စာတို/vd

The owner of this channel has been inactive for the last 18 months. If they remain inactive for the next 9 days, they may lose their account and admin rights in this channel. The contents of the channel will remain accessible for all users.

The owner of this channel has been inactive for the last 17 months. If they remain inactive for the next 20 days, they may lose their account and admin rights in this channel. The contents of the channel will remain accessible for all users.

The owner of this channel has been inactive for the last 17 months. If they remain inactive for the next 28 days, they may lose their account and admin rights in this channel. The contents of the channel will remain accessible for all users.

(၁) ငါ ကဗျာဆရာဖြစ်ချင်တယ် ပါပီယွန်နဲ့လည်း လေတူတူရှုချင်တယ် သမိုင်းအဖွင့်တွေထဲလည်း ပေါ်ပင်လုပ်ချင်တယ် (၂) ငါဟာ ကိုယ်အရိပ်ကို နင်းပြီး ရွှေဖရုံသီးတွေ ဟောလိုဝင်း ကာချာထဲ ထည့်မြှုပ်တာ (၃) တဆစ်ဆစ်နဲ့ ကိုက်နေတဲ့ ခေတ်ကိုမှ အာသာဖြေပြီး မော့ကြည့်တဲ့ ဖိနပ်စင် (၄) ပန်းမကြိုက်တဲ့ အရသာနဲ့ ဆေးလိပ်က နံပါတ်ပြားတွေနဲ့ ရေစင်ခဲ့အဖြစ် (၅) ရထားသံလမ်းတွေ ယိမ်းနွဲ့ထိုး ဘောင်းဘီရှည်တဲ့ လူငယ်တွေ ဆေးခြောက် အတင်းတိုက်ဖူးတယ် (၆) ငါမရှိခဲ့တဲ့ ရက်တစ်ထောင် အနီရောင် ဖြတ်မျဉ်းတွေ ငှက်တစ်အုပ် ထရယ် (၇) လဖင်ထိုးတဲ့ ညထိ နေရောင်ခြည်ကို မှင်တချို့နဲ့ ငရဲပြည်ထိ ခေါ်သွား (၈) ကြာသပတေးနေ့မှာ မွေးတော့ “ခင့်” သက်စေ့ရေလောင်းရတဲ့ နှင်းဆီခြောက် (၉) ရွက်ကြမ်းများ ရုပ်ချောတဲ့ မင်းသားတွေ ဖြစ်ဖူးတာ ကွန်မာရှယ် ကျူးကျော်တဲထဲ ချိတ်ထားတယ် (၁၀) လျော့တိလျော့ရဲ မြောက်ပြန်လေတွေ ဆယ်မွန်တွေကို စောက်ခွက် သုံးချက်ရိုက်… မှတ်တမ်းအမိန့် ထုတ်ပြန်ချက် (၁၁) လူ့ကျင့်ဝတ်မပါတဲ့ အက်စေးကို စက္ကူကဗျာ ခေါက်ပြီး ဝတ်ကျေတန်းကျေ အသဲကွဲခိုင်းတယ် (၁၂) စာအုပ်တွေ မီးရှို့ပြီး ပြာတွေထဲ ထည့်မှတ် ပြတိုက်ကောင်းကောင်းက ဖုန်တွေ မလွတ်မြောက်သေး (၁၃) ဇာတ်လိုက်နဲ့ လက်ထပ်သွားတဲ့ မိုးမခကို ကြည့်ပြီးတိုင်း စီးကရက်ကို သွေးအေးအေးနဲ့ ဖွာပြာရတယ် -ရိမ်း -၂၄၇ဝါဒပေးတဲ့အိမ်မက်ဆယ့်သုံးချက်

