فَإنِّي قَرِيبٌ🤍

اللهم أشغلني بإصلاح نفسي ولا تشغلني بأحدٍ من خلقك، واجعَل لي نصيبًا في الخير، وأثرًا طيّبًا في نفوسِ الآخرين، واجعلني ممّن لا يَفعل إلّا خيرًا ولا يقولُ إلّا خيرًا، ولا يُذكَر إلا بالخير

ارحموا انفسكوا ربنا ما بحملكوا وبكلف انفسكوا فوق طاقتها ليش انتوا تكلفوها؟! كونوا معها مش عليها تجلدوهاش "ان نفسك عليك حق" ارحموها وخففوا عنها تنسوش انكوا بشر واننا ضعاف وبنقوى بالله بنتعب وبنيأس مرات استعيذوا من الشيطان واستعينوا بالله وجددوا النوايا وقولوا يا رب

تذكروا انه الله اذا احبّ عبد ابتلاه وربنا ما وضعكوا بالمكان اللي انتوا فيه عبث انتوا قد هالحمل وقد الظروف الصعبه ورح تجتازوها " انّ الله اذا كلَف اعان" وتذكروا ربنا بعطي اقوى المعارك لاقوى جنوده وانتوا من جنود الله في الارض تللي بحبهن وراضي عنهن

وسلوانا اننا مؤمنين مأجورين على احزان قلوبنا واوجاعنا اذا على الشوكة نؤجر وعلى كل آه بنأن فيها فما بالكوا بهمومنا وتعبنا؟! اصبروا واحتسبوا اجر كل هالايام وكل اشي بتمروا فيه لله وربنا ما بضيعكوا ورح يرضيكوا { وبشّر الصابرين}

تفائلوا واحسنوا الظن حتى لو كل اشي بمشي عكس ما بدكوا وحتى لو ولا اشي زابط معكوا وكلشي متعركس وبخرب احسنوا الظن واستبشروا خيراً فالفرج قريب واقرب من ما بنتخيل وبنتصور باذن الله ورح يجي وينسيكوا مر ما فقدتوا ربنا ما بضيع حدا لجأ اليه ولا بترك قلب تعلق فيه حاشا لله

هونوا على قلوبكوا وطمنوها الطمانينه مش اننا نفهم القدر .. الطمأنينه اننا نثق باللي اجرى القدر ربنا لطيف حكيم خبير ودود حنان منان حبيبنا حاشاه يتركنا ما بيختارلنا وبكتبلنا الا الخير حتى لو مش شايفينه باعيننا بس احنا نثق نرضا ونآمن بالله

كم مرة فكرناها انها النهايه؟! وانها اخر الدنيا وتعبنا وبطلنا نقدر نتحمل وبدنا ننهار ونموت وبعدها اجى دغري الفرج من ربنا وبشرنا بزوال همومنا وعوضنا وسخرلنا من مكان ومحل بحياتنا ما توقعناه { فان مع العسر يسرا ان مع العسر يسرا} ما في عسر الا ووراه يسرين مش واحد ومهما اشتد الليل الفجر رح يجي ومهما ضاقت صدوركوا الجبر والعوض جاي

سيدنا زكريا لما لجأ لله انه يرزقه ولد رغم انه كبير بالسن وامراته عاقر اجاه الرد مباشره من الله عزّ وجل { فاستجبنا له} وهو متعجب كيف الله عزّ وجل اجابه { قال كذلك قال ربك هو عليّ هيّن} تذكروا هالايه وحطوها قدام عينيكوا بكل وقت ومحل وبكل اشي بتحسوه مستحيل هو عليّ هين.. مش مهم قديش الامور متعقدة ولا مهم حجم وكبر المشاكل اللي بنمر فيها يواء على المستوى النفسي الشخصي الاجتماعي العاطفي المادي او الصحي كل اشي احنا شايفينه صعب ومستحيل عند ربنا هيّن

قبل ما تيأسوا وتفقدوا الأمل تذكروا: ربنا اكبر من كل اشي الله اكبر من كل تعب جواتنا الله اكبر من همنا الله اكبر من خوفنا الله اكبر من كل اشي عندكوا مشكلة؟ ربنا اكبر منها عليكوا ديون؟ ربنا اكبر منها اصابكوا مرض ما اله علاج؟ ربنا اكبر منه اي اشي بحياتكوا كلها بتقولوا عنه صعب او مستحيل ربنا اكبر منه استشعروا كلمة الله اكبر مش بس تحكوها لما تدعوا ربنا اطلبوا وانتوا واثقين اطلبوا اشي كبير ومستحيل لانه فش اشي عند ربنا مستحيل وربنا اكبر من كل اشي وقادر على كل اشي

