𝙁𝙖𝙧𝙖𝙛𝙞𝙨𝙝

شكد صعبه من تكون انت انسان نظيف، كلبك ابيض داخلك طيب ما عندك شر وأذيه ع احد ابد، وتشوف الناس الحولك كلها تحبك وتريدلك الخير ... بس يجيك يوم، تكوم تعرف شغلات انته مو داري عنها شي تشوف الناس الي جانت تحبك جانت مجرد تجاملك وتضحك بوجهك بس همة بداخلهم غير شي، ويوم بعد يوم يبدون يضهرون ع حقيقتهم، شكد صعبه من تشوف اقرب الناس الك هو الي جان سبب بأذيتك هنا انت راح تصفن ويه نفسك، تبدي تعيد حساباتك ويه الكل راح تحس بتفاهة شعورك، وتبقى هواي اسئله ببالك مراح تلكه الها اي جواب... ابد لتأمن بأحد وخلي ثقتك محدودة ويه الكل، حتى اقرب الناس الك ممكن يجي يوم ويخذلك، لذلك لتعتبون ع احد اذا شفتو ع لحظة متغير عليكم الله موجود وياخذ حقكم حسبي الله.💙

كل يوم ممكن يكون بدايه ابدي من اليوم لا تكولين اني ما اكدر لان هل شي راح يدمرج حرفيا ابدي من اليوم غيري من يومج سوي شي جديد ممسويته طول الأيام اللي فاتت أكلي لبسي كوني اجتماعيه مو منعزله صيري مرحه مو نفسيه كوني فرفوشه وي اهلج اتقربيلهم لا تبقين هيج هي حياة وحده لا تعيشين بحزن وكتابه هل شي راح يسوي بيج حاله نفسيه عيونج تستاهل الأيلاينر مو الحزن والدموع وجهج يستاهل تعتنين بي انتي جميله بكل حالاتج لا تخلين شي يكسرج انتي قويه💙

مَساء الخَير عِيوني . شلونك أتمنئ تكون بصحة وعافية يارب طبعًا شفت ناشر أنُ تفضفض لـ نفسك وهيچ يا عِيوني أنتَ ليش دتسوي بنفسك هيچ ؟ منو يستاهل يوصلك مرحلة تضل تحچي ويا نفسك ؟ صير قوي يا عِيوني أنتَ وأهتم بنفسك وبصحتك وإذا چنت تدرس أهتم بدراستك وربي محد يفيدك بعدين خليك گد نفسك وصير قوي ولا تنشر حزين أو كلام حزين أنتَ أقوئ من هل شيء دائمًا خليك إيجابي يا عِيوني وأنتَ ما تستاهل هيچ يصير بيك هسه حتى لو تگلي ما صاير وياي شيء بَس مبين صاير وياك شيء وأشياء هَماتين بَس أنتَ أقوئ منهاا !!! ديربالك تضعف تمام أتمنالك التوفيق والنجاح والسعادة الدائمة يارب لا أعرفك ولا تعرفني بَس حَبيت أحچي هل شيء إلك وأنصحك ويارب ما تشوف غير السعادة 💙

ما اريد شيء منك وهاي اخر رساله راح تشوفه مني صح حبيتك وجنت احلا شيء بحياتي وجنت اكول اني محضوضه بيك بس اكتشفت اني ما عندي حظ وياك هالمره ما راح اعاتبك ولا احاسبك على الي سوي بيه بس راح اكلك مراح تلكه وحده تحبك بكدي وتخاف عليك بكدي صدكني ودير بالك على نفسك بداعت امك واتذكر جانت اكو وحده تحبك لأخر يوم بعمرها بس ما راح اكدر ابقه احس المكان مو مكاني واحس وجودي ما مرغوب بي ف احسن شي احفظ كرامتي واروح اطلع من حياتك صدكني كميه الحزن الي بداخلي ما راح تفهمه اله تعيشها بس ما اتمنى تعيش هالشعور لأن شعور كلش يأذي اتمنى الك حياة سعيده وربي يخليك ويوفقك ومسامحتك على كلشي سويته بيه. وفعلا الي يحب ميحب حبيبته بأصعب حالتها ويسندها ويحسسها فدشي عظيم بس ماشفت كلشي من عندك وهاهيه وعد راح اعتبرك مثل صديق ولاراح ادعي عليك فديوم ومحروس انشالله " بأمان الله"💙

حبني مو بَس بالسوالف السوالف ما تهمني المواقف هيَ الِتحدد مَحَبتك وانتَ بيهن فشَلتني .💙

