𝙷𝚄𝚂𝚂𝙴𝙸𝙽 𝙰𝙻𝙻𝙾𝚄𝚂𝙷💛

باقي 525 ألف ( قديم ) لأول جرعة

﴿وَأَحْسِنْ كَمَا أَحْسَنَ اللَّهُ إِلَيْكَ﴾ الله سبحانه وسّع عليك من فضله: صحة ، مال ، وقت ، علم .. وكل هاد أمانة بين إيديك. المطلوب منك إنك تحسن كما أحسن الله إليك. أحسن في مالك: بالصدقة والنفقة الطيبة. أحسن في علمك: بنفع الناس. أحسن في وقتك: بطاعة الله وخدمة الخلق. أحسن في أخلاقك: بالكلمة الطيبة وحُسن المعاملة. والإحسان عند الله من أعظم العبادات .. فاحرص أن يكون لك نصيب من الإحسان كل يوم.

هاد الستوري https://t.me/Hussain2002AA/s/107 سعر الجرعة راح حطه بالتعليقات من المحادثة مع بنتها للمرأة

إنسان كل أمنياته يجرّب إحساس الوصول للشغلة اللي بيتمناها .⚡️

الناس من حولي بشوفوني شخص انطوائي ، ما بحب أطلع كثير ، وما بطلع إلا مع ثلاثة أشخاص تقريباً. وحالياً واحد منهم سافر ، والثاني تزوّج .. وما بقي غير واحد. بس الشي اللي ما بيعرفوه الناس ، إنه انطوائيتي ما كانت مجرد طبع خُلق فيني. في يوم من الأيام ، تعرّضت لاتهام بالسرقة من أقرب شخص كان عندي .. شخص كنا نحفظ القرآن سوا. كانت في رمضان ، بالعشر الأواخر ، وفي يوم جمعة. كنت وقتها ألعب بلايستيشن معه ، وبعد ما طلعنا من الصالة ، انسرق هاتف .. وما كان في المكان غيري وغير الشخص اللي كان معي. بعد صلاة الفجر ، إجا أخوي الكبير وصحاني بطريقة قاسية ، وقلي "قوم .. وين الهاتف؟" كنت لسا ما بعرف شو القصة. اطلعت ، ولقيت الشخص اللي كان صديقي موجود معهم ، فسألته "إحنا أخذنا شي؟" قلي "اي ، أنت أخذته .. وحلفتني ما أخبر حدا." ومن شدة الضرب والخوف ، صرت أحكي أي مكان يخطر ببالي. مرة أحكيلهم "معي." ومرة "رميته بالمكان الفلاني." ومرة أرجع أقلهم "لا ، هون." ما كنت عم بحاول أخبّي السرقة .. كنت عم بحاول أوقف الضّرب ، كان عمري وقتها 16 سنة. لما أخذوني عالبيت ، دخلت أغسّل ، وإجا والدي وكمل عليّ ، وقال لي جملة ما زلت أتذكرها لليوم "هاد حافظ القرآن .. كيف بدو يتهمك كذب؟" ما كان عندي رد. لأني كنت عايش بين وجع الضرب .. ووجع الاتهام. كنت أتحمل وأقول بيني وبين نفسي "يا رب خلّصني من هالمصيبة .. حتى لو لازم أكون أنا السارق." تخيلوا طفل بعمر 16 سنة ، يوصل لمرحلة يتمنى فيها أنه يكون مذنب ، فقط حتى ينتهي الألم. بعدها قالوا "ادخلوا الغرفة ، وإذا ما اطلعتوا بنتيجة ، راح نقوص كل واحد برجله." أول ما دخلت ، التفت اله وحكيتله "يا فلان ، ليش تتهمني كذب؟ مو حرام عليك؟" قلي "اضطريت." وقتها حكيت له "خلص .. راح أقول لهم إني زتيته عند بيت أبو فلان." اطلعنا ورحنا عالمكان. وبينما كنا خارج البيت ، كانوا عم يسمعوا التسجيلات اللي حطوها بالغرفة حتى يعرفوا الحقيقة. اطلعت مظلوم. كل الضرب ، وكل الاتهامات ، وكل الكلام اللي اسمعته من أعمامه .. تركته لله. ما راح أحكي شو صار بعائلته بعد الحادثة ، لكن اللي بعرفه إنه حقي أخذته. بس السؤال الحقيقي .. شو كانت تكلفة براءتي؟ التكلفة إني ما عدت أحب أطلع. ما عدت أرتاح بين الناس بسهولة. ما عدت أثق بسرعة. وصرت أكتفي بثلاثة أصدقاء فقط. والناس اليوم لما يشوفوني ما بطلع كثير ، بحكولي "فلان انطوائي .. ما بحب الناس." بس ما حدا بيعرف إنه وراء هالهدوء طفل عمره 16 سنة ، انضرب واتّهم بشي ما عمله ، واضطر يتمنى يكون مذنب حتى يخلص من الألم. يمكن أنا اليوم شخص انطوائي فعلًا .. بس مش لأني ما بحب الناس. أنا فقط اتعلّمت من بدري جدًا ، إنه أقرب الناس ممكن يكونوا أكثر مكان يوجعك ويأذيك . ومن يومها .. اكتفيت بـ ثلاثة أصدقاء فقط. والباقي؟ أتركهم على مسافة آمنة من قلبي.

