عَشوائيات.

مكُنتش عايز دروس حياتية، كُنت عايز أفضل مبسوط ومتطمن ومتبقاش كل حاجة بالبشاعة والصعوبة دي..

You really cannot teach people humanity.

مُهم جدًا الإنسان يكون عارف قيمة نفسه، التواضع الزيادة عن اللزوم مينفعش مع كُل الناس علشان بينسوا نفسهم.

سيناريو المباراة لايق على أغلب تفاصيل حياتنا.. أنت خلاص بتلمس أحلامك، وقربت توصل، وفجأة ينتهي كل شيء كأنه لم يكن. كدتُ ألمسُ ما أودُّ، ثم استحال.

يُقال عِندَ الودّاعِ مَعَ السّلامة أينَ السلامةُ في وداعِ المُحبينَ؟!

الواحد عاوز شغلانة بميه ألف جنيه في الشهر ويبقى 8 ساعات شغل مش أكتر من كده 🫱🏻‍🫲🏻

‏عامة الحياة صعبة أوي على أي حد عايز يفضل إنسان كويس.

أأعود منتصرًا بكُل معاركي وأمام عينيها البريئةِ أُهزمُ؟

رجلٌ وما استسلمت قبلُ لفارسٍ ما لي أمام عيونها مستلمُ.

لا الدارُ داري ولا الرفاقُ رِفاقي ولا المكان يعرِفُني؛ عبثتُ بديارٍ لست أملكها.

متىٰ حلَّ في وادينا كُل هذا الخراب؟

ايه حياة الكبار دي؟ أنا مكنتش عامل حسابي أعيش لحد دلوقتي!

مؤسفٌ ما تفعله بنا الحياة، ومؤسفٌ ما قد يصل إليه الإنسانُ من حقارة.

تفكير بليل ده بيوريك قد ايه كل حاجة بايظة

وداعًا لعام جرّبنا فيه كل شيء… إلا الزواج.

نبدو بخير أمام الجميع، لأن شرح الحقيقة مُتعب أكثر من تحمّلها.

متصالح جداً مع ظروفي ونصيبي والواقع اللي عايشه والضغوطات النفسية اللي بمر بيها من الوقت للتاني، ومؤمن بإن عوض ربنا هييجي في الوقت المناسب.

دلوقتي وبعد كل اللي حصل ومريت بيه، بقيت لا أجرؤ أبدًا على المراهنة على أي شخص ولا أتسرع في حكمي عليه. بقيت بحط علامة استفهام على كل شخص أقابله، وكأنها حاجز أمان بيفصلني عنه ويخلّيني أتصرف بمنتهى الحذر لحد ما تثبت براءته وتوضح نواياه، وبمنتهى الأمان أرجع وأنا سالم تمامًا من غير خدوش ولا أي خيبة جديدة تتضاف لكل الخيبات السابقة. فـ تأكّد إن رهانك دايمًا مرتبط بثقة عمياء سامة ما بتجيبش غير أذى، فـ إياك ثم إياك إنك تراهن على حد… أي حد!

حزين على نفسي القديمة جدًا، وحزين أكتر على كل حاجة خسرتها وصلتني لمرحلة مش كويسة من أخلاقي وتعاملي ونرفزتي وحاجات كتير تانية مش باخد بالي منها. زعلان إني كنت ماشي في اتجاه وهادي، وفجأة الدنيا قلبت كل حاجة عليا، وبقيت عايش أصدّ الضغط بس.. الحمد لله، وربنا يهديني ويحسّن خلقي، ويطوّل بالي، ويشرح صدري.

‏أكيد في مشاعر تانيه غير إن الواحد يبقي تايه