احكوا مع ربنا اشكوا وابكرا وفضفضوا شو بقلوبكم { تعلم ما في نفسي ولا اعلم ما في نفسك انك انت علام الغيوب} با رب انا تعبت .. انا موجوع.. انا مخنوق انا مهموم ومتضايق يا رب انت ارحم فيي من نفسي ارحمني ربنا سامعكوا وشايفكوا وعارف بقلبكوا حتى قبل لتحكوا { والله يعلم ما في قلوبكم} { ان الله يعلم ما في صدوركم} { والله يعلم ما تبدون وما تكتمون} { ان الله يعلم ما في انفسكم} اللجوء لله مش ضعف انكوا تعيطوا بين ايدين ربنا مش ضعف هاي هي القوة الحقيقية وهاي التضرع لله واللجوء الصادق تفتح له ابواب السماء كلها

هونوا على قلوبكم وطمنوها استشعروا هالحديث العظيم ولطف ربنا ورحمته فينا بعزّ الوجع والابتلاء والهم والاذى ربنا القادر على كل شيء ما بحب انو قلوبكوا تنأذى وما بحب حزنك وتعبك وهو اعلم بحالك ونفسك وبما في قلبك كيف رح يترككوا؟! واذا رحمة ربنا هيك ولطفه ليش تخلوا قلوبكوا تغرق بالوجع والتعب والهم وتنسوا رحمته ولطفه عليكوا كل وجع وكل ضيق وكل هم ودمعة هي تحت رحمة ربنا ورحمة ربنا اوسع من ما بنتخيل والطف من ما بندرك ربنا قال { ورحمتي وسعت كل شيء} واحنا شيء فاحنا برحمة الله شو ما كانت حالتنا

قرأت حديث قدسي ولازم اشاركوا معكم بيرويه الرسول صلى الله عليه وسلم عن الله عزّ وجل بيقول ما ترددتُ عن شيءٍ انا فاعله ترددي عن نفس المؤمن يكرهُ الموت ، وانا اكرهُ مساءته ومعناه انه ربنا بكل رحمته ما بحب يوجعنا ولا يزعلنا ولا يتعبنا وحاشا لله المؤمن بطبعه بخاف وبتعب وبيكره انه يتالم ويتوجع وربنا بعلم بهالشعور وبحس فينا فتخيلوا انه ربنا جل جلاله بيقول "انه ما بيحب يسيء للمؤمن" اذا حدا بنحبه او اي شخص من الناس اجى وحكالنا بحبش اشوفك متضايق او زعلان وبزعل على زعلك بننبسط فما بالكوا بالله اللي خلق الناس ! فكل خوف كل تعب كل وجع كل اساءه عم بتمرّوا او مريتوا فيها مش لانه ربنا بده يوجعكوا حاشا لله ربنا ارحم فينا من انفسنا وحتى من امهاتنا ومن اي حدا بالدنيا انما هي ابتلاء وجزء من طريق ربنا النا .. اما لرفعنا درجات واما لحمياتنا واما لصرف شر عنا واما لتكفير ذنوب واما لخير اكبر احنا مش شايفينه او قادرين نفهمه بهاللحظة

رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ

أعلم أنكَ مُتعب! أعلم أنكَ تُجاهد نفسك أعلم أنكَ تصبر على الحزن والألم فتمضي حياتك بين صبرٍ وصبرٍ وصبر.. يا صاحبي، أعلم بأنكَ تمر عليكَ ليالٍ طِوال لم تَنمها باكيًا مُرددًا متى الفرج "يا الله" تَعلم متى؟ حين تسمع الله بعزته وجلاله يقول: {إِنّي جَزَيتُهُمُ اليَومَ بِما صَبَروا أَنَّهُم هُمُ الفائِزونَ} لم يقل: بما صلّوا بما صاموا أو تصدّقوا بل قال: “بما صبروا” لأن الصبر عبادة تؤديها وأنت تنزف وجعًا صاحبي ارجوك لا تملّ الصبر!! الله يزيدكوا صبر ورضا وثبات ويعينكوا ويحمل معكوا ويؤجركوا على كل مصاب اصابكوا ويبدلكوا ويخلفكوا خيراً منه في الدنيا والاخره ويجبر قلوبكوا الجبر العظيم اللي يعوضكوا وينسيكوا كل مُرّ اصابكوا ويجعل كل ابتلاء بتمرّوا فيه رفعه ودرجات عند رب العالمين ويكرمكوا الجنّة دون سابق حساب او عذاب بصحبه كل اللي بتحبوهن جزاء على صبركوا وتحملكوا لكل ابتلاء بهالدُنيا الفانيه

اللهُم ارحم جدتي واجعل ذكرها معموراً بالخير، اللهُم أنبت حول قبرها ريحاناً باقٍ لايذبل اللهُم ضياءً ونور على قبرها❤️‍🩹.