-@Minkhant882

-@Minkhant882

နေရာအပြောင်းအလဲဖြစ်လို့ ကြက်ပေါက်လေးတွေ သေကုန်တဲ့အကြောင်းကို သတင်းစာခေါင်းစီးထဲထည့်ပြီး မျက်ရည်ချူချင်တယ်။ ပျော်ရွှင်မှုတွေကို မနက်တွေဆီ လက်တွဲခေါ်ဖို့ ဝေမာရီကို ရယ်ရယ်မောမော ပြောပြတယ် ရေညှိတတ်နေတဲ့ ကိုယ်ချင်းစာတရားတွေကို လက်လီလက်ကား ဖြန့်နေတဲ့ကမ္ဘာထဲမှာ ညညဆို ဝမ်းနည်းစရာတွေကို လှောင်အိမ်လို မြိုချထားရတယ်။ ဆန်ပေးမှ ဆီရတဲ့ခေတ်ထဲမှာ ကွန်မြူနစ်ဝါဒတွေ တိုးတက်ပါစေတော့ ဘော်ရှီဗစ်တယောက် ချစ်တဲ့ ကာ့လ်မာ့စ် ဉပဒေတွေကို ဝေမာရီက လှောင်ရယ်တယ် ဒီမိုကရက်တစ်ဆိုတာကတော့ ကြက်ပေါက်တွေ ဝိုင်းဖဲ့နေတဲ့ ဖော့သာသာပဲ မဟုတ်လား။ ဝေမာရီရေ မင်း ပြန်မထူးသရွေ့ ကြာသပတေးဂြိုလ်ကြားတဲ့အထိ ကိုယ် အော်ခွင့်ရှိတယ် မလား။ ဒါဟာ မင်းအကြောင်းရေးတဲ့ မှတ်စုတစ်ခုပါ။ ငြိမ်းချမ်းရေးဝါဒကို ဓားစာခံလုပ်ပြီး ကြက်ပေါက်တွေကို ကွန်မင်တန် brainwash လုပ်နေတဲ့ ခေတ်တစ်ခုအကြောင်းလည်းပါပါတယ်။ မင်းနှုတ်ခမ်းဆူဆူလေးပေါ် ဘုရားတည်မယ်။ မင်းလက်ဖဝါးလေးတွေထဲမှာ အာဒံ ဉယျာဉ်တစ်ခု ဆောက်မယ်။ မင်း ကိုယ့်ကိုတခါနမ်းတိုင်း ကုသိုလ် တပိဿာ ရပါစေ။ မင်းလက်နဲ့ ထိတဲ့အရာတိုင်းမှာလည်း ဧဝကို သိပ်ချစ်တဲ့ ကိုယ့်အငွေ့အသက်တွေ ကျန်နေခဲ့မှာပါ။ ကိုယ်ဟာ ညီးညူတတ်တဲ့ ကြက်ပေါက်တကောင်ပဲ ဝေမာရီ့လက်ထဲက အနွေးဓာတ်ကိုသာဝပ်ကျွင်းချင်တာ လို့ ပြောလိုက်ရင်မင်းရဲ့ ရယ်သံလေးဟာ လေလှိုင်းတွေကတဆင့် ကိုယ့်ကို ပြုံးစေတယ်။ မြတ်နိုးရတဲ့ပန်းကလေးအဖြစ် နှင်းဆီရဲ့ဆူးတွေကို အသားမာတွေနဲ့ ပွတ်ချခဲ့ဖူးတယ်။ “သွေးထွက်သွားတာကလည်း ချစ်ခြင်းမေတ္တာပါပဲ” ကိုယ် မင်းအကြောင်းတွေးတဲ့အခါ ပြာရီညိုရစ်နေတဲ့တိမ်တွေက နေဝင်ဆည်းဆာကို ထောက်ပံ့ပေးတယ်။ ကိုယ်နောက်ဆုံးပေးခဲ့တဲ့ ဒိုင်ယာရီလေးကို တစ်နာရီ ငါးမိုင်နှုန်း လွမ်းတဲ့ စက်ဘီးခြင်းတောင်းထဲ ထည့်ပေးခဲ့ပါ။ "ဒါဟာကိုယ့်ရဲ့ အိတ်စပယ်ယာမရှိတဲ့ သက်ဉီးဆံပိုင် လစ်စင်ပါပဲ ကြက်ပေါက်ကလေး ဝပ်ချင်တဲ့ အပြုံးဉတုတုလေးများပေါ့" -ရိမ်း -ဝေမာရီဝါဒ-၂

