سامعنك💜✨

Channel photo removed

شنو يعني ضغط نفسي على ولدك؟ 🌸 أحيانًا من كتر خوفنا عليهم بنختار ليهم كل شي، بدون ما نحس بنكون بنضغط عليهم 💔 ⭕ الضغط النفسي هو إنو الوليد يمر بحاجات فوق احتمالو — زي مشاكل في البيت، فقدان، أو إحساسو إنو ما محبوب كفاية. ⭕ علاماتو بطنو توجعو بدون سبب؟ ساكت أو عصبي؟ نومو واتركيزو اتغيّر؟ دي كلها إشارات بتقول: أنا محتاج حنانك، ما سلطتك 💞 ⭕ كيف تساعدو؟ 🌬 علمو يتنفس ببطء 🏃 خليه يلعب ويتحرك 🕰 ثبّت ليه روتين مريح 🫂 أسمعو بدون حكم 💗 واهتمي بنفسك عشان تقدري تكوني ليه أمان 🧸 الوليد ما داير ماركات… داير حضن وطمأنينة ❤️ #سامعنك_للصحة_النفسية #صحتك_النفسية_مبتغانا

يا جماعة، ظنّ العبد بربو ممكن يغيّر حياتو كلها… الزول البظن في ربنا خير، بعيش مطمّن، مرتاح، حتى لو الدنيا قلبت فوق تحت، لأنو عارف ربنا ما حيخيب ظنو. قال النبي ﷺ: "أنا عند ظن عبدي بي، فليظن بي ما شاء" ❤️ الكلمة دي براها علاج للنفس. لما تكون نفسيتك تعبانة، وحاسس الدنيا ضيّقة، افتكر إنو ربك أرحم بيك من نفسك، وإنو الفرج قريب، حتى لو ما شايفو هسع. الإيمان دا بيهدّي القلب، وبيردّ الروح. لكن لما الزول يظن السوء بربو، يعيش دايمًا خايف، محبط، حاسس إنو ما في خير جاي… هنا بتنهار النفسية، وبتختفي الطمأنينة. خلينا نظن في ربنا خير، نرضى بقضاؤه، ونقول دايمًا: "يمكن ما فهمت الحكمة، لكني واثق في ربّ الحكمة." الثقة في الله ما بس عبادة… دي راحة نفس، وسلام داخلي، ودواء للقلب المتعب. #ظن_العبد_بربه #راحة_نفسية

اختيار شريك الحياة قرار مصيري ومهم، لأنه ما مجرد ارتباط بين شخصين، بل شراكة طويلة مبنية على التفاهم، الاحترام، والدعم المتبادل. لازم الواحد يكون واعي ومدرك للصفات والقيم الأساسية البتخليه يرتاح ويقدر يعيش حياة مستقرة وسعيدة مع الطرف التاني. أهم حاجة في الاختيار إنك تدور على شخص بيشاركك نفس المبادئ الأساسية، زي الاحترام، الصدق، المسؤولية، والقدرة على الحوار. التوافق في القيم والرؤية للحياة بيسهّل كتير من التحديات المستقبلية، وبيمنع مشاكل ممكن تظهر بعدين بسبب اختلاف النظرة للأشياء المهمة. كمان من الضروري تلاحظ طريقة تعامل الشخص مع الناس، خاصة في المواقف الصعبة، لأنها بتكشف جوانب حقيقية من شخصيته. وما تنسى تسأل نفسك: هل وجوده في حياتك بيزيدك راحة وأمان؟ ولا بيخلق توتر وعدم استقرار؟

وجود أصحاب حقيقيين حوالينا بيلعب دور كبير في راحتنا النفسية. الصاحب الوفي والحنين بيقدر يخفف عنك همومك، ويسمعك من غير ما يحكم عليك، وده بيساعدك تتخطى لحظات التعب والضغط بسهولة أكبر. العلاقات الاجتماعية القوية بتدي إحساس بالأمان والانتماء، وبتخلّي الزول يحس إنه ماشي في الحياة ومعاه ناس بتسنده في كل الظروف. كمان وجود أصحاب محبين بيقوي الثقة بالنفس، وبينشر طاقة إيجابية بتأثر مباشرة على الصحة النفسية. الدراسات بتأكد إنه الناس اللى عندهم صداقات صحية وقوية، بيكونوا أقل عرضة للتوتر والاكتئاب، وغالبًا عايشين حياة أطول وأهدأ نفسيًا. عشان كده، المحافظة على الصداقات الطيبة واختيار الناس الكويسين حواليك حاجة مهمة جدًا لصحتك النفسية

