إشراقة 💛

📔 "لم يأتِ الحزن في القرآن والسنّة إلا منفيًا أو منهيًا عنه، وقال الشيخ السعدي: الحزنُ مُذهبٌ لقوى النفس".

اللهم صلّ وسلم وبارك على نبينا محمد 🤍

أختي تؤبرني أخدت نشاط بالجامع إنه يعملوا وردة، فأبت إلا إنه تعمللنا كل الألوان 💐 عالواقع كتير حلوين اسم الله، ومتقنين أكتر من تبع السوق. نشرت هون مشان فرحها لإنها أحلى أخت صغنونة بالعالم 💗

- سيسوقُها في حينها .. فاصبر لها! حتى وإن ضاقت عليك وأقفرت 🎁

الدراسة على سلامتها .. جامعاتنا يلي مو لابق لها تعمل برامج دراسية ☕

ربّنا هب لنا من أزواجنا وذرّياتنا قرّة أعين واجعلنا للمتقين إمامًا 🏠

ربّنا آتنا من لدنك رحمةً وهيّئ لنا من أمرنا رشدًا🕯

📱🏄‍♂️🤓

ليش ما بتتفاعلوا؟ والله أنا بحبّ كبّس عالتفاعلات 🩷 تفاعلوا بليز، بعرف أول مرة بنقّ عالتفاعلات بس أهون ما نقّ على غير شي، تفاعلوا يلا 🦋

حطولنا اقتباسات حلوة وبتشجّع، أو إذا حابين تحكوا شي بالتعليقات.. قبل ما أرجع على معتكف الدراسة 🏕️

صباح الخير 🌤

🌿 في حديث مسائي بيني وبين خالي، حكى جملة كتير بصدّقها وبتّفق معها 100% : بهي الدّنيا ما حدا بحسّ بحدا، ممكن أنا أتعاطف مع شخص، حاول ساعده .. بس يلّي بياكل العصي مو متل يلي بعدّها!

إعلان مجاني.

شكلكم ملانين أكتر مني يلا بلاها 🩷

بمناسبة الملل وكذا حابة أعمل شي منشّط 🎉 بدي أعمل مسابقة على منشور، بنحدد منشور وبتشاركه القنوات يلي حابة تشارك، والقناة الفائزة بالسحب رح أعمللها إعلان مجاني. شو المنشور يلي بترشحوه يكون بوست المسابقة؟ حطوا الرابط بالتعليقات 💭