ဗားရှင်းအမျိုးမျိုးနဲ့ ချစ်ကြည့်တယ် သရက်ပင်နှင့် ကရင်လျားနဲ့ အပင်ပေါ်တက်နေပုံ ဝေမာရီ ကိုယ်ဟာ မင်းအတွက် ခပ်မဲ့မဲ့ လူစုတ်တကောင်အဖြစ် အိပ်တန်းတတ်တယ်။ ကိုယ့်လည်ကို ပြန်စွပ်ရမယ့် ဝေမာရီ့ဝါဒ။ ငါ တခါတလေ ဆေးလိပ်သောက်ချင်လာရင် “ဟေတုပစ္စယော” ကို အံကြိတ်ပြီး ရွတ်တယ်။ အလုပ်မဖြစ်ခဲ့ယုံကလွဲ အခုထိ အေးအေးလူလူပဲ။ မီးမလင်းတဲ့ညတွေမှာ မင်းအတွေးနဲ့ ငါ အိပ်မောကျတယ်။ အုတ်ရောရော ကျောက်ရောရော မီးသွေးတွေကို မီးရှိတဲ့အခါ မင်းပေးခဲ့တဲ့ ကတိတွေနဲ့ ငါ့ကိုယ်ငါပါ လောင်စာအဖြစ် သုံးလိုက်မိရဲ့။ အချိန်တွေက သိပ်မြန်တယ် ဝေမာရီ။ ငါ့စိတ်တွေထဲ အလေးတုံးတွေ ထည့်ပြီး ချိန်တော့ “ဝေမာရီ လေးအောင်စ” ထွက်လာတယ်။ ကိုင်းညွှတ်ချင်တဲ့ အပင်တွေတွေ့ရင် ငါ ခုတ်လှဲပစ်တယ်။ ဝေမာရီမြင်ရင် သနားမှာ စိုးလို့။ ဂိမာန်မှာ ကြွေတယ်။ ဟေမာန်မှာ သေတယ်။ ငါ့အတွက် ဝေမာရီ့ပုံသေနည်း ငါ့ကိုယ်ငါ မြှောက်ပြီး သုညနဲ့ ကြွင်းရတဲ့ ဝေမာရီ့ ရယ်သံ။ အင်ဂျင်စက်ပေါ်က တဖြည်းဖြည်း ဝေးတဲ့ ရေသီးပေါက်ကလေးတွေ ကားဘီးထဲ ဘူမသိ ကိုးမသိ သေရတယ်။ ခပ်နွမ်းနွမ်း မော်ဒန်ဂီတာပေါ် အက်စစ်နဲ့ ဖောက်တဲ့ ဝေမာရီ့ ရစ်သမ်။ ငါ့သေတမ်းစာထဲ ကျန်းမာရေး သတိပေးချက်တွေ အထူးရှောင်ကြဉ်ထားတယ်။ ဝေမာရီမလေးကို ချစ်တယ်ဆိုတဲ့ ပုဒ်မကလေးကို ဝါကျမပါဘဲ ငါ ရေးထားတယ်။ “တီဗီတွေမှာ ပြတဲ့ ဇာတ်သိမ်းပိုင်းနဲ့ ဆက်ရန်မရှိဆိုတဲ့ ယဉ်ကျေးမှုကို အိပ်တန်းတတ်နေတဲ့ ခေတ်ဝါလေးဆီ ငါ ရှာတွေ့သွားခဲ့ပြီ” -ရိမ်း -ဝေမာရီနဲ့ခေတ်ဝါလေးစနစ်