أكتر حاجة خايف إنها تحصل شنو؟ #سامعنك_للصحة_النفسية

اليوم العالمي للصحة النفسية 💜 لا بأس ألا تكون بخير! مشاعرك مسموحةوحقيقية ، ومعاناتك لا تُعرّفك ولا تحدد قيمتك. تفقّد من حولك وتفقّد نفسك أيضًا! استمع بلطف، وتحدث بعناية... وتذكّر، أنك لست وحدك أبدًا! 💜

*كتيرر مننا بحب يعتمد على غيرو في بعض المهام وبتهرّب من مسؤليتو تحت عنوان ماا قادر....والصراحة، ما عيب إنو تعتمد على غيرك لأنو الحياة تعاون وشراكة لكن، لو الإعتماد والتواكل دا زاد عن حدو حينقلب عليك والعاقبة حتكون وخيمة. * عشان كدا حاول فرِّز بين:   ✨️ المهام والحاجات البتقدر تنجزها وطاقتك كافية لتأديتها بنجاح   ✨️ والحاجات المحتاجة منك بذل جهد وصبر عشان تعملها   ✨️ والمهام الأصلاً ما عندك إمكانية أو أكبر من طاقتك.... * وبكدا لمن نقسم مسؤلياتنا على التلات فئات دي؛ بنكون قضينا على عنصر الكسل البتولّد من كثرة الإعتماد على الأخرين، وفي نفس الوقت بنحافظ على مفهوم التعاون. * ولسلامتك💜؛ ما تكون ميّال للراحة ورافض للتعب وبذل الجهد لأنو حتعرض صحتك النفسية للإضمحلال وحتقلل من كفائتك. * وإياك🔴، تحمل نفسك مسؤلية أكبر منها لأنو حيجيك تأنيب ضمير ما طبيعي وجلد للذات. #سامعنك_للصحة_النفسية. #صحتك_النفسية_هي_مبتغانا.

اضطراب الشخصية الحدّية هو نوع من الاضطرابات النفسية بيأثر على طريقة الشخص في التعامل مع نفسه ومع الناس التانين. غالباً بيبدأ في آخر سنين المراهقة أو أول الشباب. ⚠️ أهم العلامات: • مزاجهم بيتقلب بسرعة وبشكل حاد. • علاقاتهم بالناس مش مستقرة، مرة يحبوا الشخص جدًا ومرة يبعدوا عنه فجأة. • عندهم خوف شديد من إن الناس تسيبهم أو تهجرهم. • بيعملوا تصرفات متهورة زي الصرف الكتير أو سلوكيات خطرة. • دايمًا حاسين بفراغ أو ملل داخلي. • بيتعصبوا بسرعة وممكن يواجهوا صعوبة في التحكم في غضبهم. • أحيانًا ممكن يؤذوا نفسهم أو يهددوا بالانتحار لما يكونوا مضغوطين. 🧠 الأسباب: مافيش سبب واحد، لكن غالباً بيكون خليط من الوراثة، تغيّرات في المخ، وتجارب صعبة في الطفولة زي الإهمال أو العنف. 🩺 العلاج: العلاج الأساسي هو العلاج النفسي، خصوصًا نوع اسمه “العلاج السلوكي الجدلي” (DBT)، بيساعدهم يتحكموا في مشاعرهم ويتعاملوا مع الناس بشكل أفضل. أحيانًا بيستخدموا أدوية لتخفيف القلق أو الاكتئاب لو موجودين

