قوم امشِي صلِّ

٣٠ - صفـر - ١٤٤٨هـ بحمد الله ها قد طلّ مساءٌ بهِ بِشرٌ سقانَا السّـعد تترى!🎈 بعون الله نصف ساعه ونبدأ مجلسنا الذي نُحب بعد طول انتظار وكثيرِ شوق... مع اسم الله القريب 🥹🥹🩵🩵 كونوا بالقرب يا مؤنسات اللهم لك الحمد والشكر ✨ رابط المجلس المباشر لمن تحبين https://t.me/+tPCGKWgmIv44MzU8

هو القريب.. فما تكوني إنتي البعيدة! لو عندي نصيحة واحدة بس أقولها لأي بهيّة ح تكون : اقتربي من أسماء الله الحسنى. ﴿اللَّهُ نُورُ السَّمَاوَاتِ وَالْأَرْضِ﴾💚 والله محروم اللي ما دخل هذا النور حياته🌸 ولا يمكن أن تَرى الأشياء على حقيقتها قطعًا ألا بنور الله ! يسرنا ويسعدنا دعوتكن لـ لقاء إيماني بعنوان: 📖«مركزية أسماء الله الحسنى في حياة المسلمة» 🎙️ تقديم الشيخ الفاضل: م. محمد عوض فقير (حفظه الله ) 🗓️ اليوم : الإثنين 19 صفر 1448 هـ الموافق 3 / أغسطس 2026 م ⏰ الزمن: الساعة 8:30 مساءً بتوقيت السودان 📍 المكان: على قناة مجالس قوم أمشي صلِّ للنساء لدينا مفاجأة نعتبرها من النعيم المُعجّل في الحياة الدنيا دي سيتم الإعلان عنها بعد اللقاء مباشرة!💚🌷 نـورٌ نرىٰ بسنائِـهِ .. نبـعٌ نُغاثُ بمائِـهِ دونكم رابط المجلس المباشر ⭕️ ولا نقبل طلب الإنضمام إلا بالاسم الصريح : https://t.me/+tPCGKWgmIv44MzU8 #اللقاءات #مجالس_قوم_امشي_صلِّ_للنساء💚

دائما بسمع إنه لو في معصيه عاوز أخليها المفروض أخليها طوالي ما بالتدريج ونفس الفكره للفرض مجرد ما أعرفه إنه فرض فلازم أعمله طوالي طيب مفروض أتدرج في شنو؟ (وما يَزالُ عَبدي يَتَقَرَّبُ إليَّ بالنَّوافِلِ حتَّى أُحِبَّه)💚 أيوا بالظبط، حاجه ممكن أتدرج فيها هي النوافل، طيب كيف؟🤔 مثلا لو سمعته إنه السنن الرواتب اللهي ١٢ ركعة في اليوم والليلة، البنكسب بيها محبة الله و البحافظ عليها بُني له بيت في الجنة💚 طيب لو عايز ألتزم بيها بس شايفها كتيره وصعبه أعمل شنو؟ ودي حاجه مجربه من زول حاليا محافظ على السنن الرواتب كلها وبشكل يومي تبارك الله أول حاجه أبدا بسنة الفجر لأنها عظيمة في الأجر؛ قال عنها النبي صلى الله عليه وسلم:(رَكْعتا الفجْرِ خيْرٌ مِنَ الدُّنيا ومَا فِيها) وألزم نفسي بيها بشكل يومي من غير إنقطاع حاجه بسيطه بأجر عظيم فليه أفوته؟! بعدها ألتزم بركعتي بعد المغرب لأنه أصلا المغرب ركعاته بسيطة فما حيفرق ركعتين بعده وأداوم عليها بعدها ألزم نفسي بركعتين بعد الظهر وأداوم عليهم وبعدها ركعتين قبل وأزيدها إتنين تبقى أربعه وآخر حاجه ركعتين بعد العشاء كدا من غير ما نحس بنلقى نفسنا بنصلي السنن الرواتب كاااامله وبنفوز بمحبة الله وبيت في الجنة بإذن المولى عز وجل ونتذكر دائما البجاهد نفسه في طاعة ربنا وترك معاصيه، ربنا بعينه وبوفقه وبهدي💚 في أجمل من كده؟! أبدوا من أسي وقوموا صلوا ركعتين وما تنسوا تكتبوا باقي الحديث في التعليقات⤵️💚، عن أبي هريرة رضي الله عنه قال: قال رسول الله صلى الله عليه وسلم: إن الله تعالى قال:«إنَّ اللَّهَ قال: مَن عادى لي وليًّا فقد آذَنتُه بالحَربِ، وما تَقَرَّبَ إليَّ عَبدي بشَيءٍ أحَبَّ إليَّ ممَّا....... #قوم_امشي_صلِّ💚