၁၉၁၅- ကဆုန်၁၃ရက် မကွေးရဲ့နတ်မောက်မှာ ကြယ်တလုံး မွေးလာတယ် လယ်သမားမျိုးရိုးဖြစ်တဲ့ ဉီးဖာဟာ မထုံတတ်သေး ဒေါ်စုက "အောင်ဆန်းသူ့လို့ဖြစ်မှာ ကျွန်မ သိပ်ဆိုးတာပဲတဲ့" မဖြစ်ခဲ့ဖူးဆိုတာကို နိုင်ငံတခုလုံးနဲ့ သက်သေပြလိုက်ချင်သေးရဲ့ မွေးချင်းတွေထဲကအထွေးဆုံးလေး နိုင်ငံရေးဆိုတာဘာလဲမသိခဲ့တဲ့ အောင်ဆန်းနဲ့ဖြူစင်မှုတွေ "ခင်ကြည်ရေ ကို ပဲပြုတ်နဲ့နံပြားလေး ရရင်စားချင်တယ်ကွာ" အသားမည်းမည်း၊ခင်တိုတို အရပ်ပုပြတ်ပြတ်နဲ့ အညာသားလေးချစ်တာ ကရင်ဗမာကပြားမလေး မြောင်းမြသူ ခင်ကြည် ဆေးရုံတတ်စဉ် မိန်းမလိုချင်လို့ဆို ကိုကြီးဘဝင်းဆီ အူယားဖားယား ပြေးပြောတဲ့ကောင်ကလေး အူတူတူအမူအယာလေးတွေကို တရက်လောက်တွေ့ပီး တစ်သက်လုံးမြုပ်နုံခဲ့တဲ့ မြန်မာ့အမျိုးသားဖခင်ကြီး "ဟေ့ကောင်ကျော်စိန် ငါကငါ ဉပဒေကဉပဒေကွ"တဲ့ ဗိုလ်ချုပ်ဖြစ်ပါလျက် စစ်သားတယောက်ရဲ့စိတ်ကြီးဝင်မှု မျိုးတောင်မရှိ (ကွာပါဟေ့ ကွာပါ) ပရိဘောဂတွေသိပ်မရှိတဲ့ ဗိုလ်ချုပ်တယောက်ရဲ့အိမ် သူသွေးတောင်းတဲ့အရာဟာ ခင်ကြည်ပီးရင် ပက်လက်ထိုင်ခုံလေးမှာ မှီပီး စာအုပ်ဖတ်ချင်နေရချင်းပဲ၊ "လွတ်လပ်ရေးလေးရရင် ခြံလေးစိုက်ပီး စာပဲ ရေးချင်တယ်ဗျာ" ဗိုလ်ချုပ်ရေ လွတ်လပ်ရေးရခဲ့ဖူးကြောင်း အထောက်အထားဆိုလို့ "ဗိုလ်ချုပ်တို့အသက်တွေပဲ ရေရေရာရာရှိတော့တယ်" ဉီးစောပစ်ခဲ့တဲ့ ဆယ့်သုံးချက်ဟာ အခုထိသွေးစွန်းနေတုန်း ဧရာဝတီဟာ တနှစ်တခါရေလျံတယ် သူလည်း "အောင်ဆန်းကိုသတိရနေပုံဘဲ ခင်ကြည်ကိုသိပ်ချစ်တဲ့အောင်ဆန်း မြန်မာတွေကိုသိပ်ချစ်တဲ့အောင်ဆန်း စစ်သားတွေကိုသိပ်လေးစားတဲ့အောင်ဆန်း လယ်သမားမျိုးရိုးအောင်ဆန်း အောင်ဆန်းရေ နောက်တခါလူဖြစ်ရင်တော့ မြန်မာနိုင်ငံမှာမဖြစ်နဲ့ကွာ တခါတည်းနဲ့တင် တာဝန်ကျေခဲ့ပါပြီ" -ရိမ်း -၁၁၁နှစ်ပြည့်တဲ့လူအိုကြီးအောင်ဆန်း

ယက်စကီးရဲ့ပြစ်မှုနဲ့ပြစ်ဒဏ်ထဲ ငါဟာ ထိပ်တန်းလက်ရွေးစင် သသီတသီတာဟာဒသ့ကိုရွေးတဲ့သတင်းကြားကြားချင်း ရှိသမျှဘုရားတွေ ငါအိပ်ယာက နိုးခဲ့တယ် ရေစုန်မှာနားပီး ရေဆန်မှာကရတဲ့ အငြိမ့်သမလေး ပင်လယ်ဆိုတာ ကြီးမားတဲ့ အဖြူရောင်စင်ယော် ငါရိုက်မမှီလိုက်တဲ့ခြင်က ငါ့ကိုအသားတစ်ခြား ဘဝတစ်ခြား၊ ငါကြားခဲ့တဲ့သတင်းဟာအမှားတဲ့ ငါ့နားကိုငါပြန်ဖြတ်လိုက်တယ် အိပ်ရေးမဝတဲ့နှိုးစက်တွေဟာ ငါ့ရန်သူ ဖြူဖြူဖွေးဖွေးမေတ္တာတွေကို သွားတိုက်တံတချောင်နဲ့ ခြစ်ထုတ်လိုက်ပီ "ငါဟာဂရိဘုရင်မဟုတ် "ငါဟာ မက်ဒက်ဘုရင်မဟုတ် ငါကဘာမှမရခဲ့တဲ့ငါ ဟုတ်တယ် ငါကဘာမှမရခဲ့တဲ့ငါ" ပါပီယွန်ရဲ့သူငယ်ချင်းဖိုးရှောင် သူသိပ်ချစ်တဲ့ပြည်မကြီးတရုတ်မလေးနဲ့ ကုန်တင်ကားကြီးမောင်းနေပါစေ "စိတ်သိပ်မမှန်တဲ့ရန်ကုန်ရယ် လေတဖြူဖြူးနဲ့ပိုစတာဟောင်းတွေရယ်ကို သောက်နေကျရေနွေးကြမ်းထဲ ထည့်မော့တယ် ပြင်သစ် စစ်သေနာပတိ နပိုလေယွန်က ကော်ဖီကြိုက်ခဲ့တယ် ဗြိတိသျှ ဗိုလ်ချုပ် ဝယ်လင်တန်ဟာ လက်ဖက်ရည်ကြိုက်ခဲ့တယ် စာဖတ်ရတာကြိုက်တဲ့ကျုပ်ကတော့ မနက်စာကို အမြှောက်ကြိုက်တဲ့​ ဆေးပေါလိပ်နဲ့စားခဲ့တယ် "ငါကဘာမှမရခဲ့တဲ့ငါ ဟုတ်တယ် ဘာမှမရခဲ့တဲ့ငါ" -ရိမ်း -ဘာမှမရခဲ့တဲ့ငါ

