مذكرات راويـة

‏اعجبني فيلم The Odyssey وحسيت انه تكمله لفيلم Troy ‏ما انسى كيف كنت مهووسة بقصة حصان طروادة وكيف انهوا الفيلم بانتصار أوديسيوس ‏لكن في The Odyssey وضح حقيقة هالنصر، و قص لنا كيف عانى أوديسيوس وضاع لسنوات بسبب خدعته في حصان طروادة! ‏خرافي الفيلم بصراحة ، بس يبي له استعداد نفسي وعصبي ووقتي لانه ٣ ساعات.. ‏انا والي جنبي ماغير نتنهد من التوتر وشد الاعصاب، صدق انا ماعاد اتحمل الافلام الي زي كذا! 🤯 ‏ممم وتدرون ليه اذا كبرنا مانتحمل زي لما كنا اصغر ؟ ‏لان كلما كبرنا زاد إدراكنا وقدرتنا على التعاطف مع التفاصيل، فـ نتخيل الألم والمعاناة بعمق أكبر، ونشوف العنف والحروب (حتى لو كانت دراما أسطورية) بصورة أقسى وأكثر واقعية مقارنة بسطحية النظرة وحماسنا وحنا بعمر اصغر ،، ‏وأخيرًا ، شهادتي في مات دايمن مجروحة،من عمر الدنيا وانا احرص على افلامه وولا مرة شفت له فيلم وكان عادي

‏تتعدد خياراتك بأول حياتك ثم تكتشف بعد مضي العمر أن الخيار الصحيح هو نفسك.* -أحمد-

‏اخر المسكات الي جففتها .. ‏تدرون احيانا تجيني مسكات فيها نفس انواع الورد ، بس مااقدر اسوي فيها لوحات متشابهة! ‏ودايم اقول كيف الموضوع سهل على المصانع في انها تنتج نسخ مكررة ‏بس عندي الموضوع متعب ومستحيل ‏ويمكن هذا سر الاعمال اليدوية لأن اليد ما تعرف التكرار سبحان الله ‏ويمكن هذا سبب تميز وجمال الاشياء الي تتسوى باليد

ما تعلَّق أحدٌ بالدعاء فخُذِل ، حتى لو طال به البلاء وتأخَّرت عنه الإجابة إلاَّ أنَّه يعيشُ في سعادة الدعاء ؛ لأنَّ الله أكرمُ من أن يفتح عليك في الدعاء ثم يجعلك تتعذَّب في الوقت بين الدعاء وحصول الإجابة وانكشاف البلاء ، بل يُكرِمك بين الدعاء وحصول الإجابة بسعادة عبودية الدعاء . - العَرَابي

"كُن انتقائيا، فالانتقاء فَنّ، واختر بعناية ما يستحق أن يكون ضمن إطار حياتك، وإياك واستنزاف نفسك ووقتك في أماكن، أو علاقات، أو دروب، أو صداقات، أو اهتمامات، ليست لك، ولا تشبهك، ولا تُعبِّر عنك، فإن من يعرف قَدر نفسه يعزّ عليه أن يمضي بها في سُبُل لا ينتمي إليها"

كم شخص يمكنه القول بأنه سيتمنى نفس الأب الذي حظي به لو قُدّرت له الولادة من جديد؟ ‏أنا يمكنني قول ذلك.. لولا ذلك الحب المبالغ فيه الذي خصني به أبي لكنت أقل سعادة بكثير! ‏كان ولا يزال، لدي أب أكثر مما ينبغي، حاضراً على الدوام، حتى في غيابه🤍 ‏— هيكتور فاسيولينس

اكبر محفز لي في اعمال الورد المجفف هي الافراح، لاني احب اهدي من اعمالي للي أحبهم في اهم ايامهم .. واللوحة هذي من الورد المجفف ، سويتها بمناسبة قدوم بيبي نجلاء ، اخذت الورد من الاستقبال وجففته وطلعت بهاللوحة ، وسميت العمل باسمها Baby Najla💗 كبروا الصورة وتأملوا تفاصيل الورد المجفف،وكيف حافظت على الوانه .. عشان اذا كبرت نجلاء تنبسط فيها 💓 اللوحة موجودة بالموقع مع باقي الاعمال .. وكل عمل هنا له قصة! ‏ https://floristhaifa.com

