قوم أمشي أقرا - تيم الثانوي

صبـاح الخيـر جِـدًا 💙.. ما تقارن بدايتك بنهاية غيرك!. كل زول عنده توقيته، وكل زول عنده معركته، ركز في ورقتك بس، وربنا كاتب ليك الأفضل والأحلى والبناسبك أكيد. اصبر، البصبر ربنا بكرمه💙 #قوم_تيم_الثانوي

— تعال تعال اسمع، شوف لقيت شنو! — شنو؟ — مش قبل فترة كنت بتفتش في تطبيقات للغة الإنجليزية تبدأ معاك من الصفر؟ — أيوا صح! — لقيت تطبيقين مكمّلين لبعضهما🤫. — شنو هم؟ وحستفيد منهم كيف؟ — اهدأ اهدأ، هسي نوريك. الأول اسمه Lingodeer يبدأ معاك من نطق الحروف، ومن مستوى A1 حتى B1. مقسّم لمستويات ودروس، كل درس فيه شرح ونصائح، وبعد كل مجموعة دروس في اختبار. تبني معرفة وأساس للقواعد والكلمات بدون ما تحس. وفيه Flash Cards تراجع بيها الدروس ومميزات كتيرة. — لكن لو النت ما مستقر دائمًا حأعمل شنو؟ — فيه ميزة إنك تنزّل الدروس بالنت وبعدين تاخدها بدون نت عادي. — جميل جدًا ، لكن حمّستني للتطبيق الثاني! — عندك حق! لأن التطبيق الثاني بساعدك تتقن الأكسنت حق أهل البلد نفسهم - سواء بريطاني أو أمريكي. عن طريق فيديوهات واختبارات نطق للجمل حتى تتقنها وتنطقها صح. وفيه ميزة دردشات لمختلف المواضيع عن طريق الكتابة، بصحح ليك الأخطاء النحوية والإملائية. ويوريك مستوى تقدمك. والمفاجأة... لو داير تمتحن IELTS أو TOEFL، فيه ميزة إنك تسجل مع معلم يرتب ليك ويجهزك للامتحان خطوة بخطوة. — اسمه شنو؟ — Memrise 😄 — والله ما بتقصر! — ماف مشكلة، أصلًا أنا قاعد لشنو؟ بس ما تنسى توري أصحابك وتقوم وتغنج بيه🚶🏾. #ترشيحات #قوم_تيم_الثانوي

— تعال تعال اسمع، شوف لقيت شنو!

وقف شوية، أخد نفس، عاين حواليك، تأمَّل أي شي، السماء، الناس، الكتب حقتك، أهدافك وشغفك. خفف الإيقاع السريع وحاول شوف الحواليك وتأمَّله وأتفكَّر فيه. مرات محتاجين نفصل روحنا شوية من السرعة دي. وصباح الخير عليك🍃. #قوم_تيم_الثانوي

صبـاح الخيـر جِـدًا 💙.. الطريق للهدف ما مفروش ورد. فيه وقعات، فيه تعب، فيه أيام هتقول خلاص كفاية بس إتذكر: النار بتصفي الدهب، والتعب بصنع الأوائل. ما توقف.. كمل للنهاية🫵🏻 #قوم_تيم_الثانوي

صبـاح الخيـر جِـدًا 💙.. ارضى بالموجود.. بس ما تقعد في الموجود. احمد ربنا على القليل، واشتغل عشان تصل للكثير. الرضا راحة، والسعي نجاح. والاتنين مع بعض بعملو منك بطل💙 #قوم_تيم_الثانوي