*من سلَّم أمرهُ لله أغناه بغير سبب وأعزّه بغير عشيرة وشرّفه بغير منصب وآنسه بغير صاحب اللهُم إنّي أسلمتُ نفسي إليك وفوّضت أمري إليك لا ملجأ ولا منجى منك إلا إليك ربِّ إني فوضت أمري إليك وتوكلت عليك فكُن لي خير وكيلٍ ودبّر لي أمري فإني لا أُحسِن التدبير*🤍✨

﴿ ءَامَنَ ٱلرَّسُولُ بِمَآ أُنزِلَ إِلَيۡهِ مِن رَّبِّهِۦ وَٱلۡمُؤۡمِنُونَۚ كُلٌّ ءَامَنَ بِٱللَّهِ وَمَلَٰٓئِكَتِهِۦ وَكُتُبِهِۦ وَرُسُلِهِۦ لَا نُفَرِّقُ بَيۡنَ أَحَدٖ مِّن رُّسُلِهِۦۚ وَقَالُواْ سَمِعۡنَا وَأَطَعۡنَاۖ غُفۡرَانَكَ رَبَّنَا وَإِلَيۡكَ ٱلۡمَصِيرُ (*) لَا يُكَلِّفُ ٱللَّهُ نَفۡسًا إِلَّا وُسۡعَهَاۚ لَهَا مَا كَسَبَتۡ وَعَلَيۡهَا مَا ٱكۡتَسَبَتۡۗ رَبَّنَا لَا تُؤَاخِذۡنَآ إِن نَّسِينَآ أَوۡ أَخۡطَأۡنَاۚ رَبَّنَا وَلَا تَحۡمِلۡ عَلَيۡنَآ إِصۡرٗا كَمَا حَمَلۡتَهُۥ عَلَى ٱلَّذِينَ مِن قَبۡلِنَاۚ رَبَّنَا وَلَا تُحَمِّلۡنَا مَا لَا طَاقَةَ لَنَا بِهِۦۖ وَٱعۡفُ عَنَّا وَٱغۡفِرۡ لَنَا وَٱرۡحَمۡنَآۚ أَنتَ مَوۡلَىٰنَا فَٱنصُرۡنَا عَلَى ٱلۡقَوۡمِ ٱلۡكَٰفِرِينَ ﴾ [ البقرة: 285 - 286]

استوقفتني الآية: *﴿فَمَا ظَنُّكُم بِرَبِّ الْعَالَمِينَ﴾* وشفت فيديو خلّاني أتأمّل فيها بعمق… نحن البشر، عندما نمرض أو نمرّ بظرف صعب في حياتنا وخذوا المرض مثالًا (كفانا وإيّاكم الله المرض) أوّل ما نفعله أننا نذهب إلى الطبيب. وأحيانًا نصل إلى مرحلة نُضطر فيها لإجراء عملية جراحية خطيرة. في تلك اللحظة، نُسلِّم شيئًا ثمينًا جدًا… نُسلِّم أرواحنا. وروح الإنسان غالية، وكلّنا نعلم ذلك. نُسلِّمها لطبيب يملك علمًا نحترمه ونقدّره، لكنه مهما بلغ جزء بسيط من العلم، أمام بحر العلم الواسع الذي لا يزال يُكتشف يومًا بعد يوم. ومع ذلك، نثق… قد تنجح العملية، وقد لا تنجح لا قدّر الله ومع هذا نُسلِّم ونطمئن. وهنا يأتي السؤال العظيم: إذا كنّا نُسلِّم أرواحنا لبشرٍ علمه محدود، فما ظنّكم بربّ العالمين؟ ربٍّ بيده الشفاء، وبيده الحياة والموت، وبيده كل أمر، وعلمه كامل، وحكمته مطلقة، ورحمته أوسع من كل خوف. فكيف لا نُسلِّم له أمورنا؟ كيف لا نعبده وحده؟ وكيف لا نُحسن الظنّ به في كل ما يقدّره لنا؟✨🤍