قصائد الشاعر حيدر العماري

دفتر حبـيـب انــترسه مـشـايـه بزود ابـو فـاضـل توصـل الرايه مشايه من كل ديره طـبوها وراية عزيــز الزهـره شالوها فرغت ابيوت الناس عافوها بس كربله المشايه ترسـوها من كل مكان وديره وفـايه دفتر حبيب انترسه مشايه —— طبوها مثل الروجه مدفوعـه كلمن جروحه وكلمن ادموعه وكلمن يسولف يمه موضوعه يـلـتـهي ابـناسـه ويترك اظلوهه حسين العزيز الينوخذ رايه دفتر حبيب انترسه مشايه —- اهل المواكـب من تلـگونـه مابـاقـي زايـر دايـر عيـونـه ياهلا ومرحب شـيل شالونه بين العيون انــام خلـونه والله ونعم بالفعل واحچـايه دفتر حبيب انترسه مشايه ——- مو كل ( سنه )ويتأخر اعليـنه كون الــمـشي دايـم تمنـينه لو كل خميس انصـيحلك جينه من البـيـت تطلع شي رجلينه ندري السنه تتأخر اهوايه دفتر حبيب انترسه مشايه ——- زادك شفاء يشافي مرضانه يالمو بعـيد وچنــك ويـانه نــنـگـل ثوابك گبل موتانه الله علمودك نمشي سوانه والزينب احنه انصير بچايه دفتر حبيب انترسه مشايه ——— دفتر حبيب ايسجل اسامينه وافلان ماكو ينــشد اعلـينه بلطمت صدرنه ايسجل ايدينه كلنه ايعرفنــه الي تعنيـنه وكلمن حضر بالمجلس اقرايه دفتر حبيب انترسه مشايه حيدر العماري

جينه رايه برايه - قافلة مشايه علي وياك - علي وياك من كل مكان وكــل دار واصغار تمشي ويا اكبار الـگـاع بــس لـــلـزوار مخلوقه خاطر يمشون كل المواكب للـناس تنطي بثواب العباس هـيـبتـنه يارفعت راس الخدام من يعزبون من بعيد جاي المشاي وفاي صـاحب وفاي چنهم نهر شايل ماي لحسين جاي يشربون انطيج يم اخيامه - ومانعطش ايتامه علي وياك - علي وياك —- شـگـد حلوه هـاي الايام يحلـه الـتعب للـخـدام الموكب نصبناه اخيـام ويعوض المحترگات ياهله بزوار حسين شرفتو يانور العين من العام واحنه متانين توصلنه هاي الخطوات ياهله وشرفتو الگاع امسجل تعبكم ماضاع خطواتكم لو تنباع چا عبرت المليارات ياهله وحياكم. الزهره تتلگاكم علي وياك - علي وياك هذا العشگ دگت باب ركض اجدام الشـيـاب يمه الذهب صار اتراب واترابه اغله من الروح من العام نحسب للعام نـتـلاگـه ويـا الخـدام رف الـگلب چنه اعلام لحسين متعني يروح روجت مشي مغرگه ادروب مـحـبوب ماشي المحـبوب بـكل بـيت شفنه مكـتوب گلبي ويـا بـيتي مفـتوح والفتح بـيـبانه - ايلاگي چنه اخوانه علي وياك - علي وياك —- فارش دمعته ويا الزاد مجـاني كلشي ماراد كـل سنه يزيد التعداد ونتعب الي يحسبون كوكب عراق الشجعان يرحب جميع البلدان اهلا وسهلاِ أخوان تشرفونه من تزورون موكب بموكب مشدود شتريد حاضر موجود زوار بس چـنها اجنود من اربع جهات ايطبون اجنود عد القائد - جينه واحد واحد علي وياك - علي وياك —— فوگ المتن شلنه الخير والرايه يحسدها الطير الـوفاي خانه الـتعبير من شاف كل هاي الناس من كل كتر متــعـنـين لحسين عشاگ حسين صار الدرب ترس العين هذا المشي بلا مقياس الراعي انطب افياي وفاي ماشي الوفاي عباس رد بيده الماي ويروينه ملگاه عباس من المناره نشوفه - تصير چنها اچفوفه علي وياك - علي وياك #حيدر العماري