الإدمان الصامت أخطر مما متخيل الإباحية ما حاجة عادية، هي شبكة بتصطادك خطوة بخطوة. في الأول عادة بسيطة .. لكن مع الزمن بتتغلغل في المخ، وتسيطر زي ما المخدر بيسيطر على جسد المدمن. 📌 أثرها خطير: على روحك: بتحس بعيد من ربك وضميرك موجوع. على نفسك: ثقتك بتتكسر وبتحس إنك ضعيف. على علاقاتك: نظرتك للحب والزواج بتتشوه. على عقلك: بتفضل الخيال لحدي ما الواقع ما يقنعك. المؤلم إنها معركة صامتة، الناس ما شايفينها .. لكن إنت عارف الوجع بعد كل مرة. 💡 ومع دا كله .. الأمل موجود: الله قال: "إن الله يحب التوابين ويحب المتطهرين". يعني كل دمعة، كل دعاء، كل محاولة صدق .. محسوبة عند ربنا. إبدأ بخطوة صغيرة: أقفل أي مصدر بيجيب الإباحية. إرفع دعاء بسيط. أحكي لزول بتثق فيهو. وإتذكر .. حريتك الحقيقية ما في إنك تشوف أي حاجة، بل في إنك تكون سيد نفسك، ما عبد لشهوتك. إنت ما برااك .. ربنا معاك، وهو القادر يرفعك فوق أي إدمان. 💜

💁🏻‍♀عرّف نفسك كدا للجمهور يا ضيفنا. 🤵‍♂ أنا الميل المستمر لتكوين محادثات خيالية في رأسك مع ناس حقيقين أو حتى وهميين، حتى بخليك تتخيل سناريوهات كثيرة ترد وتجادل وتناقش.. لكن دا كلو في مخك! 💁🏻‍♀الجمهور بدأ يخاف منك 😣، سيد جوسكا كيف بتجي للزول؟ 🤵‍♂ بجي في العادة بعد مواقف إجتماعية، مثلا تقول حاجة وبعدها تقول" ياريت قلت كدا بدل كدا"، وإذا عندك لقاء مهم فبخليك تتخيل اللقاء و تتخيل الرد. 💁🏻‍♀ يعني إنت زي التدريب ولا تعذيب؟ 🤵‍♂مرات بدربك وبخليك مستعد، لكن غالباً تعذيب. 💁🏻‍♀كيف بعرف إنك جيتني؟ 🤵‍♂ لمن أجيك أدني عصير بارد وبعد أنتهي، حتضحك فجأة براك، أو تتضايق من موقف ماحصل، تسهر وتفكر وتعيد نفس الحوار ألف مرة، وغالباً بجيب ليك قلق و إرهاق، وحتى أرق ما بس كدا بخليك عايش في الماضي أو خايف من المستقبل. 💁🏻‍♀ لو دي حالتك ماتجيني أبداً😭 ، طيب والجيتهم كيف يقدرو يطردوك؟ 🤵‍♂ على فكرة أنا صعب، لكن بطلع عادي لو وعيت إني مجرد أفكار ما واقع، وكمان بالتركيز على اللحظة الحالية زي التأمل، ولو كتبت أفكارك بدل تعيدها في مخك أنا كدا حكرهك وما حجيك لأنك دمرتني😭، لكن لو تقّلت دمي شديد معاك برضو بتقدر تطردني بالعلاج النفسي. النهاية🤍

النقد المستمر يا جماعة بيدمّر النفوس… لما أي زول يعمل حاجة، بدل ما نرفعو ونشجّعو، نبدأ نعيب وننتقد ونقلّل منو… النتيجة؟ ثقتو في نفسو بتنقص، وحماسو بيتكسّر، وببطل يحاول. النصيحة غير والنقد المستمر غير… النصيحة بتكون بحُب وبتفتح باب للتغيير، لكن النقد المتواصل بيزرع إحباط وكُره. كتير ناس عندهم مواهب وأفكار جميلة، لكن ضاعوا لأنهم لقوا حواليهم ناس ما شافوا فيهم غير العيوب. والزول البتعوّدو تسمعوهو كلام سلبي، في النهاية بيصدّقو… ودا خطر شديد على نفسيّتو. خلونا نكون سبب في بناء بعض، ما في هدم بعض. كلمة طيبة، ابتسامة، دعم بسيط… ممكن تغيّر حياة زول. #أوقفوا_النقد_الهدام #الكلمة_الطيبة_صدقة

