حلم زمردي💗

تم تحديث البوت ليعمل فور صدور نتائج التاسع .. رابط البوت 👇 @Es_Bac_SYBot

وبالنسبة لطريقة الدراسة، ما كنت اعتمد عالحفظ وبس، كنت حاول أفهم الدرس أول، وبعدها لخص أهم الأفكار بإيدي أو اعملها خرائط ذهنية، وهي أكتر شغلة ساعدتني أتذكر المعلومات. أي درس كنت حسه صعب، ما كنت أتركه، كنت أرجعله مرة ومرتين لحتى يثبت. وكنت بعد ما خلص كل وحدة، سمع لحالي من دون ما افتح النوطة، وإذا نسيت نقطة برجع عيدها. بالعربي كنت حل كتير أسئلة، لأن الحل أهم من القراءة. وبالتاريخ والجغرافيا والفلسفة كنت ركز عالعناوين والكلمات المفتاحية والخرائط الذهنية أكتر من الحفظ الصم. وآخر فترة قبل الفحص، وقفت دراسة الجديد، وصرت مراجعة وبس، وكل يوم حاول راجع مادة أو مادتين حتى يضلوا كلن حاضرين بذهني. وإذا حسيت حالي تعبت، كنت آخد استراحة شوي وبعدين كمل، لأن الدراسة مع التعب ما بتعطي نفس النتيجة. وأهم نصيحة: لا تقيسوا حالكن بعدد الساعات، قيسوا حالكن قديش فهمتوا واستفدتوا. ممكن ساعتين بتركيز يعطوكن نتيجة أحسن من عشر ساعات بدون تركيز.

أنا بلشت دراسة من شهر ٩، وما جبت كتب، اعتمدت كله عالنوط. التاريخ: نوطة محمد جازي، كتير مرتبة، بس فيها شغلات بسيطة ناقصة. الجغرافيا: نوطة محمد الحكيم، بالبداية ندمت لأن كتابتها ناعمة وكتيرة، بس بعدين اكتشفت إنها شاملة وما ناقصها تقريبًا ولا معلومة. الديانة: نوطة أمل حمادة، كافية ووافية. العربي: نوطة محمد خالد اكتع، بصراحة كتير عجبتني، وحتى حاطط فيها أسئلة قريبة من أسئلة الفحص. الإنكليزي: تابعت مع الأستاذ نصر إسماعيل، ومعي نوطة بلال عبود (للأسف مو موجودة عالنت). الفرنسي: لا تابعت ولا درستو لأنو مو داخل بالمجموع. الفلسفة: نوطة الموجّه الأستاذ خالد مؤيد، وبنصح فيها كتير. وطبعًا كل هالنوط كانت خاصة بمنهاج ٢٠٢٧. أما طريقة دراستي، فما كان عندي روتين ثابت أبدًا، لأني كنت مستلمة شغل البيت، فكنت ادرس بأي وقت يفضى لي: صبح، عصر، مسا، أو حتى بالليل. بالجغرافيا والتاريخ والفلسفة اعتمدت كتير عالخرائط الذهنية، وكمان كنت استخدم ChatGPT يلخصلي أهم الأفكار بكل صفحة أو درس حتى أركز عالأساسيات. وكنت نوّع بالمواد حتى ما أمل، يعني يوم عربي، يوم فلسفة، يوم تاريخ... وهيك. آخر ثلاث شهور قبل الفحص، ركزت عالحفظ والمراجعة، وخصصت لكل مادة حوالي ١٥ يوم، وأحيانًا أقل، وكنت ادرس بالورقة والقلم، واكتب بإيدي وأحل وأسميع لحالي، لأن الكتابة بتثبت المعلومة أكتر. وبرأيي أهم شغلة هي الاستمرار، حتى لو درستوا ساعتين أو ثلاث باليوم. لا تقارنوا حالكن بحدا، وكل واحد بيمشي بالأسلوب يلي بناسبه. والأهم لا تتركوا التراكم لآخر لحظة، لأن المراجعة وقتها بتصير أريح بكتير. والله يوفق كل طالب ويجبر تعبه بالنجاح