في قصة ببالي زمان احكيها بس قبل ما احكيها ياريت تشوفوا الستوري ، ونكمل فعل الخير يلي مشينا فيه هاد الستوري https://t.me/Hussain2002AA/s/107 سعر الجرعة راح حطه بالتعليقات من المحادثة مع بنتها للمرأة

قناة نافعة إن شاء الله انضموا لو أعجبتكم https://t.me/rihla2b

أحبك يا رسول الله ، يا خير خلق الله ، ويا رحمةً أرسلها الله للعالمين .. فوالله ، إنك لأحبُّ إليَّ من نفسي وأهلي ومالي ، ومن الدنيا وما فيها. يا محمداه .. يا حبيب القلوب ، ويا ساكن الأرواح ، ويا من تهفو إليك أفئدة المحبّين شوقاً وتعظيماً. أنت أغلى من أعيننا التي نُبصر بها ، وأعزُّ من أرواحنا التي بين جوانحنا ، وأثمن عندنا من كنوز الأرض جميعاً . يا رسول الله .. يكفينا فخراً أن نُحبّك ، ويكفينا شرفاً أن نذكر اسمك ، ويكفينا شوقاً أن تتعلّق قلوبنا بك. أنت أنت .. حبيب الله ، وخير خلق الله ، ونورٌ أضاء الله به دروبنا. صلّى الله عليك يا حبيبي يا رسول الله ، ما خفق قلبٌ بحبك ، وما جرى على لسانٍ ذكرك.💛💛

أصعب شعور والله راح تحسه مع حدا لما يجي يستشيرك في ذنب هو بيعمله ، و أنت أصلاً بتعمل الذنب هاد أو ممكن الأسوء منه المشكلة وين؟ إنّك راح تحكيله الحل الصح ، بس أنت نفسك تتطبقه بس مش عارف و بعدها تفكيرك يقف لثانية هيك و تسترجع كل الذنوب قدّامك وتقول الحمد لله على سترك يارب اغفرلي

كنت عم بحكي مع صديق إلي ، فسألني .. "ليش صرنا نصعّب الحلال على حالنا لهالدرجة؟" ف لقيت حالي عم بقله .. لأننا صرنا نحسب تكلفة الحلال ، ونسينا إن للحرام ثمن أكبر بكثير .. صرنا ندقّق بالماديات ، بالمظاهر ، وبشو الناس راح تقول ، ونسينا إنه أساس الزواج راحة ، ومودّة ، ورحمة. صرنا نطلب الإنسان الكامل ، مع إنّه ما في حدا كامل .. وبدل ما ندور على شخص صالح ، رحيم ، متفاهم ، ويخاف الله فينا ، صرنا ندور على مواصفات ما إلها آخر. والحقيقة؟ الحلال ما بدّه كل هالتعقيد .. بدّه تيسير ، وقناعة ، ورضا ، وعقول تعرف إنه الحياة مش استعراض قدّام الناس. لأننا إذا سهّلنا الحلال ، ما عم نخسر شيء .. يمكن عم نحمي حالنا وأولادنا ومجتمعنا من أبواب ما إلها آخر. فيمكن السؤال مش "قديش راح يكلّفني الحلال؟" يمكن السؤال الأهم "قديش ممكن يكلّفني تعقيد الحلال؟"

في وقت من الأوقات راح تفهم إنه كل التعب اللي كنت بتعيشه ماكان عم يروح هدر. كل مرة انكسرت فيها ، كل مرة خسرت ، كل مرة بدأت من الصّفر ، وكل مرة ما حدا آمن فيك .. كانت بتبني فيك شخص أقوى. لا تستعجلش النتيجة .. الأشياء الكبيرة بتاخذ وقت. اشتغل ، اتعلّم ، اصبر وخلي أفعالك هي اللي تتكلم عنك.