https://youtu.be/ZmyC6s_TilQ?si=cIGj9GnWGYHivvLY

https://youtu.be/s0hdNj35I1Y?si=MkOxGR_VGZDE7sC2

https://youtu.be/6J-gmIWNNEs?si=PKn3JkmKGHe6wqd4

https://youtu.be/J1YBW07_K8Q?si=MJ8z6Wemz6cSqrfy

قصائد الشاعر حيدر العماري pinned «أخر يـوم من أحـلى ايـام تبدي الوحشه عله الخدام نحسب يمتـه ايرد الـعـام - اأخر يوم أخر يـوم ويــا المــشــايه بــهـاي الــخـدمـه النسمه التدخل صدر الخادم چنـها اتلـچـمـه مو بس وجهـا الحيره اتـبـيـن حتى بـا أسمـه ايلـم الموكب بروحـه الحنينه وبدمعه…»

أخر يـوم من أحـلى ايـام تبدي الوحشه عله الخدام نحسب يمتـه ايرد الـعـام - اأخر يوم أخر يـوم ويــا المــشــايه بــهـاي الــخـدمـه النسمه التدخل صدر الخادم چنـها اتلـچـمـه مو بس وجهـا الحيره اتـبـيـن حتى بـا أسمـه ايلـم الموكب بروحـه الحنينه وبدمعه حزينه يربي ايصيح رد الخدمه لـيـنـه حرگه بگلبه وچنـهـا اخيام أخر يـوم من احـلى ايـام ——- يامحلاها الـمـه اتـصــير ويـا اهـل الــفـزعـه عشرة خدمه وكـلها احــساس وغيره ودمـعه الـخادم عـين المـوكب صـارت عيـن الـربـعه تكـبر حيـرتـه وغـصـه بـلـهاتـه ونـسـمـعـه بصلاتـه يدعي أطول الخـدمه وحـيـاتـه الحسره الـتطلع كسرت جـام أخر يــوم من أحــلى ايـام اخر يوم —— ايـلـم الموكـب بس الــخادم حيـره اطــشره اليركض چـان عله الــزوار - ويـاهــو ايـعبـره بـا أخـر يــوم اتــغـيــر حـالـه ولازم ظــهـره حـط روحـه وحچي عيونه بجنـطتـه ولـلـموكب نـظرتـه رافـع راسه بـس نـزلـت دمـعـتـه شايل باايـده اهـواي احـلام أخر يــوم من أحــلى ايـام أخر يوم ——- انرد للـبـيت ونـبـدي اهـنـانه انـعيش الغـربـه بـلا زوار شـلـون انـخـلـص الدنـيـا الـصـعــبـه الـيــلـزم بــيـده الـزايـر يــرجـع - لازم گـلـبـه لحسين التعب نـعتـبره راحه ماردنه استراحه الموكب ينـتـهي وتبدي المناحه وتـبدي جروحـه الـما تلـتـام أخر يــوم من أحــلى ايـام أخر يوم ——- #حيدر العماري