عندي اب يسوى نفر نفر بحياتي هو احلى شي صار بحياتي هو اماني وملجئي وراحتي واستقراري هو روحي الثانية هو الهوا الي أتنفسه واني اعترف بدون ابوي مستحيل مستحيل اعيش يوم واحد ابوي انسان عظيم ابوي هو الإنسان الي يضحي براحتة وسعادتة علمود يشوفنة مرتاحين وعلمود يظهرنا بأحسن صورة كدام الناس وعلمود ما يخلينا محتاجين شي وفعلا ما خلانه بعازه احد بيوم من الايام هو فعلا اب صالح واني لو بقيت احجي عنه الأخير عمري مستحيل انطي حقة ابوي لو انطي روحي ما اوافي ياخي اني بدون ابوي صنايعه الاب خيمة لبناته واني ابوي كل روحي بعمرة مارفع ايدة علية . وبعمرة ما سمعني حجاية تغثني ولا مرة حسسني اني متعبته او ثكيله ... علي دائماً يسوي ويكول الحمد الله المهم مرتاحين اني اكثر وحدة احب أبوي لان ما شفت منة شي بجاني لو زعلني دائما چان هو سببب فرحتي ياخي قليل بحقة كلشي اتمنى ربي يخلي الي طول العمر ويارب عمري على عمرة ويومي قبل يومة💙

دا اعيش فترة ما ادري شيسمونها كل ما أحس بالضغط اسكت كل ما اغمض افز كل ما اصفن ابجي كل ما افكر اغص احس كلها تمشي بس اني واكفه احس محد ديفهمني احس اني مواني احس كلشي غلط عموماً الحمد ل💙له

شوف إذا يوم من الأيام خيروني بينك وبين الدنيا كلها، ما أفكر مرتين. لأن نظرتي للدنيا تغيرت من عرفتك وصرت أشوف كلشي حلو بيها من خلالك شنو أسوي بدنيا كاملة إذا إنت مو بيها؟ وشنو قيمة كل هالدنيا إذا أكثر شي أريده بيها هو إنت؟ لهذا لو خيروني ألف مرة بكل مرة أختارك مو لأن انت أغلى من الدنيا وبس لأن إنت الدنيا اللي تمنيتها، والراحة اللي أدور عليها، وكل الحلو اللي أريده بهالعمر 💙

يمكن قصرت وياك بيوم من الأيام، ويمكن مو كلشي سويته كان كامل، بس صدك كل اللي قدمته كان بنية صافية وقلب مليان حب وصدق. الظروف مرات تكون أكبر منا ، ولهذا أتمنى تشوف حتى الأشياء البسيطة اللي سويتها بعين الاعتبار، لا تخليها تروح بخانة الإهمال. أنا ما أحب التفاخر، وما أريد أكون إنسان كامل بعينك، بس يهمني التقدير... حتى لو بكلمة بسيطة. مرات كلمة منك أو موقف صغير منك يكفي يرجعلي روحي ويعوضني عن هواي تعب. العوض غريب، وشكثر ما نضيع أشياء زينة بإيدينا بدون ما نحس. فـ أتمنى تحسن التصرف وتكون ملجأ إلي بوقت انكساري، مو سبب بيه💙

أكو أيام تمر علينا سودة، نحس بيها الدنيا كلها قفلت بوجوهنا، ونوصل لمرحلة من الانهيار النفسي بحيث نفقد أي طاقة حتى نكمل. بهيج لحظات ثگيلة، اتذكر جبل الصبر، السيدة زينب (عليها السلام). شافت مصايب وكوارث تهد الجبال، فقدت أعز ناسها بظروف قاسية، بس وكفت بكل شموخ وكالت: "ما رأيتُ إلا جميلاً". هذا مو مجرد صبر، هذا تحدي للانكسار ويقين تام. خلي روحك قوية، ولا تنكسر كدام أول مطب أو خذلان بحياتك. اصنع من وجعك قوة، ومن انكسارك بداية لنسخة أصلب وأوعى من قبل💙

إلى أبي البطل.. إلى من خط الشيب في رأسه حكايا تعب وصبر الأجلنا ، إلى الرجل الذي رفعنا مِنْ عَزَّ إِلَى عِزَّ، وحرم نفسه ليعطينا ، سلام على جسد أنهكه الشقاء، لكي لا نُذل يوما أو نحتاج أحداً ، أدامك الله لنا سندا لا يميل ، وعزا نرفع به هاماتنا بين الأنام، فأنت يا أبي الرجل الذي أرفع به رأسي دائما💙

