير لا غبنا ‏توه لهالحين ما هذرا بـ أسامينا ‏ما للحسايف علينا درب لا طبنا ‏لو في خشاش الثرا جادت يمانينا ‏حتى لو تغثرب الدنيا مشاربنا ‏اذا قدرنا نسوي طيب .. سوينا ‏قالوا ما يستاهلون وقلت واجبنا ‏ان كانهم .. ما تربّوا ! قد تربينا ‏الله لا يجعل مصايبهم ؛ مصايبنا ‏لو التعامل سوى يمدي تساوينا ‏طبنا ولا طابوا وخابوا ولا خبنا ‏على كثر ( ما تردوا ) ما تردينا - عبدالله السراهيد

‏قولوا لها لا توريني نجوم الظهر ‏آما ترد الخبر و لا عشقت أختها :)

‏لا تحسب إن الرسايل عالقه ف البريد ‏أنا كتبت الرسايل بس .. ما أرسلتها ‏_ عبدالله السراهيد

أكسر عظم روتين الحياة المُملّة ‏كل الأيام من بعدك تشابه بعضها!

‏سُلاف الروح ، مربكني غيابك ، وابتديت اخاف ‏على صفحات شوقي جيت لك سيراً على حرفي ‏ نطرتك والسنين تمّر وسنين الحنين عجاف ‏ياليتك كنت مسقيني " احبك " قبل ما تقفي ‏حبيبي ما بعد صدرك ملاذ وضحكتك ميلاف ‏جعل درب اشتياقي ما يوّردني على حتفي ‏اسيل الخد ، مهضوم الحشاء ، متمايل الاعطاف ‏على الملهوف في برد الليالي ضمتك تدفي ‏رحلت وكانت الغربه بحر مترامي الاطراف ‏ويا ثقل الطواري في حقيبة رحلة المنفي ‏ ومن عهد النوايب ما تدور إلا على الاشراف ‏ عبستي يالوجيه ، ويا الزمان ابديت ما تخفي ‏عسى في زيارة البيت العتيق ودعوة الطوّاف ‏نهاية لإكتئابي ، والجروح الغايره تشفي ‏انا ما احتاج بيئة داعمة بحثاً عن الإنصاف ‏فضاي الأفق وتمر السحايب من تحت سقفي ‏كتبت من القصيد اللي يجيب الغانيات اكتاف ‏يا كم ناهد ، جديل شعورها ، مُلقى على كتفي ‏ترى بعض التواضع فيه ضعف ونوع من الإجحاف ‏وترى ما كل مبدع لو يغيب بغيبته مكفي ‏ ‏يا حلوك قبل يغريك الترف يا مترف الاوصاف ‏عزفتك في مقامات الشعر لين انفرد عزفي ‏سمحت من الهوى وانت الهوى وياك ! ما ينعاف ‏عزوفي كان عزله عن دروب استنزفت عطفي ‏ لو ان قلبك مثل ذاك القميص الابيض الشفاف ‏تجلّت ريبتي وامدى كدر ماء خاطري يصفي ‏احس ان كل لحظاتي بدونك في الحياة ؟ إسراف ‏ابي لي عمر ثاني ، عمر واحد معك ! ما يكفي ‏على الشوق الملامه لا عليك ولا علّي خلاف ‏جماهير الجفاء ما همّها الجافي من المجفي ‏وداعي معذِره ، يالراحلين ، وللوداع : اعراف ‏اعرف اشتاق ما اعرف اتمسّك في يد المقفي.

‏مستحيل ترجّع الدنيا مكانة شخص غالي ‏ساعة أنه طاح من عيني مثل ساعة وفاته

‏ما طابت جروحك بقلبي وربّك ‏كل ما تشالت هبّ عطرك عليها ‏على كثر ما قلتي " أنا أحبّك " ‏ودّي ولو مرّة تحسّين فيها

‏الغياب يقوم بواجبه .. على اوجع وجه