ياسيد النعمه - خلصت تره الخدمه عزليــــنــاهه الــمــواكـب ردت الــــناس ااخ زيــنـب رد ضـعـنـهـا بدون عـبـاس ياسيد النعمه - خلصت تره الخدمه ——- هاي هيــه وخلــصت الخدمه ورجعنه ياابـو عــبد الله الـيـســولـف دمــعــنه نلم غراض الموكب وچن احنه ضعـنه خــدمـة الـــــزوار منـهـا مــا شـبـعـنـه لو نـبـقه نتـمـنـى - يالخدمتك جـــنــه الخدمه نعـمـه وبيها عشنه اجمل احساس ااخ زيــنـب رد ضـعـنـهـا بدون عـبـاس ———— خــادم يـصــبـرله خـادم عـدنـه حيره تـوجـع عـلـه الموكـب النـظره الأخـيره چنـه ملـتـمــيـن بالـخـدمـه عــشـــيـره جامــع الــوادم يــمـجـمـوع بحصـيـره مـامـلـت الدمـعـه - صـار الجـفن شمـعـه اشما انشيل من الغراض اتضيگ الانفاس ااخ زيــنـب رد ضـعـنـهـا بدون عـبـاس ------ فــرق شاسـع من (رجـعـنـه)ومن بنـينه من بنيـنـه اوجوه تضحك مـو حزيـنه بس رجعـنه ابــيـوتـنـه كلـمن ونــينـه مـثـل المـــضــيـع أخــو بـيـن علـيـنـه والــزايــر ابـحرگـه - نركضله بالملـگـه هالــعـلاقه حســيـن بــيـها صايــر الساس ااخ زيــنـب رد ضـعـنـهـا بدون عـبـاس -------- ياغـراض الــمـوكـب الــصارت ثـگـيـله راسـنـه وچــادرنـه مانــگـدر نـشـيـلـه گـمـنـه نقره والدمـع نحـچـي ونـسيله أحـنـه غـيـر حسيـن ماعدنـا وسـيـلـه بالـحـسره نـقـراهـا - خدمـتـنـه محلاهــا رايـة الموكب ضـريــح بــحـرگـه تنـباس ااخ زيــنـب رد ضـعـنـهـا بدون عـبـاس -------- خـــطــوة الــــزوار الــ تـمــر بــدربـنـه أنـحـبـها أحـنــه بـكـثـرما هيه تحبـنـه أحنـه الك يحـسـيـن متـفصل عمـرنـه كـــون مانـخـدم شنو اگـبالـك عذرنـه محـلاهـا عـشرتـنـه - بس انـت دمـعـتـنـه ياشعور الــحب الـك بالـدمـعـه يـــنـقـاس ااخ زيــنـب رد ضـعـنـهـا بدون عـبـاس ------ كلمن جروحه ودمـعـتــه وأحنـه أحنه إحنـه بس حـسـيـن يستاهـل جرحنـه نوزع الــمـاي ونـحـس بــي انذبـحـنـه نـفـتـخـر خـدام والـــخـدمـه ربحــنـه والـخدمـتـك ربـحـه - يـتـشـيم بجرحــه يصيح بااسـمـك لو ارموشه بنسمه تنجاس ااخ زيــنـب رد ضـعـنـهـا بدون عـبـاس ------ # حيدر العماري

مامـلـت الــمــشـــايـــه - كل سنه انشيل الرايه يحسين من عدنه وعد - كل سنه انشيل الرايه دمــك لهـســـه ما بــرد - كل سنه انشيل الرايه غيرك فــلا نـهــوى بعد - كل سنه انشيل الرايه وكل سنه انزيد اهوايه - كل سنه انشيل الرايه عاشگنه ويحبنه الدرب - كل سنه انشيل الرايه من نمشي رجلين وگلب - كل سنه انشيل الرايه اشما تصعب انحب الصعب-كل سنه انشيل الرايه وكـلمتنه وحـده بهايــه - كل سنه انشيل الرايه محلاته وياك الـتـعـب - كل سنه انشيل الرايه يالخنصرك گوه أنسلب - كل سنه انشيل الرايه ماردنه مـال ولا رتـب - كل سنه انشيل الرايه يكفيـنه الــك وفـايـه - كل سنه انشيل الرايه يالـتارس الوادم عشـگ - كل سنه انشيل الرايه الغيرك گلبــنـا مايــدگ - كل سنه انشيل الرايه عن رايتك ما نــفـتـرگ - كل سنه انشيل الرايه بدم الوفـه امحــنــايـه - كل سنه انشيل الرايه بدربك جدمـنه مايزل - كل سنه انشيل الرايه حته الذبح يمك سهل - كل سنه انشيل الرايه لو ألـف مــره ننـقـتل - كل سنه انشيل الرايه أنصيح باأخير احچايه - كل سنه انشيل الرايه من شانك اتعلي الخـدم - كل سنه انشيل الرايه واليدخل بجالــك سلــم - كل سنه انشيل الرايه صيحتنا يم راعي العلـم - كل سنه انشيل الرايه يروينـه جـــوده ومايه - كل سنه انشيل الرايه لـ حيدر العماري