"ဘုံဆိုင်မှ" အေးယဖ မင်းရောက်ပီလား မင်းကြည့်ရတာလည်းတမိုင်မိုင်တထွေထွေနဲ့ကွာ အေးကွ ငါမမမြကိုလွမ်းနေတာ ချီးခြောက်ရေနူးနေပြန်ပီအောင်သန်းရာ မမမြချစ်တာမင်းမဟုတ်ဖူးကွ ဟို လည်ပင်းမှာရွှေဆွဲကြိုးကြီးနဲ့လူကွ အေးပါယဖရာငါသိပါတယ် ဒါနဲ့မင်းအမြည်းရောမမှာဖူးလား တော်ပါပီကွာ ဒီမိုးနဲ့ဘဲ ငါမြည်းတော့မယ် ဉပက္ခာလေ လေး များများတိုက်ဖို့သာပြောပေးယဖ -ဘုံဆိုင်သို့ -ရိမ်း

ငါတို့အသည်းဟာ မာတယ်ပျော့တယ်မရှိဘူး သွေးမထွက်တဲ့ ရက်စက်မှုတွေကို အက်ထရာဆောင်းမလိုဘဲ နေရာစောင်းနေတဲ့ဘယ်ဘက်ရင်အုံကို ထောက်ကြည့်ရင်းသိနိုင်တယ်၊ ကော်ဖီတခွက်ရဲ့သက်ပြင်းချသံ ဒါကဒီလို ဟိုဟာကဒီလို ဘေးကျပ်နံကျပ် ဖုန်းနံပါတ်တခုဟာ အဲ့နေ့ကဖြေဆေးဘဲ၊ ပက်ကြားအပ်ကဗျာတွေ အနာကပ်ပလာစတာတွေ နှလုံးသားရဲ့ ကြွက်သားများ မကောင်းပကတိ အိပ်ယာဝင်တော့ မိီးခံခွက်ဟာ ငါဖျောက်သလို ပျောက်သွားပီ၊ ငါထမင်းစားတယ် (မဝမလင် ) ငါအိပ်တယ် (မပျော့်တပျော်) ငါလမ်းလျောက်တယ် (တနေရာ"မှာထိုင်နေမှု) ငါဟာတာဝန်တွေကိုမပျက်ကွက်တဲ့ အသဲနာလူတယောက်ဘဲ ဆုမတောင်းခံတဲ့ ပြိုင်ပွဲဝင်သူတယောက်ပေါ့။ -ရိမ်း -အိမ်မက်ထဲကကဗျာ