صباح الخير عليك💙🌸 لحظات بتمر عليك بتحس فيها صدرك ضاق، ومزاجك اتعكر، وأنه الدنيا قفلت في وشك! { لَا يُكَلِّفُ اللَّهُ نَفْسًا إِلَّا وُسْعَهَا... } [سُورَةُ البَقَرَةِ: ٢٨٦] لحظات بتمر بينا كلنا، ما بنقدر نعمل فيها حاجة بالرغم من إن ورانا الكتير، لكن ماف طاقة ودا شي عادي، لأنه نفسك دي عليها حق، ارتاح شوية... وارجع تاني أفضل. حتى لو ما عرفت ليه الدنيا قافلة عليك كدا، اتذكر أن الإنسان ما بعرف كل الحكمة من اللي بمر بيه. ﴿وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ﴾ [سُورَةُ البَقَرَةِ: ٢١٦] فشيل نفس عميق واتوكل على الله واستعن به🍃 #قوم_تيم_الثانوي

صباح التدارُك💙 فاتكَ وقتٌ طويل؟ سبقوكَ بأشواطٍ كثيرة، وترى نفسك لم تبدأ فتيأس ولا تحاول؟ حنانَيْكَ، فما بيدِكَ إلا البدء! وهل هناكَ ما سواه؟ هل تندُبُ تأخُّرَكَ أم تلحق الرَّكب وتُسابق معهم؟ بلى عليكَ بالبداية والله مُعينك، وكما يقولون: "أن تأتي متأخِّرًا خيرٌ من ألّا تأتي" صباح الخير. #قوم_تيم_الثانوي

صباح الخير 🌸 صباحٌ يحمل في طياته أملاً جديدًا، وفرصة أخرى لنبدأ من جديد بقلبٍ مطمئن وروحٍ متفائلة. نسأل الله أن يرزقكم في هذا الصباح سكينةً تملأ القلوب، وبركةً تعمّ الأيام، ورزقًا لا ينقطع، وأن يحقق لكم أمنياتكم ويكتب لكم الخير أينما كان. ابتسموا، وابدؤوا يومكم بالتفاؤل، فكل صباح هو هدية من الله تستحق الشكر. صباحكم سعادة، وراحة بال، وتوفيق في كل خطوة💙. #قوم_تيم_الثانوي

صباحات أوّل أيام في المرحلة الجديدة دايمًا بتكون مشاعرها مختلطة، مشاعرنا كانت فرح، توتر، خوف من المجهول...خصوصًا سنة تانية ونحن بنسمع إنها حفرة الثانوي😂 17 مادة؟ ليه نحن كمبيوترات؟! أسي في داعي للفرنسي دا؟ هو نحن الإنجليزي عمَّرْنا فيهو شنو😬 والعجب العسكرية والأسرية وأصحابهم...ديل كلهم مواد الليلة وبكرة الامتحان، وغالبًا كنا بتمنى نموت قبل الامتحانات عشان ما نعيش رهاب الامتحانات والدرجات😂 يحليلها...كانت أيام مكبرين همومها برانا وكبرنا عرفنا الهموم الحقيقية😬 طابور الصباح وخارجياتو، الخمسة دقايق الكل مرة بنطلع فيها عايزين نشرب ونمشي الحمام، أستاذ الفيزياء صاحب التجارب العملية، ونصايحو عن إنو لازم نفهم الكون ماشي كيف والآلات بتشتغل كيف. أستاذ الرياضيات اللي ضارب في كل علم بسهم والاستمتاع بحصته، أستاذة الإنجليزي الما بتجيب ولا كلمة عربية بالغلط في حصتها. حصص الرياضة البننتظرها بفارق الصبر عشان نلعب وما ندرس حاجة...وذكريات كتيرة جميلة بتخلينا نفتقد الثانوي أكتر وأكتر😔 حقيقة قضينا أجمل أيام في الثانوي، وكانت أهم مرحلة في بدايات تكوين شخصياتنا. #حبيت_الثانوي_عشان #قوم_تيم_الثانوي

سؤال اليوم.. لو رجع بيك الزمن 5 سنين شنو أول نصيحة ح تقولها لنفسك؟ 🤔 اكتبها في تعليق ويمكن تكون سبب في تغيير حياة شخص يقرأها👇 #شارك_رأيك #تفاعل #سؤال_اليوم