أجت زينب - أجت زينب صاح القصر ضمـونـي اجت زينب علـوه بدرب سموني اجت زينب شيلت شمر لبسوني اجت زينب چا غير اخت عباس جواها راح انداس هاي ألهاشميه بنت اليصير افياي وعيونه رايه وراي حامي الحميه العباس اجه وبي روح تذبحنه اجت وتروح لا مو سبيه وزينب تفرض بي الحگ ذوله اهله أجت زينب - أجت زينب —— ——- بلـغـو جميع القاده اجت زينب ألـهـيـبه بنت الساده اجت زينب ردو عـلــي واولاده. اجت زينب وصلت يزيد اخبار من الخيمه جابت نار بت شيخ العشيره فنه العليها ايصيح ريشـه احنه زينب ريح حيره والله حيره خل نخضع بلا صوت اليتماده يمها يموت تمشي غيره غيره شيله تسولف غاد الشارب دنگ —- سدو الدرب وگفوها اجت زينب بحيدر علي حلفوها اجت زينب. بلـكـا ترد حاچـوها اجت زينب. خطبتها ذو الفقار. وگفتها حامي الجار شيخه ويا اليتامه مادنگـت لـلـظـيم لو وگفت ويـا الغيم هيه الاعلى هامه فنه اليشيل العين چا غير اخوها حسين الشام تگلبه شامه هوه الشام اشبـي الصيت الزينب ——- اندنگ ونسكت لازم اجت زينب طبت اميرة هـاشـم اجت زينب. ضمت الروس الـوادم اجت زينب. من تمشي رفعت راس وياها اجه العباس تسبي وماسبوها مامات ابد هيـهـات. ظل اسمه لا مامات ماعايفها اخوها ظمونه من الخوف زينب حچيها اسيوف چنها سيف ابوها غيرت حيدر بي الطف ما هود #حيدر العماري

‎الامام السجاد (علية السلام) عند دفن الاجساد ‎لـمـيـتهم بس طشروني - فوگ جرحي مرضوني ‎مره وحده احبابي ماتو - والف مره موتـونـي ‎ضـيــعـوني الچـانـو ايدلـون بـيـه ‎اعظام ابوي وعمي واخواني بااديه ‎الخيل من گدما سحگ بيها وأذيه ‎حتى اصابعهم بااديهم مو سـويه ‎جمـعـت اعـظـام ومادري ابدي امنيـن ‎ذني العمي وذني اخواني وذني حسين ‎اصغار ذني مال اخوتي - روحي اشتانين مـوتي ‎بالحوافر اهلي ضاعــو - وانه حاير ضـيـعوني —— عمي من الگاع اجمعه - غيره غيره مو عيـونه (صدره) لخـيامه يـديـره حسين ابوي الهيـبه ياشيخ العشيره والله دنيا وهسه ينشال بحــصـيره بدون اثياب حسين الساتر چـان النـاس كلشي انداس وحتى الشبـگه من العباس هيچ شفته اگبال عيني ايحرك اظلوعي ونيني بين اديه وادري راحو افراگ موت ومايجوني —— جمعتهم حيره حيره ولچـمـه لچـمه ياخنـگـتي وبيهم اجمع نسمه نسمه حسين صـابغ كل كتر بالــگـاع دمـه مـو فقـط بالشوف اعرفه شم اشمه صدره امكسـر چـن محروگ وبـي دخـان امبين چان امفـارگ قبل المـوت اخـوان امفارگ من الخيمه غالي وهسه مثله يصير حالي همه ياروحي استراحـو - وانه كلش تعـبونـي —— الهسه صوت اظلوع ابوي با أذني اسمعه اهنانه طاحت چم يتـيـمـه اهنـانـه دمعه حسين من الحافر اشكم وصـله ظـلـعـه اكثر من اثـنـيـن صـاير حتـى اصـبـعـه اهنانه رقيه ابـلا ترچيـه اتنوح اهــواي اهنـا عبدالله الـيابس نحره امتـاني الماي اهنانه من خافن خواتي اااخ منهن ذكرياتي بالحوافر گلبي داسـو ريتها ولا حيرونـي —— لـنـهر لمن رحـت مخـطـوف مـايـه خــاف بـس لا شايل الـعــبـاس رايـه اهنانه اثـار المــشــي من الســبايـه الـعمـتي منـا وابـتـدت ثورة عبــايه منـا تبـدي الثوره البـيـها الجيش ايتام من حسين تروح اتـقـاتل صوب الشام للقصر تمشي الغريبه اهنانه هيبه وغادي هيـبه علي رد اعلينه صاحو نسبـي بـيهم ماسبوني #حيدر العماري

