قصيدة .

‏رغبة الانعزال اللي تداهمك فجأة، ‏وحومة الكبد من الخلق ‏جسّدها مدغم بوشيبه بييت: ‏«ودّي إني في المجرة وأسولف للنجوم ‏لا أتكلم مع أهل الأرض ولا أسمع كلام»

‏«أنت حتى لو غرامك ذنب وفراقك جريمة ‏في عيوني والله إنك ثامن السبع العجايب» ‏—فهد بن خشمان

‏كيف لا مرّ السهر من دونك أستعذب نعاسي ؟ ‏و أنت تدري ما لـ عيني من بعد عينك مسرّه ‏ㅤ ‏كل ما طال السكوت بـ سور صدري طال باسي ‏كني اللي راضي التعذيب من قوّ المضره ‏ㅤ ‏والله إني ما تحلويت الجفا لو كنت قاسي ‏« مير قلبي من كثر حبه عجز منك يتشرّه »

أبطت مراسيلك و حنا ملاهيف على دفى صوتٍ عليه نتشفق إن جيتنا سويت فينا معاريف و إن كان ما تسمح ظروفك .. موفق

ودي أطيل النظر فيك يالوجه الضحوك ‏ ما بعد وجهك — وجيهٍ يسلّي شوفها .

مانجيد الضرب من تحت الحزام ضربنا فالوجه ماهو في .. القفى وما نهاب أذناب عيال الحرام فعـلنا للـكل .. ظاهـر ما خفى .

لا تندم على المعروف يا راعي المعروف ‏ليا ضاع عند النـاس ما ضاع عنـد الله.

‏بعدك انا المشهد اللي صعب تصويره ‏تمر الايام .. و اوضاعي هي اوضاعي ‏مشتاق لـ الليل و الشرهات و الغيره ‏و مشتاق لـ اسألتك اللي مالها داعي.

حاول إنك ما تصد ولا تهجر ولا تغلا ‏اغتنم من ينتمي لك فالغرام وتنتمي له.

‏عسى المسره تمدد على ميادين العمر ‏و تحاوطنا البهجه من كل حدب وصوب.

‏تغير على الوقت وأخذني من أقصاي ‏ياوجدي على خبري من أول وياصبري ‏عسى وضعي المزري يزينه الزمان الجاي ‏مابي من عطاه الا أني أرجع على خبري .

يقولون طيرك لا غفلت عنه صادوه المقانيص ‏و أنا أقول ما ينوخذ طيرٍ ‏وراعيه .. قنّاص .

‏يامرحـبا باللي له القلـب تواق ‏غالي وساطي في الشرايين حبه.

‏المعارك وسط صدري بس وجهي دوم هادي ‏لو إني آطى جمرةٍ حيّة .. حمدت الله عليها ‏— فهد السعد

«عاد قلبك و أعرَّفه و أجهل مشاويري و غلِّي لو قدرت أجوّده؟ وش لون أبي أملِّ إرّتجافه؟ ‏الهوَى دربه طويل و حرَّ شمسّك جايزٍ لي ‏كل ما أزداد الشعور تقلَّ لـ رضاك المسافة ‏لا تحاول يا بعد كل الأحبّــة خاطر إللي ما تلدَّد في ديارك غيرّ من كثر الحسَافة»

‏مصيبه لاتردت قيمتك في عين من قيمت ‏يشوفك بالسهل وانت تشوفه بالسما السامي ‏مادام ان جنابي شام لجنابك وانت عني شمت ‏كثر خيرك .. وانا ماني بلا جايع ولا ضامي ‏مصير الوقت يشرح لك ظروفه وان غفلت ونمت ‏يصحييك الزمان .. اللي يصحي كل من نامي .

‏يا حبيب الروح عاملني بلينك ‏التغلي صعب والفرقا فجيعه ‏أذكر الماضي وحطه نصب عينك ‏ولا تحملني بحملٍ ما أستطيعه ‏أنت توأم حب قلبي من سنينك ‏وأتفقنا بالبساطه والطبيعه ‏والغلا ما يفصله بيني وبينك ‏خبرة الدكتور عبدالله ربيعه ‏الا لا غيرت منهاجك أدينك ‏ولا تحط البيت الأسبق لك ذريعه ‏بس قلي طول هذا الوقت وينك ‏ودي أعرف وش هي أسباب القطيعه ‏كان ظرفٍ قاطعك ربي يعينك ‏عاذرك لا صار ما ظرفك خديعه ‏وكان بايعني في دين الله ودينك ‏ما تمسك غير في دين الشريعه ‏أبك أنا ماني بـ لعبه في يدينك ‏واحدٍ بيبيعني والله لا ابيعه.

أجيه بخاطري زحمة كلام و شجب و استنكار ‏و اروح و عادها خلف الضلوع العوج محتدمه ‏عجزت اقسى على ليّن شعوره بالعتاب الحار ‏و هو رجفة يديه تسلّمه و دموعه تخدمه ‏غلاه اكبر من اللوم و خطاه اكبر من الاعذار ‏تناقض ، كفٍ تداري شعور و كفٍ تهدمه ‏زعلت و لا زعلت ان الغلا الصافي عليه غبار ‏تعتّق عمر و الشي المعتّق ميزته قدمه ‏لذا شفت الغياب الحل الانسب و الأقل اضرار ‏أنا محتاج وقت انسى الخطا و اتجاوز الصدمه

‏يا حبيب الروح عاملني بلينك ‏التغلي صعب والفرقا فجيعه ‏أذكر الماضي وحطه نصب عينك ‏ولا تحملني بحملٍ ما أستطيعه ‏أنت توأم حب قلبي من سنينك ‏وأتفقنا بالبساطه والطبيعه ‏والغلا ما يفصله بيني وبينك ‏خبرة الدكتور عبدالله ربيعه ‏الا لا غيرت منهاجك أدينك ‏ولا تحط البيت الأسبق لك ذريعه ‏بس قلي طول هذا الوقت وينك ‏ودي أعرف وش هي أسباب القطيعه ‏كان ظرفٍ قاطعك ربي يعينك ‏عاذرك لا صار ما ظرفك خديعه ‏وكان بايعني في دين الله ودينك ‏ما تمسك غير في دين الشريعه ‏أبك أنا ماني بـ لعبه في يدينك ‏واحدٍ بيبيعني والله لا ابيعه.

‏وش الومك عليه ؟ و خاطري دون الملامة طاب ‏ياوجهٍ يوم أشوفه كنت أشوفه وجهي الثاني ‏كذا أستكثرت الراحة على قلبي بدون أسباب ‏كذا ترضى لي عصف الشتات بعز خذلاني ؟ ‏مثل ما كنت أشوفك حقيقة فـ زمن مرتاب ‏لقيتك زيفٍ يشكك عدوي كل ما جاني ‏ذخرتك طلقةٍ ترمى بصدر…