حي على الصلاة حي على الصلاة 💚 حي على الفلاح حي على الفلاح 💚 #قوم_امشي_صلِّ💚

كله بهون بإذن اللّٰه💚 كله بهون لمن ندرك إنها دنيا وإنه كل ألم وحزن عنده زمنه ويعدي💚 كله بهون لمن ندرك إنه جزاء أي مجاهده لنفسنا عشان نخلي ذنب معين ونتوب منه مغفرة من رب العالمين وإنه يبدل سيئاتنا حسنات💚 كله بهون لمن ندرك إنه في جنة عرضها السموات والأرض للمؤمن البعمل حسنات وببتغي مرضاة الله💚 كله بهون لمن ندرك إنه الدنيا بما فيها من ملذات وشهوات فااااااااااااااااااااااااااااااااااااااااااااااانيه وإنه الأخره دار الخلد وهي البتستاهل نعد ليها بكل ما أوتينا من قوه💚 قول بسم الله واسعى وكله بهون بإذن اللّٰه #قوم_امشي_صلِّ💚

وعدنا الله تعالى بالعذاب والعقاب عن ترك الصلاة والتهاون فيها، فقال سبحانه {وَيْلٌ لِّلْمُصَلِّينَ الَّذِينَ هُمْ عَن صَلَاتِهِمْ سَاهُونَ} والسهو هنا ما مقصود بيه سجود السهو بل مقصود بيهو تأخيرها والتكاسل عنها من غير عذر . عزيزي المصلى من صلحت صلاته صلحت حياته، فإذا إنت عايز تصلح حياتك وترزق التوفيق والفلاح والنجاح عليك بالصلاة 💚 والسؤال المهم.. هل في لقاء أحلى من لقاء الله ؟ هل نحنا بنتأخر على مديرنا أو شغلنا؟! لا فكيف نتأخر عن لقاء من أمره بعد الكاف والنون 💚 #قوم_امشي_صلِّ💚

ما تيسَّر من سورة فصلت — القارئ ناصر القطامي 💚 {إِنَّ ٱلَّذِينَ قَالُواْ رَبُّنَا ٱللَّهُ ثُمَّ ٱسۡتَقَٰمُواْ تَتَنَزَّلُ عَلَيۡهِمُ ٱلۡمَلَٰٓئِكَةُ أَلَّا تَخَافُواْ وَلَا تَحۡزَنُواْ وَأَبۡشِرُواْ بِٱلۡجَنَّةِ ٱلَّتِي كُنتُمۡ تُوعَدُونَ * نَحۡنُ أَوۡلِيَآؤُكُمۡ فِي ٱلۡحَيَوٰةِ ٱلدُّنۡيَا وَفِي ٱلۡأٓخِرَةِۖ وَلَكُمۡ فِيهَا مَا تَشۡتَهِيٓ أَنفُسُكُمۡ وَلَكُمۡ فِيهَا مَا تَدَّعُونَ * نُزُلٗا مِّنۡ غَفُورٖ رَّحِيمٖ * وَمَنۡ أَحۡسَنُ قَوۡلٗا مِّمَّن دَعَآ إِلَى ٱللَّهِ وَعَمِلَ صَٰلِحٗا وَقَالَ إِنَّنِي مِنَ ٱلۡمُسۡلِمِينَ} #قوم_امشي_صلِّ💚