https://youtu.be/m8F5K85emFs?si=DBgsbsn9s6avtIHL

يمسكـت الـشـــوارب وانـته بگـمــاط حي الله اخـو زيـنـب صــارت ازمــاط ملــتــمــه الزلـم والحـيـد طــــبـهـه عــــود ازلام مــــايـرجـف گـلبـهــه شـــال السيــف بيده ودنگت روس نـســوان الزلـم مـدري اشگــلبـهــه ضــلت بس لحايه ابطــرگ الـهـدوم واحـد گـــــل للاخــر قاصـدك گــوم من شــافو خـزرته وشــال عيـــنه گـــالــوله دخيــلـــك حن علينه شافو بيده جود- وحـاچــو الــماي نصيحه اتروح هسه لا يـجـيـنـه يمـعــطش اسكينه اشورطــك هيچ روح وگلها جــاي اتوضــه بــيــديـچ الطف البحر چان وسـيـفه سباح دمع ازغير دمهم بالعجـل طــااح الگــباله سـنـابل وكـت الاحــصاد وابو اچفــوفـه اچـفــوف فــلاح لو ضهضب بسيفه وزينب اتصيح اتخاف الريته توصـل هبت الريـح من جااله السهم مـثل الـمـساكين خطار عـلـه اخـيـك جاي لحسين گـــله اتـفـضل احــنه اولاد كــرار انعزب لـلـيـجينه افصوص بالعين خـطـار ابوفـاضل ياهـلــه هـواي مارديــنه واحـد لـــو سـهم جــاي الريشه براسه منها اتخاف الاصگور ماجــرله نـفس باانـفـاس مجــبور ايحارب والحسين ايصيحله هناك گــواك الله خــويه اتعبت مــأجـور ياراعي المحنه الـتـنـگـط اخوان ماچـنـك اتـحــارب چــنه ديــوان

لميت اهدومي ودمعاتي وبالباب اتـنـطر عافـوني كلشي بروحي يريد وياهم حتى اخيالي ايصيح اخذوني ردت روحي من التـفـتولي حسبالي وياهم صاحولي وبالباب اتنطر عافوني .. ———- مـشو واحد وره الثاني لـحدما وشـلـو دمـعـي كـظيت الدرب والباب عالعافوني اكـض ضلعي يمي الهوى اهواي وصـدري مخنوگ قـبـل الخـيم كلهن گــلبي محـروگ الـعلـه اتهون عندي المشكله الشوگ مو عالـگـاع داسن صـدري الـنـوك مبـتـسمه ومرفوعه اچفوفي ماردت اكـسرهم بااحزانـي بس راحو وانطـو مـگفاهم مـانـاشـف ليـهـسه ارداني ويا دمعي النازل ويـ طولي حسبالي وياهم صاحولي وبالباب اتنطر عافوني .. ——— چـان الوجع من عدهم وانه اتـلمست گلـبـي بعدهم توهم اندارو دخـيلك صحت يـاربـي راحــو نـجـمـه نجمـه وعـافـو اليـل مسافــه بعـيده صارو واشتم الـهيل غـير الـفـرگـه ناس.. اشدخل الحيـل ثـابـت گـلبي بـس رجلـيه التـمــيـل تخـنـگـنـي النسمه ابليـاهـم بالـهـيمـه ولا چـنـي ابـيـتي ضل عندي اگماط العبدالله أركضـله وأشتمه بريـتـي همزين أگماط ايخـلـولـي حسبالي وياهم صاحولي وبالباب اتنطر عافوني .. —— من يمشي المثل دمك وماتـگدر بعد تحـچـي حاول تختصر كلـشـي قبل لا يـلـتفت (ابچي) مـن ايـــكـــض اديــك الــرايـد افـراگ قـبـل لا يـمـشي خـطـوه گـلـه مشـتاگ رفعـت ايـدي بظهرهم مامـشه الساگ (الغرگ) بـچـفوفه يـبـقه يحاچي بالراگ صحـتـلـهم تانوني - وراحـو راحـو حدمـا خلص شوفـي چي سلمت اعليهم بـيـهن لـلـمغرب اشتم بچفوفـي مانبطي ونرجـع گالـولـي حسبالي وياهم صاحولي وبالباب اتنطر عافوني .. ——— هنـيـال الرمل لو حن ريح اتـنـقلـه ما يمشـي وانـه اشبـيه اذا حنيت ماحـرك طـرف رمـشـي گـمت اركـض مــحـنه وفـزه لـلـبـاب انترس گلـبـي حچـي مـاگولـن اعـتـاب الــمـيـت مـو شـرط ينـدفن بـااتـراب أنـــه الــدافـنـي ومـوتــنـي الأغـيـاب شيـنـوم عـيـنـه المايصبر ودمعـة عينـه انجوم اتـلالـي الفاگد غالي ومـايرجـع يـبقى ايعـانـي ابحجم الغالي اكبار جروحه اشلون ايلولي حسـبـالي ويـاهـم صاحولي وبالباب اتنطر عافوني .. ————