اللهم عُمرة من حيث لا نحتسب ونحن في عز شبابنا 🕋

قناة نافعة إن شاء الله انضموا لو أعجبتكم https://t.me/rihla2b

‏يا ربّ أنا بستنى على كوباية الشاي تبرد علشان أشربها ‏مش هقدر أخش النار مش هينفع ‏د/ محمد الغليظ

رَبِّ لَا تَذَرْنِي فَرْدًا وَأَنتَ خَيْرُ ٱلْوَٰرِثِينَ

‏أحب الإشارات الإلهية اللي تخلّيني أشوف إنه صوتي مسموع عند الله الإجابات الصغيرة اليوميّة اللي يستجيبها لي و يفرّحني و يرضيني فيها .

اللهم لك الحمد حتى ترضى نُصبت مشنقة قاتلك ، نم قرير العين يا حمزة يُمهل ولا يُهمل الحكم على المجرم الشبيح "عاطف نجيب" أحد ضبّاط الأسد الهارب بالإعدام بسبب إجرامه بحق الشعب السوري

شو المشكلة إذا خطّتك بدها 3 سنين ، أو 5 ، أو حتى 10 سنين؟ بالنهاية السنين راح تمرّ ، سواء اشتغلت على حالك أو ضلّيت بمكانك .. فالأحسن إنّها تمرّ وأنت عم تقرّب كل يوم خطوة من الهدف اللي ببالك. وتذكّر .. الله ما بيضيّع تعب حدا ، وكل خطوة بتاخذها بإخلاص وسعي إلها أجرها وأثرها. مو كل ما واجهتك صعوبة تقول: "خلص ، ما عاد فيني" ولا كل ما اتأخّرت النّتائج تخلق لنفسك عذر وتترك الخطّة كلها. يمكن الطريق يطول ، ويمكن تتعب ، ويمكن تضطر تغيّر الخطة .. بس لا تغيّر الهدف لمجرّد إنه الطريق كان أصعب مما توقّعت. اصبر ، اسعَ ، وتوكّل على الله .. فاللي مكتوب إلك راح يجيك ، بس عليك تسعى وتعمل اللي عليك. وبعد 5 أو 10 سنين ، راح تتمنّى أنّك بدأت اليوم .. فابدأ ، وخلّي الأيام تمرّ وأنت عم تبني النّسخة اللي بتتمنّى تكون عليها.

الحسابات التي تتابعها يومياً ، والمحتوى الذي تضخه ، كفيلان بالتأثير في أفكارك ومبادئك ومستوى اهتماماتك قد لا يظهر ذلك في البداية ، لكنّك حتماً ستُدرك أثره لاحقاً. احرص على متابعة من يرتقي بفكرك ، ويطوِّر مهاراتك ، ويثريك في تخصّصك ، وقبل ذلك يُذكّرك بالله ورسوله ، فيجمع لك منافع الدّارين .

اتمنّيت أشياء كثيرة بحياتي ، الله كرمني فيها بأحلى صورة ، وبأنسب وقت إلها .. ولا مرة خيّب ظنّي ( حاشاه يخذل عبده ) ، وكل مرة كنت استغرب شلون اختياره كان أحسن من اللي كنت متخيّله وراسمه !! مشكلتنا ك بشر بس أوقات بننسى .. وبنخلّي القلق يسرق منّا الطّمأنينة ، وبنفكّر إنّه التّأخير يعني حرمان ، مع إنه لو راجع كل واحد فينا حياته قبل سنتين أو ثلاث راح يعرف انه كل اللي مرّ بيشهد إنه تدبير الله كان دائماً الأجمل ، والألطف ، والأصلح. يمكن اللي عم تستنّاه اليوم بعده ما إجا ، بس إذا بتتذكّر كل مرة قلت فيها "الحمد لله إنّه صار هيك" ، راح تعرف إنه الخير جاي بالطريقة والوقت اللي بيستحقوك. ثق بالله .. لأن اللي اختاره إلك ، دائماً بِكون أحسن من اللي اخترته لحالك.