ငါဟာတကောင်ထဲအသက်ရှုပီ ခေတ်ရဲ့စနစ်တွေကိုဖြေဖျောက်ပီး နှစ်ရဲ့အစိတ်အပိုင်းကိုဘဝထဲ ထည့်ရှိုက် လှိုင်းနက်နက်တွေကို ဘဝရဲ့သေချာမှုတွေ မရေရာမှုတွေပါဝင်စေ တခါမှမလုပ်နိုင်တာတွေ ငါအသက်ရှုကျပ်တော့ ငါလုပ်ပီ ငါဆေးလိပ်သောက်တယ် ငါကဗျာရေးတယ် ငါပန်းချီဆွဲတယ် တခုမှဖြစ်ဖြစ်မြောက်"မဟုတ် ကုန်အောင်ငါသုံးနေတာ အချိန်တွေဖြစ်ဖြစ် အတွေးတွေဖြစ်ဖြစ် ဘုရားသခင်၊ဂေါတမ ငါဘယ်လမ်းမှာမလျောက်နိုင် ဘယ်ခရီးမှ မမြင်နိုင် သူတို့ပြောတဲ့နိဗ္ဗာန် ငါနားနဲ့ဘဲမြင်တယ် သူတို့ပြောတဲ့နတ်ပြည် ငါမျက်စိနဲ့ဘဲ ကြားတယ် ငါဟာတကောင်တည်း အသက်ရှုခဲ့ပီ။ -ရိမ်း -အဆုတ်ကောင်းကောင်းတစုံ

Alarm တွေမရှိတဲ့ မနက်ခင်းမျိုး Express  ပေါ်က ဘော်ဒါတွေရယ်သံများ အတွေးမရှိတဲ့ ညနက်နက် ၁၂ နာရီတစ်ခု ရုပ်ရှင်ရုံက Popcorn အနံ့လေး အောင်စာရင်းကြောင့် ပြုံးနေတဲ့ အဖေ့မျက်နှာရယ် မိုးရာသီရဲ့ ပထမဆုံး မြေသင်းနံ့ 1st Date ရဲ့သူ့အပြုံး ကိုယ့်ဟာသကို နှစ်ခြိုက်ကြတဲ့ စကားဝိုင်းတစ်ဝိုင်း လျှော်ခါနီး Jeans ထဲက ပိုက်ဆံတစ်ထောင်တန် ကျက်ထားတာတွေဘဲ ပါနေတဲ့ Question paper State ကျောင်းရဲ့ ထမင်းချိုင့်ပူပူ မိုးပေါက်သံတွေနဲ့ စောင်ထူထူ ရထားတစ်စီးနဲ့ ခရီးသွားခြင်း ။ ပြတင်းပေါက်ဘေးခုံနဲ့ နားကြပ်နှစ်ဖက် အဖျား ၁၀၃ နဲ့ ကြေးအိုးတစ်ပွဲ ကော်ဖီ တစ်ခွက် သစ်ရွက်ခြောက်အပြည့်နဲ့ ဆောင်းရာသီလမ်း ညနေခင်း အဆာပြေ သရေစာ ဘီယာတစ်ဆွဲနဲ့ လပြည့်ည မပူအိုက်တဲ့ canteen ကျေနပ်မိသော ဆံသဆရာနဲ့ ဆံပင်ပုံစံ ဝက်ခြံမရှိတဲ့ လအနည်းငယ် အကြိုက်ဆုံး series ကိုနောက်တစ်ခေါက်ပြန်ကြည့်ခြင်း တုတ်ထိုးဆိုင်က အပိုပေးတဲ့ ၃၀၀ ဖိုး စာအုပ်သစ်ရဲ့ ပထမဆုံး စာမျက်နှာ သီချင်းတစ်ပုဒ်ကို စကြိုက်မိတာ ဝတ္ထုတစ်ပုဒ်ကို စီးမြောသွားခြင်း ။ ငယ်ငယ်က ဓာတ်ပုံ album တွေ Steakkkk နေ့လယ်နေ့ခင်း အိပ်စက်ခြင်း ပြုံးမိခဲ့တဲ့ အိပ်မက်တွေ ဆုရတဲ့ မုန့်ဖိုး Buffet ဆိုင်သို့ အဝင်ခြေလှမ်း ရေးလို့ကောင်းတဲ့ Ball Pen လက်တည့်စမ်းတဲ့ဟင်း တစ်အိမ်လုံးက ချီးကျူးကြတဲ့အခါ ... တောင်ပေါ်ဒေသ ရှုခင်းရယ်နဲ့ နှင်း ပင်လယ်ရနံ့ရယ်နဲ့ လှိုင်း အလုပ်မရှိတဲ့ မိုးသည်းသောမနက် နောက်ပြီး   " မင်း" ....။