حي ابن أخوي اليوم يومك جسام حي ابن اخوي اليوم يومك جسام يـلـمع من بعـيد وجهـه جنـه شمس الله الـظـهـر اصـغـير وفعـالـه اشكبرها امرجف امتون الشمر منـجـل بوكـت الـحـصاد وشـافـهـــم كلـهم صفـر حرب ومكَـابل اسيـوف اوصـل من جاسم عـطر مــاثـنـه دوم طـكَـه وحده بسيـفـه يمنه ويسار الـجيش كـلـه ابكيـفـه حي الله سـيف أكَـرابه ذباه وكَام حي ابن اخوي اليوم يومك جسام عيـنه مــن بعــيد خـضره جنها بـستـان الـصبح بمعركه ويـردون دمـه اوجـهـه ماضـايـج سمح يلـتـفـت لحــــسين عـمه ايـكَوم كلـمـا يـنجــرح لـلعـرس مفروض جاسم لـكـن اخـتـار الــذبــح عاف العرس شاف عمه بعـازتـه كـام وفـزع شاب ضـب اعمامـته عفيه ابن ابوه المايضم وجها الثام حي ابن اخوي اليوم يومك جسام فزع والـشـياب خـافـت شـيـب ماكَـابـــل هـلـب ريـش وكَـفو من اجاهـم عاصفـه شافوه يهـب من طلـع من المـخـيم زلـمه بــي ريحة شلـب من ظهـر شيخ المظايـف طالـع امعدل صلب أبن الـحسـن صار ثوبـه اعلـوكَـه غيـمـة فـخر تمــشي ظلت فوكـه والـعـمه صار سند والـظـهره احــزام حي ابن اخوي الــيوم يومــك جسام من طــــلع من المـخــيم تـلـمض عيــونه لـمـض بـــيـهم من الخوف كَـعدو لـكـن اركاض النـبـض هاي أرض الله اشكبرها صارت اصغيره الأرض يركـض عله الجـيش جـنه بالصلاه فوت فرض لو من بعيـد اتلـوح خـزرة عـيـنه الـمالاحه صـاح راح واحد ويــنه الماجاسه سيف ايـمدد اجـدامه ونـام حي ابن اخوي اليوم يومك جسام نومـس بسيفه عمامه يـحـــــصد اذراعه حــصـد يــــشـبه العـــباس عــمه حار كـــلـش من يــهــد صـيف شـمس الله شـثـخـنها ورجف الوادم بـرد ركـضـاهم (صــاح عمه ) كَـلـه اوصـلـهـم ورد حي الله شاب فوكَ راسه اعمامـه لـلـعركـه طأب مامـخـلي الـثـــامه ركـضـلـه جـيـش وحـار بـيـهـا المضـمـام حي ابــن اخــوي الـــيـوم يومـك جسام لـ حيدر العماري