يااخ الثانوي دا صندوق ذكريات مقفول 🔒 أول ما يتفتح الضحك بطلع براهو متذكر الطابور الصباحي؟ 😩 والبرد والزي الموحد والنشيد البنقولو ساي من غير نفس. ومتذكرين الأستاذ البقول "أقيفوا كويس" وفجأة الفصل كلو يسكت ونحن بنموت من الضحك 🤣 ومتذكرين الرحلات المدرسية؟ 🚌 اللمة في البص، والأغاني، والصور البايخة، والزول البنوم وبنرسم في وشو. ومتذكرين آخر حصه قبل الإجازة؟ الكراسات طايرة والكتب بتتقطع والفرح ما بيتوصف 📚💨 وأيام الامتحانات دي براها قصة 😭 السهر، والقهوة والشاي، والورقة البتتوزع "دي المهمة احفظها بس، والله الأستاذ قال الصفحة دي جاية في الإمتحان" ويوم النتيجة... الجري والخوف والفرحة والدموع سوا 😭😂 حتى المواقف البايخة هسي بقت سمحه. زي لمن الفصل كلو اتعاقب عشان واحد عمل شغب. وزي لمن الكهربا قطعت في الامتحان وقعدنا نضحك في الضلمة. المنهج نسيناهو والله 📖❌ بس ريحة الفصل، وصوت الجرس، وشكل الشلة في الفسحة... دي لسه حية في راسي ✨ عشان كدا حبيت الثانوي عشان اداني ذكريات كل ما اتذكرها قلبي ببتسم براهو ❤️ حبيت_الثانوي_عشان قوم_تيم_الثانوي

جاهزين يا دكاترة المستقبل؟ 👨🏻‍⚕️ في رحلتنا دي حنتعرف على نخبة من التخصصات الطبية، وكل لقاء حيكون مع ضيف من أهل المجال يحكي ليكم عن الدراسة، طبيعة الشغل، التحديات، وفرص المستقبل. 🩺 حنبدأ مع الطب والجراحة… التخصص الأشهر في المجال الصحي، والوجهة الأولى لكثير من الطلاب. 🦷 وبعدها طب الأسنان، لعشاق الدقة والابتسامة الصحية. 💊 وحنمر على الصيدلة، عالم الدواء والبحث العلمي والرعاية الدوائية. 🩹 وكمان التمريض، العمود الأساسي لأي منظومة صحية ناجحة. 🧪 ثم المختبرات الطبية بداية رحلة التشخيص واكتشاف الأمراض. 💉 ونتعرف على التخدير، التخصص المسؤول عن سلامة المرضى أثناء العمليات. 🩻 وحنكتشف عالم الأشعة الطبية، والهندسة الطبية، وعلوم البصريات، والتقنيات الحديثة البتخدم الطب. 🥗 وما بننسى التغذية العلاجية، والعلاج الطبيعي، والصحة العامة، ودورهم الكبير في الوقاية والعلاج. 🐄 وللمهتمين بمجالات الحيوان والإنتاج، حنغطي الطب البيطري والإنتاج الحيواني. 🩺 بالإضافة إلى المساعد الطبي، وكلية العلوم، والتخصصات المساندة البتلعب دور أساسي في القطاع الصحي. 🔥 يعني لو إنت ميولك طبية… فأنت على موعد مع رحلة كاملة داخل أهم التخصصات الصحية! حتسمع من أهل الخبرة، تعرف الفرق بين التخصصات، تكتشف فرص العمل، وتختار مجالك بثقة. ⭕ استمارة التسجيل بالبرنامج ⛓️‍💥 https://forms.gle/UxanaT5dxLBgPh89A وبرضو ما تنسوا اللقاء التعريفي بالمسار الطبي! 👀 #برنامج_اعرف_مجالك #مركز_الخدمات_الطلابية #نهضة_شاب_نهضة_أمة #قوم_تيم_الثانوي

جاهزين… نكشف ليكم عن ضيوف المسار الطبي في برنامج اعرف مجالك!