လွမ်းတဲ့အကြောင်းတွေကို မနားတမ်းပြောချင်ခဲ့တာပါ မနားတမ်းပြောဖို့ဆိုတာကလဲ တစ်ဖက်လူ နားထောင်ချင်မှ ဖြစ်အုန်းမယ်။ #Nannki

"အသက်မရှုနိုင်တော့" သွေးဆက်ရာအထပ်"တွေ တန်ဆောင်ကျော် ပြာသိုတဖြတ် လူတွေထွန့်"ရူး၊ အနာဂတ်အကြောင်း ဆန်လုံးတွေက နားမလည် "ငါတို့ကပေါင်းအိုးထဲ လေမြိိုက်ခံရမှာတဲ့" ကျုပ်တိတ်လိုက်ပါတယ်၊ ပဲခူးရိုးမလား မာရီယာနာလား မဒမ်ကတ်ရှာနာလား မြင့်တယ်"တဲ့ "ငါမမြင်ဖူးတာတွေဘဲ ငါရေးတယ် ငါမကြုံဖူးတာတွေဘဲ ငါမြင်တယ််" လည်ပတ်မှုသင်ညွန်းက အဲ့လို အဲ့လို ဆိုပီး သူမရှင်းတာတွေ ငါတို့ကို ရှင်းပြ၊ အချိန်ကို မချိန်ညှိဘဲ သွားတိုက်နေတာကွတဲ့ ကုန်ပါစေ ငါဖြုန်းနေတာ ငါ့မှာမရှိတော့ရင် ငါလည်းမရှိတော့ဘူး ကျားတကောင်က သတ်"လွတ်တဲ့ ဒါကိုရယ်ရင် ရိုင်းတယ် ဟိုအဖျော်ဆရာက လှမ်းထောက်ရော "ကျားဗီဇက နွားဗီဇနဲ့ရောတာဟ" မရောဘူးဆိုဘဲ ဒါက သူ့အမိလား သူ့အဘေးလား သူလား ပီးတာတွေလည်းပီးပါပီ ထားပါတော့ ဟေ့ဟိုစစ်ပြန် ကျုပ်အတွက် အဲ့ဘလက် နည်းနည်းချန်ဗျာ။ -ရိမ်း -ရိမ်း

စစ်မတ်ိုက်ချင်လို့ ကဗျာရေးပါတယ်ဆိုမှ နိုင်ငံရေးသမားတွေ လာတွေ့နေတယ်၊ ကိုနီလား နေဝင်းလား အောင်ဆန်းလား ရေရေရာရာတော့လုပ်ဟေ့၊ ခေတ်က်ို​ပြောင်းမှာလား အိတ်က်ိုဖောင်းမှာလား အမှန်တရားပါဆိုတာတွေ ခါးစီးခံခဲ့ရတဲ့ အတ်ိတ်နဲ့ ခေတ် ငါတို့နဲ့တင်ပီးပါစေ​ တောထဲက ကျားပေါက််လေးတွေ မိခင်နို့ရည်သူတို့မဝသေး လက်ရုံးရည်သူတို့ ဝနေပီ၊ ကျေးလက်နေဗုံးဒဏ််ထိပြည်သူများ ဆိုတဲ့အထိ ကျေးလက်ဟာ ဗုံးဒဏ်နဲ့တသားတည်း ပြည်သူတချို့ အစိုးရရဲ့ အဆိုးဆုံးလုပ်ရက်တွေကို ကြံ"ခံနေကျရတယ်၊ ဘေးက ကပ်စားလိုက် အလယ်ကဖြတ်စားလိုက် အောက်က လှိုက်စားလိုက်နဲ့ မြေကြွက်တွေလို လင်းတစုတ်တွေလို၊ တနေ့"ပေါ့ တနေ့"ပေါ့ သူတို့ရင်းသမျှ အကျုံးဝင်လာတဲ့နေ့ပေါ့ "သွေးကြွေးမှာ သွေးကြွေးဘဲ " ဘဲဆိုတာမျိုး ခွေးသွေးတွေ နိုင်ငံအနှံပတ်ကျဲ စေမယ်။ -ရိမ်း -ငါစာလုံးပေါင်းမမှန်နိုင်

Haloo