‏من افضل البرامج في نتفلكس برنامج ميغان "With Love, Meghan" وبغض النظر عن شخصية ميغان الحقيقية ، الا انها ملهمة ومتعددة المواهب .. وترجع مهاراتها هذي لانها كانت من عائلة بسيطة فكانوا كل شي يسوونه بأنفسهم .. ‏فبرنامجها قائم على فقرات مابين طبخ ومختلف من الاعمال اليدوية .. ‏ومكان التصوير مطبخها واستديو الاعمال اليدوية واحيانا مزرعتها .. والاستديو خيالي، كمية التولز الي فيه خيالية كانه الجنة بالنسبة لي 😬 ‏وامس تفرجت على الحلقة الخاصة بموسم الأعياد وكانت من الاعمال الي سوتها الاكليل Wreath .. وهي الزينة الي تتعلق على مدخل الابواب .. ‏ومن يعرفني ، يدري ان هذي من الاشياء الي كنت احبها من طفولتي .. ما انسى اول مرة سويت فيه الاكليل وعلقته على مدخل البيت من الفرحة .. ‏وتدرون وش الاحلى؟ اني سويت ورشة خاصة قبل سنتين اعلم البنات كيف يسوون الاكليل بأنفسهم وياخذونه معهم للبيت وكانت النتايج رائعة مع انها اول تجربة لهم "ارفقت الفيديو تستمتعون بالجمال" ‏وفي كل مرة يجي طاري الاكليل ، اتذكر اغنية فيروز "أبواب" لأني احب الباب الغرقان بريحة الياسمين 🤍 ‏المهم ، تفرجوا على الحلقة ،، وادعوا لي يصير عندي ورشة خاصة واسوي ورش واعمال للسماء ، و كل الناس تصير تحب تتعلم وتجرب وتسوي كل شي بيدها 😚 صحيح كل شي نلاقيه اون لاين بس مافيه شي زي الHandmade ♥️

أحكي حكاياتنا لكل أحد، تعلمين أن لكل ساعة معك قصة تستحق أن تدوّن وتروَى، فالساعة معك عُمر، والليلة عُمر، والعام عمر، وقصتنا بتفاصيلها هي أسعد الأعمار وأطولها .*

الجمعة اول يوم اجازة، طلبت مساج للبيت عشان تفك عضلاتي ويطلع كل التوتر الي فيها ، لاني مقررة تكون اجازتي "نوم واسترخاء وشاهي حبق ومسلسلات رايقة" .. ومن المسلسلات الي احبها ‏Virgin River ‏ Chesapeake Shores والانتاج لهالمسلسلات مقصود لانها علاج حقيقي وتريح عقولنا المشحونة من ضغوط الحياة ، ولأسباب ماتخطر على البال : 1. لما تتفرج على المسلسل تعرف وش بيصير من بساطة الاحداث، لان أكبر مصدر للقلق في الحياة الواقعية هو "عدم اليقين" وهنا ياخذ عقلك إجازة من التوتر وانت تتفرج 👵 2. هذي المسلسلات تقدم لك العلاج بالطبيعة والجمال بس من ورا الشاشة ، بسبب اعتمادهم على المناظر الطبيعية مثل والغابات والاجواء الشتوية والألوان والخريفية مع إضاءة الشمس الناعمة 🦌❄️ وتصوير الانهار والشواطئ الهادية والاجواء الصيفية⚓️🌊 هذا غير تركيز التصوير على ديكورات البيوت وجمال الاثاث والازياء ، وماتتخيلون اثرها لانها تعطيك شعور بالسلام والهدوء 🦢 3.وفي زمن العزلة والكلافة ، هالمسلسلات تقدم نموذج "المجتمع الصغير" الي الكل يعرف بعض، والكل يساعد، والمقهى المحلي هو الي يجمع الناس دايما ،و هذا النمط يشبع حاجة إنسانية فطرية داخلنا وهي الحاجة إلى الحياة الاجتماعية البسيطة.. والعجيب ان مع الوقت تصير شخصيات المسلسل مألوفة لك وكل حلقة تحسسك بلقاء أصدقاء قدامى 😅 وبالنسبة لي، هذه المسلسلات زي البطانية الدافية لعقلي ، تفصلني عن ضغوطات الحياة وتعطيني مساحة اجدد طاقتي 🧘‍♀️