حابة ارجع على القناة واتفاعل عليها تفاعلوا إذا بدكن

حلم زمردي💗 pinned a photo

فَإِنَّ مَعَ الْعُسْرِ يُسْرًا ۝ إِنَّ مَعَ الْعُسْرِ يُسْرًا﴾ قصة لم تكن عن البكالوريا فقط… أنا اليوم، بعد خمس سنين من المحاربة مع البكالوريا، ما بدي اكتب اقتباس عابر، لأنو اللي عشته ما كان مجرد امتحان، كان مرحلة أخدت مني طاقتي وتعبي وشغفي. كان شعور إنك عايش… بس واقف بمكانك، تشوف الكل عم يتقدم، وإنت لساتك تحاول تقوم من جديد. وقبل كل شي… الحمدلله رب العالمين، لأنو ما خيّب تعبي، وجبر خاطري بعد صبر طويل. أول شكر لماما… 🤍 شكراً ماما، لأنك كنتِ السند الحقيقي. كنتِ تتحملي وتتعبي كرمالي، وتدبريلي قسط المعهد، وتستقبليني بكل مرة ارجع فيها مكسورة من كلام الناس، وتقوليلي: "رح يجي يوم… والله يجبر بخاطرك." واليوم، الله جبر بخاطري. وبشكر بابا، لأنو خلاني أكمل وما وقف بطريقي، وبشكر أخواتي أحمد وسيرين ونمير، وخصوصاً إخواتي الشباب اللي تعبوا معي، وكانوا ياخدوني عالمعهد ويرجعوني. وبهالرحلة تعلمت إنو مو كل الناس اللي منوثق فيهم بيكملوا معنا. انتركت بأصعب الأوقات من ناس كنت مفكرتهم سند، وبالنهاية ما لقيت غير أهلي جنبي. وضليت فترة طويلة بحالة اكتئاب، ونفسيتي كانت تعبانة. وبتذكر مرة حدا قلي: "إنتِ ما عم تدرسي، لهيك عم ترسبي." و عم تسلي " يمكن ما كان يعرف شو كنت عم عيشه، بس أنا كنت عم حاول بكل اللي عندي. وما بخجل إني قول إني قدمت أربع سنين علمي ورسبت، وبعدها حولت أدبي. بالعكس… بفتخر إني ما استسلمت. حاولت مرة ومرتين وثلاثة، رغم الوجع، ورغم كل مرة كنت شوف فيها الكل عم يتقدم وأنا بمكاني. يمكن العالم بتشوف هالشي فشل… أما أنا فبشوفه أكبر نجاح، لأنو النجاح الحقيقي مو إنك توصل بسرعة، النجاح الحقيقي إنك ما تستسلم مهما طال الطريق. وبهالرحلة فهمت شغلة ما رح أنساها طول عمري… إنو الناس غالباً ما بتشوف ظروف الشخص ولا تعبه، بتشوف بس النتيجة أو الرقم، وبتحكم عليه. ما بيعرفوا قديش عانى، ولا كم مرة وقع وقام، ويمكن بكلمة يجرحوا إنسان عم يحارب بصمت، وهو بأمسّ الحاجة لكلمة تشجعه. وبالنهاية… شكراً لجودي. 🤍 شكراً لأنك ما وقفتي، ولأنك بكل مرة وقعتي فيها رجعتي وقفتي من جديد. شكراً لأنك آمنتي بحلمك لآخر لحظة. والحمدلله… وصلت. 🤍

بعد الصبر... جاء الفرج. ﴿وَبَشِّرِ الصَّابِرِينَ﴾ 🤍 الحمد لله الذي بدّل التعب فرحًا، وأكرمني بالنجاح بعد سنوات من المحاولة.

Pov: 2024 يااكتر سنة بكيت فيها ." #الجودي

Pov: 2024 يااكتر سنة بكيت فيها ." #الجودي

خلينا نقتنع انه كلو بالأخر بكون خير ! الباب اللي تسكر ب وجهك ما كان فيه خير الك و الطريق اللي كنت حابب تكملوا وما كملتوا ما كان فيه خير الك و الناس اللي بعدو عنك وجودهم ما كان فيه خير الك و الفرصة اللي ضاعت منك و الموعد اللي نسيتو و الشي اللي كنت حابب يكون من نصيبك ما كان فيهم أي خير الك ! الخير رح تلاقيه باشياء تانية مدفونة باشياء انت مش شايفها ، الله رح يكون معك و يخترلك و يعوضك بالخير دايماً 💗 #الجودي

يمكن دي أعظم جمله سمعتها عن عوض الله : " إن لم يأتيك ما أردت ، سيأتيك ما يُنسيك كل ما أردت ".. 🩷

والله يعني النّفسية محتاجة عمرة وقعدة على بلاط الحَرم وسَجدة أمام الكعبة بدُعاء لا ينقطِع 🥹💗💗💗>>>>>> #الجودي

صباح الخير 💗 #الجودي

شغلات ما بهموني . الناس ، وكلام الناس ✨ . #الجودي

لحظة إدراك : خسرت كلشي بحبو لا للأحلام تحققت ولا الحياة يلي بدي ياها ... #الجودي

عِلّة الإنْسان ، شِدّة مُلاحظته 💗. #الجودي

اللَّهمَّ أخلِف علينا كلَّ ألمٍ عشناه بالخير والأجرِ في الدنيا والآخرة. اللَّهمَّ احفظ قلوبَنا عامرةً بالإيمانِ لك واليقينِ بك، ولا تجعل بلاءَنا في دينِنا. اللَّهمَّ أجرنا في مصائبِ الدُّنيا وأخلف لنا خيرًا منها. اللَّهمَّ إنَّا نعوذ بك أن نقترفَ على أنفسِنا السُّوء أو نجرَّه إلى مسلم. اللَّهمَّ انظر إلينا نظرةَ رضا، لا نشقى بعدَها أبدا.

صادفتني جملة حلوة كتير بتحكي : " في بعض الأحيان يُدمّر الله خُططك ، قبل أن تدمّرك خُططك💗 "

رح تكبر وتعرف! ما حدا بيتقبلك بكل حالاتك ما في حدا بيتغير حتى لو عطيتوا فرصة تانية وانو الحب مو كلشي واللي انكسر ما عاد يتصلح وسعادة الاهل هي سعادتك وحزنن هو حزنك والعيون بتكذب والخيانة بتجي من القريب قبل الغريب وما حدا بيتمنالك الخير . #الجودي