بيحكي من زمان كنت بعد أصلي العِشاء في المسجد بقوم اصلي الشِفع والوتر طوالي وارجع البيت، لكن في مرة قريت وصية النبي ﷺ لأبو هريرة رضي الله عنه لم قال: أوصاني خليلي ﷺ بثلاث لا أدعهن حتى أموت، وذكر من بينها "أن أوتِرَ قَبلَ أن أرقُدَ." وقريت برضو عن سُنة مهجورة كان النبي ﷺ بعملها إنو كان بتوضأ قبل النوم، فبقيت بجمع العملين إني عاوز أحيي سُنة النبي ﷺ وإني كمان عاوز أقتدي بوصيته لأبو هريرة؛ فبقيت بصلي الشِفع في المسجد وبعد أرجع البيت قبل ما أنوم بتوضأ تاني وبصلي الوتر 💚 فالحمد لله بعد إعانة ربنا ومع مرور الوقت بقيت لي كأنها فرض وما بقدر أخليه أو أفرط فيه، اللهم أعنَّا على ذكرك وشكرك وحُسن عبادتك 🤲 #قوم_امشي_صلِّ💚

قد تلقين الله يوم القيامة، وفي ميزان حسناتك عملٌ كنتِ ترينه صغيرًا جدًا... "السِّتر" 💚 في زمنٍ صار فيه التبرّج أمرًا عاديًا عند كثير من الناس، تبقى كل محاولةٍ منكِ لإرضاء الله عبادةً عظيمة. كل مرةٍ تجاهدين فيها نفسكِ لله... كل مرةٍ تقدّمين رضا الله على رغبة النفس... كل مرةٍ تختارين الحياء والعفة ولو خالفكِ من حولكِ... فأنتِ في عبادة. لا تجعلي كثرة المتهاونين تُضعف يقينكِ، ولا تجعلي سهولة الطريق عند الآخرين تُنسيكِ قيمة الطريق الذي اخترتِه لله. فما كان لله يبقى، وما ترك عبدٌ شيئًا لله إلا عوّضه الله خيرًا منه. ﴿وَلِبَاسُ التَّقْوَىٰ ذَٰلِكَ خَيْرٌ﴾ فاثبتي، فإن أجمل ما تتزين به المرأة ليس ما تلبسه... بل تقواها وقربها من ربها 💚. #قوم_امشي_صلِّ💚

الليلة يوم الجمعة عارفين حنقول ليكم شنو صح ؟!👀 - إكثار الصلاة على النبي ﷺ - الإغتسال والتطيُّب ولبس أحسن الثياب - التبكير للمسجد - قراءة سورة الكهف - تحري ساعة الإستجابة وإكثار الدعاء فيها اذكرونا معكم وتقبل الله منَّا ومنكم صالح الأعمال 💚 #قوم_امشي_صلِّ💚

لم تصحى في نص الليل بدون سبب وتكون عطشان ما تشرب موية وترجع تنوم طوالي؛ لأن دي ممكن تكون فرصة ودعوة من ربنا ليك عشان تقوم الليل بركعتين وتسبحه وتحمده وتدعوه بما في نفسك فيستجيب ليك والعطش الجاك دا ممكن يكون مجرد سبب عشان تصحى وتعبد ربنا وتكون ليك خبيئة والناس كلها نايمين 💚 #قوم_امشي_صلِّ💚

شوفتوا الأم لمن تدي طفلها الدواء .. مع إنها عارفه إنو مر وما حيعجبو الطعم لكن عايزاه يستفيد منو ويشفى بيه ولله المثل الأعلى مع إنو عالِم إننا بطبيعتنا ما بنحب الإبتلاءت لكن يريدنا أن نستفيد منها؛ إن كان فايده دنيويه زي إنو نفهم الدنيا والناس صاح ونتعلم خبرات تنفعنا أو دينيا زي إنو نفهم دينا ونتذكر النعم عندنا وما نجحد وندعوا ونبتهل لربنا عشان يفرجها علينا، وبعد دا كلو يبقى لينا أجر في الأخره بجد ربنا أرحم على العبيد من الأم بطفلها 💚 فحتى الإبتلاء رحمه من الرحمن الرحيم 💚 #قوم_امشي_صلِّ💚

لو في مرة وقعت في ذنب فاتذكر إنو بسبب الشيطان وفي الوقت داك بكون فرحان إنو اغواك واعمى بصيرتك وخلاك تعمل الذنب دا فإنت كمان عشان ما تخليه يفرح استغفر وتوب لربنا في وقتها واعقد العزم إنك ما ترجع للذنب دا مرة تانية بحول الله وإعانة ليك واتوضأ وصلي ركعتين؛ لأن الذنوب حتطلع مع مياه الوضوء والسيئات حتتساطع عنك مع كل ركوع وسجود وطلع صدقة ولو بسيطة؛ لأن الصدقة بتطفأ غضب الرب بعد دا خلينا نشوف الشيطان حيكون حاله كيف 👀 #قوم_امشي_صلِّ💚

