Infinity Business EG

انضم الآن لأكبر جروب وظائف متخصص في شركات الملابس الجاهزة 👕 تجميع أصحاب الشركات، مسؤولي التوظيف، وكل المهتمين بقطاع الملابس الجاهزة في مكان واحد لتبادل الفرص والخبرات 🤝 فرص شغل – تعاون – تبادل خبرات – تطوير القطاع 📲 للانضمام: https://t.me/Alex2030Delta ✨ كن جزء من مجتمع مهني قوي في مجال الملابس الجاهزة

ها اقول لك على سر صغير... متدورش على الوظيفة بس... دور على الشخص اللي بينشرها، والشركة اللي وراها. قبل ما تبعت الـ CV، خد دقايق واعرف: - مين الشخص اللي ناشر الإعلان؟ وهل هو Recruiter أو HR موثوق؟ - اسم الشركة إيه؟ واعرف نشاطها ومنتجاتها. - موقع الشركة فين؟ وهل المكان مناسب ليك؟ - اسأل عن بيئة العمل وطبيعة الوظيفة. - شوف آراء وتجارب الناس اللي اشتغلوا فيها قبل كده. - حاول تجمع Feedback من أكتر من مصدر، مش رأي شخص واحد بس. مش كل إعلان وظيفة = فرصة مناسبة. اختيارك للشركة مهم زي اختيار الشركة ليك بالظبط. اشتغل على الـ CV بتاعك، لكن اشتغل كمان على اختيارك الصح. لأن الهدف مش إنك تلاقي أي شغل... الهدف إنك تلاقي المكان اللي يستاهل خبرتك ووقتك. ═══════ ✦ ═══════ #المنطقة_الحرة #ملابس_جاهزة #ابراهيم_بيومى

مش لازم كل الناس تشوف الدنيا بنفس طريقتك. من أهم علامات النضج والاحترافية إنك تتقبل اختلاف الآراء، من غير ما تعتبر أي رأي مختلف هجوم عليك. اختلاف وجهات النظر مش معناه إن فيه طرف صح وطرف غلط. أوقات كتير بيكون الهدف واحد... لكن كل شخص شايف طريق مختلف للوصول له. الناس اللي بتسمع قبل ما تحكم، وتناقش قبل ما تهاجم، هي اللي بتبني فرق عمل ناجحة وعلاقات أقوى. اتقبل الاختلاف... لأنه بيوسع رؤيتك، ويخليك تشوف حلول ماكنتش ها تشوفها لو فضلت مقتنع إن رأيك هو الوحيد الصحيح. الاحترافية مش إن الكل يوافقك... الاحترافية إنك تعرف تختلف باحترام. ═══════ ✦ ═══════ #المنطقة_الحرة #ملابس_جاهزة #ابراهيم_بيومى

في الشغل... الكفاءة بتفتح لك الباب، لكن الذوق هو اللي يخليك تفضل جوه. على مدار سنين شغل، قابلت ناس كتير عندهم خبرة ومهارة، لكن كان فيهم عيب واحد كفيل يخلي أي حد يفكر ألف مرة قبل ما يشتغل معاهم تاني... وهو قلة الذوق في التعامل. فيه ناس بتفتكر إن الاحترافية معناها تشتغل كويس وبس، لكن الحقيقة إن أسلوبك مع الناس جزء أساسي من احترافيتك. اللي يقاطع غيره وهو بيتكلم... واللي يسأل في أمور شخصية ملهاش أي علاقة بالشغل... واللي يقف يسمع مكالمة زميله أو يتدخل في خصوصياته... واللي ميعرفش يعني إيه حدود أو احترام للمساحة الشخصية... كل دول ممكن يكونوا أكفاء في شغلهم، لكن وجودهم بيخلق بيئة عمل متوترة وطاردة. والغريب إن النوعية دي أول ما تمشي من الشركة، الناس بتنسى شغلها بسرعة... لكن بتفضل فاكرة أسلوبها. ومن واقع خبرتي، لما بانتقل لمكان جديد أو يطلب مني ترشيح ناس اشتغلت معاهم، برشح أصحاب الأخلاق قبل أصحاب المهارات. لأن المهارة ممكن تتطور، لكن سوء التعامل بيدمر أي فريق مهما كان قوي. في النهاية... الناس ممكن تنسى إنجازاتك، لكنها عمرها ما ها تنسى طريقتك في التعامل معاهم. علشان كده، لو عايز تبني اسم مهني يعيش سنين... اشتغل على أخلاقك بنفس القدر اللي بتشتغل بيه على خبرتك. لأن الاحترام في بيئة العمل مش ميزة إضافية... ده جزء من الكفاءة نفسها. ═══════ ✦ ═══════ #AlexandriaJobs #المنطقة_الحرة #ملابس_جاهزة #ابراهيم_بيومى