ها يموعود - متى اتعود - تزور احسينك يـمـتي يالـمـهـدي نـشوفـك جاي زاير مشاي الـكـربـلـه تقود الزياره وشايـل الرايـه وراي حـار لـلـثـار التـطـلبـه ودمـك يـفـور الـمـاي وخـاف جـسـم حسيـن بالحـر جايب وياك افياي مـنـتـظره كل ناسك تـجـي تحـت الأشـاره بكـيفـك ثـارات عـنـدك والـشمس تخـزرهـا لـمعـت سيـفـك جـازيـن حدنـه ويـالصـبر عـيـشـتـنه بس بطـيفـك والـمـثـلــك مـايــــبرد ثـاره يـگـضيـهـا ويمشيله ازياره مـاينـزل راســـه وبــتــاره يمـعـزب وتـصـــيـح نــاره صاحب الزود - متى اتعود - تزور احسينك ------ تـفـتـر عله أهل المواكب خـاف واحد متعوب شايل بااأيدك رسالـه بـيـها تقره شمكتوب اليخدم الزايـر فخـرنـه ويانـه صاحب محسوب واحد اتـصيـر المواكب كلـهـا بالخدمـه اتذوب تامرنه باامرك نستـعـد ونـصـيـر بـيـن چـفـوفـك وكلساع نـصـفـن عالوجـه معقولـه جاي انـشـوفـك محـلاتـك اتـحـلـي النـظر حتى احـلـه من اطـيوفك والمـثـلك ماينــمـل ساعه مو هيـن عالعـيـن اوداعـه ياثار الــجـابــاه بــذراعـه موكب تتحول كل گــاعه وخيرك يزود - متى اتعود - تزور احسينك --------- شايل الرايه عله چتفك جاي تمشي ومهموم تبـچـي بركان الـمـواكـب للـغـريب ومظـلـوم من كثـرمـا ماراح حيـلـك ياعـلي ألـه اتگوم من الـوجـع والحـرگـه ظهرك چـنـه سيف و مـثـلـوم مبـخـوت لـو زاير تجي نتـلـگـه كلـنـه عيـونـك وهنيـالـه اليـگـلك گـبل يابعد روحي شـلـونـك عدنه انتظـار الشوفـتـك من توصل يبـچـونـك بس توصل ونشوف الرايه نـتـعـنـه بـظـهـــرك مشـايه ونسـوي عله حسين اقرايه لذراعـك نوگـف وفـايه نوگف اجـنـود - متى اتعود - تزور احسينك ------- گلبـه يرتاح اليـشوفـك عـنـده نـعـمـه ومحـسـود يااحـسـاس العندك انـته يكـفـي كوكب ويزود كـون بالمـجـلـس تجـيـنـه هـنـا أبدال الرادود وتوگـف الطامـه كلـهـا اتصير يالمهدي اجنود حياك يالمـهـدي هـلا نـنـتظر هاي ايــامـك وجنود كلنـه بخدمتك وحسـبنـه من خدامك وبظهرك انـلـبـي الأمر بس رايتـك گدامك بالثـار اطـــالـب ويـانــه بچفـوفك يالمهدي الوانه قـائـدنـه باامرك تلـگـانه واجبـنـه وموش العوانه وچـفـك ايقود - متى اتعود - تزور احسينك

حي الله اخو زينب - حي الله اخوي زينب اتحــزم ومــدري شصعد بعـيــونه الگاع چانت صــاعده عله امتـونه اهــواي چان وهمــه الشــــويـونه ويــن مادارو يــجـي يــشوفــونه وبالطف اهواي اخدود ضاگـت طـيـنـه حي الله اخو زينب حي الله اخو زينب .......... دار وجــهه عـله الحـسـين وناده العلــكَـمــي جبــته الرقيه اكلاده الـمـاي منـهـا يريد هوه امـــراده حــرز رايـد مـن بـنـات الـــساده الـمـاي اتوسل ويـريـد يـم الـخـيـمـه حي الله اخو زينب الـگــــــاع تركــض والـزلـم گــدامه بـيـهـم مـن الـخوف ترخه اجدامه حار واحــتـركــت علــيه العــمـامه من كــثــرما ماحار شـگ الثــامـه الشافه من بعيد ايصيح حي الله اخو زينب طــــيـف مايــعبـر عليـه بالحومه ضــاك درعـه من الزعـل بهـدومـه گـمر تطـــلع بالــنــــهار ارسـومــه الـگــــابـل الـعـبـاس حتـمـاً يومـه الـگـابل سيف العباس لـمـو اعـظـامـه حي الله اخو زينب حي الله اخو زينب مايشـوف الجيش شاف اسكينه الســهـم موش بعيـنه هيه بعينه مو الــماي يرد تـــره... امتانيــنه رادو الــعــباس صاحــو ويــنــه زيـنـب عـنـد الـعـباس مثـل عـيـونـه حي الله اخو زينب حي الله اخوي زينب #حيدر العماري