عزيزي المصلي 💚 من السنن المهجورة من قبل كثير من الناس اليسيرة ولو داومت عليها أجرها كبير؛ هي إنك عقب كل صلاة تسبح ربنا عشراً وتحمده عشراً وتكبر عشراً تخيل ١٥٠ بس تتحسب في ميزانك ١٥٠٠ حسنة وده بقول نبينا العظيم محمد ﷺ عن عبد الله بن عمرو رضي الله عنهما قال: قال رسول الله ﷺ: ”خَصْلَتَانِ أَوْ خَلَّتَانِ لَا يُحَافِظُ عَلَيْهِمَا عَبْدٌ مُسْلِمٌ إِلَّا دَخَلَ الْجَنَّةَ، هُمَا يَسِيرٌ، وَمَنْ يَعْمَلُ بِهِمَا قَلِيلٌ: يُسَبِّحُ فِي دُبُرِ كُلِّ صَلَاةٍ عَشْرًا، وَيَحْمَدُ عَشْرًا، وَيُكَبِّرُ عَشْرًا، فَذَلِكَ خَمْسُونَ وَمِائَةٌ بِاللِّسَانِ، وَأَلْفٌ وَخَمْسُمِائَةٍ فِي الْمِيزَانِ...“ ورونا منو فيكم الكان عارف السُنة دي ؟🤔 وشاركو البوست مع غيركم فالدال على الخير كفاعله #قوم_امشي_صلِّ💚

تخيّل… إنك وسط زحمة اليوم، وانشغال الحياة... في عبادة بسيطة جدًا، لكن أثرها عند الله عظيم "الإستغفار" 💚 كم مرة أخطأنا؟ وكم مرة قصّرنا؟ ومع ذلك، باب الإستغفار ما زال مفتوحًا. الإستغفار ما بس كلمات بتتقال باللسان، هو رجوع القلب إلى الله، واعتراف العبد بحاجته لرحمة ربّه ومولاه والجميل ! أن الله لا يملّ من قبول التوبة، بل يفرح بعودة عبده إليه، قال رسول الله ﷺ: ”طوبَى لِمَنْ وجدَ في صحيفتِهِ استغفارًا كثيرًا.“ يمكن استغفار واحد يكون سببًا في تفريج هم، أو تيسير أمر، أو رفع درجة، أو محو ذنب ما كنت تظن أنه يُغفر. عشان كدا... ما تستهين بكلمة: "أستغفر الله." 💚 رددها بقلب حاضر، واجعلها رفيقة يومك دائمًا؛ فرُبّ استغفارٍ صادق... غيّر حياة صاحبه كلها. #قوم_أمشي_صلِّ💚

قدمت في المنحة الفلانية وما شالوك، ولم مشيت عشان تشتري حاجة من السوق لقيتها انتهت، وبعد ما رجعت البيت عملت عصير وكبيته عشان تشربه فالكباية وقعت منك والعصير اتكشح دا ما حظ كعب لكن ببساطة؛ لأن الحاجات دي ما مكتوبة ليك وربنا ما مقدرها ليك لحكمة يعلمها هو سبحانه ذي الطفل الصغير لم يكون عاوز يبلع حبة ملونة وأمه تشيلها منه حيزعل ويبكي وبفتكر إنو لشنو أمي دي بتعمل معاي كدا ؟! ما عارف إنها بتحميه وبتبعد عنه البضره وما بنفعه ولله المثل الأعلى .. فربنا كمان لم ما يقدر ليك حاجة معينة وإنت عاوزها ونفسك فيها شديد دا لأنه سبحانه يعلم ما كان وما سيكون، وكل حاجة مكتوبة عنده في اللوح المحفوظ فاطمئن وأحسن الظن بربك واستودعه ما لم يُكتب لك عشان يبدلك بخير منه وأحسن 💚 #قوم_امشي_صلِّ💚

