قصِيد .

برقٍ يفوتك لو مزونه مراهِيش لا تستخيل أمطار سحبٍ مقافي

-

‏جيتك عزيز و رحت منك على عزّ ‏و اقفيت والنفس الكريمه كريمه

-

‏يارب زدني تمسك بالشيم والمبادي ‏وبدون بعض المبادي ما للأنسان قيمه

-

الله على دورٍ مضى لو يردي يوم الليالي عندنا كلها عيد

-

-

‏يابنت انا للشمس في جلدي حروق ‏وعلى سموم القيظ تزهر حياتي ‏اطرد سراب اللال في مرتع النوق ‏ومن الظما يجرح لساني لهاتي عاري جسد والليل هتان وبروق ‏دفاي انا والبرد سمل العباتي ‏إن عذربوني بعض خلانك صدوق ‏يابنت انا عشق الخلا من صفاتي ‏وشمٍ على رمل المتاييه مدقوق ‏لاشك من منهم يسوّي سواتي ‏انا بدوى ثوبي على المتن مشقوق ‏ومثل الجبال السمر صبري ثباتي ‏ومثل النخيل اناخلقت وهامتي فوق ‏مااعتدت انا احني قامتي الا فصلاتي ‏والى افتخر بفعال يمناه مخلوق ‏يابنت انا فعلي شهوده عداتي ‏الله خلقني وكلمة الحق بوفوق ‏ملكت الارض وراس مالي عصاتي

-

صبح وجهك كل ماطّل وأشرق في سماي ‏مابقى للشمس طاري .. ولا للصبح نور

-

‏حاولت آركّز في كلامك و لا أحتلت ‏الملهيات اللي في وجهك .. كثيرة

-

‏اللي سواليفها عذبه وفيها عناد ‏ياحلوها كل ماقالت لي شعورها ‏حلوة نبأ، طيّبة مبدأ، وريثة شداد ‏اليا مشت فوق الأرض تطيّر طيورها ‏نشميّةٍ دونها اللي يحتمون البلاد ‏اللي على سرجها واللي على كورها ‏تستاهل العود الأزرق والبكار التلاد ‏والطرقة اللي توقفني على سورها

-

الجاش حانه والفكر صار خمار اسكر شعر واجيك اطوطح يديا ادير قافي كيف مابيه يندار غصب ٍ على خشم القصيده تهيا ماهزني بطش الزمن والذي صار كني وانا قاعد لمسة الثريا عوايدي لاجيت شديت الانظار واصابع الذواق تشر عليا من وين مادايرتني وافي اشبار ياعنك كلي بالجزاله مليا لاعجت الساحه وبارودها ثار اندح من فجوج الخفوق الفضيا واجيبها من فوق قباة الامهار فكره ولايشدى حلاها حليا هذا على الطاير وانا مشوش افكار ماشفت شي والاعظم بالخفيا ماقول الاول بس من ضمن شعار على النقى جينا نتداحم سويا كل ٍ له بعيني مكانه ومقدار اوقف له استعداد وارضخ تحيا