وأنا منتظر نتيجة تامن وروني الصورة الإيجابية عن الثانوي ولمن دخلته أتصدمت👀! وأنت قبل ما تدخل الثانوي قالوا ليك شنو؟ وبعد دخلته أتصدمت بشنو؟ #قوم_تيم_الثانوي

يرجى ربط أحزمة الأمان 🦺 قطار البرنامج على وشك الإنطلاق 🔥 النداااء الأخييير 📢 بكرة حيكون لقاء إنطلاقة برنامج اعرف مجالك 😆 المسجلين خليكم قراااب واضبطوا منبهاتكم من هسي على 9:15 مساءً بتوقيت السودان ⏰ ⚠️ والناس اللسة ما سجلو... الحقوا بسرعة قبل نبدأ عشان ما تفوت عليكم حاجة رابط التسجيل ببرنامج اعرف مجالك 🧭 https://forms.gle/UxanaT5dxLBgPh89A اها الحماس كييف ورونا 🫣 جاهزييين للبداية ؟ 👀 #برنامج_اعرف_مجالك #مركز_الخدمات_الطلابية #نادي_الشباب_السوداني #قوم_تيم_الثانوي

خليك في السعي طمّاع، وفي النتائج راضِ💙! لو نظرت للجهة التاني من السعي؛ حتلقى أنه لو أدّيت اللي عليك وأتقنته، وبعدين أتوكلت على الله حترضى! لأنه طالما عملت اللي عليك الباقي قضاء وقدر، أدعِ وما تشيل هم، لكن خليك راضي🍃 عارف ليه؟ (وَلَسَوۡفَ یُعۡطِیكَ رَبُّكَ فَتَرۡضَىٰۤ) [سورة الضحى 5] وصباح الخير عليك🌸 #قوم_تيم_الثانوي

حان موعد الكشف عن ضيوف المسار الأدبي في برنامج اعرف مجالك! 🤩 جاهزين يا أهل الفكر والثقافة؟ 📚✨ 🔹 أول محطة مع واحدة من أكثر الكليات طلبًا، والإدارة البقت أساس نجاح أي مؤسسة… كلية إدارة الأعمال 💼 وحيكون معانا الأستاذ مأمون محمد علي 🔹 بعدها حنمشي لمعقل الفكر والثقافة والعلوم الإنسانية، الكلية البتفتح أبواب مجالات كتيرة ومتنوعة… كلية الآداب 📖، وحيكون معانا الأستاذ حسين محمد سر الختم. 🔹 وبعدها موعدنا مع الكلية البتقود عالم المال والأسواق والتنمية، وبتخرج خبراء الاقتصاد وصناع القرار… كلية الاقتصاد 💰، وحيكون معانا الأستاذ مؤيد أحمد عبدالله. 🔹 ومن ثم بنصل للكلية البتحمي الحقوق، وبتخرج المحامين والقضاة والمستشارين القانونيين… كلية القانون ⚖️، وحيكون معانا الأستاذ حسن محمد عثمان. 🔹 وختامها مع الكلية البتصنع المعلمين والمربين، ومنها بتبدأ رحلة بناء الأجيال… كلية التربية 🎓، وحيكون معانا الأستاذ المقداد بشير. 🔥 يعني لو إنت أدبي… لقيت كنز! حتلف على أهم كليات المسار الأدبي، تسمع من أهل التخصص، تعرف فرصها، وتختار مجالك وأنت مقتنع. ⭕ استمارة التسجيل بالبرنامج ⛓️‍💥 https://forms.gle/UxanaT5dxLBgPh89A وبرضو ما تنسوا لقاءنا التعريفي بالمسار الأدبي! 👀 حيكون معانا ضيف ناجح جدًا في مجاله، والناس كلها تقريبًا بتعرف شغله… لكن يمكن ما بتعرفه شخصيًا. 🤭 خمنوا معانا في التعليقات! 💡 تلميح: زول من أعرق المؤسسات التعليمية، ومؤسس واحدة من أشهر الصفحات الإخبارية. #برنامج_اعرف_مجالك #مركز_الخدمات_الطلابية #نهضة_شاب_نهضة_أمة #قوم_تيم_الثانوي