أول ما تمشي مدينة جديدة بتسأل عنها؛ الشوارع الرئيسية، وأهم المعالم والأماكن الفيها. أول ما تكون عايز تشتري تلفون بتسأل عنه؛ بطاريته وسعته وأي تفصيل ممكن يفيدك. ببساطة يا رفيق، قبل تعمل اي حاجة إنت بتسأل وتبحث؛ لأنه المعرفة أساس أي حاجة! فما بالك بدينك! كيف حتعبد ربنا بالطريقة الصحيحة لو ما عرفت أساسيات العبادات؟ وكيف حتقتدي بالحبيب المصطفى لو ما عرفت سيرته؟ وكيف حتقي نفسك شر الفتن والمضللات وتحدد توجهاتك لو ما عندك ولو نصيب يسير من العلوم الشرعية؟ لذلك يا رفيق خلي عندك أساس قوي ودرع تحتمي بيه، وشعلة تدرك بيها الطريق الصاح كلما أظلمت عليك الدنيا. زي ما بتقبل على علوم الدنيا وتديها من زمنك وطاقتك، أكرم علوم دينك وأديها اهتمام، لو كل يوم عرفت معلومة جديدة صدقني حتستفيد. #قوم_أمشي_صلِّ💚

أتدري؟ كم مرة بحثت عن الراحة والطمأنينة، وكانت أقرب إليك مما تظن؟ كم مرة ضاقت بك الدنيا، فكان بينك وبين السكينة سجدة؟ وكم مرة أثقلتك الهموم، فخفّ حملها حين وقفت بين يدي ربك؟ الصلاة ليست واجبًا فحسب، بل هي راحةٌ للقلب، ونورٌ للروح، وبابٌ من أعظم أبواب الخير فلا تؤخر نداءً قد يكون فيه فرج همٍّ، أو استجابة دعوة، أو طمأنينة قلب حافظ على صلاتك؛ فإن فيها من الخير والبركة ما لايحصى، ومن النور ما يرافقك في دنياك و آخرتك 💚 #قوم_امشي_صلِّ💚

بتحكي دايما بكون عندي خوف إني أذي زول ولا طفل لمن أشوف فيه حاجه سمحه وإنو بتركيزي على النعمه العنده تزول وبخاف أكتر لمن أتذكر الحديث «إِيَّاكُمْ وَالْحَسَدَ، فَإِنَّ الْحَسَدَ يَأْكُلُ الْحَسَنَاتِ كَمَا تَأْكُلُ النَّارُ الْحَطَبَ» (رواه أبو داود). فبقيت بلزم نفسي إنه أي زول شفته عنده حاجه حلوه وحسيت إنه خطرت على نفسي حاجه مابكتفي بقول تبارك الله وبقوم طوالي بدعي ليه بدوام النعمه في السجود في أقرب صلاة بصليها فسبحان الله يوم بعد يوم لقيت إنه مع التعويده على الحاجه دي بقيت بحب الحاجه الحلوه للزول القدامي مهما كان الزول ده منو النفس نحنا البنروضها على خلق وصفة معينه فلازم نروضها عَلـى حب الخير للناس زي ما بنحبه لنفسنا💚 #قوم_امشي_صلِّ💚

﴿لَن تَنَالُوا الْبِرَّ حَتَّىٰ تُنفِقُوا مِمَّا تُحِبُّونَ﴾ مرات بتكون عندك حاجة غالية عليك ومتمسك بيها شديد.. وفجأة يجي زول يطلبها منك أو تكون مجمع قروش ومخطط بيها لحاجة نفسك فيها، وفجأة تظهر ليك حوجة لزول متعسر محتاج ليها أكثر منك في اللحظة دي.. النفس بتتكتم وبتدخل في صراع قوي وخفي ترضي نفسك وتتمسك بحاجتك ؟ ولا تؤثر غيرك وتتنازل عن الحاجة البتحبها ؟ هنا بالذات بكون الإختبار الحقيقي الحكت عنه الآية... فيا رفيق، لما تجي على نفسك وتطلعها لوجه الله وبنية خالصة، ربنا ما بيضيعك وبتلقى أثرها في حياتك بطريقة ما كنت تتخيلها؛ بركة في رزقك، تيسير في خطاك وعوض يخليك تدمع من الفرحة.. وبيفتحها عليك من حيث لا تحتسب 💚 فما تبخل على نفسك بمقام البر؛ لأن التنازل الصعب وراه جبر عظيم بإذن الله 💚 #قوم_امشي_صلِّ💚