يا جماعة، الغِيبة والنميمة من أكبر البلاوي البتفسد القلوب والمجتمع. الغِيبة معناها تذكُر أخوك المسلم في غيابه بالحاجة البتكرهها، سواء في شكل أو سيرة أو تصرّف… ودي زي ما النبي ﷺ قال: "ذكرك أخاك بما يكره"، وهي محرّمة شديد لأنها بتنقص من حسناتك وبتأكُل في عملك زي النار البتاكل الحطب. أما النميمة، فهي إنك تمشي تنقل الكلام بين الناس بغرض الفتنة وتفريق القلوب. ودي ربنا ورسولو حذّرونا منها تحذير شديد، لدرجة النبي ﷺ قال: "لا يدخل الجنة نمّام"… شوف الخطر كيف! والفتنة ربنا قال عنها: "والفتنة أشد من القتل". الغِيبة والنميمة يا أخوانا ما بس ذنوب فردية، دي نار بتولّع بين الناس، بتخرب البيوت، بتقطّع الأرحام، وبتنشر الكراهية. فخلونا نتوب ونستغفر، ونحفظ ألسنتنا، ونستعملها في الخير: في ذكر الله، في النصيحة، وفي الكلمة الطيبة البتصلح القلوب. ✋🏽 يا ريت كل زول يقيف مع نفسو ويقول: "لساني دا ما بخلّيهو سبب في هلاكي ولا سبب في خراب بين الناس". #استغفر_الله #خلي_لسانك_طيب

"ليه ساكت كدا؟" "أها ماعرّست لسه؟" "وزنك زاايد !" "دي قراية ليك مع الناس؟! " " أنت ضعيف جدا اي شي ببكيك! " " ما أظن زول زيك يشتغل!" " بتقرى صباح ومساء وفي النهاية دي نتيجتك؟! " ود مثال بسيط عن البنسمعو من المجتمع، كأنهم دايرينك تعيش بالطريقة البشوفوها هما صح، حتى لو أنت مامامرتاح فيها.. الضغط دا تقيل.. ( بالذات الناس الماعرسو مابريحوهم🤣💜عارفة طرف السوط هبشك 😂💜) وأسوأ مافيه، إنو بخليك تشك في نفسك، في إختياراتك، في حقيقتك. نحنا في مجتمع بخوفك تكون ذاتك.. لو اختلفت، قالوا: متمرد. لو عبرت، قالوا: قليل ادب. لو بكيت، قالوا : ضعيف. لو فرحت، قالوا : زايدها. المجتمع دا مرات بكون زي القاضي البحكم من غير سماع الدفاع.. لو حاولت ترضي المجتمع، و ماحتنجح، ألم تسمع بمقولة " رضى الناس غاية لاتدرك!".. ف ليه تضحي براحتك؟ أقول ليك حاجة.. 💜✨ أنت ما مخلوق عشان تعيش نسخة مكررة من الناس. إنت مخلوق عشان تعيش حياتك بطريقتك، بعفويتك، بطبيعتك، ورضاك، جرّب، أتكلم، وسافر، وأفشل وقوم تاني. أعمل العليك والبريحك وما ليك ب قالو وقلنا💜🤝.

-لو أنت طبيب نفسي ما نفسك تترك بصمة في الحرب دي؟ -ما نفسك تدعم وتساعد وتخفف؟ في فترة الحرب دي التعب النفسي أصعب من الجسدي، كل كلمة، كل لفتة منكم بتدي أمل جديد للناس ✨. ✨انضم لينا في مبادرة سامعنك للدعم النفسي المجاني.. خلي بصمتك تنور طريق زول💜" فورم التقديم تحت👇 https://docs.google.com/forms/d/e/1FAIpQLSfwswZUFHYRzeZNdrv5dLxgdjmfe54lncZabQOrE4hUAONeOQ/viewform?usp=header

مرات بتحس إنك ما قادر؟ تايه؟ فتران؟ وبس غلبك الحال؟ لا، مايوم ولا يومين.. فترة طويلة، قايم ماقايم! قاعد ماقاعد! حاسس كأنك موجود بس ماعايش، أي شي حواليك شبه بعضو، مافي طعم، لا حماس، لا دافع، لا إنجاز. تعال نحكي ليك إنت مالك؟! إنت بتعاني من حاجة اسمها الاحتراق النفسي - Burnout يعني عقلك، قلبك، جسمك... كلهم تعبانين أكثر من اللازم من شيل الهم ، من التفكير، من المحاولة المستمرة. طيب إنت هسي حتقول لي الحل شنو؟! حوريك ياجميل💜 انت محتاج تفصل شوية... تمسك ورقة وقلم وتكتب، تفضفض، تطلع كل الزحمة الجواك. صدقني، حترتاح. امشي، وأقعد في الطبيعة كتير ، وماا تضغط على نفسك، والفضفضة لحد قريب منك، كلو بساعد... والمهم من دا كلو؟! إنت ما براك💜، نحن هنا معاك، تعال احكي لينا ونحن سامعنك.. 💜 #صحتك_النفسية_هي_مبتغانا #سامعنك_للصحة_النفسية