فـي أخـر الـزمان - تـكـثـر الـفـتـن عجـل الــظـهـور - ياابن الـحـسـن كلشي صار ويانه - وتـغـيرت دنـيـانـه في أخر الزمان .. ســـيــد أنـقـلـك حـوادث لـلـيــصـيـر الخـيـر زغـران وصفه الباطل چـبـير الـــمــالـه أحـد لازم بــدنـيا يـحــيــر ناس ترست جـيـبـهـا وشنهي الفقير شعليـنـه خل يـمـوت - محد يــهـم ماخــذهم الـسكـوت - أهل الـعـلـم الباطل كبر صيوانه - وتغيرت دنـــيانه في اخر الزمان .. العـنـده مـالات وذهب صـرنه نـريـد صار سلـعـه نـقـايــض بدم الشـهـيـد انـگـطـعت العـشـره مثل گطع الوريد هواي اسمـهـا حسين بس صـارت يـزيـد والــرايـــد الأمــان - وحده انسجن فـي أخـــر الزمــان - يــبــن الحسن كلشي صار ويانه - وتـغـيرت دنـيـانـه في أخر الزمان .. بالـحـرام الـناس وصـلت مـدري ويـن الصـبـح يرمي والعصر يصرخ حسـين الناس كلـهـا تـشوف مو مـعـمـيـه عـيـن يـــاهــو الــيـــأشــر رغـم عدنـا أديــن مابـيـهـم اليـعـيـش - لابـــس چـفـن فـي أخـــر الزمــان - يــبــن الحسن كلشي صار ويانه - وتـغـيرت دنـيـانـه في أخر الزمان .. اليحچي عن الـبـاطـل ايخـاف الـمـصـاب ألـفــلــوس الـذهــب والـمـــبـدء تــرااب نـاس غـطـت چـم ذنـب والـدم حـجـاب صارت الــشـيــاب تـحـكـمـها الشـبـاب ياكــثـرت الـــكـلام - هــــذا الزمـــن فـي أخـــر الزمــان - يــبــن الحسن كلشي صار ويانه - وتـغـيرت دنـيـانـه في أخر الزمان .. نــاس تـتـفـرج بقـت والــدم يـســيـل نــاس عـــوچـيـه خـذت مـن الـعـلـيـل الكـلـمـة الحـق الـنـفـاق اصـبـح بــديـل ويــــن مـايـصـعد ســعـر لازم نمــيـل شـنـحـچـيـلك شنگول - عن المـحـن فـي أخـــر الزمــان - يــبــن الحـسن كلشي صار ويانه - وتـغـيرت دنـيـانـه في أخر الزمان .. لـ حيدر حميد العماري

الخيل خافت والناس أبن الـحـسن طبـاها طـبـهـا يـمـشي بـغـيـره الـعـمـه وجـهـا يــديـره مـــــابــدر تــقــصـيـره الـــــگــابــلاه ابحــيره بكـيـفـه كـلـهـا بكـيـفـه حـسـب رفـعت سيـفـه الگاع صــارت ضـيـفـه وشـــبعـاها امــضيـفه الـزلـم ركـضـت حـفــاي تلبس عبي خلاها -------- السيـف خــزرت عــيـنه اشـــمـا رفــع چــفيــنـه يصيــح يابو اسـكـيـنـه مـــاتـــثـــني ايــمــيـنـه ذو الفـقـار عــيــــونــه درعـه ضــك بـمــتـونه من اجــه يـــشوفـونـه ابـعــيد ويــهـابــــونــه صدك ساعتها الــگـوم نجوم الظهر راوها ----- زود ابـــوه بـــچـتـافـه خــاف كــلـمـن شـافـه العطش جاس اشفافه العرس بالطف عــافـه عرسه بيـن الـحـومـه المـا يـــدور ادمـومـه اكبار حـتى اهدومـه اليوم جاسم يومـه صاح حي عله الموت ارگاب الكفر حزاها ---- تلـچمه سكـته جـروحه ماهــمـه دمـه وروحـه وشحده زلمه ايلـوحه خلـه الجـثـث مطروحه مايشد عفيه الثامـه ضبـاها بيـده اعمامه مادنـگاها الـــهـامـه ركـض زلـم گـدامــه تركض اركاض الخيل هاي الزلم شافاها ------- مـــن جـــده طـبراتــه وچن سـيـفه خـزراتـه يــاعــــمـي صرخاتــه محــلاهــا صـولاتــه مـاثـنـه طـــگ ايـده ركــضـــهــم البـيـده صارت حرب صيده بس قاده التـفـيـده ايـدور الـقـاده ايـريـد چـفه ونعم لاواها ------ حيدر العماري