في رأيي... الشركة المحترمة مش بتبان في شكل المبنى ولا اسم البراند... بتبان في طريقة تعاملها مع الناس. لو الشركة بتطلب من مرشح يحضر انترفيو، أو هي اللي عرضت عليه فرصة، وبعدها ما تردش عليه حتى برسالة اعتذار أو توضيح... فـ دي مش احترافية. احترام وقت الناس جزء من احترام الشركة لنفسها. ولو الشركة معندهاش خطة حقيقية للحفاظ على الموظفين (Retention Plan) ، فا غالبا ها تفضل كل شوية تبدأ من الصفر. ولو مفيش Exit Interview تعرف منه ليه الموظف بيمشي، يبقى الشركة بتضيع فرصة تتعلم من أخطائها. ولو ثقافة الإدارة هي: "الباب يفوت جمل" أو "يمشي ييجي غيره"، فـ المشكلة مش في الموظفين... المشكلة في الفكر الإداري. الشركات الناجحة مش بتقيس قوتها بعدد السير الذاتية اللي بتوصلها، لكن بعدد الموظفين الكفاءات اللي قدروا يكملوا فيها ويكبروا معاها. سمعة الشركة الحقيقية مش اللي مكتوبة على السوشيال ميديا... سمعتها الحقيقية هي اللي بيقولها موظفيها الحاليين والسابقين. الموظف مش مجرد رقم في كشف الحضور... الموظف هو أهم استثمار، وأهم سفير لسمعة أي شركة. الشركة اللي بتحافظ على موظفيها... هي الشركة اللي موظفيها بيحافظوا عليها. ═══════ ✦ ═══════ #AlexandriaJobs #المنطقة_الحرة #ملابس_جاهزة #ابراهيم_بيومى

الشركات 3 أنواع... شركة بتشغلك علشان مش عايزين حد غيرك شركة بتشغلك علشان مش لاقية غيرك وشركة بتشغلك لحد ما تلاقي غيرك علشان كده، متقبلش تكون مجرد بديل أو حل مؤقت. اشتغل مع الشركة اللي شايفاك قيمة، ومتمسكة بوجودك، ومؤمنة إنك جزء من نجاحها. لأن المكان اللي يقدرك... هو المكان اللي تستحق تكمل فيه. ═══════ ✦ ═══════ #انترفيو #المنطقة_الحرة #مقابلة_عمل #ابراهيم_بيومى

اعزائي الـ HR الناس اللي عندها انترفيوهات في الـ HR شوية ماتريال ها تساعدك لو عندك انترفيو بيرسونال https://lnkd.in/dS_A9CbH شوية ماتريال ها تساعدك لو عندك انترفيو Payroll https://lnkd.in/dzaVSwNf شوية ماتريال ها تساعدك لو عندك انترفيو Recruitment https://lnkd.in/d5k3X_YP شوية ماتريال ها تساعدك لو عندك انترفيو OD https://lnkd.in/d4pNVfSz شوية ماتريال ها تساعدك لو عندك انترفيو Com& Ben https://lnkd.in/dyGBE5E9 فايل مهم جدا لو عندك انترفيو Learning & Development https://lnkd.in/dUP2aA9D

