𝘽𝙖𝙣𝙚𝙚𝙣🦋

تَاريخ چان ممُيز وقتها بالنسبة الي .. هاي القناة بيها كل ذكرياتي الحزينة والسعيدة وكُل الموجود چان شُبه يمثلني فــ هـسَة اجة الوقت المُناسب " اللي اغادر مِنها " ما ردت احذفها علمود الكتابات الموجودة حبقيها للذكرىٰ .. چنتوا جزء مِـن هالذكرىٰ اذكروني بكُل خير وهسة نگدر نگول وداعًا بكُل حُبّ ♥️

الدنيا عباره عن تجارب مرات توكعنا ومرات تخلينه فوك النجوم والعلاقات الاجتماعية عباره عن صدمات مره تنصدم بشخص تتوقع منه الزين ومرات تنصدم بشخص متتوقع منه شي ويقدملك كلشي دائما جنت اكول ويه نفسي الكبار بالعمر ليش عدهم كلشي بالهدوء ليش دائما ينطون الحجايه بمكانه لان هاي سر التجارب اللي مرو بيها من ازمات ومن مواقف ومن مطبات الحياة وبعدنه احنه نتعلم وبعدنه نحاول نوصل للحكمه بداخلنه علمود نعرف شلون ننفذ الامور🤍

ليلة عظيمة ليلة خير من الف شهر يعني لو نحسبها تجيب نص عمرنه تُنزل الملائكة والروح فيها الملائكة تنزل بهاي الليلة وجبريل علية السلام ابدا لا تكولون دراسة وامتحانات كلشي فاني شكد متكدرون تسون من الاعمال سووا تركوا كلشي وراكم بهل ليلة وتوجهوا لرب العالمين اطلبوا توسوا ان يعم علينا بالسلام والسكينة ويحفظ اهلنا وحبايبنا حشدنا وجيشنا ابدًا لا تلتهون بهل ليلة بس حتى تدعون على الاشخاص الي مروا بحياتكم ولثوها اكتفوا بحسبي الله ربي العالمين ونعم الوكيل ولا تهتمون الهم ربن العالمين هوه يتكفل بكلشي ليلة عظيمة نركز على نفسنه وعلى دعائنا لروحنه ومعلينه بالناس المو زينة والي اذتنه

دائمأ جنت أسمع عبارة ؛ "ربّ الخير ما يجي منه بس الخير" - اتفكروا بالعبارة بشوية تأمل والقليل من اليقين ،راح تشوف الحياة الي أنت عايشها اكو ناس تحلم بيها سواء كنت بمرحله حلوة أو صعبة من حياتك حتى لو كنت تحس حياتك ما الها معنى بس بالأصل لازم تشكر ربك كل يوم علىٰ الحاجات البسيطة شون أنت تصحىٰ كل يوم وتشوف كلشي  نعمة النظر نعمة الاحساس نعمة إنك تكدر تمشي تطلع لأي مكان بالك وأڪو ناس خسرانه اطرافها ومتكدر حتى تشرب ماي لو عطشت اله بمساعدة أحدأو حتى يصيبك مرض متكدر تتنفس براحتك اشكر ربك كل الوقت ع الي أنت بي  كل شي تشوفه بسيط بحياتك هو نعمة من رب العالمين ، اما الاكتئاب والملل والنكد على كل حاجة تصير وياك هوا من الشيطان رب الخير ما يجي منه بس الخير  أنا مو مثالي ولا ممكن أطبق كلشي حلوة أسمعها لكن ع الأقل احاول وهيج لازم كُلنا نحاول أفضل ، من أفضل من أحد لا ، لازم نكون أفضل من نفسنا أمس ، أكبر عدو للإنسان هوا نفسه فـ إتحدى نفسك كل يوم تكون أفضل نسخه من نفسك .. ولا تنسىٰ .. قَدّر النِعم البسيطة الي هداه ربك الك .💙

أني من اشد الناس اقتناعاً ان رب العالمين يعوض الانسان لدرجة ان ممكن ينسى هو خسر شنو بالاول او ينسى الضيق والتعب الي مر بيه 💙.

تجي تريد تنام من التعب حتىٰ تگعد تكمل محاولة وتجيك أفكار سلبية، شنو مستقبلي وشنو راح يصير باچر وشلون راح يعدي وهوااي .. بحيث تريد بَس تنام متگدر بعدين أسمع صوت يگُلي " خليها علىٰ الله وكل شي لصالحنا ومُمكن تحَققين أحلامچ بـ شي يوم "

تم تحديث سياسة تطبيق تليغرام لا توجد اჂ̤ مخاطر على حساباتكم💙

اكو مثل شعبي قريته قبل شوي يگول الي يريد يبوسك يعرف طريق خدك احسها وصفت هواي اشياء يعني اليريدك راح يجي لان هو يعرف كلش زين طريقك وين وشلون يوصله ومراح يرده شي عنك الا اذا رغبته چانت عکس هیج💙

لا الشغل سهل ولا قلة الشغل حلوة ولا الزواج سهل ولا العزوبية حلوة ولا السفر بره سهل ولا النجاح بالبلد بالهين لا النجاح بالدراسة سهل ولا الفشل بيها زين لا المحافظة عالعلاقات سهل ولا قطع العلاقات شي حلوة لا تطوير الذات سهل ولا انك تضل بمكانك شي حلو كله بي تعب وكله بي معاناة إنت بس اختار وين حاب توجه تعبك وبنفس الوقت دائماً خلي "الحمد الله" على لسانك💙

اكثر شي احسبله حساب انه كل يوم طاقتنا بي محسوبة و محدودة مو كل النقاشات راح تجيب نتيجه و تفيد مو كل الناس تستاهل فرص مو كلشي يستحق التفكير طاقتنا يادوب تكفينا فالواحد لو يفكر بهاي الطريقة راح يعرف شلون يميز الشي الي يتحجم و يتصغر والشي الي فعلا يستحق تركز عليه بحياتك💙

تتعب تصبر تحاول ويمكن تحس ماكو نتيجة .. بس تذكر: ✨إنك كادح إلى ربك كدحًا فملاقيه✨ يعني كل تعبك مو رايح هدر الله شايف وسامع ومُمكن تلگه ثمر تعبك بيوم لا تستعجل ♥️

قناتي الثانية

ادعولي اجاوب 🤏🏻🩷🩷