غزل و قصيد .

تشوف إن الطريق أطول وأشوف إن الأماني كثار ‏ولا تكفيني الدنيا لو أشرب من هواك بحور ‏وأشوف إن ضحكتك غيثٍ حيث عقبه صحاري قفار ‏مثل ما الأرض ممطورة ثرى صدري غدى ممطور ‏يطول الدرب أو يقصر معك لين آخر المشوار ‏عيونك .. قبلة أحلامي ووجهك فالطريق النور

بشويش يا هبّة النسمه على راسها ‏هذي تفاصيلها عذرٍ مااحد يشرحه ‏وعيونها اللي رماح الموت حرّاسها ‏تقدر تسولف مع الواحد وهي تذبحه ‏انا فدا لإنتباهتها ولنعاسها ‏وللغرّه اللي تمرّ الليل وتصبّحه ‏حتى قصيدي تشوف انه من احساسها ‏تكره من يعذربه وتحب من يمدحه

مساء الخير اما بعد/ ‏سود الله وجه من خلى أبيض النيه يفتش في بياضه

‏وش يرّد ؟ عقل ٍ في غرامك غدى مسحور ‏أنا طحت في شي ٍ على البال ما يطري ‏فتني بهاك ولا على الفاتنات قصور ‏أسرني هواك ولا أْعرِفْ وش يفّك أسري ‏على الروح صرت ِكنّك الحاجب المنصور ‏يا مستوليّة زهراي ردّي عليّ قصري ‏مفاتنكْ مسرح حسن وعيوني الجمهور ‏تصفّق لها نبضات قطعة ورى صدري

٢٩ ديسمبر ٢٠١٩ فمان الله والله لايعيدك يالنهار الشين سرقت الضحكه اللي نورها يملى دواويني

جابك الله .. تمطر الدنيا و تزهرها رَحابه ‏يوم أظلّك من طرف قلبي وقلبي راس مالي ‏أنت مثل الدعوة اللي صادفت وقت أستجابه ‏و أنت مثل الليلة اللي .. ما تعوّضها الليالي

انتصافى وانتجافى وانتهاجر وانتسامح ‏والهجر ماهوب مثل الهجره اللي لـ المدينه ‏والله اني من بنات ادم وحوى شبه سامح ‏كل ممشوقة قوام اشوفها ماهيب زينه ‏مهرة فيها كديش وطامحن ماهيب طامح ‏يشتوون الحر الاشقر لكن أنتي تصقرينه " الوجيه الكاشفه واجد ولا فيها ملامح الملامح كلها في وجهك الي تسترينه " صالح النشييرا )

‏بين صمت الحليم وبين كثر الكلام ‏ يغترب نادر الافكار وسط بلده

‏وش يرّد ؟ عقل ٍ في غرامك غدى مسحور ‏أنا طحت في شي ٍ على البال ما يطري ‏فتني بهاك ولا على الفاتنات قصور ‏أسرني هواك ولا أْعرِفْ وش يفّك أسري ‏على الروح صرت ِكنّك الحاجب المنصور ‏يا مستوليّة زهراي ردّي عليّ قصري ‏مفاتنكْ مسرح حسن وعيوني الجمهور ‏تصفّق لها نبضات قطعة ورى صدري

اجاهر بك ، لأنّك منت ذنبٍ يرهق التوّاب ‏انا .. عبدٍ يخاف الله ولا قد جاهر ب ذنوبه ‏انا عبد لقى فـ قلبك سكينة كنّها المحراب ‏و كبّر به قبل " يذنب " و سلّم معلن " التوبة " ‏لقيتك و انت غايب في الوجيه العابره تنساب ‏يورّى أن كل جلد يشيل منّك من ورى ثوبه

شوفتك أحلى من ثواني عتق في ساعة قصاص و غيابك أقسى من صلاة الموت في عيد الفطر

‏زاهدٍ من الناس .. ولا أبي سوى قلبه ‏ولا تعنيني المغريات ولا ألتفت فيها ‏أنا معك مثل المؤمن اللي خايفٍ ربه ‏و حطك بين عيونه الثنتين وأنت مغنيها ‏عارف حبك لي و قلبك و مامدى طُهره ‏أبيض قلب وطى هالأرض .. و مساعيها ‏فيك أكتفيت و رويت القلب من حبُك ‏وأنت كل اللي أبيه من الدنيا و أمانيها

أمي ومن غيرها اللي شايلٍ همي عوني على الوقت لامن كشّر بسنّه لو في الغياب اتعثر قلبها يسمي الله ما أرق هذا القلب وأحنّه ما ألحق جزاها لو ابذل روحي ودمي أمي ولا لي فضل فيها ولا منّه لو أهدي اللي بقى لي من عمر لأمي قليل في حق من تهديني الجنة

لاصرت جنبك ماحسدت اهل الترف ‏ولا شتمت الوقت .. والحظ البخيل

يوم صرتي عود ريحان و رضاي النسيم ‏اصبري يا نجمة الصبح ما لـ الصبح داع ‏قد طلبت الله وانا بين زمزم والحطيم ‏شوفتك يا اغلى ثنيّه ليا صرتي رباع ‏العيون تجوع لك جوع و الله العظيم ‏والعشا بعيونك السود وعيوني جياع

‏الزمن واقف وانا ما قدر على تقديمه ‏دونك الساعة ب يوم ومعك يا مسّرعها ‏يا اتجاه القلب ياجاهه ويا تعظيمه ‏وجهتك ماهيب ضمن البوصله واربّعها ‏عاشقك عشق الطيور اللي مهيب مقيمه ‏للفياض ولـ إندفاع الشمس من مطّلعها ‏عشق كنه عشق ابي للمرجله والشيمه ‏محتفظ فيها شباب ، وشاب م ضيّعها

يكفي اني ماعسّفت المفردات الا لك ‏في هواك أطوع الصعَبه بكف يميني ..

مرحبا يا الذ لبيه ، تنطقها شفاي ‏ارحبي يا كل بسمة ، ملت وجهي سرور ‏صبح وجهك ، كل ماطّل ، واشرق في سماي ‏مابقى للشمس طاري ولا للصبح نور

‏سرقني مثل ما يسرق هدب عيني لذيذ نعاس ‏وأخذني مثل ماحوله خذت رجلي على السكّه ‏ㅤ ‏على وجهه يدور من العجب دهشه وحبس أنفاس ‏تشك إنه ملاك ولا … إبتسم ما تلحقه شكه