لو عندك انترفيو بكرة... اقرا الكلام ده كويس. في ناس بتفتكر إن الانترفيو كله بيعتمد على الخبرة، لكن الحقيقة إن أول انطباع بيبدأ قبل ما تنطق أول كلمة. اهتم إنك تروح بمظهر مرتب، ونظافة شخصية كويسة، ولبس مناسب للمكان اللي رايح له. اتكلم بهدوء، واسمع السؤال كويس قبل ما تجاوب، ومتقاطعش اللي قدامك. خليك واثق، لكن بلاش غرور. ولو في حاجة متعرفهاش، قول بكل بساطة: "معنديش معلومة كافية عنها." دي أفضل ألف مرة من إجابة غلط. اهتم بنظراتك، وطريقة جلوسك، ولغة جسمك، لأن دي كلها بتوصل رسالة عن شخصيتك قبل ما خبرتك تتكلم. وأهم حاجة... متبالغش في خبراتك أو مهاراتك. يمكن تنجح في الانترفيو، لكن الحقيقة ها تظهر أول يوم شغل. افتكر دايما... الانترفيو مش بس بيقيس أنت تعرف تشتغل إيه... لكنه كمان بيقيس أنت ها تكون شخص مناسب لفريق العمل ولا لأ. اهتم بنفسك، وسيب انطباع محترم... لأن أوقات كتير التفاصيل الصغيرة هي اللي بتحسم القرار. ═══════ ✦ ═══════ #انترفيو #المنطقة_الحرة #مقابلة_عمل #ابراهيم_بيومى

HR dears دي ماتريال مهمه هتساعد كل اللي شغالين في ال التأمينات الاجتماعية وشئون العاملين اجراءات فتح ملق تاميني للمنشأة https://lnkd.in/dSwtHg3K اكواد المهن https://lnkd.in/dvtiudyS الاجور https://lnkd.in/dgubab4w https://lnkd.in/dU2tHswK التامين الصحي https://lnkd.in/dU2tHswK التفويض وصحة التوقيع https://lnkd.in/dV7Pfqdy التوكن https://lnkd.in/duz7eRvv المرصد الفني تامينات https://lnkd.in/dtZaEXKV المزايا العينية https://lnkd.in/dYP87S_Z انواع القطاعات التامينية ومدد التامينات https://lnkd.in/dDN6UvCN تعويض البطالة https://lnkd.in/dVNBX7mU تفتيش التامينات https://lnkd.in/dccNFjeW خدمات موقع التامينات https://lnkd.in/di3hj5YN السيارات https://lnkd.in/db3yTuam شرح قانون التامينات الاجتماعية https://lnkd.in/dzz_cdyu شيت الربط التاميني والغرامات https://lnkd.in/dyi46jpe عمالة المقاولات https://lnkd.in/djZ9BRMM عناوين مكاتب التامينات ع مستوي الجمهورية https://lnkd.in/dU4Pmn97 فتاوي واسالة وطلبات https://lnkd.in/dd_54KMM نماذج تامينات اجتماعية وتامين صحي https://lnkd.in/dtx2-xAj

🚨 لو شغلك في مجال الملابس الجاهزة... يبقى لازم تكون معانا! 👕 انضم إلى أكبر جروب متخصص في شركات ومصانع الملابس الجاهزة، المكان اللي بيجمع: 👔 أصحاب المصانع والشركات 👥 مسؤولي التوظيف 💼 الباحثين عن فرص عمل 🧵 العاملين في جميع تخصصات صناعة الملابس الجاهزة داخل الجروب هتستفيد من: ✅ أحدث فرص العمل أول بأول ✅ التواصل المباشر مع الشركات ومسؤولي التوظيف ✅ فرص تعاون وشراكات بين المصانع ✅ تبادل الخبرات وأخبار سوق الملابس الجاهزة ✅ بناء شبكة علاقات مهنية قوية 📲 انضم الآن وابدأ في توسيع فرصك: https://t.me/Alex2030Delta 🔥 كل عضو جديد بيزود قيمة الجروب، وممكن يكون سبب في فرصة شغل أو تعاون أو شريك نجاح. 💙 شارك الجروب مع زملائك وأصحابك في مصانع وشركات الملابس الجاهزة، واعمل لهم Invite دلوقتي. كل مشاركة منك ممكن تفتح باب رزق لحد وتساعد في بناء أكبر مجتمع مهني متخصص في المجال.

Four star's hotel in Alexandria looking for front office Agent and supervisor ( Pervious experience in the same Position) مطلوب للعمل في رسبشن بفندق ٤ نجوم بالإسكندرية موظف استقبال ومشرف استقبال يفضل الخبره في المجال If interested kindly send your CV via WhatsApp Number: 01284339337

أحسن إلى مندوب التوصيل عندما تستلم منه طلبك وقدم إليه: ماء، عصير، لبن، مشروب بارد أو دافئ.. أو أطعمة مغلفة من مصنعها كالتمر وبعض الفطائر.. قال رسول اللهِ صلى الله عليه وسلم: (في كل كبد رطبة أجر)صحيح البخاري. واحتسب أنها صدقة تشكر الله بها على توفر نعمة التوصيل الميسر، ونعمة قدرتك على الحصول على الأشياء التي طلبتها بسهولة.. ضع صندوقا داخل منزلك قريبا من الباب، اترك فيه الأشياء التي ستتصدق بها على المندوب كي تتذكر فعل الخيرات عندما تريد فتح الباب للمندوب في المرات القادمة، وليكن من تلك الأشياء كتيبات دعوية بلغة المندوب فهذا من أعظم الإحسان إليه {وَأَحْسِنُوا إِنَّ اللَّهَ يُحِبُّ الْمُحْسِنِينَ} افعل محاب الله يحبك الله.

في الشغل، مش كل اللي بيتكلم بثقة يبقى هو الشخص المناسب. فيه ناس عندها قدرة كبيرة إنها تسوق لنفسها، تعرف تقول الكلام اللي يخليك تقتنع إنها أفضل اختيار، وتوعد بإنجازات كبيرة قبل ما تبدأ. لكن أول اختبار حقيقي... تكتشف إن الكلام كان أكتر من التنفيذ. علشان كده، قبل ما تسند أي مهمة أو منصب، اسأل عن النتائج قبل الوعود، وعن الإنجازات قبل الانطباعات. الفرص مش كتير، وكل فرصة بتروح للشخص الغلط، ممكن تحرم منها شخص كان ها يحقق فرق حقيقي. الاحترافية مش إنك تعرف تقنع الناس إنك تقدر... الاحترافية إن شغلك هو اللي يقنعهم. في النهاية، الكلام بيفتح الأبواب... لكن النتائج هي اللي بتحافظ عليها. اختار الناس على أساس ما أنجزوه، مش على أساس اللي قالوا إنهم ها يعملوه. ═══════ ✦ ═══════ #انترفيو #المنطقة_الحرة #مقابلة_عمل #ابراهيم_بيومى

اعزائي الـ HR شوية ماتريال ها تساعد كل اللي شغالين في الـ Personnel الملف الشامل لتفاصيل تفاصيل الأجازات بكل انواعها وحسابها وتسجيلها : https://lnkd.in/deCncqaT السجلات والصناديق الخاصة بمكتب العمل : https://lnkd.in/dVD5nWZX اللوائح : * الجزاءات * تشغيل النساء * تشغيل الأطفال https://lnkd.in/dXS_2u7a السياسات : https://lnkd.in/ddgFtd8m كل ما يخص العقود : https://lnkd.in/dJPtqPnt تشغيل الأجانب : https://lnkd.in/dK92QW-e تفتيش مكتب العمل : https://lnkd.in/dKU22eTv حقوق العامل : https://lnkd.in/dNyqV8yv حقوق المتوفي : https://lnkd.in/dEPcNXza حقوق ذوي الهمم والاعاقة: https://lnkd.in/ddTi5Zsi ساعات العمل فى المنشأت الصناعية والغير صناعية : https://lnkd.in/dNUJG5-a شرح برنامج البصمة : https://lnkd.in/dWcENpFU فترة الاختبار : https://lnkd.in/dW4p6W27 مسوغات التعيين : https://lnkd.in/dv2DV3Pi كيفية انشاء قسم شئون العاملين : https://lnkd.in/d_vUBs9w بعض أحكام محكمة النقض : https://lnkd.in/dZp_S47F التحقيقات : https://lnkd.in/dtQmCevn الإستقالة والانقطاع : https://lnkd.in/d5-4NVkB الأجر الأساسي طوارئ : https://lnkd.in/ddkkvikc حالات رفض العامل للمهام : https://lnkd.in/dmMK7Mcy اسئلة شئون العاملين : https://lnkd.in/dS_A9CbH نماذج شئون العاملين : https://lnkd.in/dHd-zSYg

على مدار أكتر من 3 سنين من الزيارات الميدانية لمصانع الملابس الجاهزة، دخلت مصانع فيها أحدث الماكينات والتكنولوجيا، لكن كانت بتعاني من خسائر ومشاكل تشغيل. وفي المقابل، دخلت مصانع بإمكانيات أبسط بكتير، لكنها كانت بتحقق إنتاجية أعلى ونتائج تستحق الاحترام. وقتها فهمت إن الماكينات تقدر تسرع الإنتاج... لكنها مستحيل تصنع النجاح لوحدها. الفرق الحقيقي كان في الإدارة. الإدارة اللي بتعرف تختار الناس الصح، وتبني فريق قوي، وتخطط، وتحل المشاكل، وتطور العاملين، وتستثمر في البشر قبل الحجر. الماكينة ممكن أي شركة تشتريها... لكن الإدارة الناجحة مش بتتباع، دي خبرة، ورؤية، وقرارات صح في الوقت الصح. لو سألتني إيه أهم استثمار لأي مصنع؟ ها اقولك بدون تردد: استثمر في الإدارة... لأنها هي اللي ها تعرف تستفيد من كل الإمكانيات اللي عندك. ═══════ ✦ ═══════ #انترفيو #المنطقة_الحرة #مقابلة_عمل #ابراهيم_بيومى

خليني أوضح نقطة مهمة لكل اللي رايح انترفيو... في ناس كتير أول ما تخلص المقابلة، ولو لقت مسؤول التوظيف محترم، مبتسم، وبيتكلم بذوق، تفتكر إنها كده اتقبلت في الوظيفة. وده اعتقاد مش صحيح. الاحترام، حسن الاستقبال، الابتسامة، والاستماع الجيد... دي أساسيات في أي شركة محترمة، وبتعكس أخلاق الشخص اللي بيعمل معاك المقابلة، مش نتيجة الانترفيو. قرار التعيين بيتبني على عوامل كتير: خبرتك، مهاراتك، مدى توافقك مع متطلبات الوظيفة، واحتياج الشركة... مش على ابتسامة مسؤول التوظيف. وعلى الناحية التانية، اللي بيزعق أو يقلل من المرشح أو يتعامل بتعالي، ده مش دليل احترافية، ده دليل على ضعف في أسلوبه. فا نصيحة لكل مرشح... بعد ما تخلص الانترفيو، ماتستعجلش وتعتبر نفسك اتقبلت. استنى الرد الرسمي من الشركة، وخليك مكمل في التقديم على فرص تانية لحد ما يوصلك عرض عمل مؤكد. الاحترافية إنك تخرج من كل انترفيو متفائل... لكن تفضل واقعي. النجاح مش في انترفيو واحد، النجاح إنك تفضل مستعد لحد ما الفرصة المناسبة تبقى بين إيديك. ═══════ ✦ ═══════ #انترفيو #المنطقة_الحرة #مقابلة_عمل #ابراهيم_بيومى

من أغرب المواقف اللي حصلتلي في الشغل... قاعد بعمل انترفيو مع مرشحة لوظيفة، وكل حاجة ماشية بشكل طبيعي... وفجأة وأنا براجع البيانات اكتشفت إنها زوجة صديق قديم ليا. الصدمة الأكبر إنها قالت لي إنها مطلقة... وصاحبى ده كان زميل شغل معايا سنين، وعارف قد إيه كان بيحب أولاده. في لحظة، لقيت نفسي مش مركز في أسئلة التوظيف قد ما بقيت بفكر: "يا ترى ينفع يكون في فرصة يصلحوا اللي بينهم؟" الموقف خلاني أتحول من مسؤول توظيف لمصلح اجتماعي في ثواني! أكيد الشغل له أصول، والخصوصية لازم تحترم، لكن أوقات الحياة بتحطك في مواقف تخليك تنسى أنت قاعد تعمل إيه أصلا. ═══════ ✦ ═══════ #انترفيو #المنطقة_الحرة #مقابلة_عمل #ابراهيم_بيومى

في مجال اختيار الكفاءات… الكلام سهل لكن الإنجازات هي اللي بتتكلم في ناس أقصى طموحها إنها تبقى منافسة لإبراهيم بيومي في اختيار أفضل المواهب لشركات الملابس الجاهزة في الإسكندرية والبحيرة… ━━━━━━━━━━━━━━━━━━ لكن الفرق إن الموضوع مش مجرد إعلان أو ترشيح أفراد وخلاص الاختيار الصح محتاج خبرة، شبكة علاقات، فهم للسوق، وقدرة تعرف مين يستحق الفرصة ومين لأ ━━━━━━━━━━━━━━━━━━ إبراهيم بيومي النهارده مش شغله واقف على نطاق معين… ده بيبحث عن الكفاءات والخبرات من كل مكان ━━━━━━━━━━━━━━━━━━ علشان كده المقارنة صعبة… لأن فيه فرق بين اللي لسه بيحاول يثبت نفسه، واللي بنى اسم وخبرة ونتائج ━━━━━━━━━━━━━━━━━━ كل واحد له مكانه… فيه لاعبين بتلعب في الملعب المحلي وفيه محترفين هدفهم يكونوا في مستوى عالمي زي محمد صلاح ━━━━━━━━━━━━━━━━━━ النجاح مش بالصوت العالي ولا الفهلوة … النجاح بالنتائج، والوقت هو اللي بيكشف مين فعلا محترف ومين مجرد بيحاول يظهر. ━━━━━━━━━━━━━━━━━━ #صناعة_الملابس #مصانع_ملابس #مجال_النسيج #وظائف_مصانع #المنطقة_الحرة #ملابس_جاهزة #ملابس #المنطقة_الصناعية #ابراهيم_بيومى

في ناس لسه فاكرة إن الشطارة في التوظيف إنك توظف المرشح بأقل راتب ممكن... لكن الحقيقة إن دي من أكبر الأخطاء. لو ميزانية الوظيفة 10,000 جنيه، والمرشح طلب 5,000 جنيه بسبب احتياجه أو لأنه مش عارف قيمته السوقية، فده مش معناه إنك تعرض عليه 6,000 وتعتبر إنك وفرت على الشركة. التوظيف الناجح مش قائم على استغلال احتياج المرشح، لكنه قائم على تقدير قيمة الوظيفة، وخبرة الشخص، وسعر السوق. يمكن الموظف يقبل العرض النهارده، لكن أول ما يعرف قيمته الحقيقية أو يوصله عرض أفضل، هيمشي. وساعتها الشركة هتدفع تكلفة الإعلان، والانترفيوهات، والتعيين، والتدريب من جديد. الراتب العادل مش مجرد ميزة للموظف... ده استثمار في استقرار الشركة وتقليل معدل دوران العاملين. اكسب موظف براتب عادل من أول يوم، أفضل بكتير من إنك تخسره بعد كام شهر وتبدأ رحلة التوظيف من الصفر. ═══════ ✦ ═══════ #صناعة_الملابس #مصانع_ملابس #مجال_النسيج #وظائف_مصانع #المنطقة_الحرة #ملابس_جاهزة #ملابس #المنطقة_الصناعية #ابراهيم_بيومى