أسرة قوم الخيرية تهنئكم بحلول عيد الأضحى المبارك، أعاده الله عليكم بالخير واليمن والبركات، نسأل الله أن يجعل أيامكم سعادة وقلوبكم عامرة بالمحبة والطمأنينة. كل عام وأنتم بخير!💜💜 #سامعنك_للصحة_النفسية #صحتك_النفسية_هي_مبتغانا

🌹 وردة اليوم: لي أنا بهمل صحتي 🌹 حصل يوم سألت نفسك: ليه دايمًا بتنسى تهتم بنفسك؟ ليه أولوياتك دايمًا غيرك، حتى لو الثمن كان صحتك؟ يلا، كل واحد يسأل نفسه السؤال ده بصدق. وولّعوا التعليقات بكلمة "لنفسي"، واكتبوا لها بكل حب : "أنتِ تستحقي كل السَّمح، وتستاهلي كل الحب والاهتمام، مافي حاجة أهم منك، ومن أولوياتك، ومن صحتك." #خليك_أنت_أولويتك #صحتك_النفسية_هي_مبتغانا #سامعنك_للصحة_النفسية

طبعا كلنا لو قاصدين او لا بنقارن الناس بينا وبنقارن حتى أطفالنا ما بينهم ومرات نحنا برانا بنقارن نفسنا مع ناس تانية والمقارنة دي جزء معاناة كبيرة بعانوا منها الشباب سواء كانت على مستوى الانجاز او السلوك أو المؤسسات أو غيره حاليا اكتر مقارنات وبعانو منها اغلب الشباب هي مقارنة في الانجاز والحاجة دي بتحفزها اكتر شي الميديا الميديا حاليا لاعبة دور ضاغط وبتعرض الانجازات المثالية وان كانت زائفة وده بعمل لينا كم مشكلة ✋ المقارنة في السوشيال ميديا... بتجرّك بالحِيلة 1. بتقارن روحك بي شنو؟ في السوشيال ميديا الناس بتنزل اللقطات الحلوة بس... صورة بعد ما نجح، فيديو بعد ما سافر، بوست بعد ما خلص مشروع. لكن إنت بتقارن ده بي يومك العادي، بظروفك، بتعبك... وده ظلم ليك ساكت. 2. بتحس إنك متأخر؟ المشكلة ما فيك... المشكلة إنو إنت ما شايف كواليس الناس التانين. شايف اللحظة، وما شايف المشوار. فـ طبيعي تحس إنك واقف، وهم "طايرين"، لكن في الحقيقة كل زول عندو وقاتو الصعبة. 3. مزاجك بيتأثر بدون ما تحس تفتح الفون تتونس شوية، تطلع بعد ساعة ومودك مقلوب. ليه؟ لأنك شُفت مليون حاجة ممكن تخليك تحس إنك ما أنجزت، أو إنك "ما كفاية". وكل ده ما واقعي. 4. خلي المقارنة تكون بينك وبَينك سجّل خطواتك، ولو كانت بسيطة. احتفل بي إنجازاتك، حتى لو كانت زغنونة. وقول لنفسك: "أنا ماشي في سِكّتي، براي... ما زيي زول". احل المشكلة كيف ١/راقب نفسك اولا ٢/راقب الحسابات المتابعاها وممكن تعمل ليها الغاء متابعة ٣/حدد زمن للتصفح، التصفح العشوائي بدي مشاعر سلبية ونفسيتك بتتعب. #سامعنك_للصحة_النفسية #صحتك_النفسية_هي_مبتغانا

بتقارن يومك العادي بلحظة نجاح ناس تانيين؟ ده ظلم لنفسك. السوشيال ميديا بتعرض اللقطة الحلوة… ما الرحلة كلها. خليك فاكر: طريقك مختلف، ومقارنتك الوحيدة المفيدة هي مع نفسك.