أكثر الناس اللي تضحك بصوت عالي وتشاقى بالگعدات، هم مرات أكثر ناس تبچي بسكوت من يختلون بروحهم. صرنا نغلف وجعنا بالنكتة والضحكة حتى لا أحد يگول علينا "نكد" أو "ضعاف"، وحتى لا نكسر واهس اللي گعدوا ويانا. بس الگلب يتعب من هالمسرحية. مو شرط تكون دائماً القوي اللي يضحك ويسند الكل، انطي مساحة لروحك تحزن وتفرغ طاقتها السلبية. واللي ما يستوعب حزنك وخنگتك، وما يتحملك بأضعف حالاتك، ما يستاهل يشاركك ضحكتك💙📌

"سيكون العالم مكانًا سيئا بدون النساء المرأة شعر، المرأة حب المرأة حياة🦋💙

المرة الأخيرة إللي تحب بيها راح تخليك تحس نفسك شكد غبي بتجاربك السابقة وإنو الحب چان بعيد عنها مجرد تفاعل شعور الحب الحقيقي هو ما بعد النضج. 💙

عندي وحده تسوى الكون كله والله ماشوف بعدها احد ضحكتها تسوى عمري ووجودها يكفي عن ألف شخص مافي مثلها بجمالها ولا بأسلوبها كل شي فيها ا يجنن وحتى كلامها ا يبرد القلب هي أجمل وحده شأفتها عيني واحبها حب ما ينقال ابد هي راحتي وسعاادتي وكل شي حلو بحيااتي بعد الدنيا جعلني ماخلى منها💙

خاف أموت وما اشوفج ديري بالج على عيونج لا يذبلها الغياب وخاف اروح وما أبوسج تدرين بيه اشكد أحبج حطيلي خدج ع التراب ومن تخلص الفاتحه بس كولي احبك حته توصلني الاحبك بالثواب ؟؟؟🥲💙

اني يمج . خاف هاي الدنيا تتعبج اني يمج اني اصير ملجئ ومرهم يضمج اني يمج . لا تخافين ع روحج اني خلج اني صدري متاني حملج ومستعد للموت احضنج اني اصير لج هوئ تشمينه وحدج اني كل شي ولا اشوف التعب يمج اني يمج . بالحقيقة وبالخيال يمته متتعبين اصيرلج فوق الحيل حيلين💙

ژ عيد الأضحى أتقدم بأسمى آيات التهاني والتبريكات، سائلين الله أن يعيده عليكم وعلى أحبّتكم بالخير واليُمن والبركات، وأن يجعل أيامكم مليئة بالفرح والسعادة والسلام. كل عام وأنتم بخير، أعاده الله عليكم بالصحة والنجاح وتحقيق الأمنيات. 🌙✨

ﻛﻞ ﺻﺪﻣﺔ بالبدايه تصير كلش صعبه ، ﺑﺲ ﺑﻌﺪﻳﻦ راح تعرف ﺃﻧﻮ ﺍﻟﺤﻴﺎﺓ ﻣﺴﺘﻤﺮﺓ .. ﻭ ﻣﺎ ﺭاﺡ توكف على ﺷﻲ ﻣﻌﻴﻦ ، ﻭ ﻛﻞ ﺷﻲ ﻣﻜﺘﻮﺏ ﻣﻦ ﻋﻨﺪ رﺏ ﺍﻟﻌﺎﻟﻤﻴﻦ ، ﻣﻤﻜﻦ ﻧﻔﻜﺮ ﺑﺎﻟﺒﺪﺍﻳﺔ ﺃﻧﻮ ﺍﻟﺤﻴﺎﺓ ﺃﻭ ﺍﻟﺤﻆ ظلمونا ، ﺑﺲ ﺑﻌﺪﻳﻦ نكتشف ﺃﻧﻮ ﻛﻞ ﺷﻲ ﻛﺎﻥ ﺿﺪ ﺭﻏﺒﺘﻨﺎ ﻫﻮ ﺧﻴﺮ ﺇﻟﻨﺎ ﻭ ﻟﻸﺣﺴﻦ ب النهاية هاي ﺣﻴﺎﺓ ﻭ ﺭاﺡ ﺗﺴﺘﻤﺮ ﻣﺎ ﺭاﺡ توكف على احد ، ﻭﻋﺴﻰ ﺍﻥ ﺗﻜﺮﻫﻮﺍ ﺷﻴﺌﺎ ﻭﻫﻮ ﺧﻴﺮ ﻟﻜﻢ ﻭﻧﻌﻢ ﺑﺎﻟﻠﻪ ع طول 💙

صباح الخير @AHAHij💙