التفاعل مجانًا والله ما بناخد عليه مصاري :) وعلى هاد كمان بعد ما تقروه 🧕

📖شفت بالطريق رفيقتي، انتقبت عن جديد.. فرحت لها كتير، من قلبي والله، أكتر ما أفرح لو إنها حققت أي إنجاز دنيوي متل لو اشترت سيارة أو تخرجت من الجامعة أو عملت أي شي.. وباركت لها وقلتلها برافو عليكي والله. 〰️ بس مو هون الموضوع، الغريب إنها فرحت كتير لفرحتي فيها وقالت لي: انتي أول وحدة بتفرح لي، الكل عم يقلي ليش تنقبتي؟ علمًا أننا من نفس المنطقة ولساتنا نُعتبر محافظين مقارنةً بباقي مناطق دمشق. 〰️ وهون حابّة علّق بنقطتين، اعتبروها دردشة وتذكرة صغيرة من أخت: ⏺️أوعك بعمرك تثبّط حدا عن طاعة! في ناس لما تشوف حدا عم يعمل طاعة مدري شو بصير لها، يعني بنت كانت تلبس مانطو وصارت تلبس بنطلون عادي تسطفل، بس بنت تنقبت لااء ليش وحرام وليش هيك عملت بحالها؟ نحنا جد مدري شو بصرلنا لما نشوف حدا عم يعمل شي منيح، فإذا كنت خايف عليه معلش لا تخاف، لا تخاف يتعب ولا يملّ ولا يواجه انتقادات (إلا بحال هو مبالغ عنجد وأنت كتير كتير حكيم وبتعرف طريقة أحسن للي عم يعمله) بالعكس كون يد عون اله، خليه يتذكر أنك بيوم شجعته على طاعة الله عز وجل بوسط مليء بالمثبطين غالبًا. ثانيًا فيه خداع من النفس بهي المواقف، وهي إنه بنحس هالشخص أحسن مننا وبالتالي بدنا نبعده عن هدا الفعل. انتبه، واتّق الله بنفسك وبأخيك، واجبر نفسك إنه تمدحه وتشجعه وتشوف الخير بزيادة نسبة الطائعين والمؤمنين. ⏺️النقطة الثانية عن النصيحة بشكل عام: فيه فرق بالنصيحة بين حدا "بده" يعمل شي وعم ياخد رأيك أو حتى ما عم ياخده، وبين حدا "عمل وخلص". يعني النصيحة لرفيقتك يلي محتارة بين فستانين بتختلف تمامًا عن التدخل الغليظ لرفيقتك يلي اشترت الفستان وخلصت وما في سبيل ترجعه ولا تبدّله. كتير من تدخلاتنا يلي بنسمّيها "نصيحة" هي مجرّد تعكير على حدا عمل الشغلة وخلص، أخد القرار ومشي الحال، اختار الشغلة الفلانية وخلص خلصنا. وبالتالي حتى لو كانت نصيحتك بمحلها ما بصير تفاقم شعور الأسى عنده وتورجيه إنه غلطان وإنه كان أهبل وقت عمل الشغلة الفلانية أو أخد القرار الفلاني.. هاد على فرض القرار كان فعلًا غلط، فكيف إذا قراره بيحتمل أكثر من وجه. يعني بالمختصر: حدا اشترى بيت، اشترى سيارة، بنت انخطبت، اشترت فستان، سجلت بفرع جامعة، تنقبت، بلشت تعمل شي بحياتها.. بدك تقدّر كتير كتير إنه هاد الإنسان استثمر فعلًا من وقته/جهده/فكره/ماله لحتى يعمل هاد الشي، فهون النصيحة بتكون مدروسة مليار مرة عن النصيحة قبل فعل الشيء، تمام؟ وهون كمان ما رح ننسى نتذكر المخادعة من النفس يلي بتكون بكتير أحيان متدايقة لإنه فلان عمل شي أو اشترى شي وهيي لاء. فبدل ما تقول لرفيقك "ليش أنت أحسن مني؟ ليش معك مصاري تجيب أيفون وأنا لاء؟" بتقله على أساس من باب حرص "له له معقول جبت أيفون؟ ضحكوا عليك، صدق لو جبت سامسونج كان أحسن وأرخص". 🔘 بدكم الزبدة بفقه النصيحة والتعامل مع الناس؟ 📌 هاد الفقه بيبدأ من الإيمان بالقضاء والقدر! الإيمان بإنه كل حدا فينا اله رزقة، سواءً بالمادة أو الإنجازات أو العقل أو الجمال أو أي نوع من أنواع الرزق. إذا بتحبّ يلي حواليك فعلًا لازم تفرح لهم، تفرح لهم بالطاعة، تفرح لهم بالنجاح، تفرح لهم إنه اشتروا شغلة جديدة بالحلال، تفرحي إنه رفيقتك تزوجت ورح تجيب للأمة أبناء صالحين.. افرح لهم مشان لما يجي دورك يفرحوا لك، ما حدا رح ياخد رزقك وأنت ما رح تاخد رزق حدا. 📌 النصيحة مو واجب بنأديه وبنمشي وكإنه في حمل على ضهرنا بدنا نخلص منه بأي طريقة، والإنسان محاسب على حكيه، على كلماته، على تثبيطه أو تشجيعه بالمواطن الخطأ. حرصك على أخوك من قلب صادق لازم يرشدك تنصحه بأفضل وألطف طريقة لحتى ما تنفره لو عامل شي فعلًا خطأ، وإذا مو عامل شي خطأ بالأساس فهون لازم الواحد يمسك لسانه عن التدخل بشي ما بيعنيه. اللهمّ آت نفوسنا تقواها، وزكها أنت خير من زكاها.. اللهمّ اجعلنا ممن يدلّ العباد عليك ويحبب إليهم طاعتك 🌸