محمد الحسن سالم حميد

همبريب الله سَلام يا حَبيب رُسُلو الكِرام جيت وَقِيعك يا وَجيعنا ويا شفيعنا سَلام ، سَلام إنت يالشِقيش تَروِّح وين تَخُت قَدمك أمام صف مَلايكة وراك تتروِح قدمك جبريل إمام ياك شمش للنـور تلوح وياك غمام ضَالُّو الغمام فيك بروق بالخير تلوح غِيثنا من نِعمك دوام يا سَمح وكل مالو سَمِّح يا عِشقنا المُستدام خَل شقايق الشوق تفوِّح فوق غرامك لا غرام يازمن لي لا تجنِح بختي منك يا حمام ديمة من زمزم يملِّح بيتو جنب بيتو الحرام ياسلام محياك مَصبِح فارعو يومك بي إبتسام فينا فات فجراً مَربِح وما خسرنا بلا الضلام أشرق الطير بس يسبح بيك ربيع الدنيا هَام خلى روض الروح يبحـبِح واللي هَامبك ماهو هَام جيت تبشر بالمحبة وتبني ما كَليت وئام أصبحوا الأعداء أحبة وغيب الوُد الخِصام الشتاتات حبة ، حبة شَبّا واديها إنسجام الصِـلات ما باتو قُربى بل صَلاةٍ في سَلام يا نَصير كل الفقارى يا نفير أوفى الخِيام يا مُحمد يا بُشارة صَحى زغروده النِيام اللهم صَل وسلم على سيدنا محمد ﷺ🤍

شَرّق بحر ، غرّب بحر قبّل شمال قبّل جنوب دنقـر .. بحر صنقَع .. بكى بكَى ما بكَى بكُّاهُو حِس الطائرات بكَّاهُو قُدرتو تنتهِي بكاهو يرجى المعجزات وبي آخر نفس .. والحيل كِمل بِي طوفو صد الدَندهُوب بين الضَبابِين والنمل نام نومة الدِيك في الحبل صحاهُو آذان العصر يا الضو مفوت كم وَكِت نقنق براهو .. تِحت تِحت رقرق دموعو .. بقن تَحت صلاياً القرآن غُنا صلْ يا حمام قِدامي .. أنا غرقانلِي في أنجاس لي هنا  ما شال جداولنا البحر شال مُستراحاتنا وهبر طفح زفارات كم سنة مِرحاتنا والكُوش القدام ماصِن وَكِت ماص الهَنا بـ إيه إغتسِل وإتوضأ بـ إيه ؟ غير الصبر  يا ربنا

ست الدار سامعاني كويس ؟

الله يا الزول الساقو عزال أطرى الإذلال يا دغري عديل بيصارع الويل حيّاً ما زالْ بالصبر يشيل في الما بنشالْ ما إنيقّن وقال : يا دنيا محال ينصلح الحالْ بل عبّأ وشال جواهو الفالْ نازل وِديان طـالِـعـبو جبالْ أشواك و رمـال غـابـات و وعـر بين ريح ومطر .. عِرْق الشّلالْ ، ومطّامِن بال ما لاوز قال : يا ربي أصد من دربي الطّالْ الليل إن طال ما طال لابد يشرق بكراهو الما بنطالْ يشرق بالخـيـر ، بالحـب ، بالـود يشـرق لابـدّ يضـوِي الحَلاّلْ

بين سكات القرية أفتش .. بين هضاريب المدائن يا نسيماتاً تكربت .. شايلة أشواق الجنائن لي جديول حلقو ناشف .. أو عَرَق تربال يكادن في وشي الأفراح بفتش .. بين قفا اللحظات أعاين بين سواقير الفقارى .. الجاية من تالا المدافن

الشوق مِتل شوك الكِتِر طعن الجسم لامن خِدر والله لو ما منجبر ما كت بفارقك لو شبر زينوبة دنيا الإغتراب خلتني زي ورق الشدر إتحتى من عدم الشراب عم الأراضي وإنتشر الغربة أصلو طعيمه مر لكني بقعد بالجبر لامن سنين الهم تمر ياربي ألهمني الصبر..

إرادة القمره البتقدر براها تضوي الضلام شعاع شمشاً ياما خدّر وإذا يبَّس لا يُلام 🚶🏻💙

كل زول من حقو يحلم وحُلمي يا راحة ضميري تبقى هذه الدنيا أرحم وخيرها زي الغيمة ميري 💙

يا ما كم بيرا حفرتو وما حصل يوم قُت دا بيري زيي زي غيم بي مطرتو ما فرز ضل من هجيري 🌹 🌺 💕

يا ما كم بيرا حفرتو وما حصل يوم قُت دا بيري زيي زي غيم بي مطرتو ما فرز ضل من هجيري 🌹 🌺 💕

صُد لي ملامحك يا حراز ريح العوارض غربت فرتق ضفايرك للرزاز جيت العصافير قربت 🌹 🌺 💕

يبقى الغُنـا السَلوى المَلاذ للـ قلبو في السَاساق غِلب لو صدق المطر الحراز ما كان من الأشواق تِعب..💙

درب من دم مــاب يودي حرِب سُبّه .. حرب حرام تشيل وتشيل مـــابِ تدِّي عُقب آخـــــرتا إنهزام🚶🏻💙 -أبوبكر سيدأحمد

ضاعت سِعايات إنْسعَت عزَّ المصاب البركة يا الضو في الرُقاب .. إلا الرقاب إنجهجهت

الـ يَنجى من كيد الحرب ما ينجى من إيد المطر والينجى من إيد المطر ما ينجى من كيد الرياح والينجى من كيد الرياح ما ينجي من كيد الفقر ييدا القدر .. يي ده القدر ما أعتى حربك يا بشر إنت الغريب .. والموج يشيل غادي ويجيب وينكربش النيمة الدبيب والضو مو جايب لك خبر

في الطريق أغشاها إخيتك وَرّهَا الحاصل عليا كاتبي قالت وينا جيتك ناسي ظرفاً مُو بإيديا لولا أكون كتر عليكا عندي ليك كمين وصية من وراء نار (كوري) توقد ولي (جبل كولقيلي) حية يا الحسين نتلاقى طيب وإنتوا طيبين وأمِّي حية جنبي واحد من (قوشابي) قالَّك أغريها التحية