عَلَى خُطِّ فَاطِمٍ.
описание
﮼اللَّهُمَّ اجْعَلْ كُلَّ حَيَاتِنَا فِي خِدْمَة صَاحِبِ الزَّمَانِ عَلَيْهِ السَّلًامُ وَ فِي سَبِيلِ رَضاه .
3 711
подписчиков
Охват к подписчикам
4,7%
ERR
Реакции к просмотрам
3,18%
387 на 50 постов
Пересылки к просмотрам
1,54%
187
Постов в день
9,0
всего 78
Где отзываются чаще
доля реакций к просмотрам- 14 авг.يمكن نصيحة منچ تكون سبب بتوبتها، ويمكن حتى ابتسامتچ وحسن تعاملچ يخليها تحب طريق الخير خل نصلح نفسنا، ونساعد بعض، ونمشي سوه بهذا الطريق لأن بالنهاية كلنا راح نوقف بين إيدين الله، وما راح ينفعنا شكد عاشينا بالدنيا، راح ينفعنا شنو سوّينا بهذا العمر قبل لا يخلص فلا تأجلين الخير … يمكن اليوم اللي بيدچ هو آخر فرصة إلچ أنا مجرد إنسانة تحب الخير لغيرها، وخُويدمتكم الصغيرة وأخيتكم، وأتمنى من كل گلبي أشوف كل وحدة من عدنا بأفضل حال وأتمنى أكون وياكم خطوة بخطوة بطريق الخير والهداية #مشروع_الممهدات أختكم نقاء الزهراء8,09%
- 14 авг.بنات … نصيحة من أختكم الصغيرة . بنات، عندي نصيحة من گلب يحب الخير إلكم … تعلموا كلشي، كلشي تعلموا من هسه لا تكولين بعدني صغيرة ولا أمي ما علمتني ولا فلانة ما علمتني محد بينا كامل، ومحد طلع من بطن أمه يعرف كلشي إحنا نتعايش ويا الحياة ونتعلم، يوم بعد يوم، ومن كل موقف تعلمن أمور البيت من هسه تعلمي شلون تتعاملين ويا أهلچ، شلون تصبرين، شلون تتحملين المسؤولية تعلمي الطبخ، التنظيف، العجن، الخَبز، الترتيب، الخياطة، والتدبير… وأمور هواي غيرها شنو بيها إذا البنية تعلمت؟ عيب تعرف تطبخ؟ عيب تعرف تعجن وتخبز؟ بالعكس، هاي مهارات تنفعچ بحياتچ والعتب مو دائمًا عالبنت إذا ما تعرف، لأن أحيانًا الأم هم إلها دور بتعليم بنتها وباجر وراچ زواج وأسرة ومسؤوليات، فإذا من هسه ما تعلمتي، شلون راح تديرين بيت وعائلة؟ مو معناها الزواج هو هدفچ الوحيد، لا … إنما الإنسان لازم يكون گادر يعتمد على نفسه ويعرف يدبر حياته . بس مو بس طبخ وتنظيف! بنات، الموضوع أكبر من هذا كله عدلن تصرفاتچ، أخلاقچ، حياءچ، طريقة حچيچ، تعاملچ ويا الناس كلشي تعلمي تكونين إنسانة طيبة، بس مو ساذجة حنونة، بس تعرفين حدودچ صبورة، بس مو على الشي الغلط وقوية، بس بدون قسوة بعلمچ لا تخلين كل اهتمامچ بالبيت وبس اقري، تثقفي، تعلمي دينچ وأحكامچ، واقري عن أهل البيت عليهم السلام وسيرتهم تعلمي قراءة القرآن بصورة صحيحة، والتجويد، واسمعي محاضرات، واقري كتب تفيدچ لأن الإنسان كلما تعلم أكثر، عرف شكد بعده يحتاج يتعلم بنفسچ تعلمي تعتمدين على نفسچ تعرفين تدبرين أمورچ، وتتصرفين إذا مر بيچ ظرف وما لقيتي أحد يساعدچ مو كل موقف راح تلقين شخص يمچ، فخلي عندچ قدرة تتصرفين وتتحملين المسؤولية بالتعامل ويا الأطفال تعلمي شلون تتعاملين ويا الطفل، شلون تصبرين عليه، شلون تفهمين احتياجاته لأن التربية مو سهلة، والطفل مو بس أكل وشرب وملابس التربية تحتاج وعي، وصبر، ورحمة بشخصيتچ تعلمي تحچين بثقة، تناقشين بهدوء، تحلين المشاكل بدون تهور، وتحطين حدودچ بدون ما تظلمين أحد لا تخافين من التعبير عن رأيچ، ولا تسمحين لأحد يقلل من قيمتچ بالتدبير تعلمي شلون تدبرين المصروف، شلون توفرين، شلون تشترين بعقل، وما تعتمدين على غيرچ بكل صغيرة وجبيرة التدبير مو بس للمتزوجة، التدبير مهارة تحتاجها كل إنسانة بحياتها والعمر شكد يركض! تحسين اليوم بعده طويل، وفجأة خلص مو جنه اليوم 24 ساعة؟ والله مرات أحسها ساعة وتخلص، وينطونا يوم جديد فلا نأجل التوبة، ولا نأجل الصلاة، ولا نأجل إصلاح النفس لأن محد ضامن باچر بنات الدنيا مو مضمونة لا تخلن الدنيا تاخذ أعمارجن وإنتن بعدجن تأجلن إذا حجابچ يحتاج تصحيح، صلحيه. إذا صلاتچ بيها تقصير، راجعيها. إذا طريقچ مو صحيح، غيريه. إذا أكو ذنب متعلقة بيه، جاهدي نفسچ حتى تتركينه ديربالچ على نفسچ مو حتى الناس تمدحچ، إنما حتى من توقفين بين إيدين الله تكونين أحسن مما چنتي تعلمن وطورن نفسجن لا تخلن عمرجن يمر بدون علم تعلمن دينجن، تعلمن قراءة القرآن بصورة صحيحة، اقرن، اسمعن محاضرات، تعلمّن مهارات جديدة، وطورن نفسجن لأن الدنيا بيها هواي أشياء تستحق نتعلمها حتى التلفون ممكن يصير عبادة التلفون مو بس للتسلية استغلن النت بشي ينفعجن محاضرات دينية، تعليم التجويد، قراءة القرآن، دروس، كتب، مهارات، وأي شي يفيدچ بحياتچ بدل ما تضيع ساعات بالتصفح، خلي جزء من وقتچ يرجع إلچ علم ووعي وقربة لله وحدة تساعد الثانية لا تكونين سبب بإحباط غيرچ، كوني سبب بقيامها إذا شفتي وحدة مقصرة، نصحيها بحب. إذا شفتي وحدة ضايعة، خذي بإيدها. إذا شفتي وحدة تريد تتغير، شجعيها. ما نريد وحدة تمشي وحدها. نريد كل وحدة تمد إيدها للثانية، ونصير سند لبعض، ونحب الخير للكل. لأن الكلمة اللي تطلع من الگلب، غالبًا توصل للگلب خل نصير خير النساء خل كل وحدة من عدنا تسأل نفسها شنو الشي اللي لازم أغيره بنفسي؟ شنو الذنب اللي لازم أتركه؟ شنو الشي اللي لازم أتعلمه؟ ومن هي الإنسانة اللي أكدر أساعدها؟ وخل نبدي من اليوم مو باچر، مو من أول الشهر، مو من السنة الجاية … من هسه يمكن العمر أسرع مما نتخيل، بس بعد عدنا فرصة نرجع لله، ونصلح نفسنا، ونكون من خير النساء 🌱 وبالنهاية … خلّونا ما نكون بس نسمع كلام ونكول حلو، مؤثر ونرجع مثل قبل خل كل وحدة تطلع من هالكلام بشي واحد تسويه من اليوم، حتى لو خطوة صغيرة راجعي صلاتچ، راجعي حجابچ، راجعي علاقتچ بالقرآن، راجعي وقتچ وين يروح، وراجعي نفسچ قبل لا تراجعين غيرچ وإذا الله فتح عليچ بطريق خير، لا تحتفظين بيه لنفسچ، خذي بيد وحدة وياچ يمكن كلمة منچ تغير حياة إنسانة،7,83%
- 14 авг.ترككم للاغاني بشهري محرم وصفر مو شي بسيط حتى نعتبره انتهى بانتهاء الشهرين، بالعكس هو دليل واضح على انكم تكدرون تتركونها وتعيشون بدونها يمكن بالبداية تحسون ان الموضوع صعب، ويمكن تتعودون على سماعها، بس انتو فعلا اثبتوا لنفسكم ان تكدرون تسيطرون على نفسكم وتكولون لا للشي اللي ما يرضي الله محرم وصفر انتهوا، بس قضية الامام الحسين ما انتهت ، وطريق اهل البيت عليهم السلام ما ينتهي بانتهاء موسم العزاء اذا چنا نبچي على الحسين ونحضر المجالس ونسمع النعي والقصائد، لازم هذا الشي يترك اثر بينا مو معقولة نطلع من المجلس ودمعتنا بعد بعيوننا، وبعدها اول ما نرجع للبيت نفتح الاغاني وكأن ما صار شي الاحياء الحقيقي مو بس مجلس نحضره، ولا دمعة ننزلها، ولا لطمة نلطمها، الاحياء الحقيقي هو ان نطلع من هذي الايام بشخصية غير. نترك ذنب، نترك عادة غلط، نصلح علاقتنا بالصلاة، نحفظ لسانا، نحفظ عيوننا، ونبتعد عن كل شي نعرف انه ما يرضي الله وانتو بهالشهرين كدرتوا تتركون الاغاني، فليش ترجعون الها هسه؟ شنو تغير؟ الله اللي كنا نراقبه بمحرم هو نفسه الله بعد محرم، والحسين اللي كنا نبچي عليه بمحرم هو نفسه الحسين، وطريق اهل البيت عليهم السلام هو نفسه الطريق لا تخلون الشيطان يقنعكم ان خلاص انتهت ايام الحزن ونرجع مثل قبل لا، خلي محرم وصفر يكونون نقطة تحول بحياتكم خليها الفترة اللي گلتوا بيها انا ما راح ارجع للاغاني بعد، حتى لو اشتقت، حتى لو كل اللي حولي يسمعون، حتى لو گالوا شبيك تغيرت تذكروا ان ترك الاغاني مو خسارة، بالعكس هو راحة للگلب كل مرة تتركون بيها شي لله، انتو تنتصرون على نفسكم ويمكن الناس ما تشوف هالانتصار، بس الله يشوفه ويعرف شكد جاهدت نفسك حتى ما ترجع والاهم من هذا كله، لا تخلو ترك الاغاني بس بفترة معينة لا تقولون بمحرم وصفر ما نسمع، وباقي السنة عادي اذا عرفنا ان الشي ما ينفعنا ولا يقربنا من الله، فليش نرجع اله؟ احنا ننتظر صاحب الزمان عجل الله فرجه، ونقول نريد نكون من انصاره، ونريد نكون من الممهدين لظهوره بس لازم نسأل نفسنا هل احنا فعلا نهيئ نفسنا؟ هل نكدر نترك شي نحبه من اجل الله؟ هل نقدر نخالف نفسنا ونكول لا؟ المنتظر الحقيقي مو بس ينتظر بلسانه، المنتظر يشتغل على نفسه. وكل عادة غلط نتركها، وكل معصية نبتعد عنها، وكل خطوة نقرب بيها من الله، هي خطوة باتجاه النصرة فلا ترجعون للاغاني بعد اليوم، وخلوها صفحة وانطوت اذا مر يوم واشتقتوا الها، تذكروا شكد تعبتم حتى تتركوها، وتذكروا انكم قدرتوا عليها قبل، وتقدرون عليها هسه. بدلوها بشي ينفعكم، قرآن، دعاء، محاضرة، نعي، قصيدة اهل البيت، او حتى الهدوء. مو لازم كل وقت نملأ اذاننا بشي، مرات القلب يحتاج هدوء حتى يسمع نفسه ويراجعها محرم وصفر خلصوا، بس التغيير لا يخلص المجلس انتهى، بس الرسالة تبقى. الدمعة جفت، بس اثرها لازم يبقى. والعهد اللي بينا وبين الله لازم ما ينتهي بانتهاء موسم العزاء فخلونا من اليوم نكولها بصدگ انا تركت الاغاني لله، وما راح ارجعلها. مو شهر، مو شهرين، وانما اخليها قرار بحياتي يمكن ما نكون كاملين، ويمكن نغلط باشياء ثانية، بس خلونا على الاقل ما نرجع للشي اللي قدرنا نتركه لله7,44%
- 14 авг.السلام عليكم ورحمة الله6,82%
- 14 авг.عَجبًا!6,71%
- 14 авг.فِدوَه لِعِيونَك ترُوح عِيونِي 💛 .5,84%
- 14 авг.اللهم اجعل محرم وصفر بداية تغيير حقيقي بحياتنا، وثبت گلوبنا على طاعتك، ولا تجعلنا ممن يحضرون مجالس اهل البيت ويبكون عليهم ثم يرجعون لمعصيتهم كما كانوا، واجعلنا من الصادقين في محبتهم، ومن السائرين على نهجهم، ومن الممهدين الحقيقيين لظهور مولانا صاحب العصر والزمان عجل الله فرجه الشريف أختكم وخادمتكم الصغيرة نقاء الزهراء5,73%
- 13 авг.اللهُمَّ بِطُهْرِ دُعاءِ كُمَيْل بِلَيْلَةِ الجُمْعة بِغَيْبةِ إمامِنا بِفاطِمَة بِفاطِمَة بِفاطِمَة ..5,60%
- 14 авг.أعتذر ع الأطالة . مؤقت هذا ، الي طلبوا بالبرايفت علمودهم .5,13%
- 13 авг.ياسريعَ الرضا5,11%
- 14 авг.السلام عليكم ورحمة الله .4,65%
- 13 авг.أشتَاقُ إلَيكَ بِصمَت .. فَهَل يصِلُكَ